བོད་མི་ཞིག་ནས་ཨོ་སི་ཊོ་ལི་ཡའི་ནང་ཨ་མ་ལགས་ཞེས་པའི་ཞབས་ཞུ་ཁང་ཆེད་འཛུགས།

ཨོ་སི་ཊོ་ལི་ཡའི་རྒྱལ་ས་ Canberra ནང་གནས་སྡོད་བོད་མི་ན་གཞོན་གཞན་ཕན་ལགས་ཀྱིས་ཁུལ་དེའི་ལོ་ན་བགྲེས་པ་རྣམས་ལ་ལྟ་རྟོག་ཞུ་སླད་ Home-care service Amala འམ་ཨ་མ་ལགས་ཞེས་པའི་ཞབས་ཞུ་ཁང་ཞིག་ཆེད་འཛུགས་གནང་འདུག ཉེ་ཆར་ཕྱི་ཚེས་ ༢༥ ཉིན་ Canberra times གསར་ཁང་གིས་དྲ་གནས་ཐོག་གནས་ཚུལ་སྤེལ་བར་གཞིགས་ན།  གཞན་ཕན་ལགས་ཀྱིས་ཁོང་ནས་དེ་སྔ་སྤྱི་ཚོགས་དྲ་ལམ་ཐོག་རྒས་གསོ་ཁང་གཅིག་གི་ནང་ལས་མི་རྣམས་ཀྱིས་རྒན་ཁོགས་རྣམས་ལ་གདུག་རྩུབ་དང་མི་རུང་བའི་བྱ་སྤྱོད་བྱས་པ་མང་དག་ཞིག་མཐོང་སྟབས། རང་ཉིད་ནས་དེ་འབྲེལ་དཀའ་ངལ་མི་ཡོང་བར་འབད་དགོས་པའི་དགོངས་པ་འཁོར་དོན་ལྟར་ཨ་མ་ལགས་ཞེས་པའི་ཞབས་ཞུ་ཁང་དེ་ཆེད་འཛུགས་གནང་རྒྱུར་སེམས་འགུལ་ཐེབས་སྐོར་གསུངས་འདུག ཁོང་གིས་དྲ་ལམ་ཐོག་ཡིད་སྐྱོའི་གནད་དོན་ཁག་གཅིག་མཐོང་ཚེ་བློ་ཕམ་བྱུང་བ་དང། སྤྱིར་བོད་པའི་རིག་གཞུང་ལས་ལོ་ན་བགྲེས་པ་རྣམས་ལ་གུས་བརྩི་དགོས་པ་བཤད་སྲོལ་ཡོད་པ་བཞིན། རྒན་བགྲེས་ལ་ཞབས་ཕྱི་ཞུ་སླད་གཞན་དང་མི་འདྲ་བའི་ བོད་མིར་ཐུན་མིན་ཁྱད་ཆོས་ཡོད་པ་དེས་སྤྱི་ཚོགས་ནང་ཁྱད་པར་བཟོ་ཐུབ་ངེས་ཡིན་པ་གསུངས་འདུགགཞན་ཕན་ལགས་ཀྱིས་ནང་པའི་གཞུང་ནང་འགྲོ་བ་རིགས་དྲུག་སེམས་ཅན་ཐམས་ཅད་རང་ཉིད་ཀྱི་ཨ་མ་གནང་མྱོང་མེད་པ་མེད་སྐོར་གསུངས་ཡོད་སྟབས། ཚོགས་པའི་མིང་ལ་ཨ་མ་ལགས་ཞེས་བཏགས་པ་དང། ཚོགས་པས་བོད་པའི་གཤིས་རྒྱུད་བཟང་པོ་དེ་ Canberra ནང་འཁྱེར་ཐབས་བྱ་རྒྱུ་ཡིན་པ་གསུངས་ཡོད།ཨ་མ་ལགས་ཞབས་ཞུ་ཁང་དེ་ཟླ་བ་སྔོན་མའི་ནང་ཆེད་འཛུགས་གནང་མ་ཐག་པ་ཞིག་ཡིན་ཀྱང་། Canberra ས་གནས་མི་མང་ནས་ཚོགས་པ་དེར་འབྲེལ་བ་གནང་མཁན་མང་དག་ཞིག་ཡོང་བཞིན་ཡོད་པ་དང། ཚོགས་པའི་ངོས་ནས་ད་ལྟའི་འཆར་ས་གནས་རྒན་ཁོགས་སྒེར་པ་ཁག་གཅིག་ལ་རང་སོ་སོའི་ཁྱིམ་དུ་ལྟ་རྟོག་གི་མཐུན་རྐྱེན་སྦྱོར་བཞིན་ཡོད་པ་ལྟར།...