བླ་བྲང་བསང་ཆུ་རྫོང་ཁུལ་གྱི་རྩྭ་ཐང་རྒྱ་ཁྱོན་མུའུ་ཁྲི་ ༡༥༥ སྟེང་ཕྱུགས་འཚོ་མི་ཆོག་པའི་བཙན་བཀའ་བཏང་བ།

རྒྱ་ནག་གཞུང་གིས་དབྱེ་བའི་ཀན་སུའུ་ཞིང་ཆེན་བསང་ཆུ་རྫོང་སྲིད་གཞུང་གིས་ཁུལ་དེའི་རྩྭ་ཐང་རྒྱ་མུའུ་ཁྲིད་ ༡༥༥ སྟེང་འབྲོག་པ་ཚོས་སེམས་ཅན་འཚོ་མི་ཆོག་པའི་བཙན་བཀའ་བཏང་འདུག ཉེ་ཆར་ཟླ་ ༡༡ ཚེས་ ༡༨ ཉིན་རྒྱ་ནག་གཞུང་འབྲེལ་མི་དམངས་དྲ་བའི་ཐོག་བསང་ཆུ་རྫོང་གི་རྫོང་དཔོན་དབྱང་ཧའེ་ཆང་ཞེས་པའི་མིང་ཐོག་ནས་བཀོད་ཁྱབ་སྤེལ་བའི་ནང་ལྗོང་ཡོངས་སུ་ཕྱུགས་འཚོ་མི་ཆོག་པའི་རྩྭ་ཐང་གི་རྒྱ་ཁྱོན་མུའུ་ཁྲི་ ༡༥༥ ཟིན་ཡོད་པ་དང་། དེའི་ནང་བླ་བྲང་གྲོང་རྡལ་གྱི་ཕྱུགས་འཚོ་མི་ཆོག་པའི་རྒྱ་ཁྱོན་མུའུ་ཁྲི་ ༣ དང་། མདའ་མེད་ཤང་གི་མུའུ་ཁྲི་ ༢་༨ བང་གུར་ཐང་གྲོང་རྡལ་གྱི་མུའུ་ཁྲི་ ༤་༤  མར་ཐང་གྲོང་རྡལ་གྱི་མུའུ་ཁྲི་ ༥ ཆུ་སྔོན་གྲོང་བརྡལ་གྱི་མུའུ་ཁྲི་ ༤་༦ ཐང་དཀར་ནང་གྲོང་བརྡལ་གྱི་མུའུ་ཁྲི་ ༤་༢ ཙ་ཡུས་གྲོང་བརྡལ་གྱི་མུའུ་ཁྲི་ ༦་༥...