བླ་རུང་ལྔ་རིག་ནང་བསྟན་སློབ་གླིང་ནས་སླར་གྲྭ་བཙུན་བརྒྱ་ཕྲག་ཁ་ཤས་ཕྱིར་ཕུད་བཏང་པ།

ཟླ་བ་འདིའི་ཚེས་ ༢༤ དང་། ༢༨ བཅས་ཁག་སོ་སོར་རྒྱ་གཞུང་གི་དྲག་ཆས་ཉེན་རྟོག་མི་སྣས་བོད་གསེར་རྟ་བླ་རུང་ཆོས་སྒས་ནས་གྲྭ་བཙུན་བརྒྱ་ཕྲག་ཁ་ཤས་ཤིག་བཙན་དབང་གིས་ཕྱིར་ཕུད་བཏང་པ་མ་ཟད། ཁོང་རྣམ་པའི་གྲྭ་ཤག་ཀྱང་མུ་མཐུད་གཏོར་བཤིག་གཏོང་བཞིན་ཡོད་པ་རེད། དེའང་ཟླ་ ༡༢ ཚེས་ ༢༤ ཉིན་ཕྱི་དྲོ་ཚོུད་ ༤།༠༠ ཡོལ་ཙམ་ལ་རྒྱ་གཞུང་གིས་བོད་རང་སྐྱོང་ལྗོངས་ཀྱི་ཁུལ་ནས་ཡིན་པའི་གྲྭ་བཙུན་ ༢༠༠ ལྷག་བཙན་དབང་གིས་ཕྱིར་ཕུད་བྱས་པ་མ་ཟད། ཚེས་ ༢༨ ཉིན་སླར་ཡང་ཡུལ་ཤུལ་རྫ་སྟོད་དང་རྨ་སྟོད། དར་ལག་བཅས་ནས་ཡིན་པའིབཙུན་མ་བརྒྱ་ཕྲག་ཁ་ཤས་ཀྱང་ཕྱིར་ཕུད་བཏང་འདུག གཞི་རྩའི་ཟླ་བ་འདིའི་ཕྱི་ཚེས་ ༢༤ ཉིན་རྒྱ་གཞུང་གིས་བོད་རང་སྐྱོང་ལྗོངས་ནས་ཡིན་པའི་གྲྭ་པ་བརྒྱ་ཕྲག་ཁ་ཤས་ཕྱིར་ཕུད་བཏང་ཡོད་པ་དང་འདི་བཞིན་ཚེས་ ༢༨ ཉིན་བཙུན་པ་བརྒྱ་ཕྲག་ཞིག་མི་འདོད་བཞིན་དུ་དགོན་པ་ནས་ཕྱིར་ཕུད་བཏང་ཡོད་པ་མ་ཟད། ཁོང་རྣམས་མི་འདོད་བཞིན་དུ་གསེར་རྟ་བླ་རུང་ཆོས་སྒར་ནས་ཁ་བྲལ་དགོས་བྱུང་ཡོད་ཅིང་། དགོན་པ་དང་ཁ་བྲལ་མ་ཐུབ་པའི་ངུ་འབོད་དང་དྲན་པ་རྒྱལ་བའི་གནས་ཚུལ་ཡང་ཐོན་ཡོད་པ་རེད།...