མེ་སོར་མཐོ་སློབ་ནས་བོད་པའི་བེུད་ཅིག་ལ་གསེར་གྱི་རྟགས་མ་ཐོབ་འདུག

རྒྱ་གར་ལྷོ་ཕྱོགས་མེ་སོར་གྲོང་ཁྱེར་གྱི་མཐོ་སློབ་ St. Philomena ནས་བོད་པའི་བུད་མེད་གཉིས་ཡིག་རྒྱུགས་རྩེ་ཕུད་སོན་པར་མཐོ་སློབ་ཀྱི་གསེར་གྱི་རྟགས་ཕུལ་ཐོབ་འདུགཟླ་འདིའི་ཕྱི་ཚེས ༢༧ ཉིན་མཐོ་སློབ་ཀྱི་བསླབ་པ་མཐར་སོན་སྐབས་ ༨ པ་ཚོགས་སྐབས་ཚོང་རིག་ཐོག་གཙུག་ལག་རབ་འབྱམས་པ་ཐོན་མཁན་བོད་རིགས་བུ་མོ་བརྩོན་འགྲུས་བཟང་མོ་ལགས་ལ་བརྒྱ་ཆ་ ༩༡ ཐོབ་པ་དང་དབྱིན་ཡིག་ཆེད་སྦྱོང་གི་གཙུག་ལག་རབ་འབྱམས་པ་ཐོན་མཁན་བདེ་སྐྱིད་བཟང་མོ་ལགས་ཀྱིས་བརྒྱ་ཆ་ ༨༨ ཐོབ་པར་བརྟེན་ཁོང་རྣམ་གཉིས་ཀྱིས་གཙུག་ལག་རབ་འབྱམས་པའི་ལོ་འཁོར་མོའི་གྲུབ་འབྲས་རྩེ་ཕུད་སོན་སྟབས་མཐོ་སློབ་ཀྱིས་གསེར་གྱི་རྟགས་མ་གནང་འདུག གསར་འགོད་པས་བརྩོན་འགུས་བཟང་མོ་ལགས་སུ་ཡིག་རྒྱུགས་རྩེ་ཕུད་སོན་པར་བརྟེན་མཐོ་སློབ་ཀྱི་ངོས་ནས་གསེར་གྱི་རྟགས་མ་གནང་བ་དང་འབྲེལ་ཏེ་བཅར་འདྲི་ཞུས་པར་ཁོང་གིས་ཐེངས་འདིའི་ཡིག་རྒྱུགས་གྲུབ་འབྲས་ལེགས་སོན་བྱུང་བར་དཀའ་སྤོབས་ཆེན་པོ་བྱུང་ཞེས་གསུངས་སོང་བ་དང་དེ་བཞིན་བདེ་སྐྱིད་བཟང་མོ་ལགས་ཀྱིས་ཀྱང་སེམས་ལ་དགའ་ཚོར་ཆེན་པོ་བྱུང་ཞེས་གསུངས་པ་དང་ཆབས་ཅིག་སླད་མར་དགེ་རྒན་འོས་སྦྱོང་གནང་བློ་ཡོད་སྐོར་གསུངས་ཡོད།གཞི་རྩའི་བདེ་སྐྱིད་བཟང་མོ་ལགས་ནི། རྒྱ་གར་ལྷོ་ཕྱོགས་བོད་མིའི་གཞིས་ཆགས་མོན་གྷོ་ནས་ཡིན་པ་དང་གཞི་རིམ་འོག་མའི་སློབ་སྦྱོང་མོན་གྷོ་སཾ་བྷོ་ཊ་ནས་གནང་འདུག དེ་རྗེས་རྒྱལ་ས་ལྡི་ལིར་རྟེན་གཞི་བྱས་པའི་བུད་མེད་ཀྱི་མཐོ་སློབ་ Indraprastha ནང་ཉེ་བའི་གཙུག་ལག་རབ་འབྱམས་པའི་སློབ་གཉེར་གནང་འདུགབརྩོན་འགྲུས་བཟང་མོ་ལགས་ནི། ལ་དྭགས་དུ་འཚར་ལོངས་བྱུང་བ་དང་གཞི་རིམ་འོག་མའི་སློབ་སྦྱོང་དེ་ལ་དྭགས་དང་དྷ་སྟེང་བོད་ཁྱིམ་དུ་གནང་འདུག ཏཱ་ལའི་བླ་མ་མཐོ་རིམ་སློབ་གཉེར་ཁང་ནས་ཉེ་བའི་གཙུག་ལག་རབ་འབྱམས་པའི་སློབ་གཉེར་གནང་ཡོད་པ་དང་།  St. Philomena སློབ་གཉེར་ཁང་ནས་གཙུག་ལག་རབ་འབྱམས་པའི་སློབ་མཐར་སོན་ཡོད། ཏེ། ད་ལྟ་ཁོང་སྨན་རྩིས་ཁང་དུ་རྩིས་པའི་ཕྱག་ལས་གནང་བཞིན་པ་རེད།

རྒྱ་གར་ལྷོ་ཕྱོགས་ཀར་ན་ཊ་ཀ་མངའ་སྡེའི་མེ་སོར་གྲོང་ཁྱེར་ནང་རྟེན་གཞི་བྱས་པའི་ University of Mysore  མཐོ་རིམ་སློབ་གཉེར་ཁང་གི་སློབ་མ་བདེ་སྐྱིད་དཔལ་མོ་ལགས་ལ་ Late MUDDUMADAPPA Gold medal ཞེས་པའི་གསེར་གྱི་རྟགས་མ་ཞིག་ཐོབ་འདུགབདེ་སྐྱིད་དཔལ་མོ་ལགས་ཀྱིས་ཉེ་བའི་གཙུག་ལག་རབ་འབྱམས་པའི་སློབ་གཉེར་དེ་སྦེང་ལོར་ཏཱ་ལའི་བླ་མའི་མཐོ་སློབ་ཏུ་གནང་ཡོད་པ་དང་། ཁོ་མོས་མཐོ་སློབ་དེའི་ནང་ལོ་ལྟར་ཡིག་རྒྱུགས་ཁྲོད་ཨང་རིམ་རྩེ་ཕུད་སོན་གྱི་ཡོད་པ་མ་ཟད། གཙུག་ལག་རབ་འབྱམས་པའི་སློབ་སྦྱོང་དེ་མེ་སོར་གཙུག་ལག་སློབ་གཉེར་ཁང་ནས་གནང་སྟེ་སླར་ཨང་རིམ་རྩེ་ཕུད་སོན་པ་ལྟར་མཐོ་སློབ་ཀྱི་བསླབ་པ་མཐར་སོན་གྱི་དགའ་སྟོན་དང་བསྟུན་སློབ་གཉེར་ཁང་གིས་ཁོང་ལ་  Late MUDDUMADAPPA Gold medal ཞེས་པའི་གསེར་གྱི་རྟགས་མ་ཞིག་གནང་ཡོད་པ་རེད། འོན་ཏང་ཏོག་དབྱིབས་གཉན་རིམས་ཁྱབ་གདལ་གྱི་གནས་སྟངས་འོག་ཁོང་དངོས་སུ་མཐོ་སློབ་ལ་བཅར་ཐུབ་མེད་པ་རེད།གསར་འགོད་པས་བདེ་སྐྱིད་དཔལ་མོ་ལགས་སུ་ཞལ་པར་བརྒྱུད་བཅར་འདྲི་ཁག་ཅིག་ཞུས་སྐབས་ཁོང་གིས་མཐོ་སློབ་དེའི་སློབ་ཚན་  Public Administration ཞེས་པའི་ཁོངས་ནས་བོད་པའི་སློབ་ཕྲུག་ལ་གསེར་གྱི་རྟགས་མ་ཐོབ་པ་འདི་ཆེས་ཐོག་མ་ཆགས་ཀྱི་ཡོད་སྟབས་དགའ་སྤོབས་ཆེན་པོ་བྱུང་བ་དང་སླད་མར་སློབ་སྦྱོང་ལ་འབད་བརྩོན་མུ་མཐུད་དེ་གནང་རྒྱུའི་དགོངས་པ་ཡོད་སྐོར་གསུངས་ཡོད།གཞི་རྩའི་དཔལ་མོ་ལགས་བོད་ནས་རྒྱ་གར་ལ་བཙན་བྱོལ་དུ་ཡོང་བ་ལྟར་སུ་ཇཱ་བོད་ཁྱིམ་སློབ་གྲྭར་སློབ་སྦྱོང་གནང་བ་དང་། དེ་རྗེས་ཏཱ་ལའི་བླ་མའི་མཐོ་སློབ་ཏུ་ཉེ་བའི་གཙུག་ལག་རབ་འབྱམས་པ་དང་མེ་སོར་སློབ་གཉེར་ཁང་དུ་གཙུག་ལག་རབ་འབྱམས་པའི་སློབ་སྦྱོང་གནང་ཡོད་པ་རེད།