འགུལ་རིས་བརྙན་ཐུང་བརྒྱུད་ནས་ ༢༠༢༢ ལོའི་པི་ཅིང་གི་དགུན་དུས་ཨོ་རྩེད་འགྲན་སྡུར་ལ་སྐྱོན་བརྗོད།

རྒྱ་ནག་ནང་གི་གྲོང་ཁྱེར་ཁྲིན་ཏུའུ་དང་ཁྲོང་ཆེན་གཉིས་ཀྱི་ནང་དུ་ཕྱི་ལོ་ ༢༠༣༢ ལོའི་རྒྱལ་སྤྱིའི་ཨོ་རྩེད་འགྲན་ཚོགས་དང་དང་དབང་བོ་སྐྱོན་ཅན་གྱི་རྩེད་འགྲན་གཉིས་འཚོགས་འཆར་གྱི་གནད་དོན་ཕྱི་ལ་ཐོན་མ་ཐག་རྒྱལ་སྤྱིའི་འགྲོ་བ་མིའི་ཐོབ་ཐང་ལྟ་ཞིབ་ཁང་གིས་དགག་གཞག་གནང་སྟེ་རྒྱ་ནག་ནག་གི་འགྲོ་བ་མིའི་ཐོབ་ཐང་གི་གནས་བབ་ཡར་རྒྱས་མ་བཏང་བར་དུ་རྒྱ་ནག་ཏུ་རྩེད་འགྲན་དེ་འཚོགས་རྒྱུའི་གོ་སྐབས་སྤྲོད་རྒྱུ་མེད་པར་སྐྱོན་བརྗོད་གནང་འདུག

ཕྱི་ལོ་ ༢༠༢༢ ལོའི་དགུན་དུས་ཨོ་ལིམ་པིཀ་རྩེད་འགྲན་དེ་རྒྱ་ནག་གི་རྒྱལ་ས་པེ་ཅིང་ནང་འཚོགས་རྒྱུ་ཡིན་པ་དང་སྦྲགས། ཨ་རི་གྲོས་ཚོགས་གོང་མའི་འཐུས་མི་སྐུ་ཞབས་ Rick Scott ལགས་ཀྱིས་རྒྱལ་སྤྱིའི་ཨོ་རྩེད་ལྷན་ཚོགས་ནས་རྒྱ་གཞུང་གིས་ཁུལ་དེའི་དབང་སྒྱུར་འོག་ཡོད་པའི་མི་རིགས་ཀྱི་གཞི་རྩའི་འགྲོ་བ་མིའི་ཐོབ་ཐང་རྡོག་རོལ་གཏོང་བའི་གནད་དོན་ལ་རྩིས་མེད་བཏང་བར་སྐྱོན་བརྗོད་ཤུགས་ཆེ་གནང་འདུག ཨ་མི་རི་ཀའི་གྲོང་ཁྱེར་ནིའུ་ཡོག་ནང་རྟེན་གཞི་བྱས་པའི་ The Epoch Times གསར་ཁང་གིས་ཁ་སང་ཕྱི་ཚེས་ ༥ ཉིན་འདོན་སྤེལ་གནང་བའི་གནས་ཚུལ་ལ་གཞིགས་ན། ཉེ་ལམ་སྐུ་ཞབས་ Rick Scott ལགས་ཀྱིས་ཨོ་རྩེད་ལྷན་ཚོགས་ཀྱི་གཙོ་འཛིན་སྐུ་ཞབས་ Thomas Bach ལགས་ལ་ཕྱག་ཡིག་ཅིག་ཕུལ་ཡོད་ཀྱང་། སྐུ་ཞབས་ Thomas ལགས་ཀྱིས་པེ་ཅིང་ནང་ཨོ་རྩེད་འཚོགས་རྒྱུའི་ཐག་གཅོད་དེར་བསྒྱུར་བ་གཏང་རྒྱུ་མིན་ལུགས་ཀྱི་ལན་འདེབས་དེར་སྐུ་ཞབས་ Rick...

UNPO ཞེས་རྒྱལ་ཚོགས་སུ་སྐུ་ཚབ་མེད་པའི་རྒྱལ་ཁབ་དང་མི་མང་གི་ཚོགས་པའི་ཚོགས་མི་འཛམ་གླིང་ཡུ་གུར་ལྷན་ཚོགས་ཀྱིས་རྒྱ་ནག་ཏུ་འཚོགས་ལ་ཉེ་བའི་ ༢༠༢༢ ལོའི་རྒྱལ་སྤྱིའི་དགུན་དུས་ཨོ་རྩེད་འགྲན་བསྡུར་དང་བསྟུན་རྒྱ་ནག་གཞུང་གིས་ཡུ་གུར་མི་མང་གི་འགྲོ་བ་མིའི་ཐོབ་ཐང་ལ་གུས་བརྩི་དགོས་པ་དང་ཡང་ན་ཕྱི་ལོ་ ༢༠༢༢ ལོའི་རྒྱལ་སྤྱིའི་དགུན་དུས་ཨོ་རྩེད་གཙོ་གཉེར་གྱི་བདག་དབང་བཞག་དགོས་པའི་དྲྭ་ཐོག་ཞུ་གཏུག་གི་ལས་འགུལ་ཞིག་དབུ་འཛུགས་གནང་བ་དང་འབྲེལ། རྒྱལ་སྤྱིའི་ཨོ་རྩེད་ལྷན་ཚོགས་ཀྱི་ངོས་ནས་ཨོ་རྩེད་གཙོ་གཉེར་བྱེད་མཁན་རྒྱལ་ཁབ་གང་རུང་དེས་ཨོ་རྩེད་གྱི་བཅའ་ཁྲིམས་སྒྲིག་དོན་ཁས་ལེན་དང་སྒྲིག་གཞིའི་འབྲུ་དོན་དག་དང་མཐུན་པའི་ཐོག་ནས་གནང་མིན་འགན་དབང་འཐུང་ཚང་བཞེས་དགོས་གལ་ཡིན་པའི་ཞུ་སྐུལ་གནང་འདུག འཛམ་གླིང་གི་ལས་འགུལ་བ་ཚོས་མཉམ་འབྲེལ་གྱིས་སྤེལ་བའི་ #Norightsnogames2022 ཞེས་པའི་དྲྭ་ཐོག་ཞུ་གཏུག་གི་ལས་འགུལ་དེ་བརྒྱུད་རྒྱ་གཞུང་གི་ངོས་ནས་ཡུ་གུར་མང་ཚོགས་དང་ཊར་ཀིའི་ཁ་ཆེ་གྲངས་ཉུང་མི་རིགས་ས་ཡ་གཅིག་བརྒལ་བ་ཡུ་གུར་ས་གནས་སུ་བཀག་བསྐྱིལ་བྱས་པའི་ལས་དོན་འཕྲལ་མར་མཚམས་འཇོག་གིས་བཀག་བསྐྱིལ་ཁང་སྒོ་བརྒྱབ་དགོས་པ་དང་། ཡུ་གུར་མང་ཚོགས་ཀྱི་ཐོབ་ཐང་ལ་གུས་བརྩི་ཞུ་དགོས་པའི་ཞུ་སྐུལ་གནང་བ་མ་ཟད། གལ་ཏེ་རྒྱ་གཞུང་གིས་རྒྱལ་སྤྱིའི་རྩ་ཁྲིམས་དང་ཡོངས་སུ་འགལ་བའི་ལས་དོན་དེ་མཚམས་འཇོག་མ་བྱེད་ཚེ་རྒྱ་ནག་ལ་ཕྱི་ལོ་ ༢༠༢༢ ལོའི་དགུན་དུས་ཨོ་རྩེད་གོ་སྒྲིག་ཞུ་རྒྱུའི་འོས་འགན་ཚང་མེད་པར་སྐྱོན་བརྗོད་གནང་འདུག ལྷག་པར་དུ་རྒྱལ་སྤྱིའི་ཨོ་རྩེད་ལྷན་ཚོགས་ཀྱི་གཞི་རྩའི་བཅའ་ཁྲིམས་ཀྱི་དོན་གནད་ཆེ་ཤོས་གཅིག་ནི་སྤྱི་ཚོགས་སུ་ཞི་བདེ་བག་ཕེབས་ཀྱི་ཁོར་ཡུག་བསྐྲུན་པ་བརྒྱུད་ནས་འགྲོ་བ་མིའི་གཞི་རྩའི་རིན་ཐང་གོང་འཕེལ་གནང་རྒྱུ་ཞེས་བཀོད་ཡོད་ཀྱང་། རྒྱ་ནག་གཞུང་གིས་རྒྱལ་ནང་དུ་ཡུ་གུར་གྲངས་ཉུང་མི་རིགས་ཀྱི་འགྲོ་བ་མིའི་ཐོབ་ཐང་ལ་རྩིས་མེད་རྡོག་རོལ་གཏོང་བཞིན་པ་དེས་རྒྱལ་སྤྱིའི་ཨོ་རྩེད་ལྷན་ཚོགས་ཀྱི་བཅའ་ཁྲིམས་དང་དངོས་འགལ་གྱུར་ཡོད་པ་གསུངས་འདུག དེ་བཞིན་རྒྱལ་སྤྱིའི་ཨོ་རྩེད་གོ་སྒྲིག་གི་གཙོ་གཉེར་བྱེད་པར་ཉེར་བ་མཁོ་བའི་ཆ་རྐྱེན་གཙོ་བོ་ནི་རྒྱལ་ཁབ་གང་ཡིན་ལ་ལྟོས་མེད་དེ་དག་གི་ཆབ་འབངས་ཡིན་ནོ་ཅོག་གི་གཞི་རྩའི་འགྲོ་བ་མིའི་ཐོབ་ཐང་ལ་སྲུང་སྐྱོབ་ཀྱི་ལས་འགན་འཐུས་ཚང་བསྒྲུབ་དགོས་པ་དང་། གལ་ཏེ་རྒྱལ་ཁབ་གང་རུང་དེས་རྒྱ་ནག་ལྟ་བུར་འགྲོ་བ་མིའི་ཐོབ་ཐང་གདལ་བཤིག་དང་རྩིས་མེད་རྡོག་རོལ་གཏང་མཁན་ཞིག་ཡིན་ཚེ་དེར་ཨོ་རྩེད་གཙོ་གཉེར་གྱི་འོས་བབ་མེད་སྐོར་གསུངས་འདུག འཛམ་གླིང་ཡུ་གུར་ལྷན་ཚོགས་ཀྱིས་ད་དུང་ཕྱི་ལོ་ ༢༠༢༢ ལོའི་ཨོ་རྩེད་འགྲན་བསྡུར་འཚོགས་ལ་ཉེ་བའི་ཉིན་གྲངས་ ༩༠༠ ཙམ་ཡོད་པའི་དུས་འདིར་གདམ་ག་གཉིས་དེ་མུར་ལྷག་ཡོད་པ་དང་། དེའང་རྒྱ་ནག་གཞུང་གིས་ཡུ་གུར་གྲངས་ཉུང་མི་རིགས་ཀྱི་འགྲོ་བ་མིའི་ཐོབ་ཐང་ལ་གུས་བརྩི་དང་བཀག་བསྐྱིལ་ཁང་ཕྱིར་བསྡུ་བྱེད་རྒྱུ་དང་། ཡང་ན་རྒྱལ་སྤྱིའི་ཨོ་རྩེད་ལྷན་ཚོགས་ཀྱིས་དེ་གའི་གཞི་རྩའི་བཅའ་ཁྲིམས་ཀྱི་སྒྲིག་དོན་ལྟར་རྒྱ་ནག་གཞུང་ནས་ཨོ་རྩེད་གཙོ་གཉེར་གྱི་བདག་དབང་འཕྲོག་དགོས་པ་དེ་རེད་ཅེས་གསུངས་འདུག ལྷག་པར་དུ་རྒྱལ་ཚོགས་སུ་སྐུ་ཚབ་མེད་པའི་རྒྱལ་ཁབ་དང་མི་མང་གི་ཚོགས་པའི་ངོས་ནས་ཀྱང་ད་ཐེངས་ཀྱི་ལས་འགུལ་ལ་རྒྱབ་སྐྱོར་དང་སྦྲགས། རྒྱ་ནག་གཞུང་ལ་བཀག་བསྐྱིལ་ཁང་དེ་དག་སྒོ་བརྒྱབ་ཏེ་ཡུ་གུར་མང་ཚོགས་ལ་དྲག་གནོན་མཚམས་འཇོག་དགོས་པ་དང་། རྒྱལ་སྤྱིའི་ཨོ་རྩེད་ལྷན་ཚོགས་ཀྱིས་འགྲོ་བ་མིའི་ཐོབ་ཐང་གོང་འཕེལ་དང་འབྲེལ་བའི་བཅའ་ཁྲིམས་ཀྱི་འབྲུ་དོན་དག་ལ་བརྩི་བཀུར་ཞུ་དགོས་གལ་ཡིན་པ་མངོན་གསལ་གནང་བ་དང་ཆབས་ཅིག རྒྱ་ནག་གིས་...

རྒྱལ་སྤྱིའི་བོད་དོན་འབྲེལ་མཐུད་ལས་ཁང་ནས་བོད་ནང་གི་འགྲོ་བ་མིའི་ཐོབ་ཐང་གི་དངོས་ཡོད་གནས་སྟངས་མཚོན་པའི་འགུལ་རིས་བརྙན་ཐུང་བརྒྱུད་རིང་མིན་རྒྱ་ནག་ཏུ་འཚོགས་རྒྱུའི་ ༢༠༢༢ ལོའི་རྒྱལ་སྤྱིའི་དགུན་དུས་ཨོ་རྩེད་འགྲན་བསྡུར་ལ་ཟུར་ཟ་དང་སྐྱོན་བརྗོད་གནང་འདུག ཟླ་བ་འདིའི་ཕྱི་ཚེས་ ༩ ནས་ཁ་སང་བར་ལྷོ་ཀོ་རི་ཡར་ཕྱི་ལོ་ ༢༠༡༨ ལོའི་རྒྱལ་སྤྱིའི་དགུན་དུས་ཨོ་རྩེད་འགྲན་བསྡུར་ཆེན་མོ་ཚོགས་ཡོད་པ་རེད། ཁྱོན་ཉིན་གྲངས་ ༡༧ རིང་གི་རྩེད་འགྲན་ཆེན་མོ་དེ་ཁ་སང་ཕྱི་ཚེས་ ༢༥ ཉིན་མཇུག་སྒྲིལ་གནང་ཡོད་པ་མ་ཟད་སྐབས་དེར་ལྷོ་ཀོ་རི་ཡའི་རྩེད་འགྲན་གོ་སྒྲིག་ཚོགས་ཆུང་གི་ངོས་ནས་ལུགས་སྲོལ་ལྟར་རྒྱལ་སྤྱིའི་ཨོ་རྩེད་འགྲན་བསྡུར་གྱི་དར་ཆ་དེ་རིང་མིན་ ༢༠༢༢ ལོར་དགུན་དུས་ཨོ་རྩེད་འགྲན་བསྡུར་ཚོགས་ཡུལ་རྒྱ་ནག་ལ་རྩིས་སྤྲོད་གནང་ཡོད་པ་རེད། ཁ་སང་ལྷོ་ཀོ་རི་ཡའི་ནང་ཚོགས་པའི་ཨོ་རྩེད་འགྲན་བསྡུར་མཇུག་སྒྲིལ་དང་གཞུང་འབྲེལ་དར་ཆ་རྩིས་སྤྲོད་རྩིས་ལེན་གནང་བའི་དུས་ཚིགས་དང་བསྟུན། རྒྱལ་སྤྱིའི་བོད་དོན་འབྲེལ་མཐུད་ལས་ཁང་གིས་སྤྱི་ཚོགས་ཀྱི་བརྒྱུད་ལམ་ཐོག Beijing 2022: Will it be another bloody Games འམ་རྒྱ་ནག་ཏུ་འཚོགས་རྒྱུའི་...