འོས་བསྡུ་ཆེན་མོ།

ཁོང་རང་ཉིད་ ༢༠༢༡ ལོའི་སྲིད་སྐྱོང་འོས་མིར་བཞེངས་ནས་བརྒྱུད་ལམ་ཁག་ལ་སྲིད་སྐྱོང་གི་འོས་མི་གཞན་ཚོ་དང་སྡིངས་ཆ་གཅིག་གི་སྟེང་བགྲོ་གླེང་གོ་སྒྲིག་ཞུ་རྒྱུའི་འབོད་སྐུལ་ཞུས་ཀྱང་། ད་ལྟའི་གནད་དོན་མང་པོ་དབང་གིས་བགྲོ་གླེང་དེ་ལྟར་གོ་སྒྲིག་ཞུ་ཐབས་བྲལ་སྟབས་མང་གཙོའི་འགྲོ་ལུགས་བཞིན་འོས་མི་དང་རྒྱ་ཆེའི་མི་མང་དབར་གོ་རྟོགས་སྤེལ་རྒྱུའི་གོ་སྐབས་ཚད་ལྡན་མ་བྱུང་བ་དང་། དེ་བཞིན་སྤྱི་ཚོགས་ཁྲོད་གལ་ཆེའི་ལས་འཆར་ཁག་ལ་བགྲོ་གླེང་ཟབ་མོ་མེད་པར་དེ་སྔ་ཕྱི་ལོ་ ༢༠༡༦ ལོའི་འོས་བསྡུ་བཞིན་གཞི་མེད་སྐྱོན་བརྗོད་བྱེད་འགོ་ཚུགས་པ་བཅས་རྒྱུ་མཚན་དོན་ཚན་གཉིས་ཀྱི་ཐོག་ནས་ ༢༠༢༡ ལོའི་སྲིད་སྐྱོང་གི་འོས་གཞིའི་ཁོངས་ནས་ཕྱིར་འཐེན་གནང་རྒྱུ་ཡིན་ཞེས་གསུངས་འདུག

བོད་མི་ཞིག་ཡིན་པའི་ཆ་ནས་ཕྱི་ལོ་ ༢༠༢༡ ལོའི་བོད་མིའི་སྒྲིག་འཛུགས་ཀྱི་སྲིད་སྐྱོང་དང་སྐབས་ ༡༧ པའི་བོད་མི་མང་སྤྱི་འཐུས་རྣམ་པའི་སྔོན་འགྲོ་དང་དངོས་གཞིའི་འོས་འསྡུའི་ལས་རིམ་ནང་ཆ་ཤས་བཞེས་སླད་དང་ཐོག་མིང་གཞུང་དེབ་འགོད་གནང་རྒྱུ་ནི་རྩ་བའི་ཆ་རྐྱེན་ཞིག་ཡིན་པ་ལྟར་ཕྱི་ཟླ་ ༨ ཚེས་ ༢༡ ཉིན་བོད་མིའི་སྒྲིག་འཛུགས་དབུས་འོས་བསྡུ་ལས་ཁང་གིས་མིང་གཞུང་དེབ་བཀོད་ཞུ་སླད་ཕྱི་ཟླ་ ༩ ཚེས་ ༡ ནས་ཕྱི་ཟླ་ ༡༠ ཚེས་ ༡༥ བར་ཉིན་གྲངས་ ༤༥ དུས་ཚིགས་གནང་རྒྱུའི་གསལ་བསྒྲགས་གནང་ཡོད་པར་མ་ཟད། བཙན་བྱོལ་བོད་མིའི་འོས་བསྡུའི་སྒྲིག་གཞི་དོན་ཚན་ ༢༠ པའི་དགོངས་དོན་བཞིན་འོས་འཕེན་པའི་མིང་ཐོ་སྣོན་འཕྲི་བྱ་སླད་ཕྱི་ཟླ་ ༡༠ ཚེས་...

ཕྱི་ལོ་ ༢༠༢༡ ལོའི་བཙན་བྱོལ་བོད་མིའི་སྒྲིག་འཛུགས་ཀྱི་སྲིད་སྐྱོང་དང་སྤྱི་འཐུས་གཉིས་ཀྱི་འོས་བསྡུ་ཆེན་མོ་སླེབས་ཉེ་དང་བསྟུན། དེ་རིང་ཉིན་རྒྱབ་སུད་སི་ཆོུད་ ༡ སྟེང་དྲྭ་ཐོག་ནས་བོད་མི་དང་བླངས་པ་ཁག་ཅིག་ལས་གྲུབ་པའི་རུ་ཁག་ཞིག་གིས་གསར་འགོད་ལྷན་ཚོགས་གནང་སྟེ་རིང་མིན་ ༢༠༢༡ ལོའི་བོད་མིའི་འོས་བསྡུ་ཆེན་མོ་དེ་ཚད་དང་ལྡན་པ་ཞིག་ཡོང་ཕྱིར་ SmartVote Tibet འམ་བོད་ཀྱི་རྣམ་དཔྱོད་ལྡན་པའི་འོས་ཞེས་པའི་ལས་འཆར་ཞིག་སྤེལ་རྒྱུུ་ཡིན་པ་ཡོངས་གྲགས་གནང་སོང་། རྣམ་དཔྱོད་ལྡན་པའི་བོད་མིའི་འོས་ཞེས་པ་ནི་མང་གཙོའི་ལས་འཆར་ཞིག་གི་ཐོག་ནས་སྣེ་ཁྲིད་བྱས་པ་དང་། ཚོགས་པ་དེ་ཆབ་སྲིད་ཚན་རིག་དང་ལོ་རྒྱུས། སེམས་ཁམས་རིག་པ། གློག་ཀླད་འཕྲུལ་ཆས། འགྲོ་བ་མིའི་ཐོབ་ཐང་སོགས་ཤེས་ཡོན་གྱི་རྒྱབ་ལྗོངས་ཕུན་ཚོགས་དང་ལྡན་པའི་ཤེས་ལྡན་བོད་མིས་མཉམ་ཞུགས་ཀྱིས་སྣེ་ཁྲིད་བྱས་པའི་ལས་གཞི་ཡིན་པ་དང་། ལས་འཆར་དེ་གཙོ་བོ་དེང་དུས་ཀྱི་དྲྭ་རྒྱའི་ཐབས་ལམ་མ་ལག་བརྒྱུད་མང་ཚོགས་ལ་འོས་མིའི་ལོ་རྒྱུས་དང་ཤེས་ཡོན་རྒྱབ་ལྗོངས། དེ་བཞིན་བཞེངས་ཕྱོགས་དང་སྲིད་བྱུས་སོགས་ཆ་ཚང་བ་ཞིག་ཚན་རིག་དང་མཐུན་པར་ངོ་སྤྲོད་ཞུ་རྒྱུ་དང་། དེ་བཞིན་བོད་མི་འོས་འཕེན་མཁན་རྣམས་ཀྱིས་འོས་བསྡུའི་ཉིན་མོར་གནས་ཚུལ་རྟོགས་ཐོག་འོས་འདེམས་གནང་ཕྱིར་མཐུན་འགྱུར་གནང་མཁན་གྱི་སྤྱོད་ལམ་བསླབ་པའི་མ་ལག་ཞིག་ཆགས་ཀྱི་འདུག རྩ་བའི་རྣམ་དཔྱོད་ལྡན་པའི་འོས་ཞེས་པའི་སྡིངས་ཆ་འདི་ཐོག་མར་སུད་སི་པོ་ལི་ཀྲུལས་བཟོ་ལས་ཁང་ Polittool Assoc. གིས་གསར་སྐྲུན་གནང་བ་ཞིག་ཡིན་འདུག་ཅིང་། ད་བར་འོས་ཤོག་ཐབས་ལམ་མ་ལག་དེ་བཞིན་སུད་སི་དང་།...