རྒྱ་གཞུང་ཉེན་རྟོག་པས་ཀླུ་དཀོན་མཆོག་རྒྱ་མཚོ་ལགས་ལ་བཀག་ཉར་དང་འདྲི་བརྩད་བྱས་འདུག

ཟླ་སྔོན་མའི་ཚེས་ ༡༨ ཉིན་བོད་ནང་གི་ཞོགས་པ་ཚོུད་༧། ༢༠ ཐོག་ལ་བོད་མདོ་སྨད་མཚོ་སྔོན་གཅན་ཚ་རྫོང་གི་ལ་མོ་བདེ་ཆེན་དགོན་པའི་གྲྭ་ཀླུ་དཀོན་མཆོག་རྒྱ་མཚོ་ལགས་ཀྱིས་དེ་སྔ་ཁོང་རྒྱ་གར་དུ་བཙན་བྱོལ་ཡོང་སྐབས་ལམ་བར་དཀའ་སྡུག་ཇི་བྱུང་གི་མྱོང་ཚོར་བཀོད་པའི་དཔེ་དེབ་ཉིན་ཞག་ང་བཞི་ཟེར་བ་ཞིག་བརྩམས་སྟབས། རྒྱ་གཞུང་ཉེན་རྟོག་མི་སྣས་ཁོང་འཛིན་བཟུང་གིས་བཀག་ཉར་བྱས་པ་མ་ཟད། ཁོང་ལ་ཞིབ་བཤེར་འདྲི་བརྩད་བྱས་ཡོད་པ་རེད་འདུག གཞི་རྩའི་གྲྭ་ཀླུ་དཀོན་མཆོག་རྒྱ་མཚོ་ལགས་ནི་ད་ལྟ་རང་ལོ་ ༣༧ ཡིན་པ་དང་ཕྱི་ལོ་ ༡༩༩༤ ལོར་རྒྱ་གར་དུ་སྐྱབས་བཅོལ་ཕེབས་ནས་ལོ་ ༦ རིང་རྒྱ་གར་ལྷོ་ཕྱོགས་འབྲས་སྤུང་སྒོ་མང་གྲྭ་ཚང་དུ་སློབ་གཉེར་གནང་སྟེ། ཕྱི་ལོ་ ༢༠༠༠ ལོར་ཕ་ཡུལ་ལ་ཕྱིར་ལོག་གནང་པ་དང་། དེ་རྗེས་ཕྱི་ལོ་ ༢༠༡༣ ལོ་ནས་འགོ་འཛུགས་ཀྱིས་ཉིན་ཞག་ང་བཞི་ཞེས་པའི་དེབ་དེ་བྲིས་འགོ་བརྩམས་ཏེ་ཕྱི་ལོ་ ༢༠༡༥ ལོའི་ཟླ་བ་ ༣ ནང་པར་བསྐྲུན་བྱེད་འཆར་ཡོད་ཀྱང་། ས་གནས་རྒྱ་གཞུང་གིས་བཀག་སྡོམ་བྱས་ཡོད་པ་རེད། ཁོང་གི་གྲྭ་ཤག་ཏུ་གཅན་ཚ་རྫོང་གི་དྲག་ཆས་ཉེན་རྟོག་མི་སྣ་གློ་བུར་འཛུལ་ནས་སྔོག་བཤེར་བྱས་པ་དང་། ཁོང་འཛིན་བཟུང་བཙན་ཁྲིད་ཀྱིས་གཅན་ཚ་རྫོང་ཉེན་རྟོག་ལས་ཁུངས་ནས་འདྲི་བརྩད་དང་བཀག་ཉར་བྱས་འདུག དེ་རྗེས་ཁོང་རྨ་ལྷོ་ཁུལ་རྒྱལ་ཁབ་བདེ་འཇགས་ལས་ཁུངས་ཟེར་བའི་ནང་ཁྲིད་ནས་བདུན་ཕྲག་གཅིག་རིང་བཀག་ཉར་གྱིས་འདྲི་བརྩད་ནན་པོ་བྱས་པ་མ་ཟད།...