རྒྱ་གཞུང་ཉེན་རྟོག་པས་རྔ་བ་ཁུལ་གྱི་གནས་རི་སྲུང་སྐྱོབ་བྱེད་མཁན་བོད་མི་ཚོར་གཅར་རྡུར་བཏང་འདུག

བོད་མདོ་སྨད་རྔ་བ་ཁུལ་ཆུ་ཆེན་རྫོངས་ཀྱི་བོད་མི་ཚོས་ས་གནས་ཀྱི་གནས་རི་སྲུང་སྐྱོབ་ཆེད་རྒྱ་གཞུང་གི་ངོ་རྒོལ་བྱས་ཡོད་ཀྱང། རྫོང་ས་གནས་ཉེན་རྟོག་པས་བོད་མི་དེ་དག་གི་བཅར་རྡུང་དང་བཀག་ཉར་བྱས་འདུག་པ་མ་ཟད། བོད་མི་ཚོས་ངོ་རྒོལ་གནང་མི་ཆོག་པའི་འཇིགས་སྐུལ་གྱི་བཙན་བཀའ་བཏང་འདུག གཞི་རྩའི་དེ་སྔོན་ ༢༠༡༣ ལོར་རྔ་བ་ཁུལ་ཆུ་ཆེན་རྫོངས་ཨ་ཁོ་རེས་ཡུལ་ཚོའི་ཉི་འཁྲིས་སུ། རྒྱ་ནག་གཞུང་གི་གློག་ཁང་འཛུགས་སྐྲུན་ལ་ཁ་གཡར་ཏེ་ཡུལ་ཚོའི་སྡེ་བ་བཞིའི་གནས་རིར་གཏེར་ཁ་བསྔོག་རྩིས་བྱས་སྟབས། སྐབས་དེར་སྡེ་བའི་བོད་མི་སྐུ་ཚབ་དང་འབྲོག་པ་ཚོས་ཐེངས་མང་གཏེར་བཏོན་ལས་གཞི་འགོག་རྒོལ་བྱས་ནས་གནས་སྐབས་རིང་ལས་གཞི་མཚམས་འཇོག་བྱེད་ཐུབ་པ་བྱུང་ཡོད། འདི་ལོའི་ཕྱི་ཟླ་ ༣ ནང་དུ་ས་གནས་སྲིད་གཞུང་གི་དཔོན་རིགས་ཚོས་རྔ་བ་ཁུལ་ཆུ་ཆེན་རྫོང་ཨ་ཁོ་རེས་ཡུལ་ཚོའི་བོད་མི་མང་ཚོགས་ས་ཀྱི་གནས་རིར་ལས་གཞི་མཚམས་འཇོགས་ཡོང་བའི་རེ་སྐུལ་ལན་མང་ཞུས་ཀྱང་མ་ཉན་པར། ཕྱི་ཟླ་ ༣ ཚེས་ ༢༨ ཉིན་གནས་རི་སྲུང་སྐྱོབ་བྱེད་ཆེད་ངོ་རྒོལ་བྱེད་མཁན་ས་གནས་བོད་མིའི་ཐོག་ཉེན་རྟོག་པ་ ༨༠ ལྷག་ཆེད་གཏོང་གིས་བོད་མི་ ༢༠ ལྷག་ལ་གང་བྱུང་གཅར་བརྡུང་བཏང་བ་འདུག་པ་མ་ཟད། རྒན་པོ་ལོ་ངོ་ ༦༠ ཅན་ཞིག་གཙོས་པའི་བོད་མི་ ༧ བཙན་བཟུང་གིས་ས་ཉིན་གྲངས་བདུན་ ༧...