རྒྱ་གཞུང་ནས་ཉེ་ཆར་གློད་གྲོལ་བཏང་བའི་བོད་མི་ཆབ་སྲིད་བཙོན་པ་གཉིས་སླར་འཛིན་བཟུང་བྱས་པ།

རྒྱ་ནག་གཞུང་གིས་ཉེ་ཆར་ཟླ་ ༨ ཚེས་ ༡༣ དང་ཟླ་ ༩ ཚེས་ ༡༦ ཉིན་སོ་སོར་བཙོན་གྲོལ་བཏང་བའི་བོད་མི་ཆབ་སྲིད་བཙོན་པ་བསམ་གྲུབ་ལགས་དང་རྩོམ་པ་པོ་གངས་སྐྱེས་སྒྲུབ་པ་སྐྱབས་གཉིས་སླར་འཛིན་བཟུང་བྱས་འདུག དེ་རིང་ཟླ་ ༩ ཚེས་ ༢༤ བོད་ནང་གི་གནས་ཚུལ་འབྱོར་བར་གཞིགས་ན། ཉེ་ཆར་ཟླ་འདིའི་ཚེས་ ༡༦ ཉིན་རྒྱ་གཞུང་གི་བཙོན་ཁང་ནང་ལོ་ལྔ་དང་ཕྱེད་ཀའི་བཙོན་འཇུག་མྱངས་པའི་བོད་མི་ཆབ་སྲིད་བཙོན་པ་གངས་སྐྱེས་སྒྲུབ་པ་སྐྱབས་ལགས་བཙོན་གྲོལ་བཏང་ཡོད་ཀྱང། ཕྱི་ཉིན་ཚེས་ ༡༧ ཉིན་སྔ་དྲོ་ཚོུད་ ༡༠ ཐོག་སླར་འཛིན་བཟུང་བྱས་འདུག དེ་བཞིན་ལོ་ལྔའི་རིང་བཙོན་འཇུག་ཁྲིམས་ཆད་མྱངས་པའི་བོད་མི་བསམ་གྲུབ་ལགས་ཉེ་སྔོན་ཟླ་ ༨ ཚེས་...