རྒྱ་གར་གྱི་གྲོས་ཚོགས་འཐུས་མིས་བོད་ཀྱི་གནད་དོན་ཐོག་གླེང་སློང་གནང་འདུག

རྒྱ་གར་གྱི་ཆབ་སྲིད་ཚོགས་པ་འདྲ་མིན་ལས་གྲུབ་པའི་རྒྱ་གར་དབུས་ཀྱི་གྲོས་ཚོགས་འཐུས་མི་ཉིས་བརྒྱ་ནས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འདས་པའི་མི་ལོ་དྲུག་ཅུ་ལྷག་རིང་བཀའ་དྲིན་ཆེན་པོས་མཛད་འཕྲིན་བསྐྱངས་ཡོད་པ་ཁག་ཅིག་དྲན་གསོའི་ཆེ་བསྟོད་ཞུས་པ་དང་སྦྲགས། རྒྱ་གར་དབུས་གཞུང་ལ་༸གོང་ས་༸སྐྱབས་མགོན་ཆེན་པོ་མཆོག་ལ་རྒྱ་གར་སྤྱི་དམངས་ཀྱི་ཆེས་མཐོའི་གཟེངས་རྟགས་ Bharat Ratna འབུལ་ལམ་ཞུ་དགོས་པའི་རེ་འདུན་བཏོན་འདུགཁ་སང་རྒྱ་གར་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་དང་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་ཟུར་པ་སྐུ་ཞབས་ Shanta Kumar མཆོག་གིས་གསར་འགོད་བསྒྲགས་གཏམ་ཞིག་ཡོངས་ཁྱབ་གནང་བའི་ནང་རྒྱ་གར་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་མི་གྲོས་ཚོགས་འཐུས་མི་རྣམ་པ་དང་རྒྱ་གར་གྲོས་ཚོགས་ཀྱི་ཆབ་སྲིད་ཚོགས་པ་འདྲ་མིན་ནས་ཁྱོན་གྲོས་ཚོགས་འཐུས་མི་ ༢༠༠ ཐུན་མོང་གིས་ཞུ་ཡིག་ཐོག་མཚན་རྟགས་བཀོད་ནས་རྒྱ་གར་དབུས་གཞུང་ནས་༸གོང་ས་༸སྐྱབས་མགོན་ཆེན་པོ་མཆོག་ལ་རྒྱ་གར་སྤྱི་དམངས་ཀྱི་ཆེས་མཐོའི་གཟེངས་རྟགས་ Bharat Ratna ཞེས་པ་དེ་འབུལ་ལམ་ཞུ་དགོས་པའི་ཞུ་སྙན་གཏན་འབེབས་གནང་ཐོག་རྒྱ་གར་ནང་སྲིད་བློན་ཆེན་སྐུ་ཞབས་ Rajnath Singh མཆོག་ལ་ཕུལ་ཡོད་པ་རེད།ལྷག་པར་དུ་སྐུ་ཞབས་ Shanta Kumar མཆོག་གིས་༸གོང་ས་༸སྐྱབས་མགོན་ཆེན་པོ་མཆོག་གིས་འདས་པའི་ལོ་ངོ་དྲུག་བཅུ་ལྷག་རིང་འཚེ་མེད་ཞི་བའི་ཐབས་ལམ་ཁོ་ནའི་ཐོག་ནས་བོད་མིའི་བདེན་པའི་འཐབ་རྩོད་ཀྱི་དབུ་ཁྲིད་མཛད་ཡོད་པ་དང་། མགོན་པོ་༸གང་ཉིད་མཆོག་གི་ཡང་དག་པའི་མཛད་བཟང་ལ་རྒྱལ་སྤྱིའི་ཁྱོན་ནས་ངོས་འཛིན་གྱིས་ཆེ་བསྟོད་ཞུས་པ་མ་ཟད། ཕྱི་ལོ་ ༡༩༨༩ ལོར་ནོ་བེལ་ཞི་བདེའི་གཟེངས་རྟགས་འབུལ་བཞེས་མཛད་པ་རེད། མགོན་པོ་༸གང་ཉིད་མཆོག་གི་མཛད་བཟང་དེ་དག་ལ་བརྟེན་ནས་ཐེངས་འདིར་གྲོས་ཚོགས་བོད་དོན་རྒྱབ་སྐྱོར་ཚོགས་པས་རྐང་འགན་བཞེས་ཐོག་༸གོང་ས་མཆོག་ལ་རྒྱ་གར་སྤྱི་དམངས་ཀྱི་ཆེས་མཐོའི་གཟེངས་མགྱོགས་མྱུར་འབུལ་ལམ་ཞུ་དགོས་པའི་དགོས་འདུན་འདི་ལྟར་ཆེད་བཏོན་གནང་བ་ཡིན་ཞེས་གསུངས་འདུག སྐུ་ཞབས་ཤན་ཏཱ་ཀུ་མཱར་མཆོག་ནས་དེ་སྔ་ཕྱི་ལོ་...

དེ་རིང་ཟླ་ ༧ ཚེས་ ༢༠ ཉིན་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གཙོས་གཞུང་འབྲེལ་མིན་པའི་ཚོགས་པ་ལྔས་རྐང་འགན་བཞེས་ཐོག་རྒྱལ་ས་ལྡི་ལིའི་ནང་དུ་རྒྱ་གར་དབྱར་དུས་གྲོས་ཚོགས་འགོ་འཛུགས་གནང་པ་དང་བསྟུན་བོད་དོན་ཞུ་གཏུགས་ཀྱི་ལས་འགུལ་སྤེལ་ཏེ་ཉིན་གསུམ་པ་འགྲོ་བཞིན་པའི་ཁྲོད། ཁོང་རྣམས་ནས་ད་བར་རྒྱ་གར་གྱི་གྲོས་ཚོགས་གོང་འོག་གཉིས་ཀྱི་འཐུས་མི་སྐུ་ཞབས་ Shashi Tharoor ལགས་དང་། Shanta Kumar ལགས། དེ་བཞིན་ Arka Keshari Deo ལགས་བཅས་རྣམ་པ་གསུམ་གཙོས་པའི་གྲོས་ཚོགས་འཐུས་མི་བཅིུག་དང་མཇལ་འཕྲད་གནང་སྟེ། ད་ལྟའི་བོད་ནང་གི་ཛ་དྲག་གནས་སྟངས་སྐོར་སྙན་གསེང་ཞུས་པ་མ་ཟད། ལྷག་དོན་ད་ལྟ་ཚོགས་བཞིན་པའི་རྒྱ་གར་གྱི་དབྱར་དུས་གྲོས་ཚོགས་འཚོགས་བཞིན་པ་དེའི་ཐོག་འཐུས་མི་རྣམས་ནས་རྒྱ་གཞུང་གིས་བོད་ཀྱི་རྒྱུག་ཆུ་ཁག་གཙོ་བོར་གྱུར་བའི་ཁོར་ཡུག་ལ་གནོད་འཚེ་ཤུགས་ཆེ་བཟོ་བཞིན་པར་གླེང་སློང་གནང་དགོས་པའི་འབོད་སྐུལ་ཡང་ཞུས་འདུག རྩ་བའི་ཚོགས་པ་དེ་དག་གིས་ཞུ་གཏུགས་ཀྱི་ལས་འགུལ་དེའི་ཐོག་ནས་རྒྱ་གར་གྱི་སྲིད་བློན་སྐུ་ཞབས་ Narendra modi མཆོག་གི་མཚན་ཐོག་ལ་བོད་ཀྱི་རྒྱུག་ཆུ་རྣམས་བོད་ཙམ་མིན་པར་རྒྱ་གར་གཙོས་པའི་ཨེ་ཤི་ཡའི་ཡུལ་གྲུ་སྤྱི་ལ་གལ་འགངས་ཆེན་པོ་ཆགས་ཀྱི་ཡོད་པ་མ་ཟད། རྒྱ་ནག་གཞུང་གིས་འཛུགས་བསྐྲུན་ལ་ཁ་གཡར་ཏེ་བོད་ཀྱི་རང་བྱུང་ཁོར་ཡུག་གཏོར་བཤིག་གཏོང་བཞིན་པ་དེས་རྒྱལ་སྤྱིའི་གནམ་གཤིས་འགྱུར་ལྡོག་ལ་དོ་ཕོག་ཤུགས་ཆེ་བཟོ་བཞིན་པར་དགོངས་བཞེས་གནང་དགོས་པའི་ཞུ་ཡིག་ཀྱང་ཕུལ་རྒྱུ་ཡིན་འདུག

སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་དབུས་པའི་ཕྱག་སྦྲེལ་རྣམ་མགཉིས་དང་རྒྱ་གར་རྒྱལ་ཡོངས་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་མི་རྣམ་པ་ལྷན་དུ་བོད་གནད་དོན་སྐོར་ལྷན་ཚོགས་གནང་འདུག ཁ་སང་ཟླ་ ༨ ཕྱི་ཚེས་ ༡༢ ཉིན་རྒྱ་གར་གྱི་རྒྱལ་ས་ལྡི་ལི་ཧི་མཱ་ཅལ་དོན་གཅོད་ཁང་དུ་རྒྱ་གར་གྲོས་ཚོགས་ཀྱི་ཆབ་སྲིད་དོན་ཚོགས་ཁག་དྲུག་གིས་གོ་སྒྲིག་འོག་ བོད་མིའི་སྐུ་ཚབ་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་དབུས་པའི་ཕྱག་སྦྲེལ་སྤྱི་འཐུས་ཀརྨ་ཡེ་ཤེས་ལགས་དང་ཨཙྱཱ་ཡེ་ཤེས་ཕུན་ཚོགས་ལགས་རྣམ་པ་གཉིས་དང་། རྒྱ་གར་གྲོས་ཚོགས་ཀྱི་སྲིད་དོན་ཚོགས་ཁག་དྲུག་གྱི་འཐུས་མི་བཅས་ལྷན་འཛོམས་ཀྱིས་བོད་དོན་ཐད་གླེང་སློང་གནང་འདུག ལྷན་ཚོགས་དེའི་གཙོ་སྐྱོང་བ་སྐུ་ཞབས་ Shri. Shanta Kumar མཆོག་གིས་ལྷན་ཚོགས་ཐོག་ཆེད་ཕེབས་གནང་བའི་ཚོགས་མི་རྣམས་ལ་འཚམས་འདྲིའི་གསུང་བཤད་གནང་བ་དང་སྦྲགས་ཏེ་བོད་མི་མང་སྤྱི་འཐུས་ཚོགས་གཙོ་མཆོག་ལ་ཚོགས་མི་རྣམས་ལ་རྒྱ་གཞུང་གིས་ད་ལྟའི་ཆར་བོད་ནང་ལག་བསྟར་བྱེད་བཞིན་པའི་སྲིད་བྱུས་ཐོག་འགྲེལ་བརྗོད་གནད་བསྡུས་ཤིག་གནང་རྒྱུའི་རེ་སྐུལ་ཞུས་དོན་ལྟར། ཚོགས་གཙོ་མཆོག་ནས་ཀྱང་ད་ལྟའི་ཆར་གཞིས་བཞུགས་བོད་མི་ཚོར་བོད་མིའི་ངོ་བོ་རྩ་མེད་བཟོ་ཐབས་ཀྱི་སྲིད་བྱུས་ལག་བསྟར་བྱེད་མུས་ཡོད་སྐོར་སོགས་ངོ་སྤྲོད་གནང་འདུག ད་ལན་གྱི་ལྷན་ཚོགས་དེའི་ཐོག་རྒྱ་གར་རྒྱལ་ཡོངས་གྲོས་ཚོགས་བོད་དོན་རྒྱབ་སྐྱོར་ཚོགས་པའི་སྐུ་ཚབ་ལྷན་ཚོགས་ཀྱི་གཙོ་སྐྱོང་བ་སྐུ་ཞབས། Shri Shanta Kumar (BJP), ལགས་གཙོས། Smt. Maneka Gandhi (BJP),...