རྒྱ་གར་གྱི་སྲིད་བློན་མོ་དྷི་མཆོག་ནས་༸གོང་ས་མཆོག་ལ་རྒྱ་གར་སྤྱི་དམངས་ཀྱི་ཆེས་མཐོའི་གཟེངས་རྟགས་ཕུལ་དགོས་པའི་འབོད་སྐུལ་ཞུ་བཞིན་འདུག

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་གྱི་སྲིད་བློན་མོ་དཱི་མཆོག་དགུང་གྲངས་ ༧༢ ལ་ཕེབས་པའི་འཁྲུངས་སྐར་ལ་དགའ་བསུའི་འཚམས་འདྲི་དང་སྐུའི་འཕྲོད་བཞེས་ལ་འཚེ་བའི་འགེག་བར་གང་ཡང་མི་ཡོང་བར་ཐུགས་སྨོན་མཛད་འདུགསྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་ཉིན་ཕྱི་ཚེས་ ༡༧ ཉིན་སྲིད་བློན་མོ་དཱི་མཆོག་གི་འཁྲུངས་སྐར་ཉིན་མོར་དགའ་བསུའི་འཚམས་འཕྲིན་ཞིག་སྩལ་བའི་ནང་། རྒྱ་གར་གཞུང་གིས་ཏོག་གསར་གློ་ཚད་རིམས་ནད་སྔོན་འགོག་ཚོད་འཛིན་ལས་དོན་ལ་གདོང་ལེན་ཆེས་ཆེར་གནང་སྟེ་གྲུབ་འབྲས་གཡུལ་དུ་ཟ་བ་ཞིག་བྱུང་ཡོད་པར་ཡི་རང་མཛད་འདུག ལྷག་དོན་༸གོང་ས་མཆོག་གིས་ད་ལྟའི་ཆར་ང་ཚོའི་ངོས་ནས་ཏོག་གསར་གློ་ཚད་རིམས་ནད་ཡོངས་སུ་ཞི་བའི་གནས་བབ་ཞིག་བྱུང་མེད་པ་མཐོང་རྒྱུ་ཡོད་པ་དེ་ལྟར་ནའང་། དེང་སྐབས་རྒྱ་གར་འཕགས་ཡུལ་ནང་དུ་དེ་འབྲེལ་གནས་བབ་ཇེ་བཟང་དུ་ཕྱིན་ཡོད་སྟབས། སླད་མར་རྒྱ་གར་གྱིས་དེ་ལྟ་བུའི་གདོང་ལེན་གནང་ཐུབ་ངེས་རེད་ཅེས་བཀའ་སྩལ་མཛད་འདུག་པར་མ་ཟད། མགོན་པོ་༸གང་ཉིད་མཆོག་ནི་རྒྱ་གར་ནང་སྐུ་མགྲོན་ཡུན་རིང་ཤོས་བཞུགས་མཁན་ཞིག་ཡིན་པའི་ཆ་ནས་རྒྱ་གར་འཕེལ་རྒྱས་སུ་འགྲོ་བཞིན་པའི་གནས་སྟངས་དངོས་གཟིགས་རྒྱུ་བྱུང་བ་དང་། ཁྱད་པར་དུ་ད་ལྟའི་ཆར་རྒྱ་གར་གྱི་དཔལ་འབྱོར་གྱི་སྟོབས་ཤུགས་ཆེས་ཆེར་རྒྱས་པར་མ་ཟད་ཚན་རིག་དང་འཕྲུལ་རིགས་ཀྱི་སྣེ་ཁྲིད་གནང་མཁན་ཞིག་ཀྱང་གྱུར་ཡོད་པར་བསྔགས་བརྗོད་མཛད་འདུག ༸གོང་ས་༸སྐྱབས་མགོན་ཆེན་པོ་མཆོག་གིས་ད་དུང་རྒྱ་གར་མང་གཙོའི་རྨང་གཞིའམ་གཞི་རྟེན་བརྟན་པོ་ཡོད་པ་འདི་རྒྱལ་ཁབ་གཞན་ཚོས་ཞི་བ་དེ་དང་བརྟན་ལྷིང་ཡོང་བའི་མིག་དཔེ་ཆགས་ཡོད་ལ། ཁྱདཔར་དུ་རྒྱ་གར་གྱི་མི་འབོར་ལས་བརྒྱ་ཆ་མང་ཤོས་དེ་གཞོན་སྐྱེས་ཀྱི་གྲངས་འབོར་ཆགས་ཡོད་པས་སླད་མར་སྔར་ལྷག་ཡར་རྒྱས་གོང་འཕེལ་དང་དེ་བཞིན་མང་ཚོགས་ཀྱི་རེ་འདོད་བསྐོང་ཐུབ་ངེས་ཡིན་པར་བཀའ་སྩལ་བ་དང་ཆབས་ཅིག ཐུགས་དགྱེས་ཚོར་ཆེན་པོས་རྒྱ་གར་འདི་ཉིད་འཛམ་གླིང་ནང་མང་གཙོའི་སྲ་བརྟན་གོང་འཕེལ་ལ་བློ་འགེལ་ཆོག་པའི་རྒྱལ་ཁབ་ཅིག་ཡིན་རེད་བཀའ་སྩལ་འདུག གཞན་ཡང་༸གོང་ས་མཆོག་གིས་རྒྱ་གར་གྱི་མེས་པོ་དམ་པ་གྷཱཾདྷཱི་མཆོག་གིས་འཚེ་མེད་ཞི་བའི་ཐབས་ལམ་ཉམས་ལེན་གནང་བའི་སྤྱོད་ཚུལ་ལ་ཐུགས་སྨོན་མཛད་ཀྱི་ཡོད་ལ། གོ་ལའི་མང་ཚོགས་ཚོས་དེ་ལྟར་ཡིན་སྨོན་གནང་གི་ཡོད་སྐོར་བཀའ་སྩལ་བར་མ་ཟད། མགོན་པོ་༸གང་ཉིད་མཆོག་གིས་གོ་ལ་ཁྱོན་ལ་འཚེ་མེད་ཞི་བའི་ཐབས་ལམ་གོང་སྤེལ་མཛད་བཞིན་ཡོད་ཅེས་ལམ་སྟོན་མཛད་འདུག དེ་བཞིན་འགྲོ་བ་ཀུན་གྱི་མི་ཚེ་བདེ་སྐྱིད་དང་དོན་སྙིང་ལྡན་པ་ཞིག་ཡོང་ཐབས་སུ་སྙིང་རྗེའི་མཐུ་སྟོབས་དགོས་གལ་ཡིན་པའི་གོ་རྟོགས་རྒྱ་གང་ཆེར་སྤེལ་རྒྱུའི་དགོངས་པ་གཡོ་མེད་ཡོད་སྐོར་བཀའ་སྩལ་མཛད་པ་དང་ལྷན་ཅིག་གོང་གནད་འཚེ་མེད་ཞི་བ་དང་སྙིང་རྗེའི་རིན་ཐང་དེ་དག་ནི་རྒྱ་གར་གྱི་གནའ་བོའི་ལེགས་བྱང་གི་གཅེར་ནོར་རེད་བཀའ་སྩལ་འདུག ༸གོང་ས་༸སྐྱབས་མགོན་ཆེན་པོ་མཆོག་གིས་འཚམས་འཕྲིན་མཇུག་ཏུ་རྒྱ་གར་གཞུང་མང་གཉིས་ཀྱིས་ང་ཚོ་བོད་མི་རྣམས་ཐོག་མར་ཕྱི་ལོ་ ༡༩༥༩ ལོར་རྒྱ་གར་ལ་བཙན་བྱོལ་དུ་འབྱོར་བ་ནས་བཟུང་དུས་ད་བར་ཐུགས་བརྩེ་དང་གཏོང་ཕོད་ཆེན་པོས་ཟས་གོས་གནས་མལ་སོགས་ལ་མཐུན་འགྱུར་གང་ལེགས་གནང་དོན་བཞིན་བོད་མི་ཚོས་དེ་ལྟར་ལོངས་སུ་སྤྱོད་མུས་ཡིན་སྟབས། གོ་སྐབས་འདི་བརྒྱུད་ནས་ཐུགས་རྗེ་ཆེ་ཞེས་ཞུ་རྒྱུ་ཡིན་པར་བཀའ་སྩལ་མཛད་འདུག

ཁ་སང་ཕྱི་ཚེས་ ༦ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༨༦ ལ་ཕེབས་པའི་༸སྐུའི་འཁྲུངས་སྐར་དུས་ཆེན་ཉིན་རྒྱ་གར་གྱི་སྲིད་བློན་སྐུ་ཞབས་ Narendra Modi མཆོག་ནས་རང་ཉིད་ཀྱི་ Tweeter དྲ་གནས་ཐོག་ཞལ་པར་བརྒྱུད་མགོན་པོ་༸གང་ཉིད་མཆོག་གི་༸སྐུའི་འཁྲུངས་སྐར་ལ་འཚམས་འདྲི་ཞུས་ཡོད་པ་ཡོངས་གྲགས་གནང་རྗེས་དཔྱད་ཞིབ་པ་དང་གནད་ཡོད་མི་སྣ་ཁག་ཅིག་གིས་ད་རེས་སྲིད་བློན་མོ་དྷི་མཆོག་གིས་༸སྐུའི་འཁྲུངས་སྐར་ལ་འཚམས་འདྲི་གནང་བ་དེ་སྐུ་ཞབས་མོ་དྷི་མཆོག་གིས་སྣེ་ཁྲིད་པའི་རྒྱ་གར་གཞུང་གི་བོད་ཐོག་འཛིན་པའི་སྲིད་བྱུས་ཀྱི་གོམ་སྟབས་གསར་པ་ཞིག་ཡིན་པ་མ་ཟད་རྒྱ་ནག་ལ་མཚོན་ན་བརྡ་ལན་ཆེན་པོ་ཞིག་ཡིན་སོགས་གསུང་བཞིན་འདུགསྐུ་ཞབས་ Modi མཆོག་གིས་ཕྱི་ལོ་ ༢༠༡༤ ལོར་རྒྱ་གར་གྱི་སྲིད་བློན་གྱི་ཐུགས་འགན་བཞེས་ཏེ་ལོ་ངོ་བརྒྱད་ཙམ་འགྲོ་བཞིན་པའི་མཚམས་འདིར་ཐེངས་དང་པོ་ཡོངས་གྲགས་ཀྱི་ཐོག་ནས་༸གོང་ས་མཆོག་གི་༸སྐུའི་འཁྲུངས་སྐར་དུས་ཆེན་ལ་འཚམས་འདྲི་གནང་ཡོད་པ་དང་། གནད་དོན་དེ་དང་འབྲེལ་བོད་དོན་ཆེད་མཁས་པ་དང་རྩོམ་པ་པོ་སྐུ་ཞབས་ Claude Arpi ལགས་ནས་ད་ལྟའི་རྒྱ་དཀར་ནག་གཉིས་ཀྱི་མཐའ་མཚམས་ཀྱི་གནད་དོན་ལ་གཞིགས་སྐབས་སྲིད་བློན་མཆོག་གིས་༸སྐུའི་འཁྲུངས་སྐར་ལ་འཚམས་འདྲི་གནང་བ་དེ་རྒྱ་ནག་ལ་བརྡ་ལན་ཆེན་པོ་ཞིག་དང་། བོད་དང་རྒྱ་གར་གཉིས་ཀྱི་འབྲེལ་བའི་གནད་དོན་ལ་གཞིགས་ན། ད་རེས་ཀྱི་འཚམས་འདྲི་འདིས་རྒྱ་གར་གཞུང་དང་༸གོང་ས་མཆོག་དབར་གྱི་འབྲེལ་བ་ཙམ་མིན་པར་རྒྱ་གར་གཞུང་དང་བོད་མིའི་སྒྲིག་འཛུགས་དབར་གྱི་འབྲེལ་བ་ཟབ་ཏུ་བཏང་ཡོད་པར་གསུངས་འདུག ལྷག་པར་དུ་ཁོང་གིས་སྲིད་བློན་མོ་དྷི་མཆོག་ནས་ད་རེས་༸སྐུའི་འཁྲུངས་སྐར་གྱི་འཚམས་འདྲི་དང་འབྲེལ་བའི་གནད་དོན་དེ་ཡོངས་གྲངས་གནང་བ་དེས་རྒྱ་གར་གཞུང་ནས་༸སྐུའི་ཡང་སྲིད་ཀྱི་གནད་དོན་ཐོག་མ་འོངས་པར་༸གོང་ས་མཆོག་གིས་ཐུགས་ཐག་གང་མཛད་པ་དེར་རྒྱབ་སྐྱོར་ཡོད་པའི་མཚོན་རྟགས་ཤིག་ཀྱང་རེད་ཅེས་གསུངས་འདུག  རྒྱ་གར་དབུས་ནང་སྲིད་ལྷན་ཁང་ལ་བོད་དོན་ཀྱི་གནད་དོན་ཐོག་སློབ་སྟོན་གནང་མཁན་ཟུར་པ་སྐུ་ཞབས་ Amitabh Mathur ལགས་ཀྱིས་སྲིད་བློན་མཆོག་གི་འཚམས་འདྲི་བརྒྱུད་དེ་རིམ་པས་རྒྱ་གར་གཞུང་ནས་ད་བར་༸སྐུའི་ཡང་སྲིད་ཀྱི་གནད་དོན་ཐོག་བཞེངས་ཕྱོགས་གང་ཡིན་གསལ་པོ་གསུངས་མེད་པ་དེ་གསལ་པོ་ཆགས་རྒྱུ་དང་།...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་རིན་པོ་ཆེ་མཆོག་གིས་དེ་རིང་རྒྱ་གར་གྱི་སྲིད་བློན་ Narendra Modi མཆོག་དགུང་གྲངས་བདུན་ཅུར་བཞེས་པའི་འཁྲུངས་སྐར་ལ་འཚམས་འཕྲིན་སྩལ་ཏེ། སྲིད་བློན་མཆོག་གི་སྐུ་གཟུགས་སྔར་སྟར་གསལ་ཐང་ཡོང་རྒྱུའི་ཐུགས་སྨོན་སྐྱབས་འཇུག་མཛད་འདུག མགོན་པོ་མཆོག་གིས་འཚམས་འཕྲིན་དེའི་ནང་དུ་ད་ཆ་འཛམ་གླིང་གི་ས་ཕྱོགས་གང་སར་རིམས་ནད་ཁྱབ་བརྡལ་ཕྱིན་ཡོད་སྟབས། འདི་ལོ་ནི་དམིགས་བསལ་གྱི་དཀའ་ཁག་ཆེ་བའི་ལོ་ཞིག་ཡིན་ཀྱང་། ཁོང་གིས་རྒྱལ་སྤྱིའི་སྤྱི་ཚོགས་ཡོངས་ཀྱིས་མཉམ་ལས་ཀྱི་ཐོག་ནས་རིམས་ནད་འདིར་སྔོན་འགོག་བྱེད་ཐབས་དང་དེ་བཞིན་རིམས་ནད་བཅོས་ཐབས་ཀྱི་འགོག་ཁབ་ཅིག་གང་མགྱོགས་བསླེབ་རྒྱུར་ཐུགས་རེ་གནང་གི་ཡོད་སྐོར་དང་སྦྲགས། རྒྱ་གར་དབུས་གཞུང་དང་མངའ་སྡེ་གཞུང་གིས་རང་ནུས་གང་ཡོད་རྩད་འདོན་གྱིས་མང་ཚོགས་རྣམས་དཀའ་ངལ་ལས་གྲོལ་ཐབས་ལ་ཤུགས་སྣོན་གང་ལེགས་གནང་བཞིན་ཡོད་པར་ལུང་འདྲེན་གྱིས་རྒྱ་གར་དབུས་ས་གང་དུ་རིམས་ནད་ལ་གདོང་ལེན་གནང་ཕྱོགས་ཀྱི་ཐབས་ལམ་གང་ལེགས་བསྟེན་བཞིན་པར་ཡི་རངས་བསྔགས་བརྗོད་མཛད་འདུག དེ་བཞིན་མགོན་པོ་༸གང་ཉིད་མཆོག་གིས་འདི་ལོའི་རིམས་ནད་ཀྱིས་འགྲོ་བ་མིའི་རིགས་ཀྱི་ལུས་སེམས་གཉིས་ལ་དཀའ་ངལ་ཆེན་པོ་འཕྲད་བཞིན་པ། དེ་བཞིན་མི་མང་གི་འཚོ་བའི་གཞི་རྟེན་བོར་བ་དང་བྱིས་པ་རྣམས་ཀྱི་སློབ་སྦྱོང་ལ་ཡང་བར་ཆད་ཆེན་པོ་བྱུང་བ་མ་ཟད། མི་མང་གི་ཚེ་སྲོག་ལ་ཡང་ཉེན་ཁ་ཆེན་པོ་འཕྲད་བཞིན་ཡོད་སྐོར། དམིགས་བསལ་དུ་རིམས་ནད་ཀྱི་རྐྱེན་གྱིས་མི་མང་དཀྱུས་མ་མང་པོ་ཞིག་ལ་དཀའ་ཁག་ཚད་མེད་འཕྲད་ཀྱི་ཡོད་སྐོར་བཀལ་སྩལ་ཏེ། དེང་སྐབས་མི་མང་པོ་ཞིག་གིས་མགོན་པོ་༸གང་ཉིད་མཆོག་ལ་དཀའ་ངལ་ལ་གདོང་ལེན་གནང་ཕྱོགས་ཀྱི་བཀའ་འདྲི་ཞུ་སྐབས་དུས་རབས་བརྒྱད་པའི་ནང་བྱུང་བའི་རྒྱ་གར་གྱི་མཁས་པའི་དབང་བོ། རྒྱལ་སྲས་ཞི་བ་ལྷའི་སྤྱོད་འཇུག་གི་ལེའུར་གསུངས་པ་ལྟར། གལ་ཏེ་བཅོས་སུ་ཡོད་ན་ནི།། དེ་ལ་མི་དགར་ཅི་ཞིག་ཡོད།། གལ་ཏེ་བཅོད་སུ་མེད་ན་ནི།། དེ་ལ་མི་དགའ་བྱས་ཅི་ཕན།། ཞེས་པའི་གདམས་ངག་ཟབ་མོ་དེ་ཐུགས་ལ་དགོངས་པའི་ཐོག་ནས་དཀའ་ངལ་འཕྲད་སྐབས་ཕྱོགས་མང་པོ་ནས་གཟིགས་དགོས་སྐོར་བཀའ་ལན་མཛད་ཀྱི་ཡོད་པར་འཁོད་འདུག དེ་བཞིན་མགོན་པོ་མཆོག་གིས་དཀའ་ཚེགས་ཆེ་ཞིང་ངེས་གཏན་བྲལ་བའི་དུས་སྐབས་འདིར་སྙིང་རྗེ་གཞི་རྟེན་དུ་བྱས་པའི་རྒྱ་གར་གྱི་གནའ་བོའི་འཚེ་མེད་ཞི་བ་དང་གཞན་གཅེས་ལག་ལེན་དེ་འབྲེལ་བ་ཆེན་པོ་ཡོད་པ་ཞིག་ལ་གཟིགས་བཞིན་པ་མ་ཟད། དགོས་ངེས་ཅན་ཞིག་ལ་དགོངས་བཞེས་མཛད་ཡོད་པ་བཀའ་སྩལ་འདུག འཚམས་འཕྲིན་དེའི་མཇུག་ཏུ་མགོན་པོ་༸གང་ཉིད་མཆོག་གིས་བོད་མི་རྣམས་ཀྱིས་དུས་རྒྱུན་ནས་རྒྱ་གར་ནི་འཕགས་པའི་ཡུལ་ལ་ངོས་འཛིན་ཞུ་བཞིན་ཡོད་པ་མ་ཟད། འདས་པའི་མི་ལོ་ ༦༡ རིང་བོད་མིའི་སྒྲིག་འཛུགས་ཀྱིས་གཙོས་པའི་བོད་མི་ཡོངས་ཀྱི་ཕ་ཡུལ་གཉིས་པའང་ཡིན་པར་བཀའ་སྩལ་བ་དང་ཆབས་ཅིག་ཏུ་གོ་སྐབས་འདི་བརྒྱུད་ནས་བསྐྱར་དུ་རྒྱ་གར་གཞུང་མང་གཉིས་ཀྱིས་བོད་མི་རྣམས་ལ་བྱམས་བརྩེ་དང་ལྡན་པས་མཐུན་སྦྱོར་རོགས་མགོན་གང་ལེགས་གནང་བར་བཀའ་དྲིན་ཆེ་ཞེས་སྐྱབས་སྨོན་དང་བཅས་སྩལ་འདུག

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་གྱི་སྲིད་བློན་མོ་དཱི་མཆོག་དང་རྒྱ་ནག་གི་སྲིད་འཛིན་ཞི་ཅིང་ཕིང་གཉིས་གཟའ་འཁོར་འདིའི་ནང་མཇལ་མོལ་གནང་རྒྱུ་ཡིན་པ་དེར་དགའ་བསུའི་བསྔགས་བརྗོད་གནང་བ་དང་འབྲེལ། ཁྱིམ་མཚེས་རྒྱལ་ཁབ་ཕན་ཚུན་དབར་འབྲེལ་ལམ་དམ་ཟབ་དགོས་གལ་ཡིན་པ་བཀའ་བསྩལ་འདུག དེ་ཡང་ཁ་ཉིན་རྒྱ་དཀར་ནག་གཉིས་ཀྱི་ཕྱི་སྲིད་བློན་ཆེན་རྣམ་གཉིས་ནས་རྒྱ་ནག་གི་རྒྱལ་ས་པེ་ཅིང་དུ་གསར་འགོད་ལྷན་ཚོགས་ཤིག་བསྐོང་ཚོགས་ཐོག་རིང་མིན་ཟླ་བ་འདིའི་ཚེས་ ༢༧ དང་ ༢༨ ཉིན་ཡུལ་གཉིས་ཀྱི་དབུ་ཁྲིད་རྣམ་གཉིས་དབར་མཇལ་མོལ་གནང་རྒྱུ་ཡིན་པ་གསལ་བསྒྲགས་སྤེལ་བ་ལྟར། རྒྱ་གར་གྱི་ ANI གསར་ཁང་གིས་༸གོང་ས་མཆོག་ལ་གནད་དོན་དེའི་སྐོར་བཀའ་འདྲི་ཞུས་པར་མགོན་པོ་༸གང་ཉིད་མཆོག་གིས་ད་རེས་དབུ་ཁྲིད་རྣམ་གཉིས་མཇལ་མོལ་གནང་རྒྱུ་དེ་ནི་ཧ་ཅང་ཡག་པོ་ཡིན་པ་དང་། ཁྱིམ་མཚེས་རྒྱལ་ཁབ་གཉིས་ཕན་ཚུན་གཅིག་ལ་གཅིག་བརྟེན་ཐོག་གནས་དགོས་སྟབས་ནང་མི་བཞིན་གནས་ཐུབ་ཚེ་ལེགས་སྐོར་བཀའ་བསྩལ་འདུག རྩ་བའི་མོ་དཱི་མཆོག་དང་ཞི་ཅིང་ཕིང་རྣམ་གཉིས་ཀྱི་ཐེངས་འདིའི་མཇལ་མོལ་དེ་ཡུལ་གཉིས་དབར་འབྲོག་ལམ་ས་མཚམས་ཀྱི་རྩོད་རྙོག་བྱུང་བ་ནས་བཟུང་མཇལ་མོལ་ཐེངས་དང་པོ་ཆགས་ཀྱི་ཡོད་པ་རེད།  གནད་དོན་དེ་དང་འབྲེལ་ནས་ལྕམ་ Swaraj མཆོག་གིས་དབུ་ཁྲིད་རྣམ་གཉིས་དབར་གྱི་མཇལ་མོལ་དེ་ནི་ཕྱོགས་གཉིས་ཀྱི་འབྲེལ་ལམ་དམ་ཟབ་ཏུ་གཏོང་རྒྱུར་ཆེད་དམིགས་གཙོས་གཉིས་སྨན་འབྲེལ་ལམ་དང་རྒྱལ་སྤྱིའི་གནད་དོན་ཁག་ཅིག་གི་ཐོག་བསམ་ཚུལ་བརྗེ་ལེན་གྱི་དུས་སྐབས་བཟང་པོ་ཞིག་ཡིན་སྐོར་གསུངས་ཡོད་པ་དང་། རྒྱ་ནག་གི་ཕྱི་སྲིད་བློན་ཆེན་ Wang yi ནས་ཀྱང་དབུ་ཁྲིད་རྣམ་གཉིས་ནས་མཇལ་མོལ་དེ་ནི་རྒྱལ་ཁབ་ཕྱོགས་གཉིས་ཀྱི་འབྲེལ་ལམ་ཐད་ལ་ལོ་རྒྱུས་ཀྱི་མཚམས་རྡོ་ལྟ་བུ་ཞིག་ཆགས་ཀྱི་ཡོད་པར་འགྲེལ་བརྗོད་གནང་འདུག

རྒྱ་གར་གྱི་སྲིད་བློན་ Narendra Modi  མཆོག་ནས་ཟླ་ ༤ ཚེས་ ༢༧ དང་ ༢༨ བཅས་ཉིན་གཉིས་རིང་རྒྱ་ནག་གི་ Wuhan གྲོང་ཁྱེར་དུ་སྲིད་འཛིན་ཞི་ཅིང་ཕིང་དང་ལྷན་རྒྱ་དཀར་ནག་གཉིས་ཀྱི་ས་མཚམས་ཀྱི་རྩོད་རྙོག་གཙོས་པའི་གནད་དོན་གཞན་ཁག་ཅིག་གི་ཐོག་བཀའ་བསྡུར་གནང་གཏན་ཁེལ་འདུག དེ་ཡང་རྒྱ་གར་གྱི་ཕྱི་སྲིད་བློན་ཆེན་ལྕམ་ Sushma Swaraj མཆོག་དེང་སྐབས་རྒྱ་ནག་ཏུ་གཞུང་འབྲེལ་འཚམས་གཟིགས་ལ་ཕེབས་བཞིན་ཡོད་པ་དང་བསྟུན། ལྕམ་སྐུ་མཆོག་དང་རྒྱ་ནག་གི་ཕྱི་སྲིད་བློན་ཆེན་ Wang yi གཉིས་ཀྱིས་ཁ་སང་ཚེས་ ༢༢ ཉིན་རྒྱལ་ས་པེ་ཅིང་དུ་མཉམ་འབྲེལ་གསར་འགོད་ལྷན་ཚོགས་ཤིག་བསྐོང་ཚོགས་གནང་ཐོག་གནས་ཚུལ་དེ་ཡོངས་ཁྱབ་གནང་ཡོད་པ་དང་། ལྕམ་ Swaraj མཆོག་གིས་སྐབས་དེར་དབུ་ཁྲིད་རྣམ་གཉིས་དབར་གྱི་མཇལ་མོལ་དེ་ནི་ཕྱོགས་གཉིས་ཀྱི་འབྲེལ་ལམ་དམ་ཟབ་ཏུ་གཏོང་རྒྱུར་ཆེད་དམིགས་གཙོས་གཉིས་སྨན་འབྲེལ་ལམ་དང་རྒྱལ་སྤྱིའི་གནད་དོན་ཁག་ཅིག་གི་ཐོག་བསམ་ཚུལ་བརྗེ་ལེན་གྱི་དུས་སྐབས་བཟང་པོ་ཞིག་ཡིན་སྐོར་གསུངས་འདུག དེ་བཞིན་རྒྱ་ནག་གི་ཕྱི་སྲིད་བློན་ཆེན་...