རྒྱ་གར་གྱིས་བོད་དེ་རྒྱ་ནག་གི་ཆ་ཤས་ཤིག་ཏུ་ངོས་འཛིན་གནང་གི་ཡོད་མ་རེད།

ཁ་སང་ཟླ་ ༡༠ ཚེས་ ༡༦ ཉིན་རྒྱལ་ས་ལྡི་ལིའི་ནང་བོད་ཀྱི་སྲིད་བྱུས་ཉམས་ཞིབ་ཁང་གིས་གོ་སྒྲིག་འོག་བོད་དོན་དང་འབྲེལ་བའི་མཁས་པའི་བགྲོ་གླིེང་ཞིག་ཚོགས་ཡོད་པ་དང་། སྐབས་དེར་རྒྱ་གར་གྱི་གཞུང་འཛིན་ BJP ཆབ་སྲིད་ཚོགས་པའི་མགྲིན་ཚབ་པ་ལྕམ་སྐུ་ Meenakshi Lekhi  མཆོག་ནས་རྒྱ་གར་གྱིས་བོད་དེ་རྒྱ་ནག་གི་ཆ་ཤས་ཤིག་ཏུ་ངོས་འཛིན་གནང་གི་མེད་པ་དང་བོད་དེ་མངའ་ཁོངས་གཞན་ཞིག་ཏུ་ངོས་འཛིན་གནང་གི་ཡོད་པ་རེད་ཅེས་གསུངས་སོང་། དེ་ཡང་རྒྱལ་ས་ལྡི་ལིའི་ India International  ལྟེ་གནས་ཁང་དུ་གོ་སྒྲིག་ཞུས་པའི་བགྲོ་གླེང་གི་ལྷན་ཚོགས་དེའི་ཐོག་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་རྒྱ་གར་གཞུང་གི་ཕྱི་སྲིད་དྲུང་ཆེ་ཟུར་པ་སྐུ་ཞབས་ Kanwal Sibal མཆོག།རྒྱ་ནག་སྲིད་བྱུས་ཉམས་ཞིབ་བལྟེ་གནས་ཁང་གི་ཚོགས་གཙོ་སྐུ་ཞབས་  Jayadeva Ranade མཆོག།ཨ་རི་ནིའུ་ཡོག་གྲོང་ཁྱེར་གཙུག་ལག་སློབ་གྲའི་སློབ་དཔོན་ Ming Xia མཆོག  BJP...