རྒྱལ་སྤྱིའི་སྡིངས་ཆའི་ཐོག་བོད་ཀྱི་གནད་དོན་འབུར་འདོན་དང་འབྲེལ་བའི་ཟབ་སྦྱོང་དབུ་འཛུགས།

དབུས་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱི་འགྲོ་བ་མིའི་ཐོབ་ཐང་ཚན་པ་དང་སུད་སི་བོད་ཀྱི་སྐུ་ཚབ་དོན་ཁང་གི་རྒྱལ་ཚོགས་དང་འགྲོ་བ་མིའི་ཐོབ་ཐང་ཚན་པ་གཉིས་ཀྱིས་གོ་སྒྲིག་འོག་བོད་ཀྱི་གནད་དོན་དང་རྒྱལ་སྤྱིའི་ཚོགས་སྡེ་ཁག་གི་ལས་དོན་སྐོར་གོ་རྟོགས། གནམ་གཤིས་འགྱུར་ལྡོག་བཅས་བརྒྱུད་ནས་རྒྱལ་སྤྱིའི་སྡིངས་ཆའི་ཐོག་བོད་ཀྱི་གནད་དོན་འབུར་འདོན་དང་འབྲེལ་བའི་ཉིན་གྲངས་གཉིས་དང་ཕྱེད་ཀའི་ཟབ་སྦྱོང་དབུ་འཛུགས་གནང་སོང་།དེ་རིང་སྔ་དྲོ་ཚོུད་ ༩༌༣༠ སྟེང་བོད་མིའི་སྒྲིག་འཛུགས་ཀྱི་ TCRC ཚོགས་ཁང་དུ་ཕྱི་འབྲེལ་དྲུང་ཆེ་དྭགས་པོ་བསོད་ནམས་ནོར་བུ་ལགས་དབུ་བཞུགས་ཐོག་དབུ་འཛུགས་ནང་སོང་བ་དང་། བོད་མིའི་སྒྲིག་འཛུགས་ཕྱི་དྲིལ་འགྲོ་བ་མིའིཐོབ་ཐང་ཚན་པ་དང་སུད་སི་སྐུ་ཚབ་དོན་ཁང་གི་རྒྱལ་ཚོགས་དང་འགྲོ་བ་མིའི་ཐོབ་ཐང་ཚན་པའི་ལས་བྱེད། བོད་ཀྱི་སྲིད་བྱུས་ཉམས་ཞིབ་ཁང་། བོད་མིའི་སྒྲིག་འཛུགས་ཀྱི་ལྷན་ཁང་ཁག་གི་འཐུས་མི་ཁག་ཅིག དེ་བཞིན་བཞུགས་སྒར་ཁུལ་གྱི་གཞུང་འབྲེལ་མ་ཡིན་པའི་ཚོགས་པ་ཁག་གི་སྐུ་ཚབ་བཅས་ཁྱོན་མི་གྲངས་ ༢༠ སྐོར་ཞིག་གིས་མཉམ་ཞུགས་གནང་འདུགཐེངས་འདིའི་ཟབ་སྦྱོང་ཐོག་འགྲོ་བ་མིའི་ཐོབ་ཐང་དང་ཁོར་ཡུག་བཅས་ཀྱི་ཐོག་ལོ་མང་རིང་ཕྱག་ལས་གནང་མྱོང་མཁན་ཁྱད་ལས་པ་བཞི་གདན་འདྲེན་ཞུས་འདུག དེ་དག་རྣམས་ནི་ཇི་ནི་ཝ་ ནས་ཡིན་པའི་སྐུ་ཞབས་ Adrien-Claude Zoller ལགས་དང་ལྕམ་ Marguerie Contat ལགས། སྐུ་ཞབས་ Yves Lador ལགས།...