ལ་དྭགས་མི་མང་ཡོངས་ཀྱིས་༸གོང་ས་མཆོག་གི་༸སྐུའི་གྱ་སྟོན་ལ་བརྟན་བཞུགས་བསྟར་འབུལ་ཞུས་པ།

བོད་ཀྱི་བླ་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་ཐོག་ལ་དྭགས་མི་དམས་ཡོངས་ཀྱིས་བརྟན་བཞུགས་རྒྱས་པ་ཞིག་བསྟར་འབུལ་ཞུས་འདུག དེ་རིང་ཟླ་ ༧ ཚེས་ ༣༠ ཉིན་ལ་དྭགས་ཞི་བའི་འཚལ་ཕོ་བྲང་དུ་འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་རིན་པོ་ཆེ་རི་རྫོང་སྲས་ཐུབ་བསྟན་ཉི་མ་ལུང་རྟོགས་བསྟན་འཛིན་ནོར་བུ་མཆོག་དབུས་པའི་ལ་དྭགས་ཡུལ་མི་དང་། ས་གནས་བོད་མི་བཅས་ཐུན་མོང་གིས་དགའ་གུས་དད་གསུམ་གྱི་ཐོག་ནས་འདི་ལོར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་ ༨༠ ཕེབས་པ་དང་བསྟུན།མགོན་པོ་༸གང་ཉིད་མཆོག་༸སྐུ་ཚེ་མི་འཇིགས་རྡོ་རྗེའི་ཁམས་སུ་བརྟན་ཕྱིར་ས་གནས་དགོན་ཁག་ ༡༦ གི་མཁན་བློ་སྤྲུལ་རྣམ་པ། ས་གནས་གཞུང་འབྲེལ་དཔོན་རིགས། བོད་མིའི་སྐུ་ཚབ་དང། དེ་བཞིན་སེར་སྐྱ་མང་ཚོགས་ ༥༠༠༠ ལྷག་འདུ་འཛོམས་ཐོག་བརྟན་བཞུགས་རྒྱས་པ་ཞིག་བསྟར་འབུལ་ཞུས་འདུགསྐབས་དེར་མགོན་པོ་མཆོག་གིས་སེམས་པ་བཟང་པོ་བྱ་གལ་ཆེ་བ་དང་བྱང་ཆུབ་སེམས་སྒོམ་ནས་སྟིང་ཉིད་རྟོགས་པའི་ལྟ་བས་རྩིས་ཟིན་པ་ཞིག་གནང་དགོས་གལ་ཆེ་བ་སོགས་ཀྱི་ཐད་ལ་བཀའ་བསྩལ་མཛད་འདུག རྩ་བའི་སྔ་དྲོ་༸གོང་ས་མཆོག་གིས་ལ་དྭགས་སླེ་ཞི་བའི་འཚལ་ཕོ་བྲང་དུ་ལ་དྭགས་མགོན་ཚོགས་ནས་ཇི་ལྟར་གསོལ་འདེབས་ཞུ་དོན་ལྟར། དད་ལྡན་མང་ཚོགས་ཆོས་ཞུ་བ་ ༥༠༠༠ ལྷག་ལ་དགེ་བཤེས་གླང་རི་དམ་པས་མཛད་པའི་བློ་སྦྱོང་ཚིག་བརྒྱད་མའི་གསུང་ཆོས་དང། པཎ་གྲུབ་བཅུ་བདུན་གྱི་བཤད་ལུང། དེ་བཞིན་སྒྲོལ་དཀར་ཡིད་བཞིན་འཁོར་ལོའི་ཚེ་དབང་བཀྲིན་ཆེ་བ་བསྩལ་འདུག