སྲིད་སྐྱོང་མཆོག་གིས་དབུ་མའི་ལམ་ནི་༸གོང་ས་མཆོག་༸སྐུ་འཚོ་བཞུགས་རིང་བོད་དོན་སེལ་ཆེད་ཀྱི་ཛ་དྲག་སྲིད་བྱུས་ཤིག་ཡིན་གསུངས་སོང་།

རྒྱ་གར་རྒྱལ་ཡོངས་བཙན་བྱོལ་བོད་མིའི་ཚོང་པ་ཚོགས་པའི་ངོས་ནས་༸གོང་ས་མཆོག་ལ་ཇི་ལྟར་གསོལ་བ་བཏབ་པ་བཞིན་བཀའ་བཞེས་བཟང་པོ་སྨིན་སྩལ་ཐོབ་སྟེ་དེ་རིང་ཟླ་ ༤ ཚེས་ ༡༣ ཉིན་བཞུགས་སྒར་༸རྒྱལ་བའི་ཕོ་བྲང་དུ་༸གོང་ས་མཆོག་གིས་བོད་མིའི་ཚོང་པ་ཚོགས་པའི་རྒྱུན་ལས་རྣམས་ཀྱིས་གཙོས་བོད་མི་དང་ལྷན་ཚོང་འབྲེལ་ཡོད་པའི་རྒྱ་གར་ཚོང་པ་ཁག་ཅིག་ལ་མཇལ་ཁ་གནང་བ་མ་ཟད། སྐབས་དེར་ཚོང་པ་ཚོའི་ངོས་ནས་དཔལ་འབྱོར་བཟོ་དགོས་གལ་ཡིན་པ་དང་དེ་མཚུངས་མ་འོངས་པར་གཞན་ལ་ཕན་པའི་ཕྱག་ལས་གནང་དགོས་གལ་ཡིན་པའི་ལམ་སྟོན་བསྩལ་འདུག དེའང་བཞུགས་སྒར་དྷ་རྨ་ས་ལར་སང་ཟླ་ ༤ ཚེས་ ༡༤ དང་ ༡༥ བཅས་ཉིན་གྲངས་གཉིས་རིང་རྒྱ་གར་རྒྱལ་ཡོངས་བཙན་བྱོལ་བོད་མིའི་ཚོང་པ་ཚོགས་པའི་དབུས་སྤྱི་ཁྱབ་རྒྱུན་ལས་སྐབས་བཞི་པའི་འགན་འཛིན་ལྷན་ཚོགས་ཐེངས་དང་པོ་ཚོགས་ཀྱི་ཡོད་པ་དང་བསྟུན། དེ་རིང་སྔ་དྲོ་བོད་མིའི་ཚོང་པ་རྣམས་ཀྱིས་གཙོས་པའི་རྒྱ་གར་ཚོང་པ་རྣམས་ནས་བཞུགས་སྒར་༸རྒྱལ་བའི་ཕོ་བྲང་དུ་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁ་ཐོབ་འདུག ཐེངས་འདིའི་༸གོང་ས་མཆོག་གི་མཇལ་ཁ་ཞུ་བར་བཅར་མཁན་ Ludhiana ནང་གི་ Lala Tibetan Hosiery Association ཞེས་བོད་མིའི་ཚོང་པ་ཚོ་དང་ལྷན་ཚོང་འབྲེལ་གནང་མཁན་རྒྱ་གར་ཚོང་པ་ཚོགས་པའི་ཚོགས་གཙོ་སྐུ་ཞབས་ Manjeet Kumar ལགས་སུ་བཅར་འདྲི་ཞུས་པར་བོད་མིའི་ཚོང་པ་ཚོ་དང་ལྷན་ཚོང་འབྲེལ་གནང་ནས་ལོ་ངོ་...

དེ་རིང་ཟླ་ ༤ ཚེས་ ༡༡ ཉིན་རྒྱ་གར་བྱང་ཕྱོགས་ Punjab མངའ་སྡེའི་གྲོང་ཁྱེར་ Ludhiana ནང་དུ་རྒྱ་གར་ནང་གི་ས་གནས་ཁག་མི་འདྲ་བ་ ༡༧༤ ནས་བོད་མི་སུད་ཚོང་བ་ ༣༥༠ དང་རྒྱ་གར་གྱི་ཚོང་བདག་ ༦༠ ཙམ་ལྷན་འཛོམས་ཀྱིས་རྒྱ་གར་རྒྱལ་ཡོངས་བཙན་བྱོལ་བོད་མིའི་ཚོང་པ་ཚོགས་པའི་དམིགས་བསལ་ཚོགས་ཆེན་ཐེངས་དང་པོ་དབུ་འཛུགས་གནང་འདུག དེའང་ཚོགས་ཆེན་གྱི་དབུ་འབྱེད་མཛད་སྒོའི་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ཆེད་ཕེབས་ཐོག དཔལ་འབྱོར་བཀའ་བློན་ཀརྨ་ཡེ་ཤེས་མཆོག་དང་འཆར་འགོད་འགན་འཛིན་འབུམ་རམས་པ་དཀོན་མཆོག་བརྩོན་འགྲུས་ལགས་སོགས་ཕེབས་གནང་ཡོད་པ་རེད། རྒྱ་གར་རྒྱལ་ཡོངས་བཙན་བྱོལ་བོད་མིའི་ཚོང་པ་ཚོགས་པའི་རྒྱུན་ལས་ཚེ་རིང་རྡོ་རྗེ་ཆུང་ལགས་སུ་དེ་འབྲེལ་བཅར་འདྲི་ཞུས་པར་ཁོང་གིས་ཚོགས་ཆེན་འདི་ནི་རྐང་རྒྱ་གར་གཞུང་འཛིན་གསར་པའི་དཔལ་འབྱོར་དང་ཚོང་ལས་ཀྱི་ཁྲིམས་ལ་འགྱུར་བ་སོང་བ་ཁག་ངོ་སྤྲོད་དང་གོ་བསྐོན་གནང་ཕྱིར་དམིགས་པ་ཞིག་ཡིན་སྐོར་སོགས་གསུངས་སོང་། རྩ་བའི་རྒྱ་གར་རྒྱལ་ཡོངས་བཙན་བྱོལ་བོད་མིའི་ཚོང་པ་ཚོགས་པའི་དམིགས་བསལ་ཚོགས་ཆེན་ཐེངས་དང་པོ་འདི་དེ་རིང་ཟླ་ ༤ ཚེས་ ༡༡ ནས་ ༡༤ བར་ཁྱོན་ཉིན་གྲངས་བཞིའི་རིང་འཚོགས་རྒྱུ་རེད་འདུག

བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ཁ་སང་དབྱིན་ཡུལ་གྲོས་ཚོགས་འཐུས་མི་རྣམས་དང་མཇལ་མོལ་གྱིས་དབྱིན་ཡུལ་གཞུང་ནས་བོད་ཀྱི་གནད་དོན་ཐོག་འགན་ཁུར་གཙོ་བཞེས་གནང་སྟེ་རྒྱལ་སྤྱིའི་སྡིངས་ཆའི་ཐོག་ནུས་པ་རྒྱ་གང་ཆེ་བཏོན་གནང་གལ་ཡིན་པ་གསུངས་འདུག དེ་ཡང་དབྱིན་ཡུལ་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པས་གོ་སྒྲིག་འོག་སྲིད་སྐྱོང་མཆོག་གིས་ཡུལ་དེའི་གྲོས་ཚོགས་ཚོགས་ཁང་དུ་བོད་དོན་རྒྱབ་སྐྱོར་ཚོགས་པའི་ཚོགས་འདུར་གཙོ་བཞུགས་ཀྱིས་དབྱིན་ཡུལ་གྲོས་ཚོགས་འཐུས་མི་ ༡༠ ཙམ་དང་མཇལ་མོལ་གནང་པ་མ་ཟད། ཡུལ་དེར་རྟེན་གཞི་བྱས་པའི་ Henry Jackson Society ཚོགས་པའི་ཚོགས་མི་རྣམས་ལ་མཇལ་འཕྲད་གནང་སྟེ་བཙན་བྱོལ་བོད་མིའི་མང་གཙོའི་འཕེལ་རིམ་དང་འབྱུང་འགྱུར་བོད་རྒྱ་འབྲེལ་མོལ་གྱི་ཁ་ཕྱོགས་སྐོར་གསུང་བཤད་གནང་འདུག  དབྱིན་ཡུལ་གྲོས་ཚོགས་འོག་མའི་ཚོགས་གཙོ་སྐུ་ཞབས་ John Bercow མཆོག་མཇལ་མོལ་གནང་པ་མ་ཟད། ལྷག་དོན་སྲིད་སྐྱོང་བློ་བཟང་སེང་གེ་མཆོག་གིས་ཁ་སང་དབྱིན་ཡུལ་གྲོས་ཚོགས་འཐུས་མི་རྣམས་ལ་དབྱིན་ཡུལ་གཞུང་ནས་བོད་ཀྱི་གནད་དོན་ཐོག་འགན་ཁུར་གཙོ་བཞེས་ཀྱིས་རྒྱལ་སྤྱིའི་སྡིངས་ཆའི་ཐོག་ནུས་པ་རྒྱ་གང་ཆེ་བཏོན་གནང་གལ་ཡིན་པ་གསུངས་འདུག ཡང་སྐབས་དེར་གྲོས་ཚོགས་ཚོགས་གཙོ་སྐུ་ཞབས་ John Bercow ལགས་ཀྱིས་ཁོང་ནས་༸གོང་ས་༸སྐྱབས་མགོན་ཆེན་པོ་མཆོག་གྲོས་ཚོགས་ནང་གདན་འདྲེན་ཞུ་རྒྱུའི་སྐལ་བཟང་གི་གོ་སྐབས་ཐོབ་པ་རྣམས་དགའ་སྤྲོའི་རྣམ་འགྱུར་མངོན་གསལ་ཐོག་ནས་དྲན་གསོ་དང་སྦྲགས་སྲིད་སྐྱོང་མཆོག་ལའང་དེ་མཚུངས་ད་རེས་བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་ཆེད་ཕེབས་གནང་བར་དགའ་བསུ་ཞུས་པ་དང་ཆབས་ཅིག ཚོགས་གཙོ་མཆོག་ནི་དུས་རྟག་ཏུ་བོད་དོན་འཐབ་རྩོད་ལ་རྒྱབ་སྐྱོར་ཤུགས་ཆེ་གནང་མཁན་ཞིག་ཡིན་པ་མ་ཟད། མ་འོངས་པའང་མུ་མཐུད་བོད་དོན་ལ་རྒྱབ་སྐྱོར་གནང་རྒྱུ་ཡིན་སྐོར་གསུངས་འདུག དེ་རྗེས་སྲིད་སྐྱོང་མཆོག་གིས་དུས་ཡུན་སྐར་མ་ ༦།༣༠ ཙམ་ཡོད་པའི་བྷི་བྷི་སི་བརྙན་འཕྲིན་གསར་འགྱུར་ལས་རིམ་ཐོག་ BBC World News television...

ཁ་སང་ཟླ་ ༡༠ ཚེས་ ༢༨ ཉིན་སྔ་དྲོ་ཚོུད་ ༨།༣༠ སྟེང་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་དབུས་པའི་ཕྱག་སྦྲེལ་བཀའ་བློན་རྣམས་ནས་ཇི་ལྟར་མཇལ་ཁའི་གསོལ་འདེབས་ཞུས་དོན་ལྟར་བཀའ་བཞེས་བཟང་པོ་སྨིན་སྩལ་ཐོབ་སྟེ་༸གོང་ས་༸སྐྱབས་མགོན་ཆེན་པོ་མཆོག་གིས་མཇལ་ཁ་དང་ལམ་སྟོན་བཀའ་སློབ་མཛད་འདུག སྐབས་དེར་༸གོང་ས་༸སྐྱབས་མགོན་ཆེན་པོ་མཆོག་གིས་ད་ཆ་༸གང་ཉིད་མཆོག་གིས་བོད་མིའི་ཆབ་སྲིད་དང་འཛིན་སྐྱོང་གི་སྐུ་དབང་ཡོངས་རྫོགས་མང་གཙོའི་ལམ་ནས་འོས་འདེམས་བྱུང་བའི་འགོ་ཁྲིད་ལ་རྩིས་སྤྲོད་མཛད་ཟིན་པར་བརྟེན་དེའི་ཐོག་དམིགས་བསལ་བཀའ་སློབ་གང་ཡང་བསྩལ་མེད་ཀྱང་། དེང་གི་ཆར་དཔལ་ན་ལེནྡྲའི་གཞུང་ལུགས་མདོ་སྔགས་གཉིས་ལ་སློབ་གཉེར་མཐིལ་ཕྱིན་པ་ཞིག་གནང་དགོས་ཚེ་བོད་པའི་སྐད་ཡིག་ལས་ལྷག་པའི་སྐད་ཡིག་གཞན་གཅིག་ཀྱང་མེད་སྐོར་བཀའ་སྩལ་མཛད་པ་དང་སྦྲགས། བོད་སྐད་ཁོ་ནའི་སྟེང་ནས་ནང་པའི་གཞུང་ལུགས་སྤྱི་དང་སྒོས་སེམས་ཁམས་རིག་པ་དང་ཚད་མ་རིག་པའི་རྣམ་གཞག་ཐོག་ཕྱི་རྒྱལ་སེམས་ཁམས་རིག་པ་བ་དང་ཚན་རིག་པ་གཙོས་མཁས་དབང་དང་ཤེས་ལྡན་མི་སྣ་དུ་མས་དེར་དོ་དབྱིངས་ཆེན་པོ་གནང་བཞིན་ཡོད་སྟབས། བོད་མི་རྣམས་ཀྱིས་རང་ཉིད་ལ་ཡོད་པའི་འཛམ་གླིང་གི་གཅེས་ནོར་དེ་རང་ངོས་ནས་འགྲེལ་བརྗོད་གནང་སྟེ་འཇིག་རྟེན་ཀུན་ལ་ཕན་པ་ཇི་ལྟར་བསྒྲུབ་དགོས་མིན་ཐད་ལ་བསམ་བློ་རྒྱ་གང་ཆེ་གཏོང་དགོས་པར་ལམ་སྟོན་མཛད་འདུག དེ་བཞིན་༸གོང་ས་མཆོག་གིས་ང་ཚོ་བོད་པའི་དགོན་ཁག་གཅིག་པུས་ནང་པ་སངས་རྒྱས་པའི་ཆོས་དེ་འཛིན་སྐྱོང་སྤེལ་གསུམ་གནང་དགོས་པའི་གནས་སྟངས་ཤིག་མིན་པར་ནང་པའི་ལྟ་གྲུབ་འདི་ང་ཚོ་བོད་རིགས་ནང་པ་ཡིན་ནོ་ཅོག་གིས་ཁུར་བླངས་ཏེ་མི་སྐྱ་ཕོ་མོ་ཚོས་ཀྱང་ནང་ཆོས་ལ་སློབ་གཉེར་བྱ་རྒྱུ་ཤིན་ཏུ་གདན་ཆེ་ཡིན་པ་མ་ཟད། ལྷག་དོན་བོད་པའི་སློབ་ཁག་ཏུ་ནང་པའི་ལྟ་གྲུབ་དང་འབྲེལ་བའི་སེམས་ཁམས་རིག་པ་དང་ཚད་མ་རིག་པའི་རྣམ་གཞག་དེ་དག་སློབ་ཁྲིད་གནང་རྒྱུ་དེ་བས་ཀྱང་གལ་ཆེར་གཟིགས་ཀྱི་ཡོད་པ་ལམ་སྟོན་བསྩལ་འདུག རྩ་བའི་ཁ་སང་སྲིད་སྐྱོང་མཆོག་ནས་༸གོང་ས་མཆོག་ལ་མཇལ་ཞུ་བར་བཅར་སྐབས་ཉེ་ལམ་བཀའ་ཤག་སྐབས་ ༡༥ པས་བཙན་བྱོལ་བོད་མིའི་གཞིས་ཆགས་ཁག་གཙོས་བོད་མི་འདུ་སྡོད་ཀྱི་ས་ཁུལ་ཁག་ཏུ་ཉམ་ཐག་ཞིབ་འཇུག་དང་ནད་རིགས་སྔོན་འགོག་ལས་དོན་ཞིབ་འཇུག་ཚོགས་ཆུང་ཆེད་འཛུགས་ལྟར་ཚོགས་ཆུང་གི་རྒྱབ་གཉེར་སྙན་ཐོ་བཞིན་བཀའ་ཤག་གིས་ལས་དོན་སྤེལ་ཕྱོགས་སྙིང་བསྡུས་ལྷ་སྙན་སྒྲོན་འབུལ་ཞུས་པར་༸གང་ཉིད་མཆོག་ཐུགས་དགྱེས་ཚོར་དང་སྦྲགས་བསྔགས་བརྗོད་ཀྱང་མཛད་ཡོད་པ་རེད་འདུག

བོད་མིའི་སྒྲིག་འཛུགས་ཀྱི་བོད་ཀྱི་སྲིད་བྱུས་ཉམས་ཞིབ་ཁང་གིས་གོ་སྒྲིག་འོག་དེ་རིང་རྡ་ས་ཉེ་འཁྲིས་ས་རཱ་བོད་ཀྱི་མཐོ་སློབ་ཏུ་བོད་ཀྱི་ན་གཞོན་ཉམས་ཞིབ་པའི་ཚོགས་འདུ་དབུ་འཛུགས་གནང་ཡོད་པ་དང་།  ཐེངས་འདིའི་ཚོགས་འདུའི་ཐོག་རྒྱ་གར་གྱི་གཙུག་ལག་སློབ་ཁང་དུ་སློབ་གཉེར་གནང་བཞིན་པའི་ན་གཞོན་ཉམས་ཞིབ་པ་ ༣༠ ཙམ་ཕེབས་འདུག དེ་རིང་ཟླ་ ༡༠ ཚེས་ ༡༨ ཉིན་སྔ་དྲོ་ཚོུད་ ༩།༠༠ སྟེང་སྐུ་མགྲོན་གཙོ་བོ་སྲིད་སྐྱོང་བློ་བཟང་སེང་གེ་མཆོག་དང་དམིགས་བསལ་སྐུ་མགྲོན་རྒྱ་གར་གྱི་རྒྱལ་སྲུང་སློབ་སྟོན་པའི་གྲས་སུ་ཡོད་དང་རྒྱ་ནག་ཉམས་ཞིབ་ཐབས་བྱུས་ལྟེ་གནས་ཁང་གི་འགན་འཛིན་སྐུ་ཞབས་ Jayadeva Ranade མཆོག་ཆེད་ཕེབས་གཙོས། དེ་བཞིན་བོད་ཕྲུག་ན་གཞོན་ཉམས་ཞིབ་པ་ ༣༠ ཙམ་བཅས་ལྷན་འཛོམས་ཀྱིས་བོད་ཀྱི་ན་གཞོན་ཉམས་ཞིབ་པའི་ཚོགས་འདུ་ཐེངས་གཉིས་པ་འགོ་འཛུགས་གནང་སོང་། མཛད་སྒོའི་ཐོག་མར་བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་གཞོན་པ་བསོད་ནམས་བསྟན་འཛིན་ལགས་ནས་བོད་རིགས་ན་གཞོན་ཉམས་ཞིབ་པའི་འདུ་འཛོམས་འདི་ལྟ་བུ་ནི་གཙོ་བོ་རྩ་དོན་ལ་སྨན་པའི་བསམ་བློ་གསར་པ་དང་ཉམས་ཞིབ་པ་ནང་ཕན་ཚུན་ངོ་ཤེས་ཡོང་ཐབས་སོགས་ལ་དམིགས་ཡོད་པ་དགའ་བསུའི་གསུང་བཤད་གནང་ཡོད་པ་རེད། སྐབས་དེར་སྲིད་སྐྱོང་བློ་བཟང་སེང་གེ་མཆོག་གིས་ད་རེས་ཉིན་གསུམ་རིང་གི་ཚོགས་འདུའི་ཐོག་བཅར་བའི་ཉམས་ཞིབ་སློབ་མ་ཀུན་ལ་འཚམས་འདྲི་དང་སྦྲགས། འཛིན་སྐྱོང་གི་ངོས་ནས་རྒྱ་གར་དང་ཕྱི་རྒྱལ་ནང་གི་བོད་ཕྲུག་འབུམ་རམས་པ་དང་ཉམས་ཞིབ་པ་སྐྱེད་སྲིང་དང་གསོ་སྐྱོང་བྱ་རྒྱུ་ནི་ཤིན་ཏུ་གལ་ཆེར་གཟིགས་ཏེ་དེའི་སླད་གཞུང་ནས་གོ་སྐབས་དང་མཐུན་རྐྱེན་གང་ཐུབ་གནང་རྒྱུའི་འབད་བརྩོན་གནང་མུས་ཡིན་པ་སྒྲིག་འཛུགས་ངོས་ནས་ན་གཞོན་ཤེས་ཡོན་ཅན་ཚོར་གཟིགས་ཕྱོགས་ཇི་ཡོད་སྐོར་ལ་གསུངས་གནང་སོང་། སྒོས་སུ་སྲིད་སྐྱོང་མཆོག་གིས་ཉམས་ཞིབ་སློབ་མ་རྣམས་ལ་ད་ལྟའི་དུས་མཚམས་འདིར་འཛམ་གླིང་ནང་ལྟ་གྲུབ་དང་ཆབ་སྲིད་ཀྱི་ཐོག་ནས་རྒྱལ་སྤྱིའི་ལྟ་གྲུབ་དང་གུ་ཡངས་ཀྱི་ལྟ་གྲུབ་གཉིས་ཉམས་རྒུད་དུ་འགྲོ་གྱི་ཡོད་པ་མངོན་རྒྱུ་ཡོད་པ་དང་། དེ་མཚུགས་སུ་རྒྱལ་ཞེན་ལམ་ལུགས་དང་ཕྱོགས་ཤེས་ཀྱི་ལྟ་གྲུབ་གཉིས་ཤུགས་ཆེ་ཁྱབ་སྤེལ་འགྲོ་གྱི་ཡོད་པ་རྒྱལ་སྤྱིའི་འགྱུར་འགྲོས་སྤྱིའི་སྐོར་གསུངས་པ་དང་འབྲེལ། འགྱུར་བ་དེ་ལྟར་འགོ་རྒྱ་ནག་གི་གནས་སྟངས་ཇི་ཆགས་དང་མ་འོངས་པ་བོད་ཀྱི་གནད་དོན་དེ་ཇི་ཆགས་སོགས་ཀྱི་ཐད་ལ་དགོངས་པ་བཞེས་གནས་གལ་དང་། ལྷག་པར་དུ་ཐབས་ལམ་ཐོག་ལ་བསམ་བློ་སྤུངས་གནང་རྒྱུ་ནི་ཉམས་ཞིབ་པའི་འོས་འགན་ཞིག་ཆགས་ཡོད་པ་འདི་ལྟར་གསུངས་གནང་སོང་། དམིགས་བསལ་སྐུ་མགྲོན་རྒྱ་གར་གྱི་རྒྱ་ནག་ཉམས་ཞིབ་ཐབས་བྱུས་ལྟེ་གནས་ཁང་གི་འགན་འཛིན་སྐུ་ཞབས་ Jayadeva Ranade མཆོག་ནས་ཐེངས་འདི་ཚོགས་འདུའི་བརྗོད་གཞི་བོད་དང་བོད་མི་རེ་བ་དང་གདོང་ལེན་ཞེས་པ་ནི་ཧ་ཅང་གི་གལ་གནད་ཅིག་ཏུ་འགྲེལ་བརྗོད་གནང་པ་དང་ཆབས་ཅིག དོན་དག་ངོ་མ་རྒྱ་ནག་ལ་ཐུགས་ཡོད་སྟབས།...

བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་དེ་རིང་སྐབས་༡༦པའི་སྤྱི་འཐུས་གསར་པ་ཁག་ཅིག་ལ་དབུ་མའི་ལམ་དང་བོད་རྒྱ་འབྲེལ་མོལ་སྐོར་ལ་ཟབ་སྦྱོང་གནང་སྐབས། དབུ་མའི་ལམ་གྱི་གལ་གནད་་སྐོར་དང་འབྲེལ། སྲིད་བྱུས་འདི་ནི་ཛ་དྲག་ཅིག་ཆགས་ཡོད་པ་དང་། ༸གོང་ས་མཆོག་༸སྐུ་འཚོ་བཞུགས་རིང་བོད་དོན་སེལ་དགོས་རྒྱུ་ནི་ཤིན་ཏུ་ནས་གལ་ཆེ་ཡིན་པ་མ་ཟད། འཛིན་སྐྱོང་ངོས་ནས་རྒྱ་བོད་འབྲེལ་མོལ་བསྐྱར་གསོ་ཡོང་སླད་རྒྱལ་སྤྱིའི་གྲོ་ལུགས་དང་མཐུན་པའི་འབད་བརྩོན་སྔར་ལྷག་གནང་མུས་ཡིན་པ་གསུངས་སོང། བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དྲུང་ལས་ཁུངས་ནས་ཟླ་འདིའི་ཚེས་ ༤ ནས་དབུ་འཛུགས་ཀྱིས་སང་ཚེས་ ༡༠ བར་ལ་གསར་དུ་བདམས་ཐོན་སྤྱི་འཐུས་རྣམས་ལ་བཙན་བྱོལ་བོད་མའི་སྒྲིག་འཛུགས་ཀྱི་སྲིད་བྱུས་དང་ཁྲིམས་སྒྲིག་ཁག་ཟབ་སྦྱོང་ཕུལ་བཞིན་ཡོད་པ་ལྟར། དེ་རིང་སྔ་དྲོའི་ཚོགས་ཐུན་གཉིས་རིང་ལ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་སྤྱི་འཐུས་རྣམས་ལ་བོད་མིའི་སྒྲིག་འཛུགས་ནས་དབུ་མའི་ལམ་གྱི་སྲིད་བྱུས་བཟུང་དགོས་དོན་དང། བོད་རྒྱ་འབྲེལ་མོལ་གྱི་འབྱུང་རིམ་དང་རྒྱབ་ལྗོངས་ངོ་སྤྲོད་ཅེས་པའི་བརྗོད་གཞི་གཉིས་ཐོག་ལ་ཟབ་སྦྱོང་གནང་ཡོད། བརྗོད་གཞི་དང་པོ་དབུ་མའི་ལམ་སྐོར་དང་འབྲེལ། སྲིད་སྐྱོང་མཆོག་གིས་ང་ཚོས་དབུ་མའི་ལམ་གྱི་སྲིད་བྱུས་བཟུང་དགོས་པའི་རྒྱུ་རྐྱེན་གཙོ་བོ་ནི་རྐང་རྒྱ་ནག་དང་རྒྱ་གར། དེ་བཞིན་རྒྱལ་སྤྱིའི་སྤྱི་ཚོགས་དང། གཞིས་བཞུགས་བོད་མི། བཙན་བྱོལ་བོད་མི་བཅས་དོན་ཚན་ལྔར་ཐུག་ཡོད་པ་ངོས་འཛིན་དང། ལྷག་པར་དུ་དབུ་མའི་ལམ་དེ་གྲུབ་མ་གྲུབ་དང་གྲུབ་འབྲས་སོན་མིན་དེ་གོང་ཞུས་རྒྱུ་རྐྱེན་དེ་དག་མཐུན་མིན་དང་རྒྱུ་རྐྱེན་དེ་དག་དང་འབྲེལ་བ་སོགས་ལ་རག་ལུས་ཡོད་པ་གསུངས་པ་མ་ཟད། ལྷག་དོན་སྲིད་བྱུས་འདི་ནི་ཛ་དྲག་གི་རང་བཞིན་ཞིག་ཆགས་ཡོད་པ་གསུངས་སོང།    ད་དུང་སྲིད་སྐྱོང་མཆོག་གིས་དབུ་མའི་ལམ་གྱི་ནུས་པ་དང་གྲུབ་འབྲས་གཙོ་གནད་འགས་སྐོར་དང་འབྲེལ། སྲིད་བྱུས་དེ་ལ་ད་སྐབས་ཨ་རིའི་ཕོ་བྲང་དཀར་པོ་དང་ཡོ་རོབ་མཐུན་ཚོགས་སོགས་ནས་རྒྱབ་སྐྱོར་ཚད་མཐོ་བོ་ཐོབ་ཡོད་པ་མ་ཟད། རྒྱ་རིགས་མང་ཚོགས་ནས་ཀྱང་དེ་ལ་གོ་རྟོགས་ཆེ་བ་དང་ཡིག་ངག་གཉིས་ཐོག་ནས་རྒྱབ་སྐྱོར་གནང་མཁན་མང་དུ་སོང་ཡོད་པ་དང། རྒྱ་ནག་གཞུང་ཕྱོགས་ནས་ཀྱང་གྲངས་ཉུང་མི་རིགས་ཁོངས་སུ་རྩིས་བཞིན་པ་གཞན་ལས་བོད་ཐོག་རྒྱབ་ཤ་དཀར་པོ་མང་བ་བཏོན་ཡོད་པ་དག་ནི་དབུ་མའི་ལམ་གྱི་ནུས་པ་ཞིག་ཆགས་ཡིན་སྐོར་གསུངས་ཡོད། དེ་རིང་གི་ཟབ་སྦྱོང་དེའ་ཐོག་ནས་སྲིད་སྐྱོང་བློ་བཟང་སེང་གེ་མཆོག་གིས་སྤྱི་འཐུས་རྣམས་ལ་བོད་རྒྱ་འབྲེལ་མོལ་གྱི་བྱུང་རིམ་དང་རྒྱབ་ལྗོངས་སྐོར་དང་འབྲེལ། ཕྱི་ལོ་ ༡༩༧༩ ནས་བོད་རྒྱའི་དབར་ལ་ཐད་ཀར་འབྲེལ་ལམ་འགོ་ཚུགས་ནས་བཟུང་།...