ཧི་མཱ་ཅལ་མངའ་སྡེའི་གྲོས་ཚོགས་ཀྱི་ཚོགས་གཙོས་༸གོང་ས་མཆོག་གྲོས་ཚོགས་སུ་ཆིབས་བསྒྱུར་བསྐྱང་རྒྱུར་རེ་བ་གཟིགས་ཀྱི་ཡོད་པ་གསུངས་སོང།

བོད་མི་མང་སྤྱི་འཐུས་ལྷན་ཚོགས་ནས་དེ་རིང་ཧི་མཱ་ཅལ་མངའ་སྡེའི་གྲོས་ཚོགས་འཐུས་མི་དང་གཞུང་གི་བློན་ཆེན་རྣམ་པར་ཉིན་དགུང་གསོལ་ཚིགས་འདེགས་འབུལ་ཞུས་ནས། མངའ་སྡེ་གཞུང་མང་གཉིས་ལ་བཀྲིན་རྗེས་དྲན་དང་ཐུགས་རྗེ་ཆེ་ཞེས་གསུངས་གནང་སོང།  དེ་ཡང་འདས་པའི་ཉིན་གྲངས་བཞི་ནས་འདི་ག་རྡ་རམ་ས་ལར་མངའ་སྡེའི་གྲོས་ཚོགས་ཚོགས་འགོ་བཙུགས་ཡོད་པ་ལྟར། དེ་རིང་ལས་ཉིན་མཐའ་མའི་དུས་ཚིགས་དང་བསྟུན། བོད་མི་མང་སྤྱི་འཐུས་ལྷན་ཚོགས་ནས་མངའ་སྡེའི་གྲོས་ཚོགས་སུ་ཚོགས་གཙོ་སྐུ་ཞབས་སྐུ་ཞབས་ Brij Behari lal Butail མཆོག་གིས་དབུས་པའི་གྲོས་ཚོགས་འཐུས་མི་༦༨ དང། དེ་བཞིན་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ Vir Badra Singh  མཆོག་གིས་དབུས་པའི་གཞུང་གི་བློན་ཆེན་རྣམ་པར་བོད་གཞུང་མང་ནས་བཀྲིན་ཆེ་ཞུ་དང་ཐུགས་རྗེ་ཆེ་ཞུ་ཕྱིར་ཆེས་མཐོའི་དཔོན་རིགས་རྣམས་ལ་ཉིན་དགུང་གསོལ་ཚིགས་ཤིག་བཤམས་ཡོད་པ་རེད། སྤྱི་འཐུས་ལྷན་ཚོགས་ཀྱི་གཞུང་འབྲེལ་གསོལ་ཚིགས་གོ་སྒྲིག་གནང་པ་འདིའི་ཐོག་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་དང་སྲིད་སྐྱོང་བློ་བཟང་སེང་མཆོག་རྣམ་གཉིས་ནས་མངའ་སྡེའི་སྤྱིའི་ཁྱབ་བློན་ཆེན་སྐུ་ཞབས་ Vir Badra Singh  མཆོག་དང་གྲོས་ཚོགས་ཀྱི་ཚོགས་གཙོ་སྐུ་ཞབས་ Brij Behari lal Butail...