མདུན་ངོས།
ངོ་སྤྲོད།
༸གོང་ས་མཆོག
བོད།
བཙན་བྱོལ།
རྒྱ་ནག
རྒྱལ་སྤྱི།
རྒྱང་སྲིང་འོད་ཚད།
སྒྲ་མཛོད།
བརྙན་མཛོད།
འབྲེལ་ལམ།
Search
VOICE OF TIBET
ནོར་ཝེ་བོད་ཀྱི་རླུང་འཕྲིན་ཁང་།
Pulses PRO
Tibetan Royal Year of 2151 | Year of the Wood Dragon
中文
Facebook
RSS
Soundcloud
Twitter
Youtube
ནོར་ཝེ་བོད་ཀྱི་རླུང་འཕྲིན་ཁང་།
Voice Of Tibet
text
འཚོལ་བཤེར།
མདུན་ངོས།
ངོ་སྤྲོད།
༸གོང་ས་མཆོག
བོད།
བཙན་བྱོལ།
རྒྱ་ནག
རྒྱལ་སྤྱི།
རྒྱང་སྲིང་འོད་ཚད།
སྒྲ་མཛོད།
བརྙན་མཛོད།
འབྲེལ་ལམ།
མདུན་ངོས།
ངོ་སྤྲོད།
༸གོང་ས་མཆོག
བོད།
བཙན་བྱོལ།
རྒྱ་ནག
རྒྱལ་སྤྱི།
རྒྱང་སྲིང་འོད་ཚད།
སྒྲ་མཛོད།
བརྙན་མཛོད།
འབྲེལ་ལམ།
འཚོལ་བཤེར།
- Advertisement -
TAG
ཨ་རིར་ཡོད་པའི་ཁུང་ཙི་སློབ་གླིང་བསྟི་གནས་ཁང་རྒྱ་གཞུང་གི་ལག་ཆར་ངོས་འཛིན་གནང་རྒྱུ།
གསར་འགྱུར།
ཨ་རིར་ཡོད་པའི་ཁུང་ཙི་སློབ་གླིང་བསྟི་གནས་ཁང་རྒྱ་གཞུང་གི་ལག་ཆར་ངོས་འཛིན་གནང་རྒྱུ།
vot.org
-
14/08/2020
རྒྱལ་སྤྱིའི་ཤེས་ཡོན་བསྟི་གནས་ཁང་དུ་ཡོད་པའི་རྒྱ་ནག་གི་ཁུང་ཙི་སློབ་གླིང་ཁང་དེས་བསྟི་གནས་ཁང་སོ་སོར་དམར་ཤོག་ཚོགས་པའི་བསམ་བློ་སྤེལ་ཐབས་དང་རྒྱ་ནག་དང་འབྲེལ་བའི་ཚོར་བ་རྣོ་བའི་གནད་དོན་མང་དག་ཅིག་ལ་འཁྱོག་བཤད་དྲིལ་བསྒྲགས་བྱེད་ཀྱི་ཡོད་པ་དང་སྦྲགས། འདས་པའི་དུས་ཡུན་ནང་བསྟི་གནས་ཁང་མང་པོས་རྒྱ་ནག་གི་ཁུང་ཙི་སློབ་གླིང་དང་འབྲེལ་ཐག་བཅད་པའི་གནས་ཚུལ་བྱུང་ཡོད་པ་ལྟར། ཁ་སང་ཨ་རིའི་ཕྱི་སྲིད་དྲུང་ཆེ་སྐུ་ཞབས་ Mike Pompeo མཆོག་གིས་ཨ་རིས་རྒྱ་ནག་གི་ཁུང་རྩི་སློབ་གླིང་ཁང་རྒྱ་གཞུང་གི་ཕྱི་ཕྱོགས་སུ་གཉེར་བའི་དམར་ཤོག་སྲིད་གཞུང་གི་ལག་ཆར་ངོས་འཛིན་གནང་རྒྱུའི་བསྒྲགས་གཏམ་སྤེལ་འདུག སྐུ་ཞབས་ Pompeo མཆོག་གི་མཚན་ཐོག་ཏུ་སྤེལ་བའི་བསྒྲགས་གཏམ་ནང་སྤྱིར་ཨ་རིའི་ངོས་ནས་རྒྱ་ནག་གཞུང་ནས་དུས་རྟག་ཏུ་དྲང་བདེན་དང་ཕན་ཚུན་གཅིག་མཚུངས་ཀྱི་ལྟ་ཕྱོགས་འཛིན་རྒྱུར་རེ་བ་གནང་གི་ཡོད་པ་དང་སྒོས་ལོ་ངོ་བཅུ་ཕྲག་བཞི་ལྷག་པེ་ཅིན་ནས་ཨ་རི་ནང་རང་དབང་དང་ཆེས་གུ་ཡངས། དེ་བཞིན་བཀག་སྡོམ་མེད་པར་འགྲོ་སྐྱོད་སོགས་བྱེད་བཞིན་ཡོད་པ་དེ་ལྟར་ཡང་། རྒྱ་གཞུང་ནས་ཨ་རིའི་མི་སེར་གཙོས་ཕྱི་ཕྱོགས་ཀྱི་མི་རྣམས་ལ་དེ་འབྲེལ་ཐད་དམ་དྲག་དང་བཀག་སྡོམ་བྱེད་ཀྱི་ཡོད་པ་མ་ཟད་ལྷག་པར་དུ་རྒྱ་གཞུང་ནས་ཨ་རིའི་གུ་ཡངས་ཀྱི་བྱ་སྤྱོད་དེར་ཁེ་ཕན་ལེན་ནས་དམར་ཤོག་སྲིད་གཞུང་གི་ལྟ་གྲུབ་ཁྱབ་སྤེལ་སླད་ཁུང་ཙི་སློབ་གླིང་ཆེད་འཛུགས་ཐུབ་ཡོད་སྐོར་གསུངས་འདུག ཁུང་ཙིའི་སློབ་གླིང་གིས་དམར་ཤོག་སྲིད་གཞུང་གི་ལྟ་གྲུབ་ཁྱབ་སྤེལ་དང་སློབ་ཕྲུག་ཚོའི་ཤེས་ཡོན་གྱི་རང་དབང་འཕྲོག་ཐབས་བྱེད་བཞིན་པའི་བྱ་སྤྱོད་དག་ལ་བརྟེན་ནས་དེ་རིང་ཨ་རིའི་ཕྱི་སྲིད་ལས་ཁུངས་ནས་ཁུང་ཙི་སློབ་གླིང་ རྒྱ་གཞུང་གི་ཕྱི་ཕྱོགས་སུ་གཉེར་བའི་དམར་ཤོག་སྲིད་གཞུང་གི་ལག་ཆར་ངོས་འཛིན་གནང་རྒྱུ་ཡིན་པ་ཡོངས་གྲགས་གནང་འདུག་པ་མ་ཟད། སྐབས་དེར་སྐུ་ཞབས་ Pompeo མཆོག་གིས་ད་རེས་ཨ་རིའི་ངོས་ནས་དེ་ལྟར་གནང་དགོས་དོན་ནི་ཨ་རིའི་ཤེས་ཡོན་སློབ་སྟོན་པ་དང་སློབ་གྲྭའི་འཛིན་སྐྱོང་བ་ཚོར་ཁུངས་ཙི་སློབ་གླིང་གི་བྱེད་ཕྱོགས་གོ་རྟོགས་སྤེལ་རྒྱུ་དང་། རྒྱ་གཞུང་གི་རྒྱབ་རྟེན་ཡོད་པའི་ཁུང་ཙི་སློབ་གླིང་དང་འབྲེལ་བ་མུ་མཐུད་གནང་དགོས་མིན་ཐོག་དགོངས་པ་གཉིས་པ་ཞིག་བཞེས་ཆེད་ཡིན་པར་གསུངས་འདུག སྤྱིར་ད་རེས་ཨ་རིའི་ཕྱི་སྲིད་ལས་ཁང་གིས་རྒྱ་ནག་གི་ཁུང་ཙི་སློབ་གླིང་དེ་དམར་ཤོག་སྲིད་གཞུང་གི་ལག་ཆར་ངོས་འཛིན་གནང་བའི་རྐྱེན་གྱིས་ཤེས་ཡོན་བསྟི་གནས་ཁག་ཏུ་ཡོད་པའི་ཁུང་ཙི་སློབ་གླིང་ནས་ཕྱི་སྲིད་ལས་ཁང་ལ་སློབ་གླིང་དེའི་ཆེད་ལས་མི་སྣ་དང་། ལས་བྱེད་གསར་ཞུགས་ཀྱི་བརྒྱུད་རིམ། དེ་བཞིན་མ་དངུལ་ཡོང་ཁུངས། ཨ་རིའི་ནང་ལས་དོན་གཉེར་ཕྱོགས་སོགས་ཀྱི་སྐོར་ཕྱི་གསལ་ནང་གསལ་ཐོག་ནས་གནས་ཚུལ་མཁོ་སྤྲོད་གནང་དགོས་པ་རེད་འདུག གཞི་རྩའི་རྒྱལ་སྤྱིའི་ཁྲོད་གཙུག་ལག་སློབ་གཉེར་ཁང་རྣམས་ནས་རྒྱ་ནག་ཁུང་ཙི་སློབ་གླིང་གིས་གཏན་འབེབས་བྱས་པའི་སློབ་ཚན་དང་། དེ་བཞིན་བསྟི་གནས་ཁང་སོ་སོའི་ཤེས་ཡོན་ལམ་ལུགས་ལ་ཤུགས་རྐྱེན་ཇི་ཐེབས་ཐད་ཞིབ་གཤེར་གནང་གི་ཡོད་པ་དང་། སྐུ་ཞབས་ Pompeo མཆོག་གིས་ཨ་རིའི་ངོས་ནས་ཤེས་ཡོན་བསྟི་གནས་ཁང་སོ་སོར་རྒྱ་སྐད་དང་རྒྱ་ནག་གི་རིག་གཞུང་ཐད་སློབ་སྦྱོང་གནང་འདོད་ཡོད་ཚེ་ཨ་རིའི་སྲིད་གཞུང་ནས་རྒྱ་གཞུང་གི་འཁྱོག་བརྗོད་དྲིལ་བསྒྲགས་དང་བྲལ་བའི་སློབ་སྦྱོང་གནང་རྒྱུའི་རང་དབང་བསྐྲུན་རྒྱུ་ཡིན་པར་གསུངས་ཡོད།རྩ་བའི་འདས་པའི་དུས་ཡུན་ནང་ཨ་རི་ནང་ཁུང་ཙི་སློབ་གླིང་...
Latest news
Wednesday 22/05/2024
22/05/2024
༸གོང་ས་མཆོག་གིས་ཉི་འོང་སྐུ་ཚབ་ཁག་གཅིག་ལ་མཇལ་ཁ་སྩལ་བ།
22/05/2024
མཉམ་འབྲེལ་བསྐྱར་ཞིབ་ཚོགས་ཆེན་ཐེངས་གཉིས་པ་དབུ་འཛུགས།
22/05/2024
ཧི་མཱ་ཅལ་མངའ་སྡེའི་ནང་ SEE ཤེས་ཡོན་ལག་བསྟར་དབུ་འཛུགས་གནང་རྒྱུའི་མཛད་སྒོ་ཞིག་ཚོགས་སོང་།
22/05/2024
རྒྱ་གཞུང་གིས་ཚད་ལས་བརྒལ་བའི་གནོན་ཤུགས་འོག་བོད་མི་རྣམས་བཙན་གྱིས་གཞིས་སྤོས་བྱེད་བཞིན་པ་ར་སྤྲོད་གནང་འདུག
22/05/2024
- Advertisement -