ཨོ་གླིང་དང་སི་ཁོཊ་ལན་ཌི་གཉིས་ཀྱིས་པེ་ཅིན་གྱི་དགུན་དུས་ཨོ་རྩལ་ལ་ཕྱི་འབྲེལ་མི་སྣ་གཏང་རྒྱུ་ཕྱིར་འཐེན།

ཉེ་ལམ་ཨ་རིའི་གཞུང་ནས་རྒྱ་ནག་གིས་འགྲོ་བ་མིའི་ཐོབ་ཐང་རྩིས་མེད་རྡོག་རོལ་བཏང་བའི་བྱེད་ཕྱོགས་ཁག་ལུང་འདྲེན་གྱིས་འཚོགས་ལ་ཉེ་བའི་པེ་ཅིན་གྱི་ཨོ་རྩལ་འགྲན་ཚོགས་སྐབས་ཨ་རིའི་ཕྱི་འབྲེལ་མི་སྣ་གགཏོང་རྒྱུམེད་པ་ཡོངས་གྲགས་གནང་བ་དང་། རྒྱ་ནག་གཞུང་ནས་དེར་ངོ་རྒོལ་ཤུགས་ཆེར་བྱེད་བཞིན་པའི་ཁྲོད་ད་ཆ་ཨོ་གླིང་དང་དབྱིན་ཡུལ་ཁྱབ་ཁོངས་སུ་གཏོགས་པའི་སི་ཁོཊ་ལན་ཌི་གཞུང་ནས་ཀྱང་རྒྱ་ནག་གིས་བོད་མི་གཙོས་ཡུ་གུར་མི་རིགས་སོགས་ཀྱི་འགྲོ་བ་མིའི་ཐོབ་ཐང་རྕིས་མེད་རྡོག་རོལ་གཏོང་བཞིན་པར་ཐུགས་འཚབ་ཡོད་པ་དང་སྦྲགས། པེ་ཅིན་གྱི་དགུན་དུས་ཨོ་རྩལ་སྐབས་དེ་གའི་ཕྱི་འབྲེལ་མི་སྣ་གཏོང་རྒྱུ་མིན་པར་གསུངས་འདུག དེ་རིང་ The Scotsman གསར་ཁང་གིས་འདོན་སྤེལ་གནང་བའི་གནས་ཚུལ་ལ་གཞིགས་ན། སི་ཁོཊ་ལན་ཌི་ཡི་རྩེད་རིགས་བློན་ཆེན་ Maree Todd ལགས་ཀྱིས་ཁུལ་དེའི་ལྗང་ཁུ་ཚོགས་པའི་གྲོས་ཚོགས་འཐུས་མི་ Ross Greer ལགས་ཀྱིས་ཡིག་ཐོག་ནས་ཕུལ་བའི་དྲི་བ་ཞིག་ལ་བཀའ་ལན་གནང་སྐབས། སི་ཁོཊ་ལན་ཌི་གཞུང་ནས་རྒྱ་གཞུང་གིས་བོད་མི་དང་ཡུ་གུར། དེ་བཞིན་ཤིན་ཅང་ནང་གི་ཁ་ཆེ་མི་རིགས་གཞན་གཙོས་ཧོང་ཀོང་མང་ཚོགས་ཀྱི་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་གནད་དོན་ལ་ཆེས་ཐུགས་འཚབ་ཡོད་པ་དང་སྦྲགས། སི་ཁོཊ་ལན་ཌི་གཞུང་དང་བློན་ཆེན་རྣམས་པེ་ཅིན་གྱི་དགུན་དུས་ཨོ་རྩལ་ལ་ཚོགས་ཞུགས་གནང་རྒྱུའི་འཆར་གཞི་མེད་ཅེས་གསུངས་འདུག སྐུ་ཞབས་ Ross Greer ལགས་ཀྱིས་ད་ལན་སི་ཁོཊ་ལན་ཌི་ཡིས་ཐག་གཅོད་དེ་ཡིས་རྒྱ་ནག་ལ་རྒྱ་གཞུང་ནས་བོད་མི་གཙོས་ཡུ་གུར་མི་རིགས་ཀྱི་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་བྱེད་ཕྱོགས་ལ་ཁ་ཁུ་སིམ་མེར་བཞུགས་རྒྱུ་མིན་པའི་བརྡ་ལན་གསལ་པོ་སྤྲོད་ཐུབ་ཡོད་པ་གསུངས་པ་དང་། དེ་བཞིན་གྲོས་ཚོགས་འཐུས་མི་ Mercedes Villalba...