COP21 རྒྱལ་སྤྱིའི་གླེང་སྟེགས་ཐོག་བོད་ཀྱི་ཁོར་ཡུག་གནད་དོན་གླེང་སློང་ཡོང་ཐབས་གནང་འདུག

  རིང་མིན་ France ཡི་རྒྱལ་ས་ paris ནང་ COP21 ཞེས་འཛམ་གླིང་མཉམ་འབྲེལ་རྒྱལ་ཚོགས་ཀྱི་གོ་ལའི་གནམ་གཤིས་འགྱུར་ལྡོག་གི་ལྷན་ཚོགས་ཚོགས་འཆར་ཡོད་པ་དང་བསྟུན། རྒྱལ་སྤྱིའི་བོད་དོན་འབྲེལ་མཐུད་ལས་ཁང་དང། བོད་ཀྱི་བེུད་ལྷན་ཚོགས། བོད་རང་བཙན་སློབ་ཕྲུག་ཚོགས་པ་བཅས་ཟུང་འབྲེལ་གྱིས་འཛམ་གླིང་མཉམ་འབྲེལ་རྒྱལ་ཚོགས་ཀྱི་གོ་ལའི་གནམ་གཤིས་འགྱུར་ལྡོག་གི་ལྷན་ཚོགས་ཀྱི་གླེང་སྟེགས་དེའི་ནང་བོད་ཀྱི་ཁོར་ཡུག་གནད་དོན་ཐད་གླེང་སློང་ཡོང་ཐབས་གནང་ཡོད་པ་རེད།  ལྷག་དོན་གཞུང་འབྲེལ་མིན་པའི་ཚོགས་པ་གསུམ་པོ་དེ་དག་ནས་རྒྱལ་ས་ལྡི་ལིར་རེས་གཟའ་སྤེན་པའི་ཉིན་ཁུལ་དེར་རྟེན་གཞི་བྱས་པའི་རྒྱལ་ཁབ་ཁག་གི་གཞུང་ཚབ་མདུན་སར་ཆེད་བཅར་ཞུ་ནས་བོད་ཀྱི་ཁོར་ཡུག་གནད་དོན་དང་འབྲེལ་ཡོད་གློག་བརྙན་དང་གཏམ་བརྗོད་གཟིགས་འབུལ་ཞུ་རྒྱུ། དེ་བཞིན་ཡིག་ཆ་ཁག་ཅིག་འགྲེམས་སྤེལ་ཞུ་རྒྱུའི་ལས་འགུལ་སྤེལ་འཆར་ཡོད་པ་རེད་འདུག