Goa ནང་ཞི་ཅིང་ཕིང་བསླེབ་ཀྱི་ཡོད་པར་བརྟེན་རྒྱ་གར་ཉེན་རྟོག་པས་བོད་མི་ཐོག་དམིགས་བསལ་གྱི་དམ་དྲག་བྱེད་བཞིན་འདུག

རྒྱ་ནག་གི་སྲིད་འཛིན་ཞི་ཅིང་ཕིང་རྒྱ་གར་གྱི་གྲོང་ཁྱེར་ Goa ནང་ཚོགས་གཏན་འཁེལ་བའི་ BRICS ཚོགས་འདུ་ཐོག་བསླེབ་ཀྱི་ཡོད་སྟབས།  གྲོང་ཁྱེར་ Goa གཙོས་པའི་ཉེ་འཁོར་ས་གནས་ཁག་ནས་འགྲོ་འོང་བྱེད་མཁན་བོད་མི་དང་ལས་འགུལ་བའི་ཐོག་དམིགས་བསལ་གྱི་དམ་དྲག་བྱེད་བཞིན་འདུག་པ་མ་ཟད། ལྷག་པར་དུ་ཁ་སང་ཉེ་འཁོར་མངའ་སྡེ་ནས་ཡོང་མཁན་བོད་མི་ཁག་ཅིག་གྲོང་ཁྱེར་གྷོ་བའི་མཐའ་མཚམས་ནས་འཛིན་བཟུང་གིས་ས་གནས་སུ་ཕྱིར་སློག་བྱས་འདུག དེའང་ཟླ་ ༡༠ ཚེས་ ༡༥ དང་ ༡༦ བཅས་ཉིན་གྲངས་གཉིས་རིང་རྒྱ་གར་ནུབ་ཕྱོགས་མངའ་སྡེ་ Goa ནང་དུ་བཞུགས་མོལ་ཚོགས་འདུ་ཐེངས་ ༨ འམ་ 8th BRICS summit ཞེས་པ་བྷར་ཛིལ་དང་ཨུ་རུ་སུ། རྒྱ་གར།...