Uzra Zeya

ཨ་རིའི་རྒྱལ་ས་ Washington DC ནང་དེ་རིང་ནས་རྒྱལ་སྤྱིའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་ཆེན་ཐེངས་  ༨ པ་དབུ་འཛུགས་གནང་གི་ཡོད་པ་ལྟར་ཁུལ་དེའི་ནང་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྦྲེལ་པོ་དང་སྲིད་སྐྱོང་སྤེན་པ་ཚེ་རིང་མཆོག་གིས་དབུས་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་ལྷན་འཛོམས་གནང་བ་དང་བསྟུན། ཁ་སང་ཚེས་ ༢༡ སྔ་དྲོ་ཆུ་ཚོད་ ༡༠་༣༠ ཐོག་ཁོང་རྣམ་པས་ཨ་རིའི་ཕྱི་སྲིད་ལས་ཁུངས་ནང་བོད་དོན་དམིགས་བསལ་འབྲེལ་མཐུད་པ་ལྕམ་སྐུ་ Uzra Zeya མཆོག་དང་མཇལ་མོལ་གནང་བ་དང་། ཕྱི་དྲོར་བོད་དོན་ལ་ཡུན་རིང་ནས་རྒྱབ་སྐྱོར་གནང་མཁན་ཨ་རིའི་གྲོས་ཚོགས་གོང་མའི་འཐུས་མི་ལྕམ་སྐུ་ Diane Fienstin མཆོག་དང་ལྷན་མཇལ་མོལ་གནང་འདུགབོད་མིའི་སྒྲིག་འཛུགས་ཀྱི་དྲྭ་གནས་ཐོག་གནས་ཚུལ་སྤེལ་གསལ་ལྟར་ན། ལྕམ་སྐུ་ Zeya མཆོག་གིས་ཇི་ལྟར་མགྲོན་འབོད་གནང་བ་བཞིན་ཁ་སང་སྲིད་སྐྱོང་སྤེན་པ་ཚེ་རིང་མཆོག་གིས་དབུ་ཁྲིད་པའི་འོག་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་དང་ཚོགས་གཞོན་སྒྲོལ་མ་ཚེ་རིང་མཆོག ཕྱི་དྲིལ་བཀའ་བློན་ནོར་འཛིན་སྒྲོལ་མ་མཆོག བྱང་ཨ་རི་སྐུ་ཚབ་དོན་གཅོད་རྣམ་རྒྱལ་མཆོག་གྲུབ་ལགས་བཅས་ལྕམ་སྐུ་མཆོག་གི་ལས་ཁུངས་སུ་ཆེད་ཕེབས་ཀྱིས་མཇལ་མོལ་གནང་འདུགཚོགས་གཞོན་སྒྲོལ་མ་ཚེ་རིང་མཆོག་གིས་བོད་ཀྱི་དྲྭ་བརྙན་ཚན་པར་འགྲེལ་བརྗོད་གནང་བར་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པས་སྐབས་དེར་གཙོ་བོ་དམིགས་བསལ་འབྲེལ་མཐུད་པ་མཆོག་ལ་དབུ་མའི་ལམ་གྱི་སྒྲོམ་གཞིའི་འོག་བོད་ཀྱི་གནད་དོན་སེལ་ཆེད་བོད་རྒྱ་ཕྱོགས་གཉིས་དབར་གྱི་འབྲེལ་མོལ་བསྐྱར་གསོ་ཡོང་ཐབས་ཐད་ཞུ་འབོད་གནང་ཡོད་པ་དང་། སྤྱིར་ཨ་རི་གཞུང་གི་ངོས་ནས་བོད་རྒྱ་འབྲེལ་མོལ་བསྐྱར་གསོ་ཐད་ད་བར་རྒྱབ་སྐྱོར་ཆ་ཚང་གནང་ཡོད་ཀྱང་། ད་ལྟའི་ཆར་གདོང་ལེན་གནང་དགོས་པ་ནི་ཨ་རིའི་མཐུན་ཕྱོགས་རྒྱལ་ཁབ་ཚོར་ཇི་ལྟར་འབྲེལ་གཏུག་བརྒྱུད་བོད་ཀྱི་གནད་དོན་ལ་འཛིན་སྐྱོང་རིམ་པའི་ཐོག་ནས་རྒྱབ་སྐྱོར་འཚོལ་སྒྲུབ་བྱ་རྒྱུ་དེ་ཡིན་པ་གསུངས་འདུགབོད་མིའི་སྒྲིག་འཛུགས་ཀྱི་མཛད་གཙོ་རྣམ་པས་དེ་རྗེས་ཕྱི་དྲོར་འདི་ལོའི་ཕྱི་ཟླ་དང་པོའི་ནང་དགོངས་པ་རྫོགས་པའི་བོད་ཀྱི་གྲོགས་པོ་རྙིང་གྲས་དང་བོད་དོན་རྒྱབ་སྐྱོར་བ་སྐུ་ཞབས་...

ཨ་རིའི་བོད་དོན་དམིགས་བསལ་འབྲེལ་མཐུད་པ་ལྕམ་སྐུ་ Uzra Zeya མཆོག་གི་བལ་ཡུལ་ནང་གི་འཚམས་གཟིགས་ཁ་སང་མཇུག་སྒྲིལ་དང་སྦྲགས་ཏེ། འཚམས་གཟིགས་ཁྲོད་བོད་མི་རྣམས་དང་ལྷན་ཡིག་ཆ་སོགས་ཀྱི་དཀའ་ངལ་འཕྲད་བཞིན་པའི་སྐོར་བཀའ་བསྡུར་གནང་འདུགབརྒྱུད་ལམ་ཁག་ཏུ་གནས་ཚུལ་སྤེལ་བར་གཞིགས་ན། ལྕམ་སྐུ་ Uzra Zeya མཆོག་གི་བལ་ཡུལ་ནང་ཉིན་གྲངས་གསུམ་རིང་གི་འཚམས་གཟིགས་ཁྲོད་ཚེས་ ༢༡ ཉིན་ཇཝ་ལ་ཁེལ་ཁུལ་དུ་ཆེད་ཕེབས་ཀྱིས་བོད་མི་དང་ལྷན་དུ་བལ་ཡུལ་ནང་བཞུགས་མཁན་བོད་མི་ཚོར་འགྲོ་བ་མིའི་ཐོབ་ཐང་དང་འབྲེལ་སྐུ་ངལ་འཕྲད་པའི་གནད་དོན་སྐོར་ཆུ་ཚོད་གཅིག་ཙམ་གྱི་རིང་བཀའ་མོལ་གནང་འདུག་ལ།  དེ་བཞིན་ཇཝ་ལ་ཁེལ་བོད་མིའི་གནས་སྡོད་གནང་སའི་ཁུལ་དུ་མ་ཕེབས་གོང་འགྲོ་བ་མིའི་ཐོབ་ཐང་སྲུང་སྐྱོབ་ཐད་ཕྱག་ལས་གནང་མཁན་ཁག་དང་ཐུག་འཕྲད་ཀྱིས་བོད་མི་ཚོར་སྐུ་ངལ་ཇི་འཕྲད་དང་འབྲེལ་བཀའ་བསྡུར་གནང་ཡོད་སྐོར་བཀོད་འདུགབོད་མི་ཞིག་གིས་ The Kathmandu post  བརྒྱུད་ལམ་ལ་ང་ཚོས་ལྕམ་སྐུ་མཆོག་ལ་བལ་ཡུལ་ནང་གནས་བཞུགས་བོད་མི་ཚོར་ཡིག་ཆ་དང་སྐྱབས་བཅོལ་ལག་འཁྱེར་གྱི་དཀའ་ངལ་འཕྲད་ཀྱི་ཡོད་སྐོར་སྙན་སེང་ཞུས་པ་ཡིན་ཞེས་གསུངས་འདུག  སྤྱིར་ལྕམ་སྐུ་མཆོག་ནས་ཉིན་གྲངས་གསུམ་རིང་གི་འཚམས་གཟིགས་ཁྲོད་ཇཝ་ལ་ཁེལ་བོད་མི་ཙམ་མིན་པར་དགོན་སྡེ་དང་སློབ་གྲྭ་ཁག་ཏུའང་ཕེབས་ཡོད་པ་རེད། གཞི་རྩའི་ལྕམ་སྐུ་མཆོག་གི་འཚམས་གཟིགས་སྔ་རོལ་དུ་བལ་ཡུལ་གྱི་ཕྱི་འབྲེལ་ལས་ཁུངས་ཀྱི་ལས་བྱེད་བགྲེས་པས་ཨ་རིར་་ལྕམ་སྐུ་མཆོག་གི་འཚམས་གཟིགས་སྐབས་བལ་ཡུལ་གྱི་སྲིད་བློན་དང་ཕྱི་འབྲེལ་བློན་ཆེན་སོགས་ཆེས་མཐོའི་གཞུང་ཚབ་མི་སྣ་དང་མཇལ་འཕྲད་སྐབས་བོད་མིའི་གནད་དོན་སྐོར་གླེང་སློང་གནང་རྒྱུ་མེད་པའི་བཀའ་མོལ་གནང་འདུག་ཀྱང་།  ལྕམ་སྐུ་མཆོག་གིས་བོད་མི་ཚོ་དང་ཐུག་འཕྲད་གནང་རྒྱུ་ཡིན་པའི་གནས་ཚུལ་ཐད་བལ་ཡུལ་གྱི་ཕྱི་སྲིད་ལས་ཁུངས་ཀྱི་མགྲིན་ཚབ་པ་ Sewa Lamsal ཡིས་བལ་གཞུང་ནས་ལྕམ་སྐུ་མཆོག་དང་བལ་ཡུལ་གནས་བཞུགས་བོད་མི་དབར་གྱི་ཐུག་འཕྲད་སྐོར་གང་ཡང་མཁྱེན་རྟོགས་མེད་ཚུལ་ཀྱི་རྣམ་པ་བསྟན་ཡོད།ལྕམ་སྐུ་ Uzra Zeya...

དེ་རིང་སྔ་དྲོ་ཆུ་ཚོད་ ༩།༣༠ ཙམ་ལ་ཨ་རིའི་བོད་དོན་དམིགས་བསལ་འབྲེལ་མཐུད་པ་ལྕམ་སྐུ་ Uzra Zeya མཆོག་བོད་མིའི་སྒྲིག་འཛུགས་ཀྱི་བསྟི་གནས་བཞུགས་སྒར་དྷརྨ་སཱ་ལཱར་ཕེབས་འབྱོར་གནང་སྟེ། ཉིན་འཁྱོངས་རིང་བོད་མིའི་སྒྲིག་འཛུགས་ཀྱི་མང་གཙོའི་ཀ་བ་གསུམ་གྱི་ལས་ཁུངས་ཁག་དང་དྷ་ས་བོད་ཀྱི་དཔེ་མཛོད་ཁང་བཅས་སུ་གཟིགས་ཞིབ་གནང་སོང་།སྐབས་དེར་བོད་མི་མང་སྤྱི་འཐུས་ཚོགས་གཙོ་མཆོག་གིས་གསར་འགོད་པའི་བཅར་འདྲི་དང་བཞེས་ཀྱིས་ཨ་རིའི་བོད་དོན་དམིགས་བསལ་འབྲེལ་མཐུད་པ་བཞུགས་སྒར་དུ་ཕེབས་པ་འདིས་རྒྱ་ནག་ལ་ཆབ་སྲིད་ཀྱི་བརྡ་ལན་ཆེན་པོ་ཞིག་ཆགས་ཡོད་ཅེས་གསུངས་སོང་། དེ་རིང་སྔ་དྲོ་ཨ་རིའི་བོད་དོན་དམིགས་བསལ་འབྲེལ་མཐུད་པ་ལྕམ་སྐུ་ Uzra Zeya མཆོག་རྒྱལ་ས་ལྡི་ལི་ནས་མཁའ་ལམ་བརྒྱུད་བཞུགས་སྒར་ཉེ་འདབས་སུ་ཡོད་པའི་གྷ་གལ་གནམ་ཐང་དུ་ཕེབས་འབྱོར་བྱུང་སྐབས་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་དང་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེན་མཆོག ཕྱི་དྲིལ་བཀའ་བློན་ནོར་འཛིན་སྒྲོལ་མ་མཆོག ཕྱི་དྲིལ་དྲུང་ཆེ་ཀརྨ་ཆོས་དབྱིངས་ལགས། བྱང་ཨ་རིའི་སྐུ་ཚབ་དོན་གཅོད་འབུམ་རམས་པ་རྣམ་རྒྱལ་ཆོས་གྲུབ་ལགས་སོགས་དང་དེ་བཞིན་བཞུགས་སྒར་དུ་ཡོད་པའི་བོད་མིའི་གཞུང་འབྲེལ་མ་ཡིན་པའི་ཚོགས་པ་ཁག་གི་སྐུ་ཚབ་དང་ས་གནས་མི་རྣམས་ཀྱིས་ཕྱག་ཏུ་དཀར་གཙང་གི་མཇལ་དར་དང་། ཨ་རི་དང་བོད་ཀྱི་རྒྱལ་དར་བསྣམས་ཏེ་བོད་མིའི་སྒྲིག་འཛུགས་ཀྱི་བསྟི་གནས་གངས་ཅན་སྐྱིད་གཤོངས་བར་ཕེབས་བསུའི་སྣེ་ལེན་གཟབ་རྒྱས་ཞུས་སོང་། ཕེབས་བསུའི་མཛད་རིམ་ཁག་གྲུབ་མཚམས་སུ་ལྕམ་སྐུ་ Uzra Zeya མཆོག་གིས་བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་ཁང་དང་བོད་ཀྱི་འགྲེམས་སྟོན་ཁང་དང་། དྷ་ས་བོད་ཀྱི་དཔེ་མཛོད་ཁང་བཅས་སུ་འཚམས་གཟིགས་གནང་ཡོད། ལྷག་དོན་ཉིན་རྒྱབ་ཏུ་ལྕམ་སྐུ་ Uzra Zeya མཆོག་ནས་བོད་མིའི་སྒྲིག་འཛུགས་ཀྱི་བཀའ་ཤག་ཚོགས་ཁང་དུ་སྲིད་སྐྱོང་མཆོག་གིས་དབུས་པའི་བཀའ་བློན་རྣམ་པ་དང་ལྷན་དུ་བོད་དོན་སྐོར་ཚོགས་འདུ་ཚོགས་ཡོད་པ་དང་།...

ཁ་ཉིན་ཕྱི་ཚེས་ ༡༠ ཉིན་ཨ་རིའི་རྒྱལ་ས་ Washington DC ནང་ཨ་རིའི་བོད་དོན་དམིགས་བསལ་འབྲེལ་མཐུད་པ་ལྕམ་སྐུ་ Uzra Zeya མཆོག་དང་ཨ་རིར་རྟེན་གཞི་བྱས་པའི་བལ་ཡུལ་གཞུང་ཚབ་པ་སྐུ་ཞབས་ Shridar Khatri ལགས་རྣམ་གཉིས་མཇལ་མོལ་གནང་ཡོད་པ་དང་ལྕམ་སྐུ་མཆོག་ཟླ་བ་འདིའི་གཟའ་འཁོར་གསུམ་པར་བལ་ཡུལ་དུ་འཚམས་གཟིགས་གནང་གི་ཡོད་པ་རེད།ལྕམ་སྐུ་ Uzra Zeya མཆོག་གིས་རང་ཉིད་ཀྱི་ twitter དྲྭ་ལམ་ཐོག་ཨ་རིར་རྟེན་གཞི་བྱས་པའི་བལ་ཡུལ་གཞུང་ཚབ་པ་སྐུ་ཞབས་ Shridar Khatri ལགས་དང་མཇལ་འཕྲད་གནང་བའི་པར་རིས་དང་ལྷན་བལ་ཡུལ་གཞུང་ཚབ་པ་དང་མཇལ་མོལ་བྱུང་བར་དགའ་པོ་བྱུང་ཞེས་དང་། མཇལ་མོལ་ཁྲོད་ཨ་རི་དང་བལ་ཡུལ་གཉིས་ཀྱི་མང་གཙོ་གོང་སྤེལ་གྱི་འབྲེལ་ལམ་དམ་ཟབ་ཀྱི་གནད་དོན་གཙོས་བེུད་ཀྱི་ཐོབ་ཐང་སོགས་གནད་དོན་མང་དག་ཐོག་བཀའ་བསྡུར་ལྷུག་པོ་བྱུང་ཡོད་སྐོར་བཀོད་འདུགདེ་བཞིན་བརྒྱུད་ལམ་ཁག་གིས་གནས་ཚུལ་སྤེལ་བར་དབུ་ཁྲིད་རྣམ་གཉིས་ཀྱི་མཇལ་མོལ་ཁྲོད་ཨ་རིའི་བོད་དོན་དམིགས་བསལ་འབྲེལ་མཐུད་པ་ལྕམ་སྐུ་ Uzra Zeya མཆོག་བལ་ཡུལ་ནང་འཚམས་གཟིགས་གནང་རྒྱུའི་སྐོར་བཀའ་མོལ་བྱུང་བ་ལྟར་ལྕམ་སྐུ་མཆོག་ཟླ་བ་འདིའི་བདུན་ཕྲག་གསུམ་པར་ཁུལ་དེར་ཆེད་ཕེབས་གནང་རྒྱུ་དང་འཚམས་གཟིགས་ཁྲོད་རྒྱལ་ཁབ་གཉིས་ཀྱི་གནད་དོན་དང་ལྷག་པར་དུ་བལ་ཡུལ་ཁུལ་དུ་གནས་སྡོད་གནང་མཁན་བཙན་བྱོལ་བོད་མིའི་འགྲོ་བ་མིའི་ཐོབ་ཐང་གི་གནད་དོན་དང་འབྲེལ་ཏེ་བོད་མིར་འཕྲད་བཞིན་པའི་དཀའ་ངལ་དང་འབྲེལ་བའི་ཐོག་བལ་ཡུལ་གཞུང་དང་ལྷན་དུ་བཀའ་བསྡུར་གནང་ངེས་ཡིན་སྐོར་གསུངས་འདུགཉེ་ལམ་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་བྱང་ཨ་རི་ཁུལ་དུ་གཞུང་འབྲེལ་འཚམས་གཟིགས་ཐེངས་དང་པོ་གནང་སྐབས་ཨ་རིའི་ཕྱི་སྲིད་ལས་ཁུངས་སུ་ཨ་རིའི་བོད་དོན་དམིགས་བསལ་འབྲེལ་མཐུད་པ་ལྕམ་སྐུ་...

ཁ་སང་ཕྱི་ཟླ་ ༡༢ ཕྱི་ཚེས་ ༢༠ ཉིན་ཨ་རིའི་ཕྱི་སྲིད་དྲུང་ཆེ་སྐུ་ཞབས་ ANTONY BLINKEN མཆོག་གིས་གཞུང་འབྲེལ་གྱི་གསར་འགོད་བསྒྲགས་གཏམ་ཞིག་ཡོངས་གྲགས་གནང་སྟེ་ཨ་མི་རི་ཀའི་ཕྱི་སྲིད་ལས་ཁུངས་ཀྱི་ཁྱབ་ཁོངས་ཨ་རིའི་སྤྱི་དམངས་བདེ་འཇགས་དང་མང་གཙོ། འགྲོ་བ་མིའི་ཐོབ་ཐང་བཅས་ཀྱི་དྲུང་གཞོན་ལས་རོགས་ལྕམ་སྐུ་ Uzra Zeya ལགས་ཨ་རི་སྲིད་གཞུང་གི་བོད་དོན་དམིགས་བསལ་འབྲེལ་མཐུད་པར་བསྐོ་གཞག་གནང་ཡོད།སྐབས་དེར་ཕྱི་སྲིད་དྲུང་ཆེ་སྐུ་ཞབས་ Antony Blinken མཆོག་གིས་ལྕམ་སྐུ་ Uzra Zeya ལགས་ནས་ཨ་རིའི་སྤྱི་དམངས་བདེ་འཇགས་དང་མང་གཙོ། འགྲོ་བ་མིའི་ཐོབ་ཐང་བཅས་ཀྱི་ཐོག་ཐུགས་འགན་བཞེས་མུས་ཐོག་ཨ་མི་རི་ཀའི་བོད་དོན་དམིགས་བསལ་འབྲེལ་མཐུད་པའི་ཐུགས་འགན་འཕར་མ་ཞིག་བཞེས་ཏེ་ཕྱི་ལོ་ ༢༠༠༢ ལོར་གཏན་འབེབས་བྱུང་བའི་ཨ་རིའི་བོད་དོན་སྲིད་བྱུས་དང་ཕྱི་ལོ་ ༢༠༢༠ ལོར་གཏན་འབེབས་བྱུང་བའི་ཨ་རིའི་བོད་དོན་རྒྱབ་སྐྱོར་གྱི་སྲིད་བྱུས་ནང་གསལ་དགོངས་དོན་ཁག་ཕྱག་བསྟར་གནང་རྒྱུ་དང་། ལྷག་པར་དུ་སྔོན་འགྲོའི་ཆ་རྐྱེན་གང་ཡང་མེད་པར་རྒྱ་ནག་མི་དམངས་སྤྱི་མཐུན་རྒྱལ་ཁབ་དང་༸གོང་ས་༸སྐྱབས་མགོན་ཆེན་པོ་མཆོག་གམ།...