Tibetan Royal Year of 2151 | Year of the Wood Dragon

མོན་གྷོ་འདོད་རྒུ་གླིང་གི་གཞིས་གྲོང་བཅུ་པ་ཕན་བདེ་གཞིས་གྲོང་དབུ་འབྱེད།

Tibetan News Headlines

  • Dalai Lama honored with PV Narasimha Rao Memorial Award
  • Xi Jinping appoints senior diplomat Xu Feihong as China’s new envoy to India
  • US revokes licences for supply of chips to China’s Huawei
  • China’s Xi Arrives in Serbia to Bolster Ties With Europe’s East
  • Kyirong Jowo welcomed into the Main Temple in Dharamshala for public viewing and worship

རེས་གཟའ་ལྷག་པ། ༢༠༢༤།༠༥།༠༨

  • ༸གོང་ས་མཆོག་ལ་ Narasimha Rao རྗེས་དྲན་གྱི་ཞེ་བདེའི་གཟེངས་རྟགས་འབུལ་བཞེས་མཛད་པ།
  • Xu Feihong རྒྱ་གར་བཅའ་སྡོད་རྒྱ་ནག་གཞུང་ཚབ་པ་གསར་པར་བསྐོ་གཞག
  • ཨ་རིས་རྒྱ་ནག་ཧྭའོ་ཝེ་བཟོ་ལས་ཁང་ལ་ཁ་པར་བཟོ་སྐྲུན་སོགས་ཀྱི་ནང་བཀོལ་སྤྱོད་བྱེད་པའི་ Chip མཁོ་སྤྲོད་ཀྱི་ཆོག་མཆན་ཕྱིར་
  • ཞི་ཅིན་ཕིང་གི་ཡོ་རོབ་སྐོར་བསྐྱོད་ཁྲོད་རྒྱ་ནག་དང་མཐུན་ཕྱོགས་རྒྱལ་ཁབ་ Serbia ནང་དུ་འབྱོར་བ།
  • སྐྱིད་གྲོང་ཇོ་བོ་ཝ་ཏི་བཟང་པོའི་སྐུ་བརྙན་གཙུག་ལག་ཁང་དུ་གདན་ཞུས་དང་འབྲེལ་ཇོ་བོ་ཝ་ཏི་བཟང་པོའི་རྟེན་ངོ་སྤྲོད།

ཁ་སང་རྒྱ་གར་ལྷོ་ཕྱོགས་མོན་གྷོ་འོདད་རྒུ་གླིང་དུ་བཙན་བྱོལ་བོད་མི་འཁོས་ཞན་དང་རྗེས་འབྱོར་བོད་མི་རྣམས་ཀྱི་ཆེད་སྡོད་ཁང་གསར་རྒྱག་གི་ལས་གཞི་ཡོངས་སུ་ལེགས་གྲུབ་བྱུང་ཡོད་པ་དང་བསྟུན། བོད་མིའི་སྒྲིག་འཛུགས་ཀྱི་ནང་སྲིད་དྲུང་ཆེ་དཔལ་ལྡན་དོན་གྲུབ་ལགས་ས་གནས་ནང་དངོས་སུ་ཆེད་ཕེབས་ཀྱིས་སྡོད་ཁང་ ༤༠ གསར་རྒྱག་གི་ཕན་བདེ་གཞིས་གྲོང་དངོས་སུ་དབུ་འབྱེད་གནང་ཡོད།

དབུ་འབྱེད་ལས་རིམ་གྱི་ཐོག་མར་སྔ་འགྱུར་རྡོར་གྲགས་གསང་སྔགས་ཆོས་འཁོར་གླིང་གི་དགེ་འདུན་པ་ཁག་གཅིག་ནས་ཤིས་བརྗོད་གསུང་འདོན་དང་འབྲེལ། གཞིས་གྲོང་གསར་རྒྱག་གི་ལས་གཞིར་ས་ཆ་ཞལ་འདེབས་གནང་མཁན་ཁྱིམ་ཚང་དང་། ཁང་བཟོ་འཆར་འགོད་པ། བོགས་ལེན་པ་རྣམས་ལ་དྲན་རྟེན་རེ་གནང་རྗེས་ནང་མི་རྣམས་ལ་ཁང་པའི་ལྡེ་མིག་བགོ་འགྲེམས་གནང་ཡོད། སྐབས་དེར་བོད་མིའི་སྒྲིག འཛུགས་ཀྱི་ནང་སྲིད་དྲུང་ཆེ་དཔལ་ལྡན་དོན་གྲུབ་ལགས་ཀྱིས་གཙོས་པའི་ནང་སྲིད་ཟུང་དྲུང་བསྟན་འཛིན་ཀུན་བཟང་ལགས། ། ལྷོ་སྤྱི་འཇིགས་མེད་ཚུལ་ཁྲིམས་ལགས་དང་། མོན་གྷོ་ས་གནས་འགོ་འཛིན་ལྷག་པ་སྒྲོལ་མ་ལགས་སོགས་ལས་ཀྱི་སྣེ་མོ་བ་རྣམས་ཆེད་བཅར་གནང་འདུག་ཅིང་། ཕན་བདེ་གཞིས་གྲོང་ཞེས་པའི་མཚན་དེ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གསོལ་སྩལ་གནང་ཡོད་པ་རེད།

གཞིས་གྲོང་བཅུ་པ་ཕན་བདེ་གཞིས་གྲོང་དེའི་ནང་སྡོད་ཁང་ ༤༠ གསར་རྒྱག་གིས་ཁྱེར་རྐྱང་ཡིན་ཚེ་སྡོད་ཁང་ཆུང་བ་དང་ནང་མི་གཉིས་ལས་མང་བ་ཡོད་ཚེ་སྡོད་ཁང་ཆེ་བ་ཐོབ་ཀྱི་ཡོད་པ་རེད་འདུག

གཞི་རྩའི་སྐབས ༡༥ བཀའ་ཤག་གིས་རྗེས་འབྱོར་བོད་མི་རྣམས་ལ་སྡོད་ཁང་གསར་རྒྱག་གི་ལས་གཞི་འདི་བཞིན་འགོ་འཛུགས་གནང་ཡོད་ཀྱང་ཏོག་དབྱིབས་གཉན་རིམ་ཁྱབ་གདལ་རྐྱེན་པས་ལས་གཞི་རེ་ཞིག་བར་མཚམས་བཞག་དགོས་བྱུང་ཡོད་པ་རེད་འདུག

ནང་སྲིད་དྲུང་ཆེ་མཆོག་གིས་དེང་སྐབས་གཞིས་ཆགས་ཁག་གི་ནང་གནས་སྡོད་གནང་མཁན་གྱི་གྲངས་འབོར་ཉུང་དུ་ཕྱིན་ཡོད་སྟབས། རྗེས་འབྱོར་བོད་མི་དང་གཞིས་ཆགས་མ་ཐོབ་པའི་ཁ་ཐོར་བོད་མི། དེ་བཞིན་མཐའ་མཚམས་བཅས་སུ་གནས་བཞུགས་བོད་མི་རྣམས་ལ་སྡོད་ཁང་མེད་པའི་དཀའ་ངལ་ཤུགས་ཆེ་འཕྲད་བཞིན་པའི་གནད་དོན་དེར་བཀའ་ཤག་སྐབས་གོང་མ་དང་ད་ལྟའི་བཀའ་ཤག་གཉིས་ཀའི་ངོས་ནས་དཀའ་ངལ་དེ་དག་སེལ་ཐབས་གཙོས་པའི་གཞི་རྒྱ་ཆེ་བའི་ལས་གཞི་མང་དག་ཅིག་མུ་མཐུད་གནང་འཆར་ཡོད་སྐོར་གསུངས་སོང་།

ཡང་འདི་ག་གསར་འགོད་པས་མོན་གྷོ་འོདད་རྒུ་གླིང་ཕན་བདེ་གཞིས་གྲོངས་ནང་སྡོད་ཁང་ཐོབ་མཁན་དབང་འདུས་ལགས་སུ་བཀའ་འདྲི་ཞུས་སྐབས། ཁོང་གིས་ད་རེས་རང་ཉིད་ལ་སྡོད་ཁང་ཐོབ་པར་དགའ་བ་དང་། བཀའ་དྲིན་ཆེན་པོ་ཞིག་ཚོར་བཞིན་ཡོད་སྐོར་འགྲེལ་བརྗོད་དང་འབྲེལ། ཁོང་དེ་སྔོན་ས་གནས་གཞིས་ཆགས་གང་གིའང་ཁོངས་སུ་གཏོགས་ཀྱི་མེད་སྟབས་རྒྱབ་གཉེར་ཡིག་ཆ་ཙམ་ཡང་ཐོབ་རྒྱུར་ངལ་བ་ཕྲད་ཡོད་སྐོར་དང་། དེ་རིང་ནས་བཟུང་ཕན་བདེ་གཞིས་གྲོངས་སུ་སྡོད་ཁང་ཐོབ་ནས་དེའི་ཁོངས་སུ་ཚུད་པར་སེམས་ནང་དགའ་ཚོར་ཆེན་པོ་བྱུང་སོང་ཞེས་འགྲེལ་བརྗོད་གནང་སོང་།

གཞི་རྩའི་མོན་གྷོ་འོདད་རྒུ་གླིང་ནང་སྡོད་ཁང་གསར་རྒྱག་གི་ལས་གཞི་དེར་འགྲོ་གྲོན་ཁྱོན་བྱེ་བ་ ༤་༢༩ སོང་ཡོད་པ་རེད་འདུག པར་དབང་བོད་མིའི་སྒྲིག་འཛུགས།

འབྲེལ་ཡོད་གསར་གནས།

གསར་གནས།