རྟ་དབང་དགོན་པའི་མཁན་ཟུར་གུ་རུ་སྤྲུལ་སྐུ་མཆོག་ལ་པདྨ་ཤྲིའི་གཟེངས་རྟགས་ཐོབ་པ།

ལོ་ལྟར་རྒྱ་གར་གཞུང་ནས་ཕྱི་ཟླ་ ༡ ཕྱི་ཚེས་ ༢༦ སྟེ། རྒྱ་གར་སྤྱི་མཐུན་རྒྱལ་ཁབ་དབུ་བརྙེས་པའི་ཉིན་མོ་དང་བསྟུན་རྒྱ་གར་ནང་ལ་སྤྱི་ཚོགས་ཞབས་ཞུ་དང་སྲི་ཞུ་ལས་དོན། དེ་བཞིན་ཆོས་ལུགས་མཐུན་སྒྲིལ་དང་སྤྱི་ཚོགས་དང་མང་ཚོགས་ཀྱི་བདེ་དོན་ཐོག་ཟེངས་སུ་ཐོན་པའི་ཕྱག་ལས་གནང་མཁན་ཁག་གཅིག་ལ་རྒྱ་གར་གྱི་སྤྱི་དམངས་ཀྱི་གཟེགས་རྟགས་ Padma Vibhushan དང་ Padma Bhushan དེ་བཞིན་ Padma Shri བཅས་ཀྱི་གཟེངས་རྟགས་ཕུལ་སྲོལ་ཡོད་པ་ལྟར་འདི་ལོར་གཟེངས་རྟགས་བཞེས་མཁན་ཁྱོན་གནད་ཡོདད་མི་སྣ་ ༡༢༨ ཡོད་པའི་ཁོངས་ནས་རྟ་དབང་དགོན་པའི་མཁན་ཟུར་གུ་རུ་སྤྲུལ་སྐུ་མཆོག་ལ་རྒྱ་གར་གྱི་སྤྱི་དམངས་ཀྱི་གཟེགས་རྟགས་མཐོ་ཤོས་བཞི་པ་པདྨ་ཤྲི་ཐོབ་འདུགརྩ་བའི་རྟ་དབང་དགའ་ལྡན་རྣམ་རྒྱལ་ལྷ་རྩེ་དགོན་ནམ་རྟ་དབང་དགོན་པའི་མཁན་ཟུར་གུ་རུ་སྤྲུལ་སྐུ་མཆོག་ནི་ཕྱི་ལོ་ ༡༩༦༨ ལོར་རྒྱ་གར་བྱང་ཤར་ཁུལ་གྱི་མངའ་སྡེ་ཨ་རུ་ནཱ་ཅལ་དུ་ཡབ་བློ་བཟང་ཚེ་རིང་དང་ཡུམ་པདྨ་ཆོས་སྒྲོན་གཉིས་ཀྱི་སྲས་སུ་འཁྲུངས་ཤིང་། དགུང་ལོ་དགུ་ལ་སོན་སྐབས་དགེ་ཚུལ་དང་དགེ་སློང་གི་སྡོམ་པ་རིམ་པ་བཞེས་ཏེ་བཞུགས་སྒར་མཚན་ཉིད་གྲྭ་ཚང་དུ་ལོ་ ༡༣ རིང་སློབ་གཉེར་གནང་བ་དང་། དེ་ནས་རིམ་པས་རྒྱ་གར་ལྷོ་ཕྱོགས་འབྲས་སྤུངས་དགོན་པར་ཕེབས་ཏེ་ནང་པའི་གཞུང་ལུགས་ཁག་ལ་སློབ་གཉེར་གནང་ཡོད་པ་རེད།ལྷག་པར་དུ་གུ་རུ་སྤྲུལ་སྐུ་མཆོག་ནས་སློབ་གཉེན་ཁག་ལེགས་པར་གནང་རྗེས་ཕྱི་ལོ་ ༡༩༩༨ ནས་བཞུགས་སྒར་དུ་རྟེན་གཞི་བྱས་པའི་དགལ་ལྡན་ཕོ་བྲང་ཡིག་ཚང་དུ་ཕྱག་ལས་གནང་བ་མ་ཟད་ཕྱོ་ལོ་ ༢༠༠༨ ནས་ ༢༠༡༦ བར་རྟ་དབང་དགའ་ལྡན་རྣམ་རྒྱལ་ལྷ་རྩེ་དགོན་གྱི་མཁན་པོའི་ཐུགས་འགན་བཞེས་ཏེ་ད་ཆ་ཁུལ་དེའི་འབུམ་སྡེ་ཐུབ་མཆོག་དགའ་ཚལ་གླིང་དགོན་པའི་མཁན་པོའི་ཐུགས་འགན་བཞེས་མུས་ཡིན་པ་རེད།ད་རེས་རྒྱ་གཞུང་ནས་གུ་རུ་སྤྲུལ་སྐུ་མཆོག་ལ་ Padma Shri གཟེངས་རྟགས་ཕུལ་བ་དེ་ནི་གུ་རུ་སྤྲུལ་སྐུ་མཆོག་གིས་ད་བར་ཨ་རུ་ནཱ་ཅན་མངའ་སྡེ་གཙོས་པའི་ས་གནས་མང་དག་ཅིག་ཏུ་ཆོས་ལུགས་མཐུན་སྒྲིལ་གཙོས་ཆོས་ཕྱོགས་ཀྱི་བྱ་བ་མང་དག་ཅིག་བསྒྲུབས་ཁག་ལ་ཆེ་བསྟོད་ངོས་འཛིན་གྱིས་ཕུལ་བ་ཞིག་ཆགས་ཀྱི་ཡོད་པ་དང་།དེ་བཞིན་ད་རེས་གཟེངས་རྟགས་ཐོབ་མཁན་ཁོངས་སུ་རྒྱ་གར་བྱང་ཤར་ཁུལ་ནས་བེུད་བཞི་དང་སྐྱེས་པ་བཞི་བཅས་ཆགས་ཀྱི་འདུག