ཁ་ཉིན་ནས་རྒྱ་གར་གྱི་རྒྱལ་ས་ལྡི་ལིར་རྒྱ་གར་གྱི་གྲོས་ཚོགས་གོང་འོག་གི་དགུན་དུས་གྲོས་ཚོགས་འཚོགས་བཞིན་པ་དང་བསྟུན་ནས་སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་མི་ལྔ་ལས་གྲུབ་པའི་ཚོགས་ཆུང་ཞིག་གིས་རྒྱ་གར་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་མི་རྣམ་པས་དབུས་པའི་གྲོས་ཚོགས་ཀྱི་ཚོགས་མི་གཞན་ཁག་ཅིག་དང་དངོས་སུ་མཇལ་འཕྲད་ཀྱིས་བོད་དོན་ཞུ་སྐུལ་གྱི་ལས་འགུལ་ཆེས་ཐོག་མ་དེ་དབུ་འཛུགས་གནང་ཡོད་པ་རེད། 
སྤྱི་འཐུས་གསེར་རྟ་ཚུལ་ཁྲིམས་དང་སྤྱི་འཐུས་དགེ་བཤེས་ལྷ་རམས་པ་གོ་བོ་བློ་བཟང་ཕན་བདེ། སྤྱི་འཐུས་ལྷ་རྒྱ་རི་རྣམ་རྒྱལ་སྒྲོལ་དཀར། སྤྱི་འཐུས་དགེ་བཤེས་ཨ་ཀྲོང་རིན་ཆེན་རྒྱལ་མཚན། སྤྱི་འཐུས་ཆོས་གྲགས་རྒྱ་མཚོ་བཅས་ནས་དེ་རིང་བར་རྒྱ་གར་གྱི་གཞུང་འཛིན་དང་ཕྱོགས་འགལ་ཚོགས་པ། ས་གནས་ཀྱི་ཆབ་སྲིད་ཚོགས་པ་བཅས་གྲོས་ཚོགས་ཀྱི་ཚོགས་མི་ཁག་གཅིག་དང་འཇལ་འཕྲད་གནང་ཡོད། 
བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་ཆུང་གི་ངོས་ནས་རྒྱ་གར་གྱི་གྲོས་ཚོགས་ཀྱི་ཚོགས་མི་ཁོ་ན་ཙམ་མིན་པར་རྒྱལ་ས་ལྡི་ལིར་རྟེན་གཞི་བྱས་པའི་ཕྱི་རྒྱལ་གཞུང་ཚབ་ཁག་གི་གཞུང་ཚབ་པ་སོགས་དང་དངོས་སུ་འཇལ་འཕྲད་བརྒྱུད་བོད་དོན་ཞུ་སྐུལ་ཡོང་ཐབས་གནང་བཞིན་པ་དང་། འདས་པའི་ཉིན་གྲངས་གཉིས་ཀྱི་རིང་སྤྱི་འཐུས་རྣམ་པས་ཐེ་ཝན་དང་ཁེ་ན་ཌའི་གཞུང་ཚབ་ཏུ་ཕེབས་ཐུབ་ཡོད་པ་མ་ཟད་ཁུངས་སོ་སོར་བོད་ནང་གི་འགྲོ་བ་མིའི་ཐོབ་ཐང་གི་གནད་དོན་དང་ཨོ་ལམ་པིཀ་རྩེད་འགྲན་དང་འབྲེལ་བའི་གནད་དོན་སོགས་ཀྱི་སྐོར་ལ་ཞུ་སྐུལ་དང་བཀའ་བསྡུར་ལྷུག་པོ་གནང་འདུག
སྤྱི་འཐུས་ལྷ་རྒྱ་རི་རྣམ་རྒྱལ་སྒྲོལ་དཀར་ལགས་ཀྱིས་ད་བར་མཇལ་འཕྲད་བྱུང་བའི་ཕྱི་རྒྱལ་གཞུང་ཚབ་ཀྱི་སྐུ་ཚབ་ཚོའི་ངོས་ནས་བཙན་བྱོལ་ནང་གི་བོད་མི་ཚོས་བོད་ནང་གི་གནས་ཚུལ་མཁོ་སྒྲུབ་གནང་སྟངས་སྐོར་དང་ལྷག་པར་དུ་བོད་ནང་གི་ད་ལྟའི་གནས་བབས། རྒྱ་ནག་གི་གནས་ཚུལ་བཀག་སྡོམ་སོགས་ཀྱི་སྐོར། བཙན་བྱོལ་ནང་གི་མང་གཙོའི་འཕེལ་རིམ་ལ་སོགས་པའི་གནད་དོན་ཐད་ལ་དམིགས་བསལ་ཐུགས་སྣང་ཆེན་པོ་གནང་གི་ཡོད་ཅེས་གསུངས་ཡོད།
ཤེས་རྟོགས་བྱུང་བར་གཞིགས་ན། བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་རྣམ་པ་ཟླ་ ༡༢ ཚེས་ ༢༤ བར་མུ་མཐུད་ནས་རྒྱལ་ས་ལྡི་ལིར་བོད་དོན་ཞུ་སྐུལ་གྱི་ལས་དོན་གནང་རྒྱུ་དང་རྒྱ་གར་གྱི་གྲོས་ཚོགས་ཚོགས་མི་ ༦༠ ལྷག་ལ་བོད་དོན་ཞུ་སྐུལ་ཞུ་ཐུབ་པ་གནང་རྒྱུ་ཡིན་པ་མ་ཟད་རྒྱལ་ས་ལྡི་ལི་ནང་དུ་རྟེན་གཞི་བྱས་པའི་ཕྱི་རྒྱལ་གཞུང་ཚབ་ཁག་གི་གཞུང་ཚབ་པ་གང་མང་དང་འཇལ་འཕྲད་ཐུབ་པར་འབད་བརྩོན་གནང་རྒྱུ་རེད་འདུག པར་ཁག་གི་བདག་དབང་བོད་མི་མང་སྤྱི་འཐུས་ལྷན་ཚོགས་ལ་ཡོད།
སྤྱི་འཐུས་ལྷན་ཚོགས་ཀྱི་སྐུ་ཚབ་ཚོགས་ཆུང་གིས་རྒྱལ་ས་ལྡི་ལིར་བོད་དོན་ཞུ་སྐུལ་གནང་བ།
Tibetan News Headlines
- Hokkaido Shimizu Town Delegation Visits Tibet House Japan, Presents First Harvest of the Region for His Holiness the Dalai Lama
- Tibet Advocacy Group Calls on US to Restore Tibetan Broadcasting Services to Counter Chinese Propaganda and Censorship
- China-Linked UK Businessman Tried to Hire Ex-Met Detective to Investigate MPs Critical of Beijing
- Nvidia CEO Jensen Huang Admits Affair with Suspected Chinese Spy; Company Launches Investigation
- Tibetan Representative Jigme Tsultrim Briefs India’s Minority Commission Chairperson on Tibetan Settlements in South India
- China Expands Media Influence in Thailand Through Partnerships, Propaganda and Diplomatic Pressure, RSF Reports
- History Feature: Tsarong Dasang Damdul
ཪེས་གཟའ་ཟླ་བ། ༢༠༢༦།༡༡།༠༩
- ཉི་ཧོང་གྲོང་སྡེ་ཞིག་གི་སྐུ་ཚབ་ཚོ་ཁག་ནས་ས་གནས་དེའི་ལོ་ཏོག་ཐོན་སྐྱེད་ཐོག་མ་༸གོང་ས་མཆོག་ལ་འབུལ་བཞེས་གནང་འདུག
- རྒྱ་ནག་གི་འཁྱོག་བཤད་དྲིལ་བསྒྲགས་ལ་གདོང་ལེན་སླད་ཨ་རི་གཞུང་གིས་བོད་སྐད་རླུང་འཕྲིན་ཁང་ལ་རྒྱབ་སྐྱོར་བྱེད་དགོས་གལ་ཡིན་པ་གསུངས་འདུག
- དབྱིན་ཡུལ་ཚོང་པ་ཞིག་གིས་སོ་མྱུལ་བ་གླ་གཡར་བརྒྱུད་རྒྱ་ནག་གི་ཆེད་དུ་དབྱིན་ཡུལ་གྲོས་ཚོགས་འཐུས་མི་ཁག་གཅིག་ལ་གསང་ཉུལ་བྱས་པ་མངོན་གསལ།
- Nvidia ཁེ་ལས་ཁང་གི་འགན་འཛིན་གྱིས་དོགས་གཞི་ཅན་གྱི་རྒྱ་རིགས་བུད་མེད་སོ་བ་ཞིག་དང་ནང་འབྲེལ་བྱུང་བའི་ཁས་ལེན་བྱས་རྗེས། ཁེ་ལས་ཁང་གིས་ཁོའི་བྱ་སྤྱོད་ལ་ཞིབ་བཤེར་འགོ་འཛུགས།
- ལྷོ་སྤྱི་ཡིས་རྒྱ་གར་གཞུང་གི་གྲངས་ཉུང་མི་རིགས་ལྷན་ཚོགས་ཀྱི་ཚོགས་གཙོ་དང་མཇལ་འཕྲད་གནང་བ།
- རྒྱ་གཞུང་གིས་ Thailand ནང་གི་གསར་འགོད་རང་དབང་ལ་དམ་དྲག་ཆེན་པོ་བྱེད་བཞིན་པ་གསལ་སྟོན།
- བོད་ཀྱི་ལོ་རྒྱུས་ཁྲོད་མི་སྣ་གྲགས་ཅན་ངོ་སྤྲོད། དམག་སྤྱི་ཚ་རོང་ཟླ་བཟང་དགྲ་འདུལ་ལགས་ཀྱི་སྐོར།
