Tibetan Royal Year of 2151 | Year of the Wood Dragon

བལ་ཡུལ་ནས་ལྷ་ས་བར་གནམ་གྲུ་ཆེས་ཐོག་མ་དེ་གཏང་རྒྱུར་ཚོད་ལྟ་བྱས་འདུག

Tibetan News Headlines

  • མན་སྤར་ཕན་བདེ་གླིང་བོད་མིའི་གཞིས་ཆགས་ཀྱི་ཞིང་པ་གཉིས་དང་གླེང་མོལ། 

Sunday 21/04/2024

  • Continuing Tradition: Meet the second Generation Tibetan Farmers in Mainpat Phendeyling

བལ་ཡུལ་དང་རྒྱ་ནག་གཉིས་མཉམ་འབྲེལ་ཐོག་གཉེར་བའི་ Himalaya Airlines ཞེས་པའི་མཁའ་ལམ་འགྲུལ་བཞུད་ལས་ཁང་གིས་ཁ་སང་བལ་ཡུལ་གྱི་རྒྱལ་ས་ Kathmandu ནས་བོད་ཀྱི་རྒྱལ་ས་ལྷ་ས་བར་གནམ་འགྲུ་འཕུར་བསྐྱོད་ཆེས་ཐོག་མ་དེ་ཚོད་ལྟ་བྱས་འདུགམཁའ་ལམ་འགྲུལ་བཞུད་ལས་ཁང་དེས་འདི་ལོའི་དབྱར་དུས་ནས་བལ་ཡུལ་གྱི་རྒྱལ་ས་ Kathmandu ནས་དབུ་འཛུགས་ཀྱིས་བོད་ཀྱི་རྒྱལ་ས་ལྷ་ས་བར་བལ་ཡུལ་གྱི་གནམ་གྲུ་གཏང་འཆར་ཡོད་པ་ལྟར། ཁ་སང་ཕྱི་ཟླ་ ༡ ཚེས་ ༢༡ ཉིན་དངོས་སུ་ཚོད་ལྟ་བྱས་འདུག་པ་དང་། གནམ་གྲུའི་ཁ་ལོ་བ་ Hao Di ཟེར་བ་དེས་གནམ་གྲུ་ཨང་ H9 961 ཅན་དེ་ཉིད་ཁ་སང་བལ་ཡུལ་གྱི་ Tribhuvan རྒྱལ་སྤྱིའི་གནམ་ཐང་ནས་འགོ་བཙུགས་ཏེ་བོད་ཀྱི་རྒྱལ་སའི་གོང་དཀར་གནམ་ཐང་བར་འགྲུལ་ལམ་གསུམ་ལ་འབབ་ཚོད་ཀྱིས་ཞིབ་དཔྱད་བྱས་འདུག རྩ་བའི་ Himalaya Airlines ཞེས་པའི་མཁའ་ལམ་འགྲུལ་བཞུད་ལས་ཁང་དེས་བལ་ཡུལ་ནས་ལྷ་ས་བར་གནམ་གྲུ་འཕུར་བསྐྱོད་ཀྱི་ལས་གཞིའི་ཐོག་སྔ་ལོ་ནས་ལག་ལས་བྱས་ཡོད་པ་དང་། ཚོང་ལས་ཁང་གི་འགན་འཛིན་གཞོན་པ་ Vijay Shrestha ལགས་ཀྱིས་ཐེངས་འདིའི་གནམ་གྲུ་དེ་ནི་བོད་ཀྱི་རྒྱལ་ས་ལྷ་སའི་གོང་དཀར་གནམ་ཐང་བར་དུ་ཕྱི་རྒྱལ་གྱི་མི་སེར་འོར་འདྲེན་བྱེད་ཐུབ་མཁན་གནམ་གྲུ་ཆེས་ཐོག་མ་དང་གཅིག་པོ་དེ་ཆགས་ཡོད་སྟབས་དེར་དགའ་སྒོམ་འོས་པའི་དོན་དམ་གྱི་གནད་དོན་ཞིག་ཡིན་པར་བརྗོད་འདུགད་ལྟའི་ཆར་བལ་ཡུལ་གྱི་གནམ་གྲུ་ Himalaya Airlines ཞེས་པ་དེ་ Abu Dhabi དང་ Dammam དེ་བཞིན་ Kuala Lumpur གཞན་ཡང་ Beijing དང་ Chongqing ལ་སོགས་པའི་ས་གནས་ཁག་ཅིག་ལ་གཏོང་བཞིན་ཡོད་པ་རེད། གཞི་རྩའི་བལ་ཡུལ་གྱི་གནམ་གྲུ་ Himalaya Airline ཞེས་པ་དེ་བོད་ལྗོངས་མཁའ་འགྲུལ་ལས་ཁང་དང་ Yeti World Investment ཚོགས་པ་ཟུང་འབྲེལ་གྱིས་ཕྱི་ལོ་ ༢༠༡༤ ལོར་གསར་སྐྲུན་བྱས་པ་ཞིག་ཡིན་པ་དང་། ད་ལྟའི་ཆར་བལ་ཡུལ་ནས་ལྷ་ས་བར་གྱི་གནམ་གྲུའི་ནང་རིན་གོང་ཁེ་བའི་ཞབས་བཀྱག་ཁྱོན་ ༡༢༠ དང་རིན་གོང་ཆེ་བའི་ཞབས་བཀྱག་ཁྱོན་ ༨ བཅས་འགྲུལ་པ་ཁྱོན་ ༡༢༨ ཤོང་ཚད་ཡོད་པར་མ་ཟད་ཕི་ཊི་ ༡༤༥༠༠ མཐོ་ཚད་ཡོད་པའི་མཁའ་དབྱིངས་སུ་འཕུར་ནུས་ཀྱི་ཁྱད་ཆོས་ལྡན་ཡོད་པ་རེད།

འབྲེལ་ཡོད་གསར་གནས།

གསར་གནས།