བལ་ཡུལ།

བལ་ཡུལ་ནས་རྒྱ་ནག་གི་དབང་ཤུགས་རྒྱ་སྐྱེད་ལ་གདོང་ལེན་ནན་པོ་བྱ་དགོས་པ་བརྗོད་འདུག

བལ་ཡུལ་སྲིད་བློན་གཞོན་པ་ལྷ་སར་ཆེད་བསྐྱོད་ཀྱིས་ས་མཚམས་ཀྱི་དགག་སྒོ་ ༡༤ ཕྱེ་དགོས་པའི་ཞུ་འབོད་གནང་འདུག

དེའང་ཟླ་བ་འདིའི་ཚེས་ ༩ ཉིན་རྒྱ་ནག་ནང་གི་བལ་ཡུལ་གཞུང་ཚབ་པ་ Mahendra Bahadur Pandey བོད་ཀྱི་རྒྱལ་ས་ལྷ་སར་ལྟ་སྐོར་དུ་ཕྱིན་ཏེ་བོད་རང་སྐྱོང་ལྗོངས་ཟེར་བའི་དམར་ཤོག་ཚོགས་པའི་དྲུང་ཆེ་ཝུའུ་དབྱིང་ཅེ་དང་མི་མང་སྲིད་གཞུང་གི་གཙོ་འཛིན་ཆེ་དགྲ་ལྷ་བཅས་ཐུག་འཕྲད་བྱས་འདུགཝུའུ་དབྱིང་ཅེས་ཐུག་འཕྲད་ཀྱི་གླེང་མོལ་དེའི་སྐབས་དུས་ཚོད་རིང་པོ་ནང་བལ་ཡུལ་གཞུང་གིས་རྒྱ་ནག་གཅིག་གི་སྲིད་བྱུས་ལ་རྒྱབ་སྐྱོར་བྱས་པ་དང་། བོད་ཀྱིས་གཙོས་པའི་ཐེ་ཝན་དང་འབྲེལ་བའི་གནད་དོན་ཐོག་ལངས་ཕྱོགས་བརྟན་པོས་རྒྱབ་སྐྱོར་བྱས་པ་མ་ཟད། ལྷག་དོན་བལ་ཡུལ་གཞུང་གིས་བལ་ཡུལ་ནང་དུ་གནས་བཞུགས་བཙན་བྱོལ་བོད་མི་ཚོའི་ངོས་ནས་རྒྱ་ནག་གཞུང་ལ་མི་འདོད་པའི་ངོ་རྒོལ་གནང་བའི་བྱེད་སྤྱོད་རིགས་སྤེལ་དུ་མི་བཅུག་པར་བསྟོད་བསྔགས་བྱས་འདུགདེ་བཞིན་ཁོ་པས་དེ་སྔ་ཕྱི་ལོ་ ༢༠༡༩ ཟླ་ ༡༠ ནང་རྒྱ་ནག་གྱི་སྲིད་འཛིན་ཞི་ཅིན་ཕིང་བལ་ཡུལ་ནང་གཞུང་འབྲེལ་སྐོར་སྐྱོད་ཆེད་དུ་འབྱོར་ཏེ་བལ་ཡུལ་གྱི་སྲིད་འཛིན་ Bidhya Devi Bhandari དང་སྲིད་བློན་ K P Sharma Oli གཉིས་ཀྱིས་དབུས་པའི་གནད་ཡོད་མི་སྣ་ཁག་གཅིག་དང་ཐུག་འཕྲད་བྱས་པ་དེ་ནས་བཟུང་རྒྱ་ནག་དང་བལ་ཡུལ་རྒྱལ་ཁབ་དབར་འབྲེལ་བའི་ལེའུ་གསར་པ་ཞིག་བརྩམས་ཡོད་པ་དང་། ལྷག་པར་དུ་རྒྱ་ནག་གཅིག་གི་སྲིད་བྱུས་ལ་བློ་རྩེ་འགྱུར་མེད་ཀྱི་ཐོག་ནས་ལག་བསྟར་གྱིས་ཕྱོགས་གཉིས་པོའི་དཔལ་འབྱོར། ཚོང་དོན། རིག་གནས། ཡུལ་སྐོར། འགག་སྒོ་འཛུགས་སྐྲུན་སོགས་ཀྱི་ལས་དོན་ལ་མཉམ་ལས་བྱེད་རྒྱུའི་མཚོན་པའི་རྒྱ་ནག་དང་བལ་ཡུལ་དབར་འབྲེལ་ལམ་ཟབ་ཏུ་ཕྱིན་ཡོད་སྐོར་སོགས་བཤད་འདུགགཞན་ཡང་ཁོ་པས་ཁྱིམ་མཚེས་རྒྱལ་ཁབ་བལ་པོ་དང་དཔལ་འབྱོར་དང་སྤྱི་ཚོགས་བརྟན་ལྷིང་ལ་སོགས་པའི་གནད་དོན་ཐད་ནས་མཉམ་ལས་བྱེད་པར་སྔར་ལྷག་ཤུགས་སྣོན་རྒྱག་རྒྱུ་ཡིན་པར་ཁས་ལེན་བྱས་ཡོད་འདུགསྐབས་དེར་རྒྱ་ནག་ནང་གི་བལ་ཡུལ་གཞུང་ཚབ་པ་ Mahendra Bahadur Pandey ཡིས་རྒྱ་ནག་དང་བོད་རང་སྐྱོང་ལྗོངས་ཀྱིས་བལ་ཡུལ་ལ་རོགས་སྐྱོར་བྱས་པ་དང་ལྷག་པར་དུ་ཏོག་དབྱིབས་གཉན་རིམས་ཁྱབ་གདལ་འགོག་རྒོལ་ལ་གདོང་ལེན་བྱེད་རིང་བལ་ཡུལ་གྱི་གཞུང་མང་ལ་རྒྱབ་སྐྱོར་ཤུགས་ཆེན་པོ་བྱས་པར་ཐུགས་རྗེ་ཆེ་ཞུ་དང་སྦྲགས་ཏེ། བལ་ཡུལ་གཞུང་གིས་རྒྱ་ནག་གཅིག་གི་སྲིད་བྱུས་ལ་རྒྱབ་སྐྱོར་བྱས་པ་དང་བོད་གཙོ་གྱུར་ཐེ་ཝན་དང་འབྲེལ་བའི་གནད་དོན་ཐོག་ལངས་ཕྱོགས་བརྟན་པོས་རྒྱབ་སྐྱོར་བྱས་པ། དེ་བཞིན་བལ་ཡུལ་ནང་དུ་གནས་བཞུགས་བཙན་བྱོལ་བོད་མི་ཚོའི་ངོས་ནས་རྒྱ་ནག་གཞུང་ལ་ངོ་རྒོལ་གནང་བའི་བྱེད་སྤྱོད་དེ་རིགས་རྩ་བ་ནས་སྤེལ་དུ་འཇུག་གི་མིན་ཞེས་ཁས་ལེན་བྱས་འདུགགཞི་རྩའི་བལ་ཡུལ་དུ་རྒྱ་ནག་གིས་དཔལ་འབྱོར་གྱི་རོགས་རམ་བྱས་ནས་ཁུལ་དེར་གནས་བཞུགས་བཙན་བྱོལ་བོད་མི་རྣམས་ལ་སྐྱབས་བཅོལ་ལག་འཁྱེར་སྤྲོད་པར་དམ་དྲག་དང་། ལྷག་པར་དུ་བོད་ནས་གསར་དུ་འབྱོར་བའི་བོད་མི་དང་འབྲེལ་བའི་ཁྲིམས་སྒྲིག་སོགས་ཐེ་གཏོགས་བྱས་སྟབས། བལ་ཡུལ་ནང་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་འཁྲུངས་སྐར་སྲུང་བརྩི་ཞུ་རྒྱུས་མཚོན་པའི་བོད་མིའི་ཆབ་སྲིད་ཀྱི་ལས་འགུལ་གཙོས་པའི་དེ་འབྲེལ་རྣམ་པ་ཆེད་བཏོན་གནང་བར་དམ་དྲག་ཤུགས་ཆེན་བྱས་དང་བྱེད་མུས་ཀྱི་གནས་ཚུལ་ཡང་ཡང་ཐོན་གྱི་ཡོད་པ་རེད།

འཛམ་གླིང་མཉམ་འབྲེལ་རྒྱལ་ཚོགས་ཀྱི་ཡོངས་ཁྱབ་འགྲོ་བ་མིའི་ཐོབ་ཐང་གི་དུས་བཀག་བསྐྱར་ཞིབ་ཐེངས་གསུམ་པའི་ཐོག་བལ་ཡུལ་གཞུང་ནས་ཡུལ་དེའི་ནང་གི་བོད་མིའི་ཐོབ་ཐང་སྲུང་སྐྱོབ་བྱ་རྒྱུའི་རྒྱལ་ཚོགས་ཀྱི་ལམ་སྟོན་གནང་དོན་ལྟར་ངོས་ལེན་གནང་མེད་པར་སྐྱོན་བརྗོད་གནང་འདུགདེ་རིང་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་ནས་བལ་ཡུལ་ནང་གི་འགྲོ་བ་མིའི་ཐོབ་ཐང་གི་གནས་སྟངས་དང་འབྲེལ་བའི་དུས་བཀག་བསྐྱར་ཞིབ་མཇུག་སྒྲིལ་གནང་གི་ཡོད་པ་དང་བསྟུན་རྒྱལ་སྤྱིའི་འགྲོ་བ་མིའི་ཐོབ་ཐང་གི་མཐུན་ཚོགས་སམ་ International Federation for Human Rights དང་རྒྱལ་སྤྱིའི་བོད་དོན་ལས་འགུལ་ཁང་གཉིས་ཐུན་མོང་གིས་བསྒྲགས་གཏམ་ཞིག་སྤེལ་བར་འདི་ལོའི་ཕྱི་ཟླ་དང་པོའི་ནང་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་ནས་བལ་ཡུལ་ནང་གི་འགྲོ་བ་མིའི་ཐོབ་ཐང་གནས་སྟངས་དང་འབྲེལ་བའི་དུས་བཀག་བསྐྱར་ཞིབ་ཐེངས་གསུམ་པ་དེ་གནང་སྐབས་སུ་རྒྱལ་ཚོགས་ཀྱི་ངོས་ནས་བལ་ཡུལ་གཞུང་ལ་ཡུལ་དེའི་བོད་མི་སྐྱབས་བཅོལ་བའི་ཐོབ་ཐང་སྲུང་སྐྱོབ་བྱ་རྒྱུའི་ལམ་སྟོན་ཁག་ཅིག་ཆེད་བཏོན་གནང་ཡོད་པ་དེ་ལྟར་ནའང་བལ་ཡུལ་གཞུང་ནས་རྒྱལ་ཚོགས་ཀྱི་ལམ་སྟོན་དེ་དག་ལ་ངོས་ལེན་གནང་མེད་པར་སྐྱོན་བརྗོད་གནང་འདུགབསྒྲགས་གཏམ་ནང་འཁོད་པར་བལ་ཡུལ་གཞུང་གིས་རྒྱ་ནག་གི་གནོན་ཤུགས་འོག་བོད་མིར་དམ་དྲག་ཤུགས་ཆེ་རུ་གཏོང་བཞིན་པའི་གནས་སྟངས་གསལ་འདོན་དང་འབྲེལ་ཏེ་བལ་ཡུལ་གཞུང་གིས་ད་བར་བལ་ཡུལ་ནང་གནས་སྡོད་བོད་མི་ཉིས་ཁྲི་ལྷག་ཡོད་པ་དེ་དག་ལ་ཐོ་འགོད་དང་བདེན་པ་ཁུངས་སྐྱེལ་ཐོག་ངོས་འཛིན་ཡིག་ཆ་མཁོ་སྤྲོད་གནང་རྒྱུ་མཚོན་པའི་ངོ་སྤྲོད་རྒྱབ་གཉེར་གནང་རྒྱུར་ཁས་ལེན་གནང་མེད་པ་དང་རྒྱུ་མཚན་འདིར་བརྟེན་བོད་མི་དེ་དག་ལ་ཡུལ་ཁྲིམས་ནང་གསལ་བའི་ཤེས་ཡོན་དང་ཕྱག་ལས། སྨན་པ་དང་གཞུང་གི་ཕྱག་ལས་སོགས་གནང་རྒྱུའི་ཐོབ་ཐང་མེད་པ་མ་ཟད། རྒྱལ་སྤྱིའི་ཁྲིམས་ལ་བརྩི་སྲུང་མེད་པར་བོད་ནས་བྲོས་བྱོལ་དུ་ཕེབས་མཁན་བོད་མི་རྣམས་ཕྱིར་རྒྱ་ནག་ལ་རྩིས་སྤྲོད་བྱེད་བཞིན་པ་དེས་ཁོང་ཚོའི་ཚེ་སྲོག་ལ་ཉེན་ཁ་ཆགས་ཀྱི་ཡོད་པ་དང་འདང་ངེས་མེད་པའི་ཁྲིམས་ཀྱི་གནས་བབས་འོག་མང་ཚོགས་རྣམས་ནག་ཉེས་ཀྱི་ཡུལ་དུ་བསྒྱུར་སླ་བ་དང་དེ་བཞིན་འགྲོ་བ་མིའི་ཐོབ་ཐང་བརྡལ་གཤིག་གཏོང་སླ་བ་ཆགས་ཀྱི་ཡོད་པར་ལུང་འདྲེན་གནང་སྟེ་ད་ཆ་ཡིག་ཆ་མ་འདང་བ་འདི་ནི་བོད་མི་སྐྱབས་བཅོལ་བར་འཕྲད་བཞིན་པའི་དཀའ་ངལ་དག་གི་རྩ་བ་དེ་ཆགས་ཀྱི་ཡོད་པར་མངོན་གསལ་གནང་འདུགསྐབས་དེར་རྒྱལ་སྤྱིའི་བོད་དོན་ལས་འགུལ་ཁང་གི་ཡུ་རོབ་སྡེ་ཚན་གྱི་འགན་ཁུར་བཞེས་མཁན་སྐུ་ཞབས་ Kai Muller ལགས་ཀྱིས་རྒྱལ་ཚོགས་ཀྱི་བལ་ཡུལ་གྱི་འགྲོ་བ་མིའི་ཐོབ་ཐང་གི་གནད་དོན་བསྐྱར་ཞིབ་སྐབས་སུ་རྒྱལ་ཚོགས་ཀྱིས་བཏོན་པའི་ལམ་སྟོན་གྱི་དོན་ཚན་ཁག་ལ་བལ་ཡུལ་གཞུང་ནས་ངོས་ལེན་མ་གནང་པ་དེ་རྒྱལ་སྤྱིའི་བོད་དོན་ལས་འགུལ་ཁང་ལ་བློ་འཚབ་ཆེན་པོ་བཟོས་ཡོད་སྐོར་གསུངས་ཏེ་བལ་ཡུལ་གཞུང་གིས་ངེས་པར་དུ་རྒྱལ་སྤྱིའི་ཁྲིམས་ལ་བརྩི་སྲུང་གིས་བལ་ཡུལ་ནང་ཡུན་རིང་བཞུགས་པའི་བོད་མི་དང་དེ་བཞིན་བོད་ནས་བྲོས་བྱོལ་དུ་ཕེབས་མཁན་བོད་མི་རྣམས་ཀྱི་ཚེ་སྲོག་སྐྱོབ་སླད་ཐབས་ལམ་འཚོལ་རྒྱུར་ཁས་ལེན་ཞུ་དགོས་པའི་འབོད་སྐུལ་གནང་འདུག དེ་བཞིན་རྒྱལ་སྤྱིའི་འགྲོ་བ་མིའི་ཐོབ་ཐང་མཐུན་ཚོགས་ཀྱི་དྲུང་ཆེ་སྐུ་ཞབས་ Adilur Rahman Khan ལགས་ཀྱིས་རྒྱལ་ཚོགས་ཀྱི་ལམ་སྟོན་ནང་བལ་ཡུལ་གཞུང་གིས་བོད་མི་སྐྱབས་བཅོལ་བ་རྣམས་ཡུལ་དེར་བཞུགས་འཐུས་གནང་བར་བསྔགས་བརྗོད་གནང་ཡོད་ཀྱང་དེ་ཙམ་གྱིས་འདང་གི་མེད་ཅིང་། རྒྱལ་སྤྱིའི་འགྲོ་བ་མིའི་ཐོབ་ཐང་གི་རྩ་དོན་ལྟར་སྐྱབས་བཅོལ་བ་བཞུགས་འཇུག་པར་ངེས་པར་དུ་ཁོང་ཚོའི་བདེ་འཇགས་ཐོག་འགན་ལེན་བྱེད་དགོས་ཀྱི་ཡོད་པར་ནན་བརྗོད་གནང་བ་མ་ཟད་བལ་ཡུལ་གཞུང་གིས་ཛ་དྲག་ཐོག་ནས་གོམ་པ་མདུན་སྤོས་ཀྱིས་བོད་མི་རྣམས་ཀྱི་གཞི་རྩའི་ཐོབ་ཐང་ཁག་སྲུང་སྐྱོབ་དང་བརྩི་སྲུང་ཞུ་དགོས་སྐོར་གསུངས་འདུགགོང་ཞུས་ཚོགས་པ་གཉིས་ཀྱིས་སྤེལ་བའི་བསྒྲགས་གཏམ་ནང་བལ་ཡུལ་ནང་ཡོངས་གྲགས་ཐོག་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་སྐོར་དགོངས་ཚུལ་གསུངས་པ་དང་ཡང་ན་བོད་རྒྱལ་ཁབ་མཚོན་པའི་དངོས་པོ་འགྲེམས་སྟོན་དང་ཆབ་སྲིད་ཀྱི་བྱེད་སྒོ་སྤེལ་མཁན་བོད་མི་དག་གང་བྱུང་དུ་འཛིན་བཟུང་དང་སུན་གཙེར་བཟོ་བཞིན་ཡོད་པ་མ་ཟད། བོད་མི་དག་ལ་ཆོས་ཕྱོགས་དང་ཆབ་སྲིད་ཀྱི་དུས་སྟོན་སྲུང་བརྩི་ཞུ་རྒྱུར་དམིགས་བསལ་དམ་དྲག་གིས་ད་ཆ་མང་ཚོགས་འདུ་འཛོམས་སོགས་ཀྱང་མུ་མཐུད་བཀག་སྡོམ་བྱེད་བཞིན་པར་ཆེས་བཏོད་གནང་འདུགརྒྱལ་ཚོགས་ཀྱིས་ཆེད་དུ་བཏོན་པའི་ལམ་སྟོན་དེས་བལ་ཡུལ་གཞུང་ལ་རྒྱལ་སྤྱིའི་ཁྲིམས་ལུགས་ལྟར་བོད་ནས་བྲོས་བྱོལ་དུ་ཕེབས་པའི་བོད་མི་རྣམས་བཙན་དབང་གིས་རྒྱ་གཞུང་གི་དབང་སྒྱུར་འོག་ ཕྱིར་ལོག་གནང་མི་ཆོག་པའི་རྩ་དོན་ལག་བསྟར་བྱེད་དགོས་པའི་སྐུལ་མ་བཏང་བ་དང་དེ་བཞིན་བལ་ཡུལ་གཞུང་གིས་བོད་མི་རྣམས་དང་ཡུལ་དེའི་གྲངས་ཉུང་མི་རིགས་རྣམས་ལ་རོགས་རམ་མི་གནང་བའི་རྩ་ཁྲིམས་ལ་བསྒྱུར་བཅོས་དགོས་པའི་སྐུལ་མ་གནང་ཡོད། འོན་ཀྱང་བལ་ཡུལ་གཞུང་གིས་ལམ་སྟོན་དེའི་ནང་ནས་ཁག་ཅིག་ངོས་ལེན་གནང་ཡོད་པ་དེ་དག་ལག་བསྟར་གནང་ཚེ་ད་ཆ་བལ་ཡུལ་ནང་བོད་མི་སྐྱབས་བཅོལ་བ་རྣམས་ལ་འཕྲད་བཞིན་པའི་འགྲོ་བ་མིའི་ཐོབ་ཐང་གི་དཀའ་ངལ་ཁག་ཅིག་ཉུང་དུ་འགྲོ་རྒྱུ་ཡིན་པར་འགྲེལ་བརྗོད་གནང་འདུག་པ་མ་ཟད། ལམ་སྟོན་བོད་མི་རྣམས་ཀྱི་གཏམ་བརྗོད་དང་ཞི་མཐུན་འདུ་འཛོམས་ཀྱི་རང་དབང་། གཞན་ཡང་གྲངས་ཉུང་མི་རིགས་ཀྱི་ཐོབ་ཐང་བཅས་སྲུང་སྐྱོབ་གནང་རྒྱུ་བཅས་ཚུད་ཡོད་པ་རེད། གཞི་རྩའི་བལ་ཡུལ་ནང་རྒྱ་ནག་གི་ཤུགས་རྐྱེན་ཆེ་ཆེར་སོང་བའི་རྗེས་སུ་བོད་མི་རྣམས་ནས་རྒྱ་ནག་ལ་ངོ་རྒོལ་གནང་རྒྱུའི་ལས་འགུལ་དག་ལ་བཀག་སྡོམ་བྱས་པ་དང་དེ་བཞིན་ཆོས་ལུགས་དང་རིག་གཞུང་དང་འབྲེལ་བའི་མཛད་སྒོ་ཁག་ལའང་བཀག་འགོག་བྱེད་ཀྱི་ཡོད་པ་རེད། སྤྱིར་དེང་སྐབས་བལ་ཡུལ་དུ་གནས་སྡོད་གནང་མཁན་བོད་མི་ཉིས་ཁྲི་ཙམ་ཡོད་པར་ཚོད་དཔག་གནང་བཞིན་ཡོད།

བལ་ཡུལ་དང་རྒྱ་ནག་གཉིས་མཉམ་འབྲེལ་ཐོག་གཉེར་བའི་ Himalaya Airlines ཞེས་པའི་མཁའ་ལམ་འགྲུལ་བཞུད་ལས་ཁང་གིས་ཁ་སང་བལ་ཡུལ་གྱི་རྒྱལ་ས་ Kathmandu ནས་བོད་ཀྱི་རྒྱལ་ས་ལྷ་ས་བར་གནམ་འགྲུ་འཕུར་བསྐྱོད་ཆེས་ཐོག་མ་དེ་ཚོད་ལྟ་བྱས་འདུགམཁའ་ལམ་འགྲུལ་བཞུད་ལས་ཁང་དེས་འདི་ལོའི་དབྱར་དུས་ནས་བལ་ཡུལ་གྱི་རྒྱལ་ས་ Kathmandu ནས་དབུ་འཛུགས་ཀྱིས་བོད་ཀྱི་རྒྱལ་ས་ལྷ་ས་བར་བལ་ཡུལ་གྱི་གནམ་གྲུ་གཏང་འཆར་ཡོད་པ་ལྟར། ཁ་སང་ཕྱི་ཟླ་ ༡ ཚེས་ ༢༡ ཉིན་དངོས་སུ་ཚོད་ལྟ་བྱས་འདུག་པ་དང་། གནམ་གྲུའི་ཁ་ལོ་བ་ Hao Di ཟེར་བ་དེས་གནམ་གྲུ་ཨང་ H9 961 ཅན་དེ་ཉིད་ཁ་སང་བལ་ཡུལ་གྱི་ Tribhuvan རྒྱལ་སྤྱིའི་གནམ་ཐང་ནས་འགོ་བཙུགས་ཏེ་བོད་ཀྱི་རྒྱལ་སའི་གོང་དཀར་གནམ་ཐང་བར་འགྲུལ་ལམ་གསུམ་ལ་འབབ་ཚོད་ཀྱིས་ཞིབ་དཔྱད་བྱས་འདུག རྩ་བའི་...

Wei Fenghe ཀྱིས་བལ་ཡུལ་དུ་ཡོང་དགོས་དོན་ནི་རྒྱལ་ཁབ་གཉིས་ཀྱི་དབར་འབྲེལ་ལམ་དམ་ཟབ་གཏོང་རྒྱུ་གཙོས་དམག་བྱུས་ཐད་ལ་རོགས་སྐྱོར་དང་ད་བར་བལ་ཡུལ་གཞུང་གིས་རྒྱ་ནག་གཅིག་གི་སྲིད་བྱུས་ལ་རྒྱབ་སྐྱོར་གྱིས་ཤར་སྐྱོད་བྱས་དང་བྱེད་བཞིན་པར་བསྔགས་བརྗོད་ཡོད་སྐོར་བཤད་འདུག

འདི་ལོའི་ཟླ་ ༣ ཚེས་ ༡༠ ཉིན་མོ་དེ་སྔ་ཕྱི་ལོ་ ༡༩༥༩ ལོར་བོད་མི་རྣམས་ནས་རྒྱ་དམར་གི་བཙན་གནོན་ལ་ཞི་རྒོལ་གནང་སྟེ་མི་ལོ་ ༦༡ འཁོར་བའི་ལོ་རྒྱུས་ཀྱི་དོན་སྙིང་ལྡན་པའི་ཉིན་མོ་ཞིག་ཡིན་པ་ལྟར། བལ་ཡུལ་ཀཐ་མན་གྲུ་བོད་མིའི་བདེ་དོན་ལས་ཁང་གིས་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་སྲུང་བརྩི་ཞུ་རྒྱུར་བལ་ཡུལ་གཞུང་ནས་ཆོག་མཆན་བཀའ་འཁྲོལ་གནང་སྲོལ་མེད་པར་བརྟེན། ཁུལ་དེར་གནས་བཞུགས་རང་རེའི་བོད་མི་རྣམས་ནས་གནས་ཡུལ་གཞུང་གི་ཁྲིམས་སྒྲིག་དང་འགལ་བའི་ལས་འགུལ་རིགས་མི་སྤེལ་བར་གཞེན་སྐུལ་གནང་འདུག གཞི་རྩའི་བལ་ཡུལ་ནང་རྒྱ་ནག་གིས་གནོན་ཤུགས་སྤྲོད་རྐྱེན་བལ་ཡུལ་གཞུང་ནས་ལོ་ལྟར་འཆར་ཅན་ཁུལ་དེར་གནས་བཞུགས་བོད་མི་རྣམས་ནས་བོད་མིའི་རང་དབང་སྒེར་ལངས་ཀྱི་ཉིན་མོ་སྲུང་བརྩི་ཞུ་རྒྱུར་ཆོག་མཆན་བཀའ་འཁྲོལ་གནང་སྲོལ་མེད་པ་ལྟར། ཉེ་ལམ་བལ་ཡུལ་ཀཐ་མན་གྲུ་བོད་མིའི་བདེ་དོན་ལས་ཁང་ནས་གསལ་བསྒྲགས་ཤིག་སྤེལ་བར་འདི་ལོའི་གསུམ་བཅུའི་དུས་དྲན་གྱི་ཉིན་མོར་ཁུལ་དེར་གནས་བཞུགས་རང་རེའི་བོད་མི་རྣམས་ནས་གནས་ཡུལ་གཞུང་གི་ཁྲིམས་སྒྲིག་དང་འགལ་བའི་ལས་འགུལ་རིགས་མི་སྤེལ་བར་གཞེན་སྐུལ་གནང་འདུག་པ་དང་ཆབས་ཅིག དུས་དྲན་གྱི་ཉིན་མཆོད་འབུལ་སྨོན་ལམ་གསུང་འདོན་སོགས་རྣམ་དཀར་དགེ་བའི་ལས་ལ་མངོན་པར་འབད་གནང་ཡོང་བའི་ཡོངས་ཁྱབ་གནང་འདུག རླུང་འཕྲིན་ཁང་ནས་བལ་ཡུལ་བོད་མིའི་སྤྱི་ཁྱབ་འབྲེལ་མཐུད་ལས་ཁང་གི་འབྲེལ་མཐུད་པ་ཚུལ་ཁྲིམས་རྒྱ་མཚོ་ལགས་སུ་ཞལ་པར་བརྒྱུད་བཀའ་འདྲི་ཞུས་པར་ཁོང་གིས་འབོད་སྐུལ་དེ་བལ་ཡུལ་རྒྱལ་ཁབ་ཀྱི་ཆབ་སྲིད་གནས་སྟངས་ལ་བརྟེན་ནས་འབོད་སྐུལ་གནང་བ་ཅིག་ཡིན་སྐོར་གསུངས་སོང་། གཞན་ཡང་འདི་ལོའི་ཕྱི་ཟླ་དང་པོའི་ནང་བལ་ཡུལ་དང་རྒྱ་ནག་གཉིས་དབར་གསང་བའི་གྲོས་མཐུན་འདྲ་མིན་ ༢༠ བཞག་ཡོད་པ་དང་། གྲོས་མཐུན་དེའི་ནང་ཁྲིམས་མཐུན་གྱི་ཡིག་ཆ་མེད་པར་འཛུལ་མཁན་རྣམས་རྒྱལ་ཁབ་སོ་སོའི་མཐའ་སྲུང་དམག་མིར་རྩིས་སྤྲོད་བྱ་གཏན་འཁེལ་བ་འཁོད་ཡོད་པ་དང་། གལ་ཏེ་གྲོས་མཐུན་དེ་དངོས་སུ་ལག་བསྟར་གནང་ཚེ་བོད་ནས་བལ་ཡུལ་བརྒྱུད་བྲོས་བྱོལ་དུ་ཕེབས་མཁན་བོད་མི་ཚོ་ཉིན་གྲངས་བདུན་ནང་ཚུད་རྒྱ་ནག་ལ་ཕྱིར་ལོག་བྱེད་ཉེན་ཡོད་སྟབས་ཚུལ་ཁྲིམས་རྒྱ་མཚོ་ལགས་ཀྱིས་ད་ཆ་གྲོས་མཐུན་དེ་དངོས་ཡོད་ལག་བསྟར་མི་གནང་བར་ཞུ་སྐུལ་གནང་མུས་ཡིན་པ་གསུངས་ཡོད།

ཨ་རིའི་གྲོས་ཚོགས་ཀྱི་ Tom Lantos འགྲོ་བ་མིའི་ཐོབ་ཐང་ཚོགས་ཆུང་གི་ཚོགས་གཙོ་སྐུ་ཞབས་ James P. Mcgovern ལགས་དང་ Christopher H. Smith ལགས་གཉིས་ནས་ཨ་རིའི་རྒྱལ་ས་ཝ་ཤིན་ཊོན་དུ་རྟེན་གཞི་བྱས་པའི་བལ་ཡུལ་གཞུང་ཚབ་ཁང་གི་གཞུང་ཚབ་ཆེན་མོ་ H.E.Dr. Arjun Kumar Karki ལགས་ཀྱི་མཚན་ཐོག་ཏུ་ཡི་གེ་ཞིག་ཕུལ་ནས་བལ་ཡལ་ནང་གི་བོད་མིའི་འགྲོ་བ་མིའི་ཐོབ་ཐང་ཁག་སྲུང་སྐྱོབ་བྱེད་དགོས་པའི་ཞུ་སྐུལ་གནང་འདུག བོད་མིའི་སྒྲིག་འཛུགས་ཀྱི་དྲྭ་གནས་ཚུལ་སྤེལ་བར་ཟླ་ ༡༡ ཚེས་ ༨ ཉིན་ཨ་རིའི་གྲོས་ཚོགས་ཀྱི་ཚོགས་གཙོ་གཉིས་པོའི་བལ་ཡུལ་གཞུང་ཚབ་པར་ཕྱག་བྲིས་ཕུལ་བ་དེའི་སྐོར་འདྲ་པར་དང་བཅས་གྲོས་ཚོགས་འཐུས་མི་སྐུ་ཞབས་ James Mcgovern ལགས་དང་...

དེ་རིང་སྔ་ཐོག་བལ་ཡུལ་གྱི་ The Himalayan Times ཞེས་པའི་གསར་ཁང་གི་དྲྭ་གནས་སྟེང་རང་ལོ་ ༥༣ ཡིན་པ་སྤེན་པ་ཚེ་རིང་ཟེར་བ་ཞིག་ཨ་རིའི་ཕྱི་སྐྱོད་ལག་འཁྱེར་ཐོག་བལ་ཡུལ་དུ་སྐྱོད་སྐབས་བལ་ཡུལ་རྒྱལ་སྤྱིའི་གནམ་ཐང་ Tribhuvan དུ་འཛིན་བཟུང་གིས་ཆུ་ཚོད་གཅིག་ལྷག་གི་རིང་ལ་འདྲི་རྩད་བྱས་རྗེས་ཨ་རབ་ Qatar རྒྱལ་ཁབ་ཀྱི་རྒྱལ་ས་ Doha བརྒྱུད་ཨ་རིར་ཕྱིར་སློག་བྱས་པའི་གནས་ཚུལ་ཞིག་སྤེལ་འདུགགནས་ཚུལ་དེའི་ནང་འབྲེལ་ཡོད་བལ་ཡུལ་གནམ་ཐང་གི་ལས་བྱེད་ཀྱིས་རྒྱལ་ས་ Kathmandu ནང་རྟེན་གཞི་བྱས་པའི་རྒྱ་ནག་གཞུང་ཚབ་ཁང་ནས་དེ་སྔ་བལ་ཡུལ་གྱི་ཕྱི་སྲིད་ལས་ཁུངས་ལ་ཡིག་འབྲེལ་ཐོག་ནས་སྤེན་པ་ཚེ་རིང་ནི་བོད་དོན་ཐོག་ཕྱག་ལས་གནང་མཁན་ཞིག་ཡིན་པ་མ་ཟད་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་ལ་རྒྱབ་སྐྱོར་ཤུགས་ཆེ་ཞུ་མཁན་ཞིག་ཡིན་སྟབས། ཁོང་བལ་ཡུལ་ནང་ཕེབས་རྒྱུར་བཀག་སྡོམ་བྱེད་དགོས་པ་དང་ཁོང་ནི་རྒྱ་ནག་གི་ most wanted ཞེས་ངེས་པར་དུ་འཛིན་བཟུང་བྱེད་དགོས་པའི་མི་སྣ་ཞིག་ཡིན་ཞེས་བརྗོད་ཡོད་སྟབས། ད་རེས་ང་ཚོས་རེས་གཟའ་སྤེན་པའི་དགོང་མོ་ཁོང་རྒྱལ་ས་ Doha བརྒྱུད་ཨ་རིར་ཕྱིར་སློག་བྱས་པ་ཡིན་ཞེས་འགྲེལ་བརྗོད་བྱས་འདུག འབྲེལ་ཡོད་ལས་བྱེད་གཞན་ཞིག་ནས་ཕྱིར་སློག་བྱས་པའི་སྤེན་པ་ཚེ་རིང་ཟེར་བ་དེ་རྒྱ་ནག་གིས་ངོས་འཛིན་བྱས་པའི་ most wanted...