Tibetan Royal Year of 2151 | Year of the Wood Dragon

རྒྱ་གཞུང་གིས་དྲ་ཐོག་མིང་གཞུང་ཐོ་འགོད་བརྒྱུད་ཆོས་ཕྱོགས་མི་སྣར་སྟངས་འཛིན་བྱེད་ཤུགས་ཆེ་རུ་གཏོང་བཞིན་པ།

Tibetan News Headlines

  • འགྲོ་བ་མིའི་ཐོབ་ཐང་རྩོད་ལེན་པའི་བུ་ཕྲུག་ཐོག་མཉམ་བསྡུས་ཀྱི་ཉེས་ཆད་འགེལ་བཞིན་པ་མངོན་གསལ།
  • སྨར་ཁམས་རྫོང་ནང་རྒྱ་མི་དང་བོད་མི་དབར་འཁྲུག་རྩོད་ཤོར་ནས་བོད་མི་བཞི་འཛིན་བཟུང་བྱས་འདུག
  • འཇར་མ་ནིའི་སྲིད་བློན་མཆོག་གིས་རྒྱ་གཞུང་ལ་དྲང་བདེན་གྱི་ཚོང་ལས་གཉེར་དགོས་ཞེས་ཉེན་བརྡ་བཏང་འདུག
  • བལ་ཡུལ་ལྷ་མོ་ཚོགས་པ་དང་ཧི་མ་ལ་ཡའི་རི་རྒྱུད་ཀྱི་འཁྲབ་སྟོན་པ།

Tuesday 16/04/2024

  • China using ‘collective punishment’ against activists’ families: Rights group
  • 4 arrested over protest against seizure of pastureland in Tibet
  • Germany’s Scholz calls for fair competition, warns against dumping during China visit
  • Nepal Tibetan Lhamo Association and its Himalayan artists: Feature

རྒྱ་གཞུང་གིས་དེ་སྔོན་ཆོས་ཕྱོགས་མི་སྣ་ཁག་གི་མིང་གཞུང་འཁོད་པའི་དྲ་ཐོག་རེའུ་མིག་གསར་བཟོ་བྱས་པ་དེ་རྒྱ་སྐྱེད་བཏང་སྟེ། དེའི་ནང་ཁ་ཆེ་ཙམ་མ་ཟད་། ཡི་ཤུ་དང་གྲུབ་མཐའ་གསར་མའི་ཆོས་ལུགས་བཅས་ཁ་སྣོན་ཐོག་ཆོས་ལུགས་དེ་དག་སྔར་ལྷག་སྒྲིག་འཛུགས་ལྡན་པ་དང་ཆོས་ཕྱོགས་བྱེད་སྒོ་སྤེལ་མཁན་རྣམས་ལ་སྟངས་འཛིན་བྱེད་བཞིན་ཡོད་པ་མངོན་གསལ་གནང་འདུག

རྩ་བའི་རྒྱ་གཞུང་གིས་ཆོས་ཕྱོགས་མི་སྣ་ཁག་ལ་སྟངས་འཛིན་སྔར་ལྷག་བྱ་ཆེད་དང་འབྲེལ། འདི་ལོའི་ཕྱི་ཟླ་ ༢ ཚེས་ ༢༤ ཉིན་ཡུལ་དེའི་ནང་གི་ནང་བསྟན་ཆོས་བརྒྱུད་དང་ཏའོ་ཆོས་ལུགས་གཉིས་ཀྱི་ཆོས་དཔོན་དང་དབུ་ཁྲིད་རྣམ་པའི་མཚན་གཞུང་ཕྱོགས་བསྡུས་ཀྱིས་དྲ་ཐོག་རེའུ་མིག་ཅིག་གསར་བཟོ་བྱས་ཏེ། འགོ་སྟོད་དུ་ཡུལ་དེའི་མང་ཚོགས་ཀུན་ནས་དྲ་ཐོག་རེའུ་མིག་དེའི་བརྒྱུད་ནང་པ་དང་ཏའོ་ཆོས་ལུགས་ཁག་གི་ཆོས་དཔོན་གྱི་ལོ་རྒྱུས་ཁག་ལྟ་ཀློག་ཆོག་པ་བཟོས་ནས་ད་ཆ་ཟླ་བ་གསུམ་ཡས་མས་འགྲོ་བཞིན་པའི་མཚམས་འདིར། ཉེ་ཆར་རྒྱ་གཞུང་གིས་སླར་ཡང་དྲ་ཐོག་རེའུ་མིག་དེའི་ཐོག་ཁ་ཆེ་དང་། ཡི་ཤུའི་རྣམ་དག་དང་གྲུབ་མཐའ་གསར་མའི་ཆོས་ལུགས་བཅས་གསར་འཇུག་བྱས་ཏེ་རྒྱ་སྐྱེད་བཏང་ཡོད་པ་མ་ཟད། རྒྱ་གཞུང་གིས་ངོས་ལེན་མ་བྱས་པའི་ཆོས་ལུགས་དང་འབྲེལ་ཡོད་གལ་ཆེའི་མི་སྣ་ཁག་དེའི་ནང་ཐོ་འགོད་བྱས་མེད་པ་འཁོད་འདུག

རེའུ་མིག་དེའི་ནང་ཆོས་ཕྱོགས་མི་སྣ་ཁག་གི་མིང་དང་། འདྲ་པར། ཆོས་ལུགས་ཀྱི་ལས་གནས། དེ་བཞིན་དེབ་སྐྱེལ་གྱི་ཨང་གྲངས་སོགས་བཀོད་པ་དང་། རྒྱ་གཞུང་འཐབ་ཕྱོགས་གཅིག་འགྱུར་ལས་ཁུངས་ཀྱིས་དེ་སྔོན་ལས་གཞི་དེའི་བརྒྱུད་ཆོས་ལུགས་ཁག་གི་མི་སྣ་རྣམས་ཀྱི་ཞིབ་ཕྲའི་གནས་ཚུལ་འགྲེམས་སྤེལ་ཐོག་འབྲེལ་ཡོད་ཚོགས་པ་ཁག་སྔར་ལྷག་སྒྲིག་འཛུགས་རང་བཞིན་ལྡན་པ་བཟོ་ཆེད་ཙམ་མ་ཟད། ཆོས་ཕྱོགས་མི་སྣ་ཁག་གི་ཁྲོད་ངན་བྱུས་མགོ་སྐོར་གཏོང་མཁན་རྣམས་འཐེར་འདོན་བྱ་ཆེད་ཕན་རླབས་ཆེན་པོ་ཡོད་ཚུལ་བཤད་ཡོད་པ་རེད།

འོན་ཀྱང་ཨ་རིར་རྟེན་གཞི་བྱེས་པའི་ Chinaaid ཞེས་པའི་ཚོགས་པ་ལྟ་བུས། ལས་གཞི་དེ་ནི་རྒྱ་གཞུང་གིས་ཡུལ་དེའི་ནང་ཆོས་ལུགས་ཁག་དང་ཆོས་ཕྱོགས་ཀྱི་ཚོགས་སྡེ་ཁག་ལ་སྔར་ལྷག་དམ་བསྒྲགས་བྱ་རྒྱུའི་ཐབས་ཤེས་འཕར་མ་ཞིག་ཡིན་པའི་སེམས་འཚབ་གནང་བཞིན་ཡོད་པ་རེད་འདུག

འབྲེལ་ཡོད་གསར་གནས།

གསར་གནས།