Tibetan Royal Year of 2151 | Year of the Wood Dragon

མོན་གྷོ་འདོད་དགུ་གླིང་གི་གཞིས་མི་པཱ་སྤེན་པ་ལགས་ཉིན་གྲངས་ ༡༣ རིང་ཐུགས་དམ་ལ་བཞུགས་མུས།

Tibetan News Headlines

  • ༸གོང་ས་མཆོག་གིས་སོག་པོའི་དད་ལྡན་པ་རྣམས་ལ་ཉིན་གཉིས་ཀྱི་ཆོས་འབྲེལ་དབུ་འཛུགས།
  • ༸སྐུའི་གཅུང་མོ་ཨ་མ་རྗེ་བཙུན་པདྨ་ལགས་སུ་ Pearl S. Buck ཆེ་བསྟོད་གཟེངས་རྟགས་འབུལ་བཞེས།
  • བཞུགས་སྒར་རྡ་རམ་ས་ལར་བོད་ཀྱི་བེུད་ལྷན་ཚོགས་ཀྱི་ཚོགས་ཆེན་ཐེངས་ ༡༤ པ་དབུ་འཛུགས།
  • རྒྱ་གཞུང་གིས་བོད་དང་ཤིན་ཅང་ནང་སྤེལ་བཞིན་པའི་བྱ་སྤྱོད་ནི་འཆར་གཞི་ལྡན་པའི་མི་རིགས་རྩ་གཏོར་གྱི་སྲིད་བྱུས་ཡིན་པ་ཐེར་འདོན།
  • མོན་གྷོ་འདོད་རྒུ་གླིང་དུ་དྲག་ཆར་རླུང་ཚུབ་བྱུང་ཡང་མི་ཤི་སྐྱོན་ཆག་རིགས་བྱུང་མིན་འདུག

Friday 19/04/2024

  • Dalai Lama begins two-day teaching on ‘Gaden Lhagyama’ to Mongolian devotees
  • Jetsun Pema receives Randolph’s Pearl S. Buck award
  • 14th Tibetan Women Association General Body Meeting begins in Dharamshala
  • China spearheading systematic elimination of civilization and people, says UN expert
  • Mundgod Tibetan settlement hit with severe thunderstorm

རྒྱ་གར་ལྷོ་ཕྱོགས་བོད་མིའི་གཞིས་སྒར་མོན་གྷོ་འདོད་དགུ་གླིང་གི་གཞིས་གྲོང་ ༧ པའི་ཁང་ལས་ ༡༡ ནང་གནས་བཞུགས་པཱ་སྤེན་པ་ལགས་ཟླ་བ་སྔོན་མའི་ཕྱི་ཚེས་ ༢༩ དང་བོད་ཚེས་ ༨ ཀྱི་ཉིན་དགུང་ཚོུད་ ༡༌༡༥ ཐོག་རང་ཤག་ཏུ་དགུང་གྲངས་ ༩༥ སྟེང་དགོངས་པ་རྫོགས་ཡོད་པ་དང་། དགོངས་པ་རྫོགས་པའི་ཉིན་ནས་བཟུང་དེ་རིང་ཟླ་ ༢ ཚེས་ ༡༠ བར་ཁྱོན་ཉིན་གྲངས་ ༡༣ རིང་ལ་ཐུགས་དམ་དུ་བཞུགས་མུས་རེད་འདུགའདས་པོ་ཁོང་གི་ནང་མི་ཚོས་ད་བར་ཁོང་ཐུགས་དམ་ལ་བཞུགས་པའི་གནད་དོན་དེ་གསང་རྒྱ་གནང་བཞིན་འདུག་ཀྱང་། ཟླ་བ་སྔོན་མའི་ཚེས་ ༢༩ ཉིན་དགོངས་པ་རྫོགས་པ་ནས་བཟུང་སྐུ་ཕུང་ལ་དྲི་མ་གང་ཡང་མེད་པར་ད་དུང་ཐུགས་དམ་ལ་བཞུགས་མུས་ཡིན་པར་བརྟེན་འདི་ག་རླུང་འཕྲིན་ཁང་གིས་དམ་པ་ཁོང་གི་བུ་གྲགས་པ་རྒྱལ་མཚན་ལགས་སུ་ཁོང་གི་ཕ་དམ་པ་དེ་ཉིད་དགོངས་པ་གཤེགས་ཚུལ་དང་འབྲེལ་བའི་བཀའ་འདྲི་ཞུས་པར་ཁོང་གིས་སྤྱིར་པཱ་ལགས་དམ་པ་ཁོང་ལ་དབུགས་འཚང་ནད་གཞི་ཕོག་པ་ལས་དེ་མིན་བདེ་ཐང་ཡིན་སྐོར་གསུངས་པ་དང་སྦྲགས། དེ་རིང་བར་ཁྱོན་ཉིན་གྲངས་ ༡༣ རིང་ལ་ཐུགས་དམ་དུ་བཞུགས་མུས་ཡིན་པ་སོགས་ངོ་སྤྲོད་གནང་སོང་།ཁོང་གིས་ད་དུང་ཡབ་ཡུམ་གཉིས་པོ་རྣམ་ཀུན་ནས་ཆོས་དད་ཆེན་པོ་ཡོད་པ་དང་། ལྷག་དོན་ནང་གི་ཟས་ཕུད་རིགས་ཉེ་འཁོར་གྱི་དགོན་པར་ཕུལ་བ་དང་དེ་བཞིན་ཁྱིམ་དུ་དགེ་འདུན་པ་གདན་འདྲེན་ཞུ་ཡི་ཡོད་སྐོར་གསུངས་སོང་།དེ་བཞིན་ཁོང་གི་ཕ་དམ་པ་དགོངས་པ་རྫོགས་པར་ཐུགས་ཕམ་པོ་བྱུང་གཞི་ལས་མ་འདས་ཀྱང་། ཕྱོགས་གཞན་ཞིག་ནས་ཐུགས་དམ་ལ་བཞུགས་པ་དེས་སེམས་ལ་དགའ་སྤོབས་ཆེན་པོ་བྱུང་ཞེས་གསུངས་ཡོད།གཞི་རྩའི་སྤེན་པ་ཚེ་རིང་ལགས་ནི། བོད་དུ་འཁྲུངས་ཤིང་། གཞིས་ཀྱི་སེར་བྱེས་བླ་བྲང་དུ་ཡུན་རིང་བཞུགས་མྱོང་འདུག་པ་དང་དེ་རྗེས་ཕྱི་ལོ་ ༡༩༦༠ ལོར་བོད་ནས་རྒྱ་གར་དུ་བཙན་བྱོལ་ལ་ཕེབས་པ་ཡོད་པ་རེད། ཁོང་དང་སྐུ་ཟླ་གཉིས་ལ་བོུ་གཉིས་དང་བུ་བཞི་བཅས་ཁྱོན་བུ་ཕྲུག་དྲག་འདུག

འབྲེལ་ཡོད་གསར་གནས།

གསར་གནས།