Tibetan Royal Year of 2151 | Year of the Wood Dragon

སྤྱི་འཐུས་ནང་ཁུལ་མཐུན་སྒྲིལ་ཐོག་ནས་རྩོད་རྙོག་འགྲིག་ཐབས་གནང་དགོས་པའི་ཞུ་སྐུལ།  

Tibetan News Headlines

  • Wronged, Tried, and Killed: The Custodial Death of Tibetan Political Prisoners in Chinese Prisons

རེས་གཟའ་སྤེན་པ། ༢༠༢༤།༠༧།༡༣

  • རྒྱ་གཞུང་གི་དོ་དམ་མནར་གཅོད་འོག་ཚེ་སྲོག་ཤོར་བའི་བོད་མི་ཆབ་སྲིད་བཙོན་པའི་གནད་དོན་གླེང་བ།

ཧུན་སུར་རབ་རྒྱས་གླིང་དུ་རང་ལུས་མེར་སྲེག་གནང་ཐབས་གནང་མཁན་སྐུ་ཞབས་བློ་བཟང་བསྟན་འཛིན་ལགས་ཀྱིས་གནང་ཕྱོགས་དེའི་རྐྱེན་གྱིས་སྤྱི་ཚོགས་ལ་ཕན་ཐོགས་ཇི་ཙམ་བྱུང་མིན་ཤེས་ཀྱི་མེད་ཀྱང་། འགུལ་སྐྱོད་ཅིག་ངེས་པར་དུ་ཐེབས་པའི་རེ་བ་ཡོད་སྐོར་འགྲེལ་བརྗོད་དང་བཅས་ཏེ་སྤྱི་འཐུས་རྣམས་ལ་ནང་ཁུལ་མཐུན་སྒྲིལ་ཐོག་ནས་གནད་དོན་སེལ་ཐབས་གནང་དགོས་པ་དང་། སྲིད་སྐྱོང་སྤེན་པ་ཚེ་རིང་མཆོག་ལའང་གནད་དོན་དེ་སེལ་བར་ཐབས་ལམ་ཞིག་འཚོལ་གནང་ཡོང་བའི་ཞུ་སྐུལ་ཞུ་བཞིན་འདུགདེའང་ཟླ་ ༦ ཚེས་ ༢༠ རེས་གཟའ་ཉི་མའི་སྔ་དྲོ་ཚོུད་ ༡༡ མ་ཟིན་ཙམ་ལ་རྒྱ་གར་ལྷོ་ཕྱོགས་ཀ་ན་ཊ་ཀ་མངའ་སྡེའི་ཧུན་སུར་རབ་རྒྱས་གླིང་བོད་མིའི་གཞིས་ཆགས་སུ་བཅའ་བཞུགས་བློ་བཟང་བསྟན་འཛིན་ལགས་ཀྱིས་རང་ཁྱིམ་དུ་རང་གི་ལུས་ལ་ས་སྣུམ་བླུགས་ནས་རང་ལུས་མེ་བསྲེགས་གནང་ཡོད་ཀྱང་། ཁོང་གི་བུ་མོས་སྐབས་དེར་མཐོང་མ་ཐག་ཏུ་ཉེ་འགྲམ་དུ་ཡོད་པའིི་ཆུ་སྣོད་ནང་ཉར་ཚགས་བྱས་པའི་ཆུ་བླངས་ཏེ་མེ་བསད་ཐུབ་པར་བརྟེན་ད་ལྟའི་ཆར་ཁོང་གི་ཞལ་རས་དང་ཕྱག་གཡས་པ་སོགས་ལ་མེས་འཚིགས་ནས་རྨས་སྐྱོན་ཆེན་པོ་ཕོག་པ་མ་གཏོགས་ཁོང་གི་ཚེ་སྲོག་ལ་ཉེན་ཁ་བྱུང་མི་འདུགགསར་འགོད་པས་ཁོང་ལ་རང་སྲེག་གནང་དོན་གང་ཡིན་ནམ་ཞེས་བཀའ་འདྲི་ཞུས་པར་ཁོང་གིས་སྐབས་ ༡༧ པའི་བོད་མི་མང་སྤྱི་འཐུས་རྣམ་པའི་དམ་འབུལ་དང་འབྲེལ་བའི་དཀའ་རྙོག་དེ་ཞི་འཇམ་གནང་ཐབས་མེད་པའི་གནད་དོན་དེའི་རྐྱེན་གྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ལྷ་དགོངས་འཁྲུགས་གཞིར་འགྱུར་བར་ཐུགས་འཚབ་ཆེན་པོ་བྱུང་སྟབས། ཁོང་གིས་རང་སྲེག་གནང་ཚེ་སྤྱི་འཐུས་རྣམས་ལ་རྩོད་རྙོག་དེ་སེལ་བའི་ཐབས་ལམ་ཞིག་རྙེད་ཐུབ་པའི་དགོངས་པ་འཁོར་སྐོར་གསུངས་པ་དང་ཆབས་ཅིག གང་ཟག་སུ་རུང་ཞིག་སྤྱི་འཐུས་ཆགས་རྗེས་བོད་མི་མང་སྤྱི་འཐུས་ཡིན་པ་མ་གཏོགས་ཆོལ་ཁ་བྱེ་བྲག་པའི་སྤྱི་འཐུས་ཤིག་མིན་པས་ནང་ཁུལ་མཐུན་སྒྲིལ་ཐོག་ནས་གནད་དོན་སེལ་ཐབས་གནང་དགོས་པ་དང་། སྲིད་སྐྱོང་སྤེན་པ་ཚེ་རིང་མཆོག་ལའང་གནད་དོན་དེ་སེལ་བར་ཐབས་ལམ་འཚོལ་གནང་ཡོང་བའི་ཞུ་སྐུལ་ཞུ་བཞིན་འདུགདགུང་ལོ་ ༦༠ ཙམ་ལ་ཕེབས་པའི་བློ་བཟང་བསྟན་འཛིན་ལགས་ནི་ཧུན་སུར་རབ་རྒྱས་གླིང་གཞི་ཆགས་ཀྱི་གྲོང་སྡེ་ཉ་པའི་སྤྱི་མི་གནང་མུས་དང་གཞི་ཆགས་ཀྱི་ཏོག་དབྱིབས་གཉན་རིམས་ཛ་དྲག་ཚོགས་ཆུང་གི་ཚོགས་མིའི་འགན་འཁུར་བ་ཡང་ཡིན་པ་རེད།གཞི་རྩའི་སྐབས་ ༡༦ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཐོག་བཞག་པའི་གྲོས་ཆོད་ཨང་ ༣༩ པ་དང་འབྲེལ་ཏེ་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་རྣམས་ལ་ངོས་ལེན་ཡོད་མེད་ཀྱི་གནད་དོན་ལས་འཕྲོས་ཏེ། ཉེ་ཆར་ཕྱི་ཚེས་ ༨ ཉིན་སྐབས་ ༡༧ པའི་བདམས་ཐོན་བོད་མི་མང་སྤྱི་འཐུས་རྣམ་པ་སྡེ་ཚན་གཉིས་ལ་གྱེས་ཏེ་བདམས་ཐོན་སྤྱི་འཐུས་ ༢༡ ནས་བཙན་བྱོལ་བོད་མིའི་བཅའ་ཁྲིམས་དོན་ཚན་ ༤༧ དགོངས་དོན་ལྟར་བར་བརྒལ་ཚོགས་གཙོའི་དྲུང་ནས་དམ་འབུལ་ཞུས་པ་དང་བདམས་ཐོན་སྤྱི་འཐུས་ ༢༢ ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་པར་མཐོང་གྲོལ་རིན་པོ་ཆེ་དང་བཙན་བྱོལ་བོད་མིའི་བཅའ་ཁྲིམས་རིན་པོ་ཆེའི་མདུན་ནས་ལས་ཁུར་དམ་འབུལ་ཞུས་ཏེ་ཚོགས་གཙོ་ཚོགས་གཞོན་འོས་འདེམས་ཀྱི་ལས་རིམ་ཐོག་ཕེབས་སྐབས་དབུས་འོས་བསྡུའི་འགན་འཛིན་གྱིས་བཅའ་ཁྲིམས་དགོངས་དོན་ལྟར་གྲོས་ཚོགས་ཀྱི་གྲུབ་ཆ་གསུམ་ཆ་གཉིས་མ་ཚང་བའི་རྐྱེན་གྱིས་ཚོགས་གཙོ་ཚོགས་གཞོན་འོས་འདེམས་ཀྱི་ལས་རིམ་གནང་ཐུབ་ཐབས་མེད་པར་གསུངས་ཏེ་ད་བར་དཀའ་ངལ་དེ་སེལ་མ་ཐུབ་པར་གནས་སྟངས་དེ་མུར་ལྷག་ཡོད་པ་རེད།གནད་དོན་དེ་དང་འབྲེལ་ཉེ་ཆར་ཕྱི་ཚེས་ ༡༨ ཉིན་དབུས་འོས་བསྡུ་ལས་ཁང་གིས་གསར་འགོད་ལྷན་ཚོགས་ཤིག་སྐོང་ཚོགས་གནང་སྟེ་བདམས་ཐོན་སྤྱི་འཐུས་ ༢༢ ཡོད་པ་རྣམས་ཀྱིས་བཅའ་ཁྲིམས་དོན་ཚན་ ༤༧ གཞིར་བཟུང་དམ་འབུལ་ཞུས་མཚམས་སུ་ཚོགས་གཙོ་ཚོགས་གཞོན་གྱི་འོས་བསྡུ་གནང་རྒྱུར་གྲ་སྒྲིག་ཨང་གསར་ཡོད་པ་དང་། བདམས་ཐོན་སྤྱི་འཐུས་རྣམ་པས་དེའི་ཐོག་དགོངས་བཞེས་གནང་བའི་ཡིད་ཆེས་དང་རེ་བ་ཡོད་ཅེས་གསུངས་པ་མ་ཟད་ད་རེས་སྐབས་ ༡༧ པའི་སྤྱི་འཐུས་ཚོགས་གཙོ་ཚོགས་གཞོན་འོས་འདེམས་ཀྱི་ལས་རིམ་ལམ་ལྷོང་མ་བྱུང་བའི་རྐྱེན་རྩ་གཙོ་བོ་དེ་ཚོགས་དྲུང་ལས་ཁུངས་ཀྱིས་བཅའ་ཁྲིམས་དང་མ་མཐུན་པའི་དམ་འབུལ་ཞུ་ཡུལ་ཁག་གཉིས་བཟོས་པ་དེ་ཡིན་སྐོར་འགྲེལ་བརྗོད་གནང་ཡོད།ཁ་སང་རླུང་འཕྲིན་ཁང་གིས་ཚོགས་དྲུང་ལས་ཁུངས་སུ་ཆེད་བཅར་གྱིས་ཚོགས་དྲུང་མཆོག་ལ་དེ་འབྲེལ་བཀའ་ལན་ཇི་ཡོད་སྐོར་ལ་བཀའ་འདྲི་ཞུ་ཐབས་ཞུས་ཀྱང་བཀའ་བཞེས་གནང་མ་སོང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་པར་མཐོང་གྲོལ་རིན་པོ་ཆེ་དང་བཙན་བྱོལ་བོད་མིའི་བཅའ་ཁྲིམས་རིན་པོ་ཆེའི་མདུན་ནས་ལས་ཁུར་དམ་འབུལ་བཞེས་མཁན་ཁག་ཅིག་ལ་འབྲེལ་བ་ཞུས་ཀྱང་དེ་ལྟར་ཐུབ་མ་སོང་བ་དང་སྤྱི་འཐུས་ལ་ལས་ད་ལྟའི་ཆར་གང་ཡང་གསུང་རྒྱུ་མེད་ཅེས་བཅར་འདྲི་དང་ལེན་གནང་མ་སོང་།

འབྲེལ་ཡོད་གསར་གནས།

གསར་གནས།