ཕྱི་ལོ་ ༢༠༢༠ ལོའི་ཕྱི་ཟླ་ ༩ པའི་ནང་འཛིན་བཟུང་གིས་ད་བར་གར་སོང་ཆ་མེད་དུ་གྱུར་བའི་བ་རོང་དགོན་པའི་གྲྭ་བསྟན་འཛིན་དར་རྒྱས་ལགས་ད་ལྟའི་ཆར་སེར་ཤུལ་རྫོང་དུ་བཀག་ཉར་བྱེད་བཞིན་པ་དང་ཁོང་དང་ལྷན་དུ་དགེ་འདུན་པ་གཞན་ཞིག་ཀྱང་འཛིན་བཟུང་བྱས་ཡོད་པ་ར་འཕྲོད་བྱུང་ཡོད།
བསྟན་འཛིན་དར་རྒྱས་ལགས་ནི་ཟི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་རྫ་ཆུ་ཁ་བ་རོང་ནས་ཡིན་པ་དང་། ཁོང་ ༢༠༢༠ ལོའི་ཕྱི་ཟླ་ ༩ པའི་ནང་རྒྱ་གཞུང་གི་ཉེན་རྟོག་པས་ཁ་པར་བསྔོགས་བཤེར་རྩད་གཅོད་བྱེད་སྐབས་༸གོང་ས་མཆོག་གི་༸སྐུ་པར་དང་ཕྱི་ཕྱོགས་ཀྱི་གནས་ཚུལ་ཉར་ཚགས་གནང་ཡོད་ཚུལ་གྱི་ཉེས་མིང་འོག་འཛིན་བཟུང་བྱས་ཡོད་པ་རེད།
རླུང་འཕྲིན་ཁང་ལ་དེ་རིང་མཚན་བརྗོད་འདོད་མེད་པའི་བོད་མི་ཞིག་གིས་ཁུངས་ལྡན་གནས་ཚུལ་འགྲེལ་བརྗོད་གནང་བར་བསྟན་འཛིན་དར་རྒྱས་ལགས་དང་ལྷན་དུ་དགེ་འདུན་པ་གཞན་ཞིག་ཀྱང་འཛིན་བཟུང་བྱས་འདུག་པ་དང་ད་ཆ་ཁོང་རྣམ་གཉིས་སེར་ཤུལ་རྫོང་དུ་བཀག་ཉར་བྱས་ཡོད་པར་ཚོད་དཔག་གནང་གི་འདུག་ལ། འདི་ལོར་བོད་ས་ཡོངས་ལ་རྒྱ་ནག་གཞུང་གིས་ཁ་པར་བསྔོགས་བཤེར་བྱ་རྒྱུ་གཙོས་མི་མང་གི་འགྲོ་འདུག་སྤྱོད་གསུམ་ལ་དཀའ་ངལ་བཟོ་རྒྱུ་དང་ཕྱི་ཕྱོགས་སུ་འབྲེལ་བ་བྱ་རྒྱུར་དམ་དྲག་ཤུགས་ཆེར་བཏང་ཡོད་པའི་ཁྲོད་རྒྱ་ནག་གཞུང་གིས་འཛིན་བཟུང་བྱས་པའི་གྲྭ་བསྟན་འཛིན་དར་རྒྱས་ལགས་དང་དགེ་འདུན་པ་གཞན་གཅིག་བཅས་ཁོང་རྣམ་གཉིས་ད་ལྟའི་ཆར་སེར་ཤུལ་རྫོང་དུ་བཀག་ཉར་བྱས་ཡོད་པ་རེད། འོན་ཀྱང་ད་ལྟའི་ཆར་ཁོང་རྣམ་གཉིས་ལ་ཁྲིམས་ཐག་གང་བཅད་ཡོད་མེད་དང་ནམ་ཞིག་གློད་བཀྲོལ་གཏང་མིན་སོགས་ཞིབ་ཕྲའི་གནས་ཚུལ་ཤེས་རྟོགས་དཀའ་སྐོར་གསུངས་ཡོད།
གྲྭ་བསྟན་འཛིན་དར་རྒྱས་ལགས་དང་དགེ་འདུན་པ་གཅིག་སེར་ཤུལ་རྫོང་དུ་བཀག་ཉར་བྱེད་མུས།
Tibetan News Headlines
- Hokkaido Shimizu Town Delegation Visits Tibet House Japan, Presents First Harvest of the Region for His Holiness the Dalai Lama
- Tibet Advocacy Group Calls on US to Restore Tibetan Broadcasting Services to Counter Chinese Propaganda and Censorship
- China-Linked UK Businessman Tried to Hire Ex-Met Detective to Investigate MPs Critical of Beijing
- Nvidia CEO Jensen Huang Admits Affair with Suspected Chinese Spy; Company Launches Investigation
- Tibetan Representative Jigme Tsultrim Briefs India’s Minority Commission Chairperson on Tibetan Settlements in South India
- China Expands Media Influence in Thailand Through Partnerships, Propaganda and Diplomatic Pressure, RSF Reports
- History Feature: Tsarong Dasang Damdul
ཪེས་གཟའ་ཟླ་བ། ༢༠༢༦།༡༡།༠༩
- ཉི་ཧོང་གྲོང་སྡེ་ཞིག་གི་སྐུ་ཚབ་ཚོ་ཁག་ནས་ས་གནས་དེའི་ལོ་ཏོག་ཐོན་སྐྱེད་ཐོག་མ་༸གོང་ས་མཆོག་ལ་འབུལ་བཞེས་གནང་འདུག
- རྒྱ་ནག་གི་འཁྱོག་བཤད་དྲིལ་བསྒྲགས་ལ་གདོང་ལེན་སླད་ཨ་རི་གཞུང་གིས་བོད་སྐད་རླུང་འཕྲིན་ཁང་ལ་རྒྱབ་སྐྱོར་བྱེད་དགོས་གལ་ཡིན་པ་གསུངས་འདུག
- དབྱིན་ཡུལ་ཚོང་པ་ཞིག་གིས་སོ་མྱུལ་བ་གླ་གཡར་བརྒྱུད་རྒྱ་ནག་གི་ཆེད་དུ་དབྱིན་ཡུལ་གྲོས་ཚོགས་འཐུས་མི་ཁག་གཅིག་ལ་གསང་ཉུལ་བྱས་པ་མངོན་གསལ།
- Nvidia ཁེ་ལས་ཁང་གི་འགན་འཛིན་གྱིས་དོགས་གཞི་ཅན་གྱི་རྒྱ་རིགས་བུད་མེད་སོ་བ་ཞིག་དང་ནང་འབྲེལ་བྱུང་བའི་ཁས་ལེན་བྱས་རྗེས། ཁེ་ལས་ཁང་གིས་ཁོའི་བྱ་སྤྱོད་ལ་ཞིབ་བཤེར་འགོ་འཛུགས།
- ལྷོ་སྤྱི་ཡིས་རྒྱ་གར་གཞུང་གི་གྲངས་ཉུང་མི་རིགས་ལྷན་ཚོགས་ཀྱི་ཚོགས་གཙོ་དང་མཇལ་འཕྲད་གནང་བ།
- རྒྱ་གཞུང་གིས་ Thailand ནང་གི་གསར་འགོད་རང་དབང་ལ་དམ་དྲག་ཆེན་པོ་བྱེད་བཞིན་པ་གསལ་སྟོན།
- བོད་ཀྱི་ལོ་རྒྱུས་ཁྲོད་མི་སྣ་གྲགས་ཅན་ངོ་སྤྲོད། དམག་སྤྱི་ཚ་རོང་ཟླ་བཟང་དགྲ་འདུལ་ལགས་ཀྱི་སྐོར།




