ཟླ་ ༨ ཚེས་ ༨ ཉིན་རྒྱ་གར་ལྷོ་ཕྱོགས་ནང་རྟེན་གཞི་བྱས་པའི་བོད་མིའི་གཞིས་སྒར་ཧུན་སུར་རབ་རྒྱས་གླིང་དུ་ཚོགས་ཆེན་གྱི་དབུ་འབྱེད་མཛད་སྒོའི་སྐུ་མགྲོན་དུ་བོད་མིའི་སྒྲིག་འཛུགས་ནང་སྲིད་བཀའ་ཟུར་རྒྱ་རི་སྒྲོལ་མ་མཆོག་གིས་གཙོས་པའི་ས་གནས་ཀྱི་དགོན་སྡེ་གཉིས་ཀྱི་མཁན་རིན་པོ་ཆེ་གདན་ཞུའི་ཐོག་ཚོགས་ཆེན་དབུ་འཛུགས་གནང་རྒྱུ་ཡིན་འདུག
དེའང་དབུས་བོད་ཀྱི་བེུད་ལྷན་ཚོགས་ཀྱི་འགན་འཛིན་ལྷན་ཀྱི་ཚོགས་ཆེན་ཐེངས་ ༡༢ དེ་ཟླ་ འདིའི་ཚེས་ ༨ ནས་དབུ་འཛུགས་ཀྱིས་ ༡༣ བར་བཅས་གཟའ་འཁོར་གཅིག་རིང་འཚོགས་རྒྱུ་ཡིན་འདུག
ཐེངས་འདིའི་བེུད་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༡༢ དེ་བོད་མིའི་གཞིས་སྒར་ཧུན་རབ་རྒྱས་གླིང་དུ་བསྐོང་ཚོགས་གནང་དོན་ནི་སྔ་ལོ་ ༢༠༡༥ ལོའི་ཟླ་ ༥ ནང་ས་རཱ་བོད་ཀྱི་མཐོ་རིམ་སློབ་གཉེར་ཁང་དུ་ཚོགས་ཆེན་ཐེངས་ ༡༡ དེ་བསྐོང་ཚོགས་གནང་སྐབས་མང་མོས་ཀྱིས་ཐག་གཅོད་གནང་དོན་བཞིན། འདི་ལོའི་འགན་འཛིན་ལྷན་ཚོགས་ཐེངས་ ༡༢ དེ་ཧུན་སུར་རབ་རྒྱས་གླིང་བོད་མིའི་གཞིས་སྒར་དུ་འཚོགས་ གཏན་འཁེལ་བ་བྱུང་འདུག
ད་ལན་གྱི་ཚོགས་ཆེན་ཐོག་བོད་ཀྱི་བེུད་ལྷན ཚོགས་ཀྱི་དབུས་ས་གཉིས་ཀྱི་ས་གནས་ཁག་ ༥༧ ནས་ས་གནས་སོ་སོའི་ཚོགས་གཙོ་ཚོགས་བཞོན་དང་། རྩིས་པ་དྲུང་ཆེ་བཅས་རྒྱུན་ལས་མི་བཞི་རེ་ཆེད་ཕེབས་ཀྱིས་ཚོགས་བཅར་གནང་གི་ཡོད་པ་རེད།
ཚོགས་ཆེན་དེའི་གྲོས་གཞི་ཁག་ནི་དབུས་བོད་ཀྱི་བེུད་ལྷན་ཚོགས་སྤྱི་ཁྱབ་རྒྱུན་ལས་ཁང་གི་བཀའ་རྒྱ་གཞིར་བཟུང་དབུས་ས་གཉིས་ཀྱི་ལས་བསྡོམས་དང་རྩིས་ཁྲ་ཇི་ཡིན་ཞིབ་ཕྲའི་སྙན་ཐོ་ཁག་སྙན་སྒྲོན་གནང་རྒྱུ། ས་གནས་ཁག་ནས་ཚོགས་འདུའི་ཐོག་དགོངས་འཆར་འབུལ་རྒྱུ་དང་། དགོངས་འཆར་དེ་དག་ལ་ཚོགས་བཅར་བ་རྣམས་ནས་མང་མོས་ཐག་གཅོད་གནང་རྒྱུ་ཡིན་པ་རེད་འདུག
གཞི་རྩའི་དབུས་བོད་ཀྱི་བེུད་ལྷན་ཚོགས་ནས་ལོ་ལྟར་འགན་འཛིན་ལྷན་ཚོགས་ཀྱི་ཚོགས་ཆེན་དེ་ལོ་ལྟར་ཟླ་བ་བཅོ་བརྒྱད་ཀྱི་མཚམས་སུ་ཐེངས་རེ་ཚོགས་ཀྱི་ཡོད་པ་དང་། གཞན་ཡང་ལོ་གསུམ་རེའི་མཚམས་སུ་བོད་ཀྱི་བེུད་ལྷན་ཚོགས་ཀྱི་ཚོགས་ཆེན་ཐེངས་རེ་ཚོགས་ཀྱི་ཡོད་པ་རེད།
རྩ་བའི་ཐེངས་འདིའི་འགན་འཛིན་ལྷན་ཚོགས་ཀྱི་ཚོགས་ཡུལ་བོད་མིའི་གཞིས་སྒར་ཧུན་སུར་རབ་རྒྱས་གླིང་དེར་ཚོགས་འདུ་བསྐོང་ཚོགས་གནང་པ་ཆེས་ཐོག་མ་དེ་ཆགས་ཀྱི་འདུག་པ་དང་། དབུས་བོད་ཀྱི་བེུད་ལྷན་ཚོགས་ལ་རྒྱ་བལ་འབྲུག་གསུམ་སོགས་འཛམ་གླིང་ཡུལ་གྲུ་གང་སར་ས་གནས་ཡན་ལག་ཁག་ ༥༧ དང་། ཚོགས་མི་ ༡༧༠༠༠ ལྷག་ཡོད་པ་རེད་འདུག