འདི་ལོའི་སུད་སི་ཛུ་རིག་གྲོང་ཁྱེར་ནང་ཚོགས་པའི་བོད་ཀྱི་གློག་བརྙན་དུས་སྟོན་ཐེངས་ ༡༢ པ་དེ་ཟླ་ ༩ ཚེས་ ༩ ནས་ ༡༢ བར་ཉིན་གྲངས་བཞིའི་ཚོགས་འདུག་ཅིང། ཐེངས་འདིའི་གློག་བརྙན་དུས་སྟོན་ཐོག་བོད་ཕྱི་ནང་གཉིས་ཀྱི་སྒྱུ་རྩལ་བ་ཚོས་བཟོ་སྐྲུན་གནང་བའི་གློག་བརྙན་ལྷ་མོ་དང་སྐལ་བྷེ། ཨ་མ་མཁའ་འགྲོ མེ་ཏོག་དཀར་པོ་སོགས་གློག་བརྙན་རིང་ཐུང་མི་འདྲ་བ་བདུན་གཟིགས་འབུལ་ཞུས་ཡོད་པ་རེད། 
ད་ལྟའི་ཆར་བོད་ཀྱི་གློག་བརྙན་དུས་འདིར་ས་གནས་མང་ཚོགས་ནས་དོ་སྣང་དང་དགའ་མོས་ཅན་གྱི་གློག་བརྙན་དུས་སྟོན་གྲས་ཤིག་ཏུ་གྱུར་ཡོད་པ་རེད།
རྩ་བའི་སུད་སི་ནང་ཚོགས་བཞིན་པའི་བོད་ཀྱི་གློག་བརྙན་དུས་སྟོན་དེ་ནི་ཐོག་མར་ཕྱི་ལོ་ ༢༠༠༨ པེ་ཅིང་ཨོ་རྩལ་འགྲན་ཚོགས་སྐབས་ལོ་དེར་བོད་ནང་ཆེད་སྐྱོད་ཀྱིས་འཇིགས་བྲལ་གློག་བརྙན་ཞེས་པ་བཟོ་སྐྲུན་གནང་རྗེས་དོན་གྲུབ་དབང་ཆེན་ལགས་རྒྱ་ནག་གཞུང་གིས་འཛིན་བཟུང་བཙོན་འཇུག་བྱས་ཡོད་སྟབས། སུད་སི་གནས་སྡོད་ཁོང་གི་སྤུན་ཆེད་འཇམ་དབྱངས་ཚུལ་ཁྲིམས་ལགས་ཀྱིས་དོན་གྲུབ་དབང་ཆེན་ལགས་ཀྱི་ཕུགས་བསམ་དང་བོད་ནང་གི་བོད་མིའི་མངོན་འདོད་རྣམས་རྒྱལ་སྤྱིའི་ཐོག་གློག་བརྙན་ལམ་ནས་དྲིལ་བསྒྲགས་ཀྱི་གོ་རྟོགས་སྤེལ་ཆེད་བོད་ཀྱི་གློག་བརྙན་དུས་སྟོན་དེ་དབུ་འཛུགས་གནང་བ་ཞིག་ཡིན་པ་རེད།
ད་ལྟའི་བོད་ཀྱི་གློག་དུས་སྟོན་དེ་ལོ་ལྟར་སུད་སི་གྲོང་ཁྱེར་ཛུ་རིག་དངབཞུགས་སྒར་དྷརྨ་སཱ་ལཱ། ལོན་ཊོན། དེ་བཞིན་འཇར་མི་ནིའི་རྒྱལ་ས་སྦར་ལཎ་བཅས་སོ་སོར་ཚོགས་ཀྱི་ཡོད་པ་རེད།
