ཨོ་རི་ས་ཕུན་ཚོགས་གླིང་བོད་མིའི་གཞིས་ཆགས་ངོས་ནས་མངའ་སྡེའི་བློན་ཟུར་པ་ Biju Patnaik ལགས་ཀྱི་མཚན་ཐོག་ནས་ཅན་ད་ར་གྷི་རི་གྲོང་ཁྱེར་ནང་ཉིན་གྲངས་བཅུའི་རིང་ Cricket འམ་དབྱུག་རྩེད་སྤོ་ལོའི་རྩེད་འགྲན་ཞིག་གོ་སྒྲིག་གནང་འདུག
ཨོ་རི་ས་ཕུན་ཚོགས་གླིང་ས་གནས་འགོ་འཛིན་ལས་ཁུངས་དང་ས་གནས་ཀྱི་རྩེད་འགྲན་ཚོགས་པ་གཉིས་མཉམ་འབྲེལ་གྱིས་གོ་སྒྲིག་ཞུས་པའི་རྩེད་འགྲན་དེའི་ཐོག་བོད་མི་གཙོས་ས་གནས་ཡུལ་མིའི་རུ་ཁག་ཁྱོན་ ༡༢ མཉམ་ཞུགས་གནང་ཡོད་པ་དང་། དེའང་ཁ་སང་རྒྱལ་ཁ་ཐོབ་མཁན་གྱི་རུ་ཁག་ལ་ཧིན་སྒོར་ཁྲི་གཉིས་གསོལ་རས་སུ་ཕུལ་བ་དང་སྦྲགས་རྩེད་འགྲན་མཇུག་སྒྲིལ་གནང་འདུག
འདི་ག་རླུང་འཕྲིན་ཁང་ནས་ཨོ་རི་ས་ཕུན་ཚོགས་གླིང་ས་གནས་འགོ་འཛིན་མཁན་པོ་པདྨ་བསྟན་འཕེལ་ལགས་སུ་རྩེད་འགྲན་སྐོར་ལ་བཀའ་དྲི་ཞུས་སྐབས། ཁོང་གིས་རྩེད་འགྲན་དེ་གཙོ་བོ་ས་གནས་ཡུལ་མི་དང་ལྷན་མཐུན་འབྲེལ་སླད་གོ་སྒྲིག་ཞུས་པ་དང་། མངའ་སྡེའི་བློན་ཆེན་ཟུར་པ་ Biju Patnaik ལགས་ཀྱི་གཞུང་འཛིན་སྐབས་བོད་མི་རྣམས་ཁུལ་དེར་ཐོག་མར་གཞིས་ཆགས་སུ་བཞེས་འགོ་ཚུགས་པ་ལྟར། ཁོང་ལ་བཀྲིན་རྗེས་དྲན་སླད་ Kaling Veer Biju Patnaik ཞེས་ཁོང་གི་མཚན་ཐོག་ནས་རྩེད་འགྲན་དེ་གོ་སྒྲིག་ཞུས་པ་འགྲེལ་བརྗོད་གནང་གི་འདུག སྒྲ།།།