རང་ཉིད་བོད་ལ་ཡོད་པའི་འཆར་སྣང་གི་རི་མོའི་སྒྱུ་རྩལ་འགྲེམས་སྟོན་གནང་བཞིན་པ།

བཞུགས་སྒར་དུ་རྟེན་གཞི་བྱས་པའི་ཁ་དོག་བོད་ཀྱི་སྒྱུ་རྩལ་མཐུན་ཚོགས་ཀྱི་གོ་སྒྲིག་འོག་རྡ་སྟེང་བོད་ཁྱིམ་དང་། མེས་དབོན་གཙུག་ལག་དཔེ་སྟོན་སློབ་གྲྭ གོ་པཱལ་པུར་བོད་ཁྱིམ། སུ་ཇ་བོད་ཁྱིམ། ཅོན་ཏ་ར་བོད་ཁྱིམ་བཅས་ཁྱོན་བོད་སློབ་ཁག་ལྔའི་འཛིན་རིམ་དྲུག་པ་ནས་བཅུ་གཉིས་བར་གྱི་སློབ་མ་རྣམས་ལ་རང་ཉིད་བོད་ལ་ཡོད་པའི་འཆར་སྣང་གི་བརྗོད་གཞི་ཐོག་དེང་དུས་ཀྱི་རི་མོའི་ཟབ་སྦྱོང་ཕུལ་ཏེ། ཟབ་སྦྱོང་དེའི་ནང་སློབ་ཕྲུག་ ༢༠༠ མ་ཟིན་ཙམ་ནས་མཉམ་ཞུགས་ཁྲོད་སློབ་མ་ ༥༠ ཡི་རི་མོ་འདེམས་སྒྲུག་གིས་རྡ་ཤོས་ཀཱང་ར་སྒྱུ་རྩལ་འགྲེམས་སྟོན་ཁང་དུ་ཁ་སང་ནས་འདི་ཚེས་ ༡༩ བར་འགྲེམས་སྟོན་གནང་བཞིན་འདུག