Monthly Archives: September, 2015

ཀླུ་མཁར་བྱམས། ‘’ བོད་རང་བཙན་ཞེས་པ་དེ་ང་ཚོའི་འཐབ་རྩོད་ཀྱི་མ་རྩ་རེད། ‘’ ‘’ དབུ་མའི་ལམ་དེ་ཚེ་ཐུང་ཐུང་དང་ཚད་བཀག་ཅིག་རེད། རང་བཙན་ལ་ཚད་བཀག་ཡོད་མ་རེད། “མི་སྒེར་ལ་དབུ་མ་དང་རང་བཙན་གྱི་ལྟ་བ་ཡོད་པའི་རྒྱུ་མཚན་གྱིས་སྤྱི་ཚོགས་འཁྲུག་ཡོང་པ་མ་རེད།” “བཙན་བྱོལ་སྤྱི་ཚོགས་ནང་གྲལ་རིམ་འཐབ་རྩོད་ཀྱི་ན་ཚ་དུ་དུང་ཡང་ཡོད་པ།” “ན་གཞོན་ལས་མེད་ཚོར་དང་པོ་ཉིད་ནས་ལས་ཀའི་སྦྱོང་བརྡར་དགོས་ཀྱི་འདུག” “ཤེས་ཡོན་སྲིད་བྱུས་ནང་འདོད་ཆུང་ཆོག་ཤེས་དང། བྱམས་སྙིང་རྗེ། འཚེ་བ་མེད་པ་བཤད་ཀྱི་ཡོད་པ་དེ་དག་ཆོས་ལུགས་བྱེ་བྲག་པའི་སྐད་ཆ་རེད།” ‘’ ངའི་ཕྲུ་གུ་བཙན་བྱོལ་སྤྱི་ཚོགས་ཀྱི་སློབ་གྲྭ་ནང་གཏོང་རྒྱུ་ཞེད་ཀྱི་འདུག‘’ “དོལ་རྒྱལ་གྱི་གནད་དོན་དེར་གཤག་བཅོས་འདྲ་བྱེད་མ་ཐུབ་ན་ན་ཚ་དེ་གཞན་གྱི་ལག་ཆར་གྱུར་་ཉེན་འདུག “ ‘’ ང་སྲིད་སྐྱོང་ལ་སླེབས་ན་བོད་རྒྱ་ཞི་མོལ་ཡོང་ཐབས་མེད། ’’

ཉན་པ།: Listen ཕབ་ལེན། Download ཕྱི་ལོ་ ༢༠༡༦ ལོའི་སྲིད་སྐྱོང་གི་འོས་མི་ངོ་སྤྲོད། ཀླུ་མཁར་བྱམས། Saturday 05/09/2015 Portrait: 2016 Sikyong Candidate Lukar Jam

ཉན་པ།: Listen ཕབ་ལེན། Download བོད་ནང་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་ཞེ་དགུར་མྱ་ངན་ཞུས་པ། བཞུགས་སྒར་དུ་གཞུང་འབྲེལ་མཆོད་འབུལ་སྨོན་ལམ་ཚོགས་པ། བྷེལ་ཇམ་གྲོས་ཚོགས་འཐུས་མི་བཞུགས་སྒར་དུ་འཚམས་གཟིགས་ཕེབས་པ། སྲིད་སྐྱོང་མཆོག་ནས་བྷེང་ལོར་ Takshashila ལྟེ་གནས་ཁང་དུ་བོད་དོན་གསུང་གནང་པ། དབྱིན་ཡུལ་གྱི་སྲིད་བློན་དང་ལོན་ཊོན་གྲོང་ཁྱེར་སྤྱི་ཁྱབ་མཆོག་ལ་ཞུ་གཏུག་གི་ལས་འགུལ། དམིགས་བསལ་ལེ་ཚན། བོད་ཀྱི་གཏམ་བརྗོད་རུ་ཁག་སྐོར་ངོ་སྤྲོད་གནང་བ། Friday 04/09/2015 Tibetans in Tibet mark 49th day of Tulku Tenzin Delek’s demise Prayer service in Dharamsala for late Tashi Kyi Belgian Senator Sutter Petra visits Dharamsala Sikyong speaks at Takshashila Institution in Bangalore Free Tibet urges British PM to meet with the Dalai Lama HEALTH FEATURE: Diaspora Feature: Tibet Theatre

ཟླ་འདིའི་ཕྱི་ཚེས་ ༢༧ ཉིན་བོད་མདོ་སྨད་ཀན་ལྷོ་ཁུལ་སངས་ཆུ་རྫོང་བསང་ཁོག་ཡུལ་ཚོའི་དངུལ་རྭ་སྡེ་བའི་ནང་དུ་བཀྲིས་སྐྱིད་ལགས་ཀྱི་རྒྱ་གཞུང་ལ་ཞི་རྒོལ་གྱིས་རང་ལུས་མེར་བསྲེགས་གནང་ནས་འདས་གྲོངས་སུ་གྱུར་པའི་ཡིད་སྐྱོའི་གནས་ཚུལ་ཐོན་པར་བཞུགས་སྒར་དུ་གཞུང་འབྲེལ་མཆོད་འབུལ་སྨོན་ལམ་ཚོགས་གནང་སོང། དེ་རིང་ཟླ་ ༩ ཕྱི་ཚེས་ ༤ ཉིན་རྒྱབ་ཚོུད་ ༤།༠༠ སྟེང་བོད་མིའི་སྒྲིག་འཛུགས་ཀྱི་ཆོས་རིག་ལས་ཁུངས་ཀྱིས་གོ་སྒྲིག་འོག ལས་ཁུངས་ཁག་ལས་མཚམས་བཞག་སྟེ་ཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་སྐུ་ཕྱྭར་རྣམ་གྲྭ་ཕན་བདེ་ལེགས་བཤད་གླིང་གི་མཁན་རིན་པོ་ཆེ་མཆོག་ཚོགས་མགོན་དུ་དབུ་གཞུགས་ཐོག་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་དབུས་པའི་སྲི་ཞུ་བ་དང་དྷ་ས་བཅའ་བཞུགས་བོད་མི་སེར་སྐྱ་མང་ཚོགས་ལྷན་འཛོམས་ཐོག་སྨོན་ལམ་གསུང་དོན་གནང་ནས་རྒྱལ་གཅེས་པ་བཀྲིས་ལགས་དམ་པ་དེ་ཉིད་གཙོས་ད་བར་བོད་བསྟན་སྲིད་མི་རིགས་ཀྱི་དོན་དུ་བོད་མི་སྐུ་སྲོག་ཤོར་བ་དང། ད་ལྟ་རྒྱ་གཞུང་གི་མནར་སྤྱོད་འོག་བཙོན་ཁང་སོགས་ཀྱི་ནང་སྡུག་སྦྱོང་མྱང་དང་མྱོང་བཞིན་པ་ཡོད་པ་དེ་དག་ལ་རྗེས་དྲན་གྱི གདུང་སེམས་མཉམ་བསྐྱེད་ཞུས་སོང། སྐབས་དེར་སྲིད་སྐྱོང་ལས་ཚབ་ཆོས་རིག་བཀའ་བློན་པདྨ་ཆོས་འབྱོར་མཆོག་གིས་བཀའ་ཤག་ཚབ་ཞུས་ནས་བཀྲིས་སྐྱིད་ལགས་དམ་དེ་ཉིད་གཙོས་པའི་ཉེ་འབྲེལ་ནང་མི་ཡོངས་ལ་གདུངས་སེམས་མཉམ་བསྐྱེད་ཞུས་པ་དང་སྦྲགས། དམ་དེ་སླར་བོད་གངས་ཅན་ལྗོངས་ལ་མི་ལུས་ཐོབ་པའི་བསྔོ་སྨོན་ཞུས་པ་མ་ཟད། རང་དབང་ལུང་པའི་ནང་ཡོད་པའི་བོད་མི་ཚོས་དུས་དང་རྣམ་པ་ཀུན་ཏུ་རྒྱལ་གཅེས་པ་དེ་དག་གིས་ཞུམ་མེད་བློས་བཏང་གནང་བ་ཡིད་ལ་དྲན་དགོས་པ་གསུངས་སོང། རྩ་བའི་ཟླ་འདིའི་ཕྱི་ཚེས་ ༢༧ ཉིན་བོད་མདོ་སྨད་ཀན་ལྷོ་ཁུལ་སངས་ཆུ་རྫོང་བསང་ཁོག་ཡུལ་ཚོའི་དངུལ་རྭ་སྡེ་བའི་ནང་དུ་རང་ལུས་མེར་སྲེག་བཏང་མཁན། ཕྲུག་གུ་ལྔའི་ཨ་མ་བཀྲིས་སྐྱིད་ལགས་ཀྱི་བཟའ་ཟླའི་མིང་ལ་སངས་རྒྱས་སྐྱབས་དང་ཁོང་གཉིས་ལ་བུ་བཞི་དང་བོུ་གཅིག་བཅས་ཡོད་པ་ལས་བརྩོན་འགྲུས་རྒྱ་མཚོ་དང་། སངས་རྒྱས་རྒྱ་མཚོ། སྐལ་བཟང་རྒྱ་མཚོ་གསུམ་ནི་གྲྭ་པ་ཡིན་པ་དང། གཞན་ཡོན་ཏན་རྒྱ་མཚོ་དང་བུ་མོ་ཀུན་བཟང་སྐྱིད་བཅས་ཡིན་འདུག ཁོང་དེ་སྔ་རྒྱ་གར་ནང་ཕྱི་ལོ་ ༢༠༡༢ ལོའི་དཔལ་དུས་ཀྱི་འཁོར་ལོའི་དབང་ཆེན་མཚོན་པའི་ཐེངས་གཉིས་ཕེབས་མྱོང་ཡོད་པ་ཞིག་རེད་འདུག  

བྷེལ་ཇམ་ (Belgium) གྲོས་ཚོགས་གོང་མའི་འཐུས་མི་ལྕམ་ Sutter Petra མཆོག་བཞུགས་སྒར་རྡ་རམ་ས་ལར་ཆེད་ཕེབས་དང་འབྲེལ། དེ་རིང་༸གོང་ས་སྐྱབས་མགོན་ཆེན་པོ་མཆོག་ལྷན་མཇལ་གྲུབ་བསྟུན་བོད་མི་མང་སྤྱི་འཐུས་ཚོགས་གཙོ་མཆོག་ཀྱང་མཇལ་འཕྲད་གནང་འདུག དེ་རེང་ཟླ་བ་༩ པའི་ཚེས་༤ ཉིན་སྔ་ཐོག་བཞུགས་སྒར་དུ་ཕེབས་འབྱོར་བྱུང་ནས་༸གོང་ས་སྐྱབས་མགོན་ཆེན་པོ་མཆོག་དང་ལྷན་མཇལ་གྲུབ་བསྟུན་བོད་མི་མང་སྤྱི་འཐུས་ལྷན་ཚོགས་སུ་ཆེད་ཕེབས་ཀྱིས་ཚོགས་གཙོ་སྤེན་པ་ཚེ་རིང་མཆོག་དབུས་པའི་སྤྱི་འཐུས་རྒྱུན་ལས་རྣམ་པར་ཐུགས་འཕྲད་གནང་སྟེ་ཕན་ཚུན་བཀའ་སྡུར་སོགས་གནང་འདུག སྐབས་དེར་གྲོས་ཚོགས་འཐུས་མི་ལྕམ་ Sutter Petra ལགས་ཀྱིས་བོད་མིའི་ཆབ་སྲིད་དང་མང་གཙོའི་འཕེལ་རིམ་རྣམས་ཡར་རྒྱས་ཚད་མཐོ་པོ་ཕྱིན་ཡོད་པར་བསྔགས་བརྗོད་དང་སྦྲགས་བཙན་བྱོལ་བོད་མིའི་གྲོས་ཚོགས་འཐུས་མི་འདེམས་ཕྱོགས་དེ་རྒྱལ་ཁབ་གཞན་དང་མི་འདྲ་བའི་དམིགས་གསལ་གྱི་ཁྱད་ཆོས་ཞིག་ལྡན་པར་གསུངས་སོང་བ་མ་ཟད། ཁོང་ཕྱིར་རང་ཡུལ་དུ་ཕེབས་སྐབས་བོད་མིའི་གཤིས་སྤྱོད་བཟང་པོའི་ཁྱད་ཆོས་དེ་དག་རང་གི་མི་རིགས་ཚོའི་རྒྱུན་ལྡན་གྱི་ཀུན་སྤྱོད་ལ་ཕན་ཕྱིར་ཕྱག་རྟགས་ལྟ་བུ་བསྣམ་རྒྱུ་ཡིན་སྐོར་སོགས་གསུངས་སོང་། རྩ་བའི་གྲོས་ཚོགས་འཐུས་མི་ལྕམ་ Sutter Petra ལགས་ཀྱི་ཐེངས་འདིའི་འཚམས་གཟིགས་ཁྲོད། གཙོ་བོ་བོད་མིའི་སྒྲིག་འཛུགས་གཙོས་ལྷན་ཁང་ཁག་ཏུ་འཚམས་གཟིགས་ཙམ་མ་ཡིན་པར་བཞུགས་སྒར་དུ་རྟེན་གཞི་བྱས་པའི་བོད་གཞུང་བདེ་ལེགས་སྨན་ཁང་དང། བོད་ཀྱི་སྨན་རྩིས་ཁང་སོགས་གཞུང་འབྲེལ་དང་གཞུང་འབྲེལ་མིན་པའི་ཚོགས་སྐྱིད་ཁག་ལ་གཟིགས་སྐོར་གནང་རྒྱུ་རེད་འདུག

ཉེ་ལམ་ལི་ཐང་སྤྲུལ་སྐུ་བསྟན་འཛིན་བདེ་ལེགས་མཆོག་དགོངས་པ་རྫོགས་ནས་ཞག་ཞེ་དགུ་འཁོར་བའི་དུས་ཚིགས་དང་བསྟུན། བོད་ཁམས་ལི་ཐང་དང་། ནག་ཆུ། དེ་བཞིན་འབའ་ཐང་སོགས་བོད་ཀྱི་ས་ཁུལ་མང་པོར་མཆོད་འབུལ་སྨོན་ལམ་གནང་འདུག རྣམ་ཀུན་བོད་ཟླ་དྲུག་པའི་ནང་ལོ་ལྟར་ཁམས་ལི་ཐང་གཙོས་པའི་བོད་ཀྱི་ས་ཁུལ་མང་པོའི་ནང་མང་ཚོགས་འདུ་འཛོམས་གནང་སྟེ། རྟ་རྒྱུག་དང་རྐང་བྲོ་གླུ་གཞས་སོགས་གཟིགས་འབུལ་གྱིས་སྤྲོ་སྣང་ལྡན་པའི་དུས་ཆེན་སྲུང་བརྩི་ཞུ་སྲོལ་ཡོད་ཀྱང་། འདི་ལོའི་ཕྱི་ཟླ་ ༧ ཚེས་ ༡༢ ཉིན་སྤྲུལ་སྐུ་བསྟན་འཛིན་བསྟན་འཛིན་བདེ་ལེགས་མཆོག་གླུ་བུར་དུ་རྒྱ་གཞུང་གི་བཙོན་ཁང་ནང་སྐུ་བཀྲོངས་པའི་ཡིད་སྐྱོའི་གནས་ཚུལ་ཐོན་པར་བོད་མི་རྣམས་ཀྱིས་དགའ་སྟོན་དེ་དག་མཚམས་འཇོག་གནང་སྟེ་དམ་པ་ཁོང་གི་ཆེད་གདུང་སེམས་མཉམ་བསྐྱེད་ཀྱི་མྱ་ངན་གུས་འདུད་ཞུས་པ་མ་ཟད། ལྷག་པར་ཞག་ཞེ་དགུ་ཉིན་ཁམས་འབའ་ཐང་དང་ཉག་ཆུ་ཁུལ་གྱི་དགོན་སྡེ་ཁ་ཤས་ནང་རིན་པོ་ཆེའི་སྐུ་པར་སྒྲིག་གཤོམ་གནང་སྟེ་མཆོད་འབུལ་རྒྱ་ཆེ་གནང་འདུག དེ་བཞིན་རིན་པོ་ཆེའི་དགོན་པ་ཁམས་ན་ལེནྡྲ་ཐེག་ཆེན་བྱང་ཆུབ་ཆོས་གླིང་ནང་དུའང་སེར་སྐྱ་མང་ཚོགས་ཀྱིས་མངོན་པར་གསལ་བའི་ཆོས་ཕྱོགས་ཀྱི་ཞུ་སྒོ་བསྔོ་སྨོན་གནང་འདུག ཤེས་རྟོགས་བྱུང་བར་གཞིགས་ན། སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་རྒྱ་གཞུང་གི་བཙོན་ཁང་ནང་ཕྱི་ཟླ་ ༧ ཚེས་ ༡༢ ཉིན་རྒྱའི་བཙོན་ཁང་དུ་སྐུ་བཀྲོངས་པའི་མགནས་ཚུལ་ཐོན་པ་ནས་བཟུང་། ད་བར་རྒྱ་གཞུང་གིས་རིན་པོ་ཆེའི་སྤུན་ཉེ་འབྲེལ་ཚོར་འདྲི་རྩད་ཀྱི་ལམ་ནས་དེ་འབྲེལ་གནད་དོན་ཕྱི་ཕྱོགས་སུ་བཤད་མི་ཆོག་པའི་བཙན་བཀའ་བསྟུད་མར་གཏོང་ བཞིན་པ་མ་ཟད། ལྷག་པར་རིན་པོ་ཆེ་དམ་པ་དེ་ཉིད་ཀྱི་དགོན་པ་ཨོ་ཐོག་ནང་གི་གྲྭ་པ་དང་དེའི་ཉེ་འཁོར་གྱི་བོད་མི་ཚོ་ས་གནས་དེའི་ནང་ཕར་འགྲོ་ཚུར་འོང་བྱས་པར་ངེས་པར་དུ་ས་གནས་སྲིད་གཞུང་གི་ཆོག་མཆན་དགོས་པ་སོགས་བོད་མི་ཚོར་སུན་གཙིར་སྔར་ལྷག་བཟོ་མུས་ཡིན་འདུག དེང་ཆར་ཁུལ་དེའི་བོད་མི་རྣམས་ཀྱི་འགྲོ་སྡོད་སྤྱོད་གསུམ་གྱི་རང་དབང་ཡོངས་ལ་ དམ་དྲག་ཤུགས་ཆེ་བྱས་དང་བྱེད་མུས་ཡིན་པའི་གནས་སྟངས་ཤིག་ཆགས་ཡོད་པ་རེད་འདུག  

ཉན་པ།: Listen ཕབ་ལེན། Download རྒྱ་གཞུང་ནས་རང་གི་མི་སེར་ཐོག་མནར་གཅོད་གཏོང་བཞིན་པ་ལ་སྐྱོན་བརྗོད། ཨ་རི་ནང་སྤྲུལ་སྐུ་བསྟན་འཛིན་བདེ་ལེགས་ཀྱི་གནད་དོན་ཞུ་གཏུགས། འོས་བསྡུའི་སྒྲིག་གཞིར་གོ་བ་གཅིག་གྱུར་ཡོང་ཆེད་གསལ་བསྒྲགས། ༸གོང་ས་མཆོག་གིས་ལྷོ་ཤར་ཨེ་ཤི་ཡའི་དད་ལྡན་པ་ཁག་ཅིག་ལ་བཀའ་ཆོས་བསྩལ་རྒྱུ། ཡོ་རོབ་རྒྱལ་སྤྱིའི་པར་རིས་འགྲེམས་སྟོན་ཐོག་བོད་མི་སྒྱུ་རྩལ་བས་མཉམ་བཞུགས། དམིགས་བསལ་འཕྲོད་བསྟེན་ལེ་ཚན། རླུང་ནད་སྐོར། Thursday 03/09/2015 HRW dispatches: China’s shallow calls for accountability Tenzin Delek Lives: Tulku’s cousin embarks on awareness campaign 2016 Elections: Press conference on election rules Dalai Lama to confer teachings to Asian devotees at main temple Tibetan artists participate in Olympics of Contemporary Art Exhibition in Venice HEALTH FEATURE: Dr. Pema Dorjee on Loong in Tibetan Medicine

 ཡུ་རོབ་རྒྱལ་སྤྱིའི་དཔར་རིས་འགྲེམས་སྟོན་ཐོག་བོད་པའི་སྒྱུ་རྩལ་བ་ ༡༤༠ མཉམ་ཞུགས་གནང་ནས་བོད་དོན་དང་འབྲེལ་བའི་དཔར་རིས་ཁག་ཅིག་སྒྲིག་གཤོམ་གནང་ཐུབ་པ་བྱུང་འདུག  ཟླ་འདིའི་ཕྱི་ཚེས་ ༡ ནས་ཨི་ཊ་ལི་ (Italy) གྲོང་ཁྱེར་ venise ནང་ཚོགས་བཞིན་པའི་ Olympics of contemporary art exhibitions ཞེས་པ་རྒྱལ་སྤྱིའི་དཔར་རིས་འགྲེམས་སྟོན་ཐོག་རྒྱལ་སྤྱིའི་རྒྱལ་ཁབ་བཞི་བཅུ་ལྷག་ནས་སྒྱུ་རྩལ་བ་ ༦༩༠༠ ལྷག་མཉམ་ཞུགས་གནང་པའི་ཁྲོད་བོད་མི་སྒྱུ་རྩལ་བ་ ༡༤༠ ཙམ་ལྷན་ཞུགས་གནང་འདུག་པ་མ་ཟད། ཁོང་རྣམས་ནས་བོད་ནང་གི་ད་ལྟའི་གནས་སྟངས་གསལ་བའི་དཔར་རིས་ཁག་ཅིག་འགྲེམས་སྟོན་གནང་འདུག དེ་ནི་རྒྱལ་སྤྱིའི་སྡིངས་ཆའི་སྟེང་བོད་པའི་སྒྱུ་རྩལ་བ་རྣམས་ནས་ཟུང་འབྲེལ་ཐོག་གཞི་རྒྱ་ཆེ་བའི་བོད་དོན་དཔར་རིས་འགྲེམས་སྟོན་གནང་པ་ཆེས་ཐོག་མ་ཆགས་ཀྱི་ཡོད་པ་རེད་འདུག གཞི་རྩའི་ཨི་ཊ་ལི་གྲོང་ཁྱེར་ Venice ནང་ཚོགས་བཞིན་པའི་རྒྱལ་སྤྱིའི་དཔར་རིས་འགྲེམས་སྟོན་འདི་བཞིན་རྒྱལ་སྤྱིའི་ཁྲོད་དར་ཁྱབ་ཆེ་བའི་ United Colors of Benetton ཞེས་པའི་བཟོ་གྲྭས་གོ་སྒྲིག་འོག་ལོ་ངོ་གཉིས་རེའི་མཚམས་སུ་ཐེངས་རེ་ཚོགས་ཀྱི་ཡོད་པ་དང་། ཐེངས་འདིའི་འགྲེམས་སྟོན་ནང་བོད་པའི་སྒྱུ་རྩལ་བ་ ༡༤༠ གཙོས་པའི་རྒྱལ་སྤྱིའི་རྒྱལ་ཁབ་བཞི་བཅུ་ལྷག་ནས་རྒྱུ་རྩལ་བ་ ༦༩༠༠ ལྷག་མཉམ་ཞུགས་གནང་ཡོད་པ་མ་ཟད་། འགྲེམས་སྟོན་དེ་བཞིན་ཟླ་བ་འདིའི་ཕྱི་ཚེས་གཅིག་ནས་དབུ་འཛུགས་གནང་ནས་ཟླ་བ་གཉིས་རིང་ཚོགས་ཀྱི་ཡོད་འདུག      

རྒྱ་ནག་རྒྱལ་ས་པེ་ཅིང་དུ་དེ་རིང་ཕྱི་ཟླ་ ༩ ཚེས་ ༣ ཉིན་འཛམ་གླིང་དམག་ཆེན་གཉིས་པ་མཚམས་བཞག་ནས་ལོ་ངོ་ ༧༠ འཁོར་བའི་ཉིན་མོ་སྲུང་བརྩི་བྱེད་བཞིན་པའི་ཁར། རྒྱ་གཞུང་ནས་དུས་ཚིགས་དེའི་སྐབས་དེ་སྔོན་ཉི་ཧོང་གིས་རྒྱ་ནག་ནང་བཙན་འཛུལ་བྱས་ནས་སྡུག་སྦྱོང་མནར་སྤྱོད་བཏང་བ་རྣམས་རྗེས་དྲན་ཞུ་བ་དང། ཉི་ཧོང་ལ་གནད་དོན་དེ་དག་ཐོག་འགན་འཁུར་དགོས་པའི་འགྲེལ་བརྗོད་ཤུགས་ཆེན་བྱེད་པ་དང་སྦྲགས། དམག་ཆེན་གཉིས་པའི་རྗེས་ནས་ད་བར་རྒྱ་ནག་གི་མགོ་ཁྲིད་རིམ་པ་ཚོས་རང་གི་མི་སེར་ཐོག་སྤེལ་བའི་མི་སྤྱོད་ལས་འདས་པའི་སྡུག་རྩུབ་དང་མནར་སྤྱོད་ཀྱི་བྱ་སྤྱོད་དེ་དག་ལ་འགན་འཁུར་རྩ་བ་ནས་བླངས་མེད་པར་སྐྱོན་བརྗོད་བྱེད་འདུག ཁ་སང་ཟླ་ ༩ ཕྱི་ཚེས་ ༢ ཉིན་རྒྱལ་སྤྱིའི་འགྲོ་བ་མིའི་ཐོབ་ཐང་ལྟ་ཞིབ་ཚོགས་པའི་དྲ་གནས་ཐོག ཚོགས་པ་དེས་རྒྱ་ནག་ངེས་སྟོན་པ་ལྕམ་སྐུ་ Sophie Richardson ལགས་ཀྱིས་རྩ་བའི་དེ་སྔོན་དམག་ཆེན་གཉིས་པའི་སྐབས་ཉི་ཧོང་ནས་རྒྱ་ནག་ནང་སྡུག་རྩུབ་ཀྱི་བྱ་སྤྱོད་ཤུགས་ཆེ་སྤེལ་ཡོད་པ་དངོས་ཡོད་ཀྱི་གནས་ཚུལ་ཞིག་ཡིན་ཀྱང། ཉི་ཧོང་ནས་བྱ་སྤྱོད་དེ་དག་འགན་འཁུར་བླངས་ཡོད་པ་ཞིག་ལ་སྡུག་རྩུབ་མྱོང་མཁན་རྒྱལ་ཁབ་ཚོའི་མི་དམངས་ནས་འདོད་བློ་ཁེངས་མེད་པས་སྐྱོན་བརྗོད་བརྗོད་བྱེད་བཞིན་པ་དེ་ཡང་རྒྱུ་མཚན་ལྡན་པ་ཞིག་ཡིན་པར་གསུངས་པ་དང། རྒྱ་ནག་ལྟ་བུ་ལ་ཆ་མཚོན་ན་རྒྱ་ནག་རང་གི་ཉེ་བའི་ལོ་རྒྱུས་ནང་རྒྱ་ནག་མགོ་ཁྲིད་ཚོས་རང་གི་མི་སེར་ཐོག་སྤེལ་བའི་སྡུག་རྩུབ་དང་མནར་སྤྱོད་ཀྱི་བྱ་སྤྱོད་ཁག་ལ་འགན་འཁུར་བླངས་རྒྱུ་ཕར་ཞོག དེ་བས་ཀྱང་མགོ་ཁྲིད་དེ་དག་ལ་ཆེ་བསྟོད་དང་བསྔགས་བརྗོད་བྱེད་བཞིན་པ་མ་ཟད། མེ་སེར་རྣམས་ལ་སྔར་ལྷག་དྲག་གནོན་གྱི་བྱ་སྤྱོད་སྤེལ་བ་དེས་རྒྱ་ནག་གིས་ཉི་ཧོང་ལ་སྐྱོན་བརྗོད་བྱེད་བཞིན་པ་དེ་ནུས་མེད་བཟོས་ཀྱི་ཡོད་པར་སྐྱོན་བརྗོད་ཤུགས་ཆེ་བྱས་འདུག ལྕམ་སྐུ་ Sophie ལགས་ནས་ཐོག་མ་ Mao Zedong གི་རྒྱ་ནག་མགོ་ཁྲིད་བྱེད་པའི་སྐབས་རྒྱ་ནག་མདུན་སྐྱོད་ཆེན་མོའི་ལས་འཆར་འོག་མི་སེར་ས་ཡ་མང་པོ་སྡུག་སྦྱོང་ཚད་ལས་འགལ་བ་མྱོང་ཡོད་པ་དང། ཡ་ང་བའི་གནས་སྟངས་འོག་རྐྱེན་འདས་སུ་ཕྱིན་པའི་གནད་དོན་ཐད་འགན་འཁུར་རྒྱུ་ལས་ཁོ་པར་ད་དུང་རྒྱ་ནག་གི་མགོ་ཁྲིད་ཆེན་མོ་ཞེས་ཆེ་བསྟོད་དང་མཐོང་ཆེན་བྱེད་བཞིན་ཡོད་པ་དང། དེ་བཞིན་ཕྱི་ལོ་ ༡༩༨༩ ལོའི་རྒྱ་ནག་གནམ་སྡེ་སྒོར་མོ་ཆེ་ཐང་ཆེན་གྱི་དྲུག་བཞིའི་དོན་རྐྱེན་དེའི་དབང་གིས་གནད་དོན་ཇི་བྱུང་ཐད་ད་བར་དོན་དམ་ཐོག་ནས་རྟོག་ཞིབ་དང་འགན་ཁུར་རྩ་བ་ནས་བྱས་མེད་པ་མ་ཟད། རྟོག་ཞིབ་དགོས་པའི་ཞུ་གཏུགས་རྒྱག་མཁན་སློབ་ཕྲུག་ཚོའི་ཕ་མ་རྣམས་ལ་སུན་གཙེར་སོགས་བྱེད་པའི་གནས་ཚུལ་ཐོན་ཡོད། དེ་བཞིན་ཉེ་བའི་ཆར་ཕྱི་ལོ་ ༢༠༠༨ ལོར་ས་འགུལ་དོན་རྐྱེན་འོག་རྐྱེན་འདས་སུ་ཕྱིན་པ་དང་འདི་ལོ་ནང་ཉེ་ཆར་ Tianjin དུ་རྫས་རིགས་བཟོ་གྲྭར་འབར་རྫས་གས་འཐོར་འོག་མི་མང་དག་ཞིག་རྐྱེན་ལམ་དུ་ཤོར་བ་བཅས་ཀྱི་གནད་དོན་ལུང་འདྲེན་གྱིས་རྒྱ་ནག་ནས་གཞན་ལ་འགན་འཁུར་དགོས་པའི་སྐྱོན་བརྗོད་བྱ་རྒྱུ་འོས་འཚམས་མིན་པ་དང་མ་ཟད་ རྒྱ་གཞུང་ནས་དང་པོ་རང་གི་བྱ་སྤྱོད་ཁག་ལ་འགན་འཁུར་བླངས་ནས་དྲང་ལྡན་དང། ཁྲིམས་ཀྱི་དབང་བསྒྱུར། མང་ཚོགས་ཀྱི་བསམ་ ཚུལ་ལ་གུས་བརྩི་ཞུ་རྒྱུ་གལ་ཆེ་སྐོར་སོགས་གསུངས་ཡོད་པ་རེད་འདུག