Monthly Archives: November, 2015

ཉན་པ།: Listen ཕབ་ལེན། Download ཁེ་ན་ཌའི་གཞུང་ལ་བོད་ཀྱི་ཁོར་ཡུག་གནད་དོན་དེ་གལ་གནད་ཆེ་ཤོས་སུ་འཛིན་དགོས་པའི་འབོད་སྐུལ། སྲིད་སྐྱོང་མཆོག་ནས་རྒྱལ་སྤྱིའི་བདེ་འཇགས་གླེང་སྟེགས་ཐོག་གསུངས་བཤད་གནང་འདུག རྒྱ་གཞུང་ནས་༸གོང་ས་མཆོག་དང་གྲོས་མོལ་གནང་རྒྱུ་དུས་ལ་སླེབས་ཡོད་པ་གསུངས་འདུག ༸གོང་ས་མཆོག་ནས་རྒྱ་གར་ལྷོ་ཕྱོགས་སུ་ཟླ་བ་གཅིག་མན་ཙམ་རིང་ལ་ཆོས་འབྲེལ་བསྐྱང་རྒྱུ། རྒྱ་གཞུང་གིས་ཤིན་ཅང་ནང་དུ་ལག་ཐོག་ཁ་པར་ལ་དམ་བསྒྲགས། གླུ་གཞས་ལེ་ཚན། ཟླ་བ་མཚོ་སྣ་ལགས་ཀྱི་བླངས་པའི་གཞས་ཀརྨ་པ་མཁྱེན་ནོ། Tuesday 24/11/2015 Canadian Minister urged to make climate action in Tibet core concern at COP21 Sikyong attends 2015 Halifax International Security Forum Hightime for China to resume dialogue with Dalai Lama: TPI Dalai Lama to leave for month long South India visit next month China cuts mobile phone services in Xinjiang area MUSIC FEATURE: ‘Karmapa Khenno’ by Dawa Tsona

བོད་ཀྱི་བླ་ན་མེད་པའི་དབུ་ཁྲིད་༸གོང་ས་༸སྐྱབས་མགོན་ཆེན་པོ་མཆོག་གིས་ཕྱི་ཟླ་བཅུ་གཉིས་ནང་རྒྱ་གར་ལྷོ་ཕྱོགས་ཁུལ་དུ་ཆིབས་བསྒྱུར་གྱིས་བྱང་ཆུབ་ལམ་རིམ་ཆེན་མོའི་བཀའ་ཁྲིད་གཙོས་པའི་གཞུང་ཆེན་ཁག་ཅིག་གི་ཐད་ལ་ཟླ་བ་གཅིག་མིན་ཙམ་རིང་ཆོས་འབྲེལ་མཛད་གཏན་འཁེལ་ཡོད་པ་རེད་འདུག  དེ་ཡང་ལྷོ་ཕྱོགས་བོད་མིའི་སྤྱི་ཁྱབ་པ་ཀརྨ་དགྲ་འདུལ་ལགས་སུ་མགོན་པོ་གང་ཉིད་མཆོག་གི་ཆོས་འབྲེལ་གྱི་མཛད་འཆར་དང་རྒྱལ་བའི་༸སྐུ་ཕྱྭ། དེ་བཞིན་བཀའ་ཆོས་གནང་ཡུལ་སོགས་གྲ་སྒྲིག་གནང་ཕྱོགས་ཐད་བཅར་འདྲི་ཞུས་སྐབས་ཁོང་གིས་བཀའ་ལན་གནང་དོན་ལ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ཟླ་བཅུ་གཉིས་པའི་ཚེས་ ༥ ཉིན་བཞུགས་སྒར་ནས་ཆིབས་ཐོན་གྱིས་རྒྱ་གར་ལྷོ་ཕྱོགས་སྦེང་ལོར་གྲོང་ཁྱེར་དུ་ཞབས་སོར་འཁོད་གནང་མཛད་རྒྱུ་ཡིན་པ་དང་། ཕྱི་ཚེས་ ༦ དང་། ༧ བཅས་ཉིན་གཉིས་རིང་མངའ་སྡེའི་གྲོང་ཁྱེར་སྦེང་ལོར་དུ་རྒྱ་གར་གི་གནད་ཡོད་མི་སྣ་ཁག་ཅིག་དང་མཇལ་འཕྲད་གནང་རྒྱུ་སོགས་ཀྱི་མཛད་འཆར་ཡོད་པ་གསུངས་པ་མ་ཟད། ཕྱི་ཚེས་ ༨ ནས་དབུ་འཛུགས་ཀྱིས་ཕྱི་ཚེས་ ༡༢ བར་ཧུན་སུར་རབ་རྒྱས་གླིང་བོད་མིའི་གཞིས་ཆགས་སུ་རྟེན་གཞི་བྱས་པའི་རྒྱུད་སྨད་གྲྭ་ཚང་དུ་བཀའ་ཆོས་གནང་རྒྱུུ་ཡིན་པ་དང། ཕྱི་ཉིན་ཕྱི་ཚེས་ ༡༣ ཉིན་སྦེལ་ཀོབ་བོད་མིའི་གཞིས་ཆགས་སུ་སེ་ར་ཐེག་ཆེན་གླིང་དུ་ཞབས་སོར་བཀའ་དྲིན་བསྐྱང་གནང་མཛད་དེ་ཕྱི་ཚེས་ ༡༤ ནས་ ༡༧ བཅས་ཉིན་གྲངས་བཞི་རིང་དེ་གར་སེམས་དང་སྲོག་གི་ཚན་རིག་བགྲོ་གླེང་གི་ཚོགས་མགོན་དུ་བཀྲིན་ཆེན་པས་དབུ་བཞུགས་མཛད་པ་དང་སྦྲགས། ཕྱིཚེས་ ༡༨ སྔ་དྲོ་སེ་ར་ཐེག་ཆེན་གླིང་དུ་དད་ལྡན་སེར་སྐྱ་མང་ཚོགས་ལ་ཚེ་དབང་གནང་རྒྱུ་དང་དཔེ་དེབ་དབུ་འབྱེད་སོགས་ཀྱི་མཛད་རིམ་ཁག་ཅིག་བཅས་ལེགས་གྲུབ་ཟིན་པ་དང། ཉིན་རྒྱབ་ཏུ་སེར་སྨད་ཐོས་བསམ་ནོར་གླིང་གྲ་ཚང་དུ་ཞབས་སོར་འཁོད་གནང་མཛད་པ་དང་ཆབས་ཅིག ཕྱི་ཚེས་ ༡༩ ཉིན་སྔ་ཐོག་བཀྲིས་ལྷུན་པོའི་གཙུག་ལག་ཁང་གསར་པར་དབུ་འབྱེད་ཀྱི་རབ་གནས་གནང་རྒྱུ་མ་ཟད། དེ་ཉིན་ཉིན་རྒྱབ་ནས་ཆོས་འབྲེལ་དབུ་འཛུགས་གནང་རྒྱུའི་མཛད་འཆར་ཞིག་ཀྱང་ཡོད་པ་རེད་འདུག   དེ་རྗེས་ ༢༠༡༦ ལོའི་ཕྱི་ཟླ་ ༡ ཕྱི་ཚེས་ ༡ ཉིན་བྱང་ཆུབ་ལམ་རིམ་ཆེན་མོའི་གསུང་ཆོས་གོ་སྒྲིག་ཚོགས་ཆུང་སོགས་ཀྱིས་༸གོང་ས་༸སྐྱབས་མགོན་ཆེན་པོ་མཆོག་ལ་ཇི་ལྟར་གསོལ་འདེབས་ཞུ་དོན་བཞིན་སྐལ་བཟང་གི་བཀའ་སྩལ་བཟང་པོ་སྨིན་སྩལ་ཐོན་དོན་ལྟར་བརྟན་བཞུགས་བསྟར་འབུལ་ཞུ་གནང་རྒྱུ་རེད་འདུག   དེ་རྗེས་ཕྱི་ཚེས་ ༢ ཉིན་ཆོས་སྡེ་བཀྲིས་ལྷུན་པོ་ནས་གྲོང་ཁྱེར་སྦེང་ལོར་དུ་ཆིབས་ཞལ་བསྒྱུར་གནང་མཛད་པ་དང་སྦྲགས་ཏེ་ཕྱི་ཚེས་ ༣ ཉིན་སྦེང་ལོར་ནས་བཞུགས་སྒར་དུ་ཆིབས་ཞལ་བསྒྱུར་གནང་རྒྱུའི་མཛད་འཆར་ཁག་བང་སྒྲིག་གནང་ཡོད་པ་རེད་འདུག  ལྷག་དོན་དུ་ཐེངས་འདིའི་༸གོང་ས་༸སྐྱབས་མགོན་ཆེན་པོོ་མཆོག་རྒྱ་གར་ལྷོ་ཕྱོགས་སུ་བྱང་ཆུབ་ལམ་རིམ་ཆེན་མོའི་བཀའ་ཁྲིད་གཙོས་པའི་གཞུང་ཆེན་ཁག་གི་ཆོས་འབྲེལ་མཛད་སྐབས་རིང་རྒྱལ་བའི་༸སྐུ་ཕྱྭའི་དང་འབྲེལ་བའི་གནད་དོན་ཐད་ལ་ཟླ་བ་འདིའི་ཕྱི་ཚེས་ ༢༧ ཉིན་ཚོགས་འདུ་ཞིག་འཚོགས་འཆར་ཡོད་པ་སོགས་མངའ་སྡེ་གཞུང་དང་བདེ་སྲུང་ལས་ཁུང་དེ་བཞིན་ས་གནས་བཅས་ཟུང་འབྲེལ་གྱིས་བཀའ་བསྡུར་གནང་རྒྱུ་ཡིན་པ་རེད་འདུག

རིང་མིན་ France ཡི་རྒྱལ་ས་ paris ནང་ COP21 ཞེས་འཛམ་གླིང་མཉམ་འབྲེལ་རྒྱལ་ཚོགས་ཀྱི་གོ་ལའི་གནམ་གཤིས་འགྱུར་ལྡོག་གི་ལྷན་ཚོགས་ཚོགས་འཆར་ཡོད་པ་དང་བསྟུན། ཁེ་ན་ཌ་བོད་དོན་རྒྱབ་སྐྱོར་ཚོགས་པ་ནས་ཡུལ་དེའི་ཁོར་ཡུག་བློན་ཆེན་ལྕམ་ Catherine McKenna མཆོག་ལ་བོད་མཐོ་སྒང་གི་ཁོར་ཡུག་གནད་དོན་དེ་གནད་ཆེར་ངོས་འཛིན་པའི་ཐོག་ནས་གླེང་སློང་དགོས་པའི་འབོད་སྐུལ་ཞུས་ཡོད་པ་རེད།  དེ་ཡང་ཁེ་ན་ཌ་བོད་དོན་རྒྱབ་སྐྱོར་ཚོགས་པས་ཁ་སང་ཕྱི་ཚེས་ ༢༣ ཉིན་སྤེལ་བའི་བསྒྲགས་གཏམ་དེའི་ནང་། འཚོགས་ལ་ཉེ་བའི་རྒྱལ་ཚོགས་ཀྱི་རྒྱལ་སྤྱིའི་གོ་ལའི་གནམ་གཤིས་འགྱུར་ལྡོག་གི་ལྷན་ཚོགས་དང་འབྲེལ། ཚོགས་པ་དེས་ཁེ་ན་ཌའི་གཞུང་ལ་བོད་ནི་གོ་ལའི་ཡང་སྟེང་དུ་ཆགས་ཡོད་པ་དང་། འཛམ་གླིང་གི་གནས་གསུམ་པར་གྲགས་པའི་བོད་དེ་ཡང་ལྷོ་བྱང་གི་སྣེ་གཉིས་ལྟར་གལ་གནད་ཆེན་པོ་ཡིན་པ་མ་ཟད། ལྷག་པར་དུ་འཛམ་གླིང་འཁྱགས་རོམ་གྲངས་མང་ཤོས་གསུམ་པར་གྲགས་ཤིང་ཨེ་ཤི་ཡའི་གླིང་ཆེན་ཆེ་ཤོས་དྲུག་གི་ཆུ་སྒོ་སོགས་ཆགས་ཏེ་མཐོ་སྒང་ཆེ་ཤོས་དང་མཐོ་ཤོས་ཡིན་པ་གསལ་སྟོན་གནང་པ་དང་སྦྲགས། རྒྱལ་ཚོགས་ཀྱི་དབུ་ཁྲིད་ཚོའི་ཁོར་ཡུག་ལྷན་ཚོགས་དེའི་ནང་བོད་དེ་གོ་ལའི་གནམ་གཤིས་ཀྱི་ངལ་བ་སེལ་རྒྱུར་གནད་དོན་གལ་འགངས་ཅན་ཞིག་ཡིན་སྟབས། མཐོ་སྒང་གི་ཁོར་ཡུག་སྲུང་སྐྱོབ་ཆེད་ཤུགས་གནོན་རྒྱབ་དགོས་པའི་རེ་འདུན་བཏོན་འདུག ལྷག་པར་དུ་ཚོགས་པ་དེའི་སྤྱི་ཁྱབ་འགན་འཛིན་ Carole Samdup ལགས་ཀྱིས་ཁེ་ན་ཌའི་ཁོར་ཡུག་དང་གནམ་གཤིས་འགྱུར་ལྡོག་གི་བློན་ཆེན་ McKenna མཆོག་ལ་རྒྱ་ནག་གཞུང་གིས་བོད་ནང་སྤེལ་བཞིན་པའི་དཔལ་འབྱོར་འཛུགས་སྐྲུན་གྱི་སྲིད་བྱུས་དེ་དག་གིས་བོད་གི་གནམ་གཤིས་འགྱུར་ལྡོག་དང་། ལྷག་པར་དེ་ལ་བརྟེན་མཁན་གྱི་ཨེ་ཤི་ཡའི་ཆུ་རྒྱུན་ཁག་ལ་ཤུགས་རྐྱེན་ཇི་ཙམ་སྤྲད་ཀྱི་ཡོད་མེད་ཐད་བསྐྱར་ཞིབ་དགོས་པ་རྒྱ་གཞུང་ལ་གནོན་ཤུགས་སྤྲོད་དགོས་པའི་དགོས་འདུན་བཏོན་ཡོད་པ་མ་ཟད། སྤྱིར་བོད་ནང་བྱུང་བཞིན་པའི་གནམ་གཤིས་འགྱུར་ལྡོག་གི་རྒྱུ་རྐྱེན་དེ་རྒྱ་ནག་གཅིག་པུ་ལ་རག་ལུས་ཀྱི་མེད་ཀྱང་།  བོད་ཀྱི་ཁོར་ཡུག་ལ་དོ་ཕོག་འགྲོ་གཞི་ཆུ་མཛོད་གསར་རྒྱགས་དང་གཏེར་ཁ་བསྔོག་འདོན། དེ་བཞིན་བཙན་དབང་གིས་འབྲོག་པ་གཞིས་སྤོས་ཀྱི་ལས་གཞི་དེ་དག་རྒྱ་གཞུང་གིས་མཚམས་འཇོག་བྱ་དགོས་པའི་འོས་འགན་ཡོད་པ་ནན་བརྗོད་གནང་འདུག  མ་ཟད་ཁེ་ན་ཊ་བོད་རིགས་ཚོགས་པས་གལ་ཆེའི་རང་བཞིན་ལྡན་པའི་གོ་ལའི་གནམ་གཤིས་འགྱུར་ལྡོག་གི་གནད་དོན་དེ་འགྲོ་བ་མིའི་ཐོབ་ཐང་གི་གནད་དོན་དང་འབྲེལ་ཡོད་བསྙད་ནས་རྒྱ་གཞུང་གིས་བོད་མིའི་སྨྲ་བརྗོད་དང་གནས་ཚུལ་རྒྱུས་ལོན་བྱ་རྒྱུའི་རང་དབང་སོགས་ཀྱི་ཐད་ལ་དམིགས་བསལ་ཚད་འཛིན་བྱས་ཀྱི་ཡོད་པར་སྐྱོན་བརྗོད་དང་སྦྲགས། དེས་བོད་ནང་གི་མང་ཚོགས་ཚོའི་རང་དབང་སྲུང་སྐྱོབ་བྱ་རྒྱུར་དོ་ཕོག་ཆེན་པོ་གཏོང་བཞིན་ཡོད་པར་སེམས་འཚབ་གནང་བ་མ་ཟད། ཁེ་ན་ཌའི་གཞུང་ནས་རིང་མིན་རྒྱལ་སྤྱིའི་གོ་ལའི་གནམ་གཤིས་འགྱུར་ལྡོག་གི་ལྷན་ཚོགས་ཐོག་ཆེད་ཕེབས་གནང་མཁན་བོད་མིའི་སྒྲིག་འཛུགས་ཀྱི་སྐུ་ཚབ་དང་ལྷན་དུ་འབྲེལ་བ་གནང་དགོས་པའི་དགོངས་འཆར་ཡང་ཕུལ་འདུག

ཉན་པ།: Listen ཕབ་ལེན། Download རྒྱ་གར་གཞུང་ནས་བོད་ཐོག་འཛིན་པའི་ཆབ་སྲིད་ཀྱི་བཞེངས་ཕྱོགས་ལ་འགྱུར་བ་གཏང་རྒྱུ་མེད་པ་གསུངས་འདུག རྩྭ་མཆོག་གྲོང་དུ་ནང་པའི་དུས་སྟོན་ཞིག་གོ་སྒྲིག་ཞུས་པ། ཐར་ལོ་ཞེས་པའི་གློག་བརྙན་ལ་རྒྱལ་སྤྱིའི་གཟེངས་རྟགས་ཐོབ་པ། སྲིད་སྐྱོང་དང་སྤྱི་འཐུས་ཀྱི་འོས་ཤོག་གྲངས་བཤེར་དེ་རིང་ནས་དབུ་འཛུགས། འབྲས་སྤུངས་སུ་བསྔགས་ཀྱི་བགྲོ་གླེང་ཆེན་མོ་ཚོགས་འདུག དམིགས་བསལ་ལེ་ཚན། སྲིད་སྐྱོང་སྟག་བྲག་སྐབས་ཀྱི་བོད་ཀྱི་ཆབ་སྲིད་གནས་བབ། Monday 23/11/2015 Union Minister Kiran Rijiju says India shouldn’t change its political path on Tibet Buddhist Festival in Kushal Nagar Tibetan Filmmaker grabs coveted prize at Golden Horse Election Commission begins vote counting HISTORY FEATURE: Political situation of Tibet during Sikyong Taktra Rinpoche

དབུས་འོས་བསྡུ་ལས་ཁང་གིས་བཀའ་ཤག་སྐབས་བཅུ་དྲུག་གི་སྲིད་སྐྱོང་དང་སྐབས་བཅོ་ལྔ་པའི་བོད་མི་མང་སྤྱི་འཐུས་ཀྱི་སྔོན་འགྲོའི་འོས་གྲངས་ཇི་ཐོབ་བཤེར་གནང་འགོ་བཙུགས་ཡོད་པ་རེད། ཕྱི་ལོ་༢༠༡༦ལོའི་སྲིད་སྐྱོང་དང་སྤྱི་འཐུས་རྣམ་པའི་སྔོན་འགྲོ་འོས་བསྡུ་ཆེན་མོའི་ལས་རིམ་དེ་ཟླ་༡༠ཕྱི་ཚེས་༡༨ཉིན་ཡོངས་སུ་གྲུབ་ཟིན་ཡོད་པ་དང་། དབུས་འོས་བསྡུ་ལས་ཁང་ནས་བོད་མིའི་གཞིས་ཁག་ཚོར་ཇི་ལྟར་ཡོངས་ཁྱབ་ཀྱི་བཀོད་ཁྱབ་གནང་དོན་བཞིན།  ཟླ་བ་འདིའི་ཕྱི་ཚེས་༡༩ནང་ཚུལ་ལ་བོད་མིའི་གཞིས་ཁག་སོ་སོའི་ས་གནས་ཀྱི་སྔོན་འགྲོ་འོས་བསྡུའི་ལས་རིམ་ནང་སྲིད་སྐྱོང་དང་སྤྱི་འཐུས་རྣམ་པའི་འོས་གྲངས་ཇི་ཐོབ་ཀྱི་ཕྱོགས་བསྡོམས་གྲངས་འབོར་རྣམས་དབུས་འོས་བསྡུ་ལས་ཁང་དུ་ཕུལ་ཟིན་ཡོད་པ་རེད།  དེ་རིང་བོད་མིའི་སྒྲིག་འཛུགས་བཀའ་ཤག་ཡང་སྟེང་ཚོགས་ཁང་དུ་དབུས་འོས་བསྡུའི་ལས་ཁང་གི་འགན་འཛིན་ཤོ་ཟུར་བསོད་ནམ་ཆོས་འཕེལ་ལགས་གཙོས་པའི་འོས་བསྡུའི་ལས་འཕར་དྲུང་ཆེ་རྣམ་གཉིས་དང་།  དེ་བཞིན་ཆོལ་ཁ་དང་ཆོས་བརྒྱུད་རེ་ནས་སྤྱི་འཐུས་རྒྱུན་ལས་རེ་བཅས་ལྷན་འཛོམས་ཐོག་བོད་མིའི་གཞིས་ཁག་སོ་སོ་ནས་སྔོན་འགྲོ་འོས་བསྡུའི་སྐབས་འོས་གྲངས་ཇི་ཐོབ་ཀྱི་ཕྱོགས་བསྡོམས་འོས་གྲངས་ཁག་གྲངས་བཤེར་གནང་འགོ་བཙུགས་སོང་།  སྐབས་དེར་འོས་བསྡུའི་འགན་འཛིན་ཤོར་ཟུར་བསོད་ནམས་ཆོས་འཕེལ་ལགས་ཀྱིས་གསུངས་དོན་ལ།  དབུ་འོས་བསྡུ་ལས་ཁང་གི་ངོས་ནས་སྲིད་སྐྱོང་དང་སྤྱི་འཐུས་ཀྱི་སྔོན་འགྲོའི་འོས་བསྡུའི་གྲུབ་འབྲས་དེ་དག་ཕྱི་ཟླ་༡༢ཚེས་༤ཉིན་ཡོངས་ཁྱབ་ཀྱི་གསལ་བསྒྲགས་གནང་རྒྱུ་ཡིན་གསུངས་པ་དང་སྦྲགས། ལྷག་དོན་ཁོང་གིས་བོད་པའི་སྤྱི་ཚོགས་སྤྱི་ཡོངས་ཀྱི་ཁྲོད་ལ་འོས་བསྡུའི་ལས་རིམ་དང་འབྲེལ་བའི་གནད་དོན་ཁག་གི་ཐོག་ལ་ལབ་གླེང་ཡོང་གི་ཡོད་ཀྱང་། དབུས་འོས་བསྡུ་ལས་ཁང་དང་ས་གནས་གཉིས་ལ་མང་ཚོགས་ཀྱི་ཁྲོད་ལས་འོས་བསྡུའི་ལས་རིམ་དང་འབྲེལ་བའི་གནད་དོན་ཐད་ལ་མ་འགྲིག་པའི་ཞུ་གཏུགས་དཔང་རྟགས་དང་བཅས་ངོས་བཅར་གནང་མཁན་སུ་གང་ཡང་བྱུང་མ་སོང་ཅེས་གསུངས་སོ་།

རྒྱ་གར་དབུས་གཞུང་གི་ནང་སྲིད་བློན་ཆེན་གཞོན་པ་སྐུ་ཞབས་ Kiren Rijiju མཆོག་གིས་རྒྱ་གར་གཞུང་ནས་འཕགས་བོད་རྒྱལ་ཁབ་གཉིས་དབར་གྱི་དུས་ཡུན་རིང་པོའི་རིག་གཞུང་གི་འབྲེལ་བ་ལ་གཞིགས་ནས། བོད་ཐོག་འཛིན་པའི་ཆབ་སྲིད་ཀྱི་བཞེངས་ཕྱོགས་ལ་འགྱུར་བ་གཏང་རྒྱུ་མེད་པ་གསུངས་འདུག  དེ་ཡང་ཁ་ཉིན་རེས་གཟའ་སྤེན་པ་སྟེ་བོད་ཟླ་༡༠ཚེས་༡༠ཉིན་བཞུགས་སྒར་ཉེ་འཁྲིས་དཔལ་སྤུངས་ཤེས་རབ་གླིང་དགོན་དུ་འཕགས་ཡུལ་གདན་ས་དཔལ་སྤུངས་ཤེས་རབ་གླིང་གི་བསྟན་བདག་བྱམས་མགོན་ཏཱའི་སི་ཏུ་རིན་པོ་ཆེ་མཆོག་གིས་དབུ་བཞུགས་ཐོག དཔལ་སྤུངས་ལུགས་ཀྱི་ཚེས་བཅུའི་གུ་རུའི་གར་འཆམ་ཐེངས་བཅུ་པ་གཟིགས་འབུལ་ཞུས་ཡོད་པ་ལྟར། མཛད་སྒོའི་སྐུ་མགྲོན་དུ་རྒྱ་གར་གྱི་ནང་སྲིད་བློན་ཆེན་གཞོན་པ་སྐུ་ཞབས་ Kiren Rijiju མཆོག་གིས་དབུས་པའི་ཧི་མ་ཅལ་མངའ་སྡེའི་སྤྱི་ཁྱབ་བློན་ཆེན་ཟུར་པ་སྐུ་ཞབས་ Shanta Kumar མཆོག་སོགས་ཆེས་མཐོའི་དཔོན་རིགས་ཁག་ཅིག་ཕེབས་འདུག  སྐུ་ཞབས་ Kiren Rijiju མཆོག་གིས་སྐབས་དེར་རྒྱ་གར་དང་བོད་གཉིས་ཀྱི་ལོ་རྒྱུས་ཐོག་གི་འབྲེལ་བའི་གལ་གནད་སྐོར་ལ་གསུངས་ཏེ། དབུས་གཞུང་ནས་བོད་ཐོག་འཛིན་པའི་ཆབ་སྲིད་ཀྱི་བཞེངས་ཕྱོགས་ལ་འགྱུར་གཏང་རྒྱུ་མེད་པ་དེ་ལྟར་ཡང། རྒྱ་གར་དང་བོད་ནི་ནང་པ་སངས་རྒྱས་པའི་རྗེས་འབྲང་པ་དང་། སྟོན་པ་དེའི་ཆོས་ཉམས་ལེན་གནང་མཁན་གཅིག་པ་ཞིག་ཆགས་ཡོད་ཅིང་། ཁྱད་པར་དུ་འཕགས་བོད་གཉིས་དབར་ལ་བླ་སློབ་ཀྱི་འབྲེལ་བ་རྩ་ཆེ་ཞིག་གྲུབ་ཡོད་པ་མ་ཟད། ཆོས་ཕྱོགས་ཀྱི་འབྲེལ་བ་འདི་ནི་ཕྱོགས་གཉིས་ཀྱི་མཐུན་སྒྲིལ་གྱི་གཞི་རྟེན་ཞིག་ཀྱང་ཆགས་ཡོད་པ་གསུངས་འདུག  གུ་རུའི་གར་འཆམ་ཐེངས་བཅུ་པ་གཟིགས་འབུལ་ཞུས་པ་དེའི་ཐོག་ནས་འཕགས་ཡུལ་གདན་ས་དཔལ་སྤུངས་ཤེས་རབ་གླིང་གི་བསྟན་བདག་བྱམས་མགོན་ཏཱའི་སི་ཏུ་རིན་པོ་ཆེ་མཆོག་གིས་རྒྱ་གར་གཞུང་མང་ལ་ཐུགས་རྗེ་ཆེ་ཞུ་དང་སྦྲགས། རྒྱ་གར་གཞུང་གིས་རོགས་རམ་འོག་བཙན་བྱོལ་དུ་འབྱོར་རྗེས་དཔལ་སྤུངས་ཤེས་རབ་གླིང་དགོན་གསར་འཛུགས་ཐུབ་པ་བྱུང་ཡོད་པ་སོགས་བླང་དོར་བཀའ་སློབ་གནང་འདུག

  ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་གིས་རྒྱ་གར་གྱི་ནང་པའི་གནས་ཆེན་རྩྭ་མཆོག་དྲུང་དུ་ནང་པའི་དུས་སྟོན་ཐེངས་དང་པོ་ཚོགས་བཞིན་ཡོད་འདུག  དེ་རིང་སྔ་དྲོ་ཚོུད་ ༡༠།༠༠ ཐོག་ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་གཙོས་པའི་གཙུག་ལག་སློབ་ཁང་གཞན་ཁག་ཅིག་ནས་ཟུང་འབྲེལ་གནང་གི་འདུག་པ་མ་ཟད། བརྒྱུད་རིམ་དེའི་ཁྲོད་ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་ནས་གཙོ་བོ་བོད་ཀྱི་མཐུན་མོང་མ་ཡིན་པའི་ཐང་ཀ་དང་རྡུལ་ཕྲན་གྱི་དཀྱིལ་འཁོར་བཞེངས་སྐྲུན་སྐོར་གྱི་རིག་གཞུང་ངོ་སྤྲོད་གནང་རྒྱུ་དང། དེ་བཞིན་བོད་དོན་དང་འབྲེལ་བའི་དཔེ་དེབ་སོགས་འགྲེམས་སྟོན་གནང་པ་དང་ཆབས་ཅིག། ས་གནས་རྒྱ་གར་གྱི་ཡུལ་མི་ཚོར་རིན་མེད་ཐོག་བོད་པའི་སྨན་པ་བསྟན་གཏུགས་དང་བོད་ཀྱི་གསོ་བ་རིག་པའི་གསོལ་སྨན་སྦྱིན་གཏོང་གི་མཐུན་རྐྱེན་ཡང་སྦྱར་བཞིན་ཡོད་པ་རེད་འདུག

ཉན་པ།: Listen ཕབ་ལེན། Download གཟའ་འཁོར་གཅིག་གི་གསར་འགྱུར་བསྐྱར་ཞིབ། རྒྱ་ནག་ནང་གི་མནར་གཅོད་སྐོར་བསྐྱར་ཞིབ་ལས་རིམ་སྐོར། Sunday 22/11/2015 Week Review Over view on UN torture Committee’s review on China

ཉན་པ།: Listen ཕབ་ལེན། Download རྒྱ་གཞུང་ནས་རྒྱལ་སྤྱིའི་གསར་འགོད་པ་ལ་བོད་ཡར་རྒྱས་སྐོར་གསལ་བཤད་དགོས་པ་བརྗོད་འདུག ཞི་ཅིང་ཕིང་གིས་༸གོང་ས་མཆོག་དང་མཇལ་འཕྲད་ཞུ་མི་ནུས་པ་གང་ཡིན་ནམ་ཞེས་གསུངས་འདུག དགེ་ལུགས་པའི་འཇང་དགུན་ཆོས་ཆེན་མོ་དགའ་ལྡན་དུ་ཚོགས་བཞིན་པ། བོད་རིགས་གསར་འགོད་པ་ཁག་ཅིག་ལྡི་ལིར་སྐོར་བསྐྱོད་ལེགས་གྲུབ། གསུང་ཆོས་ལེ་ཚན། ཚེ་གཅིག་ལུས་གཅིག་ལ་སངས་རྒྱས་ཚུལ་སྐོར། Saturday 21/11/2015 China urges foreign Journalists to focus on development in Tibet Why can’t Xi shake the hands with Dalai Lama? Gaden monastery hosts annual winter debate Group of Tibetan journalists concludes Delhi tour Feature: Dalai Lama on ‘Enlightenment’