Monthly Archives: January, 2017

བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་བེུད་ནུས་སྟོབས་གོང་སྤེལ་ཚན་པས་གོ་སྒྲིག་འོག་རིང་མིན་ཕྱི་ཟླ་ ༢ པའི་ནང་བཞུགས་སྒར་དྷ་རྨ་ས་ལར་བེུད་ནུས་སྟོབས་གོང་སྤེལ་གྱི་ཚོགས་ཆེན་ཐེངས་དང་པོ་བསྐོང་ཚོགས་གནང་རྒྱུ་རེད་འདུག ཚོགས་ཆེན་དེ་ཟླ་བ་རྗེས་མའི་ཚེས་ ༢༡ ནས་ ༢༣ བར་ཉིན་གྲངས་གསུམ་རིང་འཚོགས་གཏན་འཁེལ་ཡོད་པ་དང་། དེའི་ཐོག་རྒྱ་བལ་འབྲུག་གསུམ་གཙོས་པའི་ཕྱི་རྒྱལ་ཁག་ནས་ཁྱོན་མཉམ་ཞུགས་བ་ ༢༨༠ ལྷག་ཙམ་ཆེད་བཅར་གནང་གི་ཡོད་པ་རེད་འདུག སྐབས་དེར་མཉམ་ཞུགས་བ་ཚོར་བོད་མིའི་སྒྲིག་འཛུགས་ཀྱི་བེུད་ནུས་ཤུགས་སྟོབས་གོང་མཐོར་གཏོང་རྒྱུའི་སྲིད་བྱུས་ཐོག་བསྐྱར་ཞིབ་གནང་པའི་ཡིག་ཆ་ཞིག་ངོ་སྤྲོད་གནང་རྒྱུ་གཙོས་པའི་སྲིད་བྱུས་ཀྱི་འབྲུ་དོན་རེ་རེ་བཞིན་ལག་བསྟར་ཚགས་ཚུད་ཇི་ལྟར་གནང་དགོས་མིན་གྱི་དགོངས་ཚུལ་བསྡུ་རུབ་གནང་རྒྱུ། མཉམ་ཞུགས་བ་རྣམས་ལ་འཛིན་སྐྱོང་འགན་ཁུར་གནང་ཕྱོགས་དང་འགོ་ཁྲིད། ཕོ་མོ་འདྲ་མཉམ་གྱི་ཐོག་ནས་སྤྱི་ཚོགས་ཡར་རྒྱས་ཀྱི་ཕྱོགས་སུ་གོམ་པ་མདུན་སྤོས་གནང་སྟངས་བཅས་ཀྱི་བརྗོད་གཞི་ཁག་ལ་བགྲོ་གླེང་གནང་རྒྱུ་རེད་འདུག

  ཟླ་བ་འདིའི་ཕྱི་ཚེས་ ༢༢ ཉིན་ནས་དབུ་འཛུགས་ཀྱིས་རྒྱ་གར་ལྷོ་ཕྱོགས་འབྲས་སྤུངས་དགོན་པར་ཚད་མ་རྣམ་འགྲེལ་གྱི་འཇང་དགུན་ཆོས་ཆེན་མོ་ཐེངས་ ༢༧  དབུ་འཛུགས་གནང་ཡོད་པ་དང་། དུས་ཡུན་ཉིན་གྲངས་ ༢༢ རིང་ཚོགས་གནང་གི་ཡོད་པ་རེད། ཐེངས་འདིའིི་འཇང་དགུན་ཆོས་ནང་གདན་ས་ཆེན་པོ་གསུམ་གྱི་གྲྭ་ཚང་དྲུག་དང་བཀྲིས་ལྷུན་པོ། རྭ་སྟོད་གྲ་ཚང་།  དྷ་ས་ཁུལ་ནས་རྣམ་རྒྱལ་གྲྭ་ཚང་། ཚན་ཉིད་གྲྭ་ཚང་། རྒྱུད་སྟོད་གྲྭ་ཚང་།  ཧུན་སུར་རབ་རྒྱས་གླིང་གཞིས་ཆགས་ནས་རྫོང་དཀར་ཆོས་སྡེ་གྲྭ་ཚང་། རྒྱུད་སྨད་གྲྭ་ཚང་། མ་ན་ལི་ནས་དྭགས་པོ་བཤད་སྒྲུབ་གླིང་དགོན།  བལ་ཡུལ་ནས་ཀོ་པན་འོག་མིནབྱང་ཆུབ་ཆོས་གླིང་དགོན་དང་སྒྲུབ་ཐོབ་དགོན་པ་བཅས་དགོན་ཁག་ ༡༦ ནས་དགེ་འདུན་པ་ ༥༠༠༠ ཙམ་ནས་མཉམ་ཞུགས་གནང་ཡོད་པ་རེད་འདུག འཇང་དགུན་ཆོས་དེ་ནི་རྒྱ་གར་གྱི་དཔལ་ན་ལེནྡྲའི་སློབ་དཔོན་ཆེན་མོ་དཔལ་ལྡན་ཕྱོགས་ཀྱི་གླང་པོས་ཐུགས་སྨོན་གནང་པ་ལས་བྱུང་བའི་ངོ་མཚར་ཅན་གྱི་ལོ་རྒྱུས་ཡོད་པ་དང་། དེ་སྔ་བོད་དབུས་ལྷ་ས་ཉེ་ཁུལ་རྭ་སྟོད་གྲྭ་ཚང་དང་ཆེས་ཉེ་བའི་འཇང་ཞེས་པའི་ས་གནས་སུ་ལོ་ལྟར་ཚོགས་སྲོལ་ཡོད་པ་ཞིག་ཡིན་པ་རེད། བོད་ལ་དུས་འགྱུར་བྱུང་རྗེས་བཙན་བྱོལ་ནང་ཕྱི་ལོ་ ༡༩༨༠ ནང་སླར་ཡང་མགོ་འཛུགས་ཀྱིས་ཚོགས་སྲོལ་གཏོད་པ་དང་ད་ལྟའི་ཆར་སྐབས་ ༢༧ བར་སླེབས་ཡོད་པ་དང་། དེའི་དགོས་དོན་གཙོ་བོ་ནི་སློབ་གཉེར་བའི་རིག་པ་དང་རྩོད་པ་གོང་འཕེལ་ཡོང་བར་ཆེད་དམིགས་གནང་པ་རེད་འདུག གདན་ས་འབྲས་སྤུངས་ལ་ཚད་མ་རྣམ་འབྲེལ་གྱི་འཇང་དགུན་ཆོས་ཚོགས་བཞིན་པ་དང་ཆབས་ཅིག་༸གོང་ས་༸སྐྱབས་མགོན་ཆེན་པོའི་དགོངས་གཞི་ལྟར་གདན་ས་དགའ་ལྡན་ལའང་དགེ་འདུན་པ་ ༥༠༠ ཙམ་ནས་དབུ་མ་དང་ཕར་ཕྱིན་ཐོག་རྩོད་པའི་ཆོས་ཐོག་ཆེན་མོ་ཞིག་གསར་དུ་འཚོགས་བཞིན་ཡོད་པ་རེད། གཞི་རྩའི་ཚེས་ ༢༢ ཉིན་འཇང་དགུན་ཆོས་ཀྱི་ཆེས་ཐོག་མའི་སྐབས་གདནས་འབྲས་སྤུངས་ཀྱི་མཁན་པོ་རྣམ་པ་གཉིས་དང་ཁྲིམས་བདག་དགེ་བསྐོས་གཉིས་བཅས་ཀྱིས་སྒྲིག་ལམ་ཀུན་སྤྱོད་ཁྱེར་ཕྱོགས་སྐོར་ལམ་སྟོན་གནང་ཡོད་པ་རེད། འཇང་དགུན་ཆོས་ཐེངས་ ༢༦ དེ་སྔ་ལོ་གདན་ས་དགའ་ལྡན་དུ་ཚོགས་ཡོད་པ་དང་ལོ་རྗེས་མའི་དགུན་ཆོས་ཐེངས་ ༢༨ དེ་སེ་ར་ཐེག་ཆེན་གླིང་དུ་འཚོགས་གཏན་འཁེལ་ཡོད་པ་མ་ཟད། སྐབས་དེར་ཕར་ཕྱིན་དང་དབུ་མའི་ཆོས་ཐོག་ཆེན་མོ་ཡང་མུ་མཐུད་འཚོགས་རྒྱུ་རེད་འདུག

ཉན་པ།: Listen ཕབ་ལེན། Download སྲིད་འཛིན་ཊམ་མཆོག་གིས་དབུ་ཁྲིད་པའི་ཨ་རི་དང་བོད་བར་གྱི་འབྲེལ་ལམ་མུ་མཐུད་རྒྱུན་སྐྱོང་གནང་པར་ཡིད་ཆེས་ཡོད་ཅེས་གསུངས་པ། རྒྱ་གཞུང་གིས་ཁྲིམས་ལུགས་རང་དབང་ལ་བརྩི་མེད་གཏོང་བཞིན་པར་སྐྱོན་བརྗོན། རྒྱ་གཞུང་གིས་བོད་ནང་ནོར་འཁྲུལ་ཤོར་བ་དེ་ཤིན་ཅང་ནང་བསྐྱར་ཟློས་བྱེད་པ་ཐེར་བཏོན་གནང་པ། གདན་ས་འབྲས་སྤུངས་དགོན་པར་འཇང་དགུན་ཆོས་ཐེངས་ ༢༧ འཚོགས་བཞིན་འདུག གླུ་གཞས་ལེ་ཚན། གཞས་པ་སྒྲ་སྙན་པ་སངས་ལགས་དང་གླེང་མོལ། Tuesday 24/01/2017 China abandoning rule of law, human rights lawyers say China Poised to Repeat Tibet Mistakes TPiE Congratulates US President Donald Trump 27th ‘Jang Gunchoe’ commences in Drepung MUSIC FEATURE: In conversation with singer ‘Dranyen Passang’

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་གྱི་རྒྱལ་ས་ལྡི་ལི་ནང་གི་མཛད་འཕྲིན་ཁག་ལེགས་པར་གྲུབ་བསྟུན། དེ་རིང་སྔ་དྲོ་བཞུགས་སྒར་རྡ་རམ་ས་ལར་༸ཞབས་སོར་བདེ་བར་འཁོད་སྐབས་བཞུགས་སྒར་ཕེབས་ལམ་གྱི་གཡས་གཡོན་དུ་ས་གནས་བོད་མི་གཙོས་རྒྱ་གར་གྱི་ཡུལ་མི་ཚོས་ལག་ཏུ་དཀར་གཙང་གི་མཇལ་དར་དང་དྲི་ཞིམ་གྱི་དུག་སྤོས་དང་བཅས་བསྣམས་ཏེ་དགའ་དད་སྤྲོ་གསུམ་གྱི་ངང་ནས་མགོན་པོ་མཆོག་ལ་ཕེབས་བསུ་གཟབ་རྒྱས་ཞུས་སོང། གཞི་རྩའི་༸གོང་ས་སྐྱབས་མགོན་ཆེན་པོ་མཆོག་གིས་ཟླ་ ༡༢ ཕྱི་ཚེས་ ༨ ཉིན་བཞུགས་སྒར་ནས་ཕེབས་ཐོན་གནང་སྟེ་མཛད་འཆར་ཐོག་མར་རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་སྲིད་འཛིན་གྱི་ཕོ་བྲང་ Rashtrapati Bhawan ནང་རྒྱ་གར་གྱི་སྲིད་འཛིན་སྐུ་ཞབས་ Pranab Mukherjee མཆོག་དང་མཇལ་མོལ་མཛད་པ་མ་ཟད། སྲིད་འཛིན་མཆོག་དང་ལྷན་རྒྱས་ཕྲུ་གུའི་བདེ་དོན་དང་འབྲེལ་བའི་ལྷན་ཚོགས་ཤིག་གི་དབུ་འབྱེད་དང་མཇུག་སྡོམ་གྱི་མཛད་སྒོར་དབུ་བཞུགས་མཛད་ཡོད་པ་དང་འདི་བཞིན་མང་ཚོགས་ལ་བཀའ་སློབ་དང་ཆོས་འབྲེལ་སོགས་མཛད་འཕྲིན་རྒྱ་ཆེ་བསྐྱངས་གནང་མཛད་ཡོད། ཕྱི་ཚེས་ ༡༣ ཉིན་མགོན་མཆོག་རྒྱ་གར་ལྷོ་ཕྱོགས་ཀ་ན་ཊ་ཀ་མངའ་སྡེའི་ནང་རྟེན་གཞི་བྱས་པའི་མེ་སོར་ཆེས་མཐོའི་གཙུག་ལག་སློབ་གཉེར་ཁང་གི་བསླབ་པ་མཐར་སོན་མཛད་སྒོར་དབུ་བཞུགས་གནང་པ་དང་ཏཱ་ལའི་བླ་མ་མཐོ་སློབ་ཁང་དབུ་འབྱེད་རབ་གནས་བཀྲིན་ཆེ་བ་བསྐྱངས་པ། སྦེང་ལོར་གྲོང་ཁྱེར་ནང་རྟེན་གཞི་བྱས་པའི་རྒྱ་གར་རྒྱལ་ཡོངས་ནང་གི་ཁྲིམས་ཀྱི་སློབ་གཉེར་ཁང་གི་དགེ་ལས་སློབ་མ་ཚོར་བཀའ་སློབ་བསྩལ་ཡོད། དེ་རྗེས་ཚེས་ ༡༦ ནས་ ༢༠ བར་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་དུ་བྱེས་ཀྱི་གདན་ས་འབྲས་སྤུངས་སུ་འབྲས་སྤུངས་དགོན་པ་ཕྱག་བཏབ་ནས་ལོ་ངོ་ ༦༠༠ འཁོར་བའི་མཛད་སྒོ་དང་བཙུན་དགོན་དྲུག་གི་ཆེས་ཐོག་མའི་དགེ་བཤེས་མ་ཐོན་མཁན་རྣམས་ལ་དགེ་བཤེས་མའི་ཕྱག་འཁྱེར་གསོལ་བསྩལ་མཛད་སྒོ། མོན་གྷོ་གཏན་སློབ་དབུ་བརྙེས་ཏེ་ལོ་ངོ་ ༥༠ ཐམ་པ་འཁོར་བའི་དུས་དྲན་མཛད་སྒོ། དེ་བཞིན་ཚན་རིག་བགྲོ་གླེང་བཅས་ཁག་སོ་སོའི་མཛད་སྒོར་དབུ་བཞུགས་ཀྱིས་བཀའ་བསྩལ་སོགས་ཀྱི་མཛད་འཕྲིན་སྣ་མང་བསྐྱངས་གནང་མཛད་ཡོད། དེ་བཞིན་༸གོང་ས་མཆོག་གིས་ཟླ་བ་སྔོན་མའི་ཚེས་ ༢༨ ཉིན་བྷི་ཧར་མངའ་སྡེའི་རྒྱལ་ས་པཊ་ནཱར་ཆིབས་བསྒྱུར་གྱིས་མངའ་སྡེའི་སྤྱི་ཁྱབ་བློན་ཆེན་མཆོག་དང་ལྷན་མཇལ་མོལ་གནང་ཡོད་པ་དང། དེ་ཉིན་གནས་མཆོག་རྡོ་རྗེ་གདན་དུ་༸ཞབས་སོར་བདེ་བར་འཁོད་གནང་མཛད་ཡོད་པ་རེད། ཕྱི་ལོ་གསར་བཞད་ཟླ་ ༡ ཚེས་ ༢ ཉིན་དབུ་འཛུགས་ཀྱིས་ཚེས་ ༡༤ བར་ཕྱི་ནང་གི་དད་ལྡན་ཆོས་ཞུ་བ་འབུམ་གཉིས་ལྷག་ལ་དཔལ་དུས་ཀྱི་འཁོར་དབང་ཆེན་ཐེངས་ ༣༤ བཀྲིན་བསྩལ་བ་གཙོས་ཁུལ་དེའི་ནང་མཛད་འཕྲིན་སྣ་མང་བསྐྱངས་གྲུབ་རྗེས་ཟླ་འདིའི་ཚེས་ ༡༦ ཉིན་མགོན་པོ་མཆོག་རྡོ་རྗེ་གདན་ནས་རྒྱ་གར་གྱི་རྒྱལ་ས་ལྡི་ལིར་ཆིབས་༸ཞལ་བསྒྱུར་གནང་མཛད་པ་དང་། ཁུལ་དེར་རྒྱ་གར་རྒྱལ་ཡོངས་བེུད་ཚོང་པ་ཚོགས་པའི་འཐུས་མི་བུད་མེད་ ༢༠༠ ལྷག་ལ་ནུས་སྟོབས་གོང་འཕེལ་གཏོང་བའི་ནུས་པའི་སྐོར་ལམ་སྟོན་བསྩལ་བ་མ་ཟད། རྒྱལ་ས་ལྡི་ལིར་རྟེན་གཞི་བྱས་པའི་ Mother’s International School དང་བོད་ཁྱིམ་སྡོད་ཁང་དུ་བོད་ཕྲུག་སློབ་མ་བཅས་ཁག་སོ་སོར་བཀའ་སློབ་བསྩལ་བ་བཅས་ཀྱིས་གཙོས་ད་བར་ཁྱོན་ཟླ་བ་གཅིག་དང་ཕྱེད་ལྷག་གི་རིང་རྒྱ་གར་གྱི་མངའ་སྡེ་གསུམ་ནང་གི་མཛད་འཕྲིན་ཁག་ལེགས་གྲུབ་ཀྱིས་དེ་རིང་བཞུགས་སྒར་དུ་༸ཞབས་སོར་བདེ་བར་འཁོད་གནང་མཛད་ཡོད་པ་རེད།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པ་མཆོག་རིང་མིན་ཟླ་ ༣ པའི་ནང་རྒྱ་གར་བྱང་ཤར་ཨ་རུ་ནཱ་ཅལ་མངའ་སྡེར་ཆིབས་བསྒྱུར་མཛད་ཀྱི་ཡོད་པ་ལྟར། ད་ཆ་མངའ་སྡེ་དེའི་སྤྱི་ཁྱབ་བློན་ཆེན་པདྨ་མཁའ་འགྲོ་མཆོག་གིས་མགོན་པོ་༸གང་ཉིད་མཆོག་རྟ་དབང་ཁུལ་དུ་ཆིབས་བསྒྱུར་གནང་རྒྱུ་ཐད་ཚ་ཚ་འུར་འུར་ངང་སྟ་གོན་གནང་བཞིན་འདུག དེ་ཡང་བརྒྱུད་ལམ་ཁག་ཏུ་གནས་ཚུལ་ཐོན་པར་གཞིགས་ཚེ་༸གོང་ས་༸སྐྱབས་མགོན་ཆེན་པོ་མཆོག་ལ་ཨ་རུ་ནཱ་ཅལ་མངའ་སྡེའི་སྤྱི་ཁྱབ་བློན་ཆེན་པདྨ་མཁའ་འགྲོ་མཆོག་གིས་ཇི་ལྟར་གསོལ་འདེབས་ཞུས་དོན་བཞིན། མགོན་པོ་༸གང་ཉིད་མཆོག་རིང་མིན་ཟླ་ ༣ པའི་ནང་ཨ་རུ་ནཱ་ཅལ་མངའ་སྡེར་བདུན་ཕྲག་གཉིས་རིང་ཆིབས་བསྒྱུར་གྱིས་མོན་རྟ་དབང་དང་རྒྱལ་ས་ཨི་ཏྲ་ན་གར། དེ་བཞིན་ཨ་རུ་ནཱ་ཅལ་མངའ་སྡེའི་ཤར་ཕྱོགས་རྫོང་སྡེ་ཁག་བཅས་ཀྱི་ནང་ལ་མཛད་འཆར་ཁག་ཅིག་བསྐྱང་གཏན་འཁེལ་ཡོད་སྟབས། ཁ་སང་ཟླ་ ༡ ཚེས་ ༢༢ ཉིན་སྤྱི་ཁྱབ་བློན་ཆེན་པདྨ་མཁའ་འགྲོ་མཆོག་གིས་རྟ་དབང་ནང་ཡོད་པའི་ཡིད་དགའ་ཆོས་འཛིན་དགོན་པར་ཆེད་ཕེབས་ཀྱིས་༸གང་ཉིད་མཆོག་གི་ཆིབས་བསྒྱུར་སྟ་གོན་དང་འབྲེལ་བའི་ལས་ གཞི་ཁག་གི་ཐོག་ལ་གཟིགས་ཞིབ་གནང་པ་དང་འབྲེལ་དེར་དགོས་གལ་གྱི་དགོངས་འཆར་རིགས་ཕུལ་འདུག་པ་མ་ཟད། དེ་རྗེས་སུ་ཁུལ་དེར་མགོན་པོ་༸གང་ཉིད་མཆོག་གི་དབུ་འབྱེད་གནང་ཡུལ་ High Altitude རྩེད་ཐང་གི་ Rostrum སྡིངས་ཆ་གསར་པར་ཞིབ་འཇུག་ཆེད་བསྐྱོད་འདུག སྐབས་དེར་པདྨ་མཁའ་འགྲོ་མཆོག་གིས་ཨ་རུ་ནཱ་ཅལ་མངའ་སྡེ་དེའི་ནང་ལ་གཞུང་གིས་འཆར་ལོ་ནས་ཁུལ་དེའི་ནང་གཞུང་གི་གཙུག་ལག་སློབ་གཉེར་ཁང་ཞིག་ཆེད་འཛུགས་གནང་གཏན་འཁེལ་ཡོད་ཀྱང་། ལས་གཞི་སྤྱི་ཡོངས་ལེགས་གྲུབ་ཟིན་པར་དུས་ཡུན་གང་ཙམ་འགོར་ངེས་ཡིན་པས་ལས་གཞི་དེ་མགོ་འཛུགས་དང་འབྲེལ་ཏེ་རྟ་དབང་ནང་ཡོད་པའི་གཞུང་གི་ HQ primary school  འམ་ཞི་རིམ་སློབ་གྲྭ་དང་དེ་བཞིན་ High Altitude  རྩེད་ཐང་གི་ཐོག་རྩེགས་མཐའ་མ་གཉིས་པོ་གཙུག་ལག་སློབ་ཁང་དེའི་འཕྲལ་གསལ་གྱི་བསྟི་གནས་ཤིག་གནང་ཐུབ་ཚེ་དགེ་མཚན་ཆེན་པོ་ཡོད་པར་དགོངས་འཆར་ཕུལ་འདུག རྩ་བའི་༸གོང་ས་༸སྐྱབས་མགོན་ཆེན་པོ་མཆོག་ད་ལན་ཨ་རུ་ནཱ་ཅལ་མངའ་སྡེར་ཆིབས་བསྒྱུར་བསྐྱང་རྒྱུའི་མཛད་འཆར་ཐོས་མ་ཐག་རྒྱ་ནག་གཞུང་གིས་རྒྱུན་ལྡན་ལྟར་སྐྱོན་བརྗོད་བྱས་པ་མ་ཟད། མགོན་པོ་མཆོག་ཁུལ་དེར་ཆིབས་བསྒྱུར་གནང་རྒྱུར་དགག་པ་ཡོད་ཅེས་བརྗོད་པ་དང་ཆིབས་ཅིག རྒྱ་གར་དང་རྒྱ་ནག་གཉིས་ཀྱི་ས་མཚམས་དཀའ་རྙོག་ཆེ་རུ་མི་གཏོང་བའི་རེ་བ་ཡོད་སྐོར་བརྗོད་ཡོད་པ་རེད། རྒྱ་གར་དབུས་གཞུང་གིས་རྒྱ་ནག་གཞུང་ནས་སྐྱོན་བརྗོད་བྱས་པར་ལྟོས་མེད་ཀྱིས་༸གོང་ས་མཆོག་ཨ་རུ་ནཱ་ཅལ་ནང་ཆིབས་བསྒྱུར་མཛད་པར་ཆོག་མཆན་ཕུལ་བ་དང་། ལྷག་དོན་རྒྱ་གར་དབུས་གཞུང་དང་ཡུལ་དེའི་ཕྱོགས་འགལ་སྲིད་དོན་ཚོགས་པ་གཉིས་ཀྱིས་ཨ་རུ་ནཱ་ཅལ་མངའ་སྡེ་ནི་རྒྱ་གར་གྱི་ཁ་བྲལ་ཐབས་མེད་པའི་ཆ་ཤས་ཤིག་ཡིན་པ་མ་ཟད། ༸གོང་ས་ཏཱ་ལའི་བླ་མ་མཆོག་ནིི་རྒྱ་གར་གཞུང་གི་ཆེས་བཀུར་འོས་པའི་སྐུ་མགྲོན་ཞིག་ཡིན་སྟབས།  ༸གོང་ས་མཆོག་རྒྱ་གར་གྱི་ས་ཕྱོགས་གང་དུ་ཆིབས་བསྒྱུར་མཛད་ཀྱང་ཐོབ་ཐང་ཡོངས་རྫོགས་མགོན་པོ་༸གང་ཉིད་མཆོག་ལ་ཡོད་པ་ལས་རྒྱ་ནག་ལ་དབང་མེད་ཅེས་ལན་འདེབས་གནང་ཡོད་པ་རེད། ཨ་རུ་ནཱ་ཅལ་མངའ་སྡེའི་སྤྱི་ཁྱབ་བློན་ཆེན་ལས་ཁུངས་ཀྱིས་ཀྱང་༸གོང་ས་༸སྐྱབས་མགོན་ཆེན་པོ་མཆོག་དེ་སྔ་བོད་ལ་དུས་འགྱུར་བྱུང་སྐབས་བོད་ནས་རྒྱ་གར་ལ་བྲོས་བྱོལ་ཕེབས་སྐབས་རྟ་དབང་བརྒྱུད་ནས་ཕེབས་ཡོད་པར་བརྟེན་ཨ་རུ་ནཱ་ཅལ་མངའ་སྡེ་དང་༸གོང་ས་མཆོག་གི་དབར་དམིགས་བསལ་གྱི་འབྲེལ་བ་ཞིག་ཡོད་ཅེས་རྒྱ་གཞུང་ལ་ནན་བརྗོད་གནང་ཡོད་པ་རེད། གཞི་རྩའི་༸གོང་ས་མཆོག་ཟླ་ ༣ པའི་ནང་ཨ་རུ་ནཱ་ཅལ་མངའ་སྡེར་ཆིབས་བསྒྱུར་མཛད་ཀྱི་ཡོད་པ་ནི་ཁུལ་དེར་ཆིབས་བསྒྱུར་བསྐྱང་ཐེངས་ ༢ ཆགས་ཀྱི་ཡོད་པ་དང་། དེ་སྔ་ ༢༠༠༩ ལོར་ད་ལྟའི་སྤྱི་ཁྱབ་བློན་ཆེན་པདྨ་འགྲོ་མཆོག་གི་ཡབ་དམ་པ་རྡོ་རྗེ་མཁའ་འགྲོ་མཆོག་མངའ་སྡེའི་སྤྱི་ཁྱབ་བློན་ཆེན་གནང་སྐབས་སུ་༸གོང་ས་མཆོག་ས་གནས་དེར་གདན་ཞུ་གནང་ཡོད་པ་རེད།

ཉན་པ།: Listen ཕབ་ལེན། Download ༸གོང་ས་མཆོག་གིས་བོད་རིགས་སློབ་མ་ལྔ་བརྒྱ་ལྷག་ལ་ལམ་སྟོན་བཀའ་སློབ་བསྩལ་བ། ༸གོང་ས་མཆོག་བཞུགས་སྒར་དུ་༸ཞབས་སོར་བདེ་བར་འཁོད་པ། ཨ་རུ་ནཱ་ཅལ་གཞུང་གིས་༸གོང་ས་མཆོག་གི་ཆིབས་བསྒྱུར་ཐད་སྟ་གོན་གནང་བཞིན་པ། སྲིད་འཛིན་ཊམ་མཆོག་ནས་འགྲོ་བ་མིའི་ཐོབ་ཐང་བརྒྱུད་རྒྱ་ནག་ལ་གདོང་ལེན་གནང་དགོས་པ་གསུངས་འདུག བལ་ཡུལ་གྱི་ཆུ་ལོག་ནི་བོད་མཐོ་སྒང་གི་འཁྱགས་རོམ་གས་ཐོར་ལས་བྱུང་བ། ཀོ་རི་ཡའི་སྨན་པ་ཁག་ཅིག་གིས་ལྷོ་ཕྱོགས་བོད་མི་གཞིས་སྒར་དུ་རིན་མེད་སྨན་བཅོས་གནང་པ། Monday 23/01/2017 Dalai Lama addresses Tibetan students at Delhi Dalai Lama returns to Dharamsala after month long trip to South India and Bodh Gaya Tawang readies for Dalai Lama's visit Trump should fight China by picking human rights: China Change GLOF in Tibet caused last year’s Bhote Koshi flood South Korean doctors hold free medical camp in South India

ཟླ་ ༡ ཚེས་ ༢༢ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་བོད་ཕྲུག་ཁྱིམ་སྡེ འི་མཐོ་རིམ་སློབ་མའི་སྡོད་ཁང་དུ་ཁུལ་དེར་སློབ་སྦྱོང་བྱེད་བཞིན་པའི་བོད་རིགས་མཐོ་རིམ་སློབ་གྲྭའི་སློབ་མ་དང་སྨན་ཞབས་པ་སོགས་ཁྱོན་བོད་རིགས་ན་གཞོན་ ༥༠༠ ལྷག་ལ་ལམ་སྟོན་བཀའ་སློབ་བཀྲིན་བསྩལ་ཡོད་པ་དང་།  ༸གོང་ས་མཆོག་གིས་ཆེས་ཐོག་མར་༸གང་ཉིད་མཆོག་གི་དགོངས་གཞི་ཆེན་པོ་གསུམ་པོ་ལས་དང་པོ་འགྲོ་བ་མི་ལ་གཅིག་མཚུངས་ཀྱི་བདེ་སྐྱིད་བསྐྲུན་ཐབས་སྐོར་ལ་འགྲེལ་བརྗོད་གནང་པར་ང་ཚོ་སེམས་ཅན་ཐམས་ཅད་ལ་བདེ་བ་འདོད་ཀྱི་ཡོད་ཀྱང་། དངོས་ཡོད་གནས་སྟངས་ཀྱི་ཆ་ནས་ང་ཚོས་འགྲོ་བ་མི་ཙམ་ལས་དུད་འགྲོ་ལྟ་བུའི་སེམས་ཅན་གཞན་ལ་དེ་ཙམ་ཕན་འདོགས་བྱེད་ཐབས་མེད་པ་དང།  ༸གང་ཉིད་མཆོག་གི་ངོས་ནས་རྒྱུན་དུ་གོ་སྐབས་ནམ་བྱུང་ལ་འགྲོ་བ་གཅིག་འགྱུར་ཡིན་པའི་འདུ་ཤེས་འཛིན་ཏེ་མིའི་རིགས་ལ་ལྷན་སྐྱེས་སུ་ཡོད་པའི་བརྩེ་བའི་རང་བཞིན་གྱི་ནུས་པ་ཡོད་པ་དང་། ལྷག་པར་དུ་སེམས་ཅན་གཞན་དང་མི་འདྲ་བར་འགྲོ་བ་མིའི་རིགས་ལ་ཆོས་རབ་ཏུ་རྣམ་འབྱེད་ཀྱི་རྣམ་དཔྱོད་བེད་སྤྱོད་པའི་ནུས་པ་ཞིག་ཡོད་པ་ལྟར།   ནུས་པ་དེའི་ཐོག་ནས་རང་གཞན་ཀུན་ལ་ཕན་ཐབས་ཡོང་བར་གནང་དགོས་གལ་ཡིན་སྐོར་ལམ་སྟོན་བསྩལ་ཡོད་པ་རེད། ༸གོང་ས་མཆོག་གིས་ཆོས་ལུགས་མཐུན་འབྲེལ་དང་འབྲེལ་བཀའ་བསྩལ་དོན་ལ་ཆོས་མི་འདྲ་བ་ཡོད་པ་རྒྱུ་མཚན་དུ་བྱས་ཏེ་དེང་སྐབས་འཛམ་གླིང་ནང་མི་ཕན་ཚུན་དབར་གསོད་རེས་ལྟ་བུ་ཡོང་གི་ཡོད་པ་དེ་ཧ་ཅང་ཐབས་སྡུག་པོ་རེད་ཅེས་བཀའ་གནང་པ་དང་ཆབས་ཅིག གཞི་རྩའི་ཆོས་ལུགས་ཚང་མའི་ལྟ་གྲུབ་མི་འདྲ་བ་ཡིན་ཀྱང་དམིགས་ཡུལ་བྱམས་བརྩེ་གོང་འཕེལ་ཡོང་ཐབས་ལ་ཆེད་དམིགས་གནང་པ་གཅིག་མཚུངས་ཡིན་སྟབས། ཆོས་ལུགས་ཕན་ཚུན་མཐུན་འབྲེལ་གནང་རྒྱུ་ནི་ཆེས་གནད་ཆེ་ཡིན་པར་ལམ་སྟོན་བསྩལ་སོང་བ་དང་། བོད་རིགས་ན་གཞོན་ཚོས་རྒྱུན་དུ་བོད་པ་གཅིག་པོ་ཡིན་པའི་བསམ་བློ་གུ་དོག་པོ་གཏོང་རྒྱུ་མེད་པར་རྒྱ་ཆེ་ས་ནས་བོད་པའི་ལོ་རྒྱུས་སུ་བྱུང་བའི་རྐྱེན་ངན་གྱི་གྱོང་གུན་ཆེན་པོ་དེ་དག་ལ་བསམ་བློ་གཏོང་དགོས་གལ་ཡིན་པ་སོགས་ལམ་སྟོན་མཛད་ཡོད་པ་རེད། གཞི་རྩའི་༸གོང་ས་༸སྐྱབས་མགོན་ཆེན་པོ་མཆོག་གིས་ཉེ་ཆར་དཔལ་དུས་ཀྱི་འཁོར་ལོའི་དབང་ཆེན་ཐེངས་ ༣༤ ལེགས་གྲུབ་མཛད་བསྟུན་གནས་མཆོག་རྡོ་རྗེ་གདན་ནས་རྒྱལ་ས་ལྡི་ལིར་༸ཞབས་སོར་བདེ་བར་འཁོད་ཡོད་པ་དང་།  ལྡི་ལིར་ཉིན་ཤས་རིང་བཞུགས་ཞག་མཛད་སྐབས་དེར་ཀླད་པའི་ཚན་རིག་པ་གྲགས་ཅན་སྐུ་ཞབས་  Richard Davidson  ལགས་ཀྱིས་དབུས་པའི་ཚན་རིག་པ་གཞན་ཁག་ཅིག་ནས་༸གང་ཉིད་མཆོག་གི་ཞལ་མཇལ་ཞུ་བར་ཕེབས་ཡོད་པ་དང་། ཁ་སང་གི་མཛད་རིམ་དེའི་ཐོག་མགོན་པོ་༸གང་ཉིད་མཆོག་གིས་སྐུ་ཞབས་ Richard Davidson ལགས་ལ་བོད་རིགས་སློབ་མ་ཚོར་གསུང་བཤད་གནང་དགོས་པར་བཀའ་མངགས་གནང་དོན་ལྟར་ཁོང་གིས་ཀྱང་བོད་རིགས་སློབ་མ་རྣམས་༸གོང་ས་མཆོག་དང་ཆེས་ཐོག་མ་ཕྱི་ལོ་ ༡༩༩༢ ལོར་མཇལ་ཁ་ཞུ་རྒྱུའི་གོ་སྐབས་བྱུང་ཡོད་པ་དང་།   དུས་དེ་ནས་བཟུང་ད་བར་ལོ་ ༢༥ རིང་མགོན་པོ་མཆོག་གི་ལྷན་དུ་གྲོས་མོལ་གནང་པའི་བརྒྱུད་ནང་པའི་སེམས་ཁམས་རིག་པའི་ལྟ་གྲུབ་དེའི་ཐོག་ནས་རང་ཉིད་སྒེར་ཙམ་མ་ཚད་འཛམ་གླིང་སྤྱིའི་བདེ་སྐྱིད་ལ་ཕན་རླབས་ཆེན་པོ་ཡོང་རྒྱུ་ཡིན་པའི་ངེས་རྙེས་བྱུང་བ་དང་། ལྷག་པར་ཁོང་སྒེར་ལ་ཆ་མཚོན་ནའང་ལྟ་གྲུབ་དེའི་ཐོག་ནས་སེམས་འགུལ་ཆེན་པོ་ཐེབས་ཡོད་སྐོར་སོགས་ངོ་སྤྲོད་གནང་ཡོད་པ་རེད། རྩ་བའི་ཁ་སང་གི་མཛད་རིམ་དེ་ལེགས་གྲུབ་ཟིན་རྗེས་བོད་རིགས་སློབ་མ་ཚོས་༸གོང་ས་༸སྐྱབས་མགོན་ཆེན་པོ་མཆོག་དང་ཀླད་པའི་ཚན་རིག་པ་སྐུ་ཞབས་ Richard Davidson ལགས་རྣམ་གཉིས་ལ་གནད་དོན་འདྲ་མིན་ཐོག་བཀའ་འདྲི་ཞུ་རྒྱུའི་གོ་སྐབས་ཀྱང་བྱུང་ཡོད་པ་རེད།

ཉན་པ།: Listen ཕབ་ལེན། Download བློ་གསར་གཞོན་ནུ། བོད་རྒྱའི་གནད་དོན་དང་མི་རབས་གསར་པའི་ལས་འགན་སྐོར་བགྲོ་གླེང་། Sunday 22/01/2017 Young Minds: Sino-Tibet Issue, Responsibility of the New Generation