Monthly Archives: January, 2017

༸གོང་ས་མཆོག་གིས་རྒྱ་གར་རྒྱལ་ཡོངས་བུད་མེད་ཚོང་པ་ཚོགས་པའི་འཐུས་མི་བུད་མེད་ ༢༠༠ ལྷག་ལ་ནུས་སྟོབས་གོང་འཕེལ་གཏོང་བའི་ནུས་པའི་སྐོར་ལམ་སྟོན་བསྩལ་ཡོད་པ་རེད། དེ་རིང་ཟླ་ ༡ ཚེས་ ༢༡ ཉིན་སྔ་དྲོ་ཚོུད་ ༡༠།༠༠ ཐོག་༸གོང་ས་མཆོག་གིས་རྒྱ་གར་རྒྱལ་ཡོངས་བུད་མེད་ཚོང་པ་ཚོགས་པས་ཇི་ལྟར་གསོལ་འདེབས་ཞུ་དོན་ལྟར། མགོན་པོ་༸གང་ཉིད་མཆོག་གིས་ལྡི་ལི་གསར་པའི་ FICCI ཚོགས་ཁང་དུ་གོ་ལ་འདིའི་སྟེང་ཡོད་པའི་མི་འབོར་དུང་ཕྱུར་ ༧༠ ལྷག་ཡོད་པ་དེ་དག་ཚང་མ་ལུས་དང་སེམས་ཚོར་བཅས་ཕྱོགས་གང་གི་ཆ་ནས་ཨ་མའི་བྱམས་སྐྱོང་འོག་འཚར་ལོངས་བྱུང་བ་གཅིག་མཚུངས་ཡིན་པ་མ་ཟད། ཚན་རིག་པ་ཚོས་ཀྱང་མིའི་ཆོས་ཉིད་དེ་ཞི་བདེ་ལྡན་པའི་རང་བཞིན་ཅན་ཞིག་ཡིན་པར་ངོས་འཛིན་གནང་གི་ཡོད་སྐོར་དྲན་སྐུལ་མཛད་པ་དང་སྦྲགས། ༸གང་ཉིད་མཆོག་གིས་༸སྐུ་སྒེར་མྱོང་བ་དང་སྦྱར་ནས་གསུངས་པར་ང་ཚོ་སེམས་ཅན་གཞན་དང་མི་འདྲ་བར་ཆོས་རབ་ཏུ་རྣམ་འབྱེད་ཀྱི་རྣམ་དཔྱོད་ཡོད་སྟབས། རྣམ་དཔྱོད་དེའི་བརྒྱུད་ནས་རྒྱུན་དུ་སེམས་བཟང་པོ་བྱ་ཚེ་རང་ཉིད་ཀྱི་ལུས་སེམས་གཉིས་ཀ་བདེ་ཐང་ཡོང་རྒྱུ་ཙམ་མ་ཟད། དེ་བཞིན་རང་ཉིད་ཀྱི་ནང་མི་སྐྱིད་པ་དང་ནང་གཅིག་གཉིས་ལས་རིམ་བཞིན་ནང་མི་བརྒྱ་བཅས་བརྒྱུད་ནས་སྤྱི་ཚོགས་ཁྱོན་ཡོངས་ལ་འགྱུར་བ་ཞིག་འགྲོ་ངེས་ཡིན་སྟབས། སྤྱི་ཚོགས་བདེ་སྐྱིད་ལྡན་པ་ཞིག་ཡོང་བར་ང་ཚོ་མི་རེ་ངོ་རེ་ལ་འོས་འགན་ཡོད་པ་ལྟར་འཛམ་བུ་གླིང་འདི་འགྱུར་བ་ཞིག་ཡོང་བར་དེ་མཚུངས་སུ་འགན་ཡོད་སྐོར་བཀའ་ནན་བསྩལ་སོང་། དེ་བཞིན་༸གོང་ས་མཆོག་གིས་སྐབས་རེ་ང་ཚོར་ངལ་བ་འཕྲད་ཚེ་སེམས་ཤུགས་ཆག་པ་ལྟ་བུ་བསྡད་ཀྱི་ཡོད་པ་རེད། གལ་སྟེ་འཛམ་བུ་གླིང་འདི་ཞི་བདེ་ལྡན་པ་ཞིག་དགོས་ཚེ་དེ་ལྟར་ཡོང་བར་ང་ཚོས་འབད་བརྩོན་གནང་དགོས་པ་ལས་གློ་བུར་དུ་གནམ་ནས་ལྷུང་བ་སོགས་ཡོང་རྒྱུ་མེད་སྟབས། ང་ཚོའི་ངོས་ནས་ངེས་པར་དུ་གོ་ལ་འདིའི་ཆ་ཤས་ཤིག་ཡིན་པའི་ཆ་ནས་འོས་འགན་ཞིག་ཡོད་པ་དང་དེའང་ལྷག་བསམ་རྣམ་དག་གིས་འགན་འཁྱེར་དགོས་པ་རེད་ཅེ་ལམ་སྟོན་མཛད་ཡོད་པ་རེད། ༸གང་ཉིད་མཆོག་གིས་ད་དུང་དེང་དུས་ཀྱི་ཤེས་ཡོན་ལམ་ལུགས་དེ་དངོས་པོའི་ལམ་ལུགས་ལ་བརྟེན་དྲག་ཡོད་སྐོར་བཀའ་སྩལ་བ་དང་ཆབས་ཅིག རྒྱ་གར་གྱི་གནའ་བོ་ནས་ཡོད་པའི་ཆོས་དང་མ་འབྲེལ་བའི་བཟང་སྤྱོད་དེ་དེང་སྐབས་ཀྱི་མིའི་བསམ་བློ་ཁྱེར་ཕྱོགས་དང་ཆེས་འཚམ་པོ་ཡོད་པ་སོགས་ཀྱི་ལམ་སྟོན་བཀའ་སློབ་རྒྱ་ཆེ་བསྩལ་ཡོད་པ་རེད། རྒྱ་གར་རྒྱལ་ཡོངས་བུད་མེད་ཚོང་པའི་ཚོགས་གཙོ་ཝི་ནི་ཏཱ་བིམ་བེཏ་ Vinita Bimbhet མཆོག་གིས་སྐབས་དེར་མགོན་པོ་༸གང་ཉིད་མཆོག་གི་༸སྐུའི་གསང་གསུམ་མཛད་འཕྲིན་ཁག་ལ་ཆེ་བསྟོད་ཞུས་པ་དང་། དེ་བཞིན་༸གང་ཉིད་མཆོག་དང་ཐུགས་ཉེ་ཡོད་པའི་རྒྱ་གར་གྱི་བི་ཇེ་པི་ཆབ་སྲིད་ཚོགས་པའི་སློབ་སྟོན་པ་སྐུ་ཞབས་ཨེལ་ཀེ་ཨཌ་ཝཱནི་མཆོག་གི་སྲས་མོ་པྲ་ཏི་བྷ་ཨཌ་ཝཱནི་མཆོག་གིས་ཀྱང་དེ་སྔོན་མགོན་པོ་མཆོག་དང་ཐེངས་འགའ་ཤས་རིང་ཞལ་མཇལ་ཞུ་རྒྱུའི་སྐལ་བཟང་གི་གོ་སྐབས་ཐོབ་སྐོར་བེུད་རྣམས་ལ་ངོ་སྤྲོད་གནང་ཡོད་པ་རེད། གཞི་རྩའི་༸གོང་ས་མཆོག་གིས་རྒྱ་གར་རྒྱལ་ཡོངས་བེུད་ཚོང་པ་ཚོགས་པའི་འཐུས་མི་བུད་མེད་ ༢༠༠ ལྷག་ལ་ནུས་སྟོབས་གོང་འཕེལ་གཏོང་བའི་ནུས་པའི་སྐོར་ལམ་སྟོན་བསྩལ་ཡོད་པ་དང་། དེ་བཞིན་ཉིན་རྒྱབ་ཏུ་༸གང་ཉིན་མཆོག་གིས་རྒྱལ་ས་ལྡི་ལིར་རྟེན་གཞི་བྱས་པའི་ Mother’s International School ཞེས་པའི་སློབ་གྲྭར་ཤེས་ཡོན་དང་འཇིག་བརྟེན་ཡ་རབས་ཞེས་པའི་བརྗོད་གཞིའི་ཐོག་དགེ་ལས་སློབ་ཕྲུག་རྣམས་ལ་བླང་དོར་གྱི་བཀའ་སློབ་བསྩལ་གནང་མཛད་ཡོད་པ་རེད། ཤེས་རྟོགས་བྱུང་བར་ཟླ་ ༡ ཚེས་ ༢༣ ཉིན་༸གོང་ས་མཆོག་རྒྱལ་ས་ལྡི་ལི་ནང་གི་མཛད་འཆར་ཁག་རེ་ཞིག་ལེགས་གྲུབ་ཀྱིས་མཁའ་ལམ་བརྒྱུད་བཞུགས་སྒར་དུ་ཕྱིར་༸ཞབས་སོར་འཁོད་གནང་མཛད་ཀྱི་ཡོད་པ་རེད།

ཉན་པ།: Listen ཕབ་ལེན། Download ༸གོང་ས་མཆོག་གིས་རྒྱ་གར་རྒྱལ་ཡོངས་བུད་མེད་ཚོང་པར་ནུས་སྟོབས་གོང་འཕེལ་གཏོང་པའི་ནུས་པའི་སྐོར་བཀའ་བསྩལ་མཛད་པ། རྒྱ་གར་གཞུང་གིས་རྒྱ་གཞུང་ནས་བོད་ནང་ཉེན་ཚབས་ཅན་གྱི་བྱ་སྤྱོད་སྤེལ་བཞིན་པར་སྟངས་འཛིན་གནང་དགོས། གོ་ལའི་ཚ་དྲོད་འཕར་བཞིན་པར་བརྟེན་གངས་གཟིག་རྣམས་རྩ་མེད་དུ་འགྲོ་སྲིད་པ་བརྗོད་འདུག ཅེཀ་སྤྱི་མཐུན་རྒྱལ་ཁབ་ཀྱི་གྲོས་ཚོགས་གོང་མའི་ཚོགས་གཞོན་དང་མཇལ་འཕྲད་ཀྱིས་བོད་དོན་སྙན་གསེང་། ཡུ་རོབ་གྲོས་ཚོགས་ཀྱི་ཚོགས་གཙོ་གསར་པར་འཚམས་འདྲི་གནང་པ། དམིགས་བསལ་ལེ་ཚན། ༸གོང་ས་མཆོག་གིས་རྟེན་འབྲེལ་བསྟོད་པའི་བཀའ་ཆོས་བསྩལ་བ། Saturday 21/01/2017 Dalai Lama interacts with hundreds of FICCI ladies in Delhi India should rein in China's dangerous antics in Tibet: Brahma Chellaney Representative Ngodup Dorjee meets Vice-President of Czech Republic Senate Leopards’ moving into snow leopard territory on Tibetan plateau as climate warms FEATURE: Dalai Lama’s teaching on ‘Tendrel Toepa’

ཉན་པ།: Listen ཕབ་ལེན། Download བོད་མིའི་སྒྲིག་འཛུགས་ཀྱིས་སྐུ་ཞབས་ཊམ་མཆོག་ནས་བོད་དོན་ལ་རྒྱབ་སྐྱོར་གནང་བའི་འབོད་སྐུལ། ༸གོང་ས་མཆོག་གི་༸སྐུ་པར་སྒྲིག་བཤོམ་མི་ཆོག་ཚུལ་བརྗོད་པ། ༸གོང་ས་མཆོག་གིས་རྒྱལ་ཁབ་གང་འདྲ་ཞིག་ཡིན་རུང་མི་མང་གི་རེད་ཅེས་བཀའ་བསྩལ་འདུག ཨ་རིའི་རྒྱལ་སྤྱིའི་ཆོས་དད་རང་དབང་སྲུང་སྐྱོབ་ཚན་པའི་འགན་འཛིན་མཆོག་ལ་སྣེ་ལེན་ཞུས་པ། དྷ་རྨ་ས་ལ་ཧི་མཱ་ཅལ་མངའ་སྡེའི་རྒྱལ་ས་གཉིས་པར་ངོས་འཛིན། བཙན་བྱོལ་བོད་མིའི་གནས་སྟངས་ངོ་སྤྲོད། བོད་པ་ཁ་ཆེའི་སྤྱི་ཚོགས་སྐོར། Friday 20/01/2017 CTA calls for continued support to Tibet from Trump China urges US to stop Taiwanese delegation from attending Trump's inauguration New Crackdown by China on Dalai Lama Photos 'World belongs to humanity': Dalai Lama ICT and OoT host reception for Dr. Tenzin Dorjee Dharamsala declared second capital of Himachal DIASPORA FEATURE: Tibetan Muslim Community

དེ་ཡང་ལོ་གསར་པ་ཤར་ལ་ཉེ་བའི་མཚམས་འདིར་མཚོ་སྔོན་ཞིང་ཆེན་ཕྱོགས་ཀྱི་དགོན་སྡེ་ཁག་ཏུ་ས་གནས་རྫོང་དང་ཡུལ་མཚོ་ཞིང་ཆེན་རིམ་པ་ཡན་གྱི་འགོ་ཁྲིད་རྣམས་ལྟ་སྐོར་དུ་ཡོང་ཡོད་པ་དང་། ལྟ་སྐོར་དུ་མ་ཡོང་བའི་སྔོན་ཚུད་ནས་དགོན་སྡེ་དེ་དག་གི་ནང་དུ་༸གོང་ས་མཆོ་གི་༸སྐུ་པར་སྒྲིག་བཤོམ་གནང་ཡོད་ཚེ་ངེས་པར་དུ་མར་ཕབ་དགོས་ཚུལ་གྱི་བཙན་བཀའ་བཏང་ཡོད་འདུག འདི་ག་རླུང་འཕྲིན་ཁང་ལ་ས་གནས་བོད་མི་ཞིག་གིས་གནད་དོན་གང་ཡིན་འགྲེལ་བརྗོད་གནང་པར་དེ་སྔ་མཚོ་སྔོན་ཞིང་ཆེན་ཁུལ་གྱི་དགོན་སྡེ་ཁག་ཅིག་གི་ནང་ལ་༸གོང་༸སྐྱབས་མགོན་ཆེན་པོ་མཆོག་གི་༸སྐུ་པར་བཤམས་ཏེ་དད་ལྡན་མང་ཚོགས་ཚོས་ཕྱག་མཆོད་འབུལ་གནང་བཞིན་ཡོད་ཀྱང་། ཉེ་ཆར་གནམ་ལོ་གསར་པ་མ་ཤར་བའི་སྔོན་དེར་རྫོང་དང་ཁུལ་ཞིང་ཆེན་བཅས་ཀྱི་ཆོས་ལུགས་ལས་དོན་ཁང་དང་སྤྱི་བདེ་ལས་ཁུངས་རྒྱ་གཞུང་ལས་བྱེད་ཚན་པ་ཞིག་དགོན་སྡེ་ཁག་ཏུ་ལྟ་སྐོར་དུ་བསྐྱོད་ཡོད་པ་མ་ཟད། ལྟ་སྐོར་མ་ཡོང་བའི་སྔོན་དུ་དགོན་པའི་ནང་ཡོད་པའི་༸གོང་ས་མཆོག་གི་༸སྐུ་པར་རྣམས་མར་ཕབ་དགོས་ཚུལ་བརྗོད་དོན་ལྟར་༸གང་ཉིད་མཆོག་གི་༸སྐུ་པར་མར་ཕབ་པའམ་༸སྐུ་པར་སྦས་ནས་བཞག་དགོས་བྱུང་ཡོད་པ་རེད་ཅེས་འགྲེལ་བརྗོད་གནང་སོང་། རྒྱ་གཞུང་ལས་བྱེད་དེ་དག་གིས་དགོན་སྡེ་ཁག་ནང་གི་གནས་སྟངས་ལ་རྟོག་ཞིབ་དང་དགོན་སྡེའི་ལས་བྱེད་རྣམས་བསྡུ་བསྐོང་གིས་རྒྱ་ནག་གི་ཆབ་སྲིད་བརྟན་ལྷིང་དང་། ཆོས་ལུགས་དད་པ་རང་མོས་སྲིད་བྱུས་ལ་བརྩི་སྲུང་འོག་དཀའ་ངལ་གང་ཞིག་ཡོད་ཀྱང་ཡར་ཞུས་ན་རོགས་རམ་བྱེད་རྒྱུ་ཡིན་པ་སོགས་ཀྱི་གཏམ་བཤད་བྱས་ཡོད་པ་རེད་འདུག ལྷག་པར་དུ་གསར་འགྱུར་བརྒྱུད་ལམ་ནས་གོང་ཁྲན་ཏང་གི་བཀའ་དྲིན་དང་སྲིད་གཞུང་གི་ལས་བྱེད་ཁག་གི་རོམས་རམ་འོག་དགོན་པ་ལྷིང་འཇགས་དང་དགེ་འདུན་པའི་བསླབ་པ་སློབ་གཉེར་ཡར་རྒྱས་སོང་ཡོད་པ་སོགས་ཀྱི་གསར་འགྱུར་རྫུན་མ་སྤེལ་འདུག་ཅེས་ཅེས་འགྲེལ་བརྗོད་གནང་སོང་། རྩ་བའི་སྤྱི་ལོ་ ༢༠༠༨ ལོས་ནས་ས་གནས་དེའི་དགོན་སྡེ་ཁག་ལ་དོ་དམ་ནན་པོ་བྱས་པ་དང་། དགོན་སྡེ་ཁག་དེ་དག་ནང་ལྟ་རྟོག་དོ་དམ་དམག་མི་ཞེས་པ་འགྲེམས་འཇོག་གིས་རྒྱུན་དུ་དགོན་པའི་དགེ་འདུན་པ་དང་ཆོས་ལུགས་ཀྱི་བྱེད་སྒོ་གང་སྤེལ་ཐོག་ལྟ་སྲུང་ནན་པོ་བྱས་ཤིང་། དགོན་པའི་བླ་སྤྲུལ་དང་མཁན་པོ་ཁྲི་འདོན་དང་དབང་ལུང་སོགས་ཆོས་ཕྱོགས་ཀྱི་བྱེད་སྒོ་གང་སྤེལ་ཡང་གོང་རིམ་གྱི་ཆོག་མཆན་མེད་ན་སྤེལ་མི་ཆོག་ཚུལ་བརྗོད་ནས་དམ་དྲག་ནན་པོ་བྱེད་བཞིན་ཡོད་པ་རེད།

ཁ་སང་ཟླ་ ༡ ཚེས་ ༡༩ ཉིན་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ཝིར་བྷ་དུ་སིངྒ་མཆོག་གིས་བཙན་བྱོལ་བོད་མིའི་བསྟི་གནས་བཞུགས་སྒར་དྷ་རྨ་ས་ལ་མངའ་སྡེ་འདིའི་རྒྱལ་ས་གཉིས་པར་ངོས་འཛིན་བྱ་རྒྱུ་ཡིན་ཅེས་ཡོངས་བསྒྲགས་གནང་འདུག དེ་ཡང་ཉེ་སྔོན་དྷ་རྨ་ས་ལར་ཚོགས་པའི་མངའ་སྡེའི་གྲོས་ཚོགས་མཐའ་མའི་སྐབས་ཐུགས་ཐག་བཅད་དོན་ལྟར། ཁ་སང་རེས་གཟའ་ཕུར་བུའི་ཉིན་སྤྱི་ཁྱབ་བློན་ཆེན་སྐུ་ཞབས་ Virbhadra Singh མཆོག་གིས་ཧི་མཱ་ཅལ་མངའ་སྡེའི་རྒྱལ་ས་ Shimla ནས་རྒྱང་ཐག་སྤྱི་ལེ་ ༢༥༠ སར་ཡོད་པའི་དྷ་རྨ་ས་ལའི་ལོ་རྒྱུས་དང་གལ་ཆེའི་རང་བཞིན་ཁག་ལ་གཟིགས་ནས་གྲོང་ཁྱེར་དེ་ལ་མངའ་སྡེའི་རྒྱལ་ས་གཉིས་པའི་གནས་བབས་ཐོབ་རྒྱུ་དེ་འོས་ཤིང་འཚམས་པ་ཞིག་ཆགས་ཡོད་ཅེས་གསུངས་པ་མ་ཟད། དྷ་རྨ་ས་ལ་ནི་ཧི་མཱ་ཅལ་མངའ་སྡེའི་ Kangra རྫོང་གཙོས་པའི་ Chamba དང་ Hamirpur དེ་བཞིན་ Una བཅས་ཀྱི་རྫོང་ཁོངས་དེ་དག་ལ་དམིགས་བསལ་གལ་གནད་དང་རིན་ཐང་ཆེན་པོ་ཆགས་ཡོད་སྟབས། ད་ལན་གྱི་གྲོས་ཚོགས་ནང་དྷ་རྨ་ས་ལ་ཧི་མཱ་ཅལ་མངའ་སྡེའི་རྒྱལ་ས་གཉིས་པར་ངོས་འཛིན་བྱུང་བ་ཞིག་རེད་ཅེས་གསུངས་ཡོད་པ་རེད། དེ་བཞིན་སྐུ་ཞབས་ཝིར་བྷ་དུ་སིངྒ་མཆོག་གིས་དྷ་རྨ་ས་ལ་ཧི་མཱ་ཅལ་མངའ་སྡེའི་རྒྱལ་ས་གཉིས་པར་ངོས་འཛིན་གནང་རྒྱུའི་ཐུགས་ཐག་བཅད་པ་དེས་གྲོང་ཁྱེར་དེའི་ནང་གནས་སྡོད་གནང་བཞིན་པའི་ས་གནས་ཡུལ་མིར་ཁེ་ཕན་ཡོད་པ་མ་ཟད། ཁོང་རྣམས་གཞུང་འབྲེལ་ལས་དོན་ཆེད་ཐག་རིང་སར་ཡོད་པའི་ཤིམ་ལར་བསྐྱོད་མི་དགོས་པའི་གནས་སྟངས་ཤིག་ཆགས་ངེས་ཡིན་པ་སོགས་གསུངས་འདུག སྤྱི་ཁྱབ་བློན་ཆེན་མཆོག་གིས་ད་དུང་དྷ་རྨ་ས་ལ་དེ་རྒྱ་གར་གྱི་ས་བཀྲ་ནང་ནས་ཆེས་མངོན་གསལ་ཆགས་ཡོད་པ་མ་ཟད། དེའི་ནང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཞུགས་གནས་ཡོད་པ་བཅས་ཀྱི་གལ་ཆེའི་རྒྱུ་མཚན་ཁག་ལ་བརྟེན་ནས་འཛམ་གླིང་ཁྱོན་ཡོངས་ཀྱི་མི་དམངས་རྣམས་ནས་དོ་སྣང་ཆེན་པོ་དང་ཡུལ་སྐོར་སྤྲོ་འཆམ་པ་ཕོན་ཆེ་ཡོང་ས་གནད་ཆེ་ཞིག་ཡིན་པ་གསུངས་ཡོད་པ་རེད། རྩ་བའི་བཞུགས་སྒར་དྷ་རྨ་ས་ལ་ནི་ཧི་མཱ་ཅལ་མངའ་སྡེའི་ཀང་ར་རྫོང་ཁོངས་ཀྱི་ཁྱབ་ཁོངས་རི་རྒྱུད་གྲོང་ཁྱེར་ཞིག་ཡིན་པ་དང་དེའི་ནང་༸གོང་ས་༸སྐྱབས་མགོན་ཆེན་པོ་མཆོག་གི་བཞུགས་གནས་༸རྒྱལ་བའི་ཕོ་བྲང་དང་བོད་མིའི་སྒྲིག་འཛུགས་ཀྱི་བསྟི་གནས་བཅས་ཡོད་པ་མ་ཟད། ཕྱི་ལོ་ ༢༠༠༥ ལོར་གྲོང་ཁྱེར་དེའི་ནང་ཧི་མཱ་ཅལ་མངའ་སྡེའི་དགུན་དུས་གྲོས་ཚོགས་ཆེས་ཐོག་མ་བསྐོང་ཚོགས་གནང་ནས་ད་བར་ཁྱོན་དགུན་དུས་གྲོས་ཚོགས་ཐེངས་ ༡༢ ཚོགས་ཟིན་པ་དང་། ལྷག་དོན་སྔ་ལོ་ཟླ་ ༥ པའི་ནང་དྷ་རྨ་ས་ལ་དེ་བསྐྱར་དུ་དེང་དུས་ཅན་གྱི་གྲོང་ཁྱེར་འཛུགས་བསྐྲུན་ལས་གཞིའི་ཁོངས་སུ་བདམས་ཐོན་གྱིས་ལས་གཞི་དེའི་ཆེད་དྷ་རམ་ས་ལ་ས་གནས་སུ་ཧིན་སྒོར་ས་ཡ་ཆིག་སྟོང་གནང་རྒྱུ་ཡིན་པའི་གསལ་བསྒྲགས་ཀྱང་གནང་ཡོད་པ་རེད།  

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཨ་རིའི་སི་ཨེན་ཨེན་གསར་ཁང་གི་བཅར་འདྲི་དང་ལེན་མཛད་སྐབས་འཛམ་གླིང་འདིའི་ནང་ཡོད་པའི་རྒྱལ་ཁབ་གང་འདྲ་ཞིག་ཡིན་རུང་གཙོ་བོ་མི་མང་གི་རེད་ཅེས་བཀའ་བསྩལ་འདུག དེའང་ཟླ་བ་སྔོན་མའི་ནང་༸གོང་ས་༸སྐྱབས་མགོན་ཆེན་པོ་མཆོག་རྒྱ་གར་ལྷོ་ཕྱོགས་བྱེས་ཀྱི་གདན་ས་འབྲས་སྤུངས་དགོན་པར་ཚན་རིག་གི་ཚོགས་འདུ་ཐོག་དབུ་བཞུགས་མཛད་པ་དང་བསྟུན། ཨ་རིའི་སེ་ཨེན་ཨེན་ CNN གསར་ཁང་གི་གསར་འགོད་པ་སཱན་ཇེ་གུཔ་ཏཱ་ལགས་ཀྱིས་མགོན་པོ་༸གང་ཉིད་མཆོག་ལ་བཀའ་འདྲི་ཞུས་པའི་བརྙན་པར་གྱི་ཚན་པ་ཞིག་ཉེ་ཆར་བརྒྱུད་ལམ་ཁག་ཏུ་འདོན་སྤེལ་གནང་འདུག སྐབས་དེར་གསར་འགོད་པ་སཱན་ཇེ་ལགས་ཀྱིས་ཨ་མི་རི་ཀའི་སྲིད་འཛིན་གསར་པ་སྐུ་ཞབས་ཌོ་ནལ་ཊམ་མཆོག་གི་གཞུང་འཛིན་ཐོག་ལ་༸གང་ཉིད་མཆོག་ནས་གཟིགས་ཚུལ་གང་ཡོད་མེད་ཐོག་བཀའ་འདྲི་ཞུས་པར་མགོན་པོ་མཆོག་གིས་རྒྱལ་ཁབ་ཀྱི་སྲིད་འཛིན་ནི་ཧ་ཅང་གལ་ཆེན་པོ་ཡིན་པ་དང་། དེའང་གཙོ་བོ་འཛམ་གླིང་འདི་འགྲོ་བ་མི་ཚང་མར་བདག་པ་ཞིག་རེད། རྒྱལ་ཁབ་གང་འདྲ་ཞིག་ཡིན་རུང་མི་མང་གི་རེད། ཨ་རིའི་རྒྱལ་ཁབ་འདི་བཞིན་ཨ་རིའི་མང་ཚོགས་ཀྱི་རེད་ཅེས་བཀའ་བསྩལ་བ་དང་ཆབས་ཅིག ༸གང་ཉིད་མཆོག་གིས་ཨ་རི་དེ་འཛམ་གླིང་འདིའི་ནང་རང་དབང་ཐོག་ཤར་བསྐྱོད་བྱེད་མཁན་གྱི་རྒྱལ་ཁབ་ཅིག་ལ་ངོས་འཛིན་གནང་གི་ཡོད་པ་མ་ཟད། ལྷག་པར་དུ་ཨ་རི་ནི་མང་གཙོའི་རྒྱལ་ཁབ་ཅིག་དང་དབང་ཆ་གཅིག་བསྡུས་རིང་ལུགས་ཤིག་མིན་སྟབས། གང་ཟག་སྲིད་འཛིན་སྒེར་གཅིག་གིས་ཁྱད་པར་ཆེན་པོ་བཟོ་ཐུབ་ཀྱི་མེད་སྐོར་བཀའ་བསྩལ་འདུག ༸གོང་ས་མཆོག་གིས་དེ་སྔོན་ཨ་རིའི་རྒྱལ་ཁབ་ཀྱི་མི་ཐོག་གོང་མ་རྣམས་ནས་རང་དབང་། མང་གཙོ། ཁྲིམས་ལུག་དབང་འཛིན་བཅས་གཙོ་བོ་འཛིན་པ་གཞིར་བཞག་གིས་ད་ལན་མང་ཚོགས་ནས་གདམས་པའི་ཨ་རིའི་སྲིད་འཛིན་གསར་པ་མཆོག་གིས་ཀྱང་དེ་དག་གཙོ་འཛིན་ཐོག་རིང་མིན་སྲིད་གཞུང་དེའང་ཆིག་སྒྲིལ་དང་མཉམ་འབྲེལ་ཐོག་སྣེ་ཁྲིད་བྱ་རྒྱུའི་འོས་འགན་ཡོད་ཅེས་བཀའ་བསྩལ་འདུག ༸གོང་ས་མཆོག་གིས་བཀའ་འདྲིའི་ལས་རིམ་ཐོག་རྒྱལ་ཁབ་ཀྱི་དབུ་ཁྲིད་ནས་ཉིན་རེའི་འཛིན་སྐྱོང་ལས་དོན་ལ་འདོད་བློ་མ་ཁེངས་པར་ཁོང་ཁྲོའི་ནང་ལྷུང་བའི་མང་ཚོགས་ཚོར་ཐབས་ལམ་ལྔ་ལམ་སྟོན་གནང་ཡོད་པ་ལས། ཆེས་ཐོག་མར་རང་རྒྱུད་ལ་བྱམས་བརྩེའི་བློ་གོང་འཕེལ་གཏོང་རྒྱུ་དང། བྱམས་བརྩེའི་བློ་རྒྱུན་གནས་ཡོང་བར་བསམ་བློ་ནན་ཏན་གཏོང་དགོས་པ། བྱམས་བརྩེ་བློ་དེའི་བརྒྱུད་ནས་རང་རྒྱུད་ཀྱི་ཁྲོ་སེམས་མེད་པ་བཟོས་རྒྱུ་དང་གཞན་ལ་ཕན་པའི་ལས་དོན་བསྒྲུབ་རྒྱུའི་བསམ་བློ་འཁྱེར་དགོས་པ། འགྲོ་བ་མི་རྣམས་གཅིག་འགྱུར་གྱི་འདུ་ཤེས་འཛིན་དགོས་པ་བཅས་ལམ་སྟོན་གནང་པ་མ་ཟད། དེ་དག་རང་རྒྱུད་ལ་བརྟན་པོ་ཞིག་སྒོམ་ཐུབ་ཚེ་རང་ཉིད་ཀྱི་ཉེ་འཁོར་ལ་ངལ་བ་གང་ཞིག་འཕྲད་ཀྱང་སེམས་མ་འཁྲུགས་པར་དུས་ཀུན་ཏུ་བག་ཕེབས་དང་བདེ་སྐྱིད་ངང་གནས་ངེས་ཡིན་པ་གསུངས་འདུག

ཉན་པ།: Listen ཕབ་ལེན། Download སུད་སི་ནང་བསྐྱར་དུ་བོད་མི་ཞི་རྒོལ་བ་ཁག་ཅིག་འཛིན་བཟུང་། བཀྲ་ཤིས་དབང་ཕྱུག་ལགས་གློད་གྲོལ་དགོས་པའི་ལས་འགུལ་སྤེལ་བཞིན་པ། ནང་ཆོས་ནི་རྒྱ་གར་གྱི་འཇམ་པོའི་སྟོབས་ཤུགས་རེད་ཅེས་གསུངས་འདུག བཙན་བྱོལ་ནང་བོད་ཀྱི་རིག་རྩལ་འགྲན་སྡུར་ཚོགས་འཆར། འཕྲོད་བསྟེན་ཤེས་བྱ། ཕོ་བའི་ནད་རྟགས་དང་སྔོན་འགོག Thursday 19/01/2017 Several Tibetan protesters taken away by police in Geneva on Wednesday Tashi Wangchuk set to stand trial soon, rights groups call for his release Sikyong speaks at 7th Bharatiya Chhatra Sansad in Pune HRW highlights treatment of Chinese rights lawyer in detention Tibet’s Got Talent: auditions to begin soon HEALTH FEATURE: Dr. Rinzin Sangmo on Symptoms and Precaution of Gastroenteritis

ཁ་སང་ཚེས་ ༡༨ ཉིན་རྒྱ་ནག་གི་སྲིད་འཛིན་ཞི་ཅིང་ཕིང་ཇི་ནི་ཝ་གྲོང་ཁྱེར་དུ་འཛམ་གླིང་མཉམ་འབྲེལ་རྒྱལ་ཚོགས་ཀྱི་ལས་ཁུངས་སུ་འབྱོར་བསྟུན་ས་གནས་ཀྱི་བོད་མི་བཞི་ཙམ་གྱིས་སུད་སི་གཞུང་ནས་ཆོག་མཆན་གནང་མིན་ལ་ལྟོས་མེད་ཀྱིས་སྐད་འབོད་སོགས་ཞི་རྒོལ་གྱི་ལས་འགུལ་སྤེལ་སྟབས། དེ་མ་ཐག་ཁོང་རྣམས་ས་གནས་ཉེན་རྟོག་པས་འཛིན་བཟུང་བྱས་འདུག དེའང་སུད་སིའི་བརྒྱུད་ལམ་ཁག་ཏུ་གནས་ཚུལ་སྤེལ་བར་གཞིགས་ན། ཁ་སང་རྒྱལ་ཚོགས་ཀྱི་ལས་ཁུངས་མདུན་དུ་བོད་མི་ལས་འགུལ་བ་བཞིས་སྲིད་འཛིན་ཞི་ཅིང་ཕིང་དང་དེ་བཞིན་འཛམ་གླིང་དམག་ཆེན་གཉིས་པའི་སྐབས་སུ་ཇེའུ་མི་རིགས་རྩ་གཏོར་གཏོང་ཐབས་བྱེད་མཁན་ Hitler དང་གཅིག་མཚུངས་ངོས་འཛིན་གྱིས་ Xitler ཞེས་འབོད་སྟེ་ Arrest Xitler འམ་ཞི་ཅིང་ཕིང་འཛིན་བཟུང་བྱེད་དགོས་པ་དང། བོད་རང་བཙན་གྱི་ཡིག་སྦྱར་བསྣམས་ཏེ་ཞི་རྒོལ་གནང་འདུག་པ་དང། སྐབས་དེར་སུད་སིའི་ས་གནས་ཉེན་རྟོག་པ་ཉི་ཤུ་རྩ་གྲངས་ཤིག་གིས་ཁོང་རྣམས་རྣམས་འཛིན་བཟུང་བྱས་འདུག སྤྱི་ཚོགས་བརྒྱུད་ལམ་ཁག་གི་སྟེང་དུ་ལས་འགུལ་དེའི་ཁྲོད་བོད་མི་དེ་དག་ཉེན་རྟོག་པས་འཛིན་བཟུང་བྱས་རྗེས་ཉེ་འགྲམ་དུ་ཡོད་པའི་ཉེན་རྟོག་རླངས་ནང་དུ་བཅུག་པ་མངོན་རྒྱུ་འདུག་པ་དང་དེ་བཞིན་བོད་མི་ཁེར་རྐྱང་ཞིག་གིས་བོད་ཀྱི་རྒྱལ་དར་མཁའ་དབྱིངས་སུ་འཕྱར་ནས་ངོ་རྒོལ་སྐད་འབོད་གནང་པར་ཉེན་རྟོག་པས་འཛིན་བཟུང་བཙན་ཁྲིད་བྱེད་བཞིན་པ་ཡང་མངོན་རྒྱུ་འདུག Swiss ནང་དུ་རྟེན་གཞི་བྱས་པའི་ཡུ་རོབ་ན་གཞོན་ཚོགས་པའི་གསར་འགོད་འབྲེལ་མཐུད་པ་མིག་དམར་སྒྲོལ་མ་ལགས་ཀྱིས་བརྒྱུད་ལམ་ཁག་ལ་འགྲེལ་བརྗོད་གནང་པར་སྐད་འབོད་ནང་མཁན་བོད་མི་དེ་དག་ཚོགས་པ་དེའི་ཚོགས་མི་ཡིན་པ་དང། ཁོང་ཚོ་ཉེ་སྔོན་ཚེས་ ༡༥ ཉིན་རྒྱལ་ས་ Bern ནང་དུ་ངོ་རྒོལ་གནང་མཁན་ཁོངས་སུ་ཡོད་པ་མ་ཟད། སྐབས་དེར་ཉེན་རྟོག་པས་ཁོང་རྣམས་འཛིན་བཟུང་གིས་ཚོུད་གསུམ་རིང་བཀག་བསྐྱིལ་གནང་ཡོད་སྐོར་གསུངས་འདུག ད་དུང་ཁོང་གིས་གནད་དོན་དེ་ནི་འགྲོ་བ་མིའི་ཐོབ་ཐང་དང་རང་དབང་གི་ངོ་བོ་མཚོན་པའི་ Geneva ནང་དུ་བྱུང་བ་ནི་ཧ་ཅང་གི་བློ་ཕམ་གནས་ཚུལ་ཞིག་རེད་ཅེས་གསུངས་འདུག དེ་བཞིན་ཁ་ཉིན་ཚེས་ ༡༧ ཉིན་ Geneva ནང་དུ་ Swiss གཞུང་གིས་ཆོག་མཆན་གནང་པའི་ཐོག་བོད་མིས་ངོ་རྒོལ་སྐད་འབོད་ཀྱི་ལས་འགུལ་སྤེལ་གྲུབ་མཚམས་ཕྱི་དྲོ་བོད་མི་ ༡༦ གིས་ཁུལ་དེའི་ Lausanne མེ་འཁོར་འབབ་ཚུགས་བརྒྱུད་ Zurich ལ་ཕྱིར་ལོག་བྱེད་སྐབས་ཉེན་རྟོག་པས་འཛིན་བཟུང་བྱས་པའི་གནས་ཚུལ་ཐོན་འདུག དེ་ཉིན་རྒྱ་ནག་གི་སྲིད་འཛིན་ཞི་ཅིང་ཕིང་ Davos ནས་ Geneva ནང་དུ་མེ་ཁོར་འབབ་ཚུགས་དེར་འབྱོར་གྱི་ཡོད་སྟབས། སུད་སིའི་བརྒྱུད་ལམ་ཁག་ཏུ་གནས་ཚུལ་འཁོད་པར་ཉེན་རྟོག་པ་རྣམས་ནས་བོད་མི་ཚོས་ངོ་རྒོལ་གནང་སྲིད་པར་དོགས་གཞིའི་འོག་འཛིན་བཟུང་བྱས་འདུག འོན་ཀྱང་བོད་མི་རྣམས་ནས་རྒྱ་ནག་གི་སྲིད་འཛིན་འབབ་ཚུགས་དེར་འབྱོར་གྱི་ཡོད་པ་ཤེས་ཀྱི་མེད་པ་རེད་ཅེས་བཀོད་འདུག  གནད་དོན་དེ་དང་འབྲེལ་ Swiss དང་ Lechtenstien བོད་རིགས་ཚོགས་པའི་ཚོགས་གཙོ་བསྟན་འཛིན་སྙིང་པོ་ལགས་སུ་བཅར་འདྲི་ཞུས་པར་ཁོང་གིས་ད་རེས་སུད་སི་གཞུང་གིས་རྒྱ་ནག་ལ་ཧ་ཅང་བསྟུན་དྲག་པའི་རྐྱེན་བོད་མིི་ཚོའི་ཞི་རྒོལ་ལ་བཀག་སྡོམ་གནང་པར་བློ་ཕམ་ཡོད་ཅེས་གསུངས་སོང་། དེའི་ཁྲོད་ TibetTruth ཞེས་པའི་དྲ་རྒྱའི་ཐོག་བོད་དོན་ལས་འགུལ་སྤེལ་མཁན་ཚོགས་པ་དེས་ Swiss གཞུང་འཛིན་པ་རྣམས་ལ་དྲ་རྒྱའི་ཐོག་ཡོངས་བསྒྲགས་ཕྱག་བྲིས་ཤིག་འདོན་སྤེལ་གནང་འདུག་པ་དང་། དེའི་ནང་ད་ལན་ Swiss གཞུང་གིས་ཕྱི་ཚེས་ ༡༥ ཉིན་རྒྱལ་ས་ Bern ནང་ཞི་ཅིང་ཕིང་འབྱོར་སྐབས་ཁུལ་དེའི་རྒྱ་མི་རིགས་རྣམས་ལ་ཕྲེད་དར་དང་རྒྱ་ནག་གི་དར་ཆ་དམར་པོ་ཁྱེར་ནས་གྲོང་ཁྱེར་ནང་གང་འདོད་བྱེད་བཅུག་ཀྱང་། ས་གནས་གཞུང་གིས་ས་གནས་བོད་མི་རྣམས་ལ་ཞི་ཅིང་ཕིང་ཁུལ་དེར་མ་འབྱོར་བའི་སྔོན་ཚོད་དུ་ངོ་རྒོལ་སྐད་འབོད་གནང་རྒྱུའི་ཆོག་མཆན་སྤྲོད་པ་ལས་དེ་མིན་བཀག་སྡོམ་གནང་པ་དང་། སྐབས་དེར་བོད་མི་ཁག་ཅིག་གིས་ལས་འགུལ་འཕར་མ་སྤེལ་བར་དྲག་གཅོད་པ་ལྟ་བུའི་ཉེན་རྟོག་པས་བཀག་འགོག་དང་། ཁང་རྩེགས་སྟེང་མེ་མདའ་འཁྱེར་མཁན་ Sniper བཞག་ཡོད་པ་སོགས་མངོན་བཏོན་གྱིས་མི་རིགས་དབྱེ་འབྱེད་ཀྱི་བྱ་སྤྱོད་སྤེལ་ཡོད་པ་ཐེར་བཏོན་གནང་པ་དང་འབྲེལ་ཏེ་སུད་སི་གཞུང་གི་ངོས་ནས་གནད་དོན་དེ་དག་ཐོག་ལན་འདེབས་གསལ་པོ་ཞིག་གནང་དགོས་པའི་རེ་འདུན་ཞུས་འདུག དེ་བཞིན་ཨ་རིའི་ནང་དུ་རྟེན་གཞི་བྱས་པའི་འགྲོ་བ་མིའི་ཐོབ་ཐང་རྟོག་ཞིབ་ཚོགས་པའི་རྒྱ་ནག་ངེས་སྟོན་པ་ Sophie Richardson ལགས་ཀྱི་རང་ཉིད་ཀྱི་འཕྲུལ་བྱའམ་ Twitter ཐོག་ཞི་ཅིང་ཕིང་རྒྱལ་ཚོགས་ནང་སླེབས་སྐབས་རྒྱལ་ཚོགས་ཀྱི་ངོས་ནས་འགྲོ་བ་མིིའི་ཐོབ་ཐང་ཞེས་ཚིག་སྐམ་པོ་གཅིག་ཀྱང་གླེང་སློང་བྱེད་མེད་པར་སྐྱོན་བརྗོད་དང་སྦྲགས། ཞི་ཅིང་ཕིང་ནི་༸གོང་ས་༸སྐྱབས་མགོན་ཆེན་པོ་མཆོག་ལ་འཇིགས་སྐུལ་བ་རེད་ཟེར་མཁན་ཞིག་དང་།  བོད་དང་ Xinjiang ནང་དུ་མང་ཚོགས་ཀྱི་འགྲོ་བ་མིའི་ཐོབ་ཐང་དམ་གནོན་བྱེད་མཁན་ཡིན་པ་མ་ཟད། ད་རེས་རྒྱལ་ཚོགས་ནང་དུ་འཇིགས་སྐུལ་བར་གདོང་ལེན་སོགས་ཀྱི་སྐོར་ལ་གཏམ་བཤད་སྤེལ་བཞིན་པར་འཕྱ་སྨོད་གནང་འདུག ལྷག་དོན་ཁོང་གིས་རྒྱལ་ཚོགས་ནང་དུ་རྒྱ་ནག་གི་ཆབ་སྲིད་དྲིལ་བསྒྲགས་བྱེད་བཞིན་པར་ལེགས་སྐྱེས་གང་ཕུལ་དགོས་སམ་ཞེས་དྲི་བ་བཏང་འདུག

བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ནང་ཆོས་ནི་རྒྱ་གར་གྱི་འཇམ་པོའི་སྟོབས་ཤུགས་ཤིག་ཡིན་པ་རེད་ཅེས་གསུངས་འདུག དེའང་བོད་མིའི་སྒྲིག་འཛུགས་ཀྱི་དྲ་གནས་ཐོག་གནས་ཚུལ་སྤེན་བར་གཞིགས་ཚེ། ཁ་སང་ཚེས་ ༡༨ ཉིན་ བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་རྒྱ་གར་མཧཱ་རཱཤྐྲ་མངའ་སྡེའི་གྲོང་ཁྱེར་པུ་ནེར་རྟེན་གཞི་བྱས་པའི་རྒྱ་གར་སློབ་ཕྲུག་ཚོགས་པ་ Bharatiya Chhatra Sansad Foundation ཞེས་པའི་ལོ་འཁོར་ཚོགས་ཆེན་ཐེངས་བདུན་པའི་སྐུ་མགྲོན་དུ་མགྲོན་འབོད་གནང་དོན་ལྟར། ས་གནས་སློབ་ཕྲུག་གཙོ་བོར་འགྱུར་བའི་མང་ཚོགས་རྣམས་ལ་རྒྱལ་སྤྱིའི་གནས་བབ་ཐོག་ནས་རྒྱ་གར་གྱི་གོ་ས་བསྐྱར་གསོ་ཡོང་ཐབས་དང་རྒྱ་གར་གྱི་བླ་སྲོག་ན་ལེནྡྲའི་གནའ་རབས་ཀྱི་ལེགས་བྱང་སླར་གསོ་ཞེས་པའི་བརྗོད་གཞིའི་ཐོག་གསུང་བཤད་གནང་འདུག སྐབས་དེར་སྲིད་སྐྱོང་མཆོག་གིས་གོང་གི་བརྗོད་དང་འབྲེལ། ནང་ཆོས་ནི་རྒྱ་གར་གྱི་འཇམ་པོའི་སྟོབས་ཤུགས་ཡིན་པས་ནང་ཆོས་བརྒྱུད་རྒྱ་གར་གིས་ཨེ་ཤི་ཡ་སྤྱི་ཡོངས་ཀྱི་དབུ་འཕང་གོང་དུ་བསྟོད་ཐུབ་རྒྱུ་མ་ཟད། ལྷག་པར་དུ་རྒྱ་གར་རང་ཉིད་ཀྱི་གནས་སྟངས་དང་གནས་བབས་དེ་བཞིན་རྒྱལ་སྤྱིའི་ཐོག་རྩེ་མོར་སོན་པ་ཞིག་བཟོ་ཐུབ་ངེས་ཡིན་པ་གསུངས་འདུག སྲིད་སྐྱོང་མཆོག་གིས་ད་དུང་དེང་སྐབས་ནང་ཆོས་ཀྱི་འཇམ་པོའི་སྟོབས་ཤུགས་དེ་རྒྱལ་སྤྱིའི་ཐོག་རྒྱ་གར་ལས་རྒྱ་ནག་གིས་བེད་སྤྱོད་ཤུགས་ཆེ་བ་བྱེད་བཞིན་ཡོད་སྟབས། རྒྱ་ནག་གིས་ཁྱིམ་མཚེས་རྒྱལ་ཁབ་ཁག་གི་ནང་ཡོད་པའི་ནང་པའི་གནས་ཆེན་ཁག་ཉམས་གསོ་བྱས་པ་མ་ཟད། ནང་ཆོས་དང་འབྲེལ་བའི་བསྟི་གནས་ཁང་མང་དག་ཞིག་གསར་སྐྲུན་སོགས་བྱེད་བཞིན་པའི་བརྒྱུད་རྒྱལ་ཁབ་དེ་དག་ནས་རྒྱབ་སྐྱོར་ཐོབ་པ་ཙམ་མ་ཟད། རྒྱལ་སྤྱིའི་ནང་པའི་ཚོགས་ཆེན་སྐབས་སུའང་རྒྱ་ནག་ལ་རྒྱབ་སྐྱོར་བྱེད་མཁན་ཇེ་མང་དུ་འགྲོ་བཞིན་ཡོད་སྐོར་སོགས་འགྲེལ་བརྗོད་དང་སྦྲགས། གནས་སྟངས་དེ་འདྲ་ཞིག་འོག་ལ་རྒྱ་ནག་དེ་རྒྱ་གར་གྱི་ཁ་གཏད་ཞིག་ཀྱང་ཆགས་ཡོད་སྐོར་སོགས་གསུངས་ཡོད་པ་རེད་འདུག གཞི་རྩའི་གསུང་བཤད་ཀྱི་ལས་རིམ་དེའི་ཐོག་རྒྱ་གར་དང་འཇར་མན་ནི་སོགས་ཡུལ་གྲུ་འདྲ་མིན་ནས་སློབ་ཕྲུག་ ༡༠༠༠༠ ལྷག་མཉམ་ཞུགས་གནང་འདུག རྩ་བའི་རྒྱ་གར་སློབ་ཕྲུག་ཚོགས་པ་ Bharatiya Chhatra Sansad Foundation ཞེས་པའི་ཚོགས་པ་དེ་ནི་སྤྱི་ལོ་ ༢༠༡༡ ལོར་རྒྱ་གར་གྱི་ཤེས་རིག་མཁས་པ་སྐུ་ཞབས་ Rahul Karad ལགས་ཀྱིས་རྒྱ་གར་གཞོན་སྐྱེས་གཙོ་བོར་འགྱུར་པའི་ས་གནས་སློབ་ཕྲུག་རྣམས་ལ་ཆབ་སྲིད་ཀྱི་གོ་རྟོགས་དང་། ལྷག་པར་དུ་གཞོན་སྐྱེས་དེ་དག་རང་ཉིད་ཀྱི་སྤྱི་ཚོགས་ནང་ཞབས་ཕྱི་ཞུ་རྒྱུའི་འདུན་པ་བསྐྲུན་ཐབས་སོགས་ལ་དམིགས་ཏེ་ཆེད་བཙུགས་གནང་པ་ཞིག་རེད། ཚོགས་པ་དེ་ནི་རྒྱ་གར་རྒྱལ་ཡོངས་ནང་སློབ་ཕྲུག་ཚོགས་པ་ཆེ་གྲས་ཤིག་ཆགས་ཀྱི་ཡོད་པ་རེད།