Monthly Archives: April, 2017

སྒྲུབ་བརྒྱུད་བསྟན་པའི་གསལ་བྱེད་དཔལ་༸རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་གིས་སྐུ་ཉིད་བོད་ལ་བཞུགས་པ་ལས་རྒྱ་གར་ནང་དུ་ཕེབས་ཐུབ་པ་འདིས་ཕན་ཐོགས་ཆེ་བ་བྱུང་ཞེས་གསུངས་འདུག ཁ་སང་ཟླ་ ༤ ཚེས་ ༢༣ ཉིན་སྒྲུབ་བརྒྱུད་བསྟན་པའི་གསལ་བྱེད་དཔལ་༸རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་གི་ཕྱག་དེབ་གསར་པ་ཞིག་རྒྱ་གར་གྱི་རྒྱལ་ས་ལྡི་ལིར་དབུ་འབྱེད་གནང་ཡོད་པ་དང་། ཕྱག་དེབ་དེའི་མཚན་བྱང་ལ་ Interconnected: Embracing life in our Global Society ཞེས་གཅིག་ལ་གཅིག་བརྟེན་གྱི་གོ་ལོའི་སྤྱི་ཚོགས་དེའི་ནང་འགྲོ་བ་མིའི་མི་ཚེ་སྐྱེལ་སྟངས་སྐོར་ལ་ཆགས་ཀྱི་འདུག ད་རེས་ཀྱི་ཕྱག་དེབ་དེ་ནི་དེ་སྔ་ཕྱི་ལོ་ ༢༠༡༣ ལོར་རྒྱལ་དབང་ཀརྨ་པ་རིན་པོ་ཆེ་མཆོག་དང་། ཨ་རིའི་ California ནང་རྟེན་གཞི་བྱས་པའི་ Redlands གཙུག་ལག་སློབ་གཉེར་ཁང་གི་སློབ་མའི་དབར་ལ་ཟླ་བ་གསུམ་མན་ཙམ་རིང་ལ་དེང་སྐབས་སྤྱི་ཚོགས་ནང་དུ་འབྱུང་བཞིན་པའི་ཆོས་ལུགས་ཕན་ཚུན་དབར་སྡང་སེམས་དང་རྙོག་གླེང་། དེ་བཞིན་གཅིག་ལ་གཅིག་བརྟེན་གྱི་གོ་ལའི་སྤྱི་ཚོགས་སྐོར་གླེང་མོལ་གནང་པ་ཆེད་བསྒྲིགས་ཞུས་པའི་ཕྱག་དེབ་ཅིག་ཆགས་ཡོད་པ་རེད། རྒྱ་གར་གྱི་བརྒྱུད་ལམ་ཐོག་ཏུ་གནས་ཚུལ་བཀོད་པར་གཞིགས་ན། ཀརྨ་པ་རིན་པོ་ཆེ་མཆོག་གིས་ཁ་སང་ཕྱག་དེབ་དབུ་འབྱེད་ཀྱི་མཛད་སྒོར་རྒྱ་གར་རྒྱལ་ཁབ་འདི་སྐུ་ཉིད་གཙོས་པའི་སྐྱབས་བཅོལ་བོད་མི་ཡོངས་ཀྱི་སེམས་ནང་ལ་དམིགས་བསལ་ཞིག་ཏུ་ངོས་འཛིན་ཞུ་བཞིན་ཡོད་པ་དང་། ལྷག་པར་དུ་ད་བར་འདས་པའི་ལོ་ངོ་ ༡༧ རིང་ལ་སྐུ་ཉིད་རྒྱ་གར་ནང་དུ་བཞུགས་པའི་དུས་ཡུན་ནང་སྐུ་སྒེར་ལ་སྐུ་ངལ་དུ་མ་འཕྲད་ཡོད་པ་ལྟར། རྒྱ་གར་རྒྱལ་ཁབ་ཀྱི་ངོས་ནས་ཀྱང་སྐུ་ཉིད་ལ་བཟོད་བསྲན་དང་ཆོས་ཕྱོགས་ཀྱི་བྱེད་སྒོ་ཁག་གོང་འཕེལ་ཡོང་རྒྱུར་ཕན་ཐོགས་ཆེན་པོ་བྱུང་སོང་ཞེས་གསུངས་འདུག དེ་བཞིན་འདོན་སྤེལ་གནང་པའི་ཕྱག་དཔེ་དེའི་ནང་དུ་ཀརྨ་པ་རིན་པོ་ཆེ་མཆོག་གིས་སྐུ་ཉིད་བོད་ལ་བཞུགས་པ་ལས་རྒྱ་གར་ནང་དུ་ཕེབས་ཐུབ་པ་འདིས་ཕན་ཐོགས་ཆེ་བ་བྱུང་བ་མ་ཟད། དེའི་བརྒྱུད་ནས་ཕྱི་ཕྱོགས་ལ་མི་སྣ་མང་པོ་ཞིག་དང་ཐུག་འཕྲད་བྱུང་བ་དང་འདི་བཞིན་སྐུ་ཉིད་ལ་མྱོང་བ་གསར་པ་བྱུང་ཞེས་གསུངས་འདུག ཀརྨ་པ་རིན་པོ་ཆེ་མཆོག་གིས་བརྡ་འཕྲིན་དུས་ཚོད་འདིའི་ནང་དུ་མི་ཕན་ཚུན་དབར་ལ་ཚད་མཐོའི་འབྲེལ་ལམ་ཙམ་མ་ཟད། དྲ་རྒྱའི་བརྒྱུད་ལམ་འདིའི་ཐོག་ནས་ཕན་ཚུན་དབར་གཅིག་ལ་གཅིག་བརྟེན་ཆགས་པ་དེ་དེ་བས་ཀྱང་མངོན་གསལ་དོད་པོ་ཆགས་ཡོད་པ་རེད། འོན་ཀྱང་དེ་ལྟ་བུའི་འཕྲུལ་རིགས་དང་ཕྱི་ཚུལ་གྱི་འབྲེལ་ལམ་གཅིག་པོས་འདང་ངེས་ཤིག་མེད་སྟབས། དྲ་ཐོག་གྱི་འབྲེལ་ལམ་ལས་ནང་སེམས་ཀྱི་བརྒྱུད་ནས་མི་ཕན་ཚུན་དབར་ལ་སེམས་ཐག་ཉེ་བའི་འབྲེལ་ལམ་བཞག་དགོས་པ་རེད། དེ་ལྟར་བྱུང་ཚེ་འགྲོ་བ་མི་ཕན་ཚུན་དབར་ལ་གཅིག་ལ་གཅིག་བརྟེན་ཡིན་པའི་འདུ་ཤེས་ཀྱི་ཚོར་བ་ཞིག་ཡོང་ཐུབ་ཀྱི་རེད་ཅེས་གསུངས་འདུག

ཉན་པ།: Listen ཕབ་ལེན། Download བཙན་བྱོལ་བོད་མིའི་ཁྲིམས་ཞིབ་པ་ཟུར་པ་བྱ་དུར་བཟང་པོ་ལགས་སུ་བོད་ནང་ཁྲིམས་ལུགས་དར་ཚུལ་སྐོར་དམིགས་བསལ་བཅར་འདྲི་ཞུས་པའི་ལེ་ཚན། Sunday 23/04/2017 Judiciary System in early Tibet: Former Tibetan Chief Justice Commissioner, Jadur Sangpo

འཇམ་དགོན་རྒྱལ་བའི་རྒྱལ་ཚབ་དགའ་ལྡན་ཁྲི་ཐོག་ ༡༠༣ རྗེ་བཙུན་བློ་བཟང་བསྟན་འཛིན་མཆོག་ཁ་སང་ཟླ་ ༤ ཚེས་ ༢༡ མཚན་མོ་རྒྱ་གར་གྱི་རྒྱལ་ས་ལྡི་ལིའི་མེཀ་སི་སྨན་ཁང་དུ་དགུང་གྲངས་ ༨༠ སྟེང་དགོངས་པ་ཆོས་དབྱིངས་སུ་ཐིམ་འདུག རྩ་བའི་རིན་པོ་ཆེ་མཆོག་སྔ་ལོ་ ༢༠༡༦ ལོའི་ཟླ་ ༡༠ ཚེས་ ༡༩ ཉིན་དགའ་ལྡན་ཁྲི་ཐོག་ ༡༠༣ པར་བསྐོ་གཞག་གནང་པ་དང་ཕྱི་ཟླ་ ༡༡ ཚེས་ ༥ ཉིན་དངོས་སུ་ཁྲི་སྟོན་མངའ་གསོལ་ཡོད་པ་རེད། རིན་པོ་ཆེ་མཆོག་གིས་དེ་སྔ་འདི་ག་རླུང་འཕྲིན་ཁང་གི་བཅར་འདྲི་ཞིག་གི་ནང་། ༸གོང་ས་མཆོག་གིས་ཁོང་དགའ་ལྡན་ཁྲི་པར་བསྐོ་གཞག་མཛད་པ་དེས་ཐུགས་དགྱེས་ཚོར་ཆེན་པོ་བྱུང་བ་གསུངས་བ་དང་ཆབས་ཅིག དགའ་ལྡན་ཁྲི་པའི་མཛད་འགན་གཙོ་བོ་ནི་རི་བོ་དགེ་ལུགས་པ་ཡོངས་ཀྱི་ཆོས་སྲིད་གཉིས་ཀྱི་བྱ་བ་མཐའ་དག་དང་བསླབ་པ་སློབ་གཉེར་ཡར་རྒྱས་གཏང་རྒྱུར་ཐུགས་འགན་གཙོ་བཞེས་གནང་དགོས་ཀྱི་ཡོད་པ་སོགས་བཀའ་ལན་བསྩལ་ཡོད། དགའ་ལྡན་ཁྲི་ཐོག་ ༡༠༣ རྗེ་བཙུན་བློ་བཟང་བསྟན་འཛིན་མཆོག་ནི་ཁམས་ཡ་ར་ཞེས་པར་སྐུ་འཁྲུངས་པ་དང་། ཆུང་དུས་ཡ་ར་ཚེམ་དགོན་པར་རབ་ཏུ་བྱུང་ཞིང་། དགུང་ལོ་ ༡༦ ཐོག་དབུས་ཕྱོགས་སུ་ཕེབས་ནས་འབྲས་སྤུངས་བློ་གསལ་གླིང་དུ་ཆོས་ཞུགས་ཀྱིས་གཞུང་ཆེན་དག་ལ་སློབ་གཉེར་གནང་འདུག ༡༩༥༩ ལོར་བོད་ལ་དུས་འགྱུར་བྱུང་སྐབས་བཙན་བྱོལ་དུ་ཕེབས་ནས་སྦག་ས་ཆོས་སྒར་དུ་མུ་མཐུད་སློབ་གཉེར་གནང་པ་དང་། དེ་རྗེས་མོན་གྷོ་འདོད་རྒུ་གླིང་བོད་མིའི་གཞིས་ཆགས་ཀྱི་གཞིས་གྲོང་དང་པོ་ནང་དུ་གང་ཙམ་བཞུགས་འདགུ དེ་རྗེས་༸གོང་ས་མཆོག་གིས་བཀའ་འབྲེལ་ལྟར་འབྲས་སྤུངས་བློ་གསལ་གླིང་གྲྭ་ཚང་གི་སྒྲིག་ཁོངས་སུ་ཞུགས་ནས་མུ་མཐུད་སློབ་གཉེར་གནང་པ་མ་ཟད། སྔ་ཕྱིར་གྲྭ་ཚང་གི་ཕྱག་མཛོད་དང་གྲྭ་ཚང་གི་ཞིང་ལས་བྱེད་མཁན་གྱི་རྒྱ་དཔོན་དང་བཅུ་དཔོན། དགེ་བསྐོས་སོགས་ལས་གནས་མང་དག་གི་ཐུགས་འགན་བཞེས་འདུག དགེ་བཤེས་ལྷ་རམས་པའི་མཚན་རྟགས་བཞེས་གནང་སྟེ་རྒྱུད་སྟོད་ཚང་དུ་ལོ་གཅིག་རིང་སྔགས་ཀྱི་སློབ་གཉེར་གནང་ཞིང་སྔགས་རམས་པའི་མཚན་རྟགས་བཞེས་གནང་འདུག་པ་མ་ཟད། སླར་འབྲས་སྤུངས་ལ་ཕེབས་ནས་སློབ་མ་སྟོང་ཕྲག་མང་པོར་དཔེ་ཁྲིད་གནང་ནས་བཞུགས་འདུག དེ་རྗེས་༸གོང་ས་མཆོག་གིས་རྒྱུད་སྟོད་བླ་མ་དབུ་མཛད་ཀྱི་ཕྱག་རྟགས་ཕེབས་དོན་ལྟར་བླ་མ་དབུ་མཛད་ལོ་གསུམ་དང་མཁན་པོ་ལོ་གསུམ་བཅས་གནང་ཡོད་པ་རེད་འདུག གཞན་ཡང་རིན་པོ་ཆེ་མཆོག་ཨོ་སི་ཊོ་ལི་ཡ་དང་ཧྥ་རན་སི། སུད་སི་སོགས་ཕྱིའི་ཡུལ་གྲུ་ཁ་ཤས་ལ་གདན་ཞུ་ཕུལ་བ་བཞིན་ཕེབས་ནས་ནང་ཆོས་འཆད་ཁྲིད་གནང་འདུག ཕྱི་ལོ་ ༢༠༠༣ ལོར་༸གོང་ས་༸སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་དུ་ཤར་པ་ཆོས་རྗེའི་མཚན་གནས་བསྩལ་འདུག་པ་དང་། དུས་དེ་ནས་བཟུང་ཉེ་ཆར་དགའ་ལྡན་ཁྲི་པའི་ཕྱག་རྟགས་མ་བསྩལ་བར་ལོ་ངོ་ ༡༤ རིང་ཤར་པ་ཆོས་རྗེའི་མཚན་གནས་བཞེས་གནང་ཡོད་པ་རེད།

ཉན་པ།: Listen ཕབ་ལེན། Download གཟའ་འཁོར་གཅིག་གི་གལ་ཆེའི་གསར་འགྱུར་བསྐྱར་ཞིབ། གློག་བརྙན་བཟོ་སྐྲུན་པ་ཨན་ཇ་ཚང་བསོད་ནམས་ལགས་དང་བཅར་འདྲི། Saturday 22/04/2017 Week Review Interview with Tibetan film maker,Sonam Anjatsang

ཉན་པ།: Listen ཕབ་ལེན། Download ས་ཆར་མིང་གསར་པ་བཏགས་པ་ཙམ་གྱིས་ཁོང་ཚོར་བདག་དབང་ཡོད་པས་ཁྱབ་པ་མེད་གསུངས་འདུག མོ་དྷི་མཆོག་ནས་༸གོང་ས་མཆོག་ལ་རྒྱ་གར་གྱི་ཆེས་མཐོའི་གཟེངས་རྟགས་ཕུལ་དགོས་པའི་འབོད་བསྐུལ། དབང་ཕྱུག་ཚེ་བརྟན་གྱི་སྡེ་བའི་ཡུལ་མི་ཚོར་རྒྱལ་གཅེས་ཆོས་གཅེས་ཀྱི་སློབ་གསོ་སྤེལ་བཞིན་འདུག རྒྱ་གཞུང་གིས་བོད་ནང་དགའ་འོས་པ་བཞི་ཞེས་པའི་སློབ་གསོ་ལས་འགུལ་སྤེལ་བཞིན་ཡོད་པ། བཙན་བྱོལ་བོད་མིའི་གནས་སྟངས་ངོ་སྤྲོད། ཟས་རིགས་ཚོང་གཉེར་བ་སྐལ་བཟང་ཟླ་བ་ལགས། Friday 21/04/2017 Inventing names of states of neighbor does not make illegal occupation legal: India to China Online petition urges Indian PM to honor Dalai Lama with Bharat Ratna award China begins political reeducation to Kardze Tibetans after Wangchuk Tseten’s immolation Ideological campaigns begin in TAR aimed at diluting the impact of religion DIASPORA FEATURE: Tibetan Ration Store owner Kelsang Dawa

  ཉེ་ཆར་ཟླ་བ་འདིའི་ཕྱི་ཚེས་ ༡༥ ཉིན་དཀར་མཛེས་རྫོང་ཐོག་ཏུ་རྒྱལ་གཅེས་པ་དབང་ཕྲུག་ཚེ་བརྟན་ལགས་ཀྱིས་རང་ལུས་མེར་སྲེག་གནང་ཏེ་རྒྱ་གཞུང་གིི་དབང་བསྒྱུར་སྲིད་བྱུས་ལ་ངོ་རྒོལ་གནང་པའི་ཉིན་དེར་རྒྱ་གཞུང་གིས་ཁོང་གི་སྡེ་བའི་ནང་དམག་མི་འགྲེམས་འཇོག་གིས་དམ་དྲག་བྱས་པ་དང་། སྡེ་བའི་མི་མང་རྣམས་ཚོགས་འདུར་བསྐོང་ནས་རྒྱལ་གཅེས་ཆོས་གཅེས་ཟེར་བའི་སློབ་གསོ་སྤེལ་ཡོད་པ་རེད་འདུག རྒྱ་གཞུང་གིས་སྡེ་བའི་མི་མང་ཡོངས་རྫོགས་ཚོགས་འདུར་བསྐོར་ནས་རྒྱལ་གཅེས་ཆོས་གཅེས་ཀྱི་སློབ་གསོ་སྤེལ་བ་དང་འབྲེལ། ད་རེས་རང་ལུས་མེར་སྲེག་གནང་པའི་གནད་དོན་ལ་བརྟེན་ནས་སྲིད་གཞུང་གིས་སྡེ་བའི་ཡུམ་མི་ཚོར་སྤྲོད་བཞིན་པའི་མཐུན་རྐྱེན་རོགས་རམ་ཐམས་ཅད་བཀག་སྡོམ་བྱེད་རྒྱུ་མ་ཟད། སྡེ་བའི་མི་སུ་འདྲ་ཞིག་ཡིན་རུང་རྫོང་དང་ཡུལ་ཚོ་སོགས་ལ་འགྲོ་མི་ཆོག་པ་དང་། གལ་སྲིད་ངེས་པར་དུ་འགྲོ་དགོས་ཚེ་དེ་གར་འགྲེམས་འཇོག་འོག་ཡོད་པའི་དམག་མི་ལས་ཆོག་མཆན་ཡི་གེ་ཞུ་དགོས་པ་སོགས་བརྗོད་ཡོད་པ་རེད་འདུག སྐབས་དེའི་གནས་ཚུལ་རྒྱུས་མངའ་ཤེས་རྟོགས་ཡོད་པའི་བོད་མི་ཞིག་གིས་བརྗོད་གནང་དོན། རྒྱལ་གཅེས་པ་དབང་ཕྱུག་ཚེ་བརྟན་ལགས་ཀྱིས་རང་ལུས་མེར་སྲེག་གནང་སྐབས་ཀྱི་གནས་ཚུལ་གསལ་ཁ་གནང་པར་རྒྱལ་གཅེས་པ་དབང་ཕྱུག་ཚེ་བརྟན་ལགས་ཀྱིས་རང་ལུས་མེར་སྲེག་གནང་སྐབས་བོད་ནང་གི་སྔ་དྲོ་ཚོུད་ ༨།༠༠ ཡས་མས་ཡིན་པ་དང་མེར་སྲེག་མ་གནང་གོང་དུ་ཁོང་གིས་ས་སྣུམ་མང་པོ་འཐུངས་པ་མ་ཟད། ཁོང་གི་ཞལ་ནས་༸རྒྱལ་བ་རིན་པོ་ཆེ་༸སྐུ་ཚེ་ཁྲི་ལོར་བརྟན་པར་ཤོག་ཅེས་སྐད་འབོད་ཐེངས་ཁ་ཤས་གནང་རྗེས་ཐང་དུ་འགྱེལ་ཡོད་པ་དང་། དེ་མ་ཐག་རྒྱ་གཞུང་གི་དྲག་ཆས་དམག་མི་འབྱོར་ཏེ་མེ་བསད་དེ་སྐུ་ལུས་བཙན་འཁྱེར་བྱས་ཡོད་པ་དང་ཕལ་ཆེར་སྐུ་འདས་གྲོངས་དུ་གྱུར་ཡོད་པར་ཚོད་དཔག་གནང་བཞིན་ཡོད་པ་འགྲེལ་བརྗོད་གནང་སོང་།

རྒྱ་ནག་གཞུང་ནས་རྒྱ་གར་བྱང་ཤར་ཨ་རུ་ནཱ་ཅལ་མངའ་སྡེའི་ས་གནས་ཁག་ཅིག་ལ་མིང་གསར་པ་བཏགས་ནས་ས་གནས་དེའི་བདག་དབང་ཡོངས་རྫོགས་རྒྱ་ནག་རང་ཉིད་ལ་ཡོད་ཚུལ་བརྗོད་ཡོད་ཀྱང་། རྒྱ་གར་གཞུང་གིས་ཁྲིམས་མཐུན་ཐོག་ནས་ས་གནས་དེ་དག་གི་བདག་དབང་རྒྱ་ནག་ལ་ཡོད་པ་ཞིག་ཆགས་ཀྱི་མ་རེད་ཅེས་གསུངས་འདུག དེ་ཡང་ཉེ་ཆར་ཟླ་འདིའི་ཚེས་ ༡༤ ཉིན་རྒྱ་ནག་མི་མང་ཕྱི་སྲིད་ལྷན་ཁང་ནས་རྒྱ་གཞུང་གིས་བོད་ཀྱི་ལྷོ་ཕྱོགས་ཞེས་འབོད་བཞིན་པའི་རྒྱ་གར་བྱང་ཤར་ཁུལ་གྱི་ Arunachal མངའ་སྡེའི་ས་གནས་དྲུག་གི་མིང་གསར་པ་དེ་བོད་ཡིག་དང་རྒྱ་ཡིག དེ་བཞིན་དབྱིན་ཡིག་གསུམ་གྱི་ཐོག་དག་ཆ་དང་བཅས་པ་གཞུང་འབྲེལ་གྱི་གཏན་འབེབས་བྱས་པ་མ་ཟད། ས་གནས་དེ་དག་རྒྱལ་རབས་ལོ་རྒྱུས་དང་རིག་གཞུང་། དེ་བཞིན་འཛིན་སྐྱོང་བཅས་ཀྱི་ཐད་ནས་རྒྱ་ནག་གི་ཆ་ཤས་ཤིག་རེད་ཅེས་བརྗོད་པ་དང་འབྲེལ། ཁ་སང་ཚེས་ ༢༠ ཉིན་རྒྱ་གར་ཕྱི་སྲིད་ལྷན་ཁང་གི་མགྲིན་ཚབ་པ་སྐུ་ཞབས་ Gopal Baglay ལགས་ཀྱིས་གནད་དོན་དེའི་ཐད་ད་ལྟའི་ཆར་རྒྱ་ནག་གཞུང་དང་ལྷན་དུ་གཞུང་འབྲེལ་གྱི་གླེང་སློང་གང་ཡང་བྱུང་མེད་ཀྱང་། རྩ་བའི་རྒྱ་ནག་གཞུང་གིས་རང་ཉིད་ཀྱི་ཁྱིམ་མཚེས་རྒྱལ་ཁབ་དང་མངའ་སྡེའི་ས་གནས་ཁག་ལ་ཁྲིམས་མཐུན་གང་ཡང་མེད་པའི་ཐོག་ནས་རང་ཉིད་ཀྱི་མིང་གསར་པ་བཏགས་པ་དེས་ས་གནས་དེ་དག་གི་བདག་དབང་ཡོངས་རྫོགས་རྒྱ་ནག་ལ་ཡོད་པ་ཞིག་ཆགས་ཀྱི་མ་རེད་ཅེས་མངོན་གསལ་གནང་འདུག ལྷག་པར་དུ་ཁོང་གིས་ཨ་རུ་ནཱ་ཅལ་མངའ་སྡེའི་ས་ཁུལ་དེ་དག་ནི་དེ་སྔ་ནས་རྒྱ་གར་གྱི་ཁ་བྲལ་ཐབས་མེད་པའི་ཆ་ཤས་ཤིག་ཡིན་པ་དང་། གནས་བབ་དེར་འགྱུར་བ་གང་ཡང་མེད་པར་མུ་མཐུད་གནས་ཀྱི་རེད་ཅེས་ནན་བརྗོད་གནང་འདུག    དེ་བཞིན་ཁ་སང་རྒྱ་གར་དབུས་གཞུང་གི་དྲིལ་བསྒྲགས་དང་གྲོང་སྡེ་ཡར་རྒྱས་ལྷན་ཁང་གི་བློན་ཆེན་སྐུ་ཞབས་ M Venkaiah Naidu ལགས་ནས་ཀྱང་གསར་འགོད་པའི་དྲི་བ་དང་ལེན་གྱིས་ཕྱིའི་རྒྱལ་ཁབ་སུ་འདྲ་ཞིག་ཡིན་རུང་རྒྱ་གར་གྱི་མངའ་སྡེ་དང་ས་ཁུལ་སོགས་ཀྱི་ཐད་ལ་མིང་བཏགས་རྒྱུའི་རང་དབང་ཡོད་མ་རེད་ཅེས་གསུངས་འདུག་པ་མ་ཟད། Arunachal མངའ་སྡེའི་ས་གནས་ཨིན་ཅི་གཅིག་ལས་མེད་ཀྱང་དེའི་བདག་དབང་ཡོངས་རྫོགས་རྒྱ་གར་ཡོད་སྟབས། ད་རེས་རྒྱ་གཞུང་གིས་ཁུལ་དེའི་ས་གནས་ཁག་གཅིག་ལ་མིང་གསར་པ་བཏགས་པ་དེ་གནད་ཆེ་གང་ཡང་ཆགས་ཀྱི་མ་རེད་ཅེས་གསུངས་ཡོད། གཞི་རྩའི་རྒྱ་གཞུང་གིས་ཉེ་ཆར་གཏན་བེབས་བྱས་པའི་ས་གནས་དྲུག་པོའི་མིང་དེ་དག་ནི། ཨོ་རྒྱན་གླིང་དང་། མི་ལ་རི།  མཆོད་རྟེན་དཀར་པོ་རི། སྨན་ཆུ་ཁ། པུས་མོ་ལ། ནམ་མཁའ་ཕུབ་རི་ཅེས་ཆགས་ཀྱི་ཡོད་ཀྱང་། མིང་དེ་དག་ད་ལྟའི་ཨ་རུ་ནཱ་ཅལ་མངའ་སྡེའི་ས་གནས་གང་དང་གང་ལ་གོ་གི་ཡོད་མེད་ཀྱི་གསལ་ཁ་གང་ཡང་མེད་པ་རེད། འདི་ག་རླུང་འཕྲིན་ཁང་གིས་གནད་དོན་དེའི་ཐད་དབུས་བོད་མིའི་སྒྲིག་འཛུགས་ཀྱི་ཕྱི་འབྲེལ་དྲུང་ཆེ་དང་བོད་མིའི་སྒྲིག་འཛུགས་ཀྱི་མགྲིན་ཚབ་པ་གཅིག་ལྕོགས་གནང་མཁན་དྭགས་པོ་བསོད་ནམས་ནོར་བུ་ལགས་སུ་བཀའ་འདྲི་ཞུ་པར་ཁོང་གིས་རྒྱ་ནག་གཞུང་ནས་རང་ཉིད་ཀྱི་བདག་དབང་འོག་མེད་པའི་རྒྱལ་ཁབ་གཞན་གྱི་ས་གནས་ཁག་ལ་མིང་གསར་བཏགས་པ་དེ་ནི་ཆེས་ཁྲིམས་འགལ་གྱི་བྱེད་སྟངས་ཤིག་རེད་ཅེས་གསུང་སོང་པ་མ་ཟད། རྒྱ་གཞུང་གིས་མུ་མཐུད་རྒྱ་གར་གཞུང་ལ་རྒྱ་དཀར་ནག་གཉིས་ཀྱི་འབྲེལ་ལམ་ཁྲོད་༸གོང་ས་མཆོག་བེད་སྤྱོད་བྱེད་བཞིན་འདུག་ཅེས་སྐྱོན་བརྗོད་བྱེད་བཞིན་པ་དེས་རྒྱ་ནག་གཞུང་ནས་༸གོང་མཆོག་གི་མཚན་སྙན་གྲགས་དང་མཛད་རྫེས་ཀྱི་རྒྱབ་ལྗོགས་ཁག་གསལ་པོ་ཤེས་ཀྱི་མེད་པའི་རྟགས་མཚན་ཞིག་རེད་ཅེས་ནན་པོ་གསུངས་ཡོད།

རྒྱ་གར་གྱི་སྲིད་བློན་མོ་དྷི་མཆོག་གི་མཚན་ཐོག་ལ་མི་མང་གི་མཚན་རྟགས་བསྡུ་རུབ་འཁོད་པའི་སྙན་ཞུ་ཞིག་གི་བརྒྱུད་རྒྱ་གར་གཞུང་ནས་༸གོང་ས་༸སྐྱབས་མགོན་ཆེན་པོ་མཆོག་ལ་རྒྱ་གར་སྤྱི་དམངས་ཀྱི་ཆེས་མཐོའི་གཟེངས་རྟགས་ Bharat Ratna ཞེས་པ་ཕུལ་དགོས་པའི་དགོས་འདུན་བཏོན་བཞིན་འདུག དེ་ཡང་ཞུ་སྙན་དེ་སྔ་ལོ་ཕྱི་ཟླ་ ༡༢ ནང་ Change.org ཞེས་པའི་དྲ་གནས་ཐོག་སྦེང་ལོར་དུ་གནས་བཞུགས་བ་རྒྱ་གར་གྱི་སྨན་པ་སྐུ་ཞབས་ཨ་ཏུལ་ཀི་ཎི་ Atul Kini ལགས་ཀྱིས་དང་བླངས་ཐོག་ནས་དབུ་འཛུགས་གནང་པ་ཞིག་ཆགས་ཡོད། ཞུ་སྙན་དེའི་ནང་ཁོང་གིས་གཙོ་བོ་རྒྱ་གཞུང་གིས་བོད་ལ་བཙན་འཛུལ་བྱས་སྟབས་༸གོང་ས་༸སྐྱབས་མགོན་ཆེན་པོ་མཆོག་རྒྱ་གར་དུ་བྲོས་བྱོལ་ལ་ཕེབས་པའི་དུས་དེ་ནས་བཟུང་སྟེ་མགོན་པོ་༸གང་ཉིད་མཆོག་ཆོས་ཕྱོགས་ཀྱི་དབུ་ཁྲིད་ཙམ་མ་ཟད། འཛམ་གླིང་འདིར་ཞི་བདེ་བསྐྲུན་སླད་ཞབས་འདེགས་རླབས་ཆེན་སྒྲུབ་མཁན་ཞིག་ཡིན་པ་དང་། ལྷག་དོན་༸གོང་ས་མཆོག་རྒྱ་གར་ནང་དུ་བཞུགས་པའི་རིང་ལ་ཡུལ་དེའི་ཐུན་མོང་མ་ཡིན་པའི་དཔལ་ན་ལེནྡྲའི་ནང་པའི་ཆོས་བརྒྱུད་བསྐྱར་གསོ་མཛད་རྒྱུ་གཙོས་པའི་འཛམ་གླིང་ནང་བྱམས་བརྩེ་དང་ཞི་བདེ་གོང་འཕེལ། དེ་བཞིན་ཆོས་ལུགས་མཐུན་སྒྲིལ་ཐད་ཐུགས་ཁུར་གཙོ་བཞེས་གནང་མཁན་ཞིག་ཡིན་པ་སོགས་ལུང་འདྲེན་དང་སྦྲགས།  སྲིད་བློན་ Narendra Modi མཆོག་གི་གཞུང་ནས་༸གོང་ས་༸སྐྱབས་མགོན་ཆེན་པོ་མཆོག་གིས་མཛད་རྗེས་ཁག་ལ་ཆེ་བསྟོད་ཞུ་ཕྱིར་རྒྱ་གར་གྱི་ཆེས་མཐོའི་གཟེངས་རྟགས་ Bharat Ratna ཞེས་པ་དེ་ངེས་ཕུལ་དགོས་པའི་འབོད་སྐུལ་ཞུས་འདུག ད་ཆ་དྲ་ཐོག་ནས་མཚན་རྟགས་བསྡུ་རུབ་ཀྱི་ཞུ་སྙན་དེར་བོད་མི་ཚོ་གཙོས་པའི་ཧི་མཱ་ལ་ཡའི་རི་བརྒྱུད་དང་རྒྱ་གར་བཅས་ནས་ཁྱོན་མི་གྲངས་ ༢༤༠༠ བརྒལ་བས་རྒྱབ་སྐྱོར་གྱི་མཚན་རྟགས་བཀོད་ཟིན་འདུག་པ་དང་། ཞུ་སྙན་དེར་མང་ཚོགས་ ༢༥༠༠ ཡི་མཚན་རྟགས་བྱུང་མ་ཐག་སྲིད་བློན་མོ་དྷི་མཆོག་གི་མཚན་ཐོག་ལ་ཐད་ཀར་འགྲོ་གྱི་ཡོད་པ་རེད་འདུག ད་ལན་ཞུ་སྙན་དེར་རྒྱབ་སྐྱོར་གནང་མཁན་ཕལ་ཆེ་བ་མ་གྲོས་བསམ་པ་གཅིག་མཐུན་གྱིས་༸གོང་ས་མཆོག་ལ་རྒྱ་གར་གྱི་ཆེས་མཐོའི་གཟེངས་རྟགས་དེ་ངེས་པར་དུ་ཐོབ་དགོས་པ་དང་རྒྱ་གར་གཞུང་གིས་མགོན་པོ་༸གང་ཉིད་མཆོག་གིས་ད་བར་རྒྱ་གར་གཙོ་བོར་གྱུར་པའི་འཛམ་གླིང་ཀུན་ལ་ཞི་བདེ་བསྐྲུན་ཕྱིར་ཞབས་འདེགས་རླབས་ཆེན་བསྒྲུབས་དང་སྒྲུབ་མུས་ཁག་ལ་ངོས་བཞེས་དང་ཆེ་བསྟོད་ཞུ་དགོས་པར་ཚོར་ཤུགས་ཆེན་པོས་དགོངས་འཆར་ཕུལ་འདུག རྩ་བའི་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་གྲོས་ཚོགས་འོག་མའི་འཐུས་མི་དང་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་ཟུར་པ་སྐུ་ཞབས་ཤཱན་ཏ་ཀུ་མཱར་མཆོག་གི་ཕྱག་དེབ་ཧི་མཱ་ལ་ཡིའི་མཐོ་སྒང་སྟེང་གྲིབ་གཟུགས་དམར་པོ་ཞེས་པའི་ཕྱག་དེབ་དབུ་འབྱེད་མཛད་པའི་སྐབས་སུ་སྐུ་ཞབས་ཤཱན་ཏ་ཀུ་མཱར་མཆོག་ནས་རྒྱ་གར་གཞུང་གིས་༸གོང་ས་༸སྐྱབས་མགོན་ཆེན་པོ་མཆོག་ལ་རྒྱ་གར་གྱི་ཆེས་མཐོའི་གཟེངས་རྟགས་ Bharat Ratna ཞེས་པ་དེ་ཕུལ་དགོས་པའི་དགོས་འདུན་བཏོནཡོད་པ་དང་། དེ་རྗེས་སྐུ་ཞབས་ཁོང་གི་དབུ་ཁྲིད་པའི་སྐབས་ ༡༦ པའི་རྒྱ་གར་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་འདུའི་ཐོག་རྒྱ་གར་གཞུང་ནས་མགོན་པོ་༸གང་ཉིད་མཆོག་ལ་གཟེངས་རྟགས་དེ་ཕུལ་དགོས་པའི་གྲོས་ཆོད་འཇོག་ཡོད་པ་མ་ཟད། ལ་དྭགས་རང་སྐྱོང་རི་ལྗོངས་ལྷན་ཚོགས་ནས་ཀྱང་དེ་མཚུངས་ཀྱིས་གྲོས་ཆོད་གཏན་འབེབས་གནང་ཡོད།