Monthly Archives: December, 2017

བོད་མིའི་བླ་ན་མེད་པའི་དབུ་ཁྲིད་༸གོང་ས་༸སྐྱབས་མགོན་ཆེན་པོ་མཆོག་ད་རེས་རྒྱ་གར་ལྷོ་ཕྱོགས་མུམ་བའེ་གྲོང་ཁྱེར་དང་ལྷོ་ཕྱོགས་བོད་མིའི་གཞིས་ཆགས་ཁག་ཅིག་ནང་མཛད་འཕྲིན་བསྐྱང་ཕྱིར་དེ་རིང་སྔ་ཐོག་ཚོུད་ ༦།༤༠ ཙམ་ལ་བཞུགས་སྒར་༸རྒྱལ་བའི་ཕོ་བྲང་ནས་ཆིབས་སྒྱུར་མཛད་སོང་། དེའང་མུམ་བའེ་གྲོང་ཁྱེར་དུ་རྟེན་གཞི་བྱས་པའི་ཝ་ན་ཐེབས་རྩ་ཁང་གི་ Vidyaloke ཞེས་པའི་ཚོགས་པས་ཇི་ལྟར་གསོལ་འདེབས་ཞུས་དོན་ལྟར། སང་ཉིན་༸གོང་ས་༸སྐྱབས་མགོན་ཆེན་པོ་མཆོག་ཁུལ་དེའི་སོ་མཱེ་ཡ་སློབ་གཉེར་བསྟི་གནས་ཁང་དུ་ཆིབས་སྒྱུར་མཛད་ནས་ཚེས་ ༨ དང་ ༩ བཅས་སུ་རྒྱ་གར་གྱི་ན་གཞོན་ཤེས་ཡོན་ཅན་རང་ལོ་ ༡༦ ནས་ ༤༥ མན་ཡིན་པའི་མི་གྲངས་ ༣༠༠ ལྷག་ལ་ལམ་སྟོན་བཀའ་སློབ་དང་ཆོས་འབྲེལ་བཀའ་དྲིན་བསྐྱང་རྒྱུ་དང་།  རྗེས་ཚེས་ ༡༠ ཉིན་སྔ་དྲོ་སོ་མཱ་ཡ་སློབ་གཉེར་བསྟི་གནས་ཁང་དུ་རྒྱ་གར་གྱི་རིག་གཞུང་རྙིང་པ་བསྐྱར་གསོའི་ཆེད་དུ་ Reviving Indian Wisdom in Contemporary ཞེས་པའི་བརྗོད་གཞིའི་ཐོག་མང་ཚོགས་ལ་བཀའ་སློབ་བསྩལ་རྒྱུའི་མཛད་འཆར་ཡོད་པ་རེད། རླུང་འཕྲིན་ཁང་གི་གསར་འགོད་པས་མུམ་བའེ་ནང་གི་མཛད་འཆར་དང་འབྲེལ་དཔལ་ལྡན་དགའ་ལྡན་ཕོ་བྲང་གི་རྒྱ་གར་དང་ལྷོ་ཤར་ཨེ་ཤ་ཡའི་ངེས་སྟོན་པ་བཀའ་ཟུར་བསྟན་པ་ཚེ་རིང་ལགས་སུ་བཀའ་འདྲི་ཞུས་པ་ཡིན། གཞི་རྩའི་མུམ་བྷའི་ནང་ཉིན་གསུམ་གྱི་མཛད་འཕྲིན་ཁག་ལེགས་པར་གྲུབ་རྗེས་མགོན་པོ་༸གང་ཉིད་མཆོག་ཕྱི་ཚེས་ ༡༡ ཉིན་རྒྱ་གར་ལྷོ་ཕྱོགས་ཀ་ན་ཊ་ཀ་མངའ་སྡེའི་ནང་ཡོད་པའི་མོན་གྷོ་འདོད་རྒུ་གླིང་བོད་མིའི་གཞིས་ཆགས་དང་དེ་བཞིན་སྦེལ་ཀོབ་བོད་མིའི་གཞིས་ཆགས་གཉིས་སུ་ཆིབས་སྒྱུར་མཛད་དེ་ཆོས་གྲྭ་དབུ་འབྱེད་དང་བཀའ་ཆོས་བཀའ་འདྲིན་བསྩལ་རྒྱུའི་མཛད་འཆར་ཡོད་པ་མ་ཟད། ཚེས་ ༢༣ ནས་ ༢༦ བར་༸གོང་ས་མཆོག་གིས་སྦེང་ལོར་གྲོང་ཁྱེར་ནང་མཐོ་སློབ་འདྲ་མིན་ཁག་ཏུ་སློབ་གཉེར་གནང་བཞིན་པའི་བོད་རིགས་སློབ་མ་ཚོར་བཀའ་སློབ་བསྩལ་རྒྱུ་སོགས་ཀྱི་མཛད་འཆར་ཁག་ཅིག་ཀྱང་བང་སྒྲིག་ཡོད་པ་རེད།

ཁ་སང་ཉིན་རྒྱབ་ཆུ་ཚོད་ ༢ ཐོག་ཨ་མི་རི་ཀའི་གྲོས་ཚོགས་ཀྱི་ཕྱི་སྲིད་ལས་དོན་ཚོགས་ཆུང་གི་ཨེ་ཤེ་ཡ་དང་ཞི་བདེ་རྒྱ་མཚོ་སྡེ་ཚན་གྱི་གོ་སྒྲིག་འོག་རྒྱལ་ས་ Washington DC ནང་རྟེན་གཞི་བྱས་པའི་ཡུལ་དེའི་གྲོས་ཚོགས་ཀྱི་ཚོགས་ཁང་ཨང་ ༢༡༧༢ ནང་དུ་ཨ་རིའི་བོད་ཐོག་འཛིན་པའི་སྲིད་བྱུས་དང་། བོད་ནང་གི་འགྲོ་བ་མིའི་ཐབ་ཐང་། དེ་བཞིན་ཆོས་དད་རང་དབང་སོགས་ཀྱི་གནས་སྟངས་དང་འབྲེལ་བོད་དོན་ཉན་ཞིབ་ཀྱི་ལས་རིམ་ཞིག་ཚོགས་ཡོད་པ་རེད། ལས་རིམ་དེའི་ཐོག་བོད་དོན་དང་འབྲེལ་བའི་གསུང་བཤད་གནང་མཁན་ཁོངས་སུ་ཨེ་ཤེ་ཡ་དང་ཞི་བདེ་རྒྱ་མཚོ་སྡེ་ཚན་གྱི་ཚོགས་གཙོ་ཨ་རིའི་གྲོས་ཚོགས་འཐུས་མི་སྐུ་ཞབས་ Ted Yoho ལགས་དང་ཚོགས་མི་རྣམ་པ། དེ་བཞིན་རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་ལྷན་ཚོགས་ཀྱི་ཚོགས་གཙོ་གློག་བརྙན་འཁྲབ་སྟོན་པ་སྐུ་ཞབས་ Richard Gere ལགས། ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་བཀའ་ཟུར་བཀྲས་མཐོང་བསྟན་འཛིན་རྣམ་རྒྱལ་ལགས་དང་ཨ་མི་རི་ཀའི་མང་གཙོ་གོང་སྤེལ་བསྟི་གནས་ཁང་གི་འགན་འཛིན་ Carl Gershman ལགས་བཅས་གདན་ཞུ་གནང་འདུག་པ་མ་ཟད། ཡུལ་དེའི་གྲོས་ཚོགས་འཐུས་མི་སྐུ་ཞབས་ Jim McGovern ལགས་དང་ལྕམ་ Ros-Lehtinen ལགས། དེ་བཞིན་སྐུ་ཞབས་ Brad Sherman ལགས་སོགས་གྲོས་ཚོགས་འཐུས་མི་ཁག་ཅིག་ནས་བོད་དོན་ལ་རྒྱབ་སྐྱོར་གྱི་གསུང་བཤད་ཀྱང་གནང་འདུག དེ་ཡང་ཆེས་ཐོག་མར་ལས་རིམ་གཙོ་སྐྱོང་གནང་མཁན་ཨ་མི་རི་ཀའི་གྲོས་ཚོགས་ཀྱི་ཕྱི་སྲིད་ལས་དོན་ཚོགས་ཆུང་གི་ཨེ་ཤེ་ཡ་དང་ཞི་བདེ་རྒྱ་མཚོ་སྡེ་ཚན་གྱི་ཚོགས་གཙོ་ཨ་རིའི་གྲོས་ཚོགས་འཐུས་མི་སྐུ་ཞབས་ Ted Yoho ལགས་ཀྱིས་ཉེ་དུས་ནས་ཨེ་ཤེ་ཡ་དང་ཞི་བདེ་རྒྱ་མཚོའི་བདེ་འཇགས་ཀྱི་གནས་སྟངས་སོགས་རྐྱེན་པས་རྒྱའི་སྤྱིའི་ཐོག་རྒྱ་གཞུང་གིས་བོད་ནང་བཙན་གནོན་བྱེད་ཤུགས་ཆེ་རུ་གཏོང་བཞིན་པའི་གནས་སྟངས་ཐོག་དམིགས་བསལ་དོ་སྣང་དེ་ཙམ་བྱུང་མེད་སྟབས། ཉན་ཞིབ་ཀྱི་ལས་རིམ་འདི་གནད་ཆེ་ཞིག་ཏུ་ངོས་འཛིན་བཞིན་ཡོད་པ་སོགས་ངོ་སྤྲོད་གནང་ཡོད་པ་དང་། གྲོས་ཚོགས་འཐུས་མི་སྐུ་ཞབས་ Brad Sherman ལགས་ཀྱི་ངོས་ནས་བོད་དོན་ཉན་ཞིབ་ཀྱི་ལས་རིམ་ལ་རྒྱབ་སྐྱོར་དང་སྦྲགས་ཏེ་རྒྱ་གཞུང་ནས་འདས་པའི་ལོ་དུས་དེ་དག་ནང་བོད་མིའི་མངོན་འདོད་ལྟར་མིང་དོན་མཚུངས་པའི་རང་སྐྱོང་གི་གནས་བབས་ཚད་ལྡན་ཞིག་བསྐྲུན་རྒྱུར་འབད་རྩོན་གནང་མེད་ཁར། མུ་མཐུད་བོད་ཀྱི་ས་ཁུལ་ཁག་ཏུ་དྲག་པོའི་དམག་དཔུང་རྒྱ་སྐྱེད་བཏང་སྟེ། བོད་མིའི་ཆོས་དད་རང་དབང་ལ་བརྩི་མེད་རྡོག་རོལ་གཏོང་བཞིན་ཡོད་པ་སོགས་འགྲེལ་བརྗོད་ཀྱིས་བྱེད་སྟངས་འདི་ནི་འགྲོ་བ་མིའི་བཟང་སྤྱོད་དང་ཡོངས་སུ་དངོས་འགལ་ཞིག་རེད་ཅེས་གསུངས་འདུག ལྷག་པར་དུ་གྲོས་ཚོགས་འཐུས་མི་སྐུ་ཞབས་ Jim McGovern ལགས་ཀྱིས་ད་རེས་ཨ་མི་རི་ཀའི་གྲོས་ཚོགས་གོང་འོག་གཉིས་ཀྱི་འཐུས་མི་མཉམ་མཐུན་ཐོག་བོད་དོན་ལ་རྒྱབ་སྐྱོར་གྱི་ཉན་ཞིབ་ཀྱི་ལས་རིམ་ཞིག་ཚོགས་ཐུབ་པ་དེ་བཟང་ཕྱོགས་ཀྱི་རྣམ་པ་ཞིག་ཡིན་ཀྱང་། འདས་པོའི་ལས་དོན་དང་ལྷག་པར་དུ་བོད་ནང་གི་འགྲོ་བ་མིའི་ཐོབ་ཐང་གྱི་གནས་སྟངས་ལ་གཞིགས་ན། ཨ་རིའི་གྲོས་ཚོགས་དང་སྲིད་གཞུང་གཉིས་ནས་བོད་དོན་ཐོག་དེ་ཙམ་གྱི་ནུས་པ་ཐོན་པའི་ཕྱག་ལས་གནང་ཐུབ་མེད་པར་དགོངས་ཚོར་ཆེན་པོ་བྱུང་ཞེས་དང་། ལྷག་པར་དུ་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༨༠ ལྷག་ཕེབས་ཟིན་པ་དང་། རྒྱ་གཞུང་གི་དྲག་པོའི་སྲིད་བྱུས་འོག་བོད་ནང་གི་གནས་སྟངས་ཇེ་ཞན་ཇེ་སྡུག་ཏུ་འགྲོ་བཞིན་པའི་དུས་སྐབས་འདིར་ཨ་རིའི་གྲོས་ཚོགས་དང་སྲིད་གཞུང་གཉིས་ནས་བོད་དོན་ཐོག་ཞལ་ཙམ་མིན་པར་དོན་ཕན་ལྡན་པའི་ཕྱག་ལས་གནང་རྒྱུའི་དུས་ལ་བབ་ཡོད་པ་སོགས་གསུངས་འདུག དེ་བཞིན་རྒྱ་ནག་གཞུང་ནས་ཨ་མི་རི་ཀའི་མི་སེར་དང་གསར་འགོད་པ་རྣམས་རྒྱ་ནག་དང་བོད་ཀྱི་ས་ཁུལ་ཁག་ཏུ་རང་དབང་ཐོག་བསྐྱོད་རྒྱུའི་ཐོབ་ཐང་སྤྲོད་དགོས་པ་མ་ཟད། ཨ་རི་གཞུང་ནས་ཀྱང་ Magnitsky Human Rights Accountability Act ཞེས་རྒྱལ་སྤྱིའི་ཁྲོད་འགྲོ་བ་མིའི་ཐོབ་ཐང་ཐོག་འགན་ཁུར་ཡོང་ཐབས་ཀྱི་ཁྲིམས་ལུགས་བེད་སྤྱོད་གནང་པའི་བརྒྱུད་རྒྱ་རིགས་ཚོ་ཨ་རིའི་ནང་རང་དབང་ཐོག་སྐྱོད་བཞིན་པའི་ཐད་ལ་ཚོད་འཛིན་གནང་གལ་ཡིན་པ་ནན་བརྗོད་གནང་འདུག སྐུ་ཞབས་ Richard Gere ལགས་ནས་ཉེ་ཆར་བོད་ནང་རང་ལུས་མེ་སྲེག་གནང་མཁན་གྲྭ་བསྟན་དགའ་ལགས་ཀྱི་སྐུ་པར་སྤྱན་འབུལ་དང་སྦྲགས། ད་བར་བོད་ནང་རྒྱ་གཞུང་གི་དྲག་པོའི་སྲིད་བྱུས་ལ་མ་བཟོད་པར་བོད་མི་ཚོས་གཅིག་རྗེས་གཉིས་མཐུད་ཀྱིས་རང་སྲེག་གནང་བཞིན་པའི་གནས་སྟངས་འགྲེལ་བརྗོད་གནང་པ་མ་ཟད། ཉེ་ལམ་ཨ་རའི་སྲིད་འཛིན་སྐུ་ཞབས་ཊམ་མཆོག་རྒྱ་ནག་ནང་ཕེབས་སྐབས་འགྲོ་བ་མིའི་ཐོབ་ཐང་སྐོར་གླེང་སློང་གནང་ཡོད་ཚུལ་བརྗོད་ཀྱང་། ཡིག་ཐོག་ལ་ཞིབ་ཕྲ་གང་ཡང་མཇལ་རྒྱུ་མེད་སྐོར་སོགས་གསུངས་པ་དང་ཆབས་ཅིག ཨ་རི་གཞུང་ནས་དེ་སྔ་ཕྱི་ལོ་ ༢༠༠༢ ལོར་གཏན་འབེབས་གནང་པའི་ Tibet Policy Act 2002 འམ་ཨ་རིའི་བོད་ཐོག་འཛིན་པའི་སྲིད་བྱུས་དེ་རྒྱལ་ཁབ་ཀྱི་ཁྲིམས་ལུགས་ཤིག་ཡིན་སྟབས། ཨ་རི་གཞུང་ནས་ཁྲིམས་དེའི་ནང་དོན་ཁག་ངེས་པར་དུ་ལག་བསྟར་གནང་དགོས་གལ་ཡིན་པ་གསུངས་ཡོད། བཀའ་ཟུར་བཀྲས་མཐོང་བསྟན་འཛིན་རྣམ་རྒྱལ་ལགས་ཀྱིས་རྒྱ་ནག་གཞུང་གི་དམ་དྲག་འོག་བོད་ནང་ཡོད་པའི་བོད་མི་ཚོར་རྒྱལ་སྤྱི་དང་། ལྷག་པར་དུ་བོད་དོན་དང་འབྲེལ་བའི་གནས་ཚུལ་དུས་ཐོག་གཟིགས་རྒྱུའི་གོ་སྐབས་མེད་པ་མ་ཟད། སྤྱི་ཚོགས་འབྲེལ་མཐུད་ཀྱི་དྲ་རྒྱ་དང་སྐད་འཕྲིན་བེད་སྤྱོད་གནང་སྐབས་ཆབ་སྲིད་ནག་ཉེས་འོག་འཛིན་བཟུང་བྱེད་བཞིན་པའི་གནས་སྟངས་ངོ་སྤྲོད་དང་སྦྲགས། ཨ་རི་གཞུང་ནས་རྒྱ་ནག་གི་གསར་འགོད་པ་ཨ་རི་ནང་རང་དབང་སྤྲོད་བཞིན་པ་ལྟར། ཨ་རི་གཙོས་པའི་ཕྱིའི་གསར་འགོད་པ་རྣམས་ཀྱང་བོད་དང་རྒྱ་ནག་ནང་རང་དབང་ཐོག་བསྐྱོད་རྒྱུར་འབད་རྩོན་གནང་དགོས་སྐོར་གསུངས་པ་མ་ཟད། སྐུ་ཞབས་ Carl Gershman ལགས་ནས་རྒྱ་ནག་གི་སྲིད་འཛིན་ Xi Jinpin  གིས་སྣེ་ཁྲིད་པའི་རྒྱ་ནག་སྲིད་གཞུང་ནས་ཚོང་དང་ཆབ་སྲིད་སོགས་ཐབས་ལམ་འདྲ་མིན་བརྒྱུད། རྒྱལ་སྤྱིའི་ཐོག་རང་ཉིད་ཀྱི་དབང་ཐང་དར་ཁྱབ་གཏོང་བཞིན་པར་ཚང་མས་ཡིད་གཟབ་གནང་རྒྱུ་གལ་ཆེ་ཆགས་ཡོད་པ་གསུངས་པ་དང་སྦྲགས། རྒྱ་གཞུང་ནས་རྒྱལ་སྤྱིའི་ཁྲིམས་ལུངས་དང་ཡོངས་སུ་འགལ་བའི་བྱ་སྤྱོད་སྤེལ་བཞིན་པར་ངེས་པར་དུ་གདོང་ལེན་གནང་དགོས་པ་གསུངས་འདུག ཕྱོགས་མཚུངས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ད་ཆ་ཨ་རི་ནང་གཞུང་འབྲེལ་འཚམས་འདྲི་ཕེབས་ཡོད་པ་དང་། ཁ་སང་སྲིད་སྐྱོང་མཆོག་དང་བྱང་ཨ་རིའི་སྐུ་ཚབ་དོན་གཅོད་དངོས་གྲུབ་ཚེ་རིང་ལགས་རྣམ་གཉིས་ནས་ཡུལ་དེའི་གྲོས་ཚོགས་འཐུས་མི་སྐུ་ཞབས་ Marco Rubio ལགས་དང་། Lindsey Graham ལགས་རྣམ་གཉིས་མཇལ་འཕྲད་གནང་སྟེ་བོད་དོན་དང་འབྲེལ་བའི་གནད་དོན་སྤྱི་དང་སྒོས་སུ་ཨ་རིའི་གཞུང་གི་འཆར་ལོའི་སྔོན་རྩིས་ནང་བོད་དོན་དང་འབྲེལ་བའི་རོགས་དངུལ་མུ་མཐུད་ཐོབ་ཐབས། དེ་བཞིན་ཨ་རིའི་བོད་དོན་དམིགས་བསལ་འབྲེལ་མཐུད་པ་མགྱོགས་མྱུར་བསྐོ་གཞག་ཡོང་ཐབས་སྐོར་གོ་བསྡུར་གནང་འདུག

ཨ་རིའི་བོད་ཀྱི་ཐེབས་རྩ་ཁང་ནས་བྱང་ཨ་རིའི་བོད་ཀྱི་སྐུ་ཚབ་དོན་གཅོད་ཁང་ལ་ཨ་སྒོར་ས་ཡ་གཅིག་དང་ཕྱེད་ཀ་བུན་གཡར་གྱི་ཕྱོགས་གཉིས་ཀའི་མོས་མཐུན་གན་རྒྱ་བཞག་སྐོརཡིག་ཆ་ཞིག་ཕྱིར་བསྒྲགས་བྱས་པ་དང་འབྲེལ། ཕྱོགས་གཉིས་ནས་ལས་ཀ་མཉམ་དུ་བྱས་པའི་མྱོང་ཚོར་གཞི་ལ་བཞག་སྟེ་དུས་ཚོད་རན་འཚམས་སུ་བུན་ལོན་རོགས་སྐྱོར་དུ་བསྒྱུར་རྒྱུར་རེ་བ་ཞུ་གི་ཡོད་ཅེས་གསུངས་འདུག དེ་ཡང་ཉེ་ལམ་ཨ་རི་སྐུ་ཚབ་དོན་གཅོད་འཕོ་འགྱུར་བཏང་བའི་བརྒྱུད་རིམ་ཁྲོད་བཙན་བྱོལ་བོད་མིའི་སྤྱི་ཚོགས་ནང་ཨ་རིའི་བོད་ཀྱི་ཐེབས་རྩ་ཁང་དང་ཨ་རིའི་བོད་ཀྱི་སྐུ་ཚབ་དོན་གཅོད་ཁང་གཉིས་དབར་གྱི་ཨ་སྒོར་ས་ཡ་གཅིག་དང་ཕྱེད་ཀའི་གནད་དོན་སྐོར་གླེང་སློང་ཤུགས་ཆེ་གནང་བཞིན་པ་ལྟར། ཁ་སང་ཕྱི་ཚེས་ ༦ ཉིན་ཨ་རིའི་བོད་ཀྱི་ཐེབས་རྩ་ཁང་ནས་གནད་དོན་དེའི་ཐོག་གསལ་བཤད་ཕྱིར་བསྒྲགས་ཤིག་སྤེལ་འདུག དེའི་ནང་བོད་མིའི་སྒྲིག་འཛུགས་ནས་ཨ་རིའི་རྒྱལ་ས་ཝ་ཤིང་ཌོན་དུ་དོན་གཅོད་ལས་ཁུངས་གསར་གཟིགས་གནང་རྒྱུའི་ཐོག་བོད་ཀྱི་ཐེབས་རྩ་ཁང་གིས་མཐུན་རྐྱེན་སྦྱོར་བའི་ཆེད་ཕྱི་ལོ་ ༢༠༡༤ ཕྱི་ཟླ་ ༣ ཚེས་ ༣༡ ཉིན་སྐུ་ཚབ་དོན་གཅོད་ཁང་དང་བོད་ཀྱི་ཐབས་རྩའི་དབར་བུན་དངུལ་ཨ་སྒོར་ས་ཡ་གཅིག་དང་ཕྱེད་ཀའི་མོས་མཐུན་གན་ཡིག་བཞག་ཡོད་པ་དང།  སྐྱིན་ཚབ་ལོ་སུམ་ཅུའི་ནང་ཕྱིར་སློག་གནང་རྒྱུའི་དུས་བཀག་བཟོས་ཐོག བུན་གཡར་དང་འབྲེལ་བའི་ཆ་རྐྱེན་ཡོངས་རྫོགས་ཡིག་ཐོག་གཏན་འབེབས་ཀྱིས་ནེའུ་ཡོག་མངའ་སྡེའི་ཁྲིམས་སྲོལ་དང་མཐུན་པ་བྱུང་ཡོད་སྐོར་དང། དེ་ཡང་སྐུ་ཚབ་དོན་གཅོད་ཁང་གི་རེ་འདུན་བཞིན་བུན་དངུལ་དེ་དག་ཆ་ཚང་བོད་མིའི་སྤྱི་ཚོགས་ཡར་རྒྱས་ཐེབས་རྩར་ཕུལ་ཡོད་པ་འཁོད་འདུག འོན་ཀྱང་བོད་ཀྱི་ཐེབས་རྩ་ཁང་གིས་གསལ་བཤད་ཕྱིར་བསྒྲགས་གནང་པ་དེའི་ནང་བོད་ཀྱི་ཐེབས་རྩའི་འགན་འཛིན་ལྷན་ཚོགས་ཀྱི་གཙོ་འཛིན་ནས་སྲིད་སྐྱོང་མཆོག་ལ་ཕྱི་ལོ་ ༢༠༡༧ ཕྱི་ཟླ་ ༧ ཚེས་ ༦ ཉིན་ཕུལ་བའི་གནས་འཕྲིན་ནང་ཐོག་མར་བུན་གཡར་སྐབས་ཕྱོགས་གཉིས་ནས་དུས་ཡུན་གང་འཚམས་རྗེས་བུན་ལོན་ཧྲིལ་པོ་སྤྲོད་འཇལ་མ་དགོས་པར་བོད་མིའི་སྒྲིག་འཛུགས་ལ་རོགས་སྐྱོར་ཚུལ་དུ་འབུལ་ཐུབ་པའི་རེ་བ་བྱས་ཡོད་ཀྱང། བུན་ལོན་རོགས་དངུལ་དུ་ག་བསྒྱུར་ཞུ་རྒྱུའི་ལོ་དུས་སོགས་ཞིབ་ཕྲ་གོ་བསྡུར་དང་མོས་མཐུན་གང་ཡང་བྱུང་མེད་ཅིང། ཕྱོགས་གཉིས་ནས་ལས་ཀ་མཉམ་དུ་བྱས་པའི་མྱོང་ཚོར་གཞི་ལ་བཞག་སྟེ་དུས་ཚོད་རན་མཚམས་སུ་བུན་ལོན་རོགས་སྐྱོར་དུ་བསྒྱུར་རྒྱུར་བོད་ཀྱི་ཐེབས་རྩ་འགན་འཛིན་ལྷན་ཚོགས་ནས་རེ་བ་ཞུ་གི་ཡོད་ཅེས་འཁོད་འདུག ལྷག་པར་དུ་ཕྱིར་བསྒྲགས་གནང་པའི་ནང་བོད་མིའི་སྒྲིག་འཛུགས་ནས་བུན་དངུལ་ཡིག་ཆའི་འབྲུ་དོན་རྩ་འཛིན་དང་། བོད་ཀྱི་ཐེབས་རྩ་ཁང་དང་བོད་མིའི་སྒྲིག་འཛུགས་གཉིས་ཀྱི་འབྲེལ་ལམ་མུ་མཐུད་ཕན་ཚུན་བརྩི་མཐོང་དང་། གཅིག་ཕན་གཅིག་གྲོགས་བྱུང་ཚེ། བོད་ཀྱི་ཐབས་རྩའི་འགན་འཛིན་ལྷན་ཚོགས་ནས་འབྱུང་འགྱུར་དུས་སྐབས་རན་པ་ཞིག་ལ་བུན་ལོན་རོགས་དངུལ་དུ་ག་བསྒྱུར་ཞུ་ཐུབ་པའི་རེ་འདུན་མུ་མཐུད་བསམ་ཞིབ་ཞུ་བཞིན་པ་བཅས་འཁོད་འདུག དེ་རིང་གསར་འགོད་པས་གནད་དོན་དེའི་ཐོག་བོད་མིའི་སྒྲིག་འཛུགས་ཀྱི་སྲིད་ཚབ་ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག་ལ་བཅར་འདྲི་ཞུས་པར་སྲིད་ཚབ་མཆོག་གིས་བོད་ཀྱི་ཐེབས་རྩའི་ངོས་ནས་ཁྲིམས་དང་དངུལ་དང་འབྲེལ་བའི་ཡིག་ཆ་འགྲོ་སྟངས་ཀྱི་ཆ་ནས་གནས་སྐབས་རིང་བུན་ལོན་དང་རིམ་པས་གནང་སྦྱིན་ལ་བསྒྱུར་ནས་ཁོ་རང་ཚོའི་འགྲོ་སྟངས་ཆགས་ཀྱི་ཡོད་པ་དང། བོད་མིའི་སྒྲིག་འཛུགས་འཛིན་སྐྱོང་བཀའ་ཤག་གི་ངོས་ནས་དེ་སྔོན་དོན་ཚན་བཅུའི་ནང་གསལ་བཤད་གནང་པ་ལྟར། དངུལ་དེ་བུན་ལོན་མིན་པར་གནང་སྦྱིན་རང་ཆགས་ཡོད་པ་བསྐྱར་ནན་གནང་སོང་། ད་ལན་བོད་ཀྱི་ཐེབས་རྩ་ཁང་གི་གསལ་བཤད་ཡིག་ཆ་དེའི་ནང་བོད་མིའི་སྒྲིག་འཛུགས་དང་། བོད་ཀྱི་ཐེབས་རྩ་ཁང་དང་བོད་མིའི་སྒྲིག་འཛུགས་གཉིས་ཀྱི་འབྲེལ་ལམ་མུ་མཐུད་ཕན་ཚུན་བརྩི་མཐོང་དང་། གཅིག་ཕན་གཅིག་གྲོགས་བྱུང་ཚེ། བོད་ཀྱི་ཐེབས་རྩའི་འགན་འཛིན་ལྷན་ཚོགས་ནས་འབྱུང་འགྱུར་དུས་སྐབས་རན་པ་ཞིག་ལ་བུན་ལོན་རོགས་དངུལ་དུ་ག་བསྒྱུར་ཞུ་ཐུབ་པའི་རེ་འདུན་མུ་མཐུད་བསམ་ཞིབ་ཞུ་བཞིན་པ་བཅས་འཁོད་པ་དེར་སྲིད་ཚབ་མཆོག་གིས་གནད་དོན་དེའི་ཤེས་རྟོགས་གང་ཡང་མེད་ལ། དེའི་འདྲ་སྐད་ཆ་ཡང་ཡོད་མ་རེད་ཅེས་གསུངས་སོང། རྩ་བའི་བོད་མིའི་སྒྲིགས་འཛུགས་བཀའ་ཤག་ནས་ཉེ་སྔོན་ཚོགས་ཟུར་སྤེན་པ་ཚེ་རིང་མཆོག་ཨ་རིའི་སྐུ་ཚབ་དོན་གཅོད་ནས་འཕོ་འགྱུར་གནང་བའི་རྒྱུད་རིམ་ཁྲོད་དོན་ཚན་བཅུ་ཅན་གྱི་རྒྱུ་མཚན་གསལ་བཤད་གནང་བའི་ནང་ཨ་རིའི་བོད་ཀྱི་ཐེབས་རྩ་ཁང་གི་ཨ་སྒོར་ས་གཅིག་དང་ཕྱེད་ཀའི་གནད་དོན་དེ་འཁོད་ཡོད་པ་རེད། དོན་གཅོད་ཟུར་པ་སྤེན་པ་ཚེ་རིང་ལགས་ཀྱིས་ཟླ་བ་འདིའི་ཚེས་ ༥ ཉིན་བཞུགས་སྒར་དུ་གསར་འགོད་ལྷན་ཚོགས་ཐོག་བཀའ་ཤག་གིས་གསལ་བཤད་གནང་ཁག་ལ་ལན་འདེབས་གནང་སྐབས་གནད་དོན་དེ་ནི་བཙན་བྱོལ་བོད་མིའི་བཅའ་ཁྲིམས་དང་འགལ་ཡོད་པ་གསུངས་ཡོད། བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ཟླ་བ་སྔོན་མའི་ནང་ཁེ་ན་ཊའི་གྲོང་ཁྱེར་Toronto ནང་དུ་གཞུང་འབྲེལ་ཕྱོགས་སྐབས་ས་གནས་བོད་རིགས་ཚོར་གསུང་བཤད་དང་མང་ཚོགས་ཀྱི་དྲི་བར་ལན་འདེབས་བཅས་གནང་སྐབས་བོད་ཀྱི་ཐེབས་རྩ་ཁང་གི་ངོས་ནས་ཁྲིམས་ཀྱི་འགྲོ་སྟངས་ཆ་ནས་ཨ་སྒོར་ས་ཡ་གཅིག་དང་ཕྱེད་ཀ་དེ་བོད་མིའི་སྒྲིག་འཛུགས་ལ་བུན་ལོན་གྱི་ངོ་བོའི་ཐོག་ནས་གནང་བ་ཙམ་ལས་དོན་དངོས་ཐོག་བུན་ལོན་སྤྲད་དགོས་ཀྱི་མེད་པར་གནང་སྦྱིན་རང་ཡིན་སྐོར་གསུངས་ཡོད་པ་རེད། རྩ་བའི་བོད་མིིའི་སྒྲིག་འཛུགས་ཀྱི་སྔོན་རྩིས་སྒྲིག་གཞི་ལྟར་བྱས་པ་ཡིན་ན། ལྷན་ཁང་སོ་སོའི་ལོ་འཁོར་སྔོན་རྩིས་འཆར་འབུལ་གང་འདྲ་ཞིག་ཡིན་རུང། ཐོག་མར་བོད་མིའི་སྒྲིག་འཛུགས་དཔལ་འབྱོར་ལས་ཁུངས་དང། དེ་ནས་འཛིན་སྐྱོང་བཀའ་ཤག དེ་རྗེས་བོད་མི་མང་སྤྱི་འཐུས་ལྷན་ཚོགས་ཀྱི་སྔོན་རྩིས་ཚོད་དཔག་འཆར་རྩིས་ཚོགས་ཆུང་བཅས་རིམ་པར་འཆར་འབུལ་གྱིས་ཞིབ་འཇུག་དང། མཐར་སྔོན་རྩིས་འཆར་འབུལ་དེ་བོད་མི་མང་སྤྱི་འཐུས་ལྷན་ཚོགས་ནང་དུ་སྤྱི་འཐུས་རྣམ་པ་བགྲོ་གླེང་གནང་སྟེ་གཏན་འབེབས་གནང་གི་ཡོད་པ་རེད།

ཉན་པ།: Listen ཕབ་ལེན། Download དེ་རིང་ཨ་རིའི་གྲོས་ཚོགས་ནང་བོད་དོན་ཉན་ཞིབ་ཚོགས་གནང་གི་འདུག ཁེ་ན་ཌའི་སྲིད་བློན་ནས་རྒྱ་ནག་གི་སྲིད་བློན་ལྷན་འགྲོ་བ་མིའི་ཐོབ་ཐང་སྐོར་གླེང་སློང་བྱས་འདུག འཛམ་གླིང་ནང་དྲ་རྒྱའི་རང་དབང་ཆེས་སྡུག་ཤོས་ཡིན་པ་རྒྱ་ནག་ནང་འཛམ་གླིང་དྲ་རྒྱའི་ལྷན་ཚོགས་ཚོགས་འདུག གཞུང་འབྲེལ་མིན་པའི་ཚོགས་པ་བཞིས་མོན་གྷོ་འདུད་རྒུ་གླིང་དུ་ཁྱི་ནད་སྔོན་འགོག་ལས་གཞི་སྤེལ་འདུག དམིགས་བསལ་ལེ་ཚན། ༸གོང་ས་མཆོག་ནས་འདི་ལོ་བོད་ནས་གསར་དུ་འབྱོར་བའི་བོད་མི་ཚོར་བསྩལ་བའི་བཀའ་སློབ་ཚན་པ། Wednesday 06/12/2017 US House Committee on Foreign Affairs to host hearing on Tibet policy Trudeau presses human rights, cases of jailed Canadians, with China World Internet Conference held in east China Anti-rabies drive to check dog menace in Mundgod FEATURE: Dalai Lama’s recent speech to newly arrived Tibetans from Tibet

དེ་རིང་རྒྱ་གར་ནང་གི་མཚན་མོ་ཆུ་ཚོད་ ༡༢ ཡོལ་ཙམ་དང་ཨ་རིའི་ཉིན་གུང་ཆུ་ཚོད་ ༢ ཐོག་ཨ་རའི་རྒྱལ་ས་ Washington DC ནང་རྟེན་གཞི་བྱས་པའི་ཡུལ་དེའི་གྲོས་ཚོགས་ཀྱི་ཚོགས་ཁང་ཨང་ ༢༡༧༢ ནང་དུ་ཨ་རིའི་བོད་ཐོག་འཛིན་པའི་སྲིད་བྱུས་དང་། བོད་ནང་གི་འགྲོ་བ་མིའི་ཐབ་ཐང་། དེ་བཞིན་ཆོས་དད་རང་དབང་སོགས་ཀྱི་གནས་སྟངས་དང་འབྲེལ་བོད་དོན་ཉན་ཞིབ་ཀྱི་ལས་རིམ་ཞིག་ཚོགས་གནང་གི་འདུག ཉན་ཞིབ་ཀྱི་ལས་རིམ་དེའི་ཐོག་ཨ་མི་རི་ཀའི་གྲོས་ཚོགས་ཀྱི་ཕྱི་སྲིད་ལས་དོན་ཚོགས་ཆུང་གི་ཨེ་ཤེ་ཡ་དང་ཞི་བདེ་རྒྱ་མཚོ་སྡེ་ཚན་གྱི་ཚོགས་གཙོ་ཨ་རིའི་གྲོས་ཚོགས་འཐུས་མི་སྐུ་ཞབས་ Ted Yoho ལགས་དང་ཚོགས་མི་རྣམ་པ། དེ་བཞིན་རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་ལྷན་ཚོགས་ཀྱི་ཚོགས་གཙོ་གློག་བརྙན་འཁྲབ་སྟོན་པ་སྐུ་ཞབས་ Richard Gere ལགས། ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་བཀའ་ཟུར་བཀྲས་མཐོང་བསྟན་འཛིན་རྣམ་རྒྱལ་ལགས་དང་ཨ་མི་རི་ཀའི་མང་གཙོ་གོང་སྤེལ་བསྟི་གནས་ཁང་གི་འགན་འཛིན་ Carl Gershman ལགས། གཞན་ཡང་ཡུལ་དེའི་གྲོས་ཚོགས་གོང་འོག་གཉིས་ཀྱི་འཐུས་མི་དང་དེ་འབྲེལ་གནད་ཡོད་མི་སྣ་ཁག་ཅིག་བཅས་ནས་མཉམ་ཞུགས་གནང་གི་ཡོད་ཡོད་པ་རེད། གཞི་རྩའི་ཉན་ཞིབ་ཀྱི་ལས་རིམ་འདི་ཨ་རིའི་གྲོས་ཚོགས་ཀྱི་ཕྱི་སྲིད་ལས་དོན་ཚོགས་ཆུང་གི་ཨེ་ཤ་ཡ་དང་ཞི་བདེ་རྒྱ་མཚོའི་སྡེ་ཚན་ནས་གོ་སྒྲིག་གནང་པ་ཞིག་ཡིན་པ་དང་། སྡེ་ཚན་དེའི་ཚགས་གཙོ་སྐུ་ཞབས་ Ted Yoho ལགས་ཀྱིས་ཉེ་དུས་ནས་ཨེ་ཤི་ཡ་དང་ཞི་བདེ་རྒྱ་མཚོའི་གནས་སྟངས་སོགས་རྐྱེན་པས་རྒྱལ་སྤྱིའི་ངོས་ནས་རྒྱ་གཞུང་གིས་བོད་ནང་བཙན་གནོན་བྱེད་ཤུགས་ཆེ་རུ་གོཏང་བཞིན་པའི་གནས་སྟངས་ཐོག་དམིགས་དོ་སྣང་དེ་ཙམ་གནང་མེད་པའི་ཁར་རྒྱ་གཞུང་ནས་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་ཡང་སྲིད་གནད་དོན་ཐོག་ཐེ་བྱུས་བྱེད་བཞིན་པར་དོ་སྣང་སྔར་ལྷག་གནང་རྒྱུའི་དུས་ལ་སླེབས་ཡོད་སྟབས། ད་ལན་ཉན་ཞིབ་ཀྱི་ལས་རིམ་དེའི་བརྒྱུད་རྒྱ་གཞུང་གིས་བོད་མིའི་ཆོས་ཕྱོགས་དང་རིག་གཞུང་སྲུང་སྐྱོབ་ཀྱི་ལས་དོན། དེ་བཞིན་གསར་འགོད་པ་དང་ཕྱི་མི་བོད་ནང་འགྲོ་བསྐྱོད་བྱེད་རྒྱུར་བཀག་སྡོམ་བྱེད་པ་སོགས་འགྲོ་བ་མིའི་ཐོབ་ཐང་གི་གནས་སྟངས་སྤྱི་ཡོངས་ཐད་ལ་གླེང་སློང་གནང་རྒྱུ་ཡིན་ཞེས་གསུངས་འདུག གཞན་ཡང་རྒྱལ་སྤྱིའི་བོད་དོན་ལས་འགུལ་ཁང་གི་འགནས་འཛིན་སྐུ་ཞབས་ Matteo Mecacci ལགས་ནས་ཀྱང་ཞི་ཅིང་ཕིང་གིས་སྣེ་ཁྲིད་པའི་རྒྱ་ནག་གཞུང་གི་དབང་ཆ་གཅིག་སྡུད་ཀྱི་ལམ་ལུགས་འོག་རྒྱ་ནག་གི་དབང་ཤུགས་རྒྱལ་སྤྱིའི་ཐོག་དར་ཁྱབ་བྱེད་མུས་དང་།  ལྷག་པར་དུ་བོད་ནང་གི་གནས་སྟངས་ཆེས་ཛ་དྲགས་ཅན་ཞིག་ཆགས་པའི་དུས་མཚམས་འདིར་ཉན་ཞིབ་ཀྱི་ལས་རིམ་ཞིག་ཚོགས་གཏན་འཁེལ་བར་དགའ་བསུ་དང་སྦྲགས། ཨ་རི་བ་གཙོས་པའི་རྒྱལ་སྤྱིའི་མང་ཚོགས་མང་པོས་ཆེས་དགའ་མོས་དང་དད་གུས་ཞུ་ཡུལ་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༨༠ ལྷག་ཕེབས་ཟིན་ཡང་མུ་མཐུད་འཛམ་གླིང་ཞི་བདེ་དང་བོད་ཀྱི་ཐུན་མོང་མ་ཡིན་པའི་ཆོས་དང་རིག་གཞུང་སྲུང་སྐྱོབ། དེ་བཞིན་ཁོར་ཡུག་གི་གནད་དོན་སོགས་ཀྱི་ཐད་ལ་ཐུགས་འགན་རླབས་ཆེན་བཞེས་བཞིན་ཡོད་པར་ཨ་རིའི་གྲོས་ཚོགས་གོང་འོག་གཉིས་ཀྱི་ཆབ་སྲིད་ཚོགས་པ་ཟུང་འབྲེལ་ཐོག་༸གོང་ས་མཆོག་དང་བོད་དོན་ལ་རྒྱབ་སྐྱོར་གནང་རྒྱུ་གལ་ཆེ་ཆགས་ཀྱི་ཡོད་པ་གསུངས་འདུག ཁྱད་པར་དུ་ཁོང་གིས་ལས་རིམ་དེའི་ཐོག་ནས་རྒྱ་ནག་གཞུང་ལ་རྒྱལ་སྤྱིའི་ངོས་ནས་ད་ལྟ་ཡང་བོད་དོན་ལ་རྒྱབ་སྐྱོར་གཡོ་བ་མེད་པ་གནས་ཡོད་པའི་བརྡ་ལན་གསལ་པོ་ཞིག་སྤྲོད་ཐུབ་པ་བྱེད་དགོས་ཞེས་གསུངས་ཡོད། རྩ་བའི་ཨ་རིའི་གྲོས་ཚོགས་ནང་ཚོགས་གཏན་འཁེལ་བོད་དོན་ཉན་ཞིབ་ཀྱི་ལས་རིམ་འདི་ཨ་མི་རི་ཀའི་གྲོས་ཚོགས་ཀྱི་ཕྱི་སྲིད་ལས་དོན་ཚོགས་ཆུང་གི་དྲ་ཐོག་ནས་ཐད་སྲིང་གནང་གི་ཡོད་པ་མ་ཟད། ལས་རིམ་དེ་གྲུབ་མ་ཐག་ཉེ་ཆར་ཟླ་བ་སྔོན་མའི་ཕྱི་ཚེས་ ༡༦ ཉིན་ཡུལ་དེའི་གྲོས་ཚོགས་འཐུས་མི་སྐུ་ཞབས་ Ted Cruz ལགས་དང་ Robert Menendez ལགས། དེ་བཞིན་ Marco Rubio ལགས་གཙོས་གྲོས་ཚོགས་འཐུས་མི་གཞན་ཁག་ཅིག་ཐུན་མོང་ནས་གྲོས་ཚོགས་གོང་འོག་གཉིས་སུ་ཨ་མི་རི་ཀའི་སྲིད་འཛིན་སྐུ་ཞབས་ Donald Trump མཆོག་གིས་སྣེ་ཁྲིད་པའི་སྲིད་གཞུང་ནས་ཨ་རི་དང་རྒྱ་ནག་གཉིས་ཀྱི་འབྲེལ་ལམ་ཁྲོད་བོད་ཀྱི་གནད་དོན་དེ་ངེས་པར་གལ་ཆེ་དོན་ཆེར་བརྩི་དགོས་པའི་གྲོས་འཆར་ཞིག་ཆེད་བཏོན་གནང་པ་དེའི་ཐོག་བགྲོ་གླེང་གནང་གི་ཡོད་པ་རེད།

ཨ་རིའི་རང་དབང་ཁང་པ་དང་རྒྱལ་སྤྱིའི་འགྲོ་བ་མིའི་ཐོབ་ཐང་ལྟ་ཞིབ་ཚོགས་པ་སོགས་ནས་ཐེར་བཏོན་གནང་པའི་འཛམ་གླིང་ནང་གི་དྲ་རྒྱའི་རང་དབང་ཆེས་སྡུག་ཡིན་པ་རྒྱ་ནག་རྒྱལ་ཁབ་ནང་དུ་འཛམ་གླིང་གི་དྲ་རྒྱའི་ལྷན་ཚོགས་ཚོགས་འདུག ཟླ་བ་འདིའི་ཕྱི་ཚེས་ ༣ ནས་ཁ་སང་ཚེས་ ༥ བར་ཉིན་གྲངས་བཞིའི་རིང་རྒྱ་ནག་གཞུང་གི་གོ་སྒྲིག་འོག་ 4th World Internet Conference ཞེས་པའི་འཛམ་གླིང་གི་དྲ་རྒྱའི་ལྷན་ཚོགས་ཞིག་ཁུལ་དེའི་གྲོང་ཁྱེར་ Wuzhen ནང་བསྐོང་ཚོགས་བྱས་འདུག་པ་དང་། ལྷན་ཚོགས་དེའི་ཐོག་འཛམ་གླིང་ནང་གི་དྲ་རྒྱའི་ཚོང་ལས་གཉེར་མཁན་ཆེས་གྲས་ Apple དང་ Google དེ་བཞིན་ Alibaba ལ་སོགས་པའི་སྤྱི་ཁྱབ་འགན་འཛིན་དང་དྲ་རྒྱའི་ཆེད་ལས་མི་སྣ། ཉམས་ཞིབ་པ། དེ་བཞིན་མཁས་དབང་སོགས་གནད་ཡོད་མི་ ༡༥༠༠ ལྷག་འདུ་འཛོམས་བྱུང་འདུག རྒྱ་ནག་གཞུང་གི་ངོས་ནས་ད་ལན་གྱི་ལྷན་ཚོགས་དེ་ནི་གཙོ་བོ་གུ་ཡངས་ཐོག་ནས་དྲ་ཐོག་ཚོང་འབྲེལ་གོང་འཕེལ་དང་མཉམ་སྤྱོད་ཁེ་དབང་། དེ་བཞིན་རིང་མིན་གོ་ལ་སྤྱི་ལ་ཁྱབ་པའི་དྲ་རྒྱ་བཀོལ་སྤྱོད་ཆེད་འཛུགས་བྱ་རྒྱུ་ཡིན་པ་བརྗོད་ཡོད་ཀྱང། The China Digital Times བརྒྱུད་ལམ་ཐོག་ལྷན་ཚོགས་དེ་དང་འབྲེལ་ནས་དོན་དངོས་ཐོག་རྒྱ་ནག་གཞུང་གིས་རྒྱ་ནག་ནང་གི་དྲ་རྒྱའི་རང་དབང་ལ་དམ་དྲག་བཀག་སྡོམ་བྱས་པའི་གནས་ཚུལ་ཞིག་ཕྱིར་བསྒྲགས་བྱས་འདུག དེའི་ནང་རྒྱ་གཞུང་གིས་ཉེ་བའི་ཆར་ Weibo དང་ Blog དེ་བཞིན་ Wechat ལ་སོགས་པའི་སྤྱི་ཚོགས་འབྲེལ་མཐུད་བརྒྱུད་ལམ་དེ་དག་གི་ཐོག་ནས་ཐེངས་འདིའི་ལྷན་ཚོགས་གཙོ་འགྱུར་དེ་མིན་རྒྱ་ནག་དམར་ཤོག་པའི་ཚོགས་འདུ་ལ་སོགས་པར་མང་ཚོགས་ཀྱིས་སྐྱོན་བརྗོད་སྤེལ་ཁག་བཀག་སྡོམ་བྱས་པ་མ་ཟད། སྐྱོན་བརྗོད་དང་འབྲེལ་བའི་ཚིག་དེ་དག་དྲ་རྒྱའི་ཐོག་བསྔོག་མི་ཐུབ་པ་བཟོས་ཡོད་འདུག སྤྱིར་རྒྱ་ནག་གཞུང་ནས་རྒྱ་ནག་ཁྱོན་ཡོངས་སུ་དར་ཁྱབ་ཆེ་བའི་ཀུ་ཤུ་རྟགས་ཅན་གྱི་ལག་ཐོགས་ཁ་པར་དང་གློག་ཀླད། དེ་བཞིན་སྤྱི་ཚོགས་འབྲེལ་མཐུད་ཀྱི་བརྙན་ཆས་ཕབ་ལེན་བྱེད་སའི་འཕྲུལ་ཆས་ཁག་གི་ནང་བེད་སྤྱོད་བྱེད་བཞིན་པའི་ VPN ཞེས་པའི་གསང་བའི་དྲ་ལམ་ཁག་བཀག་སྡོམ་བྱས་པ་ཡོད་མ་ཟད། ད་བར་རྒྱ་ནག་ཏུ་འཛམ་གླིང་ནང་གི་ Google དྲ་རྒྱ་དེ་བཀོལ་སྤྱོད་གནང་རྒྱུ་མེད་པ་བཟོས་ཡོད་པ་རེད། འོན་ཀྱང་རྒྱ་ནག་གཞུང་གིས་གོང་གི་དྲ་རྒྱའི་ཚོང་ལས་ཁང་དེ་གཉིས་ཐོག་བཀག་སྡོམ་བྱེད་བཞིན་ཡོད་མེད་ལ་ལྟོས་མེད་ཀུ་ཤུ་རྟགས་ཅན་ཚོང་ལས་ཁང་གི་འགན་འཛིན་སྐུ་ཞབས་ Tim Cook དང། རྒྱ་ནག་ཏུ་དྲ་རྒྱའི་ཚོང་གི་འབྲེལ་བ་གང་ཡང་མེད་པའི་ Google དྲ་རྒྱའི་ཚོང་ལས་ཁང་གཉིས་ཀྱི་འགན་འཛིན་ Sundar Pichai གཉིས་ནས་ད་ལན་རྒྱ་ནག་ཏུ་བསྐོང་ཚོགས་བྱས་པའི་ལྷན་ཚོགས་དེར་མཉམ་ཞུགས་ཀྱིས་རྒྱ་གཞུང་གིས་དྲ་རྒྱ་བཏང་འཛིན་བྱེད་ཕྱོགས་ཀྱི་སྲིད་བྱུས་དང་མ་འོངས་པའི་འཆར་སྣང་ལ་རྒྱབ་སྐྱོར་བྱས་པར་ཕྱི་རྒྱལ་བརྒྱུད་ལམ་ཁག་ནས་ཁོང་གཉིས་ཀྱི་བྱ་སྤྱོད་ལ་སྐྱོན་བརྗོད་ཤུགས་ཆེ་བྱས་འདུག རྩ་བའི་ད་བར་རྒྱ་ནག་གཞུང་གིས་ཁུལ་དེའི་ནང་དུ་མང་ཚོགས་ཀྱི་དྲ་རྒྱའི་རང་དབང་ཐོག་འཛིན་བཞིན་པའི་སྲིད་བྱུས་ལ་རྒྱལ་སྤྱིའི་ནང་གཞུང་སྒེར་ཚོགས་པ་ཁག་དུ་མས་སྐྱོན་བརྗོད་བྱེད་བཞིན་ཡོད་པ་དང།  ལྷག་པར་དུ་འདི་ལོའི་ཨ་རིའི་རང་དབང་ཁང་པའི་ལོ་འཁོར་སྙན་ཐོ་ནང་དུ་འདས་པའི་ལོ་གསུམ་བསྟུད་མར་རྒྱ་ནག་དེ་འཛམ་གླིང་ནང་དྲ་རྒྱ་བཀོལ་སྤྱོད་ཀྱི་རང་དབང་ཆེས་སྡུག་ཤོས་ཡིན་པར་ཐེར་བཏོན་བྱས་ཡོད་པ་རེད། ཁྱད་པར་དུ་བོད་དང་ཤིང་ཅང་ལྟ་བུའི་ས་ཁུལ་སོགས་ཀྱི་ནང་མང་ཚོགས་ལ་དམིགས་བསལ་དམ་དྲག་བྱེད་བཞིན་ཡོད་པ་མ་ཟད་མང་ཚོགས་ཀྱི་ཁ་པར་བརྒྱུད་དྲ་རྒྱ་བཀོལ་སྤྱོད་བྱེད་རྒྱུར་བཀག་སྡོམ་ཡང་ནས་ཡང་དུ་བྱེད་མུས་ཡིན་པར་སྐྱོན་བརྗོད་ཀྱང་ནན་པོ་བྱས་ཡོད་པ་རེད།  

ཉན་པ།: Listen ཕབ་ལེན། Download ཆོས་ཚང་མའི་ནང་དོན་སྙིང་པོ་དེ་བྱམས་བརྩེའི་བསམ་པ་གོང་མཐོར་གཏོང་རྒྱུ་ཡིན་པ་བཀའ་བསྩལ་བ། ཁེ་ན་ཌའི་སྲིད་བློན་མཆོག་ལ་བོད་དོན་གླེང་དགོས་པའི་ཞུ་འབོད་གནང་འདུག སྤྱི་ཚོགས་ནང་གི་འཁྲུག་རྐྱེན་དང་ཨ་སྒོར་ས་ཡ་གཅིག་དང་ཕྱེད་ཀའི་མཇུག་འབྲས་ཡོངས་ཀྱི་འགན་བཀའ་ཤག་དང་སྲིད་སྐྱོང་ལ་ཡོད། བཀའ་ཟུར་ས་འདུ་རིན་ཆེན་དོན་གྲུབ་མཆོག་གི་མི་ཚེའི་ལོ་རྒྱུས་ཀྱི་དཔེ་དེབ་དབུ་འབྱེད། བོད་ནང་གི་ས་ཡོམ་རྐྱེན་པས་ཨ་རུ་ནྭ་ཅལ་གྱི་གཙང་པོ་ནག་པོར་འགྱུར་ཡོད་པ་གསུངས་འདུག Tuesday 05/12/2017 Dalai Lama attends Annual Prize Distribution function at Govt. College, Dharamsala Tibet activists urge Trudeau to talk Tibet before human rights Kashag should bear the responsibility: Penpa Tsering responds to charges against him A Life Unforeseen: Memoir of Kasur Rinchen Sadutsang Brahmaputra turning black due To recent earthquakes in Tibet

ཨ་རིའི་སྐུ་ཚབ་དོན་གཅོད་ནས་འཕོས་མ་ཐག་པ་སྤྱི་འཐུས་ཚོགས་གཙོ་ཟུར་པ་སྤེན་པ་ཚེ་རིང་མཆོག་ནས་དེ་རིང་བཞུགས་སྒར་ནོར་བུ་གསོལ་མགྲོན་ཁང་དུ་གསར་འགོད་ལྷན་ཚོགས་ཤིག་གི་ཐོག་བཀའ་ཤག་གིས་ཁོང་དོན་གཅོད་ནས་འཕོ་འགྱུར་བཏང་དགོས་དོན་གྱི་གསལ་བཤད་སྔ་རྗེས་ཐད་ལ་ཚོུད་ ༤།༠༠ ཙམ་རིང་ལན་འདེབས་གནང་སོང་བ་དང་། ཁོང་གིས་སྐབས་དེར་ཨ་རིའི་དོན་གཅོད་འཕོ་འགྱུར་དང་འབྲེལ་ནས་སྤྱི་ཚོགས་ནང་གི་འཁྲུག་རྐྱེན་དང་ཨ་སྒོར་ས་ཡ་གཅིག་དང་ཕྱེད་ཀའི་མཇུག་འབྲས་ཡོངས་ཀྱི་འགན་བཀའ་ཤག་དང་སྲིད་སྐྱོང་ལ་ཡོད་ཅེས་གསུངས་སོང་། སྐབས་དེར་ཨ་རིའི་དོན་གཅོད་ཟུར་པ་སྤེན་པ་ཚེ་རིང་མཆོག་ནས་ལན་འདེབས་གསལ་བཤད་ཁུངས་སྐྱེལ་ཡིག་ཆ་ཤོག་གྲངས་ ༩༠ ཡས་མས་འགོས་འགྲེམས་གནང་ཐོག་བོད་མིའི་སྒྲིག་འཛུགས་ཀྱི་གསལ་བཤད་དོན་ཚན་བཅུ་ཅན་དང་། དེ་བཞིན་ད་དབར་སྲིད་སྐྱོང་བློ་བཟང་སེང་གེ་མཆོག་དང་ཆོས་རིག་བཀའ་བློན་གཡུ་ཐོག་ཀརྨ་དགེ་མཆོག་གིས་དོན་གཅོད་འཕོ་འགྱུར་དང་འབྲེལ་བའི་ཐད་ལ་གསལ་བཤད་དང་འགྲེལ་བརྗོད་གང་གནང་པ་དེ་དག་བདེན་པ་ཡིན་མིན་ཁུངས་སྐྱེལ་དཔང་ཡིག་དང་བཅས་པ་འགྲེལ་བརྗོད་ཞིབ་ཚགས་གནང་སོང་། ཁྱད་པར་དུ་དོན་གཅོད་ཟུར་པ་སྤེན་པ་ཚེ་རིང་མཆོག་ནས་དེ་རིང་གི་གསར་འགོད་ལྷན་ཚོགས་འདིའི་ཐོག་ནས་བཀའ་ཤག་གི་དོན་ཚན་བཅུ་ཅན་གྱི་གསལ་བཤད་དེ་དོན་ཚན་གསུམ་གྱི་ཐོག་ནས་ལན་འདེབས་དང་སྦྲགས། ད་བར་ཁོང་ལ་འཁྲི་པའི་ལས་དོན་བསྒྲུབ་མ་ཐུབ་པ་གང་ཡང་མེད་པ་དང་། འཛིན་སྐྱོང་གི་ངོས་ནས་ཁོང་ལ་ཡིད་ཆེས་བློས་འགེལ་གནང་མེད་པ། བྱ་སྤུ་གནོན་གྱི་གོ་རིམ་ལ་ལྟོས་མེད་གནང་མེད་པ་དཔེ་མཚོན་རེ་རེ་གཉིས་གཉིས་ཁུངས་སྐྱེལ་དང་བཅས་འགྲེལ་བརྗོད་གནང་ཡོད་པ་མ་ཟད་སྒོས་སུ་དོན་གཅོད་ཟུར་པ་སྤེན་པ་ཚེ་རིང་མཆོག་གིས་དོན་གཅོད་འཕོ་འགྱུར་གྱི་ཐག་གཅོད་དེ་བཀའ་ཤག་གིས་གནང་པ་ལས་ཁོང་གིས་དགོངས་ཞུ་གནང་པ་དེ་འདྲ་མིན་སྟབས། དེའི་རྗེས་འབྲེལ་གྱི་གནས་ཚུལ་ཡོངས་རྫོགས་ཀྱི་འགན་དབང་བཀའ་ཤག་དང་སྲིད་སྐྱོང་མཆོག་ལ་ཡོད་ཅེས་གསུངས་ཡོད། ད་དུང་ཁོང་གིས་ཐེངས་འདིའི་གནས་ཚུལ་ཁོངས་སུ་ཨ་རིའི་བོད་ཀྱི་ཐེབས་རྩ་ཁང་གི་ཨ་སྒོར་ས་ཡ་གཅིག་དང་ཕྱེད་ཀའི་སྐོར་དང་འབྲེལ། གནད་དོན་དེ་ནི་བཙན་བྱོལ་བོད་མིའི་བཅའ་ཁྲིམས་དང་འགལ་ཡོད་པ་མ་ཟད། ཨ་སྒོར་ས་ཡ་གཅིག་དང་ཕྱེད་ཀའི་སྐོར་གྱི་གྲོས་འགོ་བཏོན་མཁན་དང་པོ་དེ་འཛིན་སྐྱོང་ཡིན་སྟབས་དེའི་མཇུག་འབྲས་ཇི་བྱུང་གི་འགན་ཡོངས་རྫོགས་བཀའ་ཤག་དང་སྲིད་སྐྱོང་མཆོག་ལ་ཡོད་པ་གསུངས་ཡོད་པ་རེད། དུས་ཡུན་ཚོུད་ ༢།༠༠ ལྷག་རིང་ལ་ལན་འདེབས་གསལ་བཤད་གནང་པའི་ཁྲོད་དོན་གཅོད་ཟུར་པ་སྤེན་པ་ཚེ་རིང་མཆོག་གིས་ཁོང་ནས་ལོ་གཅིག་དང་ཟླ་གསུམ་རིང་ཨ་རིའི་དོན་གཅོད་ཀྱི་ལས་འགན་བཞེས་པའི་ཁྲོད་རྩ་དོན་དང་སྒྲིག་འཛུགས་གཙོ་བཟུང་ཐོག་ལས་འགན་འཁུར་ཡོད་སྟབས། དོན་མེད་ཉེས་མེད་ཉེས་འཛུགས་དང་མ་ཉེས་ཁག་གཡོགས་གནང་ཚེ་མང་གཙོའི་ཁེ་དབང་ལོངས་སུ་སྤྱོད་ནས་དཀར་ནག་བདེན་རྗུན་མཐའ་སེལ་གྱི་བྱེད་ཐབས་ཇི་དགོས་བརྩམ་རྒྱུ་ཡིན་ཞེས་གསུངས་ཡོད། དེ་བཞིན་དོན་གཅོད་ཟུར་པ་མཆོག་གིས་རྒྱ་ཆེ་མང་ཚོགས་ནས་གནས་ཚུལ་འདི་ནི་སྒྲིག་འཛུགས་ཀྱི་ལས་དོན་བྱེད་ཕྱོགས་གཅིག་དང་འབྲེལ་ཡོད་སྟབས། བློ་གཟུ་བོར་གནས་པའི་ཐོག་ནས་བདེན་རྫུན་ཞིབ་འཇུག་གནང་གལ་ཡིན་པར་འབོད་སྐུལ་སོགས་གནང་སོང་། སྐུ་ཞབས་སྤེན་པ་ཚེ་རིག་མཆོག་དོན་གཅོད་ཀྱི་ལས་གནས་ནས་འཁྱུར་མ་ཐག་ཚོགས་ཟུར་གྱི་མཚན་གནས་ཐོག་ནས་མང་ཚོགས་ལ་འབྲེལ་བ་བྱ་རྒྱུའི་སྒེར་གྱི་ངོ་དེབ་གཅིག་ཕྱེས་ཡོད་ནའང། ཁ་སང་ངོ་དེབ་བཀག་ཡོད་པའི་གནས་ཚུལ་བྱུང་བ་མ་ཟད། དེ་རིང་གསར་འགོད་ལྷན་ཚོགས་དེ་ངོ་དེབ་ཁ་བྱང་གཞན་ཞིག་གི་ཐོག་ནས་གནང་ཡང་ལས་རིམ་དེ་འགོ་འཛུགས་ནས་ཚོུད་ཕྱེད་ཀ་ཙམ་སོང་མཚམས་སུ་ངོ་དེབ་དེ་ཡང་བཀག་པའི་གནས་ཚུལ་བྱུང་ཡོད་པ་རེད། རྩ་བའི་ཨ་རིའི་དོན་གཅོད་འཕོ་འགྱུར་དང་འབྲེལ་ཏེ་འཛིན་སྐྱོང་བཀའ་ཤག་གིས་ཐོག་མའི་བཀོད་ཁྱབ་དེ་ཟླ་བ་སྔོན་མའི་ཚེས་ ༧ ཉིན་བཏང་རྗེས་སྤྱི་ཚོགས་ནང་གནད་དོན་དེའི་རྒྱུ་རྐྱེན་ཇི་ཡིན་སོགས་གླེང་གཞི་ཅན་དུ་འགྱུར་ནས་དྲི་བ་དང་དྭོགས་པ་རྣམ་རྟོག་ཇེ་སྙེད་ཅིག་ལྷག་ཡོད་ཅིང་། ཕྱི་ཚེས་ ༩ ཉིན་སྲིད་ཚབ་ཆོས་རིག་བཀའ་བློན་མཆོག་ནས་གསར་འགོད་པར་གསལ་བཤད་དང་དྲི་བར་ལན་འདེབས་བཅས་གནང་ཡོད་པ་དང་། དེའི་རྗེས་སུ་ཕྱི་ཟླ་ ༡༡ ཚེས་ ༡༨ ཉིན་འཛིན་སྐྱོང་བཀའ་ཤག་གི་གསལ་བཤད་དོན་ཚན་བཅུ་ཅན་ཞིག་གི་ཐོག་ནས་དོན་གཅོད་སྤེན་པ་ཚེ་རིང་མཆོག་ནས་བཀའ་ཤག་གི་ཐུགས་རེ་བཞིན་ལས་དོན་བསྒྲུབ་མ་ཐུབ་པ་དང་། ཡིད་ཆེས་བློས་འགེལ་མི་ཐུབ་པ། དེ་བཞིན་འཛིན་སྐྱོང་བྱ་སྤུ་གནོན་གྱི་གོ་རིམ་ལ་ལྟོས་མེད་གནང་ཡོད་པ་བཅས་གསུངས་ཡོད་པ་རེེད། ཐེངས་འདིའི་ཨ་རིའི་དོན་གཅོད་འཕོ་འགྱུར་གྱི་གནད་དོན་དང་འབྲེལ་ནས་ཉིན་ཤས་གོང་ཟླ་སྔོན་མའི་ ༢༧ དང་ ༢༨ སོ་སོར་ཨ་རིའི་རྒྱལ་ས་ Washington DC དང་བཞུགས་སྒར་གངས་ཅན་སྐྱིད་གཤོངས་སུ་མང་ཚོགས་བརྒྱ་སྐོར་ལ་ཉེ་བས་ཨ་རིའི་དོན་གཅོད་འཕོ་འགྱུར་གྱི་གནད་དོན་དང་འབྲེལ་འཛིན་སྐྱོང་ནས་རང་དབང་ལྡན་པའི་ཞིབ་འཇུག་ཚོགས་ཆུང་ཞིག་ཆེད་འཛུགས་ཐོག་དོན་རྐྱེན་གང་ཡིན་གང་མགྱོགས་ཕྱི་གསལ་ནང་གསལ་གྱི་ཐག་གཅོད་བྱེད་དགོས་པ་དང་དབང་ཆ་བེད་སྤྱོད་ལོག་པ་གཏང་རྒྱུ་མེད་པ། མི་མང་གི་མངོན་འདོད་སྣང་མེད་གཏང་མི་ཆོག་པ་བཅས་བོད་མིའི་སྒྲིག་འཛུགས་ལ་ཞུ་འབོད་ཀྱི་ལས་འགུལ་སྤེལ་ཡོད་པ་རེད།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འཛམ་གླིང་འདིའི་ཐོག་ཡོད་པའི་ཆོས་ལུགས་མི་འདྲ་བ་ཚང་མའི་ནང་དོན་སྙིང་པོ་དེ་བྱམས་རྩེའི་བསམ་པ་གོང་མཐོག་གཏོང་རྒྱུ་ཡིན་པར་བཀའ་བསྩལ་སོང་། དེ་རིང་སྔ་དྲོ་ཆུ་ཚོད་ ༩༌༣༠ ཐོག་༸གོང་ས་༸སྐྱབས་མགོན་ཆེན་པོ་མཆོག་བཞུགས་སྒར་ཉེན་རྟོག་ལས་ཁུངས་ཉེ་འདབས་སུ་རྟེན་གཞི་བྱས་པའི་ཧི་མཱ་ཅལ་མངའ་སྡེའི་མཐོ་སློབ་ཀྱི་ལོ་འཁོར་གཟེངས་རྟགས་མཛད་སྒོའི་སྐུ་མགྲོན་གཙོ་བོར་ཆིབས་བསྒྱུར་བཀྲིན་བསྐྱངས་ཏེ་དགེ་ལས་སློབ་མ་རྣམས་ལ་རྒྱ་གར་གྱི་གནའ་བོའི་རིག་གཞུང་གི་གལ་གནད་དང་། ཆོས་ལུགས་མཐུན་སྒྲིལ་བཅས་ཀྱི་སྐོར་ལམ་སྟོན་རྒྱ་ཆེ་མཛད་ཡོད་པ་དང་། སྐབས་དེར་༸གོང་ས་མཆོག་ནས་མགོན་པོ་༸གང་ཉིད་མཆོག་དགུང་གྲངས་དྲུག་ཙམ་ནས་རྒྱ་གར་གྱི་ཐུན་མོང་མ་ཡིན་པའི་གནའ་བོའི་རིག་གནས་ཐོག་སློབ་གཉེར་གནང་སྟེ་རིམ་པས་རིག་གནས་དེ་དག་འགྲོ་བ་མིའི་སེམས་ཀྱི་ཞི་བདེ་དང་། བྱམས་བརྩེའི་བསམ་པ་གོང་མཐོར་གཏོང་རྒྱུ་སོགས་ལ་དགེ་མཚན་ཆེན་པོ་ཡོད་པ་དངོས་སུ་མཁྱེན་རྟོགས་བྱུང་ཡོད་པ་མ་ཟད། ད་ཆ་མགོན་པོ་༸གང་ཉིད་མཆོག་ས་གནས་གང་དུ་ཕེབས་ཀྱང་གནའ་བོའི་རིག་གནས་དེ་དག་སླར་གསོ་དང་ཁྱབ་སྤེལ་མཛད་རྒྱུར་དགོངས་པ་ཆེ་བཞེས་གནང་གི་ཡོད་པ་བཀའ་ནན་བསྩལ་ཡོད་པ་རེད། བཀའ་སློབ་ཀྱི་མཛད་རིམ་ཁག་ལེགས་པར་གྲུབ་མ་ཐག་མགོན་པོ་༸གང་ཉིད་མཆོག་ནས་ཧི་མཱ་ཅལ་མངའ་སྡེའི་མཐོ་སློབ་ཀྱི་ལོ་འཁོར་གཟེངས་རྟགས་མཛད་སྒོའི་ཐོག་ཕྱག་འཁྱེར་བཞེས་མཁན་གྱི་སློབ་མ་ ༣༠༠ ལྷག་ལ་འཚམས་འདྲི་དང་ཁོང་རྣམ་པའི་གཟེངས་རྟགས་ལ་བསྔོ་སྨོན་མཛད་ཡོད།