Monthly Archives: January, 2018

བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་གསར་པ་སྐུ་ཞབས་Jai Ram Thakurམཆོག་ལ་འཚམས་འདྲིའི་མཇལ་འཕྲད་གནང་སོང་།   དེ་ཡང་དེ་རིང་སྔ་ཐོག་བཞུགས་སྒར་རྡ་རམ་ས་ལར་རྟེན་གཞི་བྱས་པའི་མངའ་སྡེིའི་གཞུང་འབྲེལ་Circuit Houseནང་གནང་བའི་དབུ་ཁྲིད་རྣམ་གཉིས་མཇལ་འཕྲད་དེའི་སྐབས། བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་ལྷན་དཔལ་འབྱོར་བཀའ་བློན་རྐམ་ཡེ་ཤེས་མཆོག་ཆེད་བཅར་ཞུས་འདུག སྐབས་དེར་སྲིད་སྐྱོང་མཆོག་གིས་ད་ལན་གསར་དུ་འདེམས་ཐོན་བྱུང་བའི་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ Jai Ram Thakur མཆོག་གིས་གཙོས་པའི་ཕྱགས་འབྲེལ་བློན་ཆེན་གསར་པ་རྣམ་ལ་འཚམས་འདྲིའི་མཇལ་དར་དང། དེ་བཞིན་སྤྱི་ཁྱབ་བློན་ཆེན་མཆོག་ལ་ཕྱག་རྟགས་སུ་སྟོན་པའི་སྐུ་བརྙན་གྱི་ཞལ་ཐང་ཞིག་ཀྱང་འབུལ་གནང་སོང་། སྐབས་དེའི་སྔ་འདྲོ་མཇལ་འཕྲད་གྲུབ་མཚམས་སུ་སྲིད་སྐྱོང་མཆོག་གིས་གསར་འགོད་པའི་བཅར་འདྲི་དང་ལེན་གནང་སྐབས། རྩ་བའི་རྒྱ་གར་གཞུང་མང་གཉིས་ནས་ད་བར་བོད་མི་དང་བོད་དོན་ཐོག་ལ་གནང་བ་དེ་ལས་ལྷག་པ་རྒྱལ་ཁབ་གཞན་སུའི་ཀྱང་གནང་མེད་པ་མ་ཟད། ཁྱད་པར་དུ་ཧི་མཱ་ཅལ་གཞུང་གིས་བོད་མིའི་ཐོག་གནང་བ་དེ་དམིགས་བསལ་ཞིག་ཆགས་ཀྱི་ཡོད་པ་གསུངས་སྟེ། ད་ལན་འཚམས་འདྲི་མཇལ་འཕྲད་དེའི་བརྒྱུད་ཧི་མཱ་ཅལ་མངའ་སྡེའི་གཞུང་མང་གཉིས་ལ་ཐུགས་རྗེ་ཆེ་ཞུས་པ་དང་འབྲེལ། འབྱུང་འགྱུར་བོད་མིའི་ཐོག་མུ་མཐུད་རྒྱབ་སྐྱོར་གནང་སྐྱོང་ཡོང་བ་ཞུས་འདུག རྩ་བའི་ཟླ་བ་སྔོན་མ་སྟེ་ཕྱི་ཟླ་ ༡༢ པའི་ཚེས་ ༡༨ ཉིན་ཧི་མཱ་ཅལ་མངའ་སྡེའི་གྲོས་ཚོགས་འོས་བསྡུའི་གྲུབ་འབྲས་གསལ་བསྒྲགས་བྱས་ཏེ་བྷི་ཇེ་པི་སྲིད་དོན་ཚོགས་པར་གྲོས་ཚོགས་རྐུབ་སྟེགས་ ༦༨ ནས་ ༤༤ ཐོབ་ནས་ཐེངས་ལྔ་ཡི་རིང་མངའ་སྡེའི་གྲོས་ཚོགས་འཐུས་མི་བྱེད་མྱོང་བའི་རང་ལོ་་༥༢ ཡིན་པའི་སྐུ་ཞབས་ཇཡཱ་རམ་ཐཱ་ཀུར་མཆོག་ཧི་མ་ཅལ་མངའ་སྡེའི་སྤྱི་ཁྱབ་བློན་ཆེན་གསར་པར་བསྐོ་གཞག་བྱས་ཡོད་པ་རེད། སྤྱི་ཁྱབ་བློན་ཆེན་གསར་པ་མཆོག་གི་དམ་འབུལ་མཛད་སྒོ་དེ་བཞིན་ཟླ་བ་སྔོན་མའི་ཕྱི་ཚེས་ ༢༧ ཉིན་མངའ་སྡེའི་རྒྱལ་ས་སིམ་ལར་རྒྱ་གར་གྱི་སྲིད་བློན་མཱོ་ཌི་གཙོས་པའི་རྒྱ་གར་དབུས་གཞུང་དང་མངའ་སྡེའི་བློན་ཆེན་ཁག་བཅས་འདུ་འཛོམས་ཐོག་གནང་ཡོད་པ་རེད།    

ཉན་པ།: Listen ཕབ་ལེན། Download ༸གོང་ས་མཆོག་དང་བྷི་ཧར་གྱི་སྤྱི་ཁྱབ་བློན་ཆེན་མཆོག་ནས་ནང་པའི་ཚན་རིག་དང་ལྟ་གྲུབ་ཀུན་བཏུས་ཀྱི་ཕྱག་དེབ་དབུ་འབྱེད་མཛད་པ། སློབ་ཁག་བརྒྱད་རྩིས་ལེན་དང་འབྲེལ་དགེ་ལས་༡༥༨ ས་མིག་བཏོན་སོང་། རྒྱ་གར་གྱི་མཐོ་རིམ་མིའི་ཁྲོད་བོད་དོན་དྲིལ་བསྒྲགས་ཀྱི་ལས་འགུལ་སྤེལ་བཞིན་པ། རྒྱ་གཞུང་གིས་གནོན་ཤུགས་འོག་༸གོང་ས་མཆོག་གི་མཛད་རྣམ་པར་འགྲེམས་མི་ཆོག་པ་བཟོས་འདུག བོད་ཀྱི་རྒྱལ་རབས་དང་ལོ་རྒྱུས་ངོ་སྤྲོད། རྒྱལ་མཆོག་༸སྐུ་ཕྲེང་གཉིས་པ། Monday 08/01/2018 Dalai Lama, Bihar CM jointly release book on Science and Philosophy at Bodh Gaya DoE to take charge of another eight CST schools; announces 158 teachers post Writer activist Tenzin Tsundue on India speaking tour: Interview Leading Sri Lankan newspaper stops publication of Dalai Lama’s autobiography in Sinhalese HISTORY FEATURE: The 2nd Dalai Lama Gedun Gyatso

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་དུ་ཆོས་འབྲེལ་མཛད་འཕྲིན་བཀྲིན་བསྐྱངས་བཞིན་པའི་ཁྲོད་ཁ་སང་༸གང་ཉིད་མཆོག་དང་བྷི་ཧར་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ Nitish Kumar མཆོག་ནས་ནང་པའི་ཚན་རིག་དང་ལྟ་གྲུབ་ཀུན་བཏུས་ཞེས་པའི་དཔེ་དེབ་ཨིན་དབྱིན་ཡིག་ཐོག་ཕབ་བསྒྱུར་གྲུབ་པ་ཞིག་དབུ་འབྱེད་བཀྲིན་མཛད་འདུག དེབ་དེ་ནི་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གི་དགོངས་བཞེད་དང་བཀའ་སློབ་ལམ་སྟོན་འོག་དགེ་བཤེས་ཁག་གཅིག་གིས་ལོ་མང་སྐུ་ངལ་སྐྱོན་གནང་པ་ཞིག་རེད་འདུག་པ་དེ་ཡང་༸གོང་ས་སྐྱབས་མགོན་ཆེན་པོ་མཆོག་ནས་རྒྱ་གར་འཕགས་པའི་ཡུལ་གྱི་ནང་པའི་གཞུང་རྣམས་ཀྱི་བརྗོད་བྱ་ལ། གཞི་དངོས་པོའི་རྣམ་གཞག་གམ་ཚན་རིག་དང་། ལྟ་གྲུབ། ཆོས་ཀྱི་ལག་ལེན་བཅས་རིམ་པ་གསུམ་དུ་དབྱེ་རུང་བ་དང་། དེའི་ཐོག་ནས་ནང་པའི་ཚན་རིག་དང་ལྟ་གྲུབ་གཉིས་ནང་པ་ཙམ་གྱིས་མ་ཟད་འཛམ་གླིང་ཀུན་ལ་ཕན་ཐོགས་བསྒྲུབ་ཐུབ་པའི་ནུས་པ་ལྡན་ཡོད་པ་ཞིག་ཏུ་ངོས་འཛིན་གནང་གི་ཡོད་པ་ལྟར། མཛད་སྒོ་དེའི་ཐོག་༸སྐུའི་དབྱིན་སྐད་གསུང་སྒྱུར་བ་དགེ་བཤེས་གླང་རི་བ་ཐུབ་བསྟན་སྦྱིན་པ་ལགས་ཀྱིས་ཆོས་ཞུ་བ་ཁྲི་ཚོ་འགའ་ཤས་ཡོད་པ་རྣམས་ལ་དཔེ་དེབ་དེ་ནི་ནང་པ་སངས་རྒྱས་པའི་བསྟན་པ་འཇིག་རྟེན་འདིར་དར་ནས་ལོ་ཉིས་སྟོང་ལྔ་བརྒྱ་ལྷག་སོང་བའི་ལོ་རྒྱུས་ནང་གསར་གཏོད་ཀྱི་མཛད་རྗེསཤིན་ཏུ་ཆེན་པོ་ཞིག་ཏུ་གསུངས་འདུག གཞི་རྩའི་ཁ་ས་དབུ་འབྱེད་མཛད་པའི་ནང་པའི་ཚན་རིག་དང་ལྟ་གྲུབ་ཀུན་བཏུས་ཀྱི་དེབ་དེར་པོད་གླེགས་བམ་བཞི་ཡོད་པ་དེའི་ནང་གཞི་རྐང་ཕྱི་གཟུགས་ཅན་དང་ནང་སེམས་ཀྱི་རྣམ་གཞག་གི་སྐོར་པོད་གཉིས་དང་། དེ་ནས་ལྟ་གྲུབ་རིག་པའི་སྐོར་ལ་པོད་གཉིས་བཅས་འདུག ད་ལྟའི་སྐབས་འདིར་ཚན་རིག་ཀུན་བཏུས་དབྱིན་སྒྱུར་ཞུས་པའི་པོད་དང་པོ་དེ་ཚར་འདུག            

ཉན་པ།: Listen ཕབ་ལེན། Download བློ་གསར་གཞོན་ནུ། འཛིན་རིམ་བཅུ་པའི་སློབ་མ་ཁག་ཅིག་དང་ལྷན་དུ་མ་འོངས་བོད་པའི་འགོ་འཁྲིད་ཀྱི་འཆར་སྣང་ཞེས་པའི་ཐོག་གླེང་མོལ། Sunday 07/01/2018 Young Minds: In conversation with class ten students on ‘Dreams of Future leader’.

ཉན་པ།: Listen ཕབ་ལེན། Download ༸གོང་ས་མཆོག་གིས་མིའི་རིགས་ལ་རྣམ་དཔྱོད་ཀྱི་ནུས་པ་མི་འདྲ་བ་ཞིག་ཡོད་པ་ལམ་སྟོན་མཛད་འདུག རྡོ་རྗེ་གདན་དུ་བཅར་མི་ཐུབ་མཁན་རྣམས་ལ་ཐད་གཏོང་ལས་རིམ་གོ་སྒྲིག་གནང་འདུག ཧྥ་རན་སི་ངོས་ནས་ཁ་ཁུལ་སིམ་པོར་སྡོད་ཐབས་བྲལ་བའི་བརྡ་ལན་སྤྲོད་དགོས་ཀྱི་རེད་གསུངས་འདུག རྒྱ་ནག་དེ་བཞིན་མུ་མཐུད་དམིགས་བསལ་དོ་སྣང་དགོས་པའི་རྒྱལ་ཁབ་ཁོངས་ཐེར་འདོན་བྱས་འདུག བོད་ཀྱི་གཞོན་ནུ་ལྷན་ཚོགས་ནས་རྡོ་རྗེ་གདན་དུ་སྤྱི་ཚོགས་ཞབས་ཞུའི་ལས་དོན་གཉེར་བཞིན་པ། གསུང་ཆོས་ལེ་ཚན། བྱམས་བརྩེ་ཉམས་ལེན་བྱེད་སྐབས་དཀའ་ངལ་འཕྲད་དགོས་དོན། Saturday 06/01/2018 We need to develop our innate human potential: Dalai Lama Sera Jey monastery organizes live webcast of Dalai Lama teaching for those unable to attend Macron urged to send signal to China that France will not remain silent on rights violation US State Department report names China again in ‘Countries of Particular Concern’ TYC social service in Bodh Gaya garners appreciation FEATURE: Dalai Lama on obstacles on the path to compassion

ཨ་མི་རི་ཀའི་སྲིད་གཞུང་ནས་ལོ་ལྟར་རྒྱལ་སྤྱིའི་ཐོག་མང་ཚོགས་ཀྱི་འགྲོ་བ་མིའི་ཐོབ་ཐང་སྤྱི་དང་། ལྷག་པར་དུ་ཆོས་དད་རང་དབང་བརྩི་མེད་རྡོག་རོལ་བཏང་བཁན་གྱི་རྒྱལ་ཁབ་རྣམས་ཨ་རིའི་ཕྱི་སྲིད་ལས་ཁུངས་ནས་དམིགས་བསལ་དོ་སྣང་བྱ་དགོས་པའི་རྒྱལ་ཁབ་ཁོངས་སུ་ཟུར་འདོན་གནང་བཞིན་ཡོད་པ་ལྟར། འདི་ལོའི་ཐོ་གཞུང་ཁོངས་སླར་ཡང་རྒྱ་ནག་མིང་འདོན་གནང་འདུག དེ་ཡང་ཁེ་ཉིན་ཨ་མི་རི་ཀའི་ཕྱི་སྲིད་ལས་ཁུངས་ཀྱི་དྲ་གནས་ཐོག་ཡོངས་ཁྱབ་གསར་འགོད་བསྒྲགས་གཏམ་ཞིག་སྤེལ་བའི་ཁྲོད། དུས་དེ་རིང་སང་ཡང་འཛམ་གླིང་ས་གནས་ཁག་ཅིག་ཏུ་མང་ཚོགས་ཀྱི་ཆོས་དད་རང་དབང་གཙོ་བོར་གྱུར་པའི་སྒེར་གྱི་རང་དབང་ཁག་ལོངས་སུ་སྤྱོད་སྐབས་བཙོན་འཇུག་ཁྲིམས་ཆད་སོགས་བཏང་པའི་གནས་སྟངས་མུ་མཐུད་བྱུང་བཞིན་ཡོད་སྟབས། ཨ་རིའི་རྒྱལ་སྤྱིའི་ཆོས་དད་རང་དབང་གི་བཅའ་ཁྲིམས་དགོངས་དོན་རྒྱ་ནག་དང་འབར་མ། Iran དང་དེ་བཞིན་བྱང་ཀོ་རི་ཡ། གཞན་ཡང་ Eritreaདང་ Uzbekistan སོགས་མུ་མཐུད་ཨ་རི་གཞུང་ནས་དམིགས་བསལ་དོ་སྣང་བྱ་ཡུལ་གྱི་རྒྱལ་ཁབ་ཁོངས་སུ་བཞག་རྒྱུ་ཡིན་པ་མ་ཟད། འདི་ལོའི་ཐོ་གཞུང་ཁོངས་སུ་ Pakistan ཁ་སྣོན་བྱས་ཡོད་ཅེས་འཁོད་འདུག གཞི་རྩའི་ཨ་རི་གཞུང་ནས་ཕྱི་ལོ་༡༩༩༨ ལོར་རྒྱལ་སྤྱིའི་མང་ཚོགས་ཀྱི་ཆོས་དད་རང་དབང་སྲུང་སྐྱོབ་ཐུབ་ཐབས་སུ་རྒྱལ་སྤྱིའི་ཆོས་དད་རང་དབང་ཞེས་པའི་བཅའ་ཁྲིམས་ཤིག་གཏན་འབེབས་གནང་སྟེ། རྒྱལ་སྤྱིའི་ཐོག་ཆོས་དད་རང་དབང་རྡོག་རོལ་བཏང་མཁན་གྱི་རྒྱལ་ཁབ་རྣམས་དམིགས་བསལ་གྱི་དོ་སྣང་བྱ་ཡུལ་གྱི་རྒྱལ་ཁབ་ཁོངས་སུ་བཅུག་ནས་རྒྱལ་ཁབ་དེ་དག་དང་ཆོང་དང་ཆབ་སྲིད་སོགས་ཀྱི་འབྲེལ་བ་གནང་སྐབས་ཡིད་གཟབ་དང་། ལྷག་པར་དུ་གཞུང་གི་རོགས་རམ་གནང་བཞིན་པ་རྣམས་རིམ་པས་བཀག་འགོག་བྱས་པ་སོགས་ཀྱི་ཉེས་ཆད་སྐྱེལ་བཞིན་ཡོད་པ་རེད་འདུག    

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་ནས་དེ་རིང་གནས་མཆོག་རྡོ་རྗེ་གདན་དུ་ཆོས་ཀྱི་འཁོར་ལོ་བསྐོར་བའི་མདོའི་བཀའ་ཆོས་ཉིན་གཉིས་པའི་སྟེང་ཉོན་མོངས་གྱི་གཉེན་པོ་བསྟེན་ཚུལ་དང་འགྲོ་བ་མི་རྣམས་ལ་སེམས་ཅན་གཞན་ལ་མེད་པའི་དམིགས་བསལ་རྣམ་དཔྱོད་ཀྱི་ནུས་པ་ཁྱད་པར་བ་ཞིག་ཡོད་པ་སོགས་ལམ་སྟོན་རྒྱ་ཆེ་བསྩལ་འདུག དེ་ཡང་མགོན་པོ་མཆོག་དེ་རིང་སྔ་དྲོ་གསུང་ཆོས་ར་བར་ཆིབས་སྒྱུར་གྲུབ་བསྟུན་བཀའ་ཆོས་འཕྲོ་སྐྱོང་དང་སྦྲགས། ཕྱི་ནང་གི་དད་ལྡན་ཆོས་ཞུ་བར་རྣམས་ལ་སྤྱིར་འགྲོ་བ་མིའི་གཙོས་པའི་སེམས་ཅན་ཀུན་བདེ་བ་འདོད་པ་དང་སྡུག་བསྔལ་མི་འདོད་པ་གཅིག་མཚུངས་ཡིན་ཡང་། མིའི་རིགས་ལ་སེམས་ཅན་གཞན་དང་མི་འདྲ་བར་འཕྲལ་ཕུགས་བདེ་སྡུག་ཐོག་ལ་བསམ་བློ་བཏང་ཐུབ་པའི་རྣམ་དཔྱོད་ཀྱི་ནུས་པ་ཁྱད་པར་བ་ཞིག་ཡོད་པ་མ་ཟད།  ལྷག་པར་འགྲོ་བ་མིའི་རིགས་ལ་ལྷན་སྐྱེས་ཀྱི་བྱམས་བརྩེའི་རང་བཞིན་ཡོད་པ་ལམ་སྟོན་བཀྲིན་བསྩལ་འདུག དེ་བཞིན་མགོན་པ་༸གང་ཉིད་མཆོག་གིས་སྤྱིར་འཛམ་བུ་གླིང་གི་ཆོས་ལུགས་གཙོ་ཆེ་ཚང་མས་སྡུག་བསྔལ་གྱི་རྩ་བ་ཕྲག་དོག་དང་ང་རྒྱལ་སོགས་ཡིན་པ་ངོས་འཛིན་བྱས་པ་དང་ཆབས་ཅིག་དེའི་གཉེན་པོ་ནི་བྱམས་པ་དང་བརྩེ་བ་ཡིན་སྐོར་ཤོད་ཀྱི་ཡོད་ཀྱང་།  རྒྱ་གར་གྱི་གནའ་བོའི་ཆོས་བརྒྱུད་ནང་སྒོ་ལྔའི་ཤེས་པ་དེ་བདེ་སྡུག་དབྱེ་འབྱེད་ཀྱི་བརྒྱུད་ལམ་ལྟ་བུ་ཞིག་ལས་རྩ་བའི་བདེ་སྡུག་གི་ཚོར་བ་མྱོང་མཁན་ཡིད་བློ་ཡིན་པ་གསལ་པོ་བཤད་ཡོད་པའི་ལམ་སྟོན་ཞིབ་རྒྱས་མཛད་འདུག ད་དུང་༸གོང་ས་མཆོག་གིས་ཡིད་བློ་མི་སྐྱིད་པ་བཟོ་མཁན་དེ་ཉོན་མོངས་ཡིན་པ་དང་། ཉོན་མོངས་དུག་གསུམ་གྱི་རྩ་བ་དེ་གཏི་མུག་བདེན་འཛིན་ཡིན་ཞིང་། དེའི་གཉེན་པོ་ནི་རྟེན་འབྱུང་གི་ལྟ་བ་ཡིན་པ་སོགས་བཀའ་ཆོས་མུ་མཐུད་བསྩལ་གནང་ཡོད་པ་རེད།                          

ཉན་པ།: Listen ཕབ་ལེན། Download ༸གོང་ས་མཆོག་གིས་རྒྱ་གར་ཆོས་གྲོགས་ཚོར་ཆོས་འབྲེལ་བྱ་རྒྱུ་དེ་སྐལ་པ་བཟང་པོར་བཀའ་གནང་འདུག ༸གོང་ས་མཆོག་ནས་དབྱིན་ཡུལ་དྲྭ་ཐོག་ལས་རིམ་ཞིག་ཞལ་བཞེས་མཛད་པ། བཀྲིས་དབང་ཕྱག་ལགས་ལ་ནང་ཉེས་མེད་སྟབས་འཕྲལ་དུ་གློད་བཀྲོལ་བཏང་དགོས། བོད་ཀྱི་གཞོན་ནུ་ལྷན་ཚོགས་ནས་མངའ་སྡེ་༡༨ནང་སྐོར་བསྐྱོད་ཚར་བ། བཙན་བྱོལ་བོད་མིའི་གནས་སྟངས་ངོ་སྤྲོད། ཤར་ལྷོ་ཚོང་ལས་པ་བསྟན་འཛིན་ནོར་བུ་ལགས། Friday 05/01/2018 Dalai Lama begins three day teaching in Bodhgaya Amnesty calls for immediate and unconditional release of Tashi Wangchuk TYC Bharat Jagran Yatra covers 18 states DIASPORA FEATURE: Sharlho Design

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་དེ་རིང་སྔ་དྲོ་ནས་གནས་མཆོག་རྡོ་རྗེ་གདན་དུ་རྒྱ་གར་ནང་ཆོས་དོན་གཉེར་ཅན་ཁག་ཅིག་ནས་ཇི་ལྟར་གསོལ་འདེབས་ཞུ་དོན་ཉིན་གསུམ་གྱི་ཆོས་འབྲེལ་དབུ་འཛུགས་བསྐྱངས་ཡོད། ༸གོང་ས་སྐྱབས་མགོན་ཆེན་པོ་མཆོག་ནས་ཆོས་འབྲེལ་དངོས་གཞི་དབུ་འཛུགས་མ་གནང་གོང་ཆོས་འབྲེལ་དེའི་ཆེད་དུ་བྱ་བའི་འདུལ་བྱ་གཙོ་བོ་རྒྱ་གར་བ་དང་། གཞན་ཡང་ཕྱི་རྒྱལ་མི་རིགས། བོད་མི་བཅས་ཁྱོན་ཆོས་ཞུ་བ་ཁྲི་ཚོ་འགའ་ཤས་ཡོད་པ་དེ་དག་ལ་བདག་ཅག་གི་སྟོན་པ་ཐུགས་རྗེ་ཅན་དེ་ཉིད་ཁྱིམ་ནས་ཁྱིམ་མེད་པར་རབ་ཏུ་བྱུང་བ་དང་། ལོ་དྲུག་དཀའ་བ་སྤྱད་པ། དེ་བཞིན་མཐར་མངོན་པར་རྫོགས་པ་སངས་རྒྱས་ནས་ཆོས་ཀྱི་འཁོར་ལོ་བསྐོར་བ་བཅས་མཛད་པ་ཁག་ཅིག་ངོ་སྤྲོད་མཛད་པ་དང་འབྲེལ། སྤྱིར་མཛམ་གླིང་ནང་སྟོན་པ་མང་པོ་བྱུང་ཡོད་ནའང་བསྲེགས་བཅད་བརྡར་གསུམ་གྱི་སྒོ་ནས་རིག་པས་དཔྱད་པ་བྱེད་རྒྱུ་ཡོད་པ་དང་། དེང་དུས་ཀྱི་ཚན་རིག་དང་མཐུན་པའི་ཆོས་དེ་སྟོན་པ་སངས་རྒྱས་ཤཱཀྱ་སེང་གེས་གསུངས་བཞག་པའི་ཆོས་དེ་ཡིན་པ་སོགས་བཀའ་བསྩལ་འདུག ལྷག་པར་༸གང་ཉིད་མཆོག་ནས་སངས་རྒྱས་ཀྱི་ཆོས་ཀྱི་འབྱུང་ཁུངས་རྒྱ་གར་ཆོས་ཞུ་བ་ཚོ་དང་ད་རེས་དམིགས་བསལ་ཆོས་འབྲེལ་གྱི་གོ་སྐབས་བྱུང་བར་ཐུགས་དགྱེས་ཚོར་ཆེན་པོ་དང་སྐལ་པ་བཟང་པོ་ཞིག་ཡིན་སྐོར་བཀའ་བསྩལ་གནང་པ་མ་ཟད། སྒོས་སུ་སངས་རྒྱས་པའི་ཆོས་དེ་ནི་དེང་དུས་ཀྱི་ཚན་རིག་དང་མཐུན་པའི་སྐོར་དང་། བྱམས་སྙིང་རྗེའི་ཕན་ཡོན། ཆོས་ལུགས་མཐུན་སྒྲིལ་གྱི་གལ་གནད་སོགས་སྐོར་ལ་བཀའ་བསྩལ་ཏེ། རྒྱ་གར་བ་ཚོས་སངས་རྒྱས་ཀྱི་རྩ་ཆེའི་ཆོས་དེ་བདག་གཅེས་དང་བསྐྱར་གསོ་ཡོང་ཐབས་གནང་དགོས་པའི་ལམ་སྟོན་བཀྲིན་བསྩལ་གནང་ཡོད་པ་རེད། རྩ་བའི་དེ་རིང་༸གོང་ས་མཆོག་གིས་དབུ་འཛུགས་མཛད་པའི་ཆོས་ཀྱི་འཁོར་ལོ་བསྐོར་བའི་མདོ་དང་སཱ་ལུ་ལྗང་པའི་རྟེན་འབྲེལ་གྱི་མདོའི་ཆོས་འབྲེལ་དེ་ དཔལ་ལྡན་དགའ་ལྡན་ཕོ་བྲང་གི་དྲྭ་གནས་ཐོག་སྐད་རིགས་མི་འདྲ་མིན་བ་ ༡༢ ཐོག་ནས་ཐད་སྲིང་གནང་གི་འདུག