Monthly Archives: May, 2018

ཉན་པ།: Listen ཕབ་ལེན། Download རྒྱལ་སྤྱིའི་དབུ་མའི་ལམ་མི་མང་ཚོགས་ཆེན་དབུ་འཛུགས། རང་བཙན་འཐབ་རྩོད་མུ་མཐུད་རྒྱུན་སྲིང་བྱ་རྒྱུའི་ཆོད་སེམས་བརྟན་པོ་ཡོད། ཤེས་རབ་དགའ་ཚལ་སློབ་གླིང་དབུ་བརྙེས་ནས་ལོ་ ༢༥ འཁོར་བ། Saturday 26/05/2018 First International Conference on the Middle Way Policy convenes in Dharamsala International Rangzen Conference concludes with pledge to reinforce Tibet’s independence Sherab Gatsel Lobling School turns 25

དེ་རིང་ཕྱི་ཚེས་ ༢༦ ཉིན་གྱི་སྔ་དྲོའི་ཆུ་ཚོད་དགུ་པ་ཡོལ་ཙམ་ལ་བཞུགས་སྒར་དུ་རྟེན་གཞི་བྱས་པའི་བོད་ཀྱི་ཟློས་གར་ཚོགས་པའི་ཚོགས་ཁང་ནང་དུ་རྒྱ་གར་གཙོས་པའི་ཨ་རི་དང་ཡོ་རོབ་སོགས་རྒྱལ་སྤྱིའི་ཡུལ་གྲུ་འདྲ་མིན་ནང་བཞུགས་པའི་བོད་རིགས་རྒན་གཞོན་ལྔ་བརྒྱ་ལྷག་འདུ་འཛོམས་ཐོག་རྒྱལ་སྤྱིའི་དབུ་མའི་ལམ་མི་མང་ཚོགས་ཆེན་ཐེངས་དང་པོ་དབུ་འཛུགས་གནང་སོང་། ཚོགས་ཆེན་དེ་ནི་བཞུགས་སྒར་དུ་རྟེན་གཞི་བྱས་པའི་དབུ་མའི་ལམ་མི་མང་ལས་འགུལ་ཁང་དང་། ཨ་རིའི་ Minnesota ནང་རྟེན་གཞི་བྱས་པའི་དབུ་མའི་ལམ་གྱི་གཞོན་ནུའི་མཐུན་ཚོགས་གཉིས་ཀྱིས་རྐང་གོ་སྒྲིག་ཞུས་པ་ཞིག་ཡིན་པ་དང། ཚོགས་ཆེན་དབུ་འབྱེད་ཀྱི་མཛད་སྒོའི་ཐོག་སྐུ་མགྲོན་གཙོ་བོ་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་ཟུར་པདྨ་འབྱུང་གནས་མཆོག་དང་། དམིགས་བསལ་སྐུ་མགྲོན་ཧི་མ་ཅལ་མངའ་སྡེའི་ཡུལ་སྐོར་སྤྲོ་འཆམ་གྱི་བློན་ཆེན་ཟུར་པ་སྐུ་ཞབས་Vijay Singh Mankotia ལགས་དང་ཨ་མི་རི་ཀའི་New York གཙུག་ལག་སློབ་གཉེར་ཁང་གི་ཆབ་སྲིད་སློབ་དཔོན་སྐུ་ཞབས་ Ming Xia ལགས་བཅས་དང་། གཞན་ཡང་་གནས་ཆུང་ཆོས་རྒྱལ་ཆེན་མོའི་སྐུ་རྟེན་དང་ཀེའུ་ཚང་རིན་པོ་ཆེ། བོད་མི་མང་སྤྱི་འཐུས་ལས་ཟུར་ཁག་ཅིག སྲི་ཞུ་བ་ཟུར་པ་དང་གཞུང་འབྲེལ་མ་ཡིན་པའི་ཚོགས་པ་ཁག་ཅིག་གི་སྐུ་ཚབ། དེ་བཞིན་མཐོ་སློབ་འགྲིམ་བཞིན་པའི་སློབ་མ་དང་མང་ཚོགས་བཅས་ཁྱོན་བོད་རིགས་ལྔ་བརྒྱ་ལྷག་ནས་མཉམ་ཞུགས་གནང་འདུག དེ་རིང་གི་ཚོགས་ཆེན་དེའི་ཐོག་བོད་བརྒྱུད་ནང་བསྟན་གྱི་ཆོས་བརྒྱུད་ཁག་ཅིག་གི་བླ་ཆེན་བསྟན་བདག་རྣམ་པ་དང་། ཡུན་རིང་ནས་བོད་དོན་རྒྱབ་སྐྱོར་གནང་མཁན་ཨ་རིའི་གྲོས་ཚོགས་འཐུས་མི་ལྕམ་ Nancy Pelosi ལགས་དང་སྐུ་ཞབས་ Jim Mcgovern ལགས་བཅས་ཀྱིས་འཚམས་འདྲིའི་བརྙན་ཐུང་གནང་ཡོད་པ་མ་ཟད། དམིགས་བསལ་སྐུ་མགྲོན་རྒྱ་རིགས་སློབ་དཔོན་སྐུ་ཞབས་ Ming Xia ལགས་ཀྱི་བརྒྱུད་ཕྱི་སྡོད་རྒྱ་རིགས་ ༦༠ ལྷག་མཐུན་མོང་གིས་ཕྱག་བྲིས་ཤིག་གནང་ཡོད་པའི་ནང་དབུ་མའི་ལམ་གྱི་སྲིད་བྱུས་འདི་ནི་བོད་རྒྱའི་དཀའ་རྙོག་ཐག་གཅོད་ཐུབ་རྒྱུ་དང་། རྒྱ་ནག་རྒྱལ་ཁབ་འདི་བཞིན་མང་གཙོའི་རྒྱལ་ཁབ་ཞིག་ཏུ་འགྱུར་རྒྱུ་བཅས་ནུས་པ་ལྡན་པའི་སྲིད་བྱུས་ཤིག་ལ་ངོས་འཛིན་ཞུ་བཞིན་ཡོད་པ་དང་། རྒྱ་ནག་གཞུང་ནས་༸གོང་ས་མཆོག་གི་བླ་ན་མེད་པའི་དགོངས་བཞེས་དང་བག་ཡངས་པའི་ཐུགས་བཞེས་ལ་དཔྱད་པ་གནང་སྟེ། དྲང་བདེན་གྱི་བརྡ་ལན་དང་གྲོས་མོལ་སླར་གསོ་ཡོང་ཐབས་གནང་གལ་ཡིན་པའི་སྐུལ་མ་གནང་འདུག  

བོད་རང་བཙན་སླར་གསོ་དགོས་པ་ནི་བོད་མི་འདས་གསོན་ཡོངས་ཀྱི་དམིགས་འདུན་གཙོ་བོ་ཡིན་པ་འགྲེལ་བརྗོད་དང་འབྲེལ། མི་ཚེ་མི་རབས་ལ་འཐབ་རྩོད་བྱེད་དགོས་ཀྱང་བོད་དོན་བདེན་མཐའ་མ་སེལ་གྱི་བར་དུ་སྙིང་ལ་རུས་པ་བཅུག་ནས་རང་བཙན་འཐབ་རྩོད་མུ་མཐུད་རྒྱུན་བསྲིང་བྱ་རྒྱུའི་ཆོད་སེམས་བརྟན་པོ་དང་བཅས། རྒྱལ་སྤྱིའི་བོད་རང་བཙན་ཚོགས་ཆེན་ཐེངས་ལྔ་པ་དེ་མཇུག་བསྒྲིལ་གནང་སོང་། དེ་ཡང་ཞུགས་སྒར་རྡ་ཤོད་སྣུམ་འཁོར་འབབ་ཚུགས་ཀྱི་ཉེ་འགྲམ་དུ་རྟེན་གཞི་བྱས་པའི་ས་གནས་རྒྱ་གར་གཞུང་གི་ཚོགས་ཁང་ཆེན་མོའི་ནང་དུ་ཟླ་བ་འདིའི་ཚེས་ ༢༣ ནས་བཟུང་དབུ་འཛུགས་གནང་བའི་རྒྱལ་སྤྱིའི་བོད་རང་བཙན་ཚོགས་ཆེན་ཐེངས་ལྔ་པ་དེ་ཁ་ས་ཕྱི་ཟླ་ ༥ ཚེས་ ༢༥ ཉིན་གྱི་དགོང་མོ་ཕྱག་ཚོད་ ༧ ཡས་མས་ཞིག་ལ་མཇུག་བསྒྲིལ་གནང་ཡོད་པ་དང་། ཐེངས་འདིའི་ཚོགས་ཆེན་ཐོག་ནས་བསྒྲགས་གཏམ་དོན་ཚན་ལྔ་དང་དགོངས་ཚུལ་ཁག་བཅོ་ལྔ་འཁོད་པ་ཞིག་ཡོངས་བསྒྲགས་གནང་སོང་། དོན་ཚན་ལྔ་ཅན་གྱི་བསྒྲགས་གཏམ་དེའི་ནང་གཙོ་བོ་བོད་དོན་བདེན་མཐའ་མ་སེལ་བར་དུ་བོད་རང་བཙན་འཐབ་རྩོད་ཀྱི་ལས་འགུལ་མི་རབས་ནས་མི་རབས་བར་རྒྱུན་བསྲིང་བྱ་རྒྱུ་ཙམ་མ་ཟད། བོད་རང་བཙན་འཐབ་རྩོད་པ་རྣམས་ནས་དགྲ་གཉེན་མགོན་གསུམ་གྱི་ཁ་ཕྱོགས་མ་ནོར་བའི་ཐོག་ནས་རྡོག་རྩ་གཅིག་བསྒྲིལ་དགོས་པ། གཞན་ཡང་རྒྱ་གར་གཞུང་མང་ཡོངས་ལ་བཀྲིན་ཆེ་ཞེས་ཞུས་པ་དང་ཆབས་ཅིག བོད་རང་བཙན་དེ་རྒྱ་གར་གྱི་བདེ་འཇགས་དང་ཐུག་ཡོད་སྟབས་རྒྱ་གར་གཞུང་ནས་དེའི་ཐོག་སྔར་ལྷག་རྒྱབ་སྐྱོར་ཡོང་བ་སོགས་ཀྱི་འབོད་སྐུལ་ཞུས་གནང་འདུག དེ་རིང་གི་ཚོགས་ཆེན་དེའི་ཐོག་ཚོགས་བཅར་བ་ ༡༦༠ ལྷག་ཙམ་མཉམ་ཞུགས་གནང་ཡོད་པ་དང་། ཁ་ས་ཚོགས་འདུ་ཉིན་མཐའ་མའི་ཐོག་སྐབས་རྗེས་མའི་ཚོགས་ཆེན་དེ་རྒྱ་གར་ནང་དུ་ཚོགས་རྒྱུ་གཏན་འཁེལ་བྱུང་ཡོད་པ་མ་ཟད། ད་ལན་གྱི་ཚོགས་ཆེན་དེའི་བརྒྱུད་རྒྱལ་ཁབ་རེ་ནས་འབྲེལ་མཐུད་པ་རེ་བསྐོ་བཞག་གནང་ཡོད་པ་རེད།

ཉན་པ།: Listen ཕབ་ལེན། Download ༸གོང་ས་མཆོག་ནས་བོད་རང་བཙན་ཚོགས་ཆེན་གྱི་ཚོགས་བཅར་བར་མཇལ་ཁ་བསྩལ་བ། ལམ་ཟུར་གྱི་རྒྱ་གར་བ་ལ་ཆུ་མངར་མོ་སྦྱིན་པ་བཏང་རྒྱུའི་ལས་འགུལ་སྤེལ་བ། སྦེལ་ཀོབ་བོད་ཁྱིམ་དུ་ཡར་ཐོན་ཚོང་ལས་ཀྱི་བསླབ་གཞི་དབུ་འཛུགས་གནང་། རྒྱ་བལ་གཉིས་ཀྱི་དབར་མེ་འཁོར་ལྕགས་ལམ་ལས་གཞིར་ཞིབ་འཇུག་གནང་འགོ་བཙུགས། ཀོང་པོ་སྨིན་གླིང་དང་ལྷོ་ཁའི་བར་གྱི་ནགས་ཚལ་ལ་མེ་སྐྱོན་ཤོར་འདུག དམིགས་བསལ་ལས་རིམ། ཀཿཐོག་སྤྲུལ་སྐུའི་སྤྱི་ཚོགས་ཞབས་ཞུའི་ལས་དོན་སྐོར། Friday 25/05/2018 Dalai Lama grants audience to International Rangzen Conference attendees Saga Dawa Deeds: Tibetans distribute chilled juices amidst Delhi heat wave TCV Bylakuppe becomes first Tibetan school to teach Entrepreneurship as a Subject Chinese team begins initial railway study in Nepal DIASPORA FEATURE: Kathok Tulku and his social services in Orissa

བོད་མིའི་བླ་ན་མེད་པའི་དབུ་ཁྲིད་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་སྔ་དྲོ་རྒྱལ་བའི་ཕོ་བྲང་དུ་རྒྱལ་སྤྱིའི་བོད་རང་བཙན་ཚོགས་ཆེན་ཐོག་མཉམ་ཞུགས་གནང་མཁན་ཚོགས་བཅར་བ་རྣམས་ལ་མཇལ་ཁ་བསྩལ་གནང་འདུག དེ་ཡང་ཟླ་བ་འདིའི་ཕྱི་ཚེས་ ༢༣ ནས་བཞུགས་སྒར་དུ་བཙན་འབྱོལ་བོད་མིའི་སྤྱི་ཚོགས་ཁྲོད་བོད་རང་བཙན་གྱི་ལྟ་བ་འཛིན་མཁན་གྱི་མི་སྣ་རྒན་གཞོན་དར་སུམ་བརྒྱ་ལྷག་འདུ་འཛོམས་ཀྱིས་རྒྱལ་སྤྱིའི་བོད་རང་བཙན་ཚོགས་ཆེན་ཐེངས་ལྔ་པ་ཚོགས་བཞིན་ཡོད་པ་དང་། ཚོགས་ཆེན་གོ་སྒྲིག་ཚོགས་ཆུང་ནས་ཇི་ལྟར་གསོལ་འདེབས་ཞུ་དོན་ལྟར་བཀའ་བཞེས་བཟང་པོ་སྨིན་བསྩལ་ཐོབ་སྟེ། དེ་རིང་ཚོགས་ཆེན་ཉིན་མཐའ་མའི་སྔ་དྲོ་༸གོང་ས་སྐྱབས་མགོན་ཆེན་པོ་མཆོག་ནས་རང་བཙན་ཚོགས་ཆེན་ཐོག་བཅར་མཁན་ཚོགས་བཅར་རྣམས་པར་མཇལ་ཁ་བསྩལ་གནང་འདུག གཞན་ཡང་དེ་རིང་སྔ་དྲོ་མགོན་པོ་མཆོག་གི་རྒྱལ་བའི་ཕོ་བྲང་དུ། བོད་མིའི་ཚོང་ལས་བདེ་ཚོགས་ཀྱི་ཚོགས་པ་དང་། རྡ་སར་རྟེན་གཞི་བྱས་པའི་མདོ་སྟོད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་བཅས་ཀྱི་ཚོགས་མི་དང་། དེ་བཞིན་མང་ཚོགས་ཁག་སོ་སོར་ལའང་མཇལ་ཁ་ཡང་བསྩལ་གནང་འདུག རྩ་བའི་རྒྱལ་སྤྱིའི་བོད་རང་བཙན་ཚོགས་ཆེན་འདི་ནི་བོད་རང་བཙན་སླར་གསོའི་ལངས་ཕྱོགས་འཛིན་མཁན་གྱི་བོད་མིའི་དབར་ལ་བསམ་ཚུལ་བརྗེ་ལེན་དང་བགྲོ་གླེང་བྱེད་སའི་སྡིངས་ཆ་ཞིག་ཡིན་པ་དང་། ཚོགས་ཆེན་ཐེངས་ལྔ་པ་དེ་ཕྱི་ཚེས་ ༢༣ ཉིན་དབུ་འཛུགས་གནང་སྟེ་དེ་རིང་མཇུག་སྒྲིལ་གནང་གི་ཡོད་པ་རེད།

དེ་རིང་ཕྱི་ལོ་ ༢༠༡༨ ཟླ་བ་ ༥ པའི་ཚེས་ ༢༤ དང་ས་ག་ཟླ་བའི་ཚེས་ ༡༠ ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་དཔལ་ལྡན་དགའ་ལྡན་ཕོ་ཕྲང་གི་གོ་སྒྲོག་འོག་ ༸སྤྱི་ནོར་ ༸གོང་ས་ ༸སྐྱབས་མགོན་མཆོག་དབུ་བཞུགས་ཐོག་བོད་བསྟན་སྲིད་ཀྱི་དོན་དུ་རིག་འཛིན་གདུང་སྒྲུབ་ཀྱི་ཆོ་གའི་སྒོ་ནས་མ་ཧཱ་གུ་རུའི་འབུམ་ཚོགས་སྨིན་གྲུབ་ཞུས་གནང་སོང་། ད་རེས་ཀྱི་མ་ཧཱ་གུ་རུའི་འབུམ་ཚོགས་དེ་བཞུགས་སྒར་གཅིག་པུ་མ་ཡིན་་པར་རྒྱ་གར་གྱི་འབྲས་ལྗོངས་མངའ་སྡེ་རྒྱལ་ས་སྒང་ཏོག་དང་བལ་ཡུལ་གཉིས་བཅས་ས་གནས་གསུམ་དུ་དགའ་ལྡན་ཕོ་བྲང་གི་མཐུན་གྱུར་འོག་ཚོགས་ཀྱི་ཡོད་པ་དང་། བཞུགས་སྒར་དུ་ཚོགས་པའི་འབུམ་ཚོགས་ཀྱི་ཚོགས་མགོན་དུ་ ༸གོང་ས་མཆོག་དང་ལྷན་སྔ་གྱུར་རྙིང་མའི་དབུ་འཛིན་ཁྲི་རབས་བདུན་པ་ཀཿ ཐོག་དགེ་རྩ་རིན་པོ་ཆེ་མཆོག་དང་རྣམ་རྒྱལ་གྲྭ་ཚང་ཕན་བདེ་ལེགས་བཤད་གླིང་གི་མཁན་པོ་བཅས་དབུས་པའི་སེར་སྐྱ་མི་མང་བརྒྱ་ཕྲག་ཁ་ཤས་ཆེད་ཕེབས་གནང་འདུག རྩ་བའི་བོད་མིའི་སྒྲིག་འཛུགས་ཀྱི་ཆོས་རིག་ལས་ཁུངས་དང་། དྭང་སློབ་དམག་སྒར་བཅས་ནས་ཀྱང་བཞུགས་སྒར་དུ་ལོ་ལྟར་༸གོང་ས་མཆོག་གི་དབུས་པའི་རིས་སུ་མ་ཆད་པའི་སྐྱེས་ཆེན་དམ་པ་རྣམས་ཀྱི་སྐུ་ཚེ་བསྐལ་བརྒྱར་བརྟན་པ་ཡོང་སླད་དང་། བོད་ཀྱི་བདེན་མཐའ་མྱུར་དུ་སེལ་བ། དེ་བཞིན་འཛམ་གླིང་ཞི་བདེ་བཅས་དམིགས་ཏེ་མ་ཧཱ་གུ་རུའི་འབུམ་ཚོགས་ཚོགས་སྲོལ་ཡོད་པ་དང་། དེ་རིང་གི་གུ་རུའི་འབུམ་ཚོགས་དེ་དམིགས་བསལ་དགའ་ལྡན་ཕོ་བྲང་གི་གོ་སྒྲིག་གནང་བ་ཞིག་རེད་འདུག

རྒྱ་ནག་གཞུང་གིས་བོད་མི་སྐད་ཡིག་ལས་འགུལ་བ་བཀྲིས་དབང་ཕྱུག་ལགས་སུ་ལོ་ལྔ་ཡིས་བཙོན་འཇུག་ཁྲིམས་ཐག་བཅད་པ་དེར་བོད་མི་དང་བོད་དོན་རྒྱབ་སྐྱོར་བ།  དེ་བཞིན་འགྲོ་བ་མིའི་ཐོབ་ཐང་གི་ཚོགས་པ་ཁག་བཅས་ནས་སྐྱོན་བརྗོད་ཤུགས་ཆེར་བྱེད་མུས་ཁྲོད། ཕ་རན་སི་དང་། ཡོ་རོབ། ཁེ་ན་ཌ་གཞུང་ནས་ཀྱང་རྒྱ་གཞུང་ལ་སྐྱོན་བརྗོད་ཤུགས་ཆེར་བྱས་འདུག france Diplomatie གསར་ཁང་ནས་གནས་ཚུལ་སྤེལ་བ་ལྟྲར་ན། ཕ་རན་སི་ཕྱི་སྲིད་ལས་ཁུངས་ནས་རྒྱ་ནག་སྤྱི་མཐུན་རྒྱལ་ཁབ་ཀྱི་ཁྲིམས་ལུགས་འོག་བཀྲིས་དབང་ཕྱུག་ལགས་ཀྱིས་རང་གི་སྨྲ་བརྗོད་རང་དབང་ལོངས་སུ་སྤྱད་པའི་ཐོག་རྒྱ་གཞུང་ལ་བོད་ཀྱི་སྐད་ཡིག་ཐོག་ཐུགས་ཁུར་བཞེས་དགོས་པའི་དགོས་འདུན་བཏོན་པ་དེར་ཡུ་ཤུ་འབྲིང་རིམ་མི་མང་ཁྲིམས་ཁང་ནས་ཁ་བྲལ་བའི་ཉེས་མིང་འོག་ལོ་ ༥ ཡི་རིང་བཙོན་འཇུག་ཁྲིམས་ཐག་བཅད་པ་ལ་ཧ་ཅང་བློ་ཕམ་ཡོད་གསུངས་པ་དང་སྦྲགས།   རྒྱ་ནག་གཞུང་ནས་ཁྲིམས་ཀྱི་སྒྲོམ་གཞི་དང་མཐུན་པའི་ཐོག་རྒྱ་ནག་གཞུང་འཛིན་པ་དང་ས་གནས་བོད་རིགས་དབར་གྲོས་མོལ་གྱི་ཐོག་ནས་གནད་དོན་སེལ་དགོས་པ་སྐུལ་མ་གནང་འདུག དེ་བཞིན་ཁ་ས་ཕྱི་ཚེས་ ༢༣ ཉིན་ཡོ་རོབ་ཀྱི་ཕྱི་སྲིད་དང་རྒྱལ་སྲུང་སྲིད་བྱུས་ལས་ཁུངས་ཀྱི་མགྲིན་ཚབ་པས་བསྒྲགས་གཏམ་ཞིག་སྤེལ་བའི་ནང་རྒྱ་ནག་རང་ཉིད་ཀྱི་ཁྲིམས་དང་རྒྱལ་སྤྱིའི་ཁྲིམས་ལུགས་ནང་དུ་དྲང་བདེན་གྱི་ཁྲིམས་གཤེར་དང། དུས་གྱང་མེད་པའི་ཐོག་ནས་ཁྲིམས་གཤེར་འཕྲལ་མར་ཉིད་དུ་བྱ་རྒྱུ་སོགས་འཁོད་ཡོད་ནའང་དེར་གུས་རྩིས་མེད་པ་མ་ཟད། ཕྱི་ལོ་ ༡༩༨༡ ལོར་རྒྱ་ནག་གཞུང་རང་ཉིད་ཀྱིས་མི་རིགས་དབྱེ་འབྱེད་དང་འབྲེལ་བའི་ཁྲིམས་ཡིག་བཀའ་ཁྱབ་གནང་བ་བཞིན་གྲངས་ཉུང་མི་རིགས་ལ་ཐོབ་ཐང་འདྲ་མཉམ་དང་། སྨྲ་བརྗོད་ཀྱི་རང་དབང་སྤྲོད་དགོས་ངེས་ཡིན་པ་ཐེར་བཏོན་གནང་ཡོད་པ་མ་ཟད། རྒྱ་ནག་རང་ཉིད་ནས་ཁ་དན་ཟིན་པའི་རྒྱལ་སྤྱི་ཁྲིམས་དང་རང་ཉིད་ཀྱི་རྩ་ཁྲིམས་ནང་གསལ་ལྟར། རྒྱ་ནག་གཞུང་འཛིན་པ་ཚོས་སྨྲ་བརྗོད་ཀྱི་རང་དབང་ལ་གུས་བརྩི་ཞུ་རྒྱུའི་རེ་བ་ཡོད་བཅས་གསུངས་འདུག   དེ་བཞིན་རྒྱ་གཞུང་ལ་བཀྲིས་དབང་ཕྱུག་ལགས་གཙོས་པའི་སྐུ་ཞབས་ Ilham tohti ལགས་དང་རྒྱ་རིགས་ཁྲིམས་རྩོད་པ་རྣམས་གང་མགྱོགས་གློད་བཀྲོལ་དགོས་པའི་རེ་འདུན་བཏོན་འདུག དེ་དང་ཕྱོགས་མཚུངས་ཁེ་ན་ཌ་གཞུང་གིས་རྒྱ་ནག་ཏུ་ཡོད་པའི་གཞུང་ཚབ་ལས་ཁུངས་བརྒྱུད་བཀྲིས་དབང་ཕྱུག་ལགས་གང་མགྱོགས་གློད་བཀྲོལ་དགོས་པ་དང་རྒྱ་ནག་གཞུང་ནས་རང་ཉིད་ཀྱི་རྩ་ཁྲིམས་དང་བཅའ་ཁྲིམས། དེ་བཞིན་རང་ཉིད་ཀྱིས་ཁ་དན་ཟིན་པའི་རྒྱལ་སྤྱིའི་འགྲོ་བ་མིའི་ཐོབ་ཐང་བཅས་ལ་བརྩི་སྲུང་བྱ་དགོས་པའི་རེ་འདུན་ཤུགས་ཆེར་བཏོན་གནང་འདུག

ཉན་པ།: Listen ཕབ་ལེན། Download ༸གོང་ས་མཆོག་དབུ་བཞུགས་ཐོག་མ་ཧ་གུ་རུ་འབུམ་ཚོགས་ཚོགས་སོང་། རྒྱ་རིགས་བོད་མིའི་ཁྲིམས་རྩོད་པའི་སྐོར་གྱི་སྙན་ཐོ་ཞིག་འདོན་སྤེལ། བཀྲིས་དབང་ཕྱུག་ཀྱི་གནད་དོན་ཐད་རྒྱལ་སྤྱིའི་གཞུང་ཁག་ནས་སྐྱོན་བརྗོད། བོད་མིའི་ཚོང་ལས་སྡེ་ཚོགས་ཀྱི་ཚོགས་ཆེན་ཐེངས་༡༣པ་དབུ་འཛུགས་གནང་། ཨ་རི་གྲོས་ཚོགས་སུ་སླར་ཡང་ཨ་རི་དང་རྒྱ་ནག་དབར་མི་སྣ་འགྲོ་བསྐྱོད་ཆོག་པའི་གྲོས་ཆོད་གླེང་བ། Thursday 24/05/2018 Dalai Lama graces Maha Guru Bumtsok ceremony at Tsuklakhang TCHRD releases special report on Chinese civil rights lawyers defending Tibetan detainees International bodies slam China for sentencing Tashi Wangchuk 13th Annual General Meeting of Tibetan Chamber of Commerce held in Dharamsala US Parliamentarian urges Secretary Pompeo to support Reciprocal Access to Tibet Act

བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱལ་ལྟེ་གནས་ཁང་གི་ངོས་ནས། རྒྱ་རིགས་བོད་མིའི་ཁྲིམས་རྩོད་པའི་སྐོར་གྱི་དམིགས་བསལ་སྙན་ཐོ་ཞིག་འདོན་སྤེལ་གནང་བ་དང་འབྲེལ། ཁོང་རྣམས་ནས་བོད་མིའི་འགྲོ་བ་མིའི་ཐོབ་ཐང་རྩོད་ལེན་ཐོག་རོགས་རམ་གནང་བར་རྗེས་དྲན་དང་གདུང་སེམས་མཉམ་སྐྱེ་ཞུས་གནང་སོང་། ལྟེ་གནས་ཁང་འདིའི་ངོས་ནས་ད་རེས་རྒྱ་ཡིག་ཐོག་འཁོད་པའི་རྒྱ་རིགས་བོད་མིའི་ཁྲིམས་རྩོད་པའི་སྐོར་གྱི་དམིགས་བསལ་སྙན་ཐོ་འདིའི་ནང་། གཙོ་བོ་ཕྱི་ལོ་༢༠༠༨ལོར་བོད་ལ་ས་བྱི་ཞི་རྒོལ་ཆེན་མོ་བྱུང་བའི་རྗེས། རྒྱ་རིགས་ཁྲིམས་རྩོད་པ་ ༡༦ ནས་དྭང་བླངས་ཀྱིས་བོད་མིའི་གྱོད་དོན་ཁྲིམས་རྩོད་ལ་རོགས་རམ་གནང་བ་དང་། དེའི་རྐྱེན་པས་ཁྲིམས་རྩོད་པ་དེ་དག་ལ་ཕྱིས་སུ་རྒྱ་གཞུང་གིས་གནོན་ཤུགས་དང་ཁྲིམས་རྩོད་པ་ཁག་ཅིག་གི་ཁྲིམས་རྩོད་པ་བྱེད་ཆོག་པའི་ལག་འཁྱེར་ཕྱིར་བསྡུས་དང་ཁག་ཅིག་གི་ལག་འཁྱེར་དེབ་སྐྱེལ་མ་བྱས་པ། དེ་བཞིན་ཁག་ཅིག་བཙོན་འཇུག་དང་བཀག་ཉར་བྱས་པའི་སྐོར་དང་། གཞན་ཡང་རྒྱ་གཞུང་གིས་རང་རྒྱལ་ཁབ་རྩ་ཁྲིམས་ལ་རྩི་བཀུར་བྱེད་ཀྱི་མེད་པ་དང་། སྲིད་འཛིན་ཞི་ཅིང་ཕིང་གི་རྒྱལ་ཁབ་ཁྲིམས་ཀྱི་སྐྱོང་གི་ཡོད་ཞེས་པའི་དེ་དངོས་ཡོད་ཡིན་མིན་དག་ཐེར་བྱས་ཡོད་པ་སོགས་སྡེ་ཚན་ལྔ་རུ་དབྱེ་ནས་ཞིབ་ཕྲ་འཁོད་ཡོད་འདུག འདི་ག་རླུང་འཕྲིན་ཁང་ནས་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་ཚེ་རིང་མཚོ་མོ་ལགས་སུ་ད་རེས་ཀྱི་སྙན་ཐོ་དེ་དང་འབྲེལ་ནས་ཞིབ་ཕྲ་བཅར་འདྲི་ཞུས་པའི་སྐབས། ཁོང་གིས་ཕྱི་ལོ་༢༠༡༨ལོ་དེ་བཞིན་བོད་ལ་ས་བྱི་ཞི་རྒོལ་ཆེན་མོ་བྱུང་ནས་ལོ་བཅུ་འཁོར་བ་དང་། དེ་བཞིན་རྒྱ་རིགས་ཁྲིམས་རྩོད་པ་རྣམས་ནས་དྭང་བླངས་ཐོག་བོད་མིའི་གྱོད་དོན་ཁྲིམས་རྩོད་ལ་རོགས་རམ་གནང་རྒྱུའི་ཡོངས་ཁྱབ་གསལ་བསྒྲགས་སྤེལ་ནས་ལོ་ ༡༠ འཁོར་བ་བཅས་ཀྱི་དུས་དྲན་དང་བསྟུན་དམིགས་བསལ་སྙན་ཐོ་དེ་འདོན་སྤེལ་གནང་བ་ཞིག་ཡིན་པ་མ་ཟད། ལྷག་པར་དུ་སྙན་ཐོ་འདི་བརྒྱུད་ནས། རྒྱ་རིགས་ཁྲིམས་རྩོད་པ་རྣམས་ནས་བོད་མིིའི་དྲང་བདེན་ལ་རྒྱབ་སྐྱོར་བྱས་པའི་རྐྱེན་གྱིས། རྒྱ་གཞུང་གིས་ཁོང་ཚོར་ཉེས་ཆད་བཅད་པ་རྣམས་ལ་གདུང་སེམས་མཉམ་སྐྱེ་དང་རྗེས་དྲན་ཞུས་ཡིན་པ་གསུངས་སོང་བ་དང་ཆབས་ཅིག རྒྱ་ནག་གཞུང་གིས་འཛིན་བཟུང་བཀག་ཉར་བྱས་པའི་རྒྱ་རིགས་འགྲོ་བ་མིའི་ཐོབ་ཐང་ཁྲིམས་རྩོད་པ་རྣམས་འཕྲལ་མར་གློད་དགོས་པའི་རེ་འདུན་ཡང་བསྟན་གནང་སོང་།