Monthly Archives: November, 2018

བདུན་རྗེས་མའི་རེས་གཟའ་མིག་དམར་ཉིན་Swiss གྲོང་ཁྱེར་Geneva ནང་རྟེན་གཞི་བྱས་པའི་འཛམ་གླིང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་ནས་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཡར་རྒྱས་ཕྱིན་ཡོད་མེད་དང་། ད་ལྟའི་གནས་སྟངས་ཇི་ཡིན་སོགས་དང་འབྲེལ་དུས་བཀག་བསྐྱར་ཞིབ་ཀྱི་ལས་རིམ་ཐེངས་གསུམ་པ་དེ་གནང་གཏན་འཁེལ་པ་དང་བསྟུན། ཁ་སང་ཁུལ་དེར་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་དང་། ཇི་ནི་ཝ་སྐུ་ཚབ་དོན་ཁང་གཉིས་ནས་བོད་དང་ཡུ་གུར། ནང་སོག་བཅས་ཀྱི་འགྲོ་བ་མིའི་ཐོབ་ཐང་གི་གནས་སྟངས་དང་འབྲེལ་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་དབང་བསྒྱུར་འོག་ཡོད་པའི་ས་ཁུལ་ཁག་གི་ནང་དུ་འགྲོ་བ་མིའི་ཐོབ་ཐང་གི་གནས་སྟངས། ཇི་ནི་ཝའི་ལྷན་ཚོགས་ ༢༠༡༨ ཞེས་པ་ཞིག་གོ་སྒྲིག་ཞུས་འདུག སུད་སི་གྲོས་ཚོགས་འཐུས་མི་ལྕམ་ Lisa Mazzone མཆོག་གིས་དབུ་འབྱེད་གནང་པའི་ལྷན་ཚོགས་ཐོག་སྲིད་སྐྱོང་བློ་བཟང་སེང་གེ་མཆོག་གཙོས་པའི་བོད་མིའི་སྒྲིག་འཛུགས་ཀྱི་སྐུ་ཚབ་དོན་གཅོད་རྣམ་པ། ཨ་རིའི་ Pomona གཙུག་ལག་སློབ་གཉེར་ཁང་གི་སློབ་དཔོན་ Dru C. Gladney ལགས། དེ་བཞིན་རྒྱ་ནག་གི་འགྲོ་བ་མིའི་ཐོབ་ཐང་ལས་འགུལ་བ་Wuer Kaixi ལགས་དང་གསར་འགོད་པ་ Min Mitchell ལགས། ནང་སོག་དྲིལ་བསྒྲགས་བསྟི་གནས་ཁང་གི་འགན་འཛིན་ Engnebatu Togoc ལགས། གཞན་ཡང་རྒྱ་ནག་དང་ཡུ་གུར། ལྷོ་སོག དེ་བཞིན་ཧོང་ཀོང་བཅས་ཀྱི་གནད་དོན་ཐོག་ཐུགས་སྣང་ཡོད་པའི་ས་གནས་མི་སྣ་དང་གསར་འགོད་པ་སོགས་ནས་ལྷན་ཞུགས་གནང་འདུག སྐབས་དེར་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་འདས་པའི་ལོ་དུས་ནང་རྒྱལ་སྤྱིའི་རྒྱལ་ཁབ་ཁག་ནས་རྒྱ་ནག་ལྷན་དུ་འབྲེལ་བ་བཞག་སྟེ་རིམ་པས་རྒྱ་ནག་དེ་བཞིན་མང་གཙོའི་ལམ་ལུགས་ཐོག་བསྐྱོད་དེ་འགྲོ་བ་མིའི་ཐོབ་ཐང་ལ་གུས་རྩི་ཞུ་མཁན་ཞིག་ཆགས་ཀྱི་རེད་བསམ་ནས་བསྡད་ཡོད་ཀྱང་། ང་ཚོས་འདས་པའི་ལོ་ངོ་ཉི་ཤུ་ལ་ཕྱིར་མིག་ཞིག་བལྟ་ན། རྒྱ་ནག་འདི་བཟང་ཕྱོགས་ཀྱི་ཐོག་ལ་འགྱུར་བ་གང་ཡང་ཕྱིན་མེད་པའི་ཁར། རྒྱ་ནག་གིས་རྒྱལ་སྤྱིའི་རྒྱལ་ཁབ་རྣམས་ལ་ནོན་ཤུགས་འདྲ་མིན་ཐོག་ནས་ཁ་ཕྱོགས་བསྒྱུར་བཞིན་པ་རེད་ཅེས་གསུངས་འདུག མ་ཟད་སྲིད་སྐྱོང་མཆོག་ནས་ཡོ་རོབ་ Madrid དང་ Norway དེ་བཞིན་Australia དང་Swiss སོགས་ནས་ཚོང་དང་འགྲོ་བ་མིའི་ཐོབ་ཐང་གི་གནད་དོན་སོགས་ཕྱོགས་གང་ས་ནས་རྒྱ་ནག་ལ་བསྟུན་མཁས་བྱས་ཡོད་པ་མ་ཟད། རྒྱལ་སྤྱིའི་ངོས་ནས་ཀྱང་དེ་སྔ་རྒྱ་ནག་ལ་ Most Favoured Nation ཞེས་ཚོང་འབྲེལ་གྱི་གནས་བབས་སྤྲད་པ་དང་། རྒྱལ་སྤྱིའི་ཨོ་རྩལ་རྩེད་འགྲན་གོ་སྒྲིག་ཞུ་རྒྱུའི་གོ་སྐབས་སོགས་ཕུལ་ཡོད་ཀྱང་། རྒྱ་ནག་ཕྱོགས་ནས་འགྲོ་བ་མའི་ཐོབ་ཐང་གི་གནས་སྟངས་སོགས་ཕྱོགས་ཡོངས་ནས་ཡར་རྒྱས་རྩ་བ་ནས་བཏང་མེད་པ་མ་ཟད། བར་སྐབས་ནས་རྒྱ་ནག་ཕྱོགས་ནས་ཡུལ་དེ་དག་གི་ཆབ་སྲིད་དང་ཤེས་ཡོན་གྱི་བསྟི་གནས། དེ་བཞིན་འོས་བསྡུ་སོགས་ཀྱི་ལས་དོན་ནང་ཐེས་བྱུས་ཤུགས་ཆེ་རུ་བཏང་སྟེ་རང་ཉིད་ཀྱི་དབང་ཐང་རྒྱ་སྐྱེད་དང་། རྒྱ་ནག་གི་ཁྱད་ཆོས་ལྡན་པའི་སྤྱི་ཚོགས་རིང་ལུགས་དར་ཁྱབ་གཏོང་བཞིན་པ་སོགས་ཀྱང་གསུངས་འདུག དེ་བཞིན་སྐབས་དེར་སྲིད་སྐྱོང་མཆོག་གིས་ལྷན་ཚོགས་དེའི་ཐོག་བཅར་བའི་ཚོགས་བཅར་བ་རྣམས་ལ་རྒྱ་ནག་གི་རྒྱུད་ཅིག་ལམ་ཅིག་གི་སྲིད་བྱུས་དང་འབྲེལ། ལོ་ངོ་དྲུག་ཅུའི་གོང་ལ་རྒྱ་ནག་གི་ལམ་ཅིག་སྲིད་བྱུས་འོག་བོད་འདི་བཙན་འཛུགས་བྱས་ཡོད་སྟབས་རྒྱལ་སྤྱིའི་རྒྱལ་ཁབ་རྣམས་ནས་རྒྱ་ནག་གི་སྲིད་བྱུས་དེར་དོགས་ཟོན་བྱེད་དེ་བོད་ལྟ་བུ་རྒྱ་ནག་འོག་མ་ཚུད་པ་བྱེད་དགོས་པ་ཡང་གསུངས་འདུག

ཉན་པ།: Listen ཕབ་ལེན། Download སྲིད་སྐྱོང་མཆོག་གིས་སི་པཱེན་གྲོས་ཚོགས་སུ་བོད་དོན་གླེང་སློང་དགོས་པའི་ཞུ་སྐུལ་གནང་བ། བཀའ་བློན་རྣམས་ནས་ཉིན་གཅིག་གི་ཕོགས་འབབ་ཨོ་རི་ས་བོད་མིའི་གཞིས་སྒར་དུ་ཞལ་འདེབས། ཨོ་སི་ཊོ་ལི་ཡ་ནང་བོད་རིགས་སློབ་མ་ཞིག་ལ་མངའ་སྡེའི་རིམ་པ་གཉིས་པའི་བློན་ཆེན་བྱ་དགའ་ཐོབ་པ། བཀའ་ཟུར་རྒྱ་རི་རིན་པོ་ཆེ་མཆོག་གི་སྐུ་ཕུང་ཟླ་བ་འདིའི་ཚེས་ ༡༨ ཉིན་བཞུགས་འབུལ་གནང་རྒྱུ། སེ་ར་ཐེག་ཆེན་གླིང་དུ་རྒྱ་གར་གྱི་གནའ་བོའི་ཚན་རིག་དང་ནུབ་ཕྱོགས་ཚན་རིག་གི་བགྲོ་གླེང་། རྒྱ་ནག་གིས་ནང་ཆོས་ཀྱི་བདག་དབང་རག་ཐབས་བྱེད་བཞིན་འདུག Friday 02/11/2018 Sikyong bolsters support for Tibet in Spanish Parliament CTA Kalons donate day's salary for Odhisha relief fund Sydney Tibetan girl wins 2018 Minister's Award for Excellence Funural rites of late Gyari Rinpoche to be held on the 18th Dialogue between ancient Indian and Modern Science held at Sera Thekchenling China using Buddhism as soft power in Belt and Road initiative: Interview

ཟླ་བ་སྔོན་མའི་ཚེས་ ༡༠ ཉིན་ཨོ་རི་ས་ཕུན་ཚོགས་གླིང་བོད་མིའི་གཞིས་ཆགས་སུ་ titli ཞེས་པའི་དྲག་ཆར་རླུང་འཚུབ་དྲག་པོ་རྒྱག་ཏེ་མང་ཚོགས་ཀྱི་འཚོ་གནས་ལ་གནོད་སྐྱོན་ཚབས་ཆེ་བྱུང་ཡོད་པར་བརྟེན་བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་དབུས་པའི་བཀའ་བློན་རྣམ་པས་ཉིན་གཅིག་གི་ཕོགས་འབབ་གདུང་སེམས་མཉམ་བསྐྱེད་ཀྱི་ཚུལ་དུ་ཞལ་འདེབས་གནང་བ་དང་ཆབས་ཅིག་ཆབས་ཅིག་ཏུ་སྲི་ཞུ་ལས་བྱེད་རྣམས་ནས་ཀྱང་དེ་ལྟར་དགོངས་བཞེས་གནང་གལ་ཡིན་པར་འབོད་སྐུལ་གནང་འདུག དེ་ཡང་བཀའ་དྲུང་ཡིག་ཚང་གིས་བོད་མིའི་སྒྲིག་འཛུགས་ཀྱི་ལྷན་ཁང་ཁག་ལ་བཀོད་ཁྱབ་གནང་བའི་ནང་གསལ་ལྟར་ན། བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་གཙོས་པའི་བཀའ་བློན་རྣམས་ནས་གདུང་སེམས་མཉམ་བསྐྱེད་མཚོན་ཕྱིར་ཉིན་གཅིག་གི་ཕོགས་འབབ་ཞལ་འདེབས་གནང་བ་དང་ཆབས་ཅིག་ཏུ་སྲི་ཞུ་ལས་བྱེད་རྣམས་ནས་ཀྱང་དེ་ལྟར་དགོངས་བཞེས་གནང་རྒྱུར་འབོད་སྐུལ་གནང་བ་དང་འབྲེལ། བོད་མིའི་སྒྲིག་འཛུགས་ཀྱི་སྲིད་ཞུའི་ལས་བྱེད་སར་ནས་ཞལ་འདེབས་ཇི་བྱུང་རྣམས་ནང་སྲིད་ལས་ཁུངས་སུ་དབུས་ལས་ཁུངས་ཁག་ནས་ཟླ་བ་འདིའི་ཚེས་ ༡༠ ནང་ཚུད་འབུལ་དགོས་པ་དང་། དེ་བཞིན་ཕྱོགས་མཐའི་ཁྱབ་ཁོངས་སུ་ཡོད་པའི་ལས་བྱེད་རྣམས་ཀྱི་ཞལ་འདེབས་རྣམས་ཟླ་བ་འདིའི་ཚེས་ ༣༠ ནང་ཚུད་འབུལ་ཐབས་གནང་ཟིན་དགོས་པའི་འབོད་སྐུལ་གནང་འདུག རྩ་བའི་ཨོ་རི་ས་ཕུན་ཚོགས་གླིང་བོད་མིའི་གཞིས་ཆགས་སུ་ཟླ་བ་སྔོན་མའི་ཚེས་ ༡༠ ཉིན་ titli ཞེས་པའི་དྲག་ཆར་རླུང་འཚུབ་ཀྱི་དོན་རྐྱེན་ཞིག་བྱུང་བའི་འོག་ས་ཞིང་ཨེ་ཀར་ ༡༧༠༠ ལྷ་ལ་གནོད་འཚེ་ཕོག་ཡོད་པ་དང་། ཤིང་འབྲས་ཅན་གྱི་སྡོང་པོ་ ༡༥༠༠ ཙམ་ཞིག་རྩ་མེད་དུ་ཕྱིན་ཡོད་པ་རེད། ཁང་ཁྱིམ་ ༦༠ ཡས་མས་ཤིལ་ལ་གནོད་སྐྱོན་བྱུང་ཡོད་སྟབས་ཟླ་བ་སྔོན་མར་བོད་མིའི་སྒྲིག་འཛུགས་ནང་སྲིད་ལས་ཁུངས་ནས་ཛ་དྲག་རོགས་སྐྱོར་ཆེད་ཕྱི་རྒྱ་ཡུལ་གྲུ་ཁག་ཏུ་གནས་སྡོད་གནང་མཁན་གཏོང་ཕོད་ཅན་གྱི་བོད་རིགས་ཀུན་ལ་ཞལ་འདེབས་གང་ཐུབ་གནང་སྐྱོང་ཡོང་བའི་གསལ་བསྒྲགས་ཀྱང་གནང་ཡོད་པ་རེད།

ཨོ་སི་ཊོ་ལི་ཡ་ནང་རྟེན་གཞི་བྱས་པའི་སིཌ་ནི་བོད་རིགས་མཐུན་ཚོགས་རིག་གནས་སྐྱེད་ཚལ་ཁང་གི་འཛིན་རིམ་དྲུག་པའི་སློབ་མ་བསྟན་འཛིན་ཚེ་བརྟན་ལགས་ལ་བོད་ཀྱི་སྐད་ཡིག་སློབ་གཉེར་ཡིག་རྒྱུགས་རྩེ་སོན་གྱི་མངའ་སྡེའི་རིམ་པ་གཉིས་པའི་བློན་ཆེན་གྱི་བྱ་དགའ་ཐོབ་འདུག དེ་ཡང་ཉེ་ཆར་ཟླ་ ༡༠ ཚེས་ ༢༩ རེས་གཟའ་ཟླ་བའི་ཉིན་ཨོ་སི་ཊོ་ལི་ཡའི་སིཌ་ནིའི་གྲོང་ཁྱེར་དུ་ཡོད་པའི་ New South Wales གཙུག་ལག་སློབ་གྲྭ་ཆེན་མོའི་ Sir John Clancy ཚོགས་ཁང་ཆེན་མོར་ལོ་ན་བཅུ་བཞིར་སོན་པའི་བོུ་བསྟན་འཛིན་ཚེ་བརྟན་ལགས་སུ་བོད་ཀྱི་སྐད་ཡིག་སློབ་གཉེར་སྦྱང་འབྲས་རྩེ་སོན་གྱི་ཡུལ་དེའི་རིམ་པ་གཉིས་པའི་བྱ་དགའ་ཐོབ་འདུག་པ་དང། དེའང་མངའ་སྡེའི་ཤེས་རིག་བློན་ཆེན་སྐུ་ཞབས་ Rob Stokes མཆོག་དབུ་བཞུགས་ཐོག་ New South Wales མངའ་སྡེའི་མི་རིགས་སྐད་ཡིག་སློབ་གྲྭའི་རྒྱུན་ལས་ལྕམ་ Hilary Hughes མཆོག་གི་ཕྱག་ནས་བཞེས་གནང་འདུགམཛད་སྒོའི་ཐོག་རིག་གནས་སྐྱེད་ཚལ་ཁང་གི་འཛིན་རིམ་གསུམ་པའི་བོུ་ཕུན་ཚོགས་སྒྲོལ་མ་ལགས་སུ་ཕུལ་བྱུང་སློབ་མའི་གཟེངས་རྟགས་ཀྱང་ཐོབ་འདུག རྩ་བའི་ཕི་ལོ་ ༡༩༧༨ ལོར་གསར་འཛུགས་གནང་བའི་ New South Wales མངའ་སྡེའི་མི་རིགས་སྐད་ཡིག་སློབ་གྲྭའམ་གཟའ་མཇུག་སློབ་གྲྭ་དེའི་ནང་རིག་གནས་སྐྱེད་ཚལ་ཁང་གིས་གཙོས་པའི་འདི་ལོ་བར་སྐད་ཡིག་ ༦༢ ཐོག་གཟའ་འཇུག་སློབ་གྲྭ་ཁྱོན་ ༥༦༡ དང་ལོ་འདིའི་ནང་སློབ་མ་ ༣༦༠༨༨ ཡོད་པ་དང་དང་བླངས་དགེ་རྒན་ ༢༩༢༥ ཡོད་པ་རེད། བློན་ཆེན་གྱི་བྱ་དགའ་དེ་ནི་གཟའ་མཇུག་སློབ་གྲྭ་སོ་སོས་རང་ཁོངས་སློབ་མའི་ནང་ནས་ལོ་འཁོར་ཡིག་རྒྱུགས་དང་འཛིན་གྲྭར་བཅར་ཐོ། སྤྱོད་ལམ། རིག་རྩལ་འགྲན་ཚོགས་སུ་འཛུལ་ཞུགས་ཀྱི་སྤུས་ཚད་བཅས་གཙོ་བཟུང་གིས་བྱ་དགའི་འོས་མི་གཉིས་རེ་མངའ་སྡེའི་ཤེས་རིག་ལས་ཁུངས་སུ་འབུལ་གནང་གི་ཡོད་པ་དང། ཤེས་རིག་ལས་ཁུངས་ཀྱིས་འོས་མི་དེ་དག་གི་གནས་སྟངས་ལ་ཞིབ་དཔྱད་ཀྱིས་རྩེ་ཕུད་སློབ་མ་ ༡༠ དྲག་འདེམས་ཐོག་བློན་ཆེན་བྱ་དགའ་རིམ་པ་དང་པོར་འོས་འདེམས་དང་གཞན་རྣམས་བྱ་དགའ་རིམ་པ་གཉིས་པ་དང་གསུམ་པའི་བྱ་དགའ་གནང་གི་ཡོད་པ་རེད།ད་རེས་བོད་ཕྲུག་ལ་བྱ་དགའ་ཐོབ་པ་དེ་ནི་ཨོ་སི་ཊོ་ལི་ཡའི་ལོ་རྒྱུས་ནང་བོད་ཕྲུག་ཚོས་བོད་ཀྱི་སྐད་ཡིག་སློབ་སྦྱོང་གནང་ནས་བློན་ཆེན་གི་བྱ་དགའ་ཐོབ་པ་ཐེངས་གཉིས་པ་དེ་ཆགས་ཀྱི་ཡོད་པ་རེད། གཞི་རྩའི་སིཌ་ནི་བོད་རིགས་མཐུན་ཚོགས་རིག་གནས་སྐྱེད་ཚལ་ཁང་དེ་ཕྱི་ལོ་ ༡༩༩༧ ཟླ་ ༩ པའི་ནང་ཁྱིམ་ཚང་གི་བོད་སྐད་བོད་ཡིག་སློབ་གྲྭའི་ངོ་བོ་ཙམ་ནས་རིམ་བཞིན་ཡར་རྒྱས་སོང་ཡོད་པ་དང་། ཕྱི་ལོ་ ༢༠༡༠ ལོར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རིག་གནས་སྐྱེད་ཚལ་ཁང་ཞེས་མཚན་གསོལ་མཛད་པ་ཞིག་དང། ཕྱི་ལོ་ ༢༠༡༣ ལོར་མངའ་སྡེའི་ཤེས་རིག་ལས་ཁུངས་མི་རིགས་སྣ་མང་སྐད་ཡིག་སློབ་གྲྭར་དེབ་སྐྱེལ་ཞུས་རྗེས་སློབ་གྲྭར་མངའ་སྡེ་གཞུང་གི་ངོས་ནས་མི་རིགས་གཞན་ཁག་དང་གཅིག་མཚུངས་ཀྱི་མཐུན་རྐྱེན་གནང་རྒྱུ་དབུ་འཛུགས་གནང་ཡོད་པ་རེད་འདུག སློབ་གྲྭར་ད་ལྟའི་ཆར་བོད་རིག་སློབ་མ་གྲངས་ ༩༠ དང་། དང་བླངས་དགེ་རྒན་དང་ལས་བྱེད་ ༢༠ ཡོད་པ་མ་ཟད་སློབ་གྲྭའི་འཛིན་སྐྱོང་གི་སྒྲིག་གཞི་དང་ཤེས་ཡོན་གྱི་སྲིད་བྱུས་རྣམས་ས་གནས་མངའ་སྡེ་གཞུང་གི་མི་རིགས་སྣ་མང་སྐད་ཡིག་སློབ་གྲྭའི་ལམ་སྟོན་ཁག་དང་དབུས་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་གཞི་རིམ་ཤེས་ཡོན་སྲིད་བྱུས་གཉིས་ཟུང་འབྲེལ་ཐོག་ནས་འགྲོ་བཞིན་པ་དང་འབྲེལ། རེས་གཟའ་སྤེན་པ་ནམ་ཡིན་ལ་དང་བླངས་དགེ་རྒན་ཚོས་སློབ་ཕྲུག་ཚོར་བོད་ཀྱི་སྐད་དང་རིག་གཞུང་། ལོ་རྒྱུས། ནང་ཆོས། དེ་བཞིན་རྐང་བྲོ་གླུ་གཞས་བཅས་སློབ་ཁྲིད་གནང་བཞིན་ཡོད་པ་དང། དེར་ས་གནས་བོད་རིགས་མཐུན་ཚོགས་དང་ཕ་མ་ཚོས་སློབ་མའི་འགྲིམ་འགྲུལ་དང་། བདེ་འཇགས། མཐུན་རྐྱེན་བཅས་ཀྱི་ཐད་མཐུན་འགྱུར་ཞབས་འདེགས་གནང་བཞིན་ཡོད་པ་རེད།

རྒྱ་ནག་གིས་ཕྱོགས་གཅིག་ནས་ནང་ཆོས་ནི་དུག་ཏུ་བརྩི་བཞིན་ཡོད་ཀྱང་། ཕྱོགས་གཞན་ཞིག་ནས་རང་ཉིད་ཀྱི་ཁེ་ཕན་སྒྲུབ་ཐབས་སུ་རྒྱུད་གཅིག་ལམ་གཅིག་གི་སྲིད་བྱུས་བརྒྱུད་ནས་མ་དངུལ་ཁྲག་ཁྲིག་ ༡ ཙམ་ཆེད་གཏོང་གིས་འཇམ་པའི་སྟོབས་ཤུགས་ཐོག་ནས་བོད་བརྒྱུད་ནང་བསྟན་དེ་ཕྱི་ནང་གི་འབྲེལ་ལམ་གསར་འཛུགས་ཀྱི་ལག་ཆ་གནད་ཆེ་ཞིག་ཏུ་ངོས་འཛིན་བྱས་འདུག དེའང་བོད་བརྒྱུད་ནང་བསྟན་གྱི་བདག་དབང་རྩོལ་སྒྲུབ་བྱས་པ་མ་ཟད་དེའི་བརྒྱུད་༸གོང་ས་མཆོག་གི་༸སྐུའི་ཡང་སྲིད་ངོས་འཛིན་གནང་ཕྱོགས་ཀྱི་བདག་དབང་དེ་རྒྱ་ནག་གཞུང་ལ་རག་ཐབས་སླད་ཤུགས་སྣོན་རྒྱག་བཞིན་ཡོད་པ་རེད། ཉེ་ལམ་བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་འབུམ་རམས་པ་རིག་འཛིན་རྡོ་རྗེ་ལགས་ཀྱིས་དཔྱད་རྩོམ་ཞིག་སྤེལ་བའི་ནང་རྒྱ་ནག་ནང་ཁུལ་དུ་ནང་བསྟན་ཆོས་ལུགས་ཀྱི་ལྟེ་གནས་གསར་འཛུགས་བྱེད་བཞིན་པ། ཕྱི་ཕྱོགས་ཀྱི་རྒྱལ་ཁབ་ཁག་ཏུ་འཇམ་པོའི་རྩལ་གྱི་ཐོག་ནས་ནང་ཆོས་དང་འབྲེལ་བའི་དངུལ་དངོས་ཀྱི་མ་རྩ་ཆེད་འཛུགས་བྱེད་བཞིན་པ། དེ་བཞིན་ནང་ཆོས་ཀྱི་བདག་དབང་རྩོལ་སྒྲུབ་ཀྱི་ཐོག་ནས་༸གོང་ས་ཏཱ་ལའི་བླ་མའི་༸སྐུའི་ཡང་སྲིད་ངོས་འཛིན་གྱི་ཐད་ལ་འབད་བརྩོན་བྱེད་བཞིན་པ་སོགས་ས་བཅད་གསུམ་གྱི་ཐོག་ནས་རྒྱ་ནག་གི་ངོས་ནས་ཇི་ལྟར་ནང་བསྟན་ཆོས་ལུགས་དེ་བེད་སྤྱོད་གཏོང་བཞིན་ཡོད་པ་ར་སྤྲོད་གནང་འདུག འདི་ག་རླུང་འཕྲིན་ཁང་གིས་ཉམས་ཞིབ་པ་འབུམ་རམས་པ་རིག་འཛིན་རྡོ་རྗེ་ལགས་སུ་དེ་འབྲེལ་བཅའ་འདྲི་ཁག་ཅིག་ཞུས་པར་ཁོང་གིས་རྒྱ་ནག་དམར་པོའི་གཞུང་ལ་ལོ་རྒྱུས་དང་རིག་གཞུང་གང་གི་ཐོག་ནས་ཀྱང་བོད་བརྒྱུད་ནང་བསྟན་གྱི་བདག་དབང་ཡོད་སྲིད་ཀྱི་མ་རེད་ཅེས་གསུངས་ཡོད།

ཉན་པ།: Listen ཕབ་ལེན། Download ༸གོང་ས་མཆོག་དབུ་བཞུགས་ཐོག་ཚད་རྡུལ་དངོས་ཁམས་རིག་པའི་ཤུགས་རྐྱེན་ཐོག་བགྲོ་གླེང་ཐེངས་དང་པོ། རྒྱ་ནག་གི་དུས་བཀག་བསྐྱར་ཞིབ་རན་པ་དང་འབྲེལ་ཕྱི་དྲིལ་དྲུང་ཆེ་གཉིས་ཇི་ནི་ཝར་ཆེད་ཕེབས། བོད་རིགས་བསྟན་འཛིན་པདྨ་ལགས་ལ་བྱས་རྗེས་ཅན་གྱི་བེུད་བྱ་དགའ་ཐོབ་པ། བོད་མི་ཚོས་ཀ་ཎ་ཊ་ཀ་གཞུང་དབུ་བརྙེས་པའི་དུས་དྲན་སྲུང་བརྩི་ཞུས་པ། Thursday 01/11/2018 Dalai Lama holds dialogue with Chinese scientists CTA team converges in Geneva ahead of China UPR Tibetan kickboxer Tenzin Pema honoured with ‘Bitiya Gaurav’ award Tibetans in South India mark ‘Kannada Rajyothsava Day’

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་ཐོག་དེ་རིང་ཟླ་ ༡༡ ཚེས་ ༡ ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་ཐེ་ཝན་ནས་རྒྱ་རིགས་ཚད་རྡུལ་དངོས་ཁམས་རིག་པའི་ཚན་རིག་པ་དང་ཉམས་ཞིབ་པ། དེ་བཞིན་གཙུག་ལག་སློབ་དཔོན་ཁག་ཅིག་དབར་ཚད་རྡུལ་དངོས་ཁམས་རིག་པའི་ཤུགས་རྐྱེན་ཞེས་པའི་བརྗོད་གཞི་ཐོག་བགྲོ་གླེང་ཆེས་ཐོག་མ་དབུ་འཛུགས་གནང་སོང་། སྐབས་དེར་༸གོང་ས་མཆོག་གིས་༸གང་ཉིད་མཆོག་ནས་ཚོགས་བཅར་བ་ཡོངས་ལ་དགའ་བསུའི་འཚམ་འདྲི་དང་འབྲེལ། ནུབ་ཕྱོགས་པའི་ཚན་རིག་པའི་དབར་ལོ་ངོ་ ༣༠ ལྷག་གི་རིང་བགྲོ་གླེང་གནང་མྱོང་ཡོད་པ་ལས་རྒྱ་རིགས་ཚན་རིག་པའི་དབར་འབྲེལ་བ་དེ་ཙམ་བྱུང་ཐུབ་མེད་ཀྱང་། ད་རེས་རྒྱ་རིགས་ཚན་རིག་པ་དང་ལྷན་བགྲོ་གླེང་གནང་རྒྱུ་བྱུང་བ་འདི་ནི་ཆེས་ཐོག་མ་ཆགས་ཀྱི་ཡོད་སྐོར་ངོ་སྤྲོད་མཛད་སོང་།༸གོང་ས་མཆོག་ལ་དེ་སྔ་ཐེ་ཝན་རྒྱ་རིགས་ཤིག་གིས་རང་ཉིད་ཚད་རྡུལ་དངོས་ཁམས་རིག་པའི་ཚན་རིག་པ་ཡིན་སྐོར་སྙན་གསེང་ཞུས་པར་བརྟེན་དེ་དང་འབྲེལ་ནས་ད་རེས་བགྲོ་གླེང་འདི་ཚོགས་ཐུབ་པ་བྱུང་བ་རེད་ཅེས་བཀའ་བསྩལ་ཡོད། མགོན་པོ་༸གང་ཉིད་མཆོག་གིས་འདི་ལྟ་བུའི་བགྲོ་གླེང་ཆེད་ཚོགས་གནང་བའི་དགོས་དམིགས་གཙོ་བོ་གཉིས་ཡོད་པ་གསལ་བཤད་གནང་དོན་ང་ཚོ་ཕན་ཚུན་དབར་རང་ཉིད་ཀྱི་ཤེས་ཡོན་རྒྱ་སྐྱེད་གནང་རྒྱུ་དང་། དེའང་དུས་རབས་ཉི་ཤུའི་སྔོན་དུ་ཚན་རིག་པ་ཚོས་ཕྱིའི་དངོས་པོ་ཁོ་ནའི་རྣམ་གཞག་ཐོག་དཔྱད་པ་བྱས་ཡོད་པ་མ་གཏོགས་ནང་སེམས་ཀྱི་རྣམ་གཞག་ཐད་དེ་ཙམ་དོ་སྣང་གནང་གི་མེད་པས་ནང་སེམས་ཀྱི་རྣམ་གཞག་ཐོག་ཐུགས་སྣང་ཡོང་ཐབས་དང་། དེ་བཞིན་ཚན་རིག་པའི་བརྟག་དཔྱད་ཀྱི་གྲུབ་དོན་དུ་ཁོང་ཁྲོས་ལུས་ཟུངས་མ་ལག་ཟད་ཀྱི་ཡོད་པ་ཤེས་རྟོགས་བྱུང་བ་ལྟར་ཆོས་ལུགས་ཀྱི་ཐོག་ནས་བྱམས་བརྩེ་དང་ཞི་བདེ་སོགས་གོང་འཕེལ་གནང་བར་ཐབས་ལམ་ཚད་ངེས་ཅན་ཞིག་ལས་མེད་སྟབས། ཚན་རིག་གི་བརྟག་དཔྱད་གནང་བའི་ཡོ་བྱད་དེ་དག་ཡར་རྒྱས་ཕྱིན་ཡོད་པ་སོགས་ཀྱི་རྒྱུ་མཚན་ཐོག་ནས་བགྲོ་གླེང་འདི་གོ་སྒྲིག་གནང་བ་ཞིག་ཡིན་པར་བཀའ་བསྩལ་ཡོད། ད་དུང་༸གོང་ས་མཆོག་གིས་དེང་སྐབས་ཚན་རིག་པ་ཚོས་མིའི་གཞི་རྩའི་རང་བཞིན་དེ་བྱམས་བརྩེའི་རང་བཞིན་ཡིན་པ་མངོན་གསལ་གནང་ཡོད་པ་ལྟར་ཆོས་ལུགས་དང་མ་འབྲེལ་བའི་ནང་སེམས་ཀྱི་འཕྲོད་བསྟེན་ཐོག་སློབ་སྦྱོང་སྤྲོད་དགོས་གལ་ཡིན་པར་ལམ་སྟོན་བསྩལ་སོང་།དེ་རིང་གི་བགྲོ་གླེང་ཚོགས་འདུའི་ཐོག་གཞན་ཡང་༸གོང་ས་མཆོག་གིས་ཆབ་སྲིད་ཀྱི་ཐོག་ནས་བོད་དང་རྒྱ་ནག་དབར་དམག་འཁྲུག་དང་གཉེན་སྒྲིག་སོགས་གནང་མྱོང་ཡོད་པ་རེད། འོན་ཀྱང་ད་ལྟའི་ཆར་ང་ཚོས་རྒྱ་ནག་ནས་མིང་དོན་མཚུངས་པའི་རང་སྲིད་རང་སྐྱོང་རྩོད་པ་ལས་རང་བཙན་རྩོད་ཀྱི་མེད་སྐོར་བསྐྱར་ནན་མཛད་པ་དང་ཆབས་ཅིག འཛམ་གླིང་སྣེ་གསུམ་པ་བོད་ཀྱི་ཁོར་ཡུག་དེ་གོ་ལའི་ཚ་དྲོད་དང་ཤིན་ཏུ་ནས་འབྲེལ་བ་ཡོད་པས་བོད་ཀྱི་ཁོར་ཡུག་སྲུང་སྐྱོབ་གནང་དགོས་གལ་ཡིན་པར་བཀའ་བསྩལ་ཡོད་པ་རེད། དེ་རིང་གི་བགྲོ་གླེང་ཚོགས་འདུའི་དབུ་འབྱེད་མཛད་སྒོར་༸གོང་ས་༸སྐྱབས་མགོན་ཆེན་པོ་མཆོག་དང་ལྷན་ནོ་སྦེལ་གཟེངས་རྟགས་བཞེས་མྱོང་མཁན་ཨ་རིའི་ཁེལ་ཕོར་ནི་ཡའི་གཙུག་ལག་སློབ་གཉེར་ཁང་གི་སློབ་དཔོན་ཆེན་མོ་སྐུ་ཞབས་ Yuan Tseh Lee མཆོག་དབུ་བཞུགས་དང་གསུང་བཤད་གནང་ཡོད་པ་མ་ཟད། རྒྱརིགས་ཚན་རིག་པ་སྐུ་ཞབས་ Shih Chang Lee ལགས་དང་། Chii Dong Chen ལགས། Yueh Nan Chen ལགས། དེ་བཞིན་ Shawn Y.Lin ལགས་བཅས་ནས་བརྗོད་གཞི་འདྲ་མིན་ཐོག་གསུང་བཤད་གནང་ཡོད་པ་རེད། འདི་ག་རླུང་འཕྲིན་ཁང་གི་གསར་འགོད་པས་ཐེངས་འདིའི་བགྲོ་གླེང་གོ་སྒྲིག་ཞུ་མཁན་ཁོངས་སུ་ཡོད་པ་༸དཔལ་ལྡན་དགའ་ལྡན་ཕོ་བྲང་གི་དྲུང་ཆེ་རྔ་བ་ཚེ་རྒྱམ་ལགས་སུ་ཐེངས་འདིའི་བགྲོ་གླེང་ཚོགས་འདུ་བསྐོང་ཚོགས་གནང་དོན་ཇི་ཡིན་ཐད་བཀའ་འདྲི་ཞུས་ཡོད། རྩ་བའི་དེ་རིང་༸གོང་ས་མཆོག་དབུ་བཞུགས་ཐོག་ཚད་རྡུལ་དངོས་ཁམས་དང་འབྲེལ་བའི་བགྲོ་གླེང་ཐོག་རྒྱ་རིགས་ཁོངས་ནས་ཐེ་ཝན་རྒྱ་རིགས་བདུན་ཕེབས་ཡོད་པ་དང་རྒྱ་རིགས་ཚོགས་བཅར་བ་ཁྱོན་བཞི་བཅུ་ཞེ་གྲངས་ལྷག་ཆེད་བཅར་གནང་འདུག་པ་མ་ཟད་དེ་བཞིན་བོད་པའི་དགོན་ཁག་དང་བོད་སློབ་ཁག་གི་སྐུ་ཚབ་སོགས་ཚོགས་བཅར་བ་ཁྱོན་ ༢༠༠ ལྷག་ནས་མཉམ་བཞུགས་གནང་ཡོད་པ་རེད།

རང་ལོ་ ༢༤ ཡིན་པའི་བོད་རིགས་བསྟན་འཛིན་པདྨ་ལགས་ཀྱིས་འདི་ལོའི་ཐའི་ལེནཊ་རྒྱལ་ས་ Bangkok ཡི་ཁུ་ཚུར་རྩེད་འགྲན་ནང་ཞུགས་ཏེ་ཨང་རིམ་གཉིས་པ་དངུལ་གྱི་རྟགས་མ་གཉིས་ཐོབ་ཡོད་པ་ལྟར། ཁ་སང་རྒྱ་གར་གྱི་རྒྱལ་ས་ལྡི་ལིར་རྒྱ་གར་གྱི་སྤྱི་ཚོགས་དྲང་མཉམ་དང་ནུས་སྟོབས་འཕེལ་རྒྱས་ཀྱི་བློན་ཆེན་གཞོན་པ་སྐུ་ཞབས་ Ramdas Athawale མཆོག་ནས་ཁོང་ལ་བྱས་རྗེས་ཅན་གྱི་བུད་མེད་བྱ་དགའ་ཞིག་གནང་ཡོད་པ་རེད། Bitiya Gaurav Award འམ་བྱས་རྗེས་ཅན་གྱི་བུད་མེད་བྱ་དགའ་དེ་བཞིན་ Deep Welfare Organisation ཞེས་པའི་སྤྱི་ཚོགས་བདེ་དོན་གྱི་ཚོགས་པ་ཞིག་ནས་གོ་སྒྲིག་ཞུས་པ་ཞིག་རེད་འདུག གཞི་རྩའི་སྐབས་དེར་བསྟན་འཛིན་པདྨ་ལགས་ཀྱིས་གཙོས་པའི་རྒྱ་གར་གྱི་ན་གཞོན་བུད་མེད་བྱས་རྗེས་ཅན་གཞན་ཁག་ཅིག་ལ་ཕུལ་བྱུང་གྱི་བྱ་དགའ་གསོལ་བསྩལ་གནང་ཡོད་པ་ཡིན་ནའང་། མཛད་སྒོ་གོ་སྒྲིག་ཞུ་མཁན་གྱི་ངོས་ནས་སྐབས་དེར་བསྟན་འཛིན་པདྨ་ལགས་སུ་དམིགས་བསལ་གྱི་བོད་རིགས་བཙན་བྱོལ་བ་ཞིག་གིས་རྒྱ་གར་སྤོབས་པ་ལྡན་པ་ཞིག་བཟོས་ཡོད་པ་སོགས་ཀྱི་ངོ་སྤྲོད་དང་གདེང་འཇོག་ཆེན་པོ་གནང་བ་མ་ཟད། རྒྱ་གར་གཞུང་གི་ངོས་ནས་ཁོང་ལ་དམིགས་བསལ་གྱི་མཐུན་རྐྱེན་སོགས་གནང་དགོས་པའི་འབོད་སྐུལ་གནང་བ་དང་སྦྲགས། སྐབས་དེའི་སྐུ་མགྲོན་གཙོ་བོ་བློན་ཆེན་གཞོན་པ་སྐུ་ཞབས་ Ramdas Athawale མཆོག་ནས་ཀྱང་དེ་ལྟར་ངོས་བཞེས་དང་འབྲེལ་རྩེད་འགྲན་ཕུལ་བྱུང་གི་བྱ་དགའ་དེ་གསོལ་བསྩལ་གནང་འདུགརྒྱལ་ས་ལྡི་ལིའི་ Constitution Club ཚོགས་ཁང་ཞིག་ཏུ་ཚོགས་པའི་མཛད་སྒོ་དེའི་ཐོག་སྐབས་དེའི་བྱ་དགའ་ཐོབ་མཁན་གྱི་བུད་མེད་དེ་དག་གི་ཕ་མ་སྤུན་མཆེད་དང་གཞན་ཡང་འབྲེལ་ཡོད་མི་སྣ་བཅས་ཁྱོན་མི་གྲངས་བརྒྱ་སྐོར་ཞིག་འདུ་འཛོམས་བྱུང་འདུག་པ་དང་། དེ་དག་གི་ཁྲོད་དུ་བསྟན་འཛིན་པདྨ་ལགས་དང་མཉམ་དུ་ཁོང་གི་རྩེད་འགྲན་སློབ་སྟོན་པ་དང་ནང་མི་བཅས་ཀྱང་ཕེབས་ཡོད་པ་རེད།རྡོག་རྒྱག་ཁུ་ཚུར་རྩེད་འགྲན་པ་བསྟན་འཛིན་པདྨ་ལགས་གཞི་རྩའི་འབྲས་ལྗོངས་ཁུལ་ནས་ཡིན་པ་དང་། གཞི་རིམ་སློབ་སྦྱོང་འབྲས་ལྗོངས་རྒྱལ་ས་སྒང་ཏོག་ཁུལ་དུ་གནང་རྗེས་ཅན་དི་གྷར་དུ་མཐོ་སློབ་ནང་ཞུགས་འདུག དེ་ནས་ཁོང་བཞུགས་སྒར་དྷ་སའི་ཧིཾདི་གསར་ཤོག་ཁང་ཞིག་གི་ནང་ལོ་གསུམ་ལྷག་ཕྱག་ལས་གནང་རྗེས་རྩེད་འགྲན་ལ་དམིགས་བསལ་དོ་དབྱིངས་ཡོད་པ་ལྟར་རྒྱལ་ས་ལྡི་ལིའི་ནང་ཕེབས་ཏེ་རྡོག་རྒྱག་ཁུ་ཚུར་རྩེད་འགྲན་གྱི་སྦྱོང་བརྡར་བྱས་པ་ཞིག་ཡིན་འདུག་པ་དང་། ཁོང་གིས་ཕྱི་ལོ་ ༢༠༡༦ ལོ་ནས་རྒྱ་གར་གྱི་མངའ་སྡེ་སོ་སོའི་རྩེད་འགྲན་ནང་ཞུགས་ཏེ་ཨང་རིམ་དང་པོ་དང་གཉིས་པ། གསུམ་སོགས་བླངས་ཏེ་གསེར་དང་དངུལ་ལི་བཅས་ཀྱི་རྟགས་མ་བཞེས་མྱོང་ཡོད་པ་མ་ཟད། ཕྱི་ལོ་ ༢༠༡༧ ནས་རྒྱལ་སྤྱིའི་རྩེད་འགྲན་ཁག་ནང་མཉམ་ཞུགས་གནང་འགོ་བཙུགས་ཡོད་པ་རེད། ཁ་སང་བྱ་དགའ་གསོལ་བསྩལ་གྱི་མཛད་སྒོ་དེའི་ཐོག་ཁོང་གིས་བོད་རྒྱལ་ཡོངས་རྩེད་རིགས་ཚོགས་པའི་ངོས་ནས་ཁོང་ལ་དམིགས་བསལ་གྱི་མཐུན་འགྱུར་གནང་བར་ཐུགས་རྗེ་ཆེ་གསུངས་འདུག་པ་མ་ཟད། མཛད་སྒོའི་མཇུག་ཏུ་ཁོང་གིས་རྒྱ་གར་གཞུང་མང་ནས་བོད་མིའི་ཐོག་མཐུན་འགྱུར་གནང་བཞིན་པར་ཐུགས་རྗེ་ཆེ་ཞེས་གསུང་བཤད་གནང་འདུག