Monthly Archives: November, 2018

སྔ་འགྱུར་རྙིང་མའི་དབུ་འཛིན་ཁྲི་རབས་བདུན་པ་ཀཿཐོག་དགེ་རྩེ་རིན་པོ་ཆེ་འགྱུར་མེད་བསྟན་པ་རྒྱལ་མཚན་མཆོག་དགུང་ལོ་ ༦༤ ཐོག་བལ་ཡུལ་གྱི་གནས་མཆོག་ཡང་ལེ་ཤོད་ཀྱི་ཉེ་འདབས་སུ་གློ་བུར་དུ་དགོངས་པ་ཆོས་དབྱིངས་སུ་ཐིམ་ཡོད་སྟབས་བོད་མིའི་སྒྲིག་འཛུགས་ཀྱི་ལས་ཁུངས་མ་ལག་བཅས་པ་ལས་མཚམས་བཞག་ཏེ་མྱ་ངན་རྗེས་དྲན་ཞུས་ཡོད་པ་རེད། ཟླ་བ་འདིའི་ཕྱི་ཚེས་ ༡༩ ཉིན་རིན་པོ་ཆེ་མཆོག་བལ་ཡུལ་ཡང་ལ་ཤོད་ཀྱི་ཉེ་འདབས་སུ་ཡོད་པའི་སྐུ་མཚམས་བཞུགས་ཡུལ་ནས་ཞབས་ཐང་ཐོག་ཕྱིར་ཕེབས་གནང་སྐབས་ལམ་འཕྲང་མི་བདེ་སར་ཞབས་སྣེ་འདྲེད་པའི་དབང་གིས་གློ་བུར་དུ་སྐུ་གཤེགས་འདུག་པ་དང་། རིན་པོ་ཆེ་མཆོག་བཞུགས་སྒར་དུ་འཚོགས་ལ་ཉེ་བའི་ཆོས་བརྒྱུད་ཁག་གི་བླ་ཆེན་རྣམ་པའི་ཆོས་ཚོགས་ཐེངས་བཅུ་གསུམ་པར་ཕེབས་རྒྱུའི་གྲ་སྒྲིག་སོགས་ཀྱི་སླད་སྐུ་མཚམས་བཞུགས་ཡུལ་ནས་ཕྱིར་ཕེབས་སྐབས་སྐུ་གཤེགས་པའི་དོན་རྐྱེན་བྱུང་འདུག རྩ་བའི་སྔ་འགྱུར་རྙིང་མའི་དབུ་འཛིན་ཀཿཐོག་དགེ་རྩེ་རིན་པོ་ཆེ་འགྱུར་མེད་བསྟན་པ་རྒྱལ་མཚན་མཆོག་ད་ལྟའི་ཆར་དགུང་ལོ་ ༦༤ ལ་ཕེབས་ཡོད་པ་དང་། རིན་པོ་ཆེ་མཆོག་ནི་ཕྱི་ལོ་ ༡༩༥༤ ལོར་བོད་མགོ་ལོག་རྡོ་ཡུལ་མཁར་ནང་གོང་མའི་ལྷ་ཁང་སུམ་མདོ་རུ་ཡབ་བློ་ལྡན་ཕུན་ཚོགས་དང་། མ་ཡུམ་ཆོས་འཕགས་སྒྲོལ་གཉིས་ཀྱི་སྲས་སུ་སྐུ་འཁྲུངས་ཤིང་། ཨ་འཛོམས་རྒྱལ་སྲས་འགྱུར་མེད་རྡོ་རྗེ་མཆོག་དང་། རྫོང་གསར་འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་མཆོག ཀརྨ་པ་རིག་པའི་རྡོ་རྗེ་མཆོག་སོགས་ནས་ངོས་འཛིན་གནང་བ་བཞིན་ཤར་རྒྱལ་བ་ཀཿཐོག་དགོན་དུ་ཕྱི་ལོ་ ༡༩༨༠ ལོར་ཁྲི་འདོན་མཛད་སྒོ་གཟབ་རྒྱས་གནང་སྟེ། སྤྲུལ་སྐུ་ཉི་ཟླ་མཆོག་དང་། མཁན་ཆེན་འཇིགས་མེད་ཕུན་ཚོགས་མཆོག ཀཿཐོག་མཁན་རྒན་རྒྱལ་མཚན་ནོར་བུ་མཆོག ཀཿཐོག་རྨོག་ཚ་རིན་པོ་ཆེ། ཨ་འཛོམས་འབྲུག་པ་རིན་པོ་ཆེ་སོགས་ཀྱི་མདུན་ནས་དབང་ལུང་གིས་ཐུགས་རྒྱུད་ཡོངས་སུ་ཕྱུག་པར་མཛད་ཡོད་པ་མ་ཟད། ཕྱི་ལོ་ ༡༩༩༧ ལོར་འཕགས་ཡུལ་དུ་ཕེབས་འབྱོར་བྱུང་རྗེས་༸གོང་ས་༸སྐྱབས་མགོན་ཆེན་པོ་མཆོག་གིས་དབུས་པའི་སྐྱབས་རྗེ་འཁྲུལ་ཞིག་རིན་པོ་ཆེ། སྐྱབས་རྗེ་སྟག་ལུང་རྩེ་སྤྲུལ་རིན་པོ་ཆེ། སྐྱབས་རྗེ་གྲུབ་དབང་པད་ནོར་རིན་པོ་ཆེ་སོགས་ཀྱི་མདུན་དབང་ལུང་གདམས་ངག་མང་པོ་ཞུས་ཤིང་། འཕགས་པའི་གནས་ཆེན་ཁག་ཏུ་སྐུ་མཚམས་ལ་བཞུགས་གནང་བ་དང་། འཛམ་གླིང་ཤར་ནུབ་མང་པོ་ཕེབས་ནས་བསྟན་འགྲོའི་དོན་དུ་མཛད་འཕྲིན་ཇི་སྙེད་ཅིག་བསྐྱངས་ཡོད་པ་རེད། རིན་པོ་ཆེ་མཆོག་འདི་ལོའི་ཕྱི་ཟླ་དང་པོའི་ནང་གནས་མཆོག་རྡོ་རྗེ་གདན་དུ་ཚོགས་པའི་སྔ་འགྱུར་རྙིང་མའི་སྨོན་ལམ་ཆེན་མོའི་སྐབས་སྔ་འགྱུར་རྙིང་མའི་དབུ་འཛིན་ཁྲི་རབས་བདུན་པར་བསྐོ་གཞག་གིས་ཁྲི་འདོན་མཛད་ཡོད་པ་རེད།

ཉན་པ།: Listen ཕབ་ལེན། Download དོན་གྲུབ་དབང་ཆེན་ལགས་ཀྱིས་ཁོང་ལ་བྱ་དགའ་ཐོབ་པ་དེ་བོད་མི་ཡོངས་ལ་ཐོབ་པར་ངོས་འཛིན་གནང་གི་འདུག སྲིད་སྐྱོང་མཆོག་ཊོ་རོན་ཊོ་གཙུག་ལག་སློབ་གཉེར་ཁང་དུ་འཚམས་གཟིགས་སྐབས་རྒྱ་རིགས་སློབ་ཕྲུག་ནས་ངོ་རྒོལ་བྱས་འདུག ཟམ་གདོང་རིན་པོ་ཆེ་མཆོག་གིས་བོད་མི་ཚོས་༸གོང་ས་མཆོག་གི་བཀའ་དགོངས་སྒྲུབ་ཐབས་ཐོག་གསུང་བཤད་གནང་འདུག གནས་མཆོག་རྡོ་རྗེ་གདན་དུ་༸གོང་ས་མཆོག་དབུ་བཞུགས་ཐོག་རྗེ་དྲང་ངེས་ལེགས་བཤད་སྙིང་པོའི་རིས་མེད་མཁས་པའི་བགྲོ་གླེང་ཚོགས་གཏན་འཁེལ་བའི་སྐོར་བཅར་འདྲི། Wednesday 21/11/2018 Dhundup Wangchen presented CPJ Press Freedom award Chinese students protest Sikyong's visit at Toronto University Samdong Rinpoche urges Tibetans to fulfill Dalai Lama's vision Kirti Monastery to hold seminar on Je Tsongkhapa's Drang Nye Legshey Nyingpo

དེ་སྔ་ ༢༠༡༢ ལོར་སྐབས་དེའི་ཚེ་རྒྱའི་བཙོན་ཁང་དུ་ཡོད་པའི་འཇིགས་བྲལ་གློག་བརྙན་བཟོ་སྐྲུན་པ་དོན་གྲུབ་དབང་ཆེན་ལགས་ལ་རྒྱལ་སྤྱིའི་གསར་འགོད་རང་དབང་གི་གཟེངས་རྟགས་ཐོབ་པ་དང་འབྲེལ། སྔ་ལོའི་ནང་བཙན་བྱོལ་དུ་འབྱོར་ཡོད་པ་ལྟར་ཁ་སང་དོན་གྲུབ་དབང་ཆེན་ལགས་ཀྱི་ཕྱག་ལ་གཟེངས་རྟགས་དེ་དངོས་སུ་འབུལ་བཞེས་གནང་ཡོད་པ་རེད། སྐབས་དེར་ཁོང་གིས་གཟེངས་རྟགས་དེ་ཁོང་གཅིག་པོ་མ་ཡིན་པར་བོད་མི་ཆབ་སྲིད་བཙོན་པ་ཡོངས་དང་སྒོས་སུ་བོད་མི་ཡོངས་ལ་གནང་བར་ངོས་འཛིན་གནང་གི་ཡོད་པ་གསུངས་འདུག རྩ་བའི་རྒྱལ་སྤྱིའི་གསར་འགོད་རང་དབང་གི་གཟེངས་རྟགས་དེ་ལོ་ལྟར་ Committee to Protect Journalist འམ་གསར་འགོད་པ་སྲུང་སྐྱོབ་ཚོགས་པའི་ངོས་ནས་རྒྱལ་སྤྱིའི་ཁྲོད་གསར་འགོད་རང་དབང་ཐོག་སྙིང་སྟོབས་ཞུམ་པ་མེད་པར་ཕྱག་ལས་གནང་མཁན་གྱི་མི་སྣ་རྣམས་ལ་ཕུལ་སྲོལ་ཡོད་པ་རེད། དོན་གྲུབ་དབང་ཆེན་ལགས་ནས་ ༢༠༠༨ ལོའི་པེ་ཅིང་ Olympic རྩེད་འགྲན་ཐོག་བོད་མིའི་སེམས་ཚོར་མངོན་པའི་འཇིགས་བྲལ་ཞེས་པའི་གློག་བརྙན་བཟོ་སྐྲུན་གནང་བའི་བརྒྱུད་རྒྱ་གཞུང་གི་འཁྱོགས་བཤད་ལ་ལྟོས་མེད་ཀྱིས་བོད་ནང་གི་དངོས་ཡོད་གནས་སྟངས་མངོན་གསལ་གནང་བ་དང་འབྲེལ་ནས་ཁོང་ལ་རྒྱལ་ཁབ་ཁ་བྲལ་གྱི་བྱ་སྤྱོད་སྤེལ་བའི་ཉེས་མིང་འོག་འཛིན་བཟུང་བཙན་ཁྲིས་བྱས་ཏེ། ཕྱི་ལོ་ ༢༠༠༨ ནས་ ༢༠༡༤ བར་མི་ལོ་དྲུག་གི་རིང་བཙོན་འཇུག་ཁྲིམས་ཐག་བཅད་ཡོད་པ་དང་། ༢༠༡༢ ལོར་ཁོང་ལརྒྱལ་སྤྱིའི་གསར་འགོད་རང་དབང་གི་གཟེངས་རྟགས་དེ་ཕུལ་ཡོད་པ་རེད། འོན་ཏང་སྐབས་དེར་ཁོང་བཙོན་ཁང་དུ་ཡོད་པས་གཟེངས་རྟགས་དངོས་སུ་བཞེས་ཐུབ་མེད་པ་རེད། ཁ་སང་ཨ་རིའི་ New York གྲོང་ཁྱེར་དུ་ཕྱི་ལོ་ ༢༠༡༨ ལོའི་རྒྱལ་སྤྱིའི་གསར་འགོད་རང་དབང་གི་གཟེངས་རྟགས་ཐོབ་མཁན་རྣམས་ལ་བྱ་དགའ་གནང་བའི་མཛད་སྒོ་ཚོགས་པ་དང་འབྲེལ་ཏེ་དོན་གྲུབ་དབང་ཆེན་ལགས་སུ་གཟེངས་རྟགས་དེ་དངོས་སུ་གནང་ཡོད་པ་རེད། དེ་རིང་དོན་གྲུབ་དབང་ཆེན་ལགས་སུ་ཞལ་པར་བརྒྱུད་དེ་འབྲེལ་བཀའ་འདྲི་ཞུས་པར་ཁོང་གིས་མཛད་སྒོའི་ཐོག་མི་གྲངས་ ༩༠༠ ཡས་མས་ཤིག་ཕེབས་པའི་མདུན་དུ་གཟེངས་རྟགས་བཞེས་སྐབས་དགའ་ཚོར་ཆེན་པོ་བྱུང་ཡོད་པ་དང་། ལྷག་དོན་ཁོང་ལ་གཟེངས་རྟགས་དེ་ལྟར་གནང་བ་དེ་ནི་ཁོང་རང་ཉིད་གཅིག་པོ་མིན་པར་བོད་མི་ཡོངས་ལ་ཐོབ་པར་ངོས་འཛིན་གནང་གི་ཡོད་སྐོར་གསུངས་སོང། རྩ་བའི་འདི་ལོ་སུ་དཱན་དང་ཝི་ཏི་ནམ། ཝེ་ནི་ཛུའུ་ལ། དེ་བཞིན་ Ukraine ཡི་བེུད་གསར་འགོད་པ་བཞི་ལ་རྒྱལ་སྤྱིའི་གསར་འགོད་རང་དབང་གི་གཟེངས་རྟགས་ཐོབ་འདུག

བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ཁེ་ན་ཌ་ནང་རྟེན་གཞི་བྱས་པའི་  Scarborough ཊོ་རོན་ཊོ་གཙུག་ལག་སློབ་གཉེར་ཁང་གི་Hart House ཚོགས་ཁང་དུ་ཆེད་ཕེབས་གནང་བ་དང་བསྟུན་གཙུག་ལག་སློབ་ཁང་དེའི་རྒྱ་རིགས་སློབ་མ་ཁག་གཅིག་ནས་ངོ་རྒོལ་བྱས་འདུག བོད་མིའི་སྒྲིག་འཛུགས་ཀྱི་དྲ་གནས་ཐོག་འདོན་སྤེལ་གནང་བའི་གནས་ཚུལ་ལ་གཞིགས་ན།   སྲིད་སྐྱོང་མཆོག་ཊོ་རོན་ཊོ་གཙུག་ལག་སློབ་ཁང་གིས་གོ་སྒྲིག་འོག་གསུང་བཤད་གནང་སླད་ཕེབས་སྐབས།  རྒྱ་རིགས་སློབ་མ་ཁག་གཅིག་གིས་གཏམ་བཤད་གནང་སའི་ཚོགསཁང་ HartHouse ཡི་རྒྱལ་སྒོར་རྒྱ་དམར་པོའི་དར་ཆ་དང་།   སྦྱར་ཤོག་འཁྱེར་ཐོག་ངོ་རྒོལ་བྱས་པ་དང་། སྐབས་དེར་སྲིད་སྐྱོང་མཆོག་གིས་དེ་རིང་གི་འདུ་འཛོམས་དེ་སྨྲ་བརྗོད་རང་དབང་སྲུང་བརྩི་གནང་བའི་ཉིན་མོ་ཡིན་པ་དང་།  འདུ་འཛོམས་ཐོག་འཛོམས་པའི་མི་མང་ལ་སྨྲ་བརྗོད་རང་དབང་གི་ཐོབ་ཐང་ཡོད་པ་བཞིན་སྒོ་ཕྱིར་ངོ་རྒོལ་བྱེད་མཁན་ཚོ་ལའང་དེ་ལྟར་ཐོབ་ཐང་ཡོད་པ་དེ་ལྟར་ཡང་།  བོད་ནང་དུ་ངོ་རྒོལ་གནང་རྒྱུའི་ཐོབ་ཐང་མེད་པ་དང་།  གལ་ཏེ་དེ་ལྟར་གནང་ཚེ་རྒྱ་གཞུང་གིས་དེ་མ་ཐག་བཙོན་འཇུག་བྱེད་ཀྱི་ཡོད་པར་འགྲེལ་བརྗོད་གནང་འདུགབོད་མི་ནས་རྒྱ་གཞུང་གི་ནོར་འཁྲུལ་ཅན་གྱི་སྲིད་བྱུས་ལ་དགག་པ་མཐའ་གཅིག་ཏུ་ཡོད་སྐོར་དང་།  བོད་མིའི་སྒྲིག་འཛུགས་ཀྱི་ངོས་ནས་དབུ་མའི་ལམ་གྱི་ཐོག་ནས་བོད་རྒྱ་གཉིས་ཀྱི་དཀའ་རྙོག་དེ་སེལ་རྒྱུ་ཡིན་སྐོར་གསུངས་ཡོད། དེ་བཞིན་འདུ་འཛོམས་ཐོག་རྒྱ་རིགས་ཤིག་གིས་བོད་རྒྱལ་ཁབ་དེ་སུས་འཛིན་སྐྱོང་བྱ་དགོས་ཀྱི་རེད་དམ་ཞེས་དྲི་བ་བཏང་བ་དང་།  སྲིད་སྐྱོང་མཆོག་གིས་བོད་དེ་བོད་མི་ཚོས་བདག་སྐྱོང་གནང་དགོས་པ་དང་རྒྱ་ནག་གཞུང་གིས་བོད་བཙན་འཛུལ་བྱས་ནས་ལོ་ངོ་ ༦༠ འདིའི་ནང་བོད་རང་སྐྱོང་ལྗོངས་ཟེར་བའི་དམར་ཤོག་ཚོགས་པ་དེར་གནས་རིམ་མཐོ་བ་དཔེར་ན་དྲུང་ཆེ་ལྟ་བུར་རྒྱ་རིགས་ལས་བོད་པ་བསྐོ་གཞག་གནང་མྱོང་མེད་པ་དང་།   རྒྱའི་ཡིག་ཆ་དཀར་པོའི་ནང་བོད་མི་རྣམས་རང་གི་ལུང་པའི་བདག་སྐྱོང་བྱེད་མཁན་གཙོ་བོ་ཡིན་པ་བཀོད་ཡོད་པ་དེ་ལྟར་ཡང་། རྒྱ་གཞུང་གིས་བོད་ནང་དུ་ཡོད་པའི་བོད་མི་རྣམས་ལ་དབྱེ་འབྱེད་ཤུགས་ཆེ་བྱེད་བཞིན་ཡོད་པ་གསུངས་འདུག  བོད་རང་སྐྱོང་ལྗོངས་ཟེར་བའི་དམར་ཤོག་ཚོགས་པའི་དྲུང་ཆེ་ནས་རང་རྒྱལ་ཁབ་ཀྱི་ཁྲིམས་ལག་ལེན་དུ་བསྟར་དགོས་པ་དང་།  རང་གི་རྩ་ཁྲིམས་ལ་གུས་བརྩི་བྱེད་དགོས་སྐོར་བསྐྱར་ནན་གསུངས་འདུག དེ་དང་ཕྱོགས་མཚུངས་རྒྱ་རིགས་གཞན་ཞིག་གིས་རང་ཉིད་སོ་སོ་བོད་ལ་ཕྱིན་སྐབས་སློབ་གྲྭ་ཁག་ཏུ་བོད་ཡིག་འཛིན་གྲྭ་དང་བོད་པའི་གནའ་རབས་ཀྱི་གླུ་གཞས་བླངས་ཀྱི་ཡོད་སྐོར་དང་འབྲེལ་ནས་དྲིས་པར་སྲིད་སྐྱོང་མཆོག་གིས་རྒྱ་རིགས་ཀྱི་ཡུལ་སྐོར་སྤྲོ་འཆམ་པ་དང་། ཉེན་རྟོག་པ། དེ་བཞིན་དམག་མི་སོགས་ཀྱིས་བོད་མི་ཚོར་བོད་ནང་བདེ་སྐྱིད་འདུག་གམ་ཞེས་དྲིས་པར་ཁོང་རྣམས་ཀྱིས་བདེ་སྐྱིད་འདུག་ཞེས་ལན་གནང་བ་མ་གཏོགས་དེར་ལན་མི་འགྲིག་པ་བྱུང་ཚེ་དཀའ་ངལ་འཕྲད་རྒྱུ་ཉག་གཅིག་ཡིན་པ་ཤེས་པས་དེ་ལྟར་བརྗོད་ཀྱི་རེད་ཅེས་ལན་གནང་ཡོད་པ་རེད། གཞི་རྩའི་ཁ་སང་གི་འདུ་འཛོམས་དེའི་ཐོག་འཛོམས་པའི་རྒྱ་རིགས་སློབ་ཕྲུག་ནས་མ་འོངས་པར་བོད་མི་དང་ལྷན་དུ་བགྲོ་གླེང་གི་འདུ་འཛོམས་འདི་ལྟར་གོ་སྒྲིག་ཞུ་རྒྱུ་འདུན་པ་ཡོད་པའི་རྣམ་པ་ཆེད་མངོན་གནང་བ་དང་། སྲིད་སྐྱོང་མཆོག་ནས་དེར་དགའ་མོས་དང་། དེ་ལྟར་འདུ་འཛོམས་བསྐོང་ཐོག་བོད་མི་དང་ལྷན་དུ་ཐུག་འཕྲད་བྱ་རྒྱུའི་སེམས་ཤུགས་སྤར་འདུག རྩ་བའི་སྲིད་སྐྱོང་མཆོག་སང་ཕྱི་ཚེས་ ༢༡ ཉིན་ཨ་རི་ནིའུ་ཡོག་གྲོང་ཁྱེར་ནང་ཕེབས་རྒྱུ་ཡིན་པ་དང་བོད་རིགས་ཚོར་བཀའ་སློབ་གནང་རྒྱུ། དེ་བཞིན་ནིའུ་ཡོག་དང་ནིའུ་ཇར་སི་བོད་རིགས་སྤྱི་མཐུན་ཚོགས་པས་སྲིད་སྐྱོང་མཆོག་ལ་གཟེངས་རྟགས་ཤིག་ཀྱང་འབུལ་ལམ་ཞུ་རྒྱུ་རེད་འདུག

ཉན་པ།: Listen ཕབ་ལེན། Download ༸གོང་ས་མཆོག་གིས་བཀའ་བསྟན་ཐོག་བསླབ་པ་སློབ་གཉེར་གནང་དགོས་པའི་བཀའ་བསྩལ་འདུག བཀའ་ཟུར་༸རྗེ་བཙུན་པདྨ་མཆོག་ལ་བོད་གངས་ཅན་པའི་ཤེས་རིག་གི་སྒྲོན་མེ་གཟེངས་རྟགས་ཕུལ་བ། རྒྱ་གར་ཡུལ་མི་ཁག་གཅིག་ནས་གྷོ་ཧཱ་ཊི་ནས་རྟ་དབང་བར་བོད་དོན་ཞི་བའི་གོམ་བགྲོད་དབུ་འཛུགས། བགླུ་གཞས་ལས་རིམ། དྷ་སྟེང་བོད་ཁྱིམ་སློབ་གྲྭའི་མགྲིན་དབྱངས་ཕུལ་བྱུང་འགྲན་བསྡུར། Tuesday 20/11/2018 Dalai Lama speaks to Tibetans and Bhutanese in Japan, urges them to study Kargyur Tengyur Minnesota Tibetans present Light of Wisdom award to Ama Jetsun Pema 7th annual Tawang Yatra flagged off from Guwahati MUSIC FEATURE: Ugyen Lhamo, winner of TCV senior idol

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པ་མཆོག་གིས་དེ་རིང་ཉི་ཧོང་ནང་གནས་བཞུགས་བོད་མི་དང་འབྲུག་པ། དེ་བཞིན་ཧི་མཱ་ལ་ཡའི་མི་རིགས་ཁག་གཅིག་ལ་མཇལ་ཁ་བསྩལ་བ་དང་འབྲེལ་བཀའ་འགྱུར་བསྟན་འགྱུར་ཐད་བསླབ་པ་སློབ་གཉེར་གནང་དགོས་གལ་ཡིན་པར་ལམ་སྟོན་མཛད་འདུག ༸གོང་ས་༸སྐྱབས་མགོན་ཆེན་པོ་མཆོག་གིས་ཉི་ཧོང་ནང་གནས་བཞུགས་བོད་མི་དང་འབྲུག་པ།  དེ་བཞིན་ཧི་མཱ་ལ་ཡའི་མི་རིགས་རྣམས་ལ་བོད་ནང་ནང་པའི་ཆོས་དར་ཚུལ་བཀའ་བསྩལ་བ་དང་འབྲེལ།  ནཱལེནྡཱའི་ཆོས་བརྒྱུད་ཀྱི་རིན་ཐང་སྐོར་བཀའ་སློབ་བསྩལ་བ་མ་ཟད་དེ་སྔ་དུས་རབས་བརྒྱད་པའི་ནང་མཁན་ཆེན་ཞི་བ་འཚོ་བོད་དུ་གདན་འདྲེན་ཞུས་ནས་ནང་པའི་ཆོས་བརྒྱུད་དར་ཁྱབ་བྱུང་བ་ནས་བཟུང་བོད་ཀྱི་དགོན་སྡེ་ཆེ་ཁག་ནས་ཐོས་བསམ་སྒོམ་གསུམ་ཡ་མ་བྲལ་བའི་ཐོག་ནས་ལུང་རྟོགས་ཀྱི་བསྟན་པ་ཁ་ཡོད་ལག་ཡོད་འཛིན་སྐྱོང་སྤེལ་གསུམ་གནང་ཡོད་པ་དང་།  ངེས་པ་དོན་གྱི་ཐོག་ནས་ནཱ་ལེནྡཱའི་མཁས་པའི་དབང་པོ་རྣམས་ཀྱི་ལེགས་བཤད་རྨད་དུ་བྱུང་བ་རྣམས་ལས་རྩ་བ་བློ་འཛིན་དང་། འགྲེལ་པ་དག་ཚིག་རེ་རེ་བཞིན་གནང་ཐོག་ཚད་མ་རིག་པ་དང་འབྲེལ་ནས་རྟགས་གསལ་གནང་ཐོག་ནཱ་ལེནྡཱའི་ཆོས་བརྒྱུད་དངོས་སུ་ལག་ལེན་དུ་འཁྱོལ་ཡོད་སྐོར་བཀའ་བསྩལ་འདུག ལྷག་དོན་ད་ཆ་འཛམ་བུ་གླིང་ཐོག་དེ་འབྲེལ་ལམ་སྟོན་དེ་ལྟར་གནང་མཁན་བོད་ལས་མེད་སྟབས་དེ་ནི་བོད་མི་རིགས་ཀྱི་གཟི་བརྫིད་ཞིག་ཡིན་པར་བཀའ་བསྩལ་བ་དང་ཕྱོགས་མཚུངས་བོད་མི་དང་འབྲུག་པ། དེ་བཞིན་ཧི་མཱ་ལ་ཡའི་མི་རིགས་ཁག་གཅིག་ལ་མཇལ་ཁ་བསྩལ་བ་དང་འབྲེལ་བཀའ་འགྱུར་བསྟན་འགྱུར་ཐད་བསླབ་པ་སློབ་གཉེར་གནང་དགོས་གལ་ཡིན་པར་ལམ་སྟོན་ནན་པོ་མཛད་འདུག དེ་བཞིན་༸གང་ཉིད་མཆོག་ནས་ནང་པ་ཚོས་དུས་རབས་ཉི་ཤུ་རྩ་གཅིག་པའི་ནང་པ་བྱེད་དགོས་པ་དང་།  དེ་སྔ་ཡིན་ན་བོད་མི་རྣམས་ནས་གཟུངས་སྔགས་འདོན་ཐོག་སྐྱབས་སུ་མཆི་ཟེར་ནས་འགྲོ་བ་མ་གཏོགས་ཕྱག་དཔེ་གཟིགས་མཁན་དཀོན་པ་དང་།  བར་སྐབས་ཤིག་ནས་༸གང་ཉིད་མཆོག་གིས་བཙུན་མ་དང་སྐྱ་བོ་ཚོས་ཕྱག་དཔེ་གཟིགས་གལ་ཡིན་པར་འབོད་སྐུལ་མཛད་དོན་ལྟར། ད་ཆ་བཙུན་མའི་ནང་ནས་དགེ་བཤེས་མ་ཐོན་མཁན་མང་པོ་བྱུང་ཡོད་སྐོར་དང་།    སངས་རྒྱས་པའི་ཆོས་ཟེར་དུས་རྒྱུ་མཚན་ཤེས་པའི་ཐོག་ནས་དད་པ་ཐོབ་པ་བྱེད་གལ་ཡིན་པ་དང་།  དུས་རབས་ཉེར་གཅིག་པའི་ནང་པ་ཆགས་པར་ཕྱག་དཔེར་སློབ་གཉེར་བྱེད་དགོས་པར་ལམ་སྟོན་རྒྱ་ཆེ་བསྩལ་འདུག གཞན་ཡང་༸གོང་ས་མཆོག་ནས་ཁུལ་དེའི་གྲོས་ཚོགས་ཚོགས་ཁང་དུ་ཉི་ཧོང་བོད་དོན་རྒྱབ་སྐྱོར་ཚོགས་པའི་གྲོས་ཚོགས་འཐུས་མིའི་ཚོགས་ཆུང་དང་མཇལ་འཕྲད་གནང་ཡོད་པ་དང་།  གྲོས་ཚོགས་འཐུས་མི་རྣམས་ནས་བོད་ནང་ཆོས་དད་རང་དབང་དང་འགྲོ་བ་མིའི་ཐོབ་ཐང་རྩ་བ་ནས་མེད་པར་རྒྱ་གཞུང་ལ་མཐའ་གཅིག་ཏུ་ངོ་རྒོལ་ཡོད་སྐོར་ཞུས་པ་མ་ཟད་རྒྱལ་སྤྱིའི་སྡིངས་ཆ་འདྲ་མིན་ཐོག་བོད་ཀྱི་གནད་དོན་གླེང་རྒྱུ་དང་།   དེ་བཞིན་ཨ་རི་ནས་བོད་དོན་དང་འབྲེལ་ནས་གྲོས་ཆོད་འཇོག་བཞིན་པ་ལྟར། ཉི་ཧོང་བོད་དོན་རྒྱབ་སྐྱོར་ཚོགས་པའི་གྲོས་ཚོགས་འཐུས་མིའི་ངོས་ནས་ཀྱང་བོད་དོན་གྱི་གནད་དོན་དང་འབྲེལ་ནས་གྲོས་ཆོད་བཞག་ཐོག་ཉི་ཧོང་གཞུང་ལ་འབོད་སྐུལ་དང་།  བོད་དོན་ཐད་དུས་དང་རྣམ་པ་ཀུན་ཏུ་རྒྱབ་སྐྱོར་གནང་རྒྱུའི་སྙན་གསེང་ཞུས་ཡོད་པ་རེད། མཛད་འཆར་ལྟར་ན།  སང་ཕྱི་ཚེས་ ༢༡ ཉིན་༸མགོན་པོ་གང་ཉིད་མཆོག་ Tokyo  ནས་ཆིབས་ཞལ་བསྒྱུར་ཏེ་ཉི་ཧོང་གི་ལྷོ་ཕྱོགས་སུ་དེ་སྔ་ས་འགུལ་འོག་འདས་གྲོངས་སུ་ཕྱིན་པ་རྣམས་ཀྱི་སླད་མཆོད་འབུལ་སྨོན་ལམ་ཐོག་དབུ་བཞུགས་མཛད་ཀྱི་འདུག

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་གཅུང་མོ་བཀའ་ཟུར་ཨ་མ་༸རྗེ་བཙུན་པདྨ་མཆོག་དང་སྐུ་ཟླ་བཀའ་ཟུར་བསྟན་པ་ཚེ་རིང་མཆོག་རྣམ་གཉིས་བྱང་ཨ་རིའི་ས་གནས་ཁག་གཅིག་ནང་འཚམས་གཟིགས་གནང་བཞིན་ཡོད་པ་ལྟར། འདས་པའི་ཉིན་གྲངས་བཞི་ཙམ་གྱི་རིང་ལ་ཁོང་རྣམ་གཉིས་ནས་ཨ་རིའི་མངའ་སྡེ་མི་ནི་སོ་ཊའི་བོད་རིགས་གནས་ཡུལ་གྱི་ས་གནས་ཁག་ཏུ་འཚམས་གཟིགས་གནང་ཡོད་པ་རེད།རེས་གཟའ་ཉི་མའི་ཉིན་ཨ་མ་༸རྗེ་བཙུན་པདྨ་མཆོག་དང་བཀའ་ཟུར་བསྟན་པ་པ་ཚེ་རིང་མཆོག་རྣམ་གཉིས་ནས་མི་ནི་སོ་ཊ་བོད་རིགས་སྤྱི་མཐུན་ཚོགས་པ་དང་ས་གནས་ཀྱི་བོད་པའི་རིག་གཞུང་སློབ་གྲྭ་བཅས་སུ་འཚམས་གཟིགས་དང་སྦྲགས་ས་གནས་བོད་མི་རྣམས་ལ་བོད་ཀྱི་སྐད་ཡིག་གི་གལ་གནད་དང་༸གོང་ས་མཆོག་གི་བོད་ཕྲུག་གཞོན་སྐྱེས་ཚོ་ལ་ཐུགས་རེ་ཆེན་པོ་གནང་པ་སོགས་ཀྱི་ཐད་གསུང་བཤད་གནང་འདུག སྐབས་དེར་མི་ནི་སོ་ཊ་བོད་རིགས་སྤྱི་མཐུན་ཚོགས་པས་༸སྐུའི་གཅུང་མོ་ཨ་མ་༸རྗེ་བཙུན་པདྨ་མཆོག་ནས་ད་བར་བོད་རིགས་སློབ་མའི་ཤེས་ཡོན་ཐོག་སྐུ་ལས་བསྐྱོན་པར་ཡི་རང་བསྔགས་བརྗོད་དང་། བཀའ་དྲིན་རྗེས་དྲན་མཚོན་ཆེད་བོད་གངས་ཅན་པའི་ཤེས་རིག་གི་སྒྲོན་མེ་ཞེས་པའི་གཟེངས་རྟགས་ཤིག་ཕུལ་འདུགགཞན་ཡང་འཚམས་གཟིགས་དེའི་ཁྲོད་བཀའ་ཟུར་རྣམ་གཉིས་ཀྱིས་གཙོས་པའི་རྒྱལ་སྤྱིའི་བོད་དོན་ལས་འགུལ་ཁང་གི་ཕྱི་འབྲེལ་འགན་འཛིན་བསྟན་ཆོས་རྒྱ་མཚོ་ལགས་བཅས་ནས་ཉེ་ཆར་འདེམས་ཐོན་བྱུང་བའི་མི་ནི་སོ་ཊ་མངའ་སྡེའི་སྲིད་སྐྱོང་སྐུ་ཞབས་ Tim Walz ལགས་དང་ཨ་རིའི་གྲོས་ཚོགས་འོག་མའི་འཐུས་མི་ལྕམ་ Betty McCollum ལགས། མི་ནི་སོ་ཊའི་ཨེ་ཤ་ཡ་ཞི་བདེ་ལྷན་ཚོགས་ཀྱི་འགན་འཛིན་ Sai Her ལགས་བཅས་དང་མཇལ་འཕྲད་བརྒྱུད་ད་ལྟའི་བོད་རིགས་སློབ་མའི་ཤེས་ཡོན་གྱི་གནས་བབ་དང་། སློབ་ཕྲུག་རྣམས་བྱམས་བརྩེའི་ཐོག་ནས་གསོ་སྐྱོང་གནང་སྟངས། དེ་བཞིན་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་བསྐྱེད་ཆེན་པོ་གསུམ་གྱི་ཐོག་གྲོས་བསྡུར་མཛད་འདུག མངའ་སྡེའི་སྲིད་སྐྱོང་ Tim Walz ལགས་ནས་བྱམས་བརྩེ་ལྡན་པའི་ཤེས་ཡོན་ལམ་ལུགས་བརྒྱུད་མི་ནི་སོ་ཊའི་མངའ་སྡེ་དེ་བྱམས་བརྩེ་ལྡན་པ་ཞིག་ཏུ་སྐྲུན་རྒྱུར་འབད་བཙོན་གནང་གི་ཡིན་སྐོར་གསུངས་འདུག ཐེངས་འདིའི་མི་ནི་སོ་ཊ་ནང་གི་འཚམས་གཟིགས་ཁག་གྲུབ་རྗེས་དེ་རིང་ཨ་མ་༸རྗེ་བཙུན་པདྨ་མཆོག་དང་སྐུ་ཟླ་བཀའ་ཟུར་བསྟན་པ་ཚེ་རིང་མཆོག་རྣམ་གཉིས་ཨ་རི་རྒྱལ་ས་ Washington DC ཁུལ་དུ་ཕེབས་ཀྱི་ཡོད་པ་རེད།

ཁ་སང་ཚེས་ ༡༩ ཉིན་རྒྱ་གར་ཤར་ཕྱོགས་ཨ་སམ་མངའ་སྡེའི་ Guwahati གྲོང་ཁྱེར་ནས་འགོ་འཛུགས་ཀྱིས་རྒྱ་གར་གྱི་མངའ་སྡེ་ ༢༠ ནས་ཚོགས་ཞུགས་མི་སྣ་༤༠༠ ལྷག་ཆེད་བཅར་གྱིས་བོད་དོན་རྒྱབ་སྐྱོར་གྱི་ཞི་བའི་གོམ་བགྲོད་ཀྱི་ལས་འགུལ་དབུ་འཛུགས་གནང་འདུག ཞི་བའི་གོམ་བགྲོད་ཀྱི་མཛད་སྒོའི་ཐོག་མངའ་སྡེའི་སྲིད་སྐྱོང་སྐུ་ཞབས་ JagdishMukhiམཆོག་དང་།Bharat Tibet SahyogManch འམ་འཕགས་བོད་མཛའ་འབྲེལ་ཚོགས་པ་ཐོག་མར་གསར་འཛུགས་གནང་མཁན་སྐུ་ཞབས་Indresh  Kumar ལགས་གཉིས་དབུ་བཞུགས་ཐོག་བོད་དོན་རྒྱབ་སྐྱོར་གྱི་ཞི་བའི་གོམ་བགྲོད་ཀྱི་ལས་འགུལ་དེ་དབུ་འབྱེད་གནང་བ་དང་སྦྲགས།  བོད་དོན་རྒྱབ་སྐྱོར་ནི་རྒྱ་གར་གྱི་བདེ་འཇགས་ཡིན་སྐོར་གསུང་བཤད་གནང་འདུགརླུང་འཕྲིན་ཁང་གིས་མཛད་སྒོ་ཐོག་ཆེད་བཅར་ཞུས་པའི་ཤི་ལོང་བོད་མིའི་ས་གནས་འགོ་འཛིན་པདྨ་དོན་གྲུབ་ལགས་སུ་ལས་འགུལ་དང་འབྲེལ་བའི་བཀའ་འདྲི་ཁག་གཅིག་ཞུས་པར་གོ་སྐབས་དེའི་བརྒྱུད་ནས་བོད་དོན་ཁྱབ་བསྒྲགས་ཡག་པོ་བྱུང་ཡོད་པ་དང་། དམིགས་བསལ་བྱང་ཤར་ཁུལ་དེ་བོད་དང་ས་འབྲེལ་ཡིན་པར་བརྟེན་ད་ཐེངས་ཀྱི་ལས་འགུལ་དེ་གལ་གནད་རང་བཞིན་ཞིག་ཆགས་ཡོད་པར་འགྲེལ་བརྗོད་གནང་སོང་། ལྷག་དོན་ས་གནས་བོད་མིའི་སྐུ་ཚབ་ཀྱི་ཐོག་ནས་ལས་འགུལ་གྱི་ནང་ཞུགས་མཁན་གྱི་རྒྱ་གར་ཡུལ་མི་རྣམས་ལ་ཐུགས་རྗེ་ཆེ་ཞུས་ཡོད་སྐོར་ངོ་སྤྲོད་གནང་ཡོད། རྩ་བའི་བོད་མིའི་སྒྲིག་འཛུགས་དཔལ་འབྱོར་བཀའ་བློན་ཀརྨ་ཡེ་ཤེས་མཆོག་ཀྱང་མཛད་སྒོའི་ཐོག་ལྷན་ཞུགས་མཛད་པ་མ་ཟད། ཁོང་གིས་ཕྱི་ཚེས་༡༨ ཉིན་མངའ་སྡེའི་སྲིད་སྐྱོང་མཆོག་དང་བོད་དོན་རྒྱབ་སྐྱོར་བ་ཚོར་མཇལ་འཕྲད་གནང་ནས་འཕགས་བོད་གཉིས་ཀྱི་འབྲེལ་ལམ་ནི་དུས་རབས་མང་པོ་བརྒྱུད་ནས་ཡོང་བ་ཞིག་ཡིན་པ་དང་།  དེ་བཞིན་བོད་ཀྱི་ཆོས་དང་རིག་གཞུང་ཡང་རྒྱ་གར་ནས་དར་བའི་ནང་ཆོས་ཤིག་ཡིན་པར་འགྲེལ་བརྗོད་གནང་ཡོད་པ་རེད།རྒྱ་ནག་གིས་བོད་ས་བཙན་འཛུལ་བྱེད་སྐབས་༸ གོང་ས་མཆོག་གིས་གཙོས་པའི་བོད་འབངས་སྟོང་ཕྲག་ཁ་ཤས་རྒྱ་གར་དུ་བྲོས་བྱོལ་ལ་ཕེབས་ཡོད་པ་སོགས་ཀྱི་ལོ་རྒྱུས་དང་འབྲེལ་ཏེ། རྒྱ་གར་ནི་བོད་ལ་བཀའ་དྲིན་ཆེན་པོ་ཡིན་པར་གསུངས་ནས་ཐུགས་རྗེ་ཆེ་ཞུས་འདུག རྩ་བའི་བོད་དོན་རྒྱབ་སྐྱོར་གྱི་ཞི་བའི་གོམ་བགྲོད་དེ་ཐོག་མར་ཕྱི་ལོ་ ༢༠༡༢ ལོར་དབུ་འཛུགས་གནང་ཡོད་པ་དང་ད་རེས་གོམ་བགྲོད་དེ་ཐེངས་བདུན་པ་ཆགས་ཀྱི་ཡོད་པ་རེད། ཐེངས་འདིའི་གོམ་བགྲོད་ལས་འགུལ་དེ་ཁ་སང་ཚེས་༡༩ཉིན་ཨ་སམ་ཀྱི་ས་གནས་Guwahati ནས་དབུ་འཛུགས་ཀྱིས་རྒྱ་གར་བྱང་ཤར་ཨ་རུ་ནཱ་ཅལ་གྱི་ས་གནས་མོན་རྟ་དབང་དུ་མཇུག་སྒྲིལ་གནང་རྒྱུ་ཡིན་པ་རེད།

ཉན་པ།: Listen ཕབ་ལེན། Download ༸གོང་ས་སྐྱབས་མགོན་ཆེན་པོ་མཆོག་ལ་མཁས་པའི་ཕྱག་འཁྱེར་ཞིག་འབུལ་བཞེས་མཛད་འདུག ཁེ་ན་ཌ་གཞུང་ནས་བོད་མིའི་སྒྲིག་འཛུགས་ལ་ཨ་སྒོར་ས་ཡ་ལྔ་དང་ཕྱེད་ཀ་ལྷག་རོགས་རམ་གནང་གཏན་འཁེལ་འདུག ཕྱོགས་བཞི་མཚམས་བཞི་བཅས་དཀྱིལ་འཁོར་ཁག་བརྒྱད་བཞེངས་ནས་བཀའ་ཟུར་རྒྱ་རི་རིན་པོ་ཆེའི་སྐུ་གདུང་ཞུགས་འབུལ་གནང་འདུག དམིགས་བསལ་ལས་རིམ། ལྡི་ལི་བསམ་ཡས་གླིང་བོད་མིའི་གཞིས་ཆགས་སྐོར། Monday 19/11/2018 Reitaku University confers honorary degree upon the Dalai Lama Canada announces 5.4 million dollar grant to CTA Late Gyari Rinpoche's funeral ceremony held in Dehradhun From Changpura to MT Samyeling: Feature