Monthly Archives: April, 2019

འདི་གར་བོད་ནང་ནས་བོད་མི་ཞིག་གིས་ཉེ་ལམ་ཕྱི་ཟླ་བཞི་པ་ནས་བཟུང་མཚོ་སྔོན་ཞིང་ཆེན་ཡུལ་ཤུལ་ཁྲི་འདུ་རྫོང་སྡོམ་མདའ་གྲོང་རྡལ་བཅས་ནང་དུ་ཆུ་ལོག་ཤུགས་ཆེན་བྱུང་སྟེ་གྲོང་མིའི་སྡོད་ཁང་ཕལ་མོ་ཆེར་ཆུས་ཁེངས་ནས་གནས་སྤོར་མ་བྱེད་ཐབས་མེད་དུ་འགྱུར་བཞིན་ཡོད་པ་མ་ཟད། བཀའ་བརྒྱུད་དགོན་པ་ཞིག་ཀྱང་ཆུའི་གོད་ཆག་ནང་ཚུད་ཉེན་ཡོད་པ་སོགས་ཡུལ་དངོས་ཀྱི་བརྙན་ཐུང་དང་འདྲ་པར་བཅས་མཁོ་སྤྲོད་དང་འགྲེལ་བརྗོད་གནང་སོང་། ཁོང་གིས་ད་དུང་ཁ་སང་དང་དེ་རིང་བཅས་ལ་སྡོད་ཁྱིམ་མང་ཆེ་བའི་ནང་ཆུས་ཁེངས་ཡོད་སྟབས་སྡོད་ཐབས་མེད་པར་གྱུར་བ་མ་ཟད་ནང་གི་ཅ་དངོས་རྣམས་ཕྱི་ལ་དབོར་འདྲེན་གྱིས་འཇིག་ཉེན་མེད་པའི་སར་གནས་སྤོ་གནང་དགོས་བྱུང་འདུག ལྷག་དོན་མི་རྒྱུ་ཟོག་གསུམ་ལ་གནོད་འཚེ་ཚབས་ཆེན་བྱུང་བའི་ཁྲོད་ཕྱུུགས་ཟོག་སྟོང་ཕྲག་ཁ་ཤས་ཤི་སྐྱོན་བྱུང་ཡོད་སྐོར་གསུངས་སོང་།སྤྱིར་འདི་ལོའི་དགུན་དུས་སུ་མཚོ་སྔོན་ཞིང་ཆེན་ལྷོ་རྒྱུད་དུ་ཁ་བ་ཤུགས་ཆེན་བབས་ཏེ་གངས་སྐྱོན་ཆེན་པོ་བྱུང་ཡོད་པ་དང་། ད་ལྟ་རི་སྒང་གི་གངས་རྣམས་བཞུས་ཏེ་རྫ་ཆུ་རྒྱས་ནས་རྫ་ཆུ་རྒྱུད་དུ་གནས་པའི་ཡུལ་སྡེ་མང་པོར་ཆུ་ལོག་གི་འཇིག་ཉེན་ཡོད་འདུག་པ་དང་། ད་ལྟའི་ཆར་ཆུ་ལོག་གི་གནོད་འཚེ་ཕོག་ཡུལ་རྫ་སེར་ཤུལ་གྲོང་རྡལ་དང་དེ་བཞིན་གཡས་གཡོན་གཞུང་ལམ་ཁག་ཆུས་བསྣུབས་རྐྱེན་འགྲོ་འོང་ལ་དཀའ་ངལ་འཕྲད་བཞིན་ཡོད་རེད་འདུག དེ་བཞིན་ཡུལ་ཤུལ་ཁུལ་སྡོམ་མདའ་ཡུལ་ཚོའི་སྡོམ་ཆུ་རྒྱས་ཏེ་གཞུང་ལམ་དང་འགྲོ་ལམ་རྣམས་ཆུས་བསྣུབས་ཡོད་པ་དང་ཡུལ་ཚོའི་ནང་ཆུ་ལོག་གི་འཇིག་པའི་རྐྱེན་པས་གྲོང་ཚོ་གཉིས་ཀྱི་དབར་འགྲོ་འོང་གནང་བར་འགྱིག་གྲུ་བཏང་ནས་འགྲོ་བཞིན་ཡོད་པ་དང་། ཉིན་རེ་བཞིན་ཆུའི་གནོད་འཚེ་ཆེ་རུ་འགྲོ་བཞིན་ཡོད་པ་རེད་འདུག

དེ་རིང་དབུས་བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཀྱི་ཚོགས་ཁང་དུ་གླིང་ཚང་བོད་ལུགས་ལི་མའི་མཆོད་རྫས་བཟོ་སྐྲུན་གོང་སྤེལ་གྱི་ལས་གཞིའི་ངོ་སྤྲོད་ཅེས་པའི་འགྲེམས་སྟོན་ཞིག་དབུ་འཛུགས་གནང་སོང་།   སྐབས་དེར་བོད་མིའི་སྒྲིག་འཛུགས་འཆར་འགོད་ལས་ཁུངས་ཀྱི་སྤྱི་ཁྱབ་འགན་འཛིན་འབུམ་རམམ་པ་དཀོན་མཆོག་བརྩོན་འགྲུས་ལགསཀྱིས་འགྲེམས་སྟོན་དབུ་འབྱེད་གནང་བ་དང་། གླིང་ཚང་གཞིས་ཆགས་ཀྱིས་ལོ་ངོ་ལྔ་བཅུ་ལྷག་གི་ནང་དུ་བོད་རང་གི་ཐུན་མོང་མ་ཡིན་པའི་མཆོད་རྫས་བཟོ་སྐྲུན་གྱི་ལས་གཞི་དེ་མཇུག་སྐྱོང་གནང་ཡོད་པ་མ་ཟད། ལས་གཞི་དེ་ནི་བཙན་བྱོལ་བོད་མིའི་གཞིས་ཆགས་སྲ་བརྟན་གྱི་ལས་གཞི་གནད་ཆེ་ཞིག་ཡིན་པར་ངོ་སྤྲོད་གནང་ཡོད།འདི་ག་རླུང་འཕྲིན་ཁང་གིས་མཆོད་རྫས་བཟོ་སྐྲུན་པ་ཚེ་རིང་རྣམ་རྒྱལ་ལགས་སུ་གླིང་ཚང་གཞིས་ཆགས་དང་མཆོད་རྫས་བཟོ་སྐྲུན་དང་འབྲེལ་བའི་སྐོར་ལ་བཀའ་འདྲི་ཞུས་པར་ཁོང་གིས་གླིང་ཚང་གཞིས་ཆགས་ཀྱིས་སྔོན་མ་ནས་མཆོད་རྫས་བཟོ་སྐྲུན་བྱས་ཏེ་བལ་ཡུལ་དུ་ཚོང་འགྲེམས་བྱེད་ཀྱི་ཡོད་ནའང་། ད་ཆ་གཞོན་སྐྱེས་ཀྱི་ནང་དུ་བོད་རང་གི་གནའ་བོའི་བཟོ་ལས་རིག་གཞུང་གི་ལག་ཤེས་འདིར་དོ་སྣང་བྱེད་མཁན་ཉུང་དུ་འགྲོ་བཞིན་ཡོད་པར་ངོ་སྤྲོད་གནང་སོང་།ཚེ་རིང་རྣམ་རྒྱལ་ལགས་ཀྱིས་བཟོ་ལས་དེ་བོད་རང་གི་སྲོལ་རྒྱུན་གྱི་ལག་ཤེས་ཤིག་ཡིན་པ་དང་། དེ་བཞིན་མི་སྒེར་ཞིག་གི་མི་ཚེ་ནང་ལ་མཚོན་ནའང་རང་གི་ཚོང་ལས་ཀྱི་གྲུབ་ཆ་གལ་ཆེན་ཞིག་ཡིན་སྟབས་ཁོང་གིས་པཱ་ལགས་ཀྱིས་ཀྱང་དུས་རྒྱུན་ནས་མཆོད་རྫས་བཟོ་ལས་ཀྱི་རྒྱུན་སྐྱོང་གནང་དགོས་པར་བཀའ་མངགས་ལྟར་ལས་ཀ་དེ་མཇུག་སྐྱོང་ཞུ་མུས་ཡིན་པར་ངོ་སྤྲོད་གནང་ཡོད།  རྩ་བའི་གླིང་ཚང་གཞིས་ཆགས་ནི་རྒྱ་གར་བྱང་ཕྱོགས་ཨུཏྲཁཎྡྲ་གྱི་ལྡེ་ར་ལྡུན་ཁོངས་སུ་གནས་ཡོད་པ་དང་། འདས་པའི་མི་ལོ་ལྔ་བཅུའི་ནང་བོད་རང་གི་གནའ་བོའི་བཟོ་ལས་རིག་གཞུང་ལས་མཆོད་རྫས་བཟོ་ལས་ཀྱི་ཐད་ལ་འབུར་དུ་ཐོན་པའི་ཕྱག་རྗེས་བཞག་ཡོད་པའི་གཞིས་སྒར་ཞིག་ཆགས་ཡོད་པ་ལྟར། དབུས་བོད་མིའི་སྒྲིག་འཛུགས་ཀྱི་རོགས་དངུལ་བརྒྱུད་ནས་ཁུལ་དེའི་གཞོན་སྐྱེས་བཅུ་གསུམ་ལ་ཟླ་བ་ལྔའི་བཟོ་ལས་སྦྱོང་བརྡར་གྱི་གོ་སྐབས་སྐྲུན་ཡོད་པ་རེད།   ཐེངས་འདིར་བཞུགས་སྒར་དུ་བཟོ་ལས་བ་ཚེ་རིང་རྣམ་རྒྱལ་ལགས་དང་ཁོང་གི་ཕྱག་རོགས་ཁག་གཅིག་གདན་ཞུ་གནང་དེ་ཉིན་གཉིས་ཀྱི་རིང་བོད་པ་རང་གི་མཆོད་རྫས་བཟོ་ལས་ཀྱི་འགྲེམས་སྟོན་ཤིག་གནང་ཡོད་པ་མ་ཟད། འགྲེམས་སྟོན་འདིའི་ཐོག་ནས་དྲིལ་བུ་དང་ཕུར་པ། དེ་བཞིན་ཟླ་ཕྱེད་རྡོ་རྗེ། ཀ་པཱ་ལ། རལ་གྲི་སོགས་མཆོད་རྫས་མང་པོ་ཞིག་རིན་གོང་བཅག་པའི་ཐོག་ནས་ཚོང་འགྲེམས་གནང་རྒྱུ་རེད་འདུག

ཉན་པ།: Listen ཕབ་ལེན། Download བོད་ཀྱི་བེུད། བཙུན་དགོན་འཇམ་དབྱངས་ཆོས་གླིང་དུ་ནང་པའི་ལྟ་གྲུབ་ཐོག་བསླབ་པ་སློབ་གཉེར་གནང་མཁན་བསྟན་འཛིན་སྨིན་སྐྱིད་ལགས། བོད་མི་དབུལ་ཕོངས་རྣམས་ལ་མཐུན་རྐྱེན་སྦྱོར་སླད་དམར་ཤོག་ཚོགས་པའི་འགོ་ཁྲིད་ཀྱི་མིང་དང་རྒྱལ་ཁབ་ལ་དགའ་ཞེན་གྱི་གླུ་སོགས་བློ་འཛིན་ལེན་བཞིན་པ། Sunday 21/04/2019 Women of Tibet: Tenzin Minkyi, Buddhist Philosophy student Tibetans forced to memorize CCP leaders’ names in return for aid

ཉན་པ།: Listen ཕབ་ལེན། Download རྒྱ་གཞུང་གིས་རེབ་གོང་ཧོར་རྒྱ་སྡེ་བའི་བོད་མི་དགུ་ལ་མི་ལོ་ ༣ ནས་ ༧ བར་གྱི་བཙོན་འཇུག་ཁྲིམས་ཐག་བཅད་འདུག ཕ་ཡུལ་དྲན་གླུ་ཞེས་པའི་རོལ་དབྱངས་དགོང་ཚོགས། བོད་མིའི་སྒྲིག་འཛུགས་ཀྱིས་སྐུ་ཞབས་ Jim McGovern ལགས་དང་སྐུ་ཞབས་ Marco Rubio ལགས་རྣམ་གཉིས་ལ་འཚམ་འདྲི་ཞུས་པ། ཡོ་རོབ་བོད་ཀྱི་གཞོན་ནུ་མཐུན་ཚོགས་ཀྱི་ལོ་འཁོར་ཚོགས་ཆེན་དབུ་འཛུགས། Leica ཞེས་པའི་པར་ཆས་བཟོ་ལས་ཁང་གི་དྭངས་ཤེལ་ཁྱབ་བརྡ་རྒྱ་ནག་ཏུ་བཀག་སྡོམ། Saturday 20/04/2019 Nine Tibetans from Rebkong sentenced up to 7 years in prison Various Tibetan artists participate in ‘Remembering Homeland’ concert CTA congratulates McGovern and Rubio on their appointment as CECC Chair and Co-Chair 50th Annual meeting of Europe Tibetan Youth Association’s convenes Leica China video sparks backlash over Tiananmen Square image

རྒྱ་ནག་གཞུང་གིས་ནག་སེལ་གཤེད་བཅོམ་གྱི་ཆེད་དོན་འཐབ་རྩོད་ལས་འགུལ་ཞེས་པའི་མིང་བྱང་འོག་རེབ་གོང་ཧོར་རྒྱ་སྡེ་བའི་དགེ་འདུན་བཟོད་པ་དང། ཆོས་བཟང་། བན་དེ་རྡོ་རྗེ། བཀྲིས་ཚེ་རིང། བསོད་ནམས་རྒྱལ། དར་རྒྱས། ཤ་བོ་ཚེ་རིང་། མཁའ་བྱམས་རྒྱལ། དེ་བཞིན་འབྲུག་འབུམ་ཚེ་རིང་བཅས་བོད་མི་ ༩ ལ་བཙན་སྐུལ་གྱིས་ཚོང་བརྗེ་བྱེད་དུ་བཅུག་པ་དང། ཧམ་འཕྲོག་གཡོ་ལེན་བྱས་པ། དེ་བཞིན་མི་མང་དཔུང་བསྡེབས་ཀྱིས་སྤྱི་ཚོགས་སྒྲིག་ལམ་ལ་གཏོར་བརླག་གནང་ཡོད་ཚུལ་སོགས་ཀྱི་ཉེས་འོག་མི་ལོ་ ༣ ནས་ ༧ བར་གྱི་བཙོན་འཇུག་ཁྲིམས་ཐག་བཅད་འདུག ཁ་སང་ཕྱི་ཚེས་ ༡༩ ཉིན་བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་གནས་ཚུལ་སྤེལ་བར་ཧོར་རྒྱ་སྡེ་བའི་ཁ་འགོ་བའི་ཚོགས་ཆུང་གི་བོད་མི་ ༩ པོ་དེ་དག་སྔར་ལོའི་ཕྱི་ཟླ་ ༧ པའི་ནང་བཀག་ཉར་གྱིས་ཕྱི་ཟླ་ ༨ ནང་དངོས་སུ་འཛིན་བཟུང་གིས་གྱོད་དོན་ཐོ་འགོད་བྱས་ནས་ཟླ་བ་བརྒྱད་ཙམ་གྱི་རྗེས་སུ་གཟའ་འཁོར་འདིའི་འགོ་ལྟོད་ཙམ་ལ་མདོ་སྨད་མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་རེབ་གོང་རྫོང་མི་དམངས་ཁྲིམས་ཁང་ནས་བོད་མི་དེ་དག་ལ་ལོ་ ༧ བར་གྱི་བཙོན་འཇུག་ཁྲིམས་ཐག་བཅད་འདུག འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་ལ་ས་གནས་མང་ཚོགས་ནས་སྲིད་གཞུང་ལ་སྤྲད་པའི་ཡིག་ཆ་དང་བཅས་པའི་གནས་ཚུལ་ཁ་གསལ་ལག་སོན་བྱུང་བའི་ནང་དེ་སྔ་རེབ་གོང་ཧོར་རྒྱ་སྡེ་བའི་ས་གནས་སུ་སྲིད་གཞུང་གིས་མང་ཚོགས་ཀྱི་ས་ཆ་བཙན་འཕྲོག་བྱས་ནས་སོ་ཕག་བཟོ་གྲྭ་གསུམ་བཙུགས་ཡོད་པ་དང། ཕྱི་ལོ་ ༢༠༡༡ ལོར་ཁོར་ཡུག་སྲུང་སྐྱོབ་ཀྱི་མིང་ཐོག་ནས་བཟོ་གྲྭ་དེ་དག་སྒོ་བརྒྱབ་པ་དང་འབྲེལ། སྲིད་གཞུང་གིས་བཟོ་གྲྭའི་བདག་པོ་རྣམས་ལ་གུན་གསབ་འབོར་ཆེན་སྤྲད་ཡོད་ཀྱང། འདས་པའི་མི་ལོ་ ༧ རིང་ལ་ས་བདག་ས་གནས་མང་ཚོགས་རྣམས་ལ་ས་ཆ་ཕྱིར་སློག་མ་བྱེད་པའི་ཁར་ས་རིན་ཡང་སྤྲད་མེད་པ་རེད་འདུགདེའི་ཁྲོད་ཕྱི་ལོ་ ༢༠༡༧ ཟླ་ ༢ ཚེས་ ༢༡ ཉིན་ཧོར་རྒྱ་སྡེ་བའི་མི་མང་ ༥༠༠ ཙམ་གྱི་རྒྱབ་སྐྱོར་ཡོད་པའི་ཐོག་ཁ་འགོ་བ་ཞེས་པའི་ཚོགས་ཆུང་ཞིག་གསར་འཛུགས་ཀྱིས་ས་གནས་ཀྱི་ཤེས་འཇོན་གཉིས་ལྡན་གྱི་མི་སྣ་ ༢༤ བསྐོ་གཞག་དང་འབྲེལ་ཏེ་ཁ་འགོ་བའི་ཚོགས་མི་ ༢༤ ཡི་ས་ཡིག་འཁོད་པའི་ཞུ་ཡིག་ཞིག་ས་གནས་སྲིད་གཞུང་ལ་ཕུལ་འདུག ཞུ་ཡིག་དེའི་ནང་དེ་སྔོན་སྲིད་གཞུང་གིས་མང་ཚོགས་ཀྱི་ས་ཆ་བཙན་འཕྲོག་བྱེད་དེ་སོ་ཕག་བཟོ་གྲྭ་བཙུགས་ཡོད་ཀྱང་བཟོ་གྲྭ་སྒོ་བརྒྱབ་རྗེས་ས་ཆ་དེ་དག་ཕྱིར་མང་ཚོགས་ལ་སྤྲོད་དགོས་པའི་ཞུ་སྐུལ་གནང་དོན་ལྟར། སྐབས་དེར་ཧོར་རྒྱ་སྡེ་གཞུང་གིས་རྒྱབ་སྐྱོར་དང་ཁག་ཐེག་བྱས་ཡོད་པ་རེད་འདུག འོན་ཀྱང་སྲིད་གཞུང་གི་ངོས་ནས་བོད་མིའི་སྐུ་ཚབ་ཚོགས་ཆུང་གི་ཞུ་ཡིག་ལ་དང་ལེན་བྱེད་རྒྱུ་ལས་ལྡོག་སྟེ་ཞུ་གཏུག་གི་ལས་འགུལ་སྤེལ་བར་དྲག་གནོན་བྱས་པ་མ་ཟད། ཧོར་རྒྱ་སྡེ་བའི་འགོ་ཁྲིད་ཀྱི་སྟོབས་ཤུགས་མེད་པ་བཟོ་ཐབས་ཀྱི་ཉེས་འཛུགས་བྱས་འདུག བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་བོད་གནས་ཉམས་ཞིབ་པ་པདྨ་རྒྱལ་ལགས་ཀྱིས་རྒྱ་གཞུང་གི་བརྒྱུད་ལམ་ཐོག་ཧོར་རྒྱ་སྡེ་བའི་བོད་མི་ ༩ པོ་དེ་དག་སྐོར་གནས་ཚུལ་སྤེལ་བ་དང་འབྲེལ། ཁ་འགོ་བ་ཞེས་པའི་ཚོགས་པ་དེ་ནག་ཚོགས་ཡིན་པ་དང། བོད་མི་དེ་དག་གིས་མི་མང་དཔུང་བསྡེབས་ཀྱི་སྤྱི་ཚོགས་སྒྲིག་ལམ་ལ་གཏོར་བརླག་གནང་རབས་སོགས་བཤད་ཡོད་ཀྱང་། རྒྱ་གཞུང་གིས་འཁྱོག་བཤད་བྱས་པ་ཁོ་ན་ཡིན་སྐོར་གསུངས་སོང་། ལྷག་པར་དུ་ཁོང་གིས་རྒྱ་གཞུང་གིས་ཕྱི་ལོ་ ༢༠༡༨ ཟླ་ ༡ པོ་ནས་མགོ་འཛུགས་ཀྱིས་ལོ་གསུམ་གྱི་རིང་ལ་སྤེལ་རྒྱུ་ཡིན་པའི་ནག་སེལ་གཤེད་བཅོམ་གྱི་ཆེད་དོན་འཐབ་རྩོད་ལས་འགུལ་ཞེས་པ་དེ་གཙོ་བོ་གནད་དོན་གསུམ་གྱི་ཐོག་ནས་བོད་མིར་དྲག་གནོན་དང་བོད་མིའི་ངོ་བོ་རྩ་བརླག་གཏོང་ཐབས་ཀྱི་ལག་ཆ་གཙོ་ཆེར་སྤྱོད་བཞིན་ཡོད་པ་དང་། རྒྱ་གཞུང་གིས་ཆེད་བཙུགས་བྱས་པའི་བདེ་མི་དབུ་ཡོན་ལྷན་ཁང་ཟེར་བ་དེའང་མིང་གི་ཐོག་ནས་མང་ཚོགས་ཀྱི་བདེ་དོན་སེལ་མཁན་ཡིན་ཟེར་བ་ཙམ་ལས་དོན་དངོས་ཐོག་གཞི་རིམ་མང་ཚོགས་ཁྲོད་དམར་ཤོག་ཚོགས་པའི་དབང་ཆ་ཤུགས་ཆེ་སྤེལ་བར་སྤྱོད་ཀྱི་ཡོད་པ་གསུངས་ཡོད། རྩ་བའི་རེབ་གོང་ཧོར་རྒྱ་སྡེ་བའི་ས་གནས་བོད་མིའི་རྒྱབ་སྐྱོར་ཐོག་ནས་ཕྱི་ལོ་ ༢༠༡༧ ལོར་གསར་འཛུགས་གནང་བའི་ཁ་འགོ་བ་ཚོགས་པ་དེས་ནམ་རྒྱུན་སྡེ་བའི་སྤྱི་དོན་གལ་ཆེན་རིགས་ལ་གྲོས་བསྡུར་ཐག་གཅོད་གནང་གི་ཡོད་པ་མ་ཟད། སྤྱི་ཚོགས་ཀྱི་འགན་ཁུར་བླངས་ནས་མང་ཚོགས་ལ་གྲོས་བསྡུར་དང་ཁ་ཏ་སྐུལ་ལྕག་གནང་སྲོལ་ཡོད་པ་རེད།

ཁ་སང་ BBC གཙོ་གྱུར་རྒྱལ་སྤྱིའི་གསར་ཁང་ཁག་གི་དྲྭ་གནས་ཐོག་གནས་ཚུལ་སྤེལ་བར་ཉེ་ཆར་ཡོ་རོབ་ Germany པར་ཆས་བཟོ་ལས་ཁང་ Leica ཞེས་པས་བཟོ་སྐྲུན་ཞུས་པའི་པར་ཆས་ཀྱི་དྭངས་ཤེལ་གསར་པ་ཞིག་གི་ཁྱབ་བསྒྲགས་ནང་ལ་ཚོར་བ་རྣོ་བའི་རྒྱ་ནག་གི་པར་རིས་སྤྱོད་པ་དང་འབྲེལ་རྒྱ་རིགས་མང་ཚོགས་ནས་བརྡ་ཁྱབ་དེར་སྐྱོན་བརྗོད་དང་རྒྱ་ནག་ནང་དུ་བཀག་སྡོམ་བྱེད་བཞིན་ཡོད་པ་བཀོད་འདུགLeica པར་ཆས་བཟོ་ལས་ཁང་གི་དྭངས་ཤེལ་གསར་པའི་ཁྱབ་བསྒྲགས་ནང་དེ་སྔ་ཕྱི་ལོ་ ༡༩༨༩ ལོར་གནམ་སྡེ་སྒོར་མོ་ཆེའི་དོན་རྐྱེན་སྐབས་སུ་རྒྱ་ནག་གི་དྲག་པོའི་མེ་སྒྱོགས་མདུན་དུ་ངོ་རྒོལ་གནང་མཁན་ Tank Man ཞེས་པའི་པར་དང་། སྐབས་དེར་རྒྱ་ནག་གིས་ཕྱིའི་གསར་འགོད་པར་དམ་དྲག་བྱས་པའི་གནས་སྟངས་སོགས་ཆེད་བཏོན་གནང་ཡོད་སྟབས། ད་ལྟའི་ཆར་དྭགས་ཤེལ་གྱི་ཁྱབ་བསྒྲགས་དེ་རྒྱ་ནག་གི་སྤྱི་ཚོགས་དྲྭ་རྒྱ་ Weibo གཙོས་པའི་དྲྭ་ཐོག་གི་བརྒྱུད་ལམ་ཁག་ཏུ་བཀག་སྡོམ་བྱས་པ་དང་འབྲེལ་ཏེ་ Leica པར་ཆས་བཟོ་ལས་ཁང་གི་བརྡ་ཁྱབ་དེ་ནི་དྲྭ་རྒྱའི་སྒྲིག་སྲོལ་དང་མི་མཐུན་པའི་ཁྲིམས་འགལ་ཞིག་ཡིན་པར་བརྗོད་འདུགརྒྱ་རིགས་ཚོས་ Weibo དྲྭ་གནས་ཐོག་རྒྱ་ནག་མི་སེར་ཚོས་ Leica པར་ཆས་བཟོ་ལས་ཁང་གིས་པར་ཆས་དེ་སྤྱོད་རྒྱུ་མཚམས་འཇོག་བྱེད་དགོས་པ་དང་། Leica པར་ཆས་བཟོ་ལས་ཁང་དང་རྒྱ་ནག་གི་ལག་ཐོགས་ཁ་པར་བཟོ་ལས་ཁང་ Huawei དབར་གྱི་ཚོང་འབྲེལ་མཚམས་གཞོག་དགོས་ཞེས་མི་འདོད་པའི་རྣམ་པ་མཚོན་པའི་མཆན་འགྲེལ་ ༤༠༠༠ ལྷག་ཆེད་བཀོད་བྱས་འདུགརྒྱ་ནག་གིས་མི་འདོད་པའི་རྣམ་འགྱུར་བསྟན་པ་དེ་དག་དང་འབྲེལ་ Leica པར་ཆས་བཟོ་ལས་ཁང་གི་མགྲིན་ཚབ་པས་ཁྱབ་བསྒྲགས་གསར་པ་དེར་ Leica པར་ཆས་བཟོ་ལས་ཁང་གི་ཚོང་རྟགས་འཁོད་མེད་པར་འགྲེལ་བརྗོད་དང་འབྲེལ་ཁྱབ་བསྒྲགས་དེ་དང་ཚོང་ལས་ཁང་དབར་འབྲེལ་བ་མེད་སྐོར་གསུངས་འདུག འོན་ཏང་ད་རེས་ཀྱི་ཁྱབ་བསྒྲགས་གསར་པ་འདི་བཟོ་མཁན་ F/Nazca Saatchi & Saatchi ལགས་ཀྱིས་དེ་སྔ་ཡང་ Leica པར་ཆས་བཟོ་ལས་ཁང་གི་ངོས་ནས་བརྙན་ཐུང་ཁྱབ་བསྒྲགས་མང་པོ་བཟོ་མྱོང་ཡོད་པ་མ་ཟད། ཁོང་ནས་བཟོས་པའི་ཁྱབ་བསྒྲགས་མང་པོ་ཞིག་ལ་རྒྱལ་སྤྱིའི་ཁྲོད་ནས་ཆེ་བསྟོད་ཀྱི་གཟེངས་རྟགས་ཐོབ་མྱོང་ཡོད་པ་རེད།ད་རེས་ཁོང་གི་གནམ་སྡེ་སྒོར་མོ་ཆེའི་དོན་རྐྱེན་གཞི་རྩར་བཞག་པའི་ཐོག་ནས་སྐར་མ་ལྔ་ཅན་གྱི་ཁྱབ་བསྒྲགས་བརྙན་ཐུང་དེར་རྒྱལ་སྤྱིའི་འགྲོ་བ་མིའི་ཐོབ་ཐང་ཐོག་ལ་ཕྱག་ལས་གནང་མཁན་དང་། ལྷག་པར་དུ་དེ་སྔ་རྒྱ་ནག་གི་གནམ་སྡེ་སྒོར་མོ་ཆེའི་ལས་འགུལ་སྣེ་ཁྲིད་གནང་མཁན་ཁོངས་སུ་ཡོད་པ་སྐུ་ཞབས་ Zhou Fengsuo ལགས་ཀྱིས་དྭངས་སེལ་གྱི་བརྡ་ཁྱབ་གསར་པ་འདིས་ལོ་ངོ་ ༣༠ གོང་གི་རྒྱ་རིགས་ལས་འགུལ་བའི་སྙིང་སྟོབས་མཚོན་པར་བྱས་ཡོད་ཅེས་དགའ་བསུ་ཞུས་པ་དང་ཆབས་ཅིག ཁྱབ་བརྡ་དེའི་རྐྱེན་པས་རྒྱ་ནག་གི་ Leica པར་ཆས་བཟོ་ལས་ཁང་ལ་དངོས་ཤུགས་བརྒྱུད་གསུམ་གྱི་ཐོག་ནས་གནོན་ཤུགས་རིགས་སྤྲད་རྒྱུ་ཡིན་སྟབས། རྒྱལ་སྤྱིའི་ཚོང་ལས་ཁང་རྣམས་ནས་ Leica པར་ཆས་བཟོ་ལས་ཁང་ལ་རྒྱབ་སྐྱོར་གནང་དགོས་གལ་ཡིན་པ་གསུངས་འདུག

འདས་ཟིན་པའི་མི་ལོ་ ༥༠ རིང་ལ་བོད་མིའི་འཐབ་རྩོད་དང་འབྱུང་འགྱུར་བོད་མིའི་འཐབ་རྩོད་ཀྱི་གོམ་སྟབས་གསར་པ་ཞེས་པའི་གླེང་བརྗོད་ཐོག་ཡོ་རོབ་བོད་ཀྱི་གཞོན་ནུ་མཐུན་ཚོགས་ཀྱི་ལོ་འཁོར་ཚོགས་ཆེན་ཐེངས་ ༥༠ པ་ཚོགས་གནང་སོང་།ཕྱི་ཟླ་ ༤ ཚེས་ ༡༩ ཉིན་རྒྱབ་ཚོུད་ ༡༌༣༠ སྟེང་སུད་སི་ einsiedeln ས་གནས་སུ་ཡོ་རོབ་བོད་ཀྱི་གཞོན་ནུ་མཐུན་ཚོགས་ཀྱི་ལོ་འཁོར་ཚོགས་ཆེན་ཐེངས་ ༥༠ པ་དབུ་འཛུགས་གནང་བ་དང་། ཚོགས་ཆེན་ཐོག་སུད་སི་གཙོ་བོར་གྱུར་པའི་ཁྱབ་ཁོངས་ཀྱི་ཡན་ལག་ཨོ་སི་ཊོ་རིཡ་དང། འཇར་མ་ནི། དེ་བཞིན་ནེ་དར་ལེན་ཌ་བཅས་ནས་བོད་རིགས་གཞོན་སྐྱེས་ཚོགས་བཅར་བ་ ༡༠༠ ལྷག་འདུ་འཛོམས་གནང་ཡོད་པ་རེད།ཚོགས་ཆེན་ཐོག་ཡོ་རོབ་བོད་ཀྱི་གཞོན་ནུ་མཐུན་ཚོགས་གཙོ་བོར་གྱུར་པའི་ས་གནས་ཚོགས་ཆུང་སོ་སོའི་འདས་ལོའི་ལས་འཆར་ཁག་ལ་བསྐྱར་ཞིབ་དང། མ་འོངས་པའི་ལས་འཆར་སྤེལ་རྒྱུ་སོགས་ཀྱི་ཐད་ཕན་ཚུན་སྦྱང་བཤད་དང་། ལྷག་པར་དུ་ཡོ་རོབ་བོད་ཀྱི་གཞོན་ནུ་མཐུན་ཚོགས་ཐོག་མར་ཆེད་བཙུགས་བྱས་ནས་ད་བར་མི་ལོ་ ༥༠ དེའི་རིང་ལ་བོད་དོན་འཐབ་རྩོད་ལ་ཕྱིར་མིག་གིས་འབྱུང་འགྱུར་བོད་དོན་འཐབ་རྩོད་ཀྱི་གོམ་སྟབས་གསར་པའི་ཁྲོད་འཐབ་རྩོད་ཀྱི་ནུས་པ་ཇེ་ཆེར་གཏོང་ཐབས་དང། བོད་མི་རིགས་ཀྱི་སྐད་ཡིག་དང་ངོ་བོ། རིགས་གཞུང་སྲུང་སྐྱོབ། དེ་བཞིན་དེ་དག་མི་ཉམས་རྒྱུན་གནས་ཐུབ་རྒྱུའི་ཐད་གྲོས་བསྡུར་གནང་རྒྱུ་རེད་འདུགཡོ་རོབ་བོད་ཀྱི་གཞོན་ནུ་མཐུན་ཚོགས་ཀྱི་ལས་འཆར་འགན་འཛིན་བསྟན་འཛིན་བདེ་ཆེན་ལགས་ཀྱིས་ལོ་འཁོར་ཚོགས་ཆེན་ཐོག་༸གོང་ས་མཆོག་གི་དམིགས་བསལ་སྐུ་ཚབ་ཟུར་པ་སྐལ་བཟང་རྒྱལ་མཚན་ལགས་དང། ཆབ་སྲིད་བཙོན་ཟུར་དོན་གྲུབ་དབང་ཆེན་ལགས་རྣམ་གཉིས་ཀྱིས་གཙོས་པའི་གནད་ཡོད་མི་སྣ་ཁག་གཅིག་གདན་ཞུས་ཀྱིས་བོད་དོན་འཐབ་རྩོད་དང་འབྲེལ་བའི་ཐོག་གསུང་བཤད་དང་གོ་བསྡུར་སྦྱང་བཤད་། བོད་དོན་གློག་བརྙན་གཟིགས་འབུལ། འབྱུར་འགྱུར་བོད་མིའི་འཐབ་རྩོད་གོམ་སྟབས་གསར་པའི་ཁྲོད་བོད་དོན་འཐབ་རྩོད་ཀྱི་ནུས་པ་ཇེ་ཆེར་གཏོང་ཐབས་དང་འབྲེལ་བའི་ལས་རིམ་མང་དག་ཅིག་བང་སྒྲིག་ཡོད་པ་རེད།རྩ་བའི་ཡོ་རོབ་བོད་ཀྱི་གཞོན་ནུ་མཐུན་ཚོགས་དེ་ཕྱི་ལོ་ ༡༩༧༠ ལོར་སུད་སི་ནང་དུ་ཆེད་བཙུགས་གནང་ཡོད་པ་དང་། ཚོགས་པའི་ཁྱབ་ཁོངས་སུ་སུད་སི་ནང་ཚོགས་ཆུང་ཁག་དགུ་གཙོ་བོར་གྱུར་པའི་ཡོ་རོབ་རྒྱལ་ཁབ་ཨོ་སི་ཊོ་ལི་ཡ། འཇར་མ་ནི། ནེ་དར་ལེན་ཌ་བཅས་སུ་ཁྱོན་ཡན་ལག་ཚོགས་ཆུང་བཅིུས་དང། ཚོགས་མི་ ༤༠༠ ལྷག་ཡོད་པའི་ཡོ་རོབ་ཁུལ་དུ་གཞུང་འབྲེལ་མིན་པའི་བོད་རིགས་གཞོན་སྐྱེས་ཀྱི་ཚོགས་ཆུང་རྙིང་གྲས་དང་ཆེ་གྲས་ཤིག་ཡིན་པ་རེད།

ཉན་པ།: Listen ཕབ་ལེན། Download རྒྱ་ནག་གི་ཁྲིམས་ལུགས་དེ་དག་བོད་པ་དང་ནང་པ་ཚོར་སྡུག་སྦྱོང་གཏོང་ཕྱིར་བཟོས་པ་རེད། ཆབ་མདོ་ནང་རྒྱ་གཞུང་གིས་རྒྱལ་གཅེས་རིང་ལུགས་ཀྱི་སློབ་གསོའི་ལས་འགུལ་ཤུགས་ཆེ་སྤེལ་བ། བོད་མི་སྤྱི་ཚོགས་དཔྱད་བརྗོད་པ་བསོད་ནམས་ལྷུན་འགྲུབ་ལགས་འཛིན་བཟུང་བྱས་འདུག ལུས་སེམས་སྲོག་གི་བགྲོ་གླེང་ཚོགས་ཆེན་ཐེངས་དགུ་པ། རྒྱ་ནག་ནང་ཆུའི་དཀའ་ངལ་འཕྲད་པ་དེས་རྒྱ་ནག་སྟོབས་ཆེན་རྒྱལ་ཁབ་ལ་འགོག་རྐྱེན་ཆགས་ཡོད། བཙན་བྱོལ་བོད་མིའི་གནས་སྟངས་ངོ་སྤྲོད། སུད་སི་སྐུ་ཚབ་དོན་གཅོད་ཟུར་པ་དངོས་གྲུབ་རྡོ་རྗེ་ལགས་སུ་བཅར་འདྲི། Friday 19/04/2019 New EU Parliament resolution says China’s criminal law being abused to persecute Tibetans and Buddhists Chinese Communist party campaigns ongoing in Chamdo Tibetan student Sonam Lhundup arrested for writing on job crisis in Tibet Ninth Body, Mind and Life conference held in Bengaluru Lack of fresh water threatens the very survival of the Chinese nation itself DIASPORA FEATURE: Ngodup Dorjee, Former Representative of OOT, Geneva

ཉེ་སྔོན་ནས་ཕ་ཡུལ་ཆབ་མདོ་ནས་ཡིན་པའི་ནུབ་བྱང་མི་རིགས་སློབ་གྲྭ་ཆེན་པོའི་སློབ་མ་བསོད་ནམས་ལྷུན་འགྲུབ་ལགས་ཀྱིས་བོད་རིགས་སློབ་མ་དག་སློབ་མཐར་སོན་ཡང་བོད་ཁུལ་ནས་ལས་ཀ་རག་གི་མེད་པའི་རྩོམ་ཡིག་ཅིག་སྤེལ་རྐྱེན་རྒྱ་ནག་སྲིད་གཞུང་གིས་ཁོང་འཕྲལ་དུ་འཛིན་བཟུང་བྱས་ཡོད་པའི་གནས་ཚུལ་ཞིག་སྤྱི་ཚོགས་དྲྭ་ལམ་ཁག་ཏུ་ཁྱབ་བརྡལ་བྱུང་ཡོད་པ་ལྟར། རླུང་འཕྲིན་ཁང་གིས་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་བོད་གནས་ཉམས་ཞིབ་པ་པདྨ་རྒྱལ་ལགས་སུ་དེ་འབྲེལ་བཅར་འདྲི་ཞུས་པར་ཁོང་གིས་བསོད་ནམས་ལྷུན་འགྲུབ་ལགས་ནི་ནུབ་བྱང་མི་རིགས་སློབ་ཆེན་གྱི་སེམས་ཁམས་རིག་པའི་ཐོག་ལ་སློབ་སྦྱོང་གནང་བཞིན་པའི་སློབ་མ་ཞིག་ཡིན་པ་དང་། ཁོང་གི་དངོས་ཡོད་གནས་ཚུལ་གྱི་བོད་རིགས་སློབ་མའི་བྱ་བའི་ལས་བགོས་དང་འབྲེལ་ནས་རྩོམ་ཡིག་ཅིག་བྲིས་པར་བརྟེན་སྲིད་གཞུང་གིས་འཛིན་བཟུང་བྱས་ཡོད་པར་ངོ་སྤྲོད་གནང་སོང་།ཁོང་གིས་བོད་རིགས་སློབ་མ་རྣམས་ལ་སྲིད་གཞུང་གིས་བྱ་བ་བགོ་ཡི་མེད་པའི་རྒྱབ་ལྗོངས་ནི་ཕྱི་ལོ་ ༢༠༡༡ ནས་བཟུང་གཏན་འབེབབ་དང་ལག་བསྟར་བྱེད་བཞིན་པའི་ནུབ་རྒྱུད་འཆར་གཞིའི་རྣམ་གྲགས་ཟེར་བར་ཐུག་ཡོད་པ་དང་། སྲིད་བྱུས་དེ་བརྒྱུད་ནས་རྒྱ་རིགས་སློབ་མ་མང་པོ་བོད་ཁུལ་དུ་ཉམས་གསོག་ལ་བཏང་ནས་བོད་ཁུལ་དུ་སོ་ཉུལ་གྱི་ལས་ཀ་བྱེད་བཞིན་པ་དང་མཉམ་དུ་བོད་རིགས་གཞོན་སྐྱེས་མང་པོ་དམར་ཤོག་གཞུང་གི་ནང་དུ་འཛུལ་ཞུགས་བྱེད་རྒྱུའི་དྲིལ་བསྒྲགས་བྱེད་རྒྱུ་དེ་ཡིན་སྟབས་བོད་རིགས་སློབ་མ་ཚོ་རང་གི་ས་གནས་སུ་ལས་བགོ་བྱེད་ཀྱི་མེད་པར་འགྲེལ་བརྗོད་གནང་ཡོད། རྒྱ་ནག་གི་བོད་ཁུལ་ལ་འཚོ་བ་དང་འཛུགས་སྐྲུན་ཡར་རྒྱས་བཏང་ཡོད་པའི་དྲིལ་བསྒྲགས་མང་པོ་བྱེད་བཞིན་ཡོད་ཀྱང་དོན་དངོས་ཐོག་ལ་བོད་ཀྱི་སྐད་ཡིག་བཀོད་སྤྱོད་ཀྱི་ཁྲོམ་ར་གཅིག་ཀྱང་མེད་སྟབས་སྤྱི་ཡོངས་ཀྱི་བོད་རིགས་སློབ་མ་རྣམས་ལ་རང་གི་ས་གནས་སུ་ལས་ཀ་རག་ཐབས་མེད་པའི་གནས་སྟངས་ཆགས་ཡོད་པ་རེད།