ARCHIVE
Monthly Archives: July, 2019
རེས་གཟའ་ལྷག་པ། ༢༠༡༩།༠༧།༠༣
vot.org -
ཉན་པ།: Listen
ཕབ་ལེན། Download
རྒྱལ་ཚོགས་ནང་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་སྐོར་ཟུར་ཚོགས།
རྒྱ་ནག་གིས་ཡུལ་སྐོར་བའི་ཁ་པར་དུ་གསང་མྱུལ་གྱི་མཉེན་ཆས་ལྡུག་བཞིན་པ།
བོད་ཀྱི་རྒྱལ་ས་ལྷ་སར་ཉེན་རྟོག་པའི་སྣུམ་འཁོར་འགྲེམས་འཇོག་གིས་དམ་དྲག་སྔར་ལྷག་བྱེད་བཞིན་པ།
ཨ་རིའི་པོཊ་ལན་ཌིར་ཉིན་གྲངས་གསུམ་རིང་༸སྐུའི་འཁྲུངས་སྐར་གྱི་གླིང་ག་རྒྱས་པ་གོ་སྒྲིག་གནང་འཆར།
Wednesday 03/07/2019
Religious repression and Tibet’s missing Panchen Lama raised at UN side event
Chinese border guards forcing tourists’ to install secret surveillance app on phones
Repression in Tibet with increase of military presence
Portland to host westcoast Trungkhar celebration with series of events
རྒྱལ་ཚོགས་ནང་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་སྐོར་ཟུར་ཚོགས།
vot.org -
སུད་སི་གྲོང་ཁྱེར་ཇི་ནི་ཝ་ནང་འཚོགས་བཞིན་པའི་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐེངས་ ༤༡ པ་དང་བསྟུན། ཁ་སང་ཕྱི་ཚེས་ ༢ ཉིན་རྒྱལ་ཚོགས་ཀྱི་ཚོགས་ཁང་ནང་ད་བར་མི་ལོ་ ༢༤ རིང་རྒྱ་ནག་གཞུང་གིས་འཛིན་བཟུང་བཙན་ཁྲིད་བྱས་ཏེ་གར་སོང་ཆ་མེད་དུ་གྱུར་བའི་༸ཀུན་གཟིགས་༸པཎ་ཆེན་སྐུ་ཕྲེང་ ༡༡ པ་དགེ་འདུན་ཆོས་ཀྱི་ཉི་མ་མཆོག་གི་གནད་དོན་ཐོག་ཟུར་ཚོགས་ཤིག་གནང་ཡོད་པ་རེད།ཟུར་ཚོགས་ཐོག་བཀྲིས་ལྷུན་པོ་དགོན་གྱི་༸པཎ་ཆེན་ཨེར་ཏེ་ནི་ཞབས་ཞུ་ལྟེ་གནས་ཁང་གི་ཚོགས་གཙོ་གྲྭ་བློ་བཟང་རྡོ་རྗེ་ལགས་ཀྱིས་ད་བར་མི་ལོ་ ༢༤ རིང་༸པཎ་ཆེན་རིན་པོ་ཆེ་མཆོག་དང་བྱ་བྲལ་རིན་པོ་ཆེ་རྣམ་གཉིས་རྒྱ་གཞུང་གིས་བཙོན་འཇུག་གིས་འགྲོ་བ་མིའི་སྤྱི་ཚོགས་ཧྲིལ་པོ་དང་འབྲེལ་ལམ་ཡོངས་སུ་བཀག་སྡོམ་བྱས་པ་དེ་ནི་བདེ་སྐྱིད་ཀྱི་འཚོ་བ་རོལ་བ་ཞིག་རྩ་བ་ནས་མིན་པར་མི་གཅིག་གི་མི་ཚེའི་ནང་བསུབ་ཐབས་མེད་པའི་གྱོང་གུད་ཆེན་པོ་ཞིག་དང་། དད་ལྡན་ས་ཡ་མང་པོའི་སེམས་ནང་ལ་ཕོག་ཐུག་བཏང་བ། དེ་བཞིན་བོད་མིའི་ཆོས་ཕྱོགས་ཀྱི་བླ་སྤྲུལ་ཡང་སྲིད་ངོས་འཛིན་ཞུ་རྒྱུའི་ཐོབ་ཐང་འཕྲོག་པ་སོགས་རྒྱ་ནག་གཞུང་གིས་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཁྲིམས་སྒྲིག་ཙམ་མ་ཟད། རྒྱ་ནག་གཞུང་གིས་གྲངས་ཉུངས་མི་རིགས་ཐོག་བཞག་པའི་ཁྲིམས་སྒྲིག་ཁག་རྡོག་རོལ་བཏང་བའི་ནག་ཉེས་བསགས་ཡོད་ཅེས་རྒྱ་གཞུང་གི་ནག་ཉེས་ཁག་གླེང་སྟེགས་ཐོག་ཐེར་འདོན་གནང་འདུགསྤྱིར་ཁ་སང་༸པཎ་ཆེན་རིན་པོ་ཆེ་མཆོག་དང་འབྲེལ་བའི་ཟུར་ཚོགས་དེ་ནི་རྒྱལ་ཁབ་གཞན་གྱི་དབང་སྒྱུར་འོག་ལྷུང་བའི་གྲངས་ཉུང་མི་རིགས་རྣམས་ཀྱི་སྲུང་སྐྱོབ་སླད་རྒྱལ་སྤྱིའི་ཚོགས་པ་ Society for Threaten people ཞེས་པས་གོ་སྒྲིག་གནང་བ་ཞིག་ཡིན་ཞིང་། སྐབས་དེར་ཚོུད་གཅིག་གི་རིང་བོད་ནང་གི་བོད་མིའི་ཆོས་དད་རང་དབང་ལ་རྒྱ་གཞུང་གི་དམ་དྲག་ཞེས་པའི་གླེང་བརྗོད་ཐོག་ཟུར་ཚོགས་ལས་རིམ་གནང་ཐོག་གཙོ་བོ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་གནད་དོན་གླེང་སློང་གནང་ཡོད་པ་དང་། སྐབས་དེར་ཟུར་ཚོགས་དངུས་སུ་མ་ཚོགས་གོང་ལ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གར་སོང་ཆ་མེད་གྱུར་སྐོར་བཟོ་སྐྲུན་ཞུས་པའི་དངོས་བྱུང་གློག་བརྙན་ The Stolen Child ཞེས་པ་སྐར་མ་གཉིས་ཅན་ཡོད་པ་ཞིག་ཚོགས་བཅར་བ་ཚོར་ངོ་སྤྲོད་ཞུ་སླད་གཟིགས་འབུལ་ཞུས་ འདུག་པ་དང་ཆབས་ཅིག གྲྭ་བློ་བཟང་རྡོ་རྗེ་ལགས་ཀྱིས་༸རྒྱལ་བ་ཡབ་སྲིད་རྣམས་ཀྱི་འབྲེལ་བའི་སྐོར་དང་༸པཎ་ཆེན་སྐུ་ཕྲེང་བཅུ་པའི་མཛད་རྗེས། དེ་བཞིན་༸པཎ་ཆེན་སྐུ་གོང་མ་དགོངས་པ་རྫོགས་སྐབས་ཀྱི་གནས་ཚུལ། ཡང་སྲིད་འཚོལ་ཞིབ། རྒྱ་གཞུང་གིས་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་དང་བྱ་བྲལ་རིན་པོ་ཆེ་མཆོག་སོགས་འཛིན་བཟུང་བཙན་ཁྲིད་བྱས་པ་དང་། ད་བར་རྒྱལ་སྤྱིའི་ཐོག་ཞུ་འབོད་རིམ་པ་གནང་བ་བཅས་གནས་ཚུལ་སྙིང་བསྡུས་ཐོག་ནས་ངོ་སྤྲོད་ཀྱང་གནང་འདུག
ལྷག་པར་དུ་བློ་བཟང་རྡོ་རྗེ་ལགས་ཀྱིས་ཟུར་ཚོགས་ཐོག་ད་བར་རྒྱ་ནག་གཞུང་གིས་༸པཎ་ཆེན་རིན་པོ་ཆེ་མཆོག་གི་གནད་དོན་དང་འབྲེལ་ནས་བོད་ནང་གི་བོདམིའི་ ༦༠ ལྷག་འཛིན་བཟུང་བྱས་པའི་གནས་ཚུལ་གསལ་བཏོན་གནང་བ་དང་སྦྲགས། ད་ཆ་བོད་ནང་རྒྱ་ནག་གཞུང་གིས་ཆེས་སྡུག་རྩུབ་ཅན་གྱི་སྲིད་བྱུས་ལག་བསྟར་བྱེད་བཞིན་པའི་གནས་སྟངས་འོག་བོད་མི་རྣམས་གྲངས་ཉུང་མི་རིགས་སུ་འགྱུར་བཞིན་པ་དང་རྒྱ་སྐད་མི་ཤེས་མཁན་བོད་མི་ཚོའི་འཚོ་རྟེན་མེད་པ་བཟོས་པ་དང་། བོད་མི་ཚོས་མི་རིགས་ཀྱི་གོམས་སྲོལ་དང་ཐོབ་ཐང་སྲུང་བ། ༸པཎ་ཆེན་ཡབ་སྲས་གཉིས་ལ་དད་མུས་ཞུས་ནས་ཁ་བྲལ་བ་དང་ཁྲིམས་འགལ་ཆགས་པར་ངོས་འཛིན་བྱེད་བཞིན་ཡོད་སོགས་གནད་དོན་དེ་དག་ལས་རྒྱ་ནག་གཞུང་གིས་བོད་ཐོག་འཛིན་པའི་སྲིད་བྱུས་དེ་ཆེས་མུན་ནག་དང་། ཆེས་འཇིགས་སྣང་ཅན། དེ་བཞིན་ཆེས་སྡུག་རྩུབ་ཅན་ཤ་སྟག་ཡིན་པ་གསལ་པོ་རེད་ཅེས་གསུངས་འདུགཟུར་ཚོགས་གླེང་སྟེགས་བརྒྱུད་ནས་གྲྭ་བློ་བཟང་རྡོ་རྗེ་ལགས་ཀྱིས་ད་དུང་རྒྱལ་ཚོགས་དང་རྒྱ་ནག་གཞུང་ལ་བོད་ནང་གི་བོད་མིར་འགྲོ་སྡོད་སྤྱོད་གསུམ་དང་ཆོས་དད་དང་སྨྲ་བརྗོད་རང་དབང་། དེ་བཞིན་གཞི་རྩའི་འགྲོ་བ་མིའིཐོབ་ཐང་བཅས་སྤྲོད་དགོས་པ་མ་ཟད། རྒྱལ་ཚོགས་ཀྱི་འབྲེལ་ཡོད་མི་སྣ་སྔོན་འགྲོའི་ཆ་རྐྱེན་གང་ཡང་མེད་པར་རྒྱ་ནག་ནང་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་དང་བྱ་བྲལ་རིན་པོ་ཆེ་མཆོག་རྣམ་གཉིས་ཀྱིས་གཙོས་པའི་སྐུ་འཁོར་ནང་མི་རྣམས་སྐུ་གཟུགས་གསལ་ཐང་ཡིན་པའི་ཁུངས་སྐྱེལ་ར་འཕྲོད་གཟིགས་ཞིབ་གནང་བར་གཏོང་དགོས། ༸ཀུན་གཟིགས་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་དང་བྱ་བྲལ་རིན་པོ་ཆེ་རྣམ་གཉིས་མ་ཉེས་ཁག་གཡོག་བྱས་པ་ལྟར་དེ་འབྲེལ་ཉེས་མེད་བཙོན་པ་རྣམས་འཕྲལ་དུ་གློད་བཀྲོལ་གཏོང་དགོས་པ་བཅས་དོན་ཚན་བཞི་ཅན་གྱི་འབོད་སྐུལ་ཞུས་འདུག ཟུར་ཚོགས་ཐོག་གཏམ་བཤད་གནང་མཁན་ཁོངས་སུ་ཡོ་རོབ་རྒྱལ་སྤྱིའི་བོད་དོན་ལས་འགུལ་ཁང་སྲིད་བྱུས་ཚན་པའི་འགན་འཛིན་སྐུ་ཞབས་ Vicent Metten ལགས་ཡིན་ཞིང་། ཁོང་གིས་བོད་ནང་གི་སྤྱི་ཡོངས་ཀྱི་འགྲོ་བ་མིའི་ཐོབ་ཐང་གི་གནས་སྟངས་སྐོར་གླེང་བ་དང་འབྲེལ། རྒྱ་ནག་གཞུང་གིས་རྩ་ཁྲིམས་གཞིར་བཞག་ཐོག་གཞུང་གིས་ཐེ་བྱུས་གང་ཡང་མེད་པར་བོད་ནང་གི་བོད་མི་ཚོར་ཆོས་དད་རང་དབང་གི་ཐོབ་ཐང་ལོངས་སུ་སྤྱོད་བཅུག་དགོས་པ་དང་དེའི་ཐོག་རྒྱལ་སྤྱིའི་ཚོགས་སྡེ་ཁག་ནས་རྒྱ་གཞུང་གིས་གནོན་ཤུགས་སྤྲོད་དགོས་པའི་རེ་འདུན་ཡང་སྟོན་ཡོད་པ་རེད།ཟུར་ཚོགས་དེའི་ཐོག་ཇི་ནི་ཝར་ཡོད་པའི་རྒྱལ་ཁབ་ཁག་གི་གཞུང་ཚབ་མི་སྣ་དང་། རྒྱལ་སྤྱིའི་གཞུང་འབྲེལ་མིན་པའི་འགྲོ་བ་མིའི་ཐོབ་ཐང་ཚོགས་པའི་སྐུ་ཚབ། སུད་སི་སྐུ་ཚབ་དོན་གཅོད་འཆི་མེད་རིན་འཛིན་ལགས། ས་གནས་བོད་མི་བཅས་ནས་མཉམ་ཞུགས་གནང་འདུགརྩ་བའི་ཕྱི་ལོ་ ༢༠༡༩ ལོ་འདི་ནི་རྒྱ་ནག་གཞུང་གིས་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་འཛིན་བཟུང་བཙན་ཁྲིད་བྱས་ནས་མི་ལོ་ ༢༤ འཁོར་བ་དང་རྒྱལ་ཚོགས་བྱིས་པའི་ཐོབ་ཐང་ཁྲིམས་ཡིག་གཏན་འབེབས་གནང་སྟེ་མི་ལོ་ ༣༠ འཁོར་བའི་དུས་ཚིགས་ཁེལ་གྱི་ཡོད་པ་རེད།གྲྭ་བློ་བཟང་རྡོ་རྗེ་ལགས་ཀྱིས་རྒྱལ་ཚོགས་འཚོགས་བཞིན་པ་དང་བསྟུན་ད་བར་བཀྲིས་ལྷུན་པོ་དགོན་གྱི་༸པཎ་ཆེན་ཨེར་ཏེ་ནི་ཞབས་ཞུ་ལྟེ་གནས་ཁང་གིས་ལོ་ཤས་ནང་འཛམ་གླིང་ས་ཕྱོགས་གང་སར་མང་ཚོགས་ཁྲོད་ནས་༸པཎ་ཆེན་རིན་པོ་ཆེ་མཆོག་གློད་བཀྲོལ་ཡོང་བའི་མཚན་རྟགས་བསྡུ་རུབ་གནང་བའི་དེབ་གྲང་གཉིས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་གཙོ་ལྕམ་སྐུ་ Michelle Bachelet མཆོག་གི་མཚན་ཐོག་ཏུ་ཕུལ་བ་དང་ཆབས་ཅིག་ཏུ་དོན་ཚན་བཞི་ཅན་ཡོད་པའི་འབོད་སྐུལ་ཞུ་སྙན་ཞིག་ཀྱང་ཕུལ་ཡོད་པ་རེད།
རྒྱ་ནག་གིས་ཡུལ་སྐོར་བའི་ཁ་པར་དུ་གསང་མྱུལ་གྱི་མཉེན་ཆས་ལྡུག་བཞིན་པ།
vot.org -
རྒྱ་ནག་གིས་ཤིན་ཅང་གི་ནུབ་རྒྱུད་ཁག་གི་ས་མཚམས་སུ་ཡུལ་སྐོར་སྤྲོ་འཆམ་པ་དག་གི་ཁ་པར་དུ་གསང་བའི་མྱུལ་ཞིབ་ཀྱི་མཉེན་ཆས་ཤིག་བཙན་གྱིས་ཕབ་ལེན་བྱེད་དུ་འཇུག་བཞིན་པ་དང་། ཁ་པར་གྱི་མཉེན་ཆས་དེས་མི་སྒེར་གྱི་ཡིག་ངག་གཉིས་ཀྱི་འབྲེལ་བ་དང་ཁ་ཆེ་མི་རིགས་དང་འབྲེལ་བའི་ཡིག་ཆ་དང་གཞས་སོགས་ཡོད་ཚད་སྲིད་གཞུང་གིས་ཞིབ་བཤེར་བྱེད་སླ་ཕྱིར་དམ་དྲག་རང་བཞིན་གྱི་གསང་མྱུལ་བྱེད་བཞིན་འདུག
དེ་རིང་ The Guardian གསར་ཁང་གིས་གནས་ཚུལ་སྤེལ་བར་རྒྱ་ནག་སྲིད་གཞུང་གིས་ཁ་ཆེ་མི་རིགས་འདུས་སྡོད་ཀྱི་ཤིན་ཅང་ས་ཁུལ་དུ་དམ་དྲག་བྱེད་ཤུགས་ཆེར་བཏང་སྟེ་ཕྱི་ནང་གི་ས་མཚམས་བརྒལ་མཁན་དག་གི་ཁ་པར་དུ་ 蜂采 ཧྥན་ཚཱེ་ཞེས་པའི་གསང་མྱུལ་གྱི་མཉེན་ཆས་ཕབ་ལེན་བྱེད་དུ་འཇུག་བཞིན་པ་མ་ཟད། ས་ཁུལ་དེའི་གཞུང་ལམ་དང་ལྷ་ཁང་སོགས་སུ་མི་སྒེར་གྱི་གདོང་རིས་ངོས་འཛིན་ཐུབ་པའི་གསང་མིག་གི་པར་ཆས་སོགས་འཛུགས་བཞིན་ཡོད་པ་མངོན་གསལ་གནང་འདུགGuardian གསར་ཁང་དང་རྒྱལ་སྤྱིའི་ཚོགས་ཁག་རྣམས་ཀྱིས་མཉམ་འབྲེལ་གྱིས་ཞིབ་འཇུག་བྱས་པ་ལྟར་ན། ཤིན་ཅང་དང་ཐག་ཉེ་བའི་ཀཱ་ཛ་ཀིའི་མི་མང་རྒྱལ་མཚམས་བརྒལ་ནས་ཤིན་ཅང་གི་ས་ཁུལ་དུ་ཆེད་སྐྱོད་བྱས་ཚེ་རྒྱ་ནག་སྲིད་གཞུང་གིས་གསང་བའི་སྒོ་ནས་འགྲུལ་སྐྱོད་པ་དེ་དག་གི་ཁ་པར་ནང་དུ་མྱུལ་ཞིབ་ཀྱི་མཉེན་ཆས་ཤིག་ཡར་འཇུག་བྱེད་ཀྱི་ཡོད་པ་ཤེས་རྟོགས་བྱུང་བ་བཞིན། མཉེན་ཆས་དེ་དག་གིས་མི་སྒེར་གྱི་འགྲོ་འདུག་སྤྱོད་གསུམ་གྱི་བྱ་སྤྱོད་དག་སྲིད་གཞུང་ལ་རྩིས་སྤྲོད་བྱེད་ཀྱི་ཡོད་པ་ར་འཕྲོད་བྱུང་འདུག
དེ་བཞིན་འཇར་མན་གྱི་གསར་ཁང་ཞིག་དང་ཨ་རིའི་དུས་བབ་གསར་ཁང་གཉིས་ཀྱིས་ཀྱང་གནས་ཚུལ་དེར་ཞིབ་འཇུག་བྱས་པའི་གྲུབ་དོན་དུ་ཤིན་ཅང་གི་ནུབ་རྒྱུད་ཀྱི་ས་མཚམས་ Irkeshtam བརྒྱུད་ནས་རྒྱལ་ནང་བསླེབ་མཁན་ཚོར་རྒྱ་ནག་སྲིད་གཞིག་གི་ཉེན་སྲུང་བས་ཉིན་རྟག་ཁ་པར་ལ་ཞིབ་བཤེར་ནན་མོ་བྱེད་བཞིན་པ་ཤེས་རྟོགས་བྱུང་ཡོད་པ་རེད།
དེ་བཞིན་གྷ་ཌཎ་དང་དྲྭ་རྒྱའི་བདེ་འཇགས་ཆེད་མཁས་པས་ཞིབ་དཔྱད་གནང་བར་རྒྱ་ནག་འཕྲུལ་ལས་བཟོ་གྲྭས་གསར་བཟོ་བྱས་པའི་གསང་བའི་མྱུལ་ཞིབ་ཀྱི་མ་ལག་དེའི་ནང་སྲིད་གཞུང་གིས་བཀག་སྡོམ་བྱས་ཡོད་པའི་གནས་ཚུལ་མང་པོ་ཞིག་ཡོད་པ་ར་འཕྲོད་བྱུང་བའི་ཁྲོད་ཁ་ཆེའི་དྲག་སྤྱོད་དང་འབྲེལ་བའི་རིགས། ཁ་ཆེའི་སྨྱུང་གནས་དུས་སྟོན། ལྷག་དོན་༸གོང་ས་མཆོག་གི་ཕྱག་དེབ་ཁག་ཀྱང་བཀག་སྡོམ་བྱས་ཡོད་པ་བརྗོད་འདུག
གྷ་ཌཎ་གསར་ཁང་གིས་ཤིན་ཅང་ས་ཁུལ་དུ་འགྲོ་སྐྱོད་བྱེད་མྱོང་ཡོད་པའི་མི་མང་པོ་ཞིག་ལ་བཅར་འདྲི་བྱས་པར་མང་ཆེ་བས་ཤིན་ཅང་ས་ཁུལ་དུ་ཞིབ་བཤེར་གྱི་འགག་སྒོ་མང་པོ་བརྒྱུད་དགོས་པ་མ་ཟད། མི་སྒེར་གྱི་ཁ་པར་ཡང་ཉེན་སྲུང་བར་སྤྲོད་དགོས་པའི་དྲིས་ལན་གཅིག་གྱུར་བྱུང་ཡོད་པ་ལྟར་མི་ལ་ལས་ཤིན་ཅང་གི་ས་ཁུལ་དུ་ཞིབ་བཤེར་བྱེད་སྟངས་དེ་ནི་ཁྲིམས་དང་མི་མཐུན་པ་མ་ཟད། ས་གནས་དེར་དར་ཁྱབ་ཆེ་བའི་རྩུབ་སྤྱོད་རང་བཞིན་ལྡན་པ་ཞིག་རེད་ཅེས་བཤད་འདུགདེ་བཞིན་འགྲོ་བ་མིའི་ལྟ་ཞིབ་ཁང་གི་རྒྱ་ནག་གི་ཞིབ་འཇུག་པ་རྒན་པ་མཱ་ཡཱ་ཝང་གིས་གསར་ཁང་ལ་རྒྱ་ནག་ནང་གི་དེང་རབས་ཀྱི་མཉེན་ཆས་དེ་དག་གིས་མི་སྒེར་གྱི་ཁ་པར་ནང་གི་གནས་ཚུལ་ཡོད་ཚོད་འཚོལ་བསྡུ་བྱེད་ཐུབ་པ་མ་ཟད། སྔོན་ཆད་ཁ་པར་ནས་ནག་བསུབ་ཟིན་པའི་ཡིག་ཆ་དང་བརྙན་པར་སོགས་ཀྱང་མཁོ་འདོན་བྱེད་ཐུབ་ཀྱི་ཡོད་པར་འགྲེལ་བརྗོད་ཀྱིས་དམིགས་བསལ་གྱི་ཤིན་ཅང་ཁུལ་གྱི་ཏུར་ཀིའི་ས་ཁུལ་གྱི་མི་མང་ནི་རྒྱ་ནག་གི་གསང་མྱུལ་ཞིབ་བཤེར་གྱི་དམིགས་འབེན་གཙོ་བོར་ཁེལ་ཡོད་པའི་ས་ཁུལ་ཞིག་རེད་ཅེས་འགྲེལ་བརྗོད་བྱས་འདུག
རྩ་བའི་ཤིན་ཅང་ས་ཁུལ་དུ་ལོ་རེར་རྒྱལ་ནང་དང་ཕྱི་རྒྱལ་གྱི་ཡུལ་སྐོར་སྤྲོ་འཆམ་པ་ས་ཡ་བརྒྱ་ཙམ་ཡོང་གི་ཡོད་པ་ལྟར། མང་ཆེ་བ་ཤིན་ཅང་གི་ནུབ་རྒྱུད་ཀྱི་ས་ཚིགས་དེ་བརྒྱུད་ནས་ཡོང་གི་ཡོད་པ་རེད། ད་ཆ་རྒྱ་ནག་གིས་ཤིན་ཅང་ས་ཁུལ་ནང་མྱུལ་ཞིབ་ཀྱི་བརྙན་མིག་གི་པར་ཆས་མང་དུ་གསར་འཛུགས་བྱས་ཡོད་པ་མ་ཟད། མི་སྒེར་གྱི་ཁ་པར་དུའང་ཡིག་ངག་གཉིས་ཀྱི་གསང་བ་ཞིབ་བཤེར་བྱེད་ཐུབ་པའི་མཉེན་ཆས་ཤིག་ཁ་པར་དུ་ཕབ་ལེན་བྱེད་དུ་འཇུག་བཞིན་པ་ལྟར་འདི་ལོ་ནས་བོད་ནང་རྒྱ་ནག་གིས་ནག་སེལ་གཤེད་བཅོམ་ཟེར་བའི་སྲིད་བྱུས་ལག་བསྟར་གྱིས་བོད་དུ་སྐད་འཕྲིན་གྱི་ཚོགས་པ་སོ་སོའི་ཚོགས་གཙོ་ལ་ཉེན་བརྡ་བཏང་སྟེ། རྒྱ་ཁབ་ཀྱི་བདེ་འཇགས་ལ་གནོན་པའི་བྱེད་ལས་ཡོངས་རྫོགས་མཚམས་འཇོག་དགོས་པའི་བཀའ་ཆད་བཏང་ཡོད་པ་རེད།
དེ་བཞིན་དེ་རིང་རཱོ་ཊར་གསར་ཁང་གིས་ཁ་སང་མཉམ་འབྲེལ་རྒྱལ་ཚོགས་ཀྱི་བདེ་འཇགས་ལྷན་ཚོགས་ཀྱི་ཚོགས་འདུ་ཞིག་གི་ཐོག་ཨིན་ཡུལ་དང་འཇར་མ་ནིའི་སྐུ་ཚབ་ཀྱིས་རྒྱ་ནག་གིས་ཡུ་གུར་མི་མང་ས་ཡ་གཅིག་ཙམ་བཀག་སྐྱིལ་ཁང་དུ་བཙོན་འཇུག་བྱས་ཡོད་པར་སྐྱོན་བརྗོད་གནང་སྟེ་རྒྱ་ནག་གིས་ཁ་ཆེའི་མི་མང་གི་ཐོབ་ཐང་ལ་རྡོག་རོལ་གཏོང་གི་ཡོད་པ་མངོན་གསལ་གནང་ཡོད་ཀྱང་། རྒྱ་ནག་གིས་དེ་ནི་རྒྱ་ནག་རང་གི་ནང་སྲིད་ཀྱི་གནད་དོན་ཞིག་ཡིན་པར་བརྟེན་ཨིན་ཡུལ་དང་འཇར་མན་རྒྱལ་ཁབ་ཀྱིས་གནས་ཚུལ་དེར་ཐེ་གཏོགས་བྱེད་པའི་ཐོབ་ཐང་མེད་ལུགས་ཀྱི་བརྡ་ལན་སྤྲད་འདུག
བོད་ཀྱི་རྒྱལ་ས་ལྷ་སར་ཉེན་རྟོག་པའི་སྣུམ་འཁོར་འགྲེམས་འཇོག་གིས་དམ་དྲག་སྔར་ལྷག་བྱེད་བཞིན་པ།
vot.org -
བོད་ཀྱི་རྒྱལ་ས་ལྷ་སའི་བཞི་མདོ་ཁག་ཏུ་ལྟ་སྲུང་བྱེད་མཁན་ཉེན་རྟོག་པའི་འདུག་སྡོད་རེར་སྣུམ་འཁོར་རེར་འགྲེམས་འཇོག་གིས་དམ་དྲག་སྔར་ལྷག་བྱེད་བཞིན་པ་རེད་འདུག
ཉེ་ལམ་ཉི་ཧོང་གི་ཡུལ་སྐོར་སྤྲོ་འཆམ་པ་ཞིག་གིས་ཁྲན་ཏུ་གྲོང་ཁྱེར་ནས་ཕྱི་ཟླ་ ༧ ཚེས་ ༡ ཉིན་གྱི་དགོང་མོ་ཚོུད་ ༧ པ་ཡོལ་ཙམ་ལ་རྒྱ་ནག་གི་དམག་མི་གནམ་གྲུ་མང་པོ་ཞིག་འཕུར་བ་མཐོང་ཡོད་སྐོར་སྤྱི་ཚོགས་དྲྭ་ལམ་ནང་བཀོད་པ་དང་སྦྲགས། ཁོང་གིས་ད་ཆ་ཧོང་ཀོང་ནང་ཉེས་ཅན་རྩིས་སྤྲོད་ཀྱི་ཁྲིམས་འཆར་རྐྱེན་པས་ངོ་རྒོལ་ཤུགས་ཆེ་བྱུང་བའི་ཁྲོད་དེའི་ཤུགས་རྐྱེན་བོད་ནང་དུ་བྱུང་སྲིད་པ་དང་རྒྱ་གཞུང་གིས་དེ་འབྲེལ་དམ་དྲག་བྱེད་སྲིད་པར་ཚོད་དཔག་གནང་འདུག
རླུང་འཕྲིན་ཁང་གི་རྒྱ་ཡིག་ཚན་པའི་ལས་བྱེད་ཟུར་པ་བསྟན་འཛིན་ཕན་ཐོགས་ལགས་སུ་བོད་ནས་དེ་འབྲེལ་གནས་ཚུལ་མཁོ་སྤྲོད་གནང་བར་གཞིགས་ཚེ་ད་ཆ་བོད་ཀྱི་རྒྱལ་ས་ལྷ་སར་རྒྱ་གཞུང་གིས་བཞི་མདོ་ཁག་ཏུ་ཡོད་པའི་ཉེན་རྟོག་པ་འདུག་སྡོད་རེར་སྣུན་འཁོར་རེར་འགྲེམས་འཇོག་དང་དམ་དྲག་སྔར་ལྷག་བྱེད་བཞིན་ཡོད་པ་གསུངས་ཡོད་པ་དང་། དེ་བཞིན་གནས་ཚུལ་མཁོ་སྤྲོད་པས་ཁོང་ལ་ཉེ་ལམ་རྒྱ་གཞུང་གིས་བོད་ནང་ནག་སེལ་གཤེད་བཅོམ་གྱི་སྲིད་བྱུས་ལག་བསྟར་བྱེད་བཞིན་པའི་འོག་རྒྱ་གཞུང་གིས་ས་ཁུལ་སོ་སོར་མི་འཛིན་བཟུང་བྱེད་དགོས་པའི་བརྒྱ་ཆ་གཏན་འབེབས་ཀྱིས་འདས་པའི་ཟླ་བ་བཞི་ཙམ་ནང་ལྷ་ས་དང་ལྷོ་ཁ་ཁུལ་ནས་ཁབ་གཙགས་བརྒྱབ་མཁན་གཙོས་བོད་མི་མང་དག་ཅིག་འཛིན་བཟུང་བྱས་ཡོད་པ་ངོ་སྤྲོད་གནང་འདུག
གཞི་རྩའི་ཧོང་ཀོང་ནས་རྒྱ་ནག་སྐམ་ས་ཆེན་པོ་དང་ལྷན་དུ་ཉེས་ཅན་རྩིས་སྤྲོད་ཀྱི་ཁྲིམས་འཆར་བཞག་རྒྱུའི་ཐད་ཧོང་ཀོང་མང་ཚོགས་ནས་ངོ་རྒོལ་གནང་མུས་དང་ཟླ་བ་ ༧ ཚེས་ ༡ ཉིན་ཨིན་ཇིས་ཧོང་ཀོང་གི་བདག་དབང་རྒྱ་ནག་ལ་རྩིས་སྤྲོད་བྱས་ནས་ལོ་འཁོར་དུས་དྲན་ཐེངས་ ༢༢ པ་འཁེལ་བ་དང་བསྟུན། ཧོང་ཀོང་མང་ཚོགས་སྟོང་ཕྲག་བརྒལ་བ་ནས་ཁྲིམས་འཆར་དེར་ངོ་རྒོལ་དང་། ཡང་ཁག་གཅིག་ནས་དེ་གའི་གྲོས་ཚོགས་ལ་བཙན་རྒོལ་དང་། དེ་བཞིན་དེ་སྔོན་ཧོང་ཀོང་ཨིན་ཇིའི་མངའ་ཁུལ་དུ་ཡོད་སྐབས་ཀྱི་དར་ཆ་འཕྱར་བ་སོགས་བྱས་ཡོད་སྟབས། ཉེན་རྟོག་པས་རྒྱལ་སྤྱིའི་ཚོགས་སྐྱིད་ཁག་གིས་སྐྱོན་བརྗོད་གནང་བར་ལྟོས་མེད་བསྐྱར་དུ་མིག་ཆུ་དུག་རླངས་སྤྱོད་རྐྱེན་འགོག་རྒོལ་བ་མི་ ༥༤ ལྷག་སྨན་ཁང་དུ་འགྲོ་དགོས་པ་བྱུང་འདུག
གནད་དོན་དེ་དང་འབྲེལ་ནས་ཁ་སང་ཧོང་ཀོང་གི་སྤྱི་ཁྱབ་ཀེ་རི་ལེམ་ལགས་ཀྱིས་སྔ་དྲོ་ཚོུད་ ༤ ཐོག་གསར་འགོད་ལྷན་ཚོགས་བསྐོང་ཐོག་ཧོང་ཀོང་མང་ཚོགས་ནས་གྲོས་ཚོགས་ནང་བྱ་སྤྱོད་དེ་ལྟར་སྤེལ་བ་དེར་ཐུགས་ཕམ་དང་སྦྲགས། ཧོང་ཀོང་ནང་ཁྲིམས་ལས་གལ་ཆེ་བ་མེད་པ་དང་དྲག་སྤྱོད་ཀྱི་བྱ་སྤྱོད་སྤེལ་མཁན་ལ་སྐྱོན་བརྗོད་ཤུགས་ཆེ་གནང་འདུག འོན་ཀྱང་ཨིན་ཡུལ་གྱི་ཕྱི་འབྲེལ་དྲུང་ཆེ་ Jeremy Hunt མཆོག་གིས་རྒྱ་ནག་ནས་ཧོང་ཀོང་རྒྱལ་ཁབ་གཅིག་དང་ལམ་ལུགས་གཉིས་ཀྱི་སྲིད་བྱུས་ཀྱི་གྲོས་མཐུན་དེར་བརྩི་འཇོག་མ་བྱས་པ་དང་། དེ་བཞིན་རྒྱ་ནག་ནས་ཧོང་ཀོང་མི་མང་གི་གྲོས་ཚོགས་ལ་བཙན་རྒོལ་བྱས་པར་བཏགས་ཏེ་ཧོང་ཀོང་གི་གཞི་རྩའི་རང་དབང་ལ་དོ་ཕོག་གཏང་ཚེ་དེའི་མཇུག་འབྲས་འཚབས་ཆེན་ཐོན་ངེས་ཡིན་པར་ཉེན་བརྡ་བཏང་འདུག
རྩ་བའི་ཧོང་ཀོང་མི་མང་ནས་ཧོང་ཀོང་གཞུང་ནས་རྒྱ་ནག་དང་ལྷན་དུ་ཉེས་ཅན་རྩིས་སྤྲོད་ཀྱི་ཁྲིམས་འཆར་གཏན་འབེབས་གནང་ཚེ་ཧོང་ཀོང་ནང་གི་འགྲོ་བ་མིའི་ཐོབ་ཐང་རྩོད་ལེན་པ་དང་ལས་འགུལ་བ་སོགས་ཀྱི་ཚེ་སྲོག་ཉེན་འཚབས་ཆེན་པོའི་འོག་ཏུ་ལྷུང་བ་དང་། ཁྲིམས་འཆར་དེས་རྒྱལ་ཁབ་གཅིག་དང་ལམ་ལུགས་གཉིས་ཀྱི་སྲིད་བྱུས་ལ་དོ་ཕོག་གཏོང་བར་ཡིད་ཆེས་བྱེད་བཞིན་པ་དང་། ཁྲིམས་འཆར་དེ་ཕྱིར་འཐེན་དང་། སྤྱི་ཁྱབ་ཀེ་རི་ལེམ་ལས་གནས་ནས་རྩ་དགོངས་ཞུ་དགོས་པ་སོགས་ཀྱི་དགོས་འདུན་ཆེད་བཏོན་གནང་ཐོག་ངོ་རྒོལ་རིམ་པ་གནང་ཡོད་པ་རེད།
༸སྐུའི་ཡང་སྲིད་མཐོང་སྣང་དོད་པའི་བེུད་རྟེན་ཅན་དགོས་སྐོར་བཀའ་བསྩལ་བ་དེ་བེུད་ལ་ཁྱད་གསོད་མཛད་མེད་པའི་གསལ་བཤད།
vot.org -
དེ་རིང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གསལ་བཤད་དང་སྦྲགས། མགོན་པོ་༸གང་ཉིད་མཆོག་གིས་ཉེ་ཆར་བྷི་བྷི་སི་གསར་ཁང་ལ་༸སྐུའི་ཡང་སྲིད་བེུད་རྟེན་ཅན་དུ་ཕེབས་ཚེ་དེ་ Attractive འམ་མཐོང་སྣང་དོད་པོ་དགོས་ཞེས་བཀའ་བསྩལ་བ་དེ་བེུད་སྤྱིའི་ཆེ་མཐོང་ལ་ཁྱད་གསོད་དང་དམའ་འབེབ་མཛད་པ་ཞིག་རྩ་བ་ནས་མིན་པ་དང་། གལ་ཏེ་མང་ཚོགས་ལ་ཕོག་ཐུག་བྱུང་ཡོད་ཚེ་དེར་དགོངས་སེལ་ཞུ་ཡི་ཡོད་ཅེས་བཀའ་བསྩལ་འདུགཉེ་ཆར་རྒྱལ་སྤྱིའི་གསར་འགྱུར་བརྒྱུད་ལམ་གྲགས་ཅན་བྷི་བྷི་སི་བརྙན་འཕྲིན་ལས་ཁང་གི་ལྷོ་ཨ་ཤ་ཡའི་ས་གནས་གསར་འགོད་པ་ལྕམ་ Rajini Vaidyanathan ལགས་ཀྱིས་༸གོང་ས་༸སྐྱབས་མགོན་ཆེན་པོ་མཆོག་ལ་དམིགས་བསལ་བཀའ་འདྲི་ཞུས་པའི་སྐར་མ་གསུམ་དང་ཕྱེད་ཀ་ལྷག་ཙམ་ཡོད་པའི་བརྙན་ཐུང་ཞིག་འདོན་སྤེལ་གནང་ཡོད་པ་ལྟར། དེའི་ནང་མགོན་པོ་༸གང་ཉིད་མཆོག་གིས་ཨ་རིའི་སྲིད་འཛིན་སྐུ་ཞབས་ Donald Trump མཆོག་དང་ཨིན་ཡུལ་ཡུ་རོབ་སྤྱི་མཐུན་ཚོགས་པ་ནས་ཕྱིར་འཐེན། བོད་དོན་དང་རྒྱ་ནག དེ་བཞིན་བེུད་རྟེན་ཅན་གྱི་ཏཱ་ལའི་བླ་མ་བཅས་གནད་དོན་ལྔའི་ཐོག་བཀའ་ལན་མཛད་སྐབས་སུ་གནད་དོན་ལྔ་པ་སྟེ་བེུད་རྟེན་ཅན་གྱི་ཏཱ་ལའི་བླ་མ་ཕེབས་སྲིད་མིན་སྐོར་དང་འབྲེལ་ནས་མགོན་པོ་༸གང་ཉིད་མཆོག་གིས་མ་འོངས་པར་དགོས་དབང་ཡོད་ཚེ་༸གོང་ས་མཆོག་གི་༸སྐུའི་ཡང་སྲིད་དེ་བེུད་རྟེན་ཅན་དུ་ཕེབས་སྲིད་པ་དང་བེུད་དེ་ Attractive འམ་མཐོང་སྣང་དོད་པོ་དགོས་གལ་གཟིགས་སྐོར་བཀའ་བསྩལ་ཡོད་པ་རེད།
གནད་དོན་དེའི་ཐོག་ད་ཆ་ངོ་དེབ་དང་སྤྱི་ཚོགས་བརྒྱུད་ལམ་ Twitter དང་ Instagram ཁག་ཏུ་༸གོང་ས་མཆོག་ལ་བེུད་ཐོབ་ཐང་རྩོད་ལེན་པ་དང་ལས་འགུལ་བ། དེ་བཞིན་སྒྱུ་རྩལ་བ་སོགས་ཧ་ཅང་མང་པོས་བློ་ཕམ་གྱི་རྣམ་འགྱུར་དང་བཅས་མགོན་པོ་༸གང་ཉིད་མཆོག་གི་ཞལ་སྔ་ནས་བཀའ་བསྩལ་བའི་བེུད་མཐོང་སྣང་དོད་པོ་ཞེས་པའི་ཚིག་དེ་ཐལ་དྲག་པར་སྐྱོན་བརྗོད་ཞུ་བཞིན་འདུག་པ་དང་། ལ་ལ་ཞིག་གིས་༸གོང་ས་མཆོག་གི་ Twitter དྲྭ་གནས་ནག་བསུབ་གཏོང་དགོས་པ་དང་ཡུལ་ལུང་ཁ་ཤས་ནང་མཐོང་མཆན་དབུལ་རྒྱུ་མེད་པར་ལས་འགུལ་སྤེལ་མཁན་དང་དཔྱད་བརྗོད་སྤེལ་མཁན་སོགས་བྱུང་ཡོད་སྟབས། བོད་མིའི་ཁྲོད་ཆེས་བློ་འཚབ་ཀྱིས་གླེང་སློང་དང་བྷི་བྷི་སི་གསར་འགོད་པ་དེའི་ངོས་ནས་༸རྒྱལ་བའི་དགོངས་པ་གང་ཡིན་གསལ་པོ་མ་རྟོགས་པར་སྐྱོན་བརྗོད་གནང་མཁན་མང་པོ་བྱུང་ཡོད་མ་ཟད། བོད་མི་མི་ཉུང་བ་ཞིག་གིས་༸དཔལ་ལྡན་དགའ་ལྡན་ཕོ་བྲང་ལ་གནད་དོན་དེའི་ཐད་ཐུགས་སྣང་སྔར་ལྷག་གནང་གནད་ཆེ་ཚུལ་གྱི་འབོད་སྐུལ་ཡང་ཞུས་འདུགགནད་དོན་དེའི་ཐད་དེ་རིང་ཉིན་རྒྱབ་༸དཔལ་ལྡན་དགའ་ལྡན་ཕོ་བྲང་ཡིག་ཚང་གི་དྲྭ་གནས་ཐོག་༸གོང་ས་མཆོག་གི་མཚན་ཐོག་ནས་གསལ་བཤད་ཅིག་འདོན་སྤེལ་བའི་ནང་༸གང་ཉིད་མཆོག་གིས་ཉེ་ཆར་བྷི་བྷི་སི་གསར་ཁང་ལ་༸སྐུའི་ཡང་སྲིད་བེུད་རྟེན་ཅན་དུ་ཕེབས་ཚེ་དེ་ Attractive འམ་མཐོང་སྣང་དོད་པོ་དགོས་ཞེས་བཀའ་བསྩལ་བ་ནི་བེུད་སྤྱིའི་ཆེ་མཐོང་ལ་ཁྱད་གསོད་དང་དམའ་འབེབ་མཛད་པ་ཞིག་རྩ་བ་ནས་མིན་པ་དང་། གལ་ཏེ་མང་ཚོགས་ལ་ཕོག་ཐུག་བྱུང་ཡོད་ཚེ་དེར་དགོངས་སེལ་ཞུ་ཡི་ཡོད་ཅེས་བཀའ་བསྩལ་བ་དང་སྦྲགས། ༸གོང་ས་མཆོག་གིས་དུས་རྟག་ཏུ་མང་ཚོགས་ལ་ཕྱིའི་རྣམ་པ་ལས་འགྲོ་བ་མི་གཅིག་མཚུངས་ཀྱི་འདུ་ཤེས་ཐོག་ནས་ཕན་ཚུན་འབྲེལ་ལམ་གནང་གལ་ཐོག་ལམ་སྟོན་ནན་པོ་མཛད་ཀྱི་ཡོད་པ་ལྟར། མགོན་པོ་མཆོག་དང་དངོས་སུ་ཞལ་མཇལ་མྱོང་མཁན་དང་ཐུགས་རྒྱུས་ཡོད་མཁན་རྣམས་ཀྱིས་༸གོང་ས་མཆོག་གི་དགོངས་པ་དེར་དམིགས་བསལ་ཞིག་ལ་ངོས་འཛིན་དང་མངོན་པར་བསྟོད་ཀྱི་ཡོད་པ་བཀོད་འདུག
རྩ་བའི་༸གོང་ས་མཆོག་གིས་བེུད་རྟེན་ཅན་གྱི་ཏཱ་ལའི་བླ་མ་ཕེབས་སྲིད་མིན་སྐོར་དེ་སྔ་ཕྱི་ལོ་ ༡༩༩༢ ལོར་པེ་རིས་ཀྱི་ Vogue དུས་དེབ་ཀྱི་རྩོམ་སྒྲིག་པས་བཅར་འདྲི་ཞུས་པར་བཀའ་ལན་མཛད་སྐབས་སུ་དེང་དུས་དཔེ་གསར་གྱི་འཛམ་གླིང་འགྲོས་དང་མཐུན་ནས་ཞལ་ཤོབ་དང་འབྲེལ་ནས་དེའི་སྐོར་བཀའ་ལན་བསྩལ་བ་ཞིག་ཆགས་ཀྱི་ཡོད་པར་གསལ་བཤད་གནང་འདུག ལྷག་དོན་དགུང་ལོ་བརྒྱད་ཅུའི་ནང་ཕེབས་པའི་༸གོང་ས་མཆོག་འཛམ་གླིང་ཡུལ་གྲུ་གང་སར་ཆིབས་བསྒྱུར་མཛད་སྐབས་དེང་སྐབས་ཀྱི་ཕྱི་དངོས་པོའི་ཡར་རྒྱས་དང་གོ་ལ་གཅིག་གྱུར་གྱི་ཁོར་ཡུག་འདིའི་ནང་བོད་བརྒྱུད་ནང་བསྟན་གྱི་ཡང་སྲིད་ཕེབས་ཕྱོགས་ཀྱི་གནད་དོན་ཐད་ལ་གཟིགས་ཚུལ་འདྲ་མིན་འཛིན་མཁན་ཡོང་གི་ཡོད་པ་མཁྱེན་རྟོགས་གཏིང་ཟབ་ཡོད་མཁན་ཞིག་ཡིན་ཀྱང་། སྐབས་རེར་ཞལ་ཤོབ་དང་འབྲེལ་ནས་བཀའ་བསྩལ་བའི་བཀའ་སློབ་ཁག་གཅིག་ལ་རྒྱབ་ལྗོངས་འདྲ་མིན་དབང་གིས་སྐད་ཡིག་དང་གསུང་སྒྱུར་གནང་སྐབས་གནས་ཚུལ་ལོག་འགྲེལ་འམ་གོ་ནོར་ཐེབས་པ་རིགས་ཡོང་གི་ཡོད་སྟབས། དེའི་བརྒྱུད་བློ་ཕམ་བྱུང་བའི་མང་ཚོགས་ལ་ཐུགས་ཕམ་ཡོད་ཅེས་བཀའ་བསྩལ་འདུགལྷག་པར་དུ་༸གང་ཉིད་མཆོག་གིས་༸སྐུ་ཚེ་ཧྲིལ་པོའི་རིང་བེུད་ལ་དམིགས་བསལ་ཆེ་མཐོང་གིས་བེུད་དག་གི་ཐོབ་ཐང་དང་ཕོ་མོ་འདྲ་མཉམ་བཅས་ཀྱི་ཐོག་རྒྱབ་སྐྱོར་ཤུགས་ཆེ་གནང་མཁན་ཆོས་ཕྱོགས་ཀྱི་དབུ་ཁྲིད་གྲས་ཤིག་ཡིན་པ་མ་ཟད། མགོན་པོ་མཆོག་གིས་དབུ་ཁྲིད་ལམ་སྟོན་འོག་བཙན་བྱོལ་ནང་ཆེས་ཐོག་མའི་དགེ་བཤེས་མའི་ལམ་སྲོལ་བྱུང་ཡོད་པ་དང་དེ་བཞིན་མགོན་པོ་༸གང་ཉིད་མཆོག་གིས་དུས་རྟག་ཏུ་འཛམ་གླིང་འདི་སྔར་ལས་ཞི་བདེ་བག་ཕེབས་ཡོང་བར་བེུད་འགོ་ཁྲིད་མང་ཙམ་དགོས་གལ་སྐོར་བཀའ་སློབ་མང་དག་ཅིག་ཕེབས་ཡོད་པ་སོགས་འགྲེལ་བརྗོད་གནང་འདུག
བྷི་བྷི་སིའི་བཅར་འདྲིའི་ལས་རིམ་ཐོག་༸གོང་ས་མཆོག་གིས་སྐྱབས་བཅོལ་བའི་གནད་དོན་དང་འབྲེལ་༸གང་ཉིད་མཆོག་སྐྱབས་བཅོལ་བ་ཞིག་ཡིན་པའི་ཆ་ནས་སྐྱབས་བཅོལ་བ་གཞན་གྱི་མྱོང་ཚོར་སོགས་གསལ་པོ་རྟོགས་ཐུབ་ཀྱི་ཡོད་སྟབས། རྒྱལ་ཁབ་གཞན་ཚོས་ངེས་པར་དུ་སྐྱབས་བཅོལ་བ་དེ་དག་དང་བཞེས་གནང་དགོས་པ་དང་ཁོང་ཚོར་ཤེས་ཡོན་སློབ་གསོ་སྤྲད་ནས་ཕྱིར་རང་ཡུལ་ལ་ལོག་ཐུབ་རྒྱུའི་དམིགས་ཚད་བཟུང་དགོས་པ་སོགས་ལམ་སྟོན་མཛད་ཡོད་པ་ཡང་གསལ་བཤད་གནང་འདུག་པ་མ་ཟད། མགོན་པོ་༸གང་ཉིད་མཆོག་གིས་ད་ཆ་འཛམ་གླིང་ཐོག་དམག་འཁྲུག་དང་མི་བསད་ཁྲག་སྦྱོར་ལ་སོགས་པའི་དཀའ་ངལ་མང་དག་ཅིག་འཕྲད་བཞིན་པ་ནི་ང་ཚོ་དང་ཁོང་ཚོ་ཞེས་པའི་རིམ་པ་གཉིས་པའི་ཕྱོགས་རིས་ཀྱི་བསམ་བློ་དང་འགྲོ་བ་མི་ཕན་ཚུན་དབར་གཅིག་གྱུར་གྱི་འདུ་ཤེས་མེད་རྐྱེན་ཡིན་པར་བཀའ་བསྩལ་ཏེ་འགྲོ་བ་མི་གཅིག་གྱུར་གྱི་འདུ་ཤེས་གོང་འཕེལ་ཐོག་ནས་གོ་ལའི་ངལ་བ་རྣམས་སེལ་དགོས་གནད་ཡིན་པ་ལམ་སྟོན་རྒྱ་ཆེ་མཛད་འདུག
རེས་གཟའ་མིག་དམར། ༢༠༡༩།༠༧།༠༢
vot.org -
ཉན་པ།: Listen
ཕབ་ལེན། Download
བཀག་སྐྱིལ་ཁང་གི་སྲིད་བྱུས་ལག་བསྟར་བྱས་པ།
བེུད་རྒྱལ་ཡོངས་སིལ་སྤོལ་རྩེད་འགྲན་ཆེས་ཐོག་མ་དབུ་འཛུགས།
༸སྐུའི་ཡང་སྲིད་མཐོང་སྣང་དོད་པའི་བེུད་རྟེན་ཅན་དགོས་སྐོར་བཀའ་བསྩལ་བ་དེ་བེུད་ལ་ཁྱད་གསོད་མཛད་མེད་པའི་གསལ་བཤད།
བོད་ཀྱི་རྨ་འབྲི་རྫ་གསུམ་འགོ་ཁུངས་ས་ཁུལ་རྣམས་སྲུང་སྐྱོབ་དགོས་པའི་འབོད་སྐུལ།
ཤེས་ཡོན་གྱི་རྒྱབ་ལྗོངས་མི་འདྲ་བའི་ན་གཞོན་ ༣༠ ལྷག་ནས་རྩོམ་སྒྱུར་ཟབ་སྦྱོང་ཐེངས་ ༡༤ ནང་མཉམ་ཞུགས།
གླུ་གཞས་ལས་རིམ། སྡེ་དགེ་ཟླ་གཡང་ལགས་ཀྱི་གླུ་གཞས་ཁུ་བྱུག
Tuesday 02/07/2019
Tibetans being held in camps similar to Muslim Uyghur camps in Xinjiang: Sikyong
First Tibetan women’s basketball tournament against TB begins in Dharamsala
I genuinely meant no offence: Dalai Lama issues clarification over 'attractive woman' comment
ICT calls on UNESCO to restore credibility, fulfill mission to protect sites such as Three Parallel Rivers of Yunnan
14th Three-month Annual Intensive Translation Program begins at LTWA, Dharamsala
MUSIC FEATURE: ‘Khuchuk’ by Dege Dayang
རྒྱ་གཞུང་གིས་བོད་དུའང་ཤིན་ཅང་ས་ཁུལ་གྱི་བཀག་སྐྱིལ་ཁང་གི་སྲིད་བྱུས་ལག་བསྟར་བྱས་ཡོད།
vot.org -
སྲིད་སྐྱོང་མཆོག་གིས་རྒྱ་ནག་གིས་སྔ་མོ་ནས་བོད་ཁུལ་དུ་ད་ལྟའི་ཤིན་ཅང་ས་ཁུལ་གྱི་བཀག་སྐྱིལ་ཁང་གི་སྲིད་བྱུས་དེ་ལག་བསྟར་གྱིས་བོད་མི་མང་ཚོགས་ལ་གནོན་ཤུགས་སྤྲོད་བཞིན་ཡོད་པ་གསུངས་ཏེ་འདི་ལོ་ཨ་རིའི་སྲིད་གཞུང་གིས་བོད་ནང་ཕར་འགྲོ་ཚུར་འོང་གི་ཁྲིམས་གཞི་གཏན་འབེབས་བྱས་པ་ལྟར་ཨ་རིའི་སྐུ་ཚབ་ཆེད་དུ་བོད་ནང་སྐྱོད་ཐུབ་ཡོད་པ་བཞིན་ནུབ་ཕྱོགས་ཀྱི་རྒྱལ་ཁབ་གཞན་རྣམས་ཀྱིས་དེ་ལྟ་བུའི་ཁྲིམས་གཞི་ལག་བསྟར་བྱས་ཏེ་དངོས་སུ་བོད་དུ་རྟོག་ཞིབ་གནང་བར་ཕེབས་དགོས་པའི་ཞུ་སྐུལ་གནང་འདུག ཨིན་ཡུལ་དུ་རྟེན་གཞི་བྱས་པའི་རྒྱལ་སྤྱིའི་སྟེང་གི་གསར་ཁང་གྲགས་ཅན་བྷེ་བྷེ་སིའི་ གསར་འགོད་པ་ Zeinab Badawi ལགས་ཀྱིས་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ལ་རྒྱ་ནག་གིས་བོད་ས་བཙན་བཟུང་བྱས་པའི་འདས་མ་ད་གསུམ་གྱི་གནས་བབས་དང་འཐབ་རྩོད་སོགས་ཀྱི་སྐོར་ལ་བཅར་འདྲི་གནང་ཡོད་པ་རེད། གསར་འགོད་པས་སྲིད་སྐྱོང་མཆོག་ལ་རྒྱ་ནག་གིས་ཡུ་གུར་མི་རིགས་མང་པོ་བཀག་སྐྱིལ་ཁང་དུ་བཀག་འགོག་བྱས་ཏེ་དེ་ནི་ཤེས་ཡོན་དང་ལག་ཤེས་སྦྱོང་བརྡར་ལྟེ་གནས་ཁང་ཡིན་པར་འགྲེལ་བརྗོད་བྱེད་བཞིན་ཡོད་པ་ལུང་འདྲེན་གྱིས་བོད་ནང་དུའང་དེ་ལྟ་བུའི་གནས་སྟངས་བྱུང་གི་ཡོད་མེད་སྐོར་བཀའ་འདྲི་ཞུས་པར་ད་ལྟའི་རྒྱ་ནག་དམར་གཞུང་གི་དྲུང་ཆེ་ཤིན་ཅང་གི་འགོ་གཙོ་དེ་ནི་སྔོན་ཆད་བོད་རང་སྐྱོང་ལྗོངས་ཀྱི་དམར་ཤོག་གི་དྲུང་ཆེ་ཡིན་པ་མངོན་གསལ་གནང་སྟེ། བོད་ནང་རྒྱ་ནག་གིས་ད་ལྟའི་ཤིན་ཅང་ས་ཁུལ་དུ་ལག་བསྟར་བྱེད་བཞིན་པའི་མི་མང་བཀག་སྐྱིལ་གྱི་སྲིད་བྱུས་དེ་ལག་བསྟར་བྱས་མྱོང་ཡོད་ཀྱང་། གྲངས་ཚད་ངེས་ཅན་ཞིག་བརྗོད་ཁག་པོ་རེད་ཅེས་ངོ་སྤྲོད་གནང་འདུགདེ་བཞིན་རྒྱལ་སྤྱིའི་སྟེང་ནས་རྒྱ་ནག་དེ་དཔལ་འབྱོར་དང་ཆབ་སྲིད་སྤྱི་ཡོངས་ཀྱི་ཐད་ནས་དབང་ཤུགས་རྒྱས་བཞིན་པའི་ཆ་ནས་ད་ཆ་བོད་དོན་རྒྱབ་སྐྱོར་བྱེད་མཁན་གྱི་རྒྱལ་ཁབ་ཉུང་དུ་འགྲོ་བཞིན་ཡོད་སྐོར་བརྗོད་ཡོད་པར་གསུངས་ཏེ། བོད་དོན་རྒྱབ་སྐྱོར་གོང་མཐོར་གཏོང་ཕྱོགས་ཀྱི་སྐོར་བཀའ་འདྲི་ཞུས་པར་སྲིད་སྐྱོང་མཆོག་གིས་གནས་སྟངས་དེ་འདྲ་ཡོང་གི་འདུག ཐ་ན་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཚན་པའི་ངོས་ནས་རྒྱ་ནག་གི་ནང་གི་འགྲོ་བ་མིའི་ཐོབ་ཐང་གི་ཐད་ནས་ཐག་གཅོད་ཅིག་གནང་བ་ཡིན་ནའང་། ཡོ་རོབ་ཀྱི་རྒྱལ་ཁབ་བཅུ་དྲུག་ལྷག་གི་ནང་ནས་མང་ཤོས་ཀྱིས་བོད་ཀྱི་འགྲོ་བ་མིའི་ཐོབ་ཐང་གི་གནད་དོན་ཐོག་འོས་ཤོག་བླུག་གི་མེད་པའི་གནས་སྟངས་ངོ་སྤྲོད་དང་སྦྲགས། ང་ཚོས་མང་གཙོའི་རྒྱལ་ཁབ་ཡོངས་ལ་རེ་སྐུལ་ཞུས་ཏེ་མང་གཙོ་རྒྱལ་ཁབ་ཁག་གིས་འགྲོ་བ་མིའི་ཐོབ་ཐང་དང་འཚེ་མེད་ཞི་བར་རྒྱབ་སྐྱོར་བྱེད་ཀྱི་ཡོད་ཅེས་ཡོངས་གྲགས་གནང་ཡོད་པ་ལྟར་རྒྱལ་ཁབ་ཅིག་གི་བཟང་སྤྱོད་ཀྱི་ཐོག་ནས་ཀྱང་རྒྱབ་སྐྱོར་བྱེད་འོས་པ་ཞིག་ཡིན་པ་འབོད་སྐུལ་ཞུ་བཞིན་ཡོད་ཅེས་བཀའ་ལན་གནང་ཡོད།ཨིན་ཡུལ་གྱི་ཞིབ་འཇུག་ཚོགས་པ་ཞིག་གིས་བརྟག་དཔྱད་བྱས་པའི་གྲུབ་དོན་དུ་༸གོང་ས་༸སྐྱབས་མགོན་ཆེན་པོ་མཆོག་གིས་གཙོས་པའི་བོད་མིའི་སྒྲིག་འཛུགས་རྒྱ་གར་དུ་གནས་ཡོད་ཀྱང་། དེང་སྐབས་རྒྱ་དཀར་ནག་གི་འབྲེལ་ལམ་ཇེ་བཟང་དུ་འགྲོ་བཞིན་པར་བརྟེན་རྒྱ་གར་གྱིས་ཀྱང་བོད་དོན་སྣང་མེད་ལ་གཏོང་གི་ཡོད་པ་བཀོད་ཡོད་པ་ལུང་འདྲེན་གྱིས་བོད་མི་ལོ་རྒྱུས་སྨྲ་བ་ཚེ་རིང་ཤཱཀྱ་ལགས་ཀྱིས་ཀྱང་ནུབ་ཕྱོགས་རྒྱལ་ཁབ་ཁག་ཏུ་བོད་དོན་རྒྱབ་སྐྱོར་བ་ཉུང་དུ་འགྲོ་བཞིན་ཡོད་སྟབས། རྒྱ་གར་གྱིས་ཀྱང་བོད་དོན་རྒྱབ་སྐྱོར་ཇེ་ཞན་དུ་འགྲོ་བཞིན་ཡོད་སྐོར་བྲིས་ཡོད་པ་དྲི་བ་བཏང་པར་སྲིད་སྐྱོང་མཆོག་གིས་དེ་འདྲ་མ་རེད། རྒྱ་ནག་གིས་རྒྱ་གར་ལ་གནོད་ཤུགས་མང་པོ་སྤྲོད་བཞིན་ཡོད་ཀྱང་། རྒྱ་གར་གྱིས་གནོན་ཤུགས་ཅི་ཡོད་ལ་མ་བལྟས་པར་བོད་ཀྱི་ཆོས་རིག་འཛིན་སྐྱོང་སོགས་ཀྱི་ཐད་ནས་རོགས་རམ་རྒྱ་ཆེར་གནང་བཞིན་ཡོད་པ་མ་ཟད། ཉེ་བའི་ལོ་ཤས་རིང་རྒྱ་གར་གྱིས་རྒྱ་ནག་གཅིག་གི་སྲིད་བྱུས་ཀྱི་གྲོས་ཆོད་དེར་མཚན་རྟགས་བཀོད་མེད་པར་བརྗོད་དེ་གནད་དོན་ཁ་ཤས་ཀྱི་ཐོག་ནས་རྒྱ་གར་གྱིས་རྒྱབ་སྐྱོར་དེ་ཙམ་མེད་ནའང་། སྤྱི་ཡོངས་ཀྱི་ཆ་ནས་རྒྱ་གར་ནི་བོད་དོན་ལ་རྒྱབ་སྐྱོར་བྱེད་མཁན་གྱི་རླབས་ཆེན་གྱི་རྒྱལ་ཁབ་ཅིག་ཡིན་པའི་བཀའ་ལན་གནང་བ་དང་ཆབས་ཅིག ལོ་ཤས་གོང་ནས་གྲོས་ཚོགས་འཐུས་མི་བོད་དོན་རྒྱབ་སྐྱོར་བ་མང་དུ་འགྲོ་བཞིན་ཡོད་སྐོར་ལན་འདེབས་གནང་སྟེ་ཉི་ཧོང་དང་ཅེཀ་སྤྱི་མཐུན་རྒྱལ་ཁབ་སོགས་ནི་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པ་ཆེ་ཤོས་ཡིན་པ་ལུང་འདྲེན་དང་འབྲེལ། སྲིད་སྐྱོང་མཆོག་ནུབ་ཕྱོགས་ཀྱི་རྒྱལ་ཁབ་མང་པོའི་གནད་ཡོད་མི་སྣ་ཁག་དང་མཇལ་འཕྲད་གནང་ནས་གྲོས་ཚོགས་སུ་ཉན་ཞིབ་ཀྱི་གསུང་བཤད་གནང་གི་ཡོད་པ་མངོན་གསལ་གནང་འདུག དེ་བཞིན་གསར་ལམ་ཁག་ཏུ་རྒྱ་ནག་གིས་བོད་ཁུལ་དུ་དབུལ་སྐྱོབ་ཀྱི་བྱ་འགུལ་སྤེལ་ནས་མི་མང་གི་འཚོ་བ་ཡར་རྒྱས་གཏོང་བཞིན་པ་མ་ཟད། བོད་ཁུལ་དུ་འཛུགས་སྐྲུན་གྱི་ལས་གཞི་མང་དུ་གཏོང་བཞིན་ཡོད་པ་སོགས་ཀྱི་སྐོར་བཀའ་འདྲི་ཞུས་པར་སྲིད་སྐྱོང་མཆོག་གིས་དེ་བདེན་པ་མ་རེད། རྒྱ་ནག་གིས་བོད་ཁུལ་དུ་ཡ་ང་བའི་དྲག་གནོན་བྱེད་ཀྱི་ཡོད་སྟབས་བོད་ཁུལ་དུ་ཞིང་འབྲོག་མང་ཚོགས་མང་པོས་སྲིད་གཞུང་ལ་ངོ་རྒོལ་གནང་བ་མ་ཟད་ལྷག་དོན་དུ་བོད་མི་ ༡༥༠ ལྷག་གིས་རང་ལུས་མེར་བསྲེགས་གནང་ཡོད་པ་གསུངས་འདུག སྐབས་དེར་སྲིད་སྐྱོང་མཆོག་གིས་ད་དུང་བོད་མིའི་སྒྲིག་འཛུགས་ཀྱིས་ཁ་བྲལ་རྩོད་ཀྱི་མེད་པར་མངོན་གསལ་གནང་སྟེ། རྒྱ་ནག་གི་རྩ་ཁྲིམས་ཀྱི་སྒྲོམ་གཞིའི་ནང་གསལ་བའི་བོད་རིགས་ཡོངས་ལ་མིང་དོན་མཚུངས་པའི་རང་སྲིད་རང་སྐྱོང་གི་གནས་བབས་རྩོད་ཀྱི་ཡོད་སྟབས་རྒྱ་ནག་སྲིད་གཞུང་གིས་བོད་མིར་དྲག་གནོན་བྱས་ནས་བོད་རྒྱ་གཉིས་ཀྱི་དཀའ་ངལ་སེལ་ཐུབ་མེད་པ་ཤེས་དགོས་ཞེས་བརྗོད་དེ། ༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་ཀྱི་ངོས་ནས་ཡུལ་དུས་གང་ཡིན་ལ་ལྟོས་མེད་རྒྱ་ནག་དང་ལྷན་དུ་གྲོས་མོལ་གནང་རྒྱུར་གྲ་སྒྲིག་ཨང་གསར་ཡོད་ཅེས་བཀའ་ལན་གནང་འདུག
བེུད་རྒྱལ་ཡོངས་སིལ་སྤོལ་རྩེད་འགྲན་ཆེས་ཐོག་མ་དབུ་འཛུགས།
vot.org -
དེ་རིང་ཕྱི་ཟླ་ ༧ ཚེས་ ༢ ཉིན་གྱི་སྔ་དྲོ་ཆུ་ཚོད་ ༩༌༣༠ ཐོག་བཞུགས་སྒར་གངས་སྐྱིད་སིལ་སྤོལ་རྩེད་ཐང་དུ་བོད་མིའི་སྤྱི་ཚོགས་ཁྲོད་གློ་ནད་ཊི་སྦི་ནད་གཞི་ཁྱབ་བརྡལ་འགྲོ་བཞིན་སྐོར་གོ་རྟོགས་སོགས་སྤེལ་བའི་ཐོག་ནས་ནད་གཞི་དེར་ཁ་གཏད་གནང་ཕྱིར་བོད་པའི་བེུད་མེད་རྒྱལ་ཡོངས་སིལ་སྤོལ་འགྲན་སྡུར་ཐེངས་དང་པོ་དབུ་འཛུགས་གནང་སོང་།སིལ་སྤོལ་རྩེད་འགྲན་འདི་༸གོང་ས་མཆོག་གི་ཡིད་ཆེས་དགེ་རྩས་དཔལ་འབྱོར་རོགས་རམ་གནང་ཐོག་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་དང་བོད་རྒྱལ་ཡོངས་རྩེད་རིགས་ཚོགས་པ་གཉིས་ཟུང་འབྲེལ་གྱིས་གོ་སྒྲིག་ཞུས་པ་ཞིག་ཡིན་པ་དང་། ཐེངས་འདིའི་རྩེད་འགྲན་ནང་བལ་ཡུལ་དང་། རྒྱ་གར་ལྷོ་ཕྱོགས་སྦེལ་ཀོབ་བོད་མིའི་གཞིས་ཆགས། དོན་གྲུབ་གླིང་གཞིས་ཆགས། བཞུགས་སྒར་དྷ་རྨ་ས་ལ། དེ་བཞིན་སྦིར་སུ་ཇཱ་བོད་ཁྱིམ། དྷ་སྟེང་བོད་ཁྱིམ། བོད་ཀྱི་སྨན་རྩིས་ཁང་བཅས་ཁྱོན་རུ་ཁག་བདུན་ནས་མཉམ་ཞུགས་གནང་འདུགརྩེད་འགྲན་དབུ་འབྱེད་སྐབས་འཕྲོད་བསྟེན་དྲུང་ཆེ་དཔལ་ལྡན་དོན་གྲུབ་ལགས་ཀྱིས་ཐེངས་འདིའི་རྩེད་འགྲན་གྱི་དགོས་དམིགས་གཙོ་བོ་བོད་པའི་སྤྱི་ཚོགས་ཁྲོད་གློ་ནད་ཊི་སྦི་ནད་གཞི་ཁྱབ་བརྡལ་འགྲོ་བཞིན་པའི་ཐད་ལ་གོ་རྟོགས་སྤེལ་རྒྱུ་དང་རྩེད་མོའི་ལམ་ནས་མིའི་གཟུགས་པོའི་བདེ་ཐབས་གོང་མཐོར་གཏོང་རྒྱུ། སྤྱི་ཚོགས་ཁྲོད་མྱོས་རྫས་ངན་གོམས་སྤྱོད་མཁན་མི་ཉུང་བ་ཞིག་ཡོད་པ་དེ་དག་ཉུང་དུ་གཏོང་རྒྱུ་སོགས་ཡིན་པ་འགྲེལ་བརྗོད་དང་སྦྲགས། རྩེད་མོ་བ་རྣམས་ནས་དེའི་ཐོག་ནུས་པ་མཉམ་སྤུངས་གནང་དགོས་པའི་སྐུལ་མ་སོགས་གནང་སོང་། རྩེད་འགྲན་དབུ་འབྱེད་ཀྱི་གསུང་བཤད་གྲུབ་མཚམས་སུ་སྦེལ་ཀོབ་སིལ་སྤོལ་རུ་ཁག་དང་ Clement Town དོན་གྲུབ་གླིང་སིལ་སྤོལ་རུ་ཁག་དབར་རྩེད་འགྲན་ཆེས་ཐོག་མ་དེ་གནང་སྟེ་དོན་གྲུབ་གླིང་རུ་ཁག་ལ་རྒྱལ་ཁ་ཐོབ་ཡོད་པ་རེད།གཞི་རྩའི་ཆེས་ཐོག་མའི་བེུད་རྒྱལ་ཡོངས་སིལ་སྤོལ་རྩེད་འགྲན་འདི་དེ་རིང་ནས་དབུ་འཛུགས་ཀྱིས་རུ་ཁག་བདུན་པོ་རྣམས་སྡེ་ཚན་གཉིས་སུ་འཆར་འགོད་ཐོག་རྩེད་འགྲན་གནང་སྟེ། རྩེ་ཕུད་སོན་པའི་རུ་ཁག་གཉིས་དབར་མཐའ་མའི་འགྲན་སྡུར་དེ་ཕྱི་ཚེས་ ༦ སྟེ་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་འཁྲུངས་སྐར་དུས་ཆེན་ཉིན་གནང་གི་ཡོད་པ་རེད། ཨང་དང་པོར་སོན་པའི་རུ་ཁག་ལ་ཧིན་སྒར་སྟོང་ཕྲག་བཞི་བཅུ་དང་། ཨང་གཉིས་པར་སོན་མཁན་ལ་སྟོང་ཕྲག་སུམ་ཅུ། དེ་བཞིན་རྩེད་མོ་བ་ཡག་ཤོས་ལ་ཧིན་སྒོར་ ༢༥༠༠ དང་ Fair Play ཞེས་དྲང་བདེན་ངང་རྩེད་མོ་རྩེད་མཁན་གྱི་རུ་ཁག་ལ་ཧིན་སྒོར་ ༧༥༥ བཅས་ཀྱི་བྱ་དགའ་གནང་གི་ཡོད་པ་རེད།
རེས་གཟའ་ཟླ་བ། ༢༠༡༩།༠༧།༠༡
vot.org -
ཉན་པ།: Listen
ཕབ་ལེན། Download
ནེའུ་ཛི་ལན་ཌའི་བོད་རིགས་གཞོན་སྐྱེས་ཤིག་རྒྱ་ནག་གི་རྐང་སྤོལ་འགྲན་བསྡུར་ནང་ཞུགས་རྒྱུར་བཀག་འགོག
UWC སློབ་ཡོན་གྱི་གོ་སྐབས་ཐོབ་པ་དེ་ཆུད་ཟོས་སུ་མི་གཏོང་བའི་དམ་བཅའ།
སུད་སིའི་བོད་ཀྱི་སྐད་ཡིག་གི་འགྲན་བསྡུར་ཐེངས་དྲུག་པ།
བོད་དང་རྒྱ་ནག་གི་གནད་དོན་ཐོག་སྐྱོན་བརྗོད་ཀྱི་གནས་ཚུལ་སྤེལ་བར་དམ་དྲག་བྱེད་པ།
ཨིན་ཡུལ་ནང་རྒྱ་རིགས་ལས་འགུལ་བ་འཛིན་བཟུང་བྱས་པའི་རྒྱབ་ན་རྒྱ་གཞུང་གི་གནོན་ཤུགས་ཡོད་པ་མངོན་གསལ།
Monday 01/07/2019
New Zealand teen misses out on prestigious Gothia Cup in China over visa issue
Dalai Lama meets with Tibetan UWC scholarship holders and alumni
Swiss Tibetan Sunday School holds 6th Tibetan Language competition
Nepal Government pushes journalists to avoid critical reporting on China, Tibet
Investigation uncovers London Police targeted dissident following concerted pressure from Beijing