Monthly Archives: February, 2021

བཞུགས་སྒར་ལྷ་རྒྱལ་རིའི་ཉེ་འདབས་སུ་ཆགས་པའི་བྱམས་པ་གླིང་རྒས་གསོ་ཁང་དུ་རྒན་འཁོགས་ ༡༤ དང་ལས་བྱེད་གཅིག་བཅས་ཁྱོན་མི་ ༡༥ ལ་ཏོག་དབྱིབས་གཉན་རིམས་ཕོག་ཡོད་ཀྱང་ད་ལྟའི་ཆར་རྒས་འཁོགས་གཉིས་མ་གཏོགས་དེ་མིན་གཞན་རྣམས་ཀྱི་གནས་སྟངས་ཛ་དྲག་གང་ཡང་མེད་པར་བདེ་ཐང་ཡིན་པར་གསུངས་སོང་། དབུས་བོད་མིའི་སྒྲིག་འཛུགས་ཀྱི་ནང་སྲིད་ལས་ཁུངས་ཀྱི་ཁྱབ་ཁོངས་སུ་གཏོགས་པའི་རྒན་གསོ་ཁང་ལ་སྔ་རྗེས་སུ་བཀོད་ཁྱབ་རིམ་པ་གནང་དོན་ལྟར་དྷ་སའི་བྱམས་པ་གླིང་རྒས་གསོ་ཁང་འདི་འདས་པའི་ཟླ་བ་བཅུ་གཅིག་ནས་ཕྱི་ལ་སྒོ་མོ་བརྒྱབ་ཡོད་ཀྱང་། ཉེ་ལམ་རྒས་གསོ་ཁང་གི་རྒས་འཁོགས་ཁག་ཅིག་ལ་ཏོག་དབྱིབས་གཉན་རིམས་ཕོག་པའི་གནས་ཚུལ་ཐོན་ཡོད་སྟབས། ད་ཆ་རྒས་གསོ་ཁང་གི་ཉེ་འཁོར་གཡས་གཡོན་རྣམས་  Containment Zone འམ་བཀག་སྐྱིལ་གྱི་ས་ཚིགས་སུ་ངོས་འཛིན་གྱིས་དམ་གནང་བར་བརྟེན་བོད་མི་རྣམས་རྒན་གསོ་ཁང་གི་ཉེ་འཁོར་དུ་འཁེལ་བའི་གླིང་སྐོར་ལ་ཕེབས་རྒྱུ་སོགས་ཀྱི་གནང་སྒོ་ཁག་ཡོང་རྫོགས་བཀག་སྡོམ་གནང་བཞིན་འདུག རླུང་འཕྲིན་ཁང་གིས་རྒས་འཁོགས་རྣམས་ཀྱི་ད་ལྟའི་གནས་སྟངས་ཇི་ཆགས་སྐོར་བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་ཟུང་དྲུང་བཀྲ་ཤིས་བདེ་སྐྱིད་ལགས་སུ་བཅར་འདྲི་ཞུས་སྐབས་ཁོང་གིས་ཉེ་ལམ་རྒས་འཁོགས་ཁག་ཅིག་ལ་ཆམ་རིམས་ཕོག་པར་བརྟེན་ཏོག་དབྱིབས་གཉན་རིམས་ཕོག་ཡོད་མེད་བརྟག་དཔྱད་གནང་སྐབས་དེའི་ཁྲོད་རྒས་འཁོགས་ ༡༡ དང་ནད་གཡོགས་ ༡ ལ་གཉན་རིམས་ཕོག་པའི་བརྟག་འབྲས་ཐོན་ཡོད་པ་དང་། དེ་བཞིན་རྒས་འཁོགས་གཅིག་ཆབ་གཅིན་གཏང་བར་ངལ་བ་འཕྲད་རྐྱེན་རྒྱ་གར་སྒེར་གྱི་སྨན་ཁང་ Fortis  ལ་སྨན་བཅོས་སླད་བཏང་ཡོད་ཀྱང་ཁོང་ལ་བརྟག་འབྲས་སུ་གཉན་རིམས་ཕོག་པ་ཤེས་རྟོགས་བྱུང་བ་དང་སྦྲགས། ཁོང་དང་རྒས་འཁོགས་གཞན་གཅིག་བཅས་གཉིས་རྒྱ་གར་གཞུང་གི་སྨན་ཁང་ Tanda དུ་བཏང་ཡོད་པ་གསུངས་སོང་། དེ་རྗེས་དེ་སྔོན་བརྟག་དཔྱད་མ་གནང་བ་ཚོ་དང་ལས་བྱེད་ཀྱི་ནང་མི་བཅས་ལ་བརྟག་དཔྱད་གནང་འབྲས་སུ་རྒས་འཁོགས་གཉིས་ལ་གཉན་རིམས་ཕོག་པའི་བརྟག་འབྲས་ཐོན་སྟབས་ད་ཆར་ཁྱོན་རྒས་འཁོགས་བཅུ་བཞི་དང་ལས་བྱེད་གཅིག་བཅས་མི་བཅོ་ལྔར་གཉན་རིམས་ཕོག་ཡོད་སྐོར་གསུངས་ཡོད། ཁོང་གིས་ད་དུང་སྤྱིར་ཉེ་ལམ་རྒས་གསོ་ཁང་ནང་རྒས་འཁོགས་ཁག་གཅིག་སྐུ་ཚེ་མ་ཟིན་པའི་གནས་སྟངས་གྱུར་ཡོད་ཀྱང་དེ་དག་ཏོག་དབྱིབས་ནད་ཡམས་ཕོག་པའི་རྐྱེན་གྱིས་འདས་གྲོངས་སུ་གྱུར་བ་མ་རེད་ཅེས་གསལ་བཤད་གནང་སོང་།   བོད་མིའི་སྒྲིག་འཛུགས་ཀྱི་ཝུ་ཧན་ཏོག་དབྱིབས་གཉན་རིམས་ཛ་དྲག་ངལ་སེལ་ཚོགས་ཆུང་གི་གྲངས་ཐོར་གཞིགས་ན་ད་བར་རྒྱ་བལ་གཉིས་ཀྱི་ནང་མི་གྲངས་ ༡༥༠༨ ལ་གཉན་རིམས་ཕོག་པ་དང་དེའི་ཁྲོད་ད་ཆར་ནད་ཀྱིས་མནར་བཞིན་པ་ ༣༠ དང་འདས་གྲོངས་སུ་གྱུར་བ་ ༣༨ ཆགས་ཀྱི་ཡོད་པ་དེ་ལྟར་ཡང་དྲག་སྐྱེད་སོང་བའི་གྲངས་ཐོ་དེ་ ༡༤༤༠ ཡིན་པ་རེད་འདུག

རྒྱ་གར་ལྷོ་ཕྱོགས་ཀྱི་གྲོང་ཁྱེར་བྷེང་ལོར་ཁུལ་དུ་རྟེན་གཞི་བྱས་པའི་བོད་མི་གཉིས་རྒྱ་གར་གྱི་དྲ་རྒྱ་ཉེས་དོན་དང་འབྲེལ་ནས་ས་གནས་ཉེན་རྟོགས་པས་འཛིན་བཟུང་བྱས་འདུག དེའང་དེ་རིང་རྒྱ་གར་གྱི་དུས་བབ་གསར་ཁང་གིས་གནས་ཚུལ་སྤེལ་བའི་ནང་དུ། བོད་མི་མིང་ལ་སྙིང་ལྕགས་དོན་འགྲུབ་དང་ཡེ་ཤེས་རྒྱ་མཚོ་ཟེར་བ་གཉིས་དང་གཞན་ཡང་རྒྱ་གར་གྱི་ཡུལ་མི་གཉིས་ཀྱིས་རྒྱ་ནག་གི་ཚོང་པ་ཞིག་དང་ལྷན་མཉེན་ཆས་འདྲ་མིན་ ༡༩ བརྒྱུད་མང་ཚོགས་ལ་དྲ་ཐོག་ནས་དངུལ་བུན་གཏོང་བྱེད་རྒྱུའི་ཚོང་ལས་གཉེར་བཞིན་པ་དང་། དངུལ་བུན་དུས་ཆད་ལྟར་ཕྱིར་སྤྲོད་བྱེད་མ་ཐུབ་པ་རྣམས་ལ་དྲ་ཐོག་ནས་ཁ་པར་མང་པོ་བཏང་ནས་སུན་པོ་བཟོས་ཡོད་པའི་གྱོད་དོན་དང་འབྲེལ་ནས་ཉེ་ལམ་རེས་གཟའ་སྤེན་པའི་ཉིན་འཛིན་བཟུང་བྱས་ཡོད་པ་རེད་འདུག ཉེན་རྟོག་པས་འདྲི་གཅོད་བྱས་ནས་ཤེས་རྟོགས་བྱུང་བ་ལྟར་ན། འཛིན་བཟུང་བྱས་པའི་གང་ཟག་དེ་དག་རྒྱ་ནག་ནས་ཡིན་པའི་རྒྱ་རིགས་ Cheen Wu དང་ Andy Lu Wenjie ཟེར་བ་གཉིས་ཀྱིས་གླ་གཡར་བྱས་པ་ཞིག་ཡིན་པ་དང་། ཁོང་རྣམ་པས་རྒྱ་རིགས་དེ་གཉིས་ཀྱིས་ Bangalore གྲོང་ཁྱེར་ནང་དུ་གསར་འཛུགས་བྱས་པའི་དྲ་ཐོག་ཚོང་ལས་ཁང་འདྲ་མིན་གཉིས་ཀྱི་འགན་འཛིན་ལས་ཁུར་ཞུ་བཞིན་ཡོད་པ་རེད་འདུག འཛིན་བཟུང་བྱས་པའི་བོད་མི་གཉིས་ཀྱིས་ཉེན་རྟོག་པར་བརྗོད་པ་ལྟར་ན། ཁོང་ཚོ་དྲ་ཐོག་ནས་ཚོང་ལས་ཐད་ཀྱི་ལས་ཀའི་གོ་སྐབས་ཀྱི་ཁྱབ་བསྒྲགས་ཤིག་མཐོང་ནས་དེར་སྙན་ཞུ་བྱས་པ་ལྟར། རྒྱ་ནག་གི་སྦྱིན་བདག་དེ་གཉིས་ཀྱིས་ཁོང་ཚོར་ཟླ་གླར་ཧིན་སྒོར་འབུམ་གཅིག་རེ་སྤྲད་ནས་གླས་ཡོད་པ་དང་། རྒྱ་རིགས་སྦྱིན་བདག་གཉིས་པོ་ཚོང་ལས་ཁང་གསར་འཛུགས་བྱས་རྗེས་ཕྱིར་རྒྱ་ནག་ཏུ་ལོག་ཡོད་པར་དོགས་པ་བྱེད་བཞིན་པ་ཡོད་པ་རེད་འདུག གཞི་རྩའི་རྒྱ་གར་གྱི་གྲོང་ཁྱེར་ཆེ་ཁག་གི་ནང་དུ། རྒྱ་ནག་གི་བཟོ་ཚོང་ཁང་དང་དེ་བཞིན་རྒྱ་དཀར་ནག་གཉིས་ཀྱི་མཉམ་ལས་ཀྱི་བཟོ་ལས་ཁང་སོགས་སུ་རྒྱ་སྐད་རྒྱ་ཡིག་ཤེས་མཁན་རྣམས་ལ་གླ་ཆ་མཐོ་བའི་ཐོག་ནས་ལས་ཀ་བྱེད་རྒྱུའི་གོ་སྐབས་མང་པོ་ཡོད་པ་ལྟར། ད་སྐབས་རྒྱ་གར་གྱི་རྒྱལ་ས་ལྡི་ལི་དང་བྷང་ལོར་སོགས་ཀྱི་ནང་དུ་རྒྱ་སྐད་རྒྱ་ཡིག་ཤེས་མཁན་བོད་མི་གཞོན་སྐྱེས་མང་པོ་ཞིག་གིས་རྒྱ་ནག་གི་ཚོང་ལས་སོགས་སུ་ལས་ཀ་བྱེད་མཁན་མང་པོ་ཡོད་པ་རེད། འདི་གའི་གསར་འགོད་པས་Bangalore གྲོང་ཁྱེར་དུ་བཅའ་བཞུགས་བོད་མིའི་སྒྲིག་འཛུགས་ཀྱི་ལྷོ་སྤྱི་ཆོས་འཕེལ་ཐུབ་བསྟན་ལགས་སུ་བཀའ་འདྲི་ཞུས་པར་ཁོང་གིས་ད་རེས་བོད་མི་གཉིས་ས་གནས་ཉེན་རྟོགས་པས་འཛིན་བཟུང་བྱས་པའི་གནས་ཚུལ་དེ་དངོས་བདེན་ཡིན་པ་དང་། ད་ལྟའི་འཆར་བོད་མི་གཉིས་པོ་དེ་དག་ཉེན་རྟོགས་པས་འདྲི་རྩད་ཆེད་ Hyderabad གྲོང་ཁྱེར་དུ་ཁྲིད་ཡོད་སྐོར་གསུང་བ་དང་འབྲེལ། ཁོང་གིས་གནད་དོན་དེ་དང་འབྲེལ་ནས་དབུས་བོད་མིའི་སྒྲིག་འཛུགས་ཀྱི་ནང་སྲིད་ལས་ཁུངས་སུ་སྙན་གསེང་ཞུས་ཡོད་པ་དང་། བཀའ་ཤག་ནས་བོད་མི་གཞོན་སྐྱེས་རྣམས་ཀྱིས་རྒྱ་ནག་གི་ཚོང་ལས་ཁང་དུ་ལས་ཀ་བྱེད་བཞིན་ཡོད་པ་རྣམས་ལ་དམིགས་པའི་ལམ་སྟོན་བཀའ་ཁྱབ་ཅིག་ཕེབས་སྲིད་པ་རེད་ཅེས་གསུངས་སོང་། རྩ་བའི་འདས་ལོར་རྒྱ་དཀར་ནག་གཉིས་ཀྱིས་འཕགས་བོད་ས་མཚམས་སུ་ས་ཆའི་བདག་དབང་རྩོད་ཤུགས་ཆེ་རུ་འགྲོ་བའི་ཁྲོད་རྒྱ་གར་གཞུང་ངོས་ནས་སྔ་རྗེས་བཀོད་ཁྱབ་གསུམ་ཙམ་བཏང་སྟེ་ད་བར་རྒྱ་ནག་གིས་བཟོས་པའི་མཉེན་ཆས་གྲངས ༢༠༠ ལྷག་ཙམ་རྒྱ་གར་ནང་བཀག་སྡོམ་བྱས་པ་མ་ཟད། རྒྱ་གར་གྱི་ཁྲལ་བསྡུ་ལས་ཁུངས་ཀྱིས་རྒྱ་ནག་གི་བཟོ་ལས་ཁང་མང་པོར་དངོས་ཟོག་དང་ཞབས་ཞུའི་ཁྲལ་སྟེར་གྱི་ཡོད་མིན་སོགས་ཀྱི་ཐད་ནས་ཞིབ་འཇུག་བྱེད་མུས་ཡིན་པ་རེད་འདུག

ཉན་པ།: Listen ཕབ་ལེན། Download མགོ་ལོག་དར་ལག་རྫོང་ནས་བོད་མི་ཞིག་འཛིན་བཟུང་། བཀྲིས་དབང་ཕྱུག་ལགས་ལ་རང་དབང་ལོངས་སུ་སྤྱོད་འཇུག་དགོས། པེ་རིས་རྒྱ་ནག་གཞུང་ཚབ་མདུན་དུ་བོད་མིས་ལས་འགུལ་སྤེལ་བ། བདེ་ལེགས་སྨན་ཁང་དུ་འཕྲོད་བསྟེན་མདུན་ཐོན་པར་སྔོན་ཁབ་བརྒྱབ་རྒྱུ་དབུ་འཛུགས། དམིགས་བསལ་ལས་རིམ། ལྕགས་མཁར་ཆེན་མོའི་ངོ་སྤྲོད། Monday 01/02/2021 Tibetan arrested in Golog over charges of ‘spreading rumour’ Tashi Wangchuk’s release should be unconditional, must enjoy fundamental rights: EU Protest in Paris, solidarity for Tenzin Nyima Covid vaccination for frontline workers, Dharamsala Special Feature:‘Gutor Chakkhar Chenmo’

བོད་མིའི་སྐད་ཡིག་སྲུང་སྐྱོབ་ལས་འགུལ་བ་བཀྲིས་དབང་ཕྱུག་ལགས་རྒྱ་ནག་གཞུང་གི་བཙོན་ཁང་ནང་ལོ་ལྔ་རིང་བཙོན་འཇུག་གི་དུས་ཡུན་ཚང་ནས་བཙོན་གྲོལ་ཐོབ་པ་དང་འབྲེལ་ཉེ་ཆར་ཡོ་རོབ་མཐུན་ཚོགས་ཀྱིས་བསྒྲགས་གཏམ་ཞིག་སྤེལ་ཏེ་རྒྱ་ནག་གཞུང་གིས་བཀྲིས་དབང་ཕྱུག་ལགས་བཙོན་གྲོལ་ཐོབ་རྗེས་ཁོང་ལ་ཆ་རྐྱེན་གང་ཡང་མེད་པར་རང་དབང་ཆ་ཚང་ལོངས་སུ་སྤྱོད་འཇུག་དགོས་ཞེས་གསུངས་འདུག ཡོ་རོབ་མཐུན་ཚོགས་ཀྱིས་བཀྲིས་དབང་ཕྱུག་ལགས་བཙོན་གྲོལ་ཐོབ་པ་དང་འབྲེལ་ཟླ་བ་འདིའི་ཕྱི་ཚེས་ ༢༩ ཉིན་སྤེལ་བའི་བསྒྲགས་གཏམ་ནང་དུ་ཡོ་རོབ་མཐུན་ཚོགས་ཀྱི་ཕྱི་འབྲེལ་དང་བདེ་སྲུང་ལྷན་ཁང་གི་མགྲིན་ཚབ་པ་ Nabila MASSRALI ལགས་ཀྱིས་སྤྱིར་མི་རིགས་ཀྱི་ངོ་བོ་དང་རིག་གཞུང་སྲུང་སྐྱོབ་གནང་བར་མི་རིགས་དེའི་སྐད་ཡིག་སྲུང་སྐྱོབ་གནང་རྒྱུ་ནི་ཧ་ཅང་གལ་ཆེན་པོ་ཆགས་ཡོད་པ་དང། རྒྱ་ནག་གཞུང་གི་རྩ་ཁྲིམས་དང་རྒྱལ་སྤྱིའི་འགྲོ་བ་མིའི་ཐོབ་ཐང་ཁྲིམས་སྒྲིག་ནང་དུའང་གྲངས་ཉུང་མི་རིགས་ཚོར་རང་མི་རིགས་ཀྱི་སྐད་ཡིག་སྲུང་སྐྱོབ་ཀྱི་རང་དབང་དང་གོང་འཕེལ་བྱ་རྒྱུའི་ཐོབ་ཐང་ཡོད་ཅེས་གསལ་པོ་འཁོད་ཡོད་པ་དེ་ལྟར་ཡང། རྒྱ་ནག་གཞུང་གིས་དེ་ལས་ལྡོག་ནས་བོད་མིའི་སྐད་ཡིག་རང་དབང་སྲུང་སྐྱོབ་དང་རྩོད་ལེན་གནང་མཁན་གྱིས་མཚོན་པའི་ཆོས་དད་རང་དབང་སྲུང་སྐྱོབ་གནང་མཁན་ཐོག་ཏུ་དམ་དྲག་བྱེད་བཞིན་ཡོད་པར་མ་ཟད། ད་བར་དེ་འབྲེལ་མི་སྣ་མང་པོ་ཞིག་བཀག་ཉར་དང་གར་སོང་ཆ་མེད་དུ་གྱུར་བ། དེ་བཞིན་བཀག་སྐྱིལ་འོག་འདས་གྲོོངས་སུ་ཕྱིན་པའི་གནས་ཚུལ་རིམ་པ་འཐོན་བཞིན་ཡོད་ཅེས་རྒྱུ་གཞུང་ལ་སྐྱོན་བརྗོད་ནན་པོ་གནང་ཡོད། སྤྱིར་རྒྱ་ནག་གཞུང་གིས་དུས་རྒྱུན་བོད་མིའི་ཆབ་སྲིད་བཙོན་པ་སུ་འདྲ་ཞུ་བཙོན་གྲོལ་བཏང་རྗེས་ཁོང་རྣམ་པའི་འགྲོ་སྡོད་སྤྱོད་གསུམ་ཀྱི་རང་དབང་ལ་ཚོད་འཛིན་དང། ཉིན་རེའི་འཚོ་བར་རྒྱ་ནག་གཞུང་གིས་སྟངས་འཛིན་བྱས་དང་བྱེད་བཞིན་ཀྱི་ཡོད་པ་རེད། དེས་ན་ཡོ་རོབ་མཐུན་ཚོགས་ཀྱིས་ད་ལན་གྱི་བསྒྲགས་གཏམ་དེ་སྤེལ་ནས་རྒྱ་ནག་གཞུང་ལ་བཀྲིས་དབང་ཕྱུག་ལགས་གློན་བཀྲོལ་བཏང་བའི་རྗེས་སུ་ཆ་རྐྱེན་གང་ཡང་མེད་པར་ཁོང་ལ་འགྲོ་བ་མིའི་གཞི་རྩའི་རང་དབང་སྟེ་འགྲོ་སྡོད་སྤྱོད་གསུམ་གྱི་རང་དབང་ཆ་ཚང་ལོངས་སུ་སྤྱོད་བཅུག་དགོས་ཞེས་ནན་བརྗོད་གནང་བ་འདུག་པར་མ་ཟད། ཁོང་དེ་སྔ་བཀག་ཉར་བྱས་པའི་དུས་ཡུན་ཁྲོད་ཁོང་སྡུག་སྦྱོང་མནར་གཅོད་བཏང་བའི་གནད་དོན་ཐོག་རྒྱ་གཞུང་གི་འབྲེལ་ཡོད་འགོ་ཁྲིད་ཙོར་ཞིབ་འཇུག་ནན་པོ་བྱེད་དགོས་པའི་སྐུལ་མ་བསྐྱར་ནན་གནང་འདུག ཐེངས་འདིའི་བསྒྲམས་བརྒྱུད་ཡོ་རོབ་མཐུན་ཚོགས་ཀྱིས་རྒྱ་ནག་གཞུང་ལ་ད་ལྟའི་རྒྱ་གཞུང་གིས་འཛིན་བཟུང་བཙོན་འཇུག་བྱས་པའི་འགྲོ་བ་མིའི་ཐོབ་ཐང་སྲུང་སྐྱོབ་པ་ཚོ་ཆ་རྐྱེན་གང་ཡང་མེད་པར་འཕྲལ་དུ་གློད་བཀྲོལ་དགོས་པ་དང། བཀག་ཉར་བྱས་པ་ཚོ་ཁྲིམས་མཐུན་ཐོག་ཕྱི་གསལ་ནང་གསལ་གྱིས་ཁྲིམས་གཏུག་གནང་རྒྱུའི་རང་དབང་སྤྲོད་དགོས་པ། ལྷག་དོན་རང་རང་དབང་རྩོད་ལེན་པ་ཚོར་བཙོན་ཁང་དུ་ཁྲིམས་མཐུན་གྱི་ཁྲིམས་ཆད་བཏང་བ་ལས་མནར་གཅོད་དང་སྡུག་སྦྱོང་གི་བྱ་སྤྱོད་སྤེལ་མཚམས་འཇོག་དགོས་ཞེས་སྐུལ་མ་གནང་འདུག ཆབས་ཅིག་ཏུ་ཡོ་རོབ་མཐུན་ཚོགས་ཀྱི་ངོས་ནས་རྒྱ་ནག་དང་ལྷན་དུ་མུ་མཐུད་འགྲོ་བ་མིའི་ཐོབ་ཐང་གི་གནད་དོན་ཐོག་གླེང་སློང་གནང་རྒྱུ་ཡིན་ཞེས་བཀོད་འདུག རྩ་བའི་བོད་མིའི་སྐད་ཡིག་སྲུང་སྐྱོབ་ལས་འགུལ་བ་བཀྲིས་དབང་ཕྱུག་ལགས་རྒྱ་ནག་གཞུང་གི་འཛིན་བཟུང་བཙོན་འཇུག་སྔ་རྗེས་བརྒྱུད་རིམ་ནང་ཡོ་རོབ་མཐུན་ཚོགས་ཀྱི་ངོས་ནས་རྒྱ་གཞུང་ལ་ཁོང་གློད་བཀྲོལ་དགོས་པའི་སྐུལ་མ་ལས་མང་གནང་ཡོད་པར་མ་ཟད། དེ་བཞིན་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་རིམ་པར་བཀྲིས་དབང་ཕྱུག་ལགས་ཀྱི་གནད་དོན་གླེང་སློང་ཡང་གནང་ཡོད་པ་རེད།

དེ་རིང་བཞུགས་སྒར་དུ་རྟེན་གཞི་བྱས་པའི་བདེ་ལེགས་སྨན་ཁང་དུ་དངོས་སུ་བོད་མིས་གཙོས་པའི་རྒྱ་གར་གྱི་འཕྲོད་བསྟེན་ཆེད་ལས་པ་དང་མདུན་ཐོན་ཞབས་ཞུ་བ་ཁག་ཅིག་ལ་ཏོག་དབྱིབས་གཉན་རིམས་ཀྱི་སྔོན་ཁབ་ Covishield བརྒྱབ་རྒྱུ་དབུ་འཛུགས་གནང་སོང་། བདེ་ལེགས་སྨན་ཁང་དུ་ཏོག་དབྱིབས་སྔོན་ཁབ་ Covishield ཐོག་མར་བརྒྱབ་པའི་ཁོངས་སུ་དབུས་སྣེ་ལེན་ཁང་གི་འགོག་དབྱེ་ཟུར་འཇོག་ཁང་དུ་ཕྱག་ལས་གནང་མཁན་དང་བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁུངས་དང་དབུས་བོད་ཀྱི་སྨན་རྩིས་ཁང་། བདེ་ལེགས་སྨན་ཁང་གི་འབྲེལ་ཡོད་ལས་བྱེད། མེག་གྷན་ཁུལ་གྱི་རྒྱ་གར་གཞུང་གི་འཕྲོད་བསྟེན་ཆེད་ལས་པས་གཙོས་པའི་མདུན་ཐོན་ཞབས་ཞུ་བ་ཁག་ཅིག་ལ་སྔོན་ཁབ་བརྒྱབས་སོང་། བདེ་ལེགས་སྨན་ཁང་གི་སྨན་པ་བསྟན་འཛིན་བརྩོན་འགྲུས་ལགས་ཀྱིས་སྔོན་ཁབ་བརྒྱབ་རྒྱུའི་ཁོངས་གཞུང་གི་ཐོ་གཞུང་ནང་དུ་ཁྱོན་མི་གྲངས་ ༡༠༨ དང་ ༡༠༩ ཙམ་ཞིག་ཡོད་ཀྱང་ད་ལྟའི་ཆར་ཉིན་གཅིག་ལ་སྔོན་ཁབ་བརྒྱ་ཙམ་ལས་བརྒྱབ་ཐུབ་ཀྱི་མེད་པར་གསུངས་ཡོད། རྒྱ་གར་ནང་དུ་ཏོག་དབྱིབས་སྔོན་ཁབ་བརྒྱབ་པའི་རྗེས་ད་བར་མི་ ༡༣ ཙམ་ཞིག་འདས་གྲོངས་སུ་སོང་བའི་གནས་ཚུལ་བརྒྱུད་ལམ་ཁག་ཏུ་ཐོན་ཡོད་པར་བརྟེན་སྨན་པ་བརྩོན་འགྲུས་ལགས་ཀྱིས་ཏོག་དབྱིབས་སྔོན་ཁབ་ཀྱི་རྐྱེན་པས་གྲོངས་ཡིན་པ་ཁ་གསལ་གང་ཡང་མེད་པ་དང་། ད་ལྟའི་ཆར་སྔོན་ཁབ་ཀྱི་མཐུན་རྐྱེན་རྣམས་རྒྱ་གར་གཞུང་གིས་གནང་གི་ཡོད་སྟབས་འཕྲོད་བསྟེན་ཁྱབ་ཁོངས་འོག་གི་སྨན་ཁང་རྣམས་ས་གནས་ཀྱི་རྒྱ་གར་གཞུང་གི་སྨན་ཁང་དང་འབྲེལ་བ་གནང་སྟེ་བོད་མི་ཚང་མར་རག་ཐབས་ལ་འབད་བཞིན་ཡོད་སྐོར་གསུངས་ཡོད། གཞི་རྩའི་ད་ཆ་རྒྱ་གར་ནང་ཏོག་དབྱིབས་གཉན་རིམས་ཕོག་མཁན་མང་དག་ཅིག་བྱུང་ཡོད་ཀྱང་། ནད་གཞི་དེ་ལས་དྲག་སྐྱེད་བྱུང་བའི་བརྒྱ་ཆ་ནི་ཧ་ཅང་གི་ཚད་མཐོ་པོ་ཆགས་ཡོད་པ་རེད། སྒོས་སུ་བོད་མའི་གནས་སྡོད་ཀྱི་གནས་སྟངས་ལ་གཞིགས་ཚེ་ཁ་སང་དང་ཁ་ཉིན་དྷརྨ་ས་ལའི་བྱམས་པ་གླིང་རྒས་གསོ་ཁང་གི་རྒས་འཁོགས་ ༡༢ ལ་གཉན་རིམས་ཕོག་པའི་གནས་ཚུལ་ཐོན་པར་བརྟེན་ད་ལྟའི་ཆར་རྫོང་དཔོན་ལས་ཁུངས་ཀྱིས་བྱམས་པ་གླིང་རྒས་གསོ་ཁང་གི་ཉེ་འཁོར་ས་ཚིགས་ཁག་ containment zone ཞེས་བཀག་སྐྱིལ་ས་ཁུལ་ལ་ངོས་འཛིན་གྱིས་དམ་དྲག་གནང་བཞིན་ཡོད་པ་ཡོད་པ་རེད།

ཟླ་བ་སྔོན་མའི་ཚེས་བཅོ་བརྒྱད་ཀྱི་ཉིན། མཚོ་སྔོན་ཞིང་ཆེན། མགོ་ལོག་བོད་རིགས་རང་སྐྱོང་ཁུལ་དར་ལག་རྫོང་གི་བོད་མི་ཞིག་དཀྲོགས་གཏམ་སྤེལ་བའི་ཉེས་མིང་གི་འོག་འཛིན་བཟུང་བྱས་འདུགདེ་ཡང་སྐད་འཕྲིན་གྱི་འཕྲིན་སྟེགས། བོད་ལྗོངས་གསར་འཕྲིན་ཞེས་པའི་ཐོག་ཏུ་ཚུལ་ཐོན་པ་ལྟར་ན། མགོ་ལོག་དར་ལག་རྫོང་གི་བོད་མི་མིང་ལ་ཚེ་ག་གེ་མོ་ཟེར་བ་ཞིག་གིས་འདི་ལོའི་ཟླ་བ་ ༡ པོའི་ཚེས་ ༡༥ ཉིན། མཚོ་སྔོན་ཞིང་ཆེན་མགོ་ལོག་བོད་རིགས་རང་སྐྱོང་ཁུལ་དར་ལག་རྫོང་གི་སྐད་འཕྲིན་ཚོགས་པ་དང་གྲོགས་ཚོམས་ཁ་ཤས་ནང་བརྙན་ཐུང་ལྟར་བཟོས་ཡོད་པའི་བོད་སྐད་ཀྱི་སྐད་ཆ་དུམ་བུ་འགའ་བརྒྱུད་སྐུར་བྱས་ཡོད་པ་དང་། དེའི་ནང་དོན་མདོར་བསྡུས་ན་ཉེ་ཆར་མགོ་ལོག་དར་ལག་རྫོང་དུ་མཚོ་ལྷོ་ནས་ཡིན་པའི་མི་གཉིས་ཀྱིས་ཁྱེར་ཡོང་བའི་སྐམ་ཤར་ནད་དུག་འགོས་ཡོད་པ་མ་ཟད། དེ་ཟས་ནས་མི་འདས་གྲོངས་སུ་ཕྱིན་ཡོད་པའི་དཀྲོགས་གཏམ་སྤེལ་ཡོད་པར་བརྗོད་དེ་མགོ་ལོག་བོད་རིགས་རང་སྐྱོང་ཁུལ་དར་ལག་རྫོང་སྤྱི་བདེ་ལས་ཁུངས་ཀྱི་བདེ་འཇགས་དོ་དམ་གྱི་ཆད་གཅོད་བཅའ་ཁྲིམས་ཀྱི་དོན་ཚན་ཉེར་ལྔར་གཞིགས་ནས་བོད་མི་ཞིག་འཕྲལ་དུ་འཛིན་བཟུང་བྱས་ཡོད་པར་འཁོད་འདུགདེ་བཞིན་འཕྲིན་སྟེགས་དེར་བཀོད་པའི་གནས་ཚུལ་ལྟར་ན། མཚོ་སྔོན་ཞིང་ཆེན་མགོ་ལོག་བོད་རིགས་རང་སྐྱོང་ཁུལ་དར་ལག་རྫོང་སྤྱི་བདེ་ལས་ཁུངས་དྲ་བའི་བདེ་འཇགས་རུ་ཆེན་གྱིས་འཕྲལ་མར་གོང་རིམ་འགོ་ཁྲིད་ལ་གནས་ཚུལ་སྙན་སེང་ཞུས་པ་དང་འབྲེལ་གོང་རིམ་གྱི་བཀོད་སྒྲིག་ལྟར་ཁུལ་སྤྱི་བདེ་ལས་ཁུངས་ཀྱིས་དྲ་བའི་བདེ་འཇགས་ཀྱི་ཉིང་ལག་རུ་ཁག་དང་འབྲེལ་བ་བྱས་ཏེ་དུས་ཐོག་ཏུ་གནད་དོན་ཚོད་འཛིན་བྱས་པ་དང་ཆབས་ཅིག་ཏུ་དར་ལག་རྫོང་གི་སྤྱི་བདེ་ལས་ཁུངས་ཀྱིས་གནས་ཚུལ་དེ་ནི་དཀྲོག་གཏམ་ཡིན་པའི་གནས་ཚུལ་འཕྲལ་མ་ཉིད་དུ་གཞུང་ཕྱོགས་ཀྱི་འཕྲིན་སྟེགས་ཁག་གི་ནང་དུ་བརྒྱུད་སྐུར་བྱས་ཡོད་པར་བཀོད་འདུག གཞི་རྩའི་རྒྱ་ནག་གིས་སྔར་ལོའི་ཏོག་དབྱིབས་གཉན་རིམས་ལ་ཁ་གཡར་ནས་བོད་ཁུལ་དུ་དམ་དྲག་བྱེད་ཤུགས་ཆེ་རུ་གཏོང་བཞིན་ཡོད་པའི་གནས་ཚུལ་རིམ་པ་ཐོན་པ་ལྟར། ཁ་སང་འདི་གའི་གསར་འགོད་པར་བོད་ནང་གི་བོད་མི་ཞིག་གིས་གནས་ཚུལ་མཁོ་སྤྲོད་བྱས་པ་ལྟར་ན། རྒྱ་ནག་གིས་འདི་ལོར་བོད་ནང་དུ་ལོ་གསར་གཏོང་མི་མང་དགྱེས་འཛོམས་སོགས་ཀྱི་མཚོན་པའི་ཞིང་ཆེན་ཁག་ལ་ལོ་གསར་གྲྭ་སྒྲིག་གི་ཚོང་ལས་ཉོ་རུ་འགྲོ་མི་ཆོག་པའི་བཀའ་རྒྱ་བཏང་ཡོད་པ་ལྟར། མཚོ་སྔོན་བྲག་དཀར་རྫོང་ཁོངས་སུ་འདི་ལོའི་ལོ་གསར་ལ་གྲ་སྒྲིག་གང་ཡང་མང་མེད་པར་ལྷག་ཡོད་པ་དང་། གཅིག་བྱས་ན་སྲིད་གཞུང་གི་བཀའ་རྒྱ་དང་། དེ་བཞིན་རིམས་ནད་ཀྱི་རྐྱེན་གྱིས་ས་ཕྱོགས་གང་སར་མི་མང་པོའི་ཚེ་སྲོག་ཤོར་ཡོད་པ་ཡིན་མིན་གང་ཞིག་ལ། མང་ཚོགས་ཀྱི་ཁྲོད་དུ་འདི་ལོའི་བོད་ལུགས་ཀྱི་ལོ་གསར་འ་དབྱིངས་གང་ཡང་བྱེད་ཀྱི་མེད་པར་ཁུ་སིམ་པོར་གནས་ཡོད་པར་འགྲེལ་བརྗོད་གནང་སོང་། དེ་བཞིན་ཉེ་སྔོན་ཀྲུང་གོ་བོད་ཀྱི་དྲ་བའི་འཕྲིན་སྟེགས་ཟེར་བར་གནས་ཚུལ་སྤེལ་བའི་ནང་། འདི་ལོའི་ལོ་གསར་དང་སྟབས་བསྟུན་གྱིས་བོད་རིགས་མང་ཚོགས་གྲོང་ཁྱེར་ཆེ་ཁག་ནས་ཕྱིར་ཕ་ཡུལ་དུ་ལོག་སྐབས་མཚོ་སྔོན་ཞིང་ཆེན་གྱི་ཞིང་སྡེ་དང་འབྲོག་ཁུལ་གྱི་ཏོག་དབྱིབས་གློ་ཚད་རིམས་ནད་སྔོན་འགོག་ཚོད་འཛིན་གྱི་ལས་དོན་ལ་ཕྱོགས་ཡོངས་ནས་ཤུགས་སྣོན་དང་། ཕྱིར་ཕ་ཡུལ་དུ་ལོག་པའི་མི་སྣའི་རིམས་ནད་སྔོན་འགོག་ཚོད་འཛིན་དོ་དམ་བྱེད་ཤུགས་ཆེ་རུ་གཏོང་རྒྱུ་ཡིན་པའི་བརྡ་ཁྱབ་ཅིག་སྤེལ་ཡོད་པའི་ནང་དུ། ཞིང་ཆེན་ཕྱི་ནས་ཕྱིར་ལོག་པའི་མི་སྣ་དང་། ཞིང་ཆེན་ནང་ཁུལ་གྱི་འདྲེན་འཁྱགས་ཉར་ཟས་རིགས་ཀྱི་ལས་གཉེར་མི་སྣ། དེ་བཞིན་འགག་སྒོའི་ཐད་གཏོགས་ནང་འདྲེན་ཚོང་ཟོག་ལས་བཟོ་བ། འགྲིམ་འགྲུལ་སྐྱེལ་འདྲེན་ལས་གཉེར་མི་སྣ་ཚོགས་བོད་ཁུལ་དུ་ཕྱིར་ཕྱིར་ལོག་དུས་བརྟག་དཔྱད་རིམ་པ་བྱེད་དགོས་བ་མ་ཟད། རང་ཁྱིམ་དུ་ཟུར་བཀག་ཉིན་ ༡༤ ལ་བཞུགས་དགོས་བ་དང་དོན་དག་མེད་པར་འཁྱམ་ཉུལ་བྱེད་མི་ཆོག་པའི་བཀའ་རྒྱ་བཏང་འདུག གཞན་ཡང་།་ལོ་གསར་སྐབས་སུ་དགོས་ངེས་མིན་པའི་དགྱེས་འཛོམས་རིགས་མི་ཆོག་པའི་རྩ་དོན་ལྟར།  གཅིག་འདུས་རང་བཞིན་གྱི་བྱ་འགུལ་ཚོད་འཛིན་ནན་མོ་བྱེད་དགོས་པ་དང་། ཆོས་ཚོགས་དང་རིག་རྩལ་འཁྲབ་སྟོན། ཕྱིར་ཚོང་སོགས་ཀྱི་བྱ་འགུལ་ཚོད་འཛིན་བྱས་ཏེ། ཞིང་སྡེ་དང་འབྲོག་ཁུལ་གྱི་ཚོང་རའི་གཞི་ཁྱོན་དང་གྲངས་ཀ་ཉུང་དུ་གཏོང་བ་དང་། མི་སྣའི་འགྲོ་འོང་ཚོད་འཛིན་བྱེད་དགོས་པ། ཆོས་ལུགས་ཀྱི་བྱ་འགུལ་དང་ཚོགས་ར་ཚོད་འཛིན་དོ་དམ་གྱི་བླང་བྱ་རྒྱུན་འཁྱོང་བྱས་ནས།  རིམས་ནད་སྔོན་འགོག་ཚོད་འཛིན་གཏན་འབེབས་ལག་བསྟར་བྱེད་དགོས་པ། དེ་བཞིན་མི་མང་གིས་འདུ་ཚོགས་སོགས་གཅིག་འདུས་ཀྱི་ཅན་གྱི་བྱ་འགུལ་མི་སྤེལ་བར། ཞིང་འབྲོག་མང་ཚོགས་ཀྱིས་ལོ་གསར་སྐབས་ཁྱིམ་མཚེས་བར་འགྲོ་རྒྱུ་ཚད་འཛིན་གྱིས། སྒོ་ཁྱིམ་ཕྱི་རུ་འགྲོ་བ་ཇེ་ཉུང་དུ་བཏང་ནས། གཉེན་སྟོན་དང་འདས་མཆོད་སོགས་སྟབས་བདེ་ཅན་དུ་གཏོང་དགོས་བའི་བཀའ་རྒྱ་བཀྲམས་འདུག

རྒྱ་གཞུང་གི་བཙོན་ཁང་དུ་སྡུག་སྦྱོང་མནར་གཅོད་ཚད་མེད་མྱངས་ཏེ་འདས་གྲོངས་སུ་གྱུར་བའི་རྒྱལ་གཅེས་པ་བསྟན་འཛིན་ཉི་མ་ལགས་ལ་གདུང་སེམས་མཉམ་བསྐྱེད་དང་རྒྱ་གཞུང་གིས་བོད་ཐོག་འཛིན་པའི་དྲག་གནོན་སྲིད་བྱུས་ལ་ངོ་རྒོལ་ཆེད་ཁ་ཉིན་རེས་གཟའ་སྤེན་པའི་ཉིན་ཡོ་རོབ་རྒྱལ་ཁབ་ཕ་རན་སིར་གནས་སྡོད་བོད་མི་དང་བོད་དོན་རྒྱབ་སྐྱོར་བ་ཚོས་རྒྱལ་ས་པ་རི་སི་ནང་དུ་རྟེན་གཞི་བྱས་པའི་རྒྱ་ནག་གཞུང་ཚབ་ཁང་དུ་ངོ་རྒོལ་གྱིས་སྐད་འབོད་ལས་འགུལ་ཞིག་སྤེལ་འདུག ཕ་རན་སི་བོད་རང་བཙན་སློབ་ཕྲུག་ཚོགས་པའི་འགོ་ཁྲིསྒྲིག་འོག་ལས་འགུལ་བ་རྣམས་ཀྱིས་རྒྱ་ནག་གཞུང་ཚབ་ཁང་གི་མདུན་དུ་ལག་དུ་བོད་ཀྱི་རྒྱལ་དར་དང་རྒྱལ་གཅེས་པ་བསྟན་འཛིན་ཉི་མ་ལགས་ཀྱི་སྐུ་པར། དེ་བཞིན་བོད་ལ་རང་དབང་དགོས་པ་སོགས་ཀྱི་འབོད་ཚིག་འཁོད་པའི་འཕྲེད་དར་དང་ཤོག་བྱང་བསྣམས་པར་མ་ཟད། བོད་རྒྱལ་ཁབ་ཆེན་པོའི་རྒྱལ་གླུ་བླངས་པ་དང། བདེན་ཚིག་སྨོན་ལམ་གསུང་འདོན་གྱིས་རྒྱལ་གཅེས་པ་བསྟན་འཛིན་ཉིན་མ་ལགས་དམ་དེ་ཉིད་ཀྱིས་གཙོས་པའི་ད་བར་བོད་དོན་ཆེད་སྐུ་ལུས་བློས་བཏང་གནང་མཁན་རྣམས་ལ་མྱ་ངན་གུས་འདུད་ཀྱི་གདུང་སེམས་མཉམ་བསྐྱེད་ཞུས་པ་དང་ཆབས་ཅིག རྒྱ་ནག་གཞུང་གིས་བོད་མིར་དྲག་གནོན་བྱེད་འཚམས་འཇོག་དགོས་པ་དང་བོད་ལ་རང་དབང་དགོས་པ། དེ་བཞིན་བོད་ཀྱི་ཆབ་སྲིད་བཙོན་པ་རྣམས་གློད་བཀྲོལ་དགོས་པའི་འབོད་སྐུལ་གྱི་ངོ་རྒོལ་ལས་འགུལ་ཞིག་སྤེལ་ཡོད་པ་རེད། སྐབས་དེར་རླུང་འཕྲིན་ཁང་གིས་ལས་འགུལ་གོ་སྒྲིག་གནང་ཁན་ཕ་རན་སི་བོད་རང་བཙན་སློབ་ཕྲུག་ཚོགས་པའི་ཚོགས་གཙོ་དབྱངས་སྐྱིད་སྒྲོལ་དཀར་ལགས་སུ་བཅར་འདྲི་ཞུས་པར་ཁོང་གིས་མང་ཚོགས་ཀྱི་ངོས་ནས་ས་གནས་སུ་ནད་ཡམས་ཁྱབ་གདལ་གྱི་ངལ་བའི་གནས་སྟངས་ལ་ལྟོས་མེད་རྒྱ་གཞུང་ལ་ངོ་རྒོལ་སྐད་འབོད་ཀྱིས་བོད་ནང་གི་དངོས་ཡོད་གནས་སྟངས་འགྲེལ་བརྗོད་དང་གོ་རྟོགས་སྤེལ་རྒྱུ་དེ་གཙིགས་ཆེར་ངོས་འཛིན་གནང་གི་ཡོད་སྐོར་གསུངས་སོང་། བོད་མི་བསྟན་འཛིན་ཉི་མ་ལགས་ཀྱིས་ ༢༠༡༩ ཟླ་ ༡༡ ནང་རྒྱ་གཞུང་གིས་དབྱེ་བའི་ཟི་ཁྲོན་ཞིང་ཆེན་དཀར་མཛེས་སེལ་ཤུལ་རྫོང་རྫ་སྨད་དབོན་པོ་ཡུལ་ཚོའི་རྒྱ་གཞུང་ལས་ཁུངས་མདུན་དུ་བོད་རང་བཙན་གྱི་སྦྱར་ཡིག་འགྲེམས་སྤེལ་གནང་བར་བརྟེན་ནས་རྒྱ་གཞུང་ཉེན་རྟོག་པས་འཛིན་བཟུང་གིས་རྗེས་སུ་བཙོན་ཁང་ནང་གཅར་རྡུང་གི་རྐྱེན་གྱིས་ནད་གཅོང་དུ་གྱུར་ཏེ་སྔར་ལོའི་ཟླ་ ༡༢ ཚེས་ ༡ ཉིན་འདས་གྲོངས་སུ་གྱུར་ཡོད་པ་རེད།