Monthly Archives: February, 2021

ཉན་པ།: Listen ཕབ་ལེན། Download རྒྱ་གར་གཞུང་གིས་རྒྱ་ནག་གཅིག་གི་སྲིད་བྱུས་ལ་བསྒྱུར་བཅོས་ཐུབ་བམ། Sunday 28/02/2021 Can India repeal its ‘One China Policy’?

ཉན་པ།: Listen ཕབ་ལེན། Download གཞིས་ལུས་བོད་རིགས་ན་གཞོན་རྣམས་ཀྱིས་བོད་ཀྱི་སྐད་ཡིག་ལ་དམིགས་བསལ་དོ་སྣང་བྱེད་སྐོར་བཀའ་སྩལ་བ། མགོ་མཇུག་འཆོལ་བའི་ཡར་རྒྱས་འཛུགས་སྐྲུན་གྱི་དཔྱད་ཞིབ་སྙན་ཐོ་སྐོར་བཅར་འདྲི། Saturday 27/02/2021 Dalai Lama urges Tibetan youth to put special attention to Tibetan language Distorted Development: Interview on the recently released report by TCHRD

དེ་རིང་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་རབ་གནས་ལྕགས་གླང་ལོའི་ཆོ་འཕྲུལ་སྨོན་ལམ་ཆེན་མོ་ཉིན་བོད་མིའི་བླ་ན་མེད་པའི་དབུ་ཁྲིད་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སྐྱེས་རབས་དང་དཔལ་མགོན་འཕགས་པ་ཀླུ་སྒྲུབ་ཀྱིས་མཛད་པའི་དབུ་མ་རིན་ཆེན་ཕྲེང་བ། སེམས་བསྐྱེད་བཅས་ཀྱི་བཀའ་ཆོས་བཀའ་དྲིན་སྩལ་བ་དང་སྦྲགས། གཞིས་ལུས་བོད་རིགས་ན་གཞོན་རྣམས་ཀྱིས་བོད་ཀྱི་སྐད་ཡིག་ལ་དམིགས་བསལ་དོ་སྣང་བྱེད་སྐོར་ལམ་སྟོན་མཛད་སོང་།དེ་རིང་ཕྱི་ལོ་ ༢༠༢༡ ཟླ་ ༢ ཚེས་ ༢༧ སྟེ་ཆོ་འཕྲུལ་དུས་ཆེན་ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དྷརྨ་ས་ལའི་བཞུགས་སྒར་༸རྒྱལ་བའི་ཕོ་བྲང་གི་གཟིམ་ཆུང་ནས་དྲྭ་ལམ་བརྒྱུད་སྐྱེས་རབས་ཀྱི་བཀའ་ཆོས་དབུ་འཛུགས་ཀྱིས་སྔོན་འགྲོའི་བཀའ་སློབ་སྩལ་སྐབས་བོད་མི་རྣམས་བཙན་བྱོལ་ལ་ཡོང་བ་དེ་རྐྱེན་ངན་གྲོགས་ལ་ཤར་བ་ལྟ་བུར་ཆགས་ཡོད་སྐོར་བཀའ་སྩལ་བ་དང་སྦྲགས། ང་ཚོ་བཙན་བྱོལ་ལུང་པའི་ནང་རང་གི་ཆོས་དང་རིག་གཞུང་། སྐད་ཡིག་བཅས་པ་སྲུང་སྐྱོབ་གནང་བའི་སྒོ་ནས་དེ་དག་ད་ཆ་འཛམ་གླིང་ཐོག་མཐོང་ཆོས་སུ་གྱུར་ཡོད་པ་དང་ལྷག་དོན་ཆོས་ལུགས་གཞན་དང་དེང་རབས་ཀྱི་ཚན་རིག་པ་ཚོའི་ནང་ལ་དོ་སྣང་གསར་པ་ཞིག་སླེབས་ཡོད་པར་བཀའ་སྩལ་བ་དང་ལྷག་པར་དུ་བོད་གངས་ཅན་ལྗོངས་ཀྱི་ཆོས་རྒྱལ་དང་སློབ་དཔོན་སོགས་ཀྱི་སྐུ་དྲིན་ལ་བརྟེན་ནས་ནང་པ་སངས་རྒྱས་པའི་བསྟན་པ་ཆ་ཚང་བ་འདི་འཛམ་གླིང་གང་དུའང་མེད་པར་བོད་ནང་དར་ཁྱབ་བྱུང་ཡོད་པ་ལུང་འདྲེན་གྱིས་ད་ཆ་ང་ཚོ་ཆབ་སྲིད་ཀྱི་ཐོག་ནས་གནས་སྟངས་སྐྱོ་པོ་ཆགས་ཡོད་ཀྱང་སངས་རྒྱས་པའི་ཆོས་གཏིང་ཟབ་ཡོད་པ་དེའི་རྐྱེན་གྱིས་རྒྱ་གཞུང་གིས་བོད་མི་ཚོར་བཙན་དབང་ཐོག་ཆབ་སྲིད་ཀྱི་སློབ་གསོ་དང་སྡུག་སྦྱོང་མནར་གཅོད་གང་འདྲ་བཏང་དང་གཏོང་མུས་ལ་ལྟོས་མེད་བོད་མིའི་ཆོད་སེམས་ལ་འགྱུར་བ་མེད་སྐོར་བཀའ་སློབ་སྩལ་སོང་།དེ་བཞིན་༸གོང་ས་མཆོག་གིས་དེང་གི་ཆར་བོད་གཞིས་ལུས་རྒྱ་ཆེ་མི་མང་ཚོགས་ཚང་མས་སངས་རྒྱས་ཀྱི་བསྟན་པ་འདི་རྒྱ་ཆེན་པོའི་ཐོག་ནས་མ་ཤེས་ཀྱང་དད་པ་རང་གི་ཐོག་ནས་ཆོས་དད་བརྟན་པོ་ཡོད་པ་འདི་བོད་མི་རིགས་ཀྱི་བླ་སྲོག་ཡིན་པ་དང་། ནང་པའི་ཆོས་འདི་མ་འོངས་པར་རིམ་པས་བོད་རྒྱ་ཧོར་གསུམ་ནང་ཁྱབ་སྤེལ་ཤུགས་ཆེར་འགྲོ་ངེས་ཡིན་སྟབས་ཚང་མ་སེམས་སྐྱིད་པོ་དང་བག་ཕེབས་པོའི་ངང་བཞུགས་དགོས་ཞེས་ལམ་སྟོན་བཀྲིན་ཆེ་བ་སྩལ་ཡོད། ལྷག་དོན་༸གོང་ས་མཆོག་གིས་བོད་ནང་གི་རྒྱ་ཆེ་མི་མང་སྤྱི་དང་སྒོས་བོད་རིགས་གཞོན་སྐྱེས་ཚོར་བོད་ཡིག་ཐོག་དམིགས་དོ་སྣང་གནང་གལ་ཡིན་སྐོར་དང་འབྲེལ། ནང་པ་སངས་རྒྱས་པའི་དཔལ་ནཱ་ལེནྡཱའི་ཆོས་བརྒྱུད་ཀྱི་ལྟ་གྲུབ་ཁག་འགྲེལ་བརྗོད་གནང་ཐུབ་མཁན་བོད་སྐད་ཁོ་ན་ཆགས་ཡོད་པ་དང་དེ་བཞིན་རྒྱ་གཞུང་གིས་བོད་ནང་བོད་ཀྱི་སྐད་ཡིག་འདི་རིམ་པས་རྩ་བརླག་གཏོང་རྒྱུའི་ཐབས་ཤེས་སྣ་མང་བྱེད་བཞིན་པའི་གནས་སྟངས་འོག་འཛམ་གླིང་སྤྱིའི་དོ་སྣང་སླེབས་རྒྱུའི་སངས་རྒྱས་པའི་ལྟ་གྲུབ་འདི་བོད་ཡིག་ཁོ་ནར་ཡོད་པས་དེ་ནི་བོད་མི་རིགས་ཀྱི་སྤོབས་པ་ཡིན་སྟབས་གཞིས་ལུས་བོད་རིགས་ན་གཞོན་རྣམས་ཀྱིས་ངེས་པར་དུ་བོད་ཀྱི་སྐད་ཡིག་ལ་དོ་སྣང་དང་སློབ་སྦྱོང་བྱེད་རྒྱུ་གལ་ཆེ་ཡིན་པའི་གཞེན་སྐུལ་མཛད་ཡོད། ༸གོང་ས་མཆོག་གིས་ད་དུང་ལོ་ལྟར་བདག་ཅག་གི་སྟོན་པ་མཉམ་མེད་ཤཱཀྱ་སེང་གེ་མཆོག་གིས་མཆུ་ཟླའི་ཡར་ཚེས་གཅིག་ནས་བཅོ་ལྔའི་བར་བདུད་དང་མུ་སྟེགས་ཅན་ལ་སོགས་པ་ཆོ་འཕྲུལ་སྣ་ཚོགས་ཀྱི་སྒོ་ནས་ཚར་བཅད་པའི་དུས་ཆེན་ནམ་ཆོ་འཕྲུལ་དུས་ཆེན་ནམ་ཡིན་ལ་སྟོན་པ་སངས་རྒྱས་ཀྱི་རྣམ་ཐར་དང་འབྲེལ་བའི་སྐྱེས་རབས་ཀྱི་བཀའ་ཆོས་སྩལ་གྱི་ཡོད་པ་ལྟར། དེ་རིང་སྔ་དྲོ་སྔ་ལོར་བསྩལ་བའི་སྐྱེས་རབས་ཀྱི་བཀའ་ཆོས་ལས་འཕྲོ་སྐྱོང་མཛད་རྗེས་དཔལ་མགོན་འཕགས་པ་ཀླུ་སྒྲུབ་ཀྱིས་མཛད་པའི་དབུ་མ་རིན་ཆེན་ཕྲེང་བའི་ལེའུ་དང་པོའི་བཀའ་ཆོས་དང་། ལ་དྭགས་སེམས་བསྐྱེད་ཚོགས་པས་ཇི་ལྟར་གསོལ་བ་བཏབ་པ་ལྟར་སེམས་བསྐྱེད་ཀྱི་ཆོས་འབྲེལ་སོགས་བཀའ་དྲིན་སྩལ་སོང་།

ཉན་པ།: Listen ཕབ་ལེན། Download མཚོ་ལྷོ་ཁུལ་གྱི་བོད་རིགས་སློབ་མ་གཉིས་ལ་ཁྲིམས་ཆད་བཏང་འདུག རྒྱ་ནག་གིས་ཡུ་གུར་མི་རིགས་རྩ་མེད་བཏང་བར་གྲོས་ཆོད་གཏན་འབེབས། རྒྱ་གར་ལྷོ་ཕྱོགས་ Jyoti Nivas མཐོ་སློབ་ནང་ཆེས་ཐོག་མའི་བོད་ཀྱི་འགྲེམས་སྟོན། ༸དཔལ་ལྡན་སྟོད་རྒྱུད་གྲྭ་ཚང་བཀག་སྐྱིལ་ས་ཁུལ་ལ་ངོས་འཛིན། ཆོ་འཕྲུལ་དུས་ཆེན་ངོ་སྤྲོད།། བཙན་བྱོལ་བོད་མིའི་གནས་སྟངས་ངོ་སྤྲོད། སུད་སི་དང་ལིག་ཏེན་སིཊཡན་བོད་རིགས་མི་མང་སྐོར། Friday 26/02/2021 Two Tibetan students convicted of ‘inciting secession’ Dutch parliament becomes second in a week to accuse China of genocide in Xinjiang Tibetan students hold first Tibet exhibition at Jyoti Nivas College 12 test positive for Covid, Gyuto monastery sealed off Introduction to 'Chotrul Duechen', the Day of Miracles Diaspora Feature: Tibetan Community in Swiss and Liechtenstein

མཚོ་ལྷོ་ཁུལ་འབྲིང་རིམ་མི་དམངས་ཁྲིམས་ཁང་གིས་བོད་རིགས་སློབ་མ་བྱམས་པ་ཚེ་རིང་ལགས་དང་གདུག་དཀར་ཚེ་རིང་གཉིས་ལ་རྒྱལ་ཁབ་ཁ་བྲལ་གྱི་ཉེས་མིང་འོག་འཛིན་བཟུང་དང་བྱམས་པ་ཚེ་རིང་ལགས་ལ་ལོ་གཅིག་དང་ཟླ་བ་དྲུག་གི་བཙོན་འཇུག་ཁྲིམས་ཐག་བཅད་འདུགཕྱི་ཟླ་ ༢ ཚེས་ ༢༣ ཉིན་རྒྱ་ནག་གི་ Weiquan  Wang ཞེས་པའི་དྲྭ་གནས་སུ་གནས་ཚུལ་སྤེལ་བར་གཞིགས་ན། མཚོ་སྔོན་ཞིང་ཆེན་མཚོ་ལྷོ་ཁུལ་ནས་ཡིན་པའི་བོད་རིགས་སློབ་མ་བྱམས་པ་ཚེ་རིང་ལགས་དང་གདུག་དཀར་ཚེ་རིང་ལགས་གཉིས་ཀྱིས་འདས་ལོ་ ༢༠༢༠ ལོར་གསེར་ཆེན་རྫོང་དུ་སྤེལ་བའི་རྐང་རྩེད་སྤོ་ལོའི་འགྲན་བསྡུར་སྐབས་ཁྲིམས་འགལ་གྱིས་སྤོ་ལོ་རུ་ཁག་གི་དར་ཆ་དང་ལས་རྟགས་བཟོས་པར་མ་ཟད་འབྲེལ་ཡོད་པར་རིས་རྣམས་སྐད་འཕྲིན་གཙོས་པའི་སྤྱི་ཚོགས་དྲྭ་རྒྱར་ཁྱབ་སྤེལ་གནང་ཡོད་ཚུལ་བསྙད་དེ་ཕྱི་ཟླ་ ༨ ཚེས་ ༣ ཉིན་མཚོ་ལྷོ་ཁུལ་འབྲིང་རིམ་མི་དམངས་ཁྲིམས་ཁང་གིས་ཁོང་གཉིས་ཀྱི་ལག་ཐོག་ཁ་པར་བཙན་འཕྲོག་གིས་བྱམས་པ་ཚེ་རིང་ལགས་སུ་རྒྱལ་ཁབ་ཁ་བྲལ་གྱི་ཉེས་མིང་འོག་ལོ་གཅིག་དང་ཟླ་བ་དྲུག་གི་བཙོན་འཇུག་ཁྲིམས་ཐག་བཅད་འདུག

རྒྱ་ནག་གཞུང་གིས་ཡུ་གུར་མི་རིགས་གཙོ་བོར་གྱུར་པའི་ཁ་ཆེའི་གྲངས་ཉུང་མི་རིགས་ཐོག་མི་སྤྱོད་ལས་འདས་པའི་དྲག་གནོན་བྱས་པ་ནི་མི་རིགས་རྩ་མེད་གཏོང་རྒྱུའི་བྱ་སྤྱོད་ཅིག་ཡིན་པར་ཉེ་ལམ་རེས་གཟའ་ཟླ་བའི་ཉིན་ཁེ་ན་ཌའི་གྲོས་ཚོགས་འོག་མའི་ནང་གྲོས་ཆོད་གཏན་འབེབས་གནང་དོན་བཞིན་དུས་ཡུན་ཉིན་གྲངས་གཉིས་ལས་མ་སོང་བར་ཁ་སང་སླར་ནེ་ཐར་ལན་ཌི་གྲོས་ཚོགས་ཀྱིས་ཀྱང་རྒྱ་ནག་གི་བྱ་སྤྱོད་དེ་མི་རིགས་རྩ་མེད་གཏོང་རྒྱུའི་བྱ་སྤྱོད་ཅིག་ཡིན་པར་གྲོས་ཆོད་གཏན་འབེབས་གནང་འདུགརྒྱལ་སྤྱིའི་ཁྲོད་ལས་འགུལ་བ་དང་རྒྱལ་ཚོགས་ཀྱི་ཞིབ་འཇུག་མི་སྣས་རྒྱ་ནག་གཞུང་གིས་ཡུ་གུར་ས་ཡ་གཅིག་ལྷག་བཀག་སྐྱིལ་ཁང་དུ་སྡུག་སྦྱོང་ཚད་མེད་བཏང་བ་ཙམ་མ་ཟད་སྐྱེ་སྒོ་བཀག་རྒྱུ་དང་ངལ་རྩོལ་བསྒྱུར་བཀོད་སོགས་ཐ་ཤལ་ཅན་གྱི་བྱ་སྤྱོད་བརྩམས་དང་རྩོམ་བཞིན་ཡོད་པའི་སྙན་ཐོ་སོགས་རིམ་པ་ཆེད་སྤེལ་ཡོད་ཀྱང་། རྒྱ་ནག་གཞུ་གིས་ཡུ་གུར་བར་ལག་ཤེས་སློབ་སྦྱོང་སྤྲོད་པ་ལས་འགྲོ་བ་མི་ཐོབ་ཐང་ལ་རྡོག་རོལ་གཏོང་བཞིན་མེད་ཚུལ་བརྗོད་ཡོད་པ་དེ་ལྟར་ཡང་། ཁ་སང་ནེ་ཐར་ལན་ཌི་གྲོས་ཚོགས་ཀྱིས་རྒྱ་ནག་གཞུང་གིས་ཡུ་གུར་མི་རིགས་གཙོ་བོར་གྱུར་པའི་ཁ་ཆེའི་གྲངས་ཉུང་མི་རིགས་ཐོག་མི་སྤྱོད་ལས་འདས་པའི་དྲག་གནོན་བྱས་པ་ནི་མི་རིགས་རྩ་མེད་གཏང་རྒྱུའི་བྱ་སྤྱོད་ཅིག་ཡིན་པར་གྲོས་ཆོད་གཏན་འབེབས་གནང་འདུག་པ་དང་། གྲོས་ཆོད་ནང་རྒྱ་ནག་གཞུང་གིས་བེུད་སྐྱེ་སྒོ་བཀག་རྒྱུ་དང་། ཅི་སྟེ་ཕྲུ་གུ་བཙའ་ན་དེར་ཉེས་ཆད་འགེལ་རྒྱུའི་ནག་ཉེས་དེ་རྒྱལ་ཚོགས་ཀྱི་ཁྲིམས་སྒྲིག་ ༢༦༠ ནང་ཚུད་ཀྱི་ཡོད་པ་དང་ཡོངས་གྲགས་སུ་བྱ་སྤྱོད་དེ་མི་རིགས་རྩ་མེད་གཏང་རྒྱུའི་བྱ་སྤྱོད་ཡིན་པར་བཀོད་ཡོད་པ་རེད། ནེ་ཐར་ལན་ཌི་གྲོས་ཚོགས་ཀྱིས་འཇོག་པའི་གྲོས་ཆོད་དེ་དང་འབྲེལ་ནསཡོ་རོབ་ Netherlands ཡི་རྒྱལ་ས་ Hague ཁུལ་དུ་ཡོད་པའི་རྒྱ་ནག་གི་གཞུང་ཚབ་པས་ཤིན་ཅང་ཁུལ་དུ་མི་རིགས་རྩ་མེད་གཏང་རྒྱུའི་བྱ་སྤྱོད་སྤེལ་བཞིན་ཡོད་སྐོར་བརྗོད་པ་ནི་མཐའ་གཅིག་ཏུ་རྫུན་གཏམ་འབའ་ཞིག་ཡིན་པ་དང་། ནེ་ཐར་ལན་ཌི་གྲོས་ཚོགས་ཀྱིས་རྒྱ་ནག་གཞུང་ལ་དོན་མེད་ནག་ཉེས་བཙུགས་པར་མ་ཟད།རྒྱ་ནག་རྒྱལ་ནང་གི་གནད་དོན་ལ་ཐེ་བྱུས་བྱས་པ་ཞིག་ཡིན་པར་སྐྱོན་བརྗོད་བྱས་འདུགནེ་ཐར་ལན་ཌི་གྲོས་ཚོགས་ཀྱིས་གྲོས་ཆོད་དེ་མ་འཇོག་གོང་གི་ཉིན་གྲངས་གཉིས་ཀྱི་སྔོན་ལ་ཁེ་ན་ཌའི་གྲོས་ཚོགས་འོག་མ་དང་ཕྱི་ཟླ་དང་པོ་ནང་ཨ་རི་ཕྱི་སྲིད་དྲུང་ཆེ་གསར་རྙིང་གཉིས་ཀས་ཡུ་གུར་མི་རིགས་གཙོ་བོར་གྱུར་པའི་ཁ་ཆེའི་གྲངས་ཉུང་མི་རིགས་ཐོག་མི་སྤྱོད་ལས་འདས་པའི་དྲག་གནོན་སྤེལ་བ་ནི་མི་རིགས་རྩ་མེད་གཏང་རྒྱུའི་བྱ་སྤྱོད་ཅིག་ཡིན་པར་གྲོས་ཆོད་གཏན་འབེབས་གནང་ཡོད་པར་མ་ཟད། ཉེ་ཆར་ཡུ་རོབ་མཐུན་ཚོགས་ཀྱི་ཕྱི་འབྲེལ་བློན་ཆེན་མཆོག་གིས་ཤིན་ཅང་ཁུལ་གྱི་དངོས་ཡོད་གནས་ཚུལ་རྟོག་ཞིབ་དཔྱིས་ཕྱིན་པ་ཞིག་གནང་སླད་རྒྱ་ནག་གཞུང་གི་ངོས་ནས་མཉམ་འབྲེལ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་གི་གཙོ་འཛིན་ལྕམ་ Michelle Bachelet ལགས་ཀྱིས་གཙོས་པའི་རྒྱལ་སྤྱིའི་རྟོག་ཞིབ་རུ་ཁག་ཤིན་ཅང་དུ་དོན་ཕན་ལྡན་པའི་གཟིགས་སྐོར་གནང་འཇུག་དགོས་ཞེས་གསུངས་ཡོད་པ་རེད། ཁ་སང་སླར་ཡོ་རོབ་གྲོས་ཚོགས་འཐུས་མི་ཁག་ཅིག་གིས་རྒྱལ་སྤྱིའི་ཨོ་ལམ་པིག་རྩེད་འགྲན་ལྷན་ཚོགས་དང་དགུན་དུས་ཨོ་རྩེད་འགྲན་ཚོགས་ཀྱི་སྦྱིན་བདག་རྣམ་པའི་མཚན་ཐོག་ཏུ་ཕྱག་བྲིས་ཤིག་ཕུལ་ཡོད་པ་རེད། ཕྱག་བྲིས་དེར་རྒྱ་གཞུང་གིས་བོད་དང་ཡུ་གུར། རྒྱ་རིགས་མང་གཙོའི་ལས་འགུལ་བ་དང་ཧོང་ཀོང་ལས་འགུལ་བ། ཡེ་ཤུའི་གྲངས་ཉུང་མི་རིགས་རྣམས་ལ་མི་སྤྱོད་ལས་འདས་པའི་དྲག་གནོན་དང་མི་རིགས་རྩ་མེད། ངལ་རྩོལ་བསྒྱུར་བཀོད། དེ་བཞིན་ཆོས་དད་རང་དབང་བཙན་འཕྲོག་སོགས་ཀྱི་སྲིད་བྱུས་ལག་བསྟར་ཁྲོད་འགྲོ་བ་མིའི་ཐོབ་ཐང་བརྩི་མེད་རྡོག་རོལ་གཏོང་བཞིན་ཡོད་པ་དང་། ལྷག་པར་དུ་རྒྱ་ནག་གཞུང་གི་ཤིན་ཅང་ཁུལ་དུ་མི་རིགས་རྩ་མེད་གཏང་རྒྱུའི་བྱ་སྤྱོད་སྤེལ་དང་སྤེལ་བཞིན་པའི་དཔང་རྟགས་རིམ་པར་ཐོན་ཡོད་སྟབས། ༢༠༢༢ ལོའི་ཨོ་རྩེད་འགྲན་ཚོགས་ཀྱི་རྩེད་འགྲན་དེའི་རྐྱེན་གྱིས་རྩེད་འགྲན་ཕྱིར་དུ་སྦྱིན་བདག་གནང་མཁན་དག་གིས་རང་ཉིད་ཀྱི་ཆེས་མཐོང་བརླག་ཉེན་ཡོད་པ་དང་། རྒྱ་ནག་གཞུང་གི་ངོས་ནས་འགྲོ་བ་མིའི་ཐོབ་ཐང་ལ་བརྩི་སྲུང་ཞུ་རྒྱུའི་འགན་དེ་སྦྱིན་བདག་རྣམ་པར་ཡོད་པ་གསུངས་འདུག རྒྱལ་སྤྱིའི་ཨོ་ལམ་པིག་རྩེད་འགྲན་ལྷན་ཚོགས་ཀྱི་ངོས་ནས་རྒྱ་ནག་གཞུང་གིས་བྱ་སྤྱོད་དེ་ལྟར་སྤེལ་བའི་རྐྱེན་གྱིས་ ༢༠༢༢ ལོའི་ཨོ་རྩེད་འགྲན་ཚོགས་དེ་རྒྱ་ནག་ལ་འཚོགས་རྒྱུ་ཕྱིར་བཤོལ་གྱིས་ས་གནས་གཞན་ལ་འཚོགས་དགོས་པའི་ཞུ་སྐུལ་གནང་འདུགརྒྱ་ནག་ནང་གི་གྲོང་ཁྱེར་པེ་ཅིང་དུ་ཕྱི་ལོ་ ༢༠༢༢ ལོའི་དགུན་དུས་ཨོ་ལམ་པིག་རྩེད་འགྲན་འཚོགས་འཆར་གྱི་གནད་དོན་དེ་ཕྱི་ལ་ཐོན་མ་ཐག་རྒྱལ་སྤྱིའི་འགྲོ་བ་མིའི་ཐོབ་ཐང་ལྟ་ཞིབ་ཁང་དང་མང་གཙོ་ལས་འགུལ་བ། དེ་བཞིན་འགྲོ་བ་མིའི་ཐོབ་ཐང་ཐོག་ཕྱག་ལས་གནང་མཁན་མང་དག་ཅིག་གིས་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་བབ་ཡར་རྒྱས་མ་བཏང་བར་དུ་རྒྱ་ནག་ཏུ་རྩེད་འགྲན་དེ་འཚོགས་རྒྱུའི་གོ་སྐབས་སྤྲོད་རྒྱུ་མེད་པར་སྐྱོན་བརྗོད་གནང་ཡོད་པ་རེད།

དྷརྨ་ས་ལར་རྟེན་གཞི་བྱས་པའི་༸དཔལ་ལྡན་སྟོད་རྒྱུད་གྲྭ་ཚང་གི་དགེ་འདུན་པ་ ༡༢ ལ་ཏོག་དབྱིབས་གཉན་རིམས་ཕོག་རྐྱེན་རིམ་པས་གཉན་རིམས་ཁྱབ་གདལ་ཆེས་ཆེར་འགྲོ་བའི་ལྟེ་གནས་ལྟ་བུར་གྱུར་ཡོད་སྟབས་དགོན་པ་ཡོངས་རྫོགས་བཀག་སྐྱིལ་ས་ཚིགས་ངོས་འཛིན་གྱིས་དམ་དྲག་གནང་མུས་རེད་འདུགཧི་མཱ་ཅལ་མངའ་ཁུལ་དུ་ཏོག་དབྱིབས་གཉན་རིམས་ཕོག་མཁན་གྱི་གྲངས་འབོར་དེ་རིམ་བཞིན་ཇེ་ཉུང་འགྲོ་མུས་ཁྲོད་འདིར་དྷརྨ་ས་ལར་རྟེན་གཞི་བྱས་པའི་༸དཔལ་ལྡན་སྟོད་རྒྱུད་གྲྭ་ཚང་གི་དགེ་འདུན་པ་ཁག་ཅིག་ལ་ཏོག་དབྱིབས་གཉན་རིམས་འགོས་ཡོད་མེད་བརྟག་དཔྱད་གནང་འབྲས་སུ་དགེ་འདུན་པ་ ༡༢ ལ་གཉན་རིམས་དེ་ཕོག་པའི་ནད་རྟགས་ཐོན་འཕྲལ་མངའ་སྡེ་གཞུང་གིས་སྒྲིག་དོན་ ༡༤༤ དགོངས་དོན་འོག་ད་ལྟའི་ཆར་གྲྭ་ཚང་རང་ལ་དགེ་འདུན་པ་ཁྱོན་ ༤༠༠ ཙམ་ཡོད་སྟབས་རིམ་པས་དགེ་འདུན་པ་ནང་ཕན་ཚུལ་དབར་གཉན་རིམས་ཁྱབ་གདལ་ཆེས་ཆེར་འགྲོ་སྲིད་པའི་རང་བཞིན་ལས་མ་འདས་པར་བརྟེན་༸དཔལ་ལྡན་སྟོད་རྒྱུད་གྲྭ་ཚང་གཙོས་ཉེ་འཁོར་གྱི་ས་ཚིགས་ཁག་ཅིག་ Containment zone ཞེས་བཀག་སྐྱིལ་ས་ཁུལ་ལ་ངོས་འཛིན་གྱིས་དམ་དྲག་གནང་བཞིན་འདུགརྩ་བའི་ཟླ་བ་འདིའི་ནང་རྒྱ་གར་ལྷོ་ཕྱོགས་ཀྱི་གདན་ས་ཁག་ནས་༸དཔལ་ལྡན་སྟོད་རྒྱུད་གྲྭ་ཚང་དུ་སྔགས་རམས་པའི་སློབ་གཉེར་གནང་བར་ཕེབས་མཁན་དགེ་བཤེས་རྣམས་ཕེབས་རིམ་བཞིན་ཟུར་བཀག་དུ་བཞུགས་མུས་ཡིན་པ་རེད་འདུགགཞི་རྩའི་ད་བར་རྒྱ་བལ་གཉིས་སུ་བོད་མི་ ༡༥༤༠ ལ་གཉན་རིམས་དེ་ཕོག་ཡོད་པ་དང་། ནད་པ་དེ་དག་གི་ཁོངས་སུ་ ༡༤༨༠ དྲག་སྐྱེད་བྱུང་ཡོད་ཀྱང་། བོད་མི་ ༤༡ འདས་གྲོངས་སུ་གྱུར་བའི་ཡིད་སྐྱོའི་གནས་ཚཱུལ་ཐོན་ཡོད་པ་རེད། ད་ལྟའི་གཉན་རིམས་དེས་མནར་བཞིན་པ་བོད་མི་ ༡༩ ཆགས་ཀྱི་ཡོད་པ་རེད། རྒྱ་གར་ནང་དུ་རྒྱ་གར་གྱི་འཕྲོད་བསྟེན་ཆེད་ལས་པ་དང་མདུན་ཐོན་ཞབས་ཞུ་བ་གཙོས་བོད་མིའི་འཕྲོད་ལས་པ་ཁག་ཅིག་ལ་ཏོག་དབྱིབས་གཉན་རིམས་ཀྱི་སྔོན་ཁབ་ Covishield བརྒྱབ་རྒྱུ་དབུ་འཛུགས་གནང་ཡོད་པ་ལྟར།ད་བར་བོད་མི་ཁྱོན་ ༤༠༦ ལ་སྔོན་ཁབ་བརྒྱབ་ཡོད་པར་མ་ཟད་འདས་པའི་བདུན་ཕྲག་ནང་བོད་མི་ ༦༠ ལསྔོན་ཁབ་བརྒྱབ་ཡོད་པ་རེད།

སུད་སི་དང་ལིག་ཏེན་སིཊཡན་བོད་རིགས་མི་མང་གི་སྒྲིག་འཛུགས་དེ་ཐོག་མར་ཕྱི་ལོ་ ༡༩༧༣ ཙམ་ནས་དབུ་འཛུགས་གནང་ཞིང། ད་ལྟའི་ཆར་བོད་རིགས་མི་མང་གི་སྒྲིག་འཛུགས་འདི་ནི་རྒྱ་བལ་འབྲུག་གསུམ་ཕུད་པའི་ཕྱི་རྒྱལ་ཡུལ་གྲུ་ཁག་ཏུ་བོད་རིགས་ཚོགས་པ་ཡོད་པའི་ཁོངས་ནས་ས་གནས་གྲོས་ཚོགས་ཡོད་པའི་སྒྲིག་འཛུག་གཅིག་པོ་དེ་ཆགས་ཀྱི་ཡོད་པ་རེད།ད་ཆ་སྒྲིག་འཛུགས་འདིའི་འོག་བོད་རིགས་ཚོགས་ཆུང་ ༢༥ དང་ཚོགས་མི་ཁྱོན་ ༨༠༠༠ ཙམ་བཅས་ཕྱི་རྒྱལ་ཁབ་ཡུལ་གྲུ་ཁག་ཏུ་ཡོད་པའི་བོད་རིགས་མི་མང་གི་སྒྲིག་འཛུགས་ཆེ་གྲས་དང་རྙིང་གྲས་ཤིག་ཀྱང་ཡིན་པ་རེད། ཉེ་ཆར་སུད་སི་དང་ལིག་ཏེན་སིཊཡན་བོད་རིགས་མི་མང་ས་གནས་གྲོས་ཚོགས་ཀྱི་སྐབས་ ༡༨ པའི་སྔོན་འགྲོ་དང་དངོས་གཞིའི་འོས་བསྡུ་གྲུབ་པ་དང་བསྟུན། རླུང་འཕྲིན་ཁང་གི་གསར་འགོད་པས་འཁྱུར་ལ་ཉེ་བའི་སྐབས་ ༡༧ པའི་སུད་སི་ས་གནས་གྲོས་ཚོགས་ཀྱི་ཚོགས་གཙོ་མཚམས་མདའ་ནོར་བུ་ལགས་སུ་སྒྲིག་འཛུགས་ཀྱི་ལོ་རྒྱུས་དང་ལས་དོན་གང་ཕྱོགས་སོགས་ཀྱི་ཐོག་དམིགས་བསལ་བཅར་འདྲི་ཁག་ཅིག་ཞུས་པ་ཡིན།

ཉན་པ།: Listen ཕབ་ལེན། Download ཨིན་ཡུལ་གྲོས་ཚོཊ་འོག་མར་སླར་ཡང་བོད་ནང་ཕར་འགྲོ་ཚུར་འོང་གི་ཁྲིམས་འཆར་ངོ་སྤྲོད། ཤིན་ཅང་ནང་བཙོན་འཇུག་ཁྲིམས་ཐག་བཅད་པའི་གནས་ཚུལ་ཇེ་མང་འཐོན་མུས། སློབ་གྲྭ་དབུ་འཛུགས་གནང་སྐབས་རྒྱ་གར་དབུས་གཞུང་གི་ལམ་སྟོན་ཁག་སྲུང་བརྩི་ཞུ་དགོས། ཉེན་རྟོག་པས་བསྟན་པ་དར་རྒྱས་ལགས་ཀྱི་ལས་འགུལ་ས་ཚིགས་གཞན་དུ་སྤོ་རུ་འཇུག་པ། ཁེ་ན་ཌ་གཞུང་ལ་ ༢༠༢༢ ལོའི་ཨོ་རྩེད་འགྲན་ཚོགས་ལས་ཕྱིར་འཐེན་དགོས་པའི་ལས་འགུལ་སྤེལ། ནུབ་ཕྱོགས་རྒྱལ་ཁབ་ཚོས་རྒྱལ་ཚོགས་ཐོག་རྒྱ་གཞུང་ལ་སྐྱོན་བརྗོད་གནང་བར་ངོས་ལེན་མེད་པ། འཕྲོད་བསྟེན་ལས་རིམ། ཏོག་དབྱིབས་གཉན་རིམས་ཀྱི་སྔོན་ཁབ། Thursday 25/02/2021 MP Loughton assures reintroduction of Tibet reciprocity bill in Parliament Baseless imprisonments surge in Xinjiang: HRW Schools urged to follow Centre’s COVID protocol Police urge Tibetan activist to shift protest place Campaign launched in Canada to move 2022 Winter Olympics from Beijing Beijing refutes western accusations against its government in UN HEALTH and WELLNESS: Dr. Sonam Topgyal Nyatsatsang on Covid-19 vaccine