ARCHIVE
Monthly Archives: February, 2021
བོད་ཀྱི་སྐད་ཡིག་སྲུང་སྐྱོབ་གནང་རྒྱུའི་ཞུ་གཏུག་ལས་འགུལ་སྤེལ་བ།
vot.org -
རྒྱ་ནག་གཞུང་གིས་བོད་མིའི་མི་རབས་རྗེས་མ་དེ་བོད་སྐད་མ་ཤེས་པའི་མི་རིགས་ཤིག་ཆགས་ཐབས་སུ་བྱུས་ངན་གྱི་སྲིད་བྱུས་སྣ་ཚོགས་ཤིག་བརྩམས་དང་རྩོམ་བཞིན་པ་རྣམས་ཐེར་འདོན་དང་སྐྱོན་བརྗོད་གནང་སྟེ་བོད་ཀྱི་སྐད་ཡིག་སྲུང་སྐྱོབ་གནང་རྒྱུའི་ཞུ་གཏུག་ལས་འགུལ་ཞིག་དབུ་འཛུགས་གནང་འདུགརྒྱལ་སྤྱིའི་བོད་དོན་འབྲེལ་མཐུད་ལས་ཁང་ (International Tibet Network ) གིས་ཁ་སང་རྒྱལ་སྤྱིའི་མ་སྐད་ཉིན་མོ་དང་བསྟུན་དྲྭ་རྒྱའི་ཐོག་རྒྱ་ནག་གཞུང་གིས་བོད་མི་རིགས་ཀྱི་སྐད་ཡིག་སློབ་གཉེར་གནང་ས་ཕལ་མོ་ཆེར་རྒྱ་ནག་གཞུང་གི་ཁྱད་ཆོས་ལྡན་པའི་རྒྱ་སྐད་སློབ་གཉེར་བྱ་ཡུལ་ཞིག་ཏུ་བཟོས་ཡོད་པར་མ་ཟད། ཕ་མ་རྣམས་ལ་བཙནདབང་གིས་རང་གི་བུ་ཕྲུག་རང་དང་ཐག་རིང་བའི་རྒྱ་སྐད་སློབ་གཉེར་བྱ་ཡུལ་ལ་ཆེད་གཏོང་དགོས་པའི་བཙན་བཀའ་སོགས་བཏང་བ་བརྒྱུད་དེ་བོད་མིའི་མི་རབས་རྗེས་མ་དེ་དག་བོད་སྐད་མ་ཤེས་པའི་མི་རིགས་ཤིག་ཆགས་ཐབས་སུ་བྱུས་ངན་གྱི་སྲིད་བྱུས་སྣ་ཚོགས་ཤིག་བརྩམས་དང་རྩོམ་བཞིན་ཡོད་སྟབས། དྲྭ་ཐོག་ནས་རྒྱ་ནག་གཞུང་གི་སྲིད་བློན་གཞོན་པ་ Sun Chunlan དང་ཤེས་རིག་བློན་ཆེན་ Chen Baosheng གཉིས་ཀྱི་མིང་ཐོག་བོད་ཀྱི་སྐད་ཡིག་རང་དབང་སྲུང་སྐྱོབ་ཅེས་འཕྲིན་གཏོང་གི་ལས་འགུལ་ཞིག་སྤེལ་དང་སྤེལ་མུས་ཁྲོད་ད་བར་མི་མང་ ༡༥༠༠ ལྷག་ནས་མཉམ་ཞུགས་གནང་ཡོད་ཀྱང་། ལས་འགུལ་ཀྱི་ཐོག་མའི་དམིགས་ཚད་ལྟར་མི་མང་ ༢༥༠༠ ལྷག་ནས་མཉམ་ཞུགས་གནང་དགོས་ཀྱི་ཡོད་པ་རེད།
རྒྱལ་སྤྱིའི་བོད་དོན་འབྲེལ་མཐུད་ལས་ཁང་གིས་རྒྱ་ནག་གཞུང་གིས་བོད་ཁུལ་དུ་སྐད་ཡིག་གཉིས་ལྡན་གྱི་སློབ་གསོ་སྤྲོད་ཀྱི་ཡོད་ཚུལ་བརྗོད་ཀྱི་ཡོད་ཀྱང་བོད་ཡིག་སློབ་གཉེར་གནང་སའི་སློབ་གྲྭ་ཁག་ཕྱིར་བཤོལ་བྱས་པ་དང་སྔོན་འགྲོའི་སློབ་གྲྭར་བཙན་དབང་གིས་རྒྱ་སྐད་སྦྱོང་འཇུག་བཞིན་ཡོད་པ་ནི་རྒྱ་ནག་གཞུང་གིས་བོད་མི་རིགས་ཀྱི་ངོ་བོ་མཚོན་ཆེད་སྐད་ཡིག་དང་རིག་གཞུང་དེ་དག་ཆེད་མངགས་རྩ་མེད་གཏོང་བཞིན་ཡོད་པ་རེད་ཅེས་འགྲེལ་བརྗོད་གནང་བ་དང་སྦྲགས། ལོ་ངོ་བཅུ་ཕྲག་ཁ་ཤས་ཀྱི་སྔོན་ལ་རྒྱ་ནག་གཞུང་གིས་བོད་ཕྲུག་སློབ་གཉེར་གནང་སའི་སློབ་གྲྭ་ཁག་ཏུ་བོད་ཀྱི་སྐད་ཡིག་སློབ་ཁྲིད་གནང་རྒྱུ་དེ་རྩ་བ་ནས་མེད་པ་བཟོ་ཐབས་ལ་འབད་བརྩོན་བྱས་ཡོད་ཀྱང་སྐབས་དེར་བོད་རིགས་སློབ་མ་གཙོས་མི་མང་སྟོང་ཕྲག་མང་པོ་ཐང་ལ་ཕྱིར་ཐོན་ནས་ང་ཚོར་སྐད་ཡིག་གི་རང་དབང་དགོས་ཞེས་པའི་སྐད་འབོད་གནང་སྟེ་ངོ་རྒོལ་ཤུགས་ཆེ་གནང་བར་བརྟེན་རྒྱ་གཞུང་གི་བྱུས་ངན་པ་དེ་ལམ་ལྷོང་བྱུང་མེད་སྟབས། ད་ཆ་སླར་ཡང་རྒྱ་ནག་གཞུང་གིས་བྱ་ངན་དེ་བརྩམས་དང་རྩོམ་བཞིན་ཡོད་རྐྱེན་ཐེངས་འདིའི་རྒྱལ་སྤྱིའི་མ་སྐད་ཉིན་མོ་དང་བསྟུན་ང་ཚོའི་ནུས་པ་མཉམམ་སྤུངས་ཀྱིས་ལས་འགུལ་དེ་སྤེལ་དགོས་པའི་གཞེན་སྐུལ་གནང་འདུག
སྲིད་སྐྱོང་གི་ལས་ཡུན་རྫོགས་ཉེ་དང་བསྟུན་རྒྱ་གར་བྱང་ཤར་ཁུལ་ནས་ཐོན་མཇལ་དབུ་འཛུགས།
vot.org -
བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་བཀའ་ཤག་སྐབས་བཅོ་ལྔ་པའི་ལས་ཡུན་རྫོགས་ལ་ཉེ་བ་དང་བསྟུན་རྒྱ་གར་བྱང་ཤར་ཁུལ་གྱི་བོད་མིའི་གཞིས་ཆགས་ཁག་ནས་ཐོན་མཇལ་དབུ་འཛུགས་གནང་འདུགབོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ཟླ་ ༢ ཚེས་ ༡༩ ཉིན་བཞུགས་སྒར་དྷརྨ་ས་ལ་ནས་རྒྱ་གར་གྱི་རྒྱལ་ས་ལྡི་ལིར་ཕེབས་ཐོན་གྱིས་ཁ་སང་ཚེས་ ༢༡ ཉིན་གྱི་ཕྱི་དྲོ་འབྲས་ལྗོངས་ཀྱི་རྒྱལ་ས་སྒང་ཏོག་དུ་ཕེབས་འབྱོར་བྱུང་བར་བོད་མི་མང་སྤྱི་འཐུས་དབུ་དཀར་ཚང་གཡུ་སྒྲོན་ལགས་དང་སྒང་ཏོག་ས་གནས་འགོ་འཛིན་ལས་ཁུངས་ཀྱི་ལས་བྱེད་གཙོས་གཞུང་འབྲེལ་མིན་པའི་ཚོགས་ཁག་གི་ཚོགས་གཙོ་དང་ས་གནས་བོད་མི་བཅས་ཀྱིས་ཕེབས་བསུའི་སྣེ་ལེན་ཞུས་ཏེ་མཛད་སྒོ་ཞིག་ཚོགས་འདུག དེ་རིང་སྔ་དྲོ་སྲིད་སྐྱོང་མཆོག་ནས་འབྲས་ལྗོངས་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ Prem Singh Tamang མཆོག་དང་མཇལ་འཕྲད་ཞུས་འདུགཁ་སང་སྲིད་སྐྱོང་མཆོག་གིས་སྒང་ཏོག་ཁུལ་གྱི་བོད་མི་རྣམས་ལ་གསུང་བཤད་གནང་སྐབས་ད་རེས་ཁོང་གི་གཞུང་འབྲེལ་འཚམས་གཟིགས་ནི་གཙོ་བོ་སྲིད་སྐྱོང་གི་ལས་ཡུན་རྫོགས་མཚམས་སུ་བཙན་བྱོལ་བོད་མིའི་གཞིས་ཆགས་ཁག་ཆ་ཚང་དང་ཕྱི་རྒྱལ་ལ་ཡོད་པའི་བོད་མི་ཚང་མར་ཐུགས་རྗེ་ཆེ་ཞུ་ཆེད་ཐུག་འཕྲད་དུ་འགྲོ་དགོས་བསམ་ནས་ལས་རིམ་ཞིག་བང་སྒྲིག་ཡོད་ཀྱང་ཏོག་དབྱིབས་གཉན་རིམས་རྐྱེན་གྱིས་དེ་ལྟར་གནང་རྒྱུ་དཀའ་སྟབས། རང་ཉིད་ཀྱི་ཕ་མ་ཐོག་མར་བཙན་བྱོལ་ལ་ཕེབས་ཡུལ་དང་རང་ཉིད་སྐྱེལ་ཡུལ། འཚར་ལོངས་བྱུང་ས་སོགས་ཀྱི་ས་ཆ་འདི་ནས་འགོ་བཙུགས་ན་རྟེན་འབྲེལ་ཡག་པོ་ཡོད་པར་ངོས་འཛིན་གྱིས་བོད་མིའི་གཞིས་ཆགས་ཁག་ཏུ་སྐོར་སྐྱོད་གནང་ནས་བོད་མི་རྣམས་ལ་༸གོང་ས་༸སྐྱབས་མགོན་ཆེན་པོ་མཆོག་དང་བོད་ཀྱི་རྩ་དོན་ཆེད་ཞབས་འདེགས་བསྒྲུབ་རྒྱུའི་གོ་སྐབས་གནང་བར་ཐུགས་རྗེ་ཆེ་ཞུ་ཆེད་བཅར་བ་ཡིན་སྐོར་ངོ་སྤྲོད་གནང་འདུགསྲིད་སྐྱོང་མཆོག་གིས་ཨ་རི་གཞུང་གིས་ཕྱི་ལོ་ ༢༠༢༠ ལོའི་བོད་དོན་སྲིད་བྱུས་དང་རྒྱབ་སྐྱོར་གྱི་ཁྲིམས་འཆར་ཁྲིམས་སུ་ཇི་ལྟར་གཏན་འབེབས་གནང་བའི་བརྒྱུད་རིམ་དང་ཁྲིམས་ཡིག་གི་ནང་དོན་གལ་ཆེ་ཁག་ངོ་སྤྲོད་དང་། ཁྲིམས་ཡིག་དེ་ནི་བོད་མིར་མཚོན་ན་དམིགས་བསལ་ཆབ་སྲིད་ཀྱི་ཐོག་ནས་ལོ་རྒྱུས་རང་བཞིན་ལྡན་པའི་གྲུབ་འབྲས་ཆེན་པོ་ཞིག་ཡིན་སྐོར་སོགས་གསུངས་འདུག
ཁ་སང་སྲིད་སྐྱོང་མཆོག་སྒང་ཏོག་ཏུ་གཞུང་འབྲེལ་འཚམས་གཟིགས་སུ་ཕེབས་འབྱོར་སྐབས་ས་གནས་གསར་འགོད་པ་ཁག་ཅིག་གིས་རྒྱ་དཀར་ནག་གི་ས་མཚམས་རྩོད་རྙོག་ཐད་བཅར་འདྲི་ཞུས་པར་བོད་དོན་བདེན་མཐའ་མ་སེལ་བར་དུ་རྒྱ་དཀར་ནག་དབར་གྱི་ས་མཚམས་དཀའ་རྙོག་དེ་སེལ་ཐུབ་ཐབས་མེད་སྐོར་དང་འདས་པའི་ལོ་ངོ་ ༦༠ ནང་རྒྱ་གར་གྱིས་བོད་དེ་རྒྱ་ནག་གི་ཆ་ཤས་ཡིན་པར་ཁས་ལེན་གནང་བ་དེ་ནོར་འཁྲུལ་ཇི་ལྟར་ཆགས་ལུགས་དང་ལྷག་དོན་དེ་སྔ་རྒྱ་གར་དང་བོད་ཀྱི་ས་མཚམས་ལ་རྒྱ་དཀར་ནག་གི་ས་མཚམས་ཞེས་འབོད་པ་དེའང་ནོར་འཁྲུལ་ཤོར་ཟིན་ཡོད་སྟབས་རྒྱ་གར་གཞུང་མང་གཉིས་ནས་ད་ནས་བཟུང་རྒྱ་གར་དང་བོད་ཀྱི་ས་མཚམས་ཞེས་འབོད་གནང་ཚེ་རྒྱ་གར་དང་བོད་གཉིས་ཀར་ཁེ་ཕན་ཡོད་སྐོར་གསུངས་འདུགསྲིད་སྐྱོང་མཆོག་ཟླ་ ༢ ཚེས་ ༡༩ ནས་ཕྱི་ཟླ་ ༣ ཚེས་ ༣ བར་ཉིན་གྲངས་བཅུ་གསུམ་རིང་གི་གཞུང་འབྲེལ་ཕྱོགས་ཕེབས་ཁྲོད་རྒྱ་གར་བྱང་ཤར་ཁུལ་གྱི་བོད་མིའི་གཞིས་ཆགས་ཁག་དང་ཀ་རྡོར་སྒང་གསུམ། སུ་ན་ཌ། ར་ཝང་ལ། སྤོན་ཊ་ཆོལ་གསུམ་གཞིས་ཆགས་བཅས་སུ་འཚམས་གཟིགས་གནང་རྒྱུ་རེད་འདུག
རྩ་བའི་སྲིད་སྐྱོང་བློ་བཟང་སེང་གེ་མཆོག་ཕྱི་ལོ་ ༢༠༡༡ ལོར་བོད་མིའི་སྒྲིག་འཛུགས་ཀྱི་བཀའ་བློན་ཁྲི་པར་བདམས་ཐོན་བྱུང་རྗེས་ ༢༠༡༦ ལོར་བསྐྱར་དུ་སྲིད་སྐྱོང་ལ་བདམས་ཐོན་གྱིས་སྐབས་གཉིས་པའི་སྲིད་སྐྱོང་གི་ལས་ཡུན་བསྟུད་མར་བཞེས་ཏེ་ད་ཆ་ལོ་ ༡༠ པ་དེ་མཇུག་སྒྲིལ་གནང་ཉེ་ཆགས་ཡོད་པ་རེད།
རེས་གཟའ་ཉི་མ། ༢༠༢༡།༠༢།༢༡
vot.org -
ཉན་པ།: Listen
ཕབ་ལེན། Download
བོད་དང་ཧི་མཱ་ལ་ཡའི་ལེ་ཚན། ལ་དྭགས་ཡུལ་མིའི་སློབ་གྲྭ་ཁག་ཏུ་ཞབས་ཕྱི་ཞུས་དང་ཞུ་མུས་ཡིན་པའི་བོད་རིགས་གཞོན་སྐྱེས་ཁག་ཅིག་དང་གླེང་མོལ།
Sunday 21/02/2021
Tibet and the Himalayas: Discussion with Tibetans working as teachers in Ladakhi Schools
རེས་གཟའ་སྤེན་པ། ༢༠༢༡།༠༢།༢༠
vot.org -
ཉན་པ།: Listen
ཕབ་ལེན། Download
བཙོན་འོག་ཏུ་མི་སྤྱོད་ལས་འདས་པའི་མནར་གཅོད་འོག་རྐྱེན་ལམ་དུ་བཏང་བ་ཁག་ཅིག་དང་བཙན་བྱོལ་བོད་མི་རྣམས་ཀྱི་རེ་འབོད།
བཙན་བྱོལ་བོད་མིའི་སྤྱི་ཚོགས་ནང་དམིགས་བསལ་དགོས་མཁོ་ཅན་གྱི་གནས་སྟངས་དང་སློབ་སྟོན་གནང་ཕྱོགས་སྐོར།
Saturday 20/02/2021
Death under Chinese torture, call from Exile
In conversation with Tenzin Paldon, Special Educator
རེས་གཟའ་པ་སངས། ༢༠༢༡།༠༢།༡༩
vot.org -
ཉན་པ།: Listen
ཕབ་ལེན། Download
བོད་ཁྱིམ་སློབ་གྲྭ་ཁག་གི་སློབ་མ་རྣམས་ཕྱི་ཟླ་གསུམ་པའི་ཚེས་ཤར་ནས་སློབ་གྲྭར་འབྱོར་དགོས་པའི་གསལ་བསྒྲགས།
ཨ་རིའི་གྲོས་ཚོགས་འོག་མར་ཡུ་གུར་ངལ་རྩོལ་འགོག་ཐབས་ཀྱི་ཁྲིམས་འཆར་བསྐྱར་འདོན།
ཨ་རྒྱ་གཉིས་ཀྱི་འབྲེལ་ལམ་ཁྲོད་འགྲོ་བ་མིའི་ཐོབ་ཐང་དོན་སྙིང་དུ་ངོས་འཛིན་དགོས་པའི་འབོད་སྐུལ།
སྔོན་རྩིས་ཚོད་དཔག་འཆར་རྩིས་ཚོགས་ཆུང་ནས་རྩིས་ལོ་ ༢༠༢༡་༢ ༢ལོའི་སྔོན་རྩིས་འཆར་འབུལ་ལ་བསྐྱར་ཞིབ་ཀྱི་ལས་དོན་དབུ་འཛུགས།
བཙན་བྱོལ་བོད་མིའི་གནས་སྟངས་ངོ་སྤྲོད། Taste of Tibet བོད་ཟས་ཟ་ཁང་།
Friday 19/02/2021
Tibetan Children’s Village to resume school from March 2021
U.S. House revives bill to ban goods from China's Xinjiang
Over 20 organizations urge Biden to make human rights a priority in US-China policy
Tibetan Parliamentary Committee meets to estimate CTA Budget 2021– 2022
DIASPORA FEATURE: Taste of Tibet, Bangalore
བོད་ཁྱིམ་སློབ་གྲྭ་ཁག་གི་སློབ་མ་རྣམས་ཕྱི་ཟླ་གསུམ་པའི་ཚེས་ཤར་ནས་སློབ་གྲྭར་རིམ་འབྱོར་དགོས་པའི་གསལ་བསྒྲགས།
vot.org -
བོད་ཕྲུག་ཁྱིམ་སྡེའི་སྤྱི་ཁྱབ་ཡིག་ཚང་ནས་ཟླ་བ་འདིའི་ཚེས་ ༡༧ ཉིན་ཡོངས་ཁྱབ་གསལ་བསྒྲགས་ཤིག་སྤེལ་བའི་ནང་ཕྱི་ཟླ་ ༣ ཚེས་ ༡ ནས་བཟུང་ཟླ་དུས་ཚེས་གྲངས་རིམ་པའི་གཏན་འབེབས་གནང་སྟེ་བོད་ཕྲུག་ཁྱིམ་སྡེའི་སློབ་གྲྭ་ཁག་གི་སློབ་མ་རྣམས་སློབ་གྲྭར་རིམ་འབྱོར་དགོས་པའི་གསལ་བསྒྲགས་གནང་འདུག ཏོག་དབྱིབས་ ༡༩ ནད་དུག་དེ་ཁྱབ་གདལ་རིམ་བཞིན་ཉུང་དུ་འགྲོ་བཞིན་པའི་དུས་སྐབས་འདིར་རྒྱར་གར་དབུས་སའི་སློབ་གྲྭ་ཁག་ཚོགས་འཐུས་ཆོག་པའི་བཀོད་ཁྱབ་གནང་བཞིན། བོད་ཕྲུག་ཁྱིམ་སྡེ་ནས་ཀྱང་འཛིན་གྲྭ་ཆ་བགོས་གནང་ནས་འཚོགས་རྒྱུ་ཡིན་པའི་གསལ་བསྒྲགས་གནང་འདུག ཕྱི་ཟླ་ ༣ ཚེས་ ༡ ཉིན་འཛིན་རིམ་ལྔ་པ་དང་བརྒྱད་པ། བཅུ་པ་དང་བཅུ་གཉིས་གསར་པའི་སློབ་མ་རྣམས་སློབ་གྲྭ་སོ་སོར་འབྱོར་དགོས་པ་དང་། ཕྱི་ཚེས་ ༡༡ ཉིན་འཛིན་རིམ་དྲུག་པ་དང་དགུ་པའི་སློབ་ཕྲུག་རྣམས་སློབ་གྲྭ་སོ་སོར་འབྱོར་དགོས་པ་མ་ཟད། ཕྱི་ཚེས་ ༢༢ ཉིན་འཛིན་རིམ་བཞི་པ་མན་གྱི་སློབ་མ་རྣམས་སློབ་གྲྭ་སོ་སོར་འབྱོར་དགོས་པར་མ་ཟད་སློབ་ཕྲུག་རྣམས་སློབ་གྲྭར་འབྱོར་མཚམས་སུ་བདུན་ཕྲགག་གཅིག་གི་རིང་ལ་འགོག་དབྱེ་ཟུར་འཇོག་དུ་བཞུགས་དགོས་ཀྱི་འདུག དེ་བཞིན་དྷ་ས་དང་ལྡི་ལི་བོད་ཁྱིམ་གྱི་ཉིན་སློབ་གཉིས་ཕྱི་ཟླ་ ༣ ཚེས་ ༡ ནས་སློབ་གྲྭ་འཚོགས་རྒྱུའི་གསལ་བསྒྲགས་གནང་འདུག གཞི་རྩའི་རྒྱ་ནག་ཝུ་ཧན་ནས་མཆེད་པའི་ཏོག་དབྱིབས་ ༡༩ དེའི་རྐྱེན་པའི་སྔར་ལོ་ལོ་འཁོར་མོའི་རིང་ལ་བཙན་བྱོལ་བོད་མིའི་སློབ་གྲྭ་ཆ་ཚང་དངོས་སུ་འཛིན་གྲྭ་ཚོགས་ཐུབ་མེད་སྟབས་དྲ་ཐོག་བརྒྱུད་དེ་དགེ་རྒན་རྣམ་པས་སློབ་ཁྲིད་གནང་ཡོད་པ་དང་། ལྷག་པར་དུ་བོད་ཁྱིམ་ལྟ་བུར་མཚོན་ན་ནད་དུག་དེ་ཐོག་མར་ཁྱབ་པ་ནས་བཟུང་སློབ་སྒོ་ཕྱིར་བཤོལ་གནང་མཁན་ཆེས་ཐོག་མ་དེ་ཆགས་ཀྱི་ཡོད་པར་མ་ཟད་བཙན་བྱོལ་བོད་མིའི་སློབ་གྲྭའི་ཁྲོད་ནས་ཕལ་ཆེར་སློབ་གྲྭ་ཐོག་མ་དབུ་འཛུགས་གནང་མཁན་དེ་ཆགས་ཀྱི་ཡོད་པ་རེད།
སྔོན་རྩིས་ཚོད་དཔག་འཆར་རྩིས་ཚོགས་ཆུང་ནས་རྩིས་ལོ་ ༢༠༢༡་༢༢ ལོའི་སྔོན་རྩིས་འཆར་འབུལ་ལ་བསྐྱར་ཞིབ།
vot.org -
སྐབས་ ༡༦ པའི་བོད་མི་མང་སྤྱི་འཐུས་ལྷན་ཚོགས་ཀྱི་སྔོན་རྩིས་ཚོད་དཔག་འཆར་རྩིས་ཚོགས་ཆུང་གིས་དབུས་བོད་མིའི་སྒྲིག་འཛུགས་ཀྱི་ལས་ཁུངས་མ་ལགས་དང་བཅས་པའི་རྩིས་ལོ་ ༢༠༢༡་༢༢ ལོའི་ལོ་འཁོར་སྔོན་རྩིས་འཆར་འབུལ་ལ་རྟོག་ཞིབ་ཀྱི་ལས་དོན་ཁག་དབུ་འཛུགས་གནང་འདུགརིང་མིན་ཕྱི་ཟླ་ ༣ ཕྱི་ཚེས་ ༡༥ ནས་ཚེས་ ༣༡ བར་སྐབས་ ༡༦ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བཅུ་པ་དེ་འཚོགས་གཏན་འཁེལ་ཡོད་པ་དང་ལོ་ལྟར་ཕྱི་ཟླ་ ༣ པའི་སྔོན་རྩིས་གྲོས་ཚོགས་ཀྱི་གོང་དུ་བོད་མི་མང་སྤྱི་འཐུས་ལྷན་ཚོགས་ནས་མི་འགྲོ་ལྔ་ཡོད་པའི་སྔོན་རྩིས་ཚོད་དཔག་འཆར་རྩིས་ཚོགས་ཆུང་ཞིག་ཆེད་འཛུགས་ཀྱིས་དབུས་བོད་མིའི་སྒྲིག་འཛུགས་ཀྱི་ལས་ཁུངས་མ་ལགས་དང་བཅས་པའི་ལོ་འཁོར་སྔོན་རྩིས་སྤྱི་འཐུས་ལྷན་ཚོགས་སུ་འཆར་འབུལ་ཞུས་ཁག་ལ་བསྐྱར་ཞིབ་གནང་གི་ཡོད་པ་ལྟར་བདུན་ཕྲག་འདིའི་རེས་གཟའ་ཟླ་བ་ནས་སྔོན་རྩིས་ཚོད་དཔག་ཚོགས་ཆུང་གིས་རྩིས་ལོ་ ༢༠༢༡་༢༢ ལོའི་སྔོན་རྩིས་འཆར་འབུལ་ལ་བསྐྱར་ཞིབ་ཀྱི་ལས་དོན་ཁག་དངོས་སུ་དབུ་འཛུགས་གནང་འདུགཐེངས་འདིའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྦྲེལ་པོས་བསྐོ་གཞག་གནང་བའི་སྔོན་རྩིས་ཚོད་དཔག་འཆར་རྩིས་ཚོགས་ཆུང་གི་མི་འགྲོར་སྤྱི་འཐུས་མཁན་པོ་བསོད་ནམས་བསྟན་འཕེལ་ལགས་དང་སྤྱི་འཐུས་དགེ་བཤེས་སྨོན་ལམ་མཐར་ཕྱིན་ལགས། སྤྱི་འཐུས་གེ་བ་ཚང་ངག་དབང་ཐར་པ་ལགས། སྤྱི་འཐུས་ལྷ་རྒྱ་རི་རྣམ་རྒྱལ་སྒྲོལ་དཀར་ལགས། སྤྱི་འཐུས་ཙ་ནེ་ཚང་དོན་གྲུབ་བཀྲ་ཤིས་ལགས་བཅས་ཡིན་པ་རེད།ཁ་སང་ཕྱི་ཚེས་ ༡༨ ཉིན་སྤྱི་འཐུས་ཚོགས་གཞོན་ཨཱཙཱརྱ་ཡེ་ཤེས་ཕུན་ཚོགས་མཆོག་གིས་སྣེ་ཁྲིད་པའི་བོད་མི་མང་སྤྱི་འཐུས་ཀྱི་སྐུ་ཚབ་ནས་རྒྱ་གར་གཞུང་འཛིན་ཚོགས་པ་ BJP གི་ཚོགས་གཙོ་སྐུ་ཞབས་ Jagat Prakash Nadda ལགས་བཞུགས་སྒར་དུ་ཧི་མཱ་ཅལ་མངའ་སྡེའི་ BJP ཚོགས་པའི་རྒྱལ་ཡོངས་ཚོགས་ཆེན་ཐོག་ཕེབས་བསྟུན་སྣེ་ལེན་གྱི་མཇལ་འཕྲད་ཞུས་འདུག་པ་དང་སྐུ་ཞབས་ཁོང་རྒྱ་གར་གཞུང་འཛིན་ཚོགས་པ་ BJP ཡི་ཚོགས་གཙོར་བདམས་ཐོན་བྱུང་རྗེས་བཞུགས་སྒར་དུ་ཕེབས་པ་ཆེས་ཐོག་མ་དེ་ཡིན་པ་རེད།
ཨ་རིའི་གྲོས་ཚོགས་འོག་མར་ཡུ་གུར་ངལ་རྩོལ་འགོག་ཐབས་ཀྱི་ཁྲིམས་འཆར་བསྐྱར་འདོན།
vot.org -
ཁ་སང་ཕྱི་ཚེས་ ༡༨ ཉིན་ཨ་རིའི་གྲོས་ཚོགས་འོག་མའི་ནང་ཡུལ་དེའི་ཆབ་སྲིད་ཚོགས་པ་གཉིས་ཀ་ལས་གྲུབ་པའི་གྲོས་ཚོགས་འཐུས་མི་ཁག་ཅིག་ནས་ Uyghur Forced Labor Prevention Act ཞེས་ཡུ་གུར་ངལ་རྩོལ་འགོག་ཐབས་ཀྱི་ཁྲིམས་འཆར་བསྐྱར་དུ་འདོན་སྤེལ་གྱིས་ངོ་སྤྲོད་གནང་འདུག
1ཁྲིམས་འཆར་དེ་ཨ་རིའི་མང་གཙོ་ཚོགས་པའི་གྲོས་ཚོགས་འཐུས་མི་ལྕམ་སྐུ་ Jennifer Wexton ལགས་དང་སྐུ་ཞབས་ Jim McGovern ལགས། སྐུ་ཞབས་ Thomas R. Suozzi ལགས། Tom Malinowski ལགས། དེ་བཞིན་སྤྱི་མཐུན་ཚོགས་པའི་གྲོས་ཚོགས་འཐུས་མི་ལྕམ་སྐུ་། Vicky Hartzler ལགས་དང་སྐུ་ཞབས་ Chris Smith ལགས། Mike Gallagher ལགས་བཅས་ཐུན་མོང་གིས་རྒྱབ་སྐྱོར་གནང་སྟེ་འདོན་སྤེལ་གནང་འདུག་པ་དང་ཁྲིམས་འཆར་དེའི་ནང་རྐང་རྒྱ་ནག་གཞུང་ནས་ཤིངནཅང་ནང་ས་གནས་ཁ་ཆེའི་གྲངས་ཉུང་མི་རིགས་ས་ཡ་ལྷག་འཛིན་བཟུང་བཀག་བསྐྱིལ་བྱས་པ་མ་ཟད་ཁོང་རྣམས་ཁུལ་དེར་རྟེན་གཞི་བྱས་པའི་རྒྱ་ནག་གི་བཟོ་གྲྭ་ཁག་ཏུ་འདོད་པ་མེད་བཞིན་དུ་ངལ་རྩོལ་གྱི་ལས་རིགས་འདྲ་མིན་གཉེར་འཇུག་བཞིན་པའི་གནད་དོན་རྣམས་ཐེར་འདོན་དང་སྦྲགས་ཏེ་ཨ་རི་སྲིད་གཞུང་ནས་ངལ་རྩོལ་གྱི་ལས་རིགས་སྐུལ་མཁན་དང་དེ་འབྲེལ་གྱི་དཔོན་རིགས་རྣམས་ལ་མཐོང་མཆན་བཀག་སྡོམ་དང་དཔལ་འབྱོར་སོགས་ཀྱི་ཉེས་ཆད་གཏོང་དགོས་ཞེས་དང་ལྷག་པར་དུ་ངལ་རྩོལ་གྱི་ལས་རིགས་ཐོག་ནས་བཟོ་སྐྲུན་བྱས་པའི་ཚོང་ཟོག་རྣམས་ཨ་རིར་ནང་འདྲེན་བྱ་རྒྱུར་བཀག་སྡོམ་བྱེད་དགོས་སྐོར་གསུངས་པ་དང་། ཨ་རིའི་ཚོང་ལས་སྡེ་ཚན་རྣམས་ཤིན་ཅང་ནང་གི་ངལ་རྩོལ་དང་འབྲེལ་བའི་བཟོ་གྲྭ་ཁག་དང་འབྲེལ་བ་ཡོད་མེད་ལ་ཞིབ་འཇུག་གནང་དགོས་པ་སོགས་འཁོད་ཡོད་པ་རེད།
ལྷག་པར་དུ་ད་རེས་བསྐྱར་འདོན་གནང་བའི་ཁྲིམས་འཆར་དེའི་ནང་རྒྱ་ནག་གཞུང་ནས་བོད་རང་སྐྱོང་ལྗོངས་ཞེས་པའི་ས་ཁུལ་དུ་བོད་མི་སྟོང་ཕྲག་མང་པོ་བཙན་དབང་ཐོག་དམག་གི་རང་བཞིན་ལྡན་པའི་སྦྱོང་བརྡར་ཁག་ཏུ་ཞུགས་བཅུག་པར་མ་ཟད་རིམ་པས་རྒྱ་ནག་གི་འདོད་མོས་དང་མཐུན་པའི་ངལ་རྩོལ་གྱི་ལས་རིགས་འདྲ་མིན་གཉེར་བཞིན་ཡོད་པར་འགྲེལ་བརྗོད་དང་སྦྲགས། ཨ་རི་སྲིད་གཞུང་ནས་ཐེངས་འདིའི་ཁྲིམས་འཆར་འོག་ཤིན་ཅང་ཙམ་མིན་པར་བོད་དང་རྒྱ་ནག་ཁྱོན་ཡོངས་ཀྱི་ནང་ངལ་རྩོལ་གྱི་ལས་རིགས་ཐོག་ནས་ཡོང་བའི་ཚོང་ཟོག་རྣམས་ཨ་རི་ནང་ཚོང་འགྲེམས་གནང་རྒྱུར་བཀག་སྡོམ་བྱེད་དགོས་པ་གསུངས་འདུག
བོད་ནང་གི་གནད་དོན་ཁ་སྣོན་གནང་བ་དང་འབྲེལ་ཏེ་ཨ་རིར་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གིས་བར་བརྒལ་འགན་འཛིན་བུ་ཆུང་ཚེ་རིང་ལགས་ནས་ཁྲིམས་འཆར་དེ་ཆེད་འདོན་གནང་མཁན་གྱི་གྲོས་ཚོགས་འཐུས་མི་ཡོངས་ལ་ཐུགས་རྗེ་ཆེ་ཞུས་འདུག
གཞི་རྩའི་ Uyghur Forced Labor Prevention Act ཞེས་ཡུ་གུར་ངལ་རྩོལ་འགོག་ཐབས་ཀྱི་ཁྲིམས་འཆར་འདི་སྔར་ལོའི་ཕྱི་ཟླ་ ༩ པའི་ནང་ཨ་རི་གྲོས་ཚོགས་འོག་མའི་ནང་ལ་ཚད་མཐོའི་རྒྱབ་སྐྱོར་ཐོབ་པའི་ཐོག་གཏན་འབེབས་ཟིན་ཏེ་ཡུལ་དེའི་གྲོས་ཚོགས་གོམ་ནང་ཆེད་འདོན་གནང་ཟིན་ཡོད་ཀྱང་། ཉེ་ལམ་མཇུག་སྒྲིལ་ཟིན་པའི་ཨ་རིའི་འོས་བསྡུ་ཆེན་མོ
འི་ཁྲོད་གཞུང་འཛིན་ལ་འཕོ་འགྱུར་ཕྱིན་པའི་གནས་སྟངས་དང་ལྷག་པར་དུ་གྲོས་ཚོགས་གོང་མའི་ནང་ཁྲིམས་འཆར་དེར་ཁ་སྣོན་ཕྲན་བུ་གནང་བའི་དབང་གིས་ད་རེས་སླར་ཡང་གྲོས་ཚོགས་འོག་མར་ཆེད་འདོན་གནང་བ་ཞིག་ཆགས་ཀྱི་ཡོད་པ་རེད།
ཁྲིམས་འཆར་དེ་འདོན་སྤེལ་གནང་སྐབས་གྲོས་ཚོགས་འཐུས་མི་སྐུ་ཞབས་ Jim McGovern ལགས་ཀྱིས་རྒྱ་ནག་གཞུང་གིས་ཤིན་ཅང་ཁུལ་དུ་བཀག་སྐྱིལ་ཁང་གསར་རྒྱག་བྱས་པ་དང་དེ་ནས་རིམ་བཞིན་ས་གནས་མི་མང་རྣམས་ངལ་རྩོལ་གྱི་ལས་དོན་གཉེར་བཅུག་ཡོད་པ་སོགས་ཀྱི་བརྒྱུད་རིམ་ཡོངས་རྫོགས་ཤེས་རྟོགས་བྱུང་ཡོད་སྟབས་ད་ཆ་ཨ་རིའི་གྲོས་ཆོགས་དང་གཞུང་གཉིས་ཀས་གནད་དོན་དེར་དགོངས་པ་བཞེས་རྒྱུའི་དུས་ལ་བབ་ཡོད་བཅས་གསུངས་འདུག་པར་མ་ཟད། གྲོས་ཚོགས་འཐུས་མི་སྐུ་ཞབས་ Chris Smith ལགས་ནས་རྒྱ་ནག་གི་བྱེད་བབ་དེ་དག་ཁྲོད་ང་ཚོས་ཁ་ཁུ་སིམ་པོར་བསྡད་ན་འགྲིག་ཐབས་མེད་ངེས་པར་དུ་རྒྱ་གཞུང་གི་སྲིད་བྱུས་འོག་བཙན་གནོན་དང་དཀའ་སྡུག་མྱོང་བཞིན་པའི་མི་སེར་ས་ཡ་ལྷག་གི་མགྲིན་ཚབ་བྱས་ནས་རྒྱ་ནག་དེ་འགན་འཁུར་ལྡན་པ་ཞིག་བཟོ་རྒྱུའི་ལས་འགན་ཡོད་ཅེས་གསུངས་འདུག
དེ་མཚུངས་སུ་གྲོས་ཚོགས་འཐུས་མི་སྐུ་ཞབས་ Thomas R. Suozzi ལགས་ཀྱིས་ཨ་རི་གཞུང་དང་མང་ཚོགས་རྣམས་ཀྱིས་བཟང་སྤྱོད་ལྡན་པའི་ཐོག་ད་ཆ་ངལ་རྩོལ་ལས་རིགས་ཐོག་བཟོ་སྐྲུན་བྱས་པའི་དངོས་ཆས་རྣམས་སྤྱོད་མཚམས་འཇོག་དགོས་པ་སོགས་གསུངས་འདུག་པར་མ་ཟད་སྐུ་ཞབས་ Tom Malinowski ལགས་ཀྱིས་ཀྱང་སྲིད་འཛིན་ Biden མཆོག་ནས་ཐེངས་འདིའི་ཁྲིམས་འཆར་གྱི་དགོངས་དོན་དེ་དག་ཨ་རི་ནང་ཙམ་མིན་པར་ ཨ་རིའི་མཐུན་གྲོས་རྒྱལ་ཁབ་ཚོར་དེ་ལྟར་ལག་བསྟར་ཐུབ་རྒྱུར་དགོངས་པ་བཞེས་དགོས་པ་སོགས་གསུངས་འདུག
རེས་གཟའ་ཕུར་བུ། ༢༠༢༡།༠༢།༡༨
vot.org -
ཉན་པ།: Listen
ཕབ་ལེན། Download
ཨ་རི་བོད་ཁང་གི་ལོ་འཁོར་དགོས་དངུལ་འདུ་འགོད་ཀྱི་དགོང་ཚོགས་ཐོག་གསུང་འཕྲིན་སྩལ་བ།
རྒྱ་ནག་གི་སྡུག་སྦྱོང་མནར་གཅོད་ཀྱི་བྱ་སྤྱོད་ལ་ཞིབ་འཇུག་མཐིལ་ཕྱིན་དགོས་པའི་ཞུ་སྐུལ།
རྒྱ་ནག་དང་ཚོང་འབྲེལ་གྱི་གྲོས་མོལ་མཚམས་འཇོག་དགོས་ཞེས་གསུངས་པ།
བོད་མི་རྣམས་ལ་གཉན་རིམས་སྔོན་སྨན་ཁབ་བརྒྱབ་དགོས་པའི་གཞེན་སྐུལ།
འཕྲོད་བསྟེན་ལས་རིམ། གསོ་རིག་ཐོག་ནས་སྔོན་ཁབ་མ་བརྒྱབ་གོང་དང་བརྒྱབ་རྗེས་ཐུགས་སྣང་གནང་ཕྱོགས།
Thursday 18/02/2021
Dalai Lama sends message to Tibet House annual benefit concert
UN Rights Council urged to investigate growing torture reports in Tibet
Norway's youth parties call for end to China free trade talks
Covid 19: Tibetans urged to take vaccine
Health and Wellness: Do and Don’ts before and after taking Covid Vaccine