Monthly Archives: July, 2021

ལ་དྭགས་སླེ་ཉེ་འདབས་སུ་ཆགས་པའི་འདུད་གཅིག་ཟེར་བའི་བོད་མིའི་འབྲོག་སར་ཉེ་ལམ་ཟླ ༧ ཚེས་ ༤ ནས་བཟུང་ནད་ཡམས་ཁྱབ་གདལ་གྱིས་སྒོ་ཕྱུགས་སྲོག་ཆགས་ཕོན་ཆེ་འཆི་སྐྱོན་བྱུང་འདུགཉེ་ལམ་འདུད་གཅིག་ཁུལ་གྱི་འབྲོག་མི་ཁག་ཅིག་ནས་ལ་དྭགས་གནས་བཞུགས་དྲ་བརྙན་བཟོ་མཁན་དེ་སྔ་ལ་དྭགས་བྱང་ཐང་ཁུལ་གྱི་བོད་མི་ཚོར་སྒོ་ཕྱུགས་སེམས་ཅན་དང་སློབ་ཕྲུག་ཚོའི་ཤེས་ཡོན་དང་འབྲེལ་ཕྱག་རོགས་གནང་མྱོང་མཁན་སྒྲོལ་མ་ལྷ་མོ་ལགས་ལ་འབྲེལ་བ་གནང་སྟེ་འདུད་གཅིག་ཁུལ་གྱི་སྒོ་ཕྱུགས་སེམས་ཅན་འཆི་སྐྱོན་གྱི་གནད་དོན་འགྲེལ་བརྗོད་དང་སྦྲགས་དེ་འབྲེལ་ཐད་ཕྱག་རོགས་གནང་རོགས་ཞེས་འབོད་སྐུལ་གནང་འདུག་པ་དང་། ཁོང་ཕྱིས་སུ་ས་གནས་དེར་ཕེབས་ནས་གནས་སྟངས་རྣམས་རྒྱུས་ལོན་གནང་སྟེ་དེའི་ཐད་བརྙན་བཟོས་ཡོད་པ་ལྟར། མང་ཚོགས་རྣམས་ནས་དེར་རྒྱབ་སྐྱོར་གྱིས་ད་ཆ་སྤྱི་ཚོགས་དྲྭ་ལམ་ཐོག་འདུད་གཅིག་གི་བརྙན་དེ་བརྒྱུད་སྤེལ་གང་མང་གནང་བཞིན་འདུགརླུང་འཕྲིན་ཁང་གིས་འདུད་གཅིག་ཁུལ་གྱི་གནད་དོན་ཐད་སྒྲོལ་མ་ལྷ་མོ་ལགས་སུ་བཀའ་འདྲི་ཞུས་སྐབས་ཁོང་གིས་ད་ཆ་ས་གནས་ནས་གནས་ཚུལ་འབྱོར་བར་གཞིགས་ན་འདུད་གཅིག་ཁུལ་དུ་ཉིན་རེར་སྒོ་ཕྱུགས་རིགས་འཆི་བའི་གྲངས་འབོར་དེ་བཞིན་དེ་སྔ་ལས་ཉུང་དུ་ཕྱིན་ཡོད་པ་དང་། ལ་དྭགས་ཀྱི་ Sheep department  ཞེས་པའི་སྡེ་ཚན་གིས་ས་གནས་སུ་ལས་བྱེད་ཆེད་གཏོང་གནང་ནས་སྒོ་ཕྱུགས་ཚོར་སྨན་བཅོས་སོགས་གནང་མུས་ཡིན་སྐོར་གསུངས་སོང་།སྤྱིར་སྒོ་ཕྱུགས་སེམས་ཅན་དེ་དག་ནི་འབྲོག་པ་རྣམས་པའི་འཚོ་རྟེན་གཙོ་བོ་ཆགས་ཀྱི་ཡོད་པ་དང་། ད་ཆ་སེམས་ཅན་འཆི་སྐྱོན་བྱུང་སྐབས་འབྲོག་པ་ཚོར་ཡོང་ཁུངས་ཀྱི་ཆ་ནས་དཀའ་ངལ་འཕྲད་བཞིན་ཡོད་སྟབས། ཁོང་གིས་དེང་ཆར་རོགས་པ་གནང་མཁན་ཁག་ཅིག་བྱུང་སོང་བ་དང་རང་ཉིད་ཀྱི་ངོས་ནས་རེ་བར་ད་ཆ་སྲོག་ཆགས་ནད་ཀྱིས་མནར་བཞིན་པ་ཚོ་སྐྱོབ་པར་འབད་བརྩོན་གནང་རྒྱུ་དང་། དེ་བཞིན་རིམ་པས་འབྲོག་མི་ཚོར་གུན་གསབ་གནང་ཐུབ་པའི་རེ་བ་ཡོད་ཅེས་གསུངས་ཡོད།  དེ་བཞིན་གནད་དོན་དེའི་ཐད་བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་དྲུང་ཆེ་ཤོ་ཟུར་ཚེ་དབང་སྒྲོལ་མ་ལགས་སུ་བཀའ་འདྲི་ཞུས་པར་དྲུང་ཆེ་མཆོག་གིས་གནས་ཚུལ་དེ་ཟླ་ ༧ ཚེས་ ༤ ཉིན་མོར་མཁྱེན་རྟོགས་བྱུང་སྐོར་དང་། ལྷག་པར་དུ་ས་གནས་འགོ་འཛིན་གྱི་ངོས་ནས་འབྲེལ་གཏུག་གནང་དགོས་ས་ཚང་མར་འབྲེལ་བ་གནང་ཡོད་པ་མ་ཟད། དུད་འགྲོའི་སྨན་པ་རུ་ཁག་ཅིག་ས་གནས་སུ་བཞུགས་ཡོད་པ་དང་། ནང་སྲིད་ལས་ཁུངས་ཀྱི་ངོས་ནས་ཛ་དྲག་ངལ་སེལ་ཆེད་འབུམ་གཉིས་ཀྱི་བཀའ་འཁྲོལ་ཞུས་དོན་ལྟར་ཐོབ་ཡོད་སྐོར་སོགས་གསུངས་སོང་།གཞི་རྩའི་འདུད་གཅིག་དུ་བོད་མི་འབྲོག་པ་བརྒྱད་དང་ལ་དྭགས་འབྲོག་པ་གཅིག་བཅས་ཁྱོན་འབྲོག་ཁྱིམ་ ༩ ཡོད་པ་དང་། ད་ཆ་ནད་ཡམས་དེའི་རྐྱེན་གྱིས་ར་ལུག་རྣམས་ཀྱི་ཁ་དང་རྐང་པར་འབུ་བརྒྱབས་ཏེ་འཆི་བའི་གནས་སྟངས་བྱུང་འདུག ཉེ་ལམ་ཚེས་ ༢༠ བར་སྒོ་ཕྱུགས་ ༧༠༠ ལྷག་འཆི་ཡོད་པ་དང་། འཆི་སྐྱོན་བྱུང་བའི་སྒོ་ཕྱུགས་དེ་དག་གི་ཤི་རོ་སྦས་ཐབས་སུ་ལ་དྭགས་བསོད་ནམས་གླིང་གི་ས་གནས་འགོ་འཛིན་གྱིས་ས་གཞོང་འཕྲུལ་འཁོར་བཏང་ཡོད་པ་རེད།

ཉན་པ།: Listen ཕབ་ལེན། Download ༸གོང་ས་མཆོག་གིས་མ་ཧཱ་རཤ་ཊི་མངའ་སྡེར་ངལ་སེལ་མ་དངུལ་གསོལ་སྩལ། ༸གོང་ས་༸སྐྱབས་མགོན་ཆེན་པོ་མཆོག་ལ་བཀྲིན་རྗེས་དྲན་ཞུས་པ། ཞི་ཅིན་ཕིང་གིས་ལྷ་སའི་ལྟ་སྐོར་ཁྲོད་ས་གནས་ཀྱི་དཔུང་དམག་དང་ཐུག་འཕྲད། རྒྱ་གཞུང་གིས་མིའི་ཁྲག་རོའི་སྟེང་ལ་དགའ་སྤྲོ་བྱས་ན་འགྲིག་གམ་ཞེས་གསུངས་པ། པེ་ཅིང་དགུན་དུས་ཨོ་རྩེད་འགྲན་ཚོགས་ཕྱིར་འཐེན་དགོས་པའི་སྐྱོན་བརྗོད་ཀྱི་ཞུ་གཏུག སླེ་ཁུལ་གྱི་འབྲོག་སར་ནད་ཡམས་ཁྱབ་གདལ་གྱིས་སྒོ་ཕྱུགས་འཆི་སྐྱོན། Monday 26/07/2021 Dalai Lama offers prayers for Maharashtra flood victims Year of Gratitude: Swiss Tibetans offer gratitude statue to the Dalai Lama Xi meets top military officials in Lhasa, stresses peace and stability Tibetan women protest CCP centenary, visits UN and Embassies for Tibet support Tibetan groups file complaint against IOC for violation of OECD guidelines Tibetan nomads in Duchik face acute hardship as new disease hit their livestock

རྒྱ་གར་མ་ཧཱ་རཤ་ཊི་མངའ་སྡེར་ཆར་ཞོད་ཆེ་བའི་རྐྱེན་གྱིས་ཆུའི་འཇིག་པའི་འོག་མི་རྒྱུ་གཉིས་ཀར་གོད་ཆག་ཚབས་ཆེན་ཕོག་པའི་བཟོད་གླགས་དཀའ་བའི་ངལ་བ་འཕྲད་བཞིན་ཡོད་པའི་ཡོད་སྐྱོའི་གནས་ཚུལ་ཐོན་པར་བོད་མིའི་བླ་ན་མེད་པའི་དབུ་ཁྲིད་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་སང་༸བཞུགས་སྒར་རྒྱལ་བའི་ཕོ་བྲང་ནས་མ་ཧཱ་རཤ་ཊི་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ཨུ་བྷབ་བཱ་ལཱ་སཱ་ཧེབ་ཊཱཀ་རེ་ (Uddhav Balasaheb Thackeray) མཆོག་ལ་གདུང་སེམས་མཉམ་བསྐྱེད་ཀྱི་ཐུགས་གསོ་སྩལ་བ་དང་སྦྲགས། མང་ཚོགས་ཀྱི་ངལ་སེལ་རོགས་རམ་ལ་སྨན་ཕྱིར་ཏཱ་ལའི་བླ་མའི་ཡིད་ཆེས་དགེ་རྩ་བརྒྱུད་མ་དངུལ་གསོལ་སྩལ་མཛད་རྒྱུའི་བཀའ་བཞེས་བཟང་པོ་སྨིན་སྩལ་མཛད་འདུགཁ་སང་ཕྱི་ཚེས་ ༢༥ རེས་གཟའ་ཉི་མའི་ཉིན་སྩལ་བའི་གསུང་འཕྲིན་དེའི་ནང་མགོན་པོ་༸གང་ཉིད་མཆོག་གིས་མ་ཧཱ་ར་ཤ་ཊའི་མངའ་སྡེ་གཞུང་དང་འབྲེལ་ཡོད་དབུ་ཁྲིད་རྣམ་པས་ཆུའི་འཇིག་པའི་གོད་ཆག་དབང་གིས་གནོད་འཚེ་ཕོག་པ་དག་ལ་ངལ་སེལ་སླད་གང་ཐུབ་ཅི་ཐུབ་ཀྱི་འབད་བརྩོན་ཆེན་པོས་རོགས་རམ་གནང་མུས་ཡིན་པ་མཁྱེན་རྟོགས་བྱུང་ཞེས་བཀའ་སྩལ་འདུགལྷག་དོན་མགོན་པོ་༸གང་ཉིད་མཆོག་གིས་མངའ་སྡེའི་གཞུང་མང་གཉིས་ལ་གདུང་སེམས་མཉམ་བསྐྱེད་དང་མང་ཚོགས་ཀྱི་ངལ་སེལ་རོགས་རམ་ལ་སྨན་པའི་ཏཱ་ལའི་བླ་མའི་ཡིད་ཆེས་དགེ་རྩ་བརྒྱུད་མ་དངུལ་གསོལ་བསྩལ་མཛད་རྒྱུ་ཡིན་པར་བཀའ་སྩལ་མཛད་འདུགགཞི་རྩའི་ཐེངས་འདིའི་མ་ཧཱ་རཤ་ཊི་མངའ་སྡེར་ནང་ཆར་ཞོད་ཆེ་བའི་རྐྱེན་གྱིས་ཆུ་རུད་རྒྱུག་པ་དང་ས་རུད་བྱུང་བ་བཅས་ལ་གཞིགས་ཏེ་ངལ་སེལ་དང་ཉམས་གསོའི་ལས་ཁུངས་ཀྱིས་མངའ་སྡེའི་ནང་མང་ཚོགས་ ༡༣༨ ལྷག་གི་ཚེ་སྲོག་ཤོར་བ་དང་ཉེན་གཡོལ་ཆེད་མང་ཚོགས་འབུམ་གཅིག་དང་སྟོང་ཕྲག་སུམ་ཅུ་སོ་ལྔ་ལྷག་ས་གནས་གཞན་ལ་གནས་སྤོས་འདུག་པ་མ་ཟད། དེ་བཞིན་མང་ཚོགས་ ༩༩ འབོར་བརླག་དང་ ༥༣ ལ་རྨས་སྐྱོན་ཕོག་ཡོད་པར་གསུངས་འདུགརྒྱ་གར་གྱི་སྲིད་བློན་སྐུ་ཞབས་ Narendra Modi མཆོག་གིས་ཀྱང་ཆར་ཞོད་ཆེ་བའི་དབང་གིས་མ་ཧཱ་ར་ཤ་ཊའི་མའང་སྡེའི་མང་ཚོགས་དུ་མའི་ཚེ་སྲོག་ཤོར་བར་ཆེས་ཐུགས་ཕམ་གནང་བ་དང་སྦྲགས་ཏེ་གོད་ཆག་ཕོག་ཡུལ་གྱི་ས་གནས་ལ་ཉེར་མཁོའི་མཐུན་འགྱུར་གང་ལེགས་གནང་དགོས་སྐོར་གསུངས་འདུག  

འཛམ་གླིང་ས་ཕྱོགས་གང་སར་གནས་སྡོད་བོད་མི་ཚོས་བོད་མིའི་བླ་ན་མེད་པའི་དབུ་ཁྲིད་སྤྱིར་ནོར་༸གོང་ས་༸སྐྱབས་མགོན་ཆེན་པོ་༸སྐུ་ཕྲེང་བཅུ་བཞི་པ་ཆེན་པོ་མཆོག་གིས་ད་བར་འཛམ་གླིང་སྤྱི་དང་སྒོས་བོད་འབངས་རྣམས་ལ་བསྐྱངས་པའི་བླ་ན་མེད་པའི་མཛད་རྗེས་དག་ལ་དགའ་དད་སྤྲོ་གསུམ་གྱི་སྒོ་ནས་བཀྲིན་རྗེས་དྲན་ཞུ་རྒྱུའི་གནང་སྒོ་འདྲ་མིན་སྤེལ་བཞིན་པའི་ཁྲོད་འདིར་སུད་སི་དང་ལེག་ཊེན་སི་ཊེན་བོད་རིགས་མི་མང་ཡོངས་གིས་༸རྒྱལ་མཆོག་༸སྐུ་ཕྲེང་བཅུ་བཞི་པ་ཆེན་པོ་མཆོག་ལ་བཀྲིན་རྗེས་དྲན་མཚོན་ཆེད་དུ་གསེར་ཟངས་ལས་གྲུབ་པའི་མགོན་པོ་༸གང་ཉིད་མཆོག་གི་༸སྐུ་བརྙན་ཞིག་ཕུལ་འདུགལས་རིམ་འདི་ནི་བོད་མིའི་སྒྲིག་འཛུགས་ཀྱི་བཀའ་ཤག་སྐབས་གོང་མས་༸རྒྱལ་བའི་བཀའ་དྲིན་རྗེས་དྲན་གྱི་ལོར་སྲུང་བརྩི་ཞུ་རྒྱུའི་ལས་འཆར་ཞིག་ཡོངས་གྲགས་གནང་དོན་ལྟར་དེའི་ཆ་ཤས་སུ་འདི་ག་སྐབས་ ༡༧ པའི་སུད་སི་དང་ལེག་ཊེན་སི་ཊེན་བོད་རིགས་མི་མང་གིས་མགོན་པོ་མཆོག་ལ་བཀྲིན་རྗེས་དྲན་ཞུ་ཆེད་གསེར་ཟངས་ལ་གྲུབ་པའི་༸རྒྱལ་བའི་༸སྐུ་བརྙན་ཞིག་འབུལ་ལམ་ཞུ་རྒྱུར་ཐག་གཅོད་བྱུང་བ་ཞིག་ཆགས་ཀྱི་འདུགསྐབས་ ༡༨ པའི་སུད་སི་དང་ལེག་ཊེན་སི་ཊེན་བོད་རིགས་མི་མང་གི་ཚོགས་གཙོ་སྐར་མ་ཆོས་སྐྱིད་ལགས་ཀྱིས་ད་ལན་སྐབས་ ༡༨ པའི་ངོས་ནས་སྐབས་གོང་ལས་དོན་མཇུག་སྐྱོང་གིས་སུད་སི་དང་ལེག་ཊེན་སི་ཊེན་བོད་རིགས་མི་མང་ཡོངས་ནས་མགོན་པོ་མཆོག་༸སྐུ་ཚེ་ཞབས་པད་བསྐལ་བརྒྱར་བརྟན་པའི་ཆེད་དུ་གསོག་སྒྲུབ་ཞུས་པའི་༸རྒྱལ་བའི་མཚན་སྔགས་དང་ལྷན་དུ་གསེར་ཟངས་ལས་གྲུབ་མགོན་པོ་མཆོག་གི་༸སྐུ་བརྙན་དེ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༨༦ ལ་ཕེབས་པའི་༸སྐུའི་འཁྲུངས་སྐར་དུས་ཆེན་ཁྱད་པར་ཅན་དང་བསྟུན་མགོན་པོ་༸གང་ཉིད་མཆོག་ལ་ཕུལ་རྒྱུ་བྱུང་བ་ནི་སུད་སི་དང་ལེག་ཊེན་སི་ཊེན་བོད་རིགས་མི་མང་ཡོངས་ཀྱི་ངོས་ནས་སྐལ་བ་བཟང་པོར་ངོས་འཛིན་ཞུ་བཞིན་ཡོད་ཅེས་གསུངས་སོང་།དེ་བཞིན་སུད་སི་དང་ལེག་ཊེན་སི་ཊེན་བོད་རིགས་མི་མང་ཡོངས་ཀྱིས་༸རྒྱལ་མཆོག་༸སྐུ་ཕྲེང་བཅུ་བཞི་པ་ཆེན་པོ་མཆོག་གིས་ད་བར་འཛམ་གླིང་སྤྱི་དང་སྒོས་བོད་མིའི་བདེ་རྩ་ཁོ་ནར་སྨན་པའི་རླབས་ཆེན་གྱི་མཛད་རྗེས་བསྐྱངས་དང་བསྐྱོང་བཞིན་པ་དང།  ཁྱད་པར་དུ་གོན་པོ་༸གང་ཉིད་མཆོག་གི་ཐུགས་བསྐྱེད་ཆེན་པོ་བཞི་སྟེ་འགྲོ་བ་མིའི་བཟང་སྤྱོད་གོང་སྤེལ་དང་ཆོས་ལུགས་མཐུན་སྒྲིལ། བོད་ཀྱི་ཆོས་རིག་གཞུང་། སྣོད་བཅུད་དང་བཅས་པ་སྲུང་སྐྱོབ་གནང་རྒྱུ་དང། དེ་བཞིན་རྒྱ་གར་གྱི་གནའ་བོའི་དཔལ་ནཱ་ལེནྡཱའི་རིག་གནས་གོང་མཐོར་བཅས་མཛད་བཞིན་པ་སོགས་ལ་བཀའ་དྲིན་རྗེས་དྲན་མཚོན་བྱེད་དང། ༸རྒྱལ་མཆོག་༸སྐུ་འཕྲེང་བཅུ་བཞི་པ་ཆེན་པོ་མཆོག་༸སྐུ་ཚེ་ཞབས་པད་བསྐལ་བརྒྱར་བརྟན་ཅིང་དང་ཐུགས་ཀྱི་བཞེད་དགོངས་མཐའ་དག་ལྷུན་གྱིས་གྲུབ་པའི་གསོལ་འདེབས་ཀྱང་ཞུས་འདུག

ཉེ་ཆར་ཟླ་བ་འདིའི་ཕྱི་ཚེས་ ༢༡ དང་ ༢༢ བཅས་སུ་རྒྱ་ནག་གི་སྲིད་འཛིན་ཞི་ཅིན་ཕིང་བོད་ཀྱི་ཀོང་པོ་ཉིང་ཁྲི་དང་རྒྱལ་ས་ལྷ་ས་སོགས་སུ་གསང་དབང་དམ་པོའི་ཐོག་ནས་ལྟ་སྐོར་དུ་བསྐྱོད་པ་དང་། སྐབས་དེར་ཞི་ཅིན་ཕིང་གིས་ཡར་ཀླུངས་གཙང་པོར་ལྟ་སྐོར་དང་། ཀོང་པོའི་གྲོང་ཁྱེར་འཕེལ་རྒྱས་དང་འཛུགས་སྐྲུན་གྱི་ལས་གཞི། དེ་བཞིན་ལྷ་ས་ནས་ཉིང་ཁྲི་བར་གྱི་ལྕགས་ལམ་འཛུགས་སྐྲུན་ལ་ལྟ་སྐོར་བྱས་པ་སོགས་ཀྱི་གནས་ཚུལ་ཙམ་ལས་ཐོན་མེད་ཀྱང་། ད་ཆ་རྒྱ་ནག་གཞུང་འབྲེལ་གྱི་བརྒྱུད་ལམ་གཙོས་རྒྱལ་སྤྱིའི་གསར་ཁང་ཁག་ཏུ་དེ་འབྲེལ་གནས་ཚུལ་སྤེལ་བར་གཞིགས་ན་སྲིད་འཛིན་ཞི་ཅིན་ཕིང་གི་ལྟ་སྐོར་དེའི་ཁྲོད་རྒྱལ་ས་ལྷ་ས་གཙོས་ས་གནས་དེ་དག་གི་དཔུང་དམག་དང་ཐུག་འཕྲད་ཀྱིས་གཏམ་བཤད་སྤེལ་འདུགསྲིད་འཛིན་ཞི་ཅིན་ཕིང་བོད་ཀྱི་རྒྱལ་ས་ལྷ་ས་དང་ཀོང་པོ་ཉིང་ཁྲི་བཅས་སུ་ལྟ་སྐོར་དུ་བསྐྱོད་སྐབས་རྒྱ་གཞུང་གིས་དབྱེ་བའི་བོད་རང་སྐྱོང་ལྗོངས་དམར་ཤོག་ཚོགས་པའི་དྲུང་ཆེ་ Wu Yingjia དང་བོད་རང་སྐྱོང་ལྗོངས་མི་དམངས་སྲིད་གཞུང་གི་གཙོ་འཛིན་ཆེ་དགྲ་ལྷ། གཞན་ཡང་རྒྱ་ནག་རང་ནས་ཆེད་དུ་རྒྱ་ནག་དམར་ཤོག་ཚོགས་པའི་དཔུང་དམག་སྡེ་ཚན་གྱི་འགོ་གཙོ་གཞོན་པ་  Zhang Youxia དང་རྒྱ་ནག་གི་དཔལ་འབྱོར་དང་ཚོང་འབྲེལ་གྱི་སྲིད་བློན་གཞོན་པ་ལིའུ་ཁཱ། དེ་བཞིན་རྒྱ་ནག་དབུས་གཞུང་གི་འཆར་འགོད་ལས་ཁང་འགན་འཛིན་དང་དབུས་གཞུང་གི་དྲུང་ཆེ་སོགས་མཉམ་དུ་ཁྲིད་ཡོད་པ་མ་ཟད། ཁོ་པ་རྣམས་ནས་ལྷ་ས་ཁུལ་གྱི་རྒྱ་ནག་དམར་ཤོག་ཚོགས་པའི་དཔུང་དམག་ཁག་གི་འཐུས་ཚབ་དང་ཐུག་འཕྲད་སྐབས་ཞི་ཅིན་ཕིང་གིས་བོད་ཀྱི་ས་གནས་ཁག་ཏུ་ཡོད་པའི་རྒྱ་ནག་དམར་ཤོག་ཚོགས་པའི་དཔུང་དམག་གི་ནུས་སྟོབས་སྔར་ལྷག་ཆེ་རུ་གཏོང་དགོས་པ་མ་ཟད། དཔུང་དམག་རྣམས་རྒྱལ་ཁབ་ཀྱི་བདེ་འཇགས་དང་ཡར་རྒྱས་གོང་འཕེལ་ལ་དམིགས་ཏེ་དུས་རྟག་ཏུ་གྲ་སྒྲིག་ཨང་གསར་བྱོས་ཤིག་ཅེས་སོགས་བཤད་འདུགརླུང་འཕྲིན་ཁང་གིས་ཐེ་ཝན་སྐུ་ཚབ་དོན་གཅོད་འབའ་བ་སྐལ་བཟང་རྒྱལ་མཚན་ལགས་སུ་ད་རེས་ཞི་ཅིན་ཕིང་དང་མཉམ་དུ་རྒྱ་ནག་དབུས་གཞུང་གི་འགོ་ཁྲིད་དེ་དག་ཁྲིད་དོན་གང་ཡིན་སོགས་དང་འབྲེལ་བཅར་འདྲི་ཁག་ཅིག་ཞུས་པར་རྒྱ་ནག་གཞུང་ནས་རྒྱུན་དུ་བོད་སྐྱོང་རྒྱུའི་ཐབས་བྱུས་ཁོངས་སུ་བརྟན་ལྷིང་དང་འཕེལ་རྒྱས་མཐའ་མཚམས་སོགས་ཡོད་པ་ལྟར་ཞི་ཅིན་ཕིང་དང་མཉམ་དུ་ཡོད་པའི་འགོ་ཁྲིད་དེ་དག་ནི་ལས་གཞི་དེ་དག་དང་འབྲེལ་བ་ཡོད་པ་སོགས་གསུངས་ཡོད། རྒྱ་ནག་དམར་ཤོག་ཚོགས་པའི་དཔུང་དམག་སྡེ་ཚན་གྱི་འགོ་གཙོ་གཞོན་པ་ Zhang Youxia ཁྲིད་པ་དེས་རྒྱ་དཀར་ནག་གཉིས་ཀྱི་གནད་དོན་ཙམ་མ་ཟད་རྒྱ་གཞུང་གིས་བོད་ནང་མེ་འཁོར་ལྕགས་ལམ་གྱིས་གཙོས་པའི་དམག་དོན་དང་འབྲེལ་བའི་ཐབས་བྱུས་ཀྱི་ལས་གཞི་འདྲ་མིན་སྤེལ་བཞིན་པ་དང་འབྲེལ་བ་ཡོད་པ་སོགས་གསུངས་བྱུང་། དེ་བཞིན་ཞི་ཅིན་ཕིང་གི་ལྟ་སྐོར་ཁྲོད་ས་གནས་མི་མང་ལ་རྒྱ་ནག་གཞུང་ནས་ད་བར་བོད་ནང་ལ་འཛུགས་སྐྲུན་རྒྱ་སྐྱེད་ཆེན་པོ་བཏང་ཡོད་པ་མ་ཟད། མ་འོངས་པར་མུ་མཐུད་ནས་བོད་རང་སྐྱོང་ལྗོངས་ཟེར་བའི་ཁྱབ་ཁོངས་ཡོངས་ལ་སྤྲོ་སྐྱིད་ལྡན་པའི་འཚོ་བ་བསྐྲུན་རྒྱུ་ཡིན་ཞེས་སོགས་གཏམ་བཤད་བྱས་འདུགབོད་མིའི་སྒྲིག་འཛུགས་ཀྱི་དྲུང་ཆེ་ཟུར་པ་དང་བོད་དང་རྒྱ་ནག་ཐོག་གི་གནད་དོན་དཔྱད་ཞིབ་པ་ཁུ་ཚུར་ཀུན་དགའ་བཀྲ་ཤིས་ལགས་ཀྱིས་དེ་འབྲེལ་དཔྱད་ཞིབ་གནང་པའི་ལེ་ཚན་ནང་ཞི་ཅིན་ཕིང་གིས་དེ་སྔ་ཕྱི་ཟླ་དྲུག་པར་བོད་མཚོ་སྔོན་ཁུལ་དུ་སྤེལ་བའི་གཏམ་བཤད་དང་། ད་རེས་རྒྱལ་ས་ལྷ་ས་དང་ཀོང་པོའི་ཁུལ་དུ་སྤེལ་བའི་གཏམ་བཤད་གཉིས་ཀྱི་རྨང་གཞི་གཅིག་པ་ཡིན་པ་དང་། དེ་ཡང་གཙོ་བོ་རྒྱ་ནག་གཞུང་ནས་བོད་ནང་ལ་ཡོད་པའི་བོད་མི་ཚོར་ཟས་གོས་གནས་མལ་གྱི་མཐུན་རྐྱེན་ཡོད་ན་བོད་ཀྱི་གནས་ཚུལ་མཇུག་སྒྲིལ་བ་ལྟ་བུར་ངོས་འཛིན་བྱེད་བཞིན་པ་ནི་ནོར་འཁྲུལ་ཞིག་ཡིན་པར་གསུངས་འདུག གཞི་རྩའི་ཞི་ཅིན་ཕིང་ད་རེས་བོད་ཀྱི་རྒྱལ་ས་ལྷ་ས་ཙམ་མ་ཟད་ལྷག་པར་དུ་རྒྱ་གར་དང་ས་ཐག་ཉེ་བའི་བོད་ཀྱི་ཉིང་ཁྲི་ས་གནས་སུ་བསྐྱོད་པ་དེ་ནི་གནད་འགག་ཅིག་ལ་ངོས་འཛིན་དང་འབྲེལ་ཏེ་རྒྱལ་སྤྱིའི་དཔྱད་ཞིབ་པ་ཁག་ཅིག་ནས་འདི་ནི་རྒྱ་དཀར་ནག་གཉིས་ཀྱི་དབར་འཕྲད་བཞིན་པའི་མཐའ་མཚམས་ཀྱི་གནད་དོན་དང་འབྲེལ་བ་ཡོད་སྐོར་གསུངས་པ་མ་ཟད། རྒྱལ་ས་ལྡི་ལིར་རྟེན་གཞི་བྱས་པའི་ནེཧ་རུ་གཙུག་ལག་སློབ་གཉེར་ཁང་གི་རྒྱ་ནག་སྡེ་ཚན་གྱི་སློབ་དཔོན་ Srikanth Kondapalli ལགས་ཀྱིས་ཞི་ཅིན་ཕིང་དངོས་སུ་རྒྱ་གར་བྱང་ཤར་གྱི་ས་གནས་དང་ཐག་ཉེ་བའི་བོད་ཀྱི་ཉིང་ཁྲི་ཁུལ་དུ་བསྐྱོད་པ་དེ་ཁུལ་དེར་ཡོད་པའི་མེ་འཁོར་ལྕགས་ལམ་ཁག་ལ་ལྟ་ཞིབ་སོགས་ཀྱི་ཆེད་དུ་ཡིན་སྟབས། རྒྱ་ནག་གི་ངོས་ནས་རིང་མིན་རྒྱ་གར་གྱི་བྱང་ཤར་ཁུལ་དུ་ཆགས་པའི་ཨ་རུ་ནཱ་ཅལ་མངའ་ཁུལ་དུ་རྙོག་གླེང་བཟོ་རྒྱུའི་འཆར་གཞི་ཡོད་པ་གསལ་པོ་རེད་ཅེས་གསུངས་འདུགཁོང་གིས་དཔྱད་གཏམ་ནང་ད་དུང་རྒྱ་ནག་གཞུང་ནས་བོད་ནང་འཛུགས་སྐྲུན་བྱས་ཡོད་སྐོར་བརྗོད་བཞིན་ཡོད་ཀྱང་། རྒྱ་ནག་གི་མངའ་ཁོངས་སུ་ཡོད་པའི་ས་གནས་གཞན་ཁག་དང་བོད་གཉིས་ཀྱི་དཔལ་འབྱོར་གྱི་གནས་བབ་ལ་ཁྱད་པར་ཆེན་པོ་ཡོད་པ་དང་ལྷག་དོན་རྒྱ་ནག་རང་ཉིད་ཀྱི་དགོས་མཁོར་གཞིགས་ཏེ་ཆུ་མཛོད་གསར་རྒྱག་ལས་གཞིའི་ཁྲོད་བོད་ཀྱི་རང་བྱུང་ཁོར་ཡུག་ལ་དོ་ཕོག་གཏོང་བཞིན་པའི་གནད་དོན་ཆེད་བཀོད་ཀྱིས་སྐྱོན་བརྗོད་ནན་པོ་གནང་འདུགདེ་བཞིན་བོད་དོན་ཆེད་མཁས་པ་དང་རྩོམ་པ་པོ་སྐུ་ཞབས་ Claude Arpi ལགས་ཀྱིས་དེ་རིང་ཞི་ཅིན་ཕིང་གིས་ལྷ་སར་ལྟ་སྐོར་བྱས་པ་དང་འབྲེལ་བའི་དཔྱད་གཏམ་ཞིག་འདོན་སྤེལ་གནང་བར་དུས་རྒྱུན་བོད་གཙོས་གྲངས་ཉུང་མི་རིགས་ཀྱི་ས་གནས་ཁག་ཏུ་རྒྱ་ནག་གི་འགོ་ཁྲིད་ Wang Yang གཏོང་སྲོལ་ཡོད་ཀྱང་། ད་རེས་ཞི་ཅིན་ཕིང་དངོས་སུ་བོད་ཀྱི་རྒྱལ་ས་ལྷ་སར་བསྐྱོད་པ་དེས་བོད་ཀྱི་གནད་དོན་དེ་རྒྱ་ནག་ལ་གལ་ཆེན་པོ་ཞིག་ཆགས་ཀྱི་ཡོད་པ་མཚོན་པ་དང་ལྷག་པར་དུ་རྒྱ་གར་གྱི་ངོས་ནས་བལྟས་ན། ཞི་ཅིན་ཕིང་ཡར་ཀླུངས་གཙང་པོ་དང་དེའི་ཉེ་འཁོར་ལ་ལྟ་ཞིབ་བྱས་པ་དེས་རྒྱ་ནག་གཞུང་གི་འཆར་གཞིའི་ནང་ཡོད་པའི་ཆུ་མཛོད་གསར་རྒྱག་ ལས་གཞི་ཁག་རྒྱུན་འཁྱོངས་ཀྱི་བརྡ་ལན་ཞིག་ཀྱང་མཚོན་སྟབས། ཁོར་ཡུག་དང་བདེ་འཇགས་ཀྱི་ཆ་ནས་རྒྱ་གར་ལ་མཚོན་ན་དོ་སྣང་བྱེད་དགོས་པའི་གནད་དོན་གལ་ཆེན་ཞིག་ཡིན་པ་མ་ཟད་ཉིང་ཁྲི་དང་ལྷ་སའི་མེ་འཁོར་ལྕགས་ལམ་ལ་ལྟ་ཞིབ་དང་དཔུང་དམག་གི་འཐུས་ཚབ་ཁག་དང་ཐུག་འཕྲད་བྱས་པ་དེས་རྒྱ་གར་བྱང་ཤར་ཁུལ་གི་གནད་དོན་དང་འབྲེལ་རྒྱ་གར་གྱི་ངོས་ནས་ཐུགས་སྣང་གནང་དགོས་པའི་གནད་དོན་གལ་ཆེན་ཞིག་རེད་ཅེས་གསུངས་འདུགཉེ་ཆར་ཞི་ཅིན་ཕིང་བོད་ཀྱི་རྒྱལ་ས་ལྷ་ས་དང་ཀོང་པོ་ཉིང་ཁྲི་བཅས་སུ་ལྟ་སྐོར་བྱེད་བཞིན་སྐབས་རླུང་འཕྲིན་ཁང་གིས་བོད་ཀྱི་གྲོགས་པོ་རྒྱ་གར་གྱི་རྩོམ་པ་པོ་དང་གསར་འགོད་པ་སྐུ་ཞབས་ Vijay Kranti ལགས་སུ་དེ་འབྲེལ་བཀའ་འདྲི་ཞུས་པར་ཞི་ཅིན་ཕིང་གི་ལྟ་སྐོར་འདི་དང་ཉེ་ཆར་དམར་ཤོག་ཚོགས་པ་བཙུགས་ནས་ལོ་ ༡༠༠ འཁོར་བའི་སྐབས་ཀྱི་གཏམ་བཤད་སོགས་ཕྱོགས་གང་ནས་བལྟས་ཀྱང་། ཞི་ཅིན་ཕིང་གིས་སྣེ་ཁྲིད་པའི་རྒྱ་ནག་གི་དམག་མི་ལ་དྭགས་ཁུལ་བཙན་འཛུལ་བྱེད་མ་ཐུབ་པའི་ཕམ་ཉེས་ཀྱི་གནད་དོན་དང་། ད་ལྟའི་༸གོང་ས་མཆོག་གི་མཚན་སྙན་གཟི་བརྗོད་ཁྲོད་མ་འོངས་པར་རྒྱ་ནག་གི་ངོས་ནས་༸སྐུའི་ཡང་སྲིད་ཀྱི་གནད་དོན་ཐོག་ཐེ་བྱུས་བྱེད་ཐུབ་མིན་གྱི་འཇིགས་སྣང་ཁྲོད་ད་རེས་ཞི་ཅིན་ཕིང་རང་ཉིད་ཀྱི་ངོ་སྲུང་དང་སྣང་བརྙན་བསྐྱར་གསོ་ཐུབ་རྒྱུར་དམིགས་པ་ཞིག་རེད་ཅེས་གསུངས་ཡོད།སྲིད་འཛིན་ཞི་ཅིན་ཕིང་དེ་སྔ་ ༢༠༡༡ ལོར་རྒྱ་ནག་གི་སྲིད་འཛིན་གཞོན་པའི་ངོ་བོའི་ཐོག་ནས་རྒྱ་ནག་གིས་བོད་ས་བཙན་བཟུང་བྱས་ནས་ལོ་ ༦༠ འཁོར་བ་དང་བསྟུན་བོད་ཀྱི་རྒྱལ་ས་ལྷ་སར་སྐྱོད་མྱོང་ཡོད་པ་མ་ཟད། སྐབས་དེར་ཁོ་པས་ཕོ་བྲང་པོ་ཏ་ལའི་མདུན་ནས་གཏམ་བཤད་སྤེལ་བའི་ཁྲོད་གྲངས་ཉུང་མི་རིགས་ཡོངས་དང་འབྲེལ་བ་དམ་ཟབ་ཐོག་ཏཱ་ལའི་རུ་ཚོགས་ཟེར་བའི་ཁ་བྲལ་གྱི་ལས་དོན་མཐའ་དག་ལ་གདོང་ལེན་བྱེད་དགོས་པ་སོགས་བཤད་ཡོད་པ་དང་། ཁོ་པ་རྒྱ་ནག་གི་སྲིད་འཛིན་ཆགས་པའི་རྗེས་སུ་འདི་ལོའི་ཕྱི་ཟླ་ ༦ པ་ནང་མཚོ་སྔོན་ཞིང་ཆེན་དུ་དབྱེ་བའི་མདོ་སྨད་རྐང་ཚ་དང་ཟི་ལིང་གྲོང་ཁྱེར་བཅས་སུ་སྐོར་བསྐྱོད་བྱས་པ་མ་ཟད། ད་རེས་རྒྱ་གཞུང་གིས་བོད་ཞི་བའི་བཅིངས་གྲོལ་ཟེར་བ་དེ་བཏང་ནས་ལོ་ ༧༠ འཁོར་བའི་དུས་ཚིགས་སྲུང་བརྩི་དང་འབྲེལ་ཏེ་བོད་ཀྱི་རྒྱལ་ས་ལྷ་ས་དང་ཀོང་པོ་ཁུལ་དུ་བསྐྱོད་ཡོད་པ་རེད།

ཉེ་བའི་ཆར་ཡོ་རོབ་མཐུན་ཚོགས་དང་དབྱིན་ཡུལ་གྱིས་མཚོན་པའི་རྒྱལ་སྤྱིའི་ཁྲོད་ཀྱི་གཞུང་དང་གཞུང་འབྲེལ་མིན་པའི་ཚོགས་སྡེ་ཁག་གིས་རིང་མིན་རྒྱ་ནག་ནང་འཚོགས་རྒྱུའི་ཕྱི་ལོ་ ༢༠༢༢ པེ་ཅིང་དགུན་དུས་ཨོ་རྩེད་འགྲན་ཚོགས་ལ་སྐྱོན་བརྗོད་ཀྱིས་གླེང་སློང་ཇེ་མང་དུ་གནང་བཞིན་པའི་ཁྲོད་འདིར་འདི་ག་སུད་སུ་ནང་གི་གཞུང་འབྲེལ་མིན་པའི་ཚོགས་པ་བཞིས་མཉམ་འབྲེལ་ཐོག་ནས་རྒྱལ་སྤྱིའི་ཨོ་རྩེད་མཐུན་ཚོགས་ནས་རྒྱལ་སྤྱིའི་དཔལ་འབྱོལ་མཉམ་འབྲེལ་སྒྲིག་འཛུགས་ཀྱི་རྩ་བའི་ལམ་སྟོན་དང་འགལ་ཏེ་ཕྱི་ལོ་ ༢༠༢༢ ལོའི་དགུན་དུས་ཨོ་རྩེད་འགྲན་ཚོགས་རྒྱ་ནག་ཚོགས་གནང་རྒྱུར་ཐག་གཅོད་གནང་བའི་ནོར་འཕྲུལ་ཅན་གྱི་བྱ་སྤྱོད་ལ་སྐྱོན་བརྗོད་ཀྱི་ཞུ་གཏུག་གནང་འདུགཐེངས་འདིའི་རྒྱལ་སྤྱིའི་ཨོ་རྩེད་མཐུན་ཚོགས་ལ་སྐྱོན་བརྗོད་ཀྱི་ཞུ་གཏུག་དེ་ཟླ་ ༧ ཚེས་ ༢༣ ཉིན་ཉི་ཧོང་གི་འཛམ་གླིང་ཨོ་རྩེད་འགྲན་ཚོགས་ཀྱི་དབུ་འབྱེད་མཛད་སྒོ་དང་བསྟུན་སུད་སིར་རྟེན་གཞི་བྱས་པའི་སུད་བོད་མཛའ་འབྲེལ་ཚོགས་པས་སྣེ་ཁྲིད་པའི་འོག་ཡུ་རོབ་བོད་རིགས་གཞོན་ནུ་མཐུན་ཚོགས། སུད་སི་དང་ལེག་ཊེན་སི་ཊེན་བོད་རིགས་མི་མང། སུད་སི་ས་གནས་བུད་མེད་ལྷན་ཚོགས་བཅས་ཀྱིས་སུད་སི་རྒྱལ་ས་སྦན་དུ་རྟེན་གཞི་བྱས་པའི་རྒྱལ་སྤྱིའི་དཔལ་འབྱོར་མཉམ་འབྲེལ་གོང་འཕེལ་འབྲེལ་མཐུད་ལས་ཁང་ལ་ཞུ་གཏུག་གནང་ཡོད་པ་རེད།ཐེངས་འདིའི་ཞུ་གུཏུག་གི་ལས་འགུལ་སྣེ་ཁྲིད་གནང་མཁན་སུད་བོད་འཛའ་འབྲེལ་ཚོགས་པའི་ཚོགས་གཙོ་ Thomas Buchli ལགས་ཀྱིས་རྒྱལ་སྤྱིའི་ཨོ་རྩེད་མཐུན་ཚོགས་ནས་རང་ཉིད་རྩ་བའི་ལྟ་གྲུབ་སྲུང་སྐྱོབ་གནང་ཐུབ་མེད་པ་རེད། མཐུན་ཚོགས་ནས་དེ་སྔ་ཕྱི་ལོ་ ༢༠༠༨ ལོའི་པེ་ཅིང་ཨོ་རྩེད་འགྲན་ཚོགས་རྗེས་སུ་རྒྱ་ནང་གི་འགྲོ་བ་མིའི་ཐོབ་ཐང་ལ་ཡར་རྒྱས་འགྲོ་བའི་རེ་བ་དང་ཡིད་ཆེས་གནང་ཡོད་པ་དང་། ནུབ་ཕྱོགས་རྒྱལ་ཁབ་ཚོས་དེ་བཞིན་རྒྱ་ནག་ཐོག་ཡིད་ཆེས་བློས་འགེལ་གནང་ཡོད། འོན་ཀྱང་དོན་དངོས་ཐོག་ ༢༠༠༨ ལོའི་རྩེད་འགྲན་རྗེས་བོད་ནང་དྲག་གནོན་དང་དམ་དྲག་བྱེད་ཤུགས་ཆེ་རུ་བཏང་སྟེ་འགྲོ་བ་མིའི་ཐོབ་ཐང་གི་གནས་བབ་ཇེ་ཞན་ཇེ་སྡུག་སྡུག་ཏུ་ཕྱིན་ཡོད་པ་རེད། རྒྱ་གཞུང་གིས་དེ་ལྟ་བུའི་སྤེལ་བཞིན་པའི་བྱ་སྤྱོད་དང་གནས་སྟངས་ཁག་མཐོང་བཞིན་དུ་རྒྱལ་སྤྱིའི་ཨོ་རྩེད་མཐུན་ཚོགས་མིག་བཙུམ་ནས་བསྐྱར་དུ་ ༢༠༡༥ ལོར་༢༠༢༢ ལོའི་དགུན་དུས་ཨོ་རྩེད་འགྲན་ཚོགས་དེ་རྒྱ་ནག་ཏུ་འཚོགས་རྒྱུར་ཐག་གཅོད་གནང་བ་རེད། དེསན་བྱ་སྤྱོད་དེས་རྒྱལ་སྤྱིའི་ཨོ་རྩེད་མཐུན་ཚོགས་ནས་འགྲོ་བ་མིའི་ཐོབ་ཐང་གི་གནས་བབ་ཆེས་ཞན་པའི་ནག་ཉེས་བགས་པ་ཞིག་ཆགས་པར་བརྟེན་ད་ལན་ང་ཚོས་འབྲེལ་ཡོད་སུད་སིར་ཡོད་པའི་རྒྱལ་སྤྱིའི་དཔལ་འབྱོར་མཉམ་འབྲེལ་སྒྲིག་འཛུགས་འབྲེལ་མཐུད་ལས་ཁུངས་བརྒྱུད་རྒྱལ་སྤྱིའི་ཨོ་རྩེད་མཐུན་ཚོགས་ལ་རང་ཉིད་ཀྱི་གཞི་རྩའི་འགྲོ་བ་མིའི་རིན་ཐོབ་ཐང་གི་ལྟ་གྲུབ་སྲུང་སྐྱོབ་གནང་རྒྱུའི་འགན་འཁྲི་ཡོད་པར་དྲན་སྐུལ་བསྐྱར་ནན་གནང་ཆེད་ཞུ་གཏུག་གི་ལས་འགུལ་དེ་སྤེལ་ཡོད་སྐོར་གསུངས་ཡོད། སྐབས་དེའི་ཞུ་གཏུག་དང་འབྲེལ་ནས་ཚོགས་པ་བཞིས་སྤྱིར་བསྒྲགས་སྤེལ་བར་རྒྱ་གཞུང་ནས་བོད་དང་ཧོང་ཀོང། ཤར་ཏུ་ཀི་སིཐན། ནང་སོག་བཅས་ནང་གི་མང་ཚོགས་ཀྱི་གཞི་རྩའི་འགྲོ་བ་མའི་ཐོབ་ཐང་རྩིས་མེད་རྡོག་རོལ་ཚབས་ཆེན་གཏོང་བཞིན་ཡོད་པ་རྒྱལ་སྤྱིིའི་ཨོ་ལམ་པིཀ་མཐུན་ཚོགས་ཀྱི་ངོས་ནས་ཤེས་བཞིན་དུ་མང་ཚོགས་ཀྱི་རང་དབང་དང་ཐོབ་ཐང་སྲུང་སྐྱོབ་གནང་རྒྱུ་ལས་ལྡོག་ནས་ཕྱི་ལོ་ ༢༠༢༢ ལོའི་དགུན་དུས་ཨོ་རྩེད་འགྲན་ཚོགས་དེ་རྒྱ་ནག་ཏུ་གནང་རྒྱུའི་བདག་དབང་གནང་བ་ནི་མཐུན་ཚོགས་ཀྱི་རྩ་བའི་བཞེངས་ཕྱོགས་དང་ཡོངས་སུ་འགལ་བ་ཡོད་པ་མ་ཟད་ལྷག་པར་དུ་རྒྱལ་སྤྱིའི་ཨོ་རྩེད་མཐུན་ཚོགས་ནས་རྒྱལ་སྤྱིའི་དཔལ་འབྱོར་མཉམ་འབྲེལ་ཡར་རྒྱས་མཐུན་ཚོགས་ཀྱི་རྩ་བའི་ལམ་སྟོན་དང་འགལ་བ་ཞིག་ཀྱང་ཆགས་ཡོད་པར་སྐྱོན་བརྗོད་གནང་འདུག གཞི་རྩའི་ཕྱི་ལོ་ ༢༠༢༢ ལོའི་པེ་ཅིང་དགུན་དུས་ཨོ་ལམ་པིཀ་རྩེད་འགྲན་འཚོགས་རྒྱུའི་གནད་དོན་དང་འབྲེལ་ནས་ཨ་རི་དང་ཁེ་ན་ཌ། དབྱིན་ཡུལ། དེ་བཞིན་ནི་ཐར་ལན་ཌི་ལ་སོགས་པའི་རྒྱལ་སྤྱིའི་གཞུང་ཚོགས་མང་དག་ཅིག་གིས་རྒྱ་ནག་གཞུང་གིས་བོད་མི་གཙོས་ཡུ་གུར་མི་རིགས་བཅས་གྲངས་ཉུང་ཐོག་གཉེར་བཞིན་པའི་བྱ་སྤྱོད་དེ་དག་མི་རིགས་རྩ་མེད་གཏོང་རྒྱུའི་བྱ་སྤྱོད་ཡིན་པར་སྐྱོན་བརྗོད་ཀྱིས་འགྲེལ་བརྗོད་སྔ་རྗེས་སུ་གནང་བའི་ཐོག་རྒྱ་ནག་ཏུ་དགུན་དུས་ཀྱི་ཨོ་རྩེད་འགྲན་ཚོགས་གནང་རྒྱུའི་གནས་བབ་མེད་པ་དང་། རྒྱལ་སྤྱིའི་དབུ་ཁྲིད་གཙོས་རྩེད་འགྲན་པ། དེ་བཞིན་གོ་སྒྲིག་གནང་མཁན་ཡོངས་ནས་དགུན་དུས་ཨོ་རྩེད་ལ་རྒྱབ་སྐྱོར་གནང་མཚམས་འཇོག་དགོས་ཞེས་བསྒྲགས་གཏམ་རིམ་ཁག་སྤེལ་ཡོད་པ་མ་ཟད། རྒྱལ་སྤྱིའི་ས་གནས་གང་སར་དེ་འབྲེལ་རྣམ་པ་འདྲ་མིན་ཐོག་ནས་ལས་འགུལ་རབ་དང་རིམ་པ་སྤེལ་མུས་ཡིན་པ་དང་། ལྷག་དོན་ཉེ་བའི་ཆར་ཡུ་རོབ་གྲོས་ཚོགས་སུ་ཚད་མཐོའི་མང་མོས་དང་དབྱིན་ཡུལ་གྲོས་ཚོགས་སུ་སྤྱི་མོས་ཀྱིས་གྲོས་ཆོད་ཅིག་གཏན་འབེབས་དང་འབྲེལ་ཕྱི་འབྲེལ་དཔོན་རིགས་དང་གཞུང་འབྲེལ་སྐུ་ཚབ་རྣམས་ཀྱིས་རྒྱ་ནག་གི་འགྲན་ཚོགས་དེར་ཞུགས་རྒྱུ་མེད་པའི་ཞུ་སྐུལ་གནང་ཡོད་པ་རེད།

བོད་ཀྱི་བེུད་ལྷན་ཚོགས་ཀྱིས་རྒྱ་ནག་གཞུང་གིས་དམར་ཤོག་ཚོགས་པ་གསར་འཛུགས་བྱས་ཏེ་ལོ་ངོ་ ༡༠༠ འཁོར་བའི་རྗེས་དྲན་སྲུང་བརྩི་དང་བོད་བཙན་བཟུང་བྱས་ཏེ་ལོ་ངོ་ ༧༠ འཁོར་བ་བཅས་སུ་སྲིད་འཛིན་ཞི་ཅིན་ཕིང་གློ་བུར་དུ་བོད་ལ་བསྐྱོད་པ་བཅས་རྒྱ་གཞུང་གིས་མིའི་ཁྲག་རོའི་སྟེང་ལ་དགའ་དགའ་སྤྲོ་སྤྲོ་བྱས་ན་འགྲིག་གི་ཡོད་དམ་ཞེས་གསུངས་སོང་། རེས་གཟའ་པ་སངས་ཉིན་བཞུགས་སྒར་དྷརྨ་ས་ལར་རྟེན་གཞི་བྱས་པའི་དབུས་བོད་ཀྱི་བེུད་ལྷན་ཚོགས་ཀྱི་ཚོགས་གཙོས་དབུས་པའི་རྒྱུན་ལས་ཁག་ཅིག་རྒྱ་གར་གྱི་རྒྱལ་ས་ལྡི་ལིར་ཆེད་ཕེབས་གནང་སྟེ་ཁུལ་འདིར་ཡོད་པའི་སྟོབས་ཆེན་རྒྱལ་ཁབ་ཁག་ལྔ་གཙོས་མཉམ་འབྲེལ་རྒྱལ་ཚོགས་བཅས་ཀྱི་ལས་ཁུངས་སུ་ཆེད་བཅར་ཞུས་ཡོད་པ་དང་། རྒྱུན་ལས་རྣམ་པས་རྒྱལ་ཁབ་དེ་དག་གི་གཞུང་ཚབ་ཁང་སོ་སོར་ཞུ་སྙན་ཞིག་འབུལ་ལམ་ཞུས་ཡོད་པ་རེད།ཞུ་སྙན་དེའི་ནང་རྒྱ་ནག་གཞུང་གིས་བོད་ནང་གི་བོད་མི་ཚོའི་གཞི་རྩའི་འགྲོ་བ་མིའི་ཐོབ་ཐང་རྩིས་མེད་རྡོག་རོལ་གཏོང་བཞིན་ཡོད་པ་མ་ཟད་བོད་མིའི་ཆོས་དད་རང་དབང་དང་བོད་ཀྱི་རང་བྱུང་ཁོར་ཡུག་གང་བྱུང་དུ་བཀོལ་སྤྱོད་བྱས་པ། ལྷག་པར་དུ་དེང་སྐབས་བོད་ཀྱི་འབྲོག་པའི་རྒྱུན་སྲོལ་འཚོ་བ་མེད་པ་བཟོ་ཐབས་བྱེད་ཀྱི་ཡོད་པ་སོགས་ཀྱི་རྒྱབ་ལྗོངས་གནས་ཚུལ་ཁག་ཅིག་ཆེད་བཀོད་ཀྱིས་བོད་ཀྱི་བདེན་པའི་འཐབ་རྩོད་སེལ་ཐབས་སུ་དགོས་འདུན་དོན་ཚན་ལྔ་ཅན་ཞིག་མངོན་གསལ་གནང་ཡོད་པ་རེད།ཚོགས་གཙོ་བསྟན་འཛིན་སྒྲོལ་མ་ལགས་ཀྱིས་རྒྱ་ནག་གཞུང་གིས་དམར་ཤོག་ཚོགས་པ་གསར་འཛུགས་བྱས་ཏེ་ལོ་ངོ་ ༡༠༠ འཁོར་བ་དང་བོད་ཞི་བས་བཅིངས་གྲོལ་ཟེར་བ་བཏང་ནས་ལོ་ ༧༠ འཁོར་བ་བཅས་ཀྱི་རྗེས་དྲན་སྲུང་བརྩི་ཆེད་དུ་བོད་མི་དང་ཡུ་གུར་གཙོས་མི་རིགས་གཞན་ཚོའི་ཁྲག་རོའི་སྟེང་ལ་དགའ་དགའ་སྤྲོ་སྤྲོ་བྱས་ན་འགྲིག་གི་ཡོད་དམ་ཞེས་གསུངས་སོང་། བེུད་ལྷན་ཚོགས་ཀྱི་ངོས་ནས་མཉམ་འབྲེལ་རྒྱལ་ཚོགས་ཀྱིས་དབུས་པའི་རྒྱལ་ས་ལྡི་ལིར་ཡོད་པའི་སྟོབས་ཆེན་རྒྱལ་ཁབ་ཀྱི་གཞུང་ཚབ་སོ་སོར་ཕུལ་བའི་ཞུ་སྙན་གྱི་དགོས་འདུན་ནང་དུ་སྟོབས་ཆེན་རྒྱལ་ཁབ་ཚོས་ཕྱི་ལོ་ ༢༠༢༢ ལོར་རྒྱ་ནག་གི་རྒྱལ་ས་པེ་ཅིང་དུ་འཚོགས་གཏན་འཁེལ་བའི་དགུན་དུས་ཨོ་ལམ་པིཀ་རྩེད་འགྲན་དེ་ཕྱིར་འཐེན་ཡོང་ཐབས་གནང་དགོས་པ། རྒྱ་ནག་གིས་དབང་ཆ་ལོག་སྤྱོད་བྱས་ནས་བོད་དང་ཧོང་ཀོང་བཅས་ཀྱི་འགྲོ་བ་མིའི་ཐོབ་ཐང་རྩིས་མེད་རྡོག་རོལ་གཏོང་བཞིན་པར་བར་འདུམ་ཡོང་ཐབས། གར་སོང་ཆ་མེད་དུ་གྱུར་བའི་༸ཀུན་གཟིགས་པཎ་ཆེན་རིན་པོ་ཆེའི་གནད་དོན་དེ་ཕྱི་གསལ་ནང་གསལ་ཡོང་ཐབས། འཛམ་གླིང་གི་སྣེ་མོ་གསུམ་པར་གྲགས་པའི་བོད་ཀྱི་ཁོར་ཡུག་སྲུང་སྐྱོབ། རྒྱ་ནག་གཞུང་ལ་བོད་རྒྱའི་དཀའ་རྙོག་སེལ་ཐབས་སུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་དང་ཡང་ན་དབུས་བོད་མིའི་སྒྲིག་འཛུགས་དང་ལྷན་དུ་ཞི་མོལ་ཡོང་ཐབས་བཅས་གནང་དགོས་པའི་འབོད་སྐུལ་ཞུས་འདུགཁ་སང་ཕྱི་དྲོ་ད་དུང་དབུས་བོད་ཀྱི་བེུད་ལྷན་ཚོགས་ཀྱི་རྒྱུན་ལས་ཁག་ཅིག་རྒྱལ་ས་ལྡི་ལིར་ཆེད་ཕེབས་གནང་ཡོད་པ་དང་བསྟུན་ལྡི་ལི་ས་གནས་ཀྱི་བེུད་ལྷན་ཚོགས་དང་མཉམ་དུ་བོད་སྒར་བསམ་ཡས་གླིང་དུ་མར་མེའི་ཁྲོམ་སྐོར་གྱི་ལས་འགུལ་ཞིག་ཀྱང་གོ་སྒྲིག་གནང་ཡོད་པ་ལྟར་སྐབས་དེར་དབུས་བོད་ཀྱི་བེུད་ལྷན་ཚོགས་ཀྱི་ཚོགས་གཙོས་ས་གནས་ཀྱི་མང་ཚོགས་ལ་ལས་འགུལ་དེའི་དགོས་དམིགས་གང་ཡིན་སོགས་དང་འབྲེལ་བའི་གསུང་བཤད་གནང་ཡོད།

ཉན་པ།: Listen ཕབ་ལེན། Download བློ་གསར་གཞོན་ནུའི་ལས་རིམ། ཡུ་ཊུབ་དྲྭ་རྒྱ་སྤྱོད་དེ་སྤྱིར་སྨན་ཕྱག་ལས་གནང་བའི་གཞོན་སྐྱེས་གསུམ་དང་གླེང་མོལ། Sunday 25/07/2021 Young Minds Social Work through Youtube: In conversation with Tibetan youtubers who give back

ཉན་པ།: Listen ཕབ་ལེན། Download ཅིའི་ཕྱིར་སང་ལོའི་རྒྱ་ནག་གི་ཨོ་རྩལ་འགྲན་ཚོགས་ལ་རྒོལ་བ། Saturday 24/07/2021 WHY # No olympics 2022